CONCUPISCENCE

substantif féminin

[T-L : concupiscence ; GDC : concupiscence ; AND : concupiscence ; FEW (II-2, 1015a) : concupiscentia ; TLF (V, 1264b) : concupiscence]

A. -Désir ardent.

L'AME. Tes paroles si me ont enflammé, j'ay conseu l'ardour d'elles et me eschauffant en mes interioyres concupissances et en icelles me eslevent forment. (Crap., Cur Deus, De arrha B.H., c.1450-1460, 266)

Désir, convoitise de qqc..

Et en telles choses est superhabundance et deffaute et moien, si comme sont avoir paour ou hardiesce, avoir concupiscence ou la fuir, soy courroucier, avoir misericorde et universelment avoir delectacion et tristece. (Oresme, E.A., c.1370, 161)

Mais toutesvoies, se il a opinion et non pas science et la suspicacion ou opinion ou assentement n'est pas fort contre ce a quoy l'appetit trait, mais est foible et remis, aussi comme ont ceuz qui doubtent ; donques li devroit il estre pardonné se il ne demeure pas en tel opinion doubteus et se il en ist hors par tres fortes concupiscences. (Oresme, E.A., c.1370, 366)

Et afin que nul n'entende que nous soions venus pour quelque ambicion ou concupiscence d'avoir l'administracion et gouvernement de ce royaume, et que nous vueillons aucunement endommager la bonne ville de Paris, sommes prestz et appareillez d'entretenir tout ce que par l'ordonnance du Roy avons juré et promis (Doc. 1413. In : MONSTRELET, Chron. D.-A., t.2, c.1425-1440, 434-435)

...non pas par ambicion ou concupiscence d'avoir aucune nouvelle dominacion en ce royaume (Doc. 1414. In : MONSTRELET, Chron. D.-A., t.6, c.1444-1453, 140)

Mauvaise concupiscence

...nous deuons retrancher en nous toute mauaise concupiscence, soit d'orgueil, soit d'avarice, soit de luxure (Cib., Traité du Saint Sacrement de l'autel M., c.1450. In : Romania 86, 1985, 372)

...la vertu de sa chasteté [de Marie] tresperçoit tous ceulx qui la regardoient et estoit hors d'iceulx toute mauvaise concupisance. (Batallier, Lég. dorée D.-L., 1476, 300)

Concupiscence de mal

La IIJe. trinité est en laquelle chut l'homme par son pechié d'inobedience, c'est a scavoir ignorance de verité, impotence de bien, c'est a dire difficile, fraile et impotent a bien faire, et concupiscence de mal, par quoy l'homme est enclin et prest a mal faire. (Somme abr., c.1477-1481, 126)

B. -Désir des choses terrestres.

...et d'autre part li sovient [à l'âme dévote] de ceste valee de misere, du faulz monde et de ses concupissences (Mézières, Test. G., 1392, 301)

Pemperance (...) te vient suader de continence, disant qu'elle est moult propre pour fuir les delis de ce monde et auxquelz nature de soy est tost encline, ne fust la restriction que elle y met, tant en la concupiscence du coer et de la char, comme en folle vaine gloire de ce monde dont par non se sçavoir contenir a point, on s'enyvre. (Chastell., Temple Boc. B., 1463-1464, 177)

...la topasse se departi de l'eglise et s'en retourna ou monde, ouquel il fut tantost prins et envelopez des illicites concupiscences qui y regnent et ainsi se exposa a toutes vanitez. (Colart Mans., Dial. créat. R., 1482, 110)

...les concupiscences de ce monde sont les naufrages et periclitacions des religieux. (Colart Mans., Dial. créat. R., 1482, 111)

C. -Désir charnel, penchant aux plaisirs sensuels.

Si la vëoient ombroier [Susanne] Tous les jours et esbanoier Li vieillart plein d'iniquité, Si qu'en ordure et en vilté, En ardeur, en concupiscence, Par desir, par fole plaisence Furent puis pour l'amour de li, Tant lor pleü et abelly. (Mach., C. ami, 1357, 5)

Biauté t'a pris et deceü Et concupiscence esmeü Et ton cuer ont si retourné Qu'a tous maus faire t'ont tourné, Quant a tort Susanne jugas. (Mach., C. ami, 1357, 14)

...car pour delectacion et concupiscence acomplir, nous faisons mauvaises operacions et pour tristece eschiver et eviter nous laissons a faire bonnes oeuvres et nous en departons. (Oresme, E.A., c.1370, 152)

Des concupiscences les unes sont communes, les autres sont propres et adjoustees. (Oresme, E.A., c.1370, 223)

Les unes [brebis] sont livrees en la gueule des loups d'enfer pour estrangler. Les autres trebuschent es fosses de ire ou de impacience. Les autres sont arces ou eschaudees par la chaleur de mauvaise concupiscence. (Gers., P. Paul, a.1394, 491)

La cause foraine, c'est come concupiscence et embracher femmes et seoir sur pierres froide et les semblables (Gordon, Prat., c.1450-1500, VII, 3)

Concupiscence de la chair/concupiscence charnelle

Premier a la concupiscence De la char garde n'obeis (Mir. st Guill., c.1347, 48)

Mez Diex a fait celle loy de nature, que tout honme qui est engendré de semence humaine, par concupiscence charnelle d'onme et de fame, si est entechié du pechié originel (Songe verg. S., t.2, 1378, 251)

Par métonymie. Plaisir charnel.

Car en la joye de paradis advenir ne promist il [Mahommet] aultre chose fors charnelz delitz et concupiscence de corps et des yeulx, boire, menger delicativement, et cohabiter avecquez belles femmes, abandonnez richesses, vaisseaux et rivieres de lait et de miel, et toutes aultres mondaines delices, qui sont contraires a l'estat de perfection et de gloire, et communes aux hommes et aux pourceaux (Chart., L. Esp., c.1429-1430, 120)

Desir de concupiscence

...ce feust grant chouse que nul homme Tant feust plain de folle plaisance N'eust en elle [la Vierge] voulloir en somme Ne desir de concupiscence. (MART. D'AUV., Mat. Vierge L.H., c.1477-1483, 55)