COMPTOIR

substantif masculin

[GD : comptoir ; GDC : contoir ; FEW (II-2, 992b) : computare ; TLF (V, 1222a) : comptoir]

A. -Jeton pour compter. (synonyme jetoir)

Messire Gautier, pour comptoers et une bourse à les mettre, 12d. (Comptes argent. rois Fr. D.-A., I, 1359-1360, 230)

Et (...) dist à elle qu'il parle qui lui donrroit trois escuz d'or. Et, de fait, lui bailla trois pieces que elle cuidoit estre escuz, et cuida estre telx plus d'un jour après ce qu'il les lui ot baillées, et lesquelx IIJ pieces n'estoient que comptoirs (Reg. crim. Chât., I, 1389-1392, 477)

À Jehanin Coquet, clerc dudit Jehan Noident, la somme de cent frans à lui baillez et delivrez comptans pour papier, parchemin, encre, cire et couptoirs qu'il lui a convenu achetter et payer pour convertir et emploier es besongnes et affaires de monseigneur touchans ladicte recepte generale (Comptes Etat bourg. M.F., t.1, 1419, 89)

Et ce fait, s'en vint ledit Guidier à la dame dudit suppliant et luy aporta ung gectouer ou contouer en forme de monnoye (Doc. Poitou G., t.10, 1462, 402)

B. -Table sur laquelle on donne et reçoit de l'argent.

...il [Simon Vuiton] avoit esté présenz là où Phelipes de Trone avoit paié quarante soulz au dit viconte pour une amande d'eschequier (...) et les avoit aidiez à compter et à recevoir en l'ostel du dit viconte et à son contoer (Cartul. Hôtel-Dieu Cout. L., 1333, 160)

...demanda audit Jehan qui parle, où estoit (...) Bonnelle, son oncle ; liquiex respondi qu'il estoit en son comptoer, en sa chambre (Conf. Jug. Parlem. Paris L.L., 1339, 140)

...II grans comptoirs et une cayère tout de bois d'Yerlande (Comptes Lille L., t.1, 1385-1386, 9)

...IIJ ans a ou environ, il (...) rompi de jour la serrure du comptoir ouquel l'en avoit acoustumé à faire les comptes dudit seigneur d'Amboise, ouquel comptoir il mal print et embla XXV s. ou environ qu'il trouva sur ledit comptoir. (Reg. crim. Chât., II, 1389-1392, 273)

Item, un petit contoir sans guichet, de IIJ piez de long ou environ (Fauq., III, Pièces diverses, 1438, LXXX)

Ou comptoer de ladicte chambre. Ung petit banc à deux huissez et ung marchepié, prisé 30 s. Item, ung burel garny de drap vert, prisé 15 s. (Aff. Jacques Coeur M., 1453-1457, 114)

...après la feste de l'entrée de monseigneur l'arcevesque de Bourges (...) le dit Cuer mist et lessa en ung comptoer bas de son dit hostel, près la salle, une grant ymage de la Magdeleine, ne scet se elle estoit d'or ou d'argent doré, et n'est recors s'il y avoit de la pierrerie ou non. (Aff. Jacques Coeur M., 1453-1457, 150)

Lequel Nicolas m'a respondu que tout est par devers ledit Dandrea, son gendre, qui est en Catheloigne, mais qu'il le mandera voulentiers venir icy ou qu'il envoye les clefs de ses comptouers où sont les cédulles et besongnes dudit édiffice. (Aff. Jacques Coeur M., 1453-1457, 166)

...ung meschant comptouer de sapin avec le siège où il n'y a point de façon, 5 s. (Aff. Jacques Coeur M., 1453-1457, 416)

C. -Par métonymie.

1.Pièce où se trouve le comptoir et où se font les paiements.

Pour ediffier et faire un comptouer ou chastel de Valloignes, lequel estoit neccessaire pour le fait de la recepte du lieu (Compte Navarre I.P., 1367-1371, 308)

À Enart de Trye, natier, (...) la somme de 19 s. p., (...) pour avoir assis les nattes des deux chambres de ladicte ville qui avoient esté desnatées l'esté precedant, et pour 4 toises et demie de nates neufves mises tant en la reparacion desdites nates servans èsdites deux chambres, comme en natterons qui servent ès comptouers dudit hostel (Comptes Paris V.L.D., t.1, 1442-1443, 342)

...lesdiz Noir et Mazino (...), et eulx estans ou comptouer de sondit logeis, il qui parle présent, firent certaine compaignie de marchandie sur le fait de traficque d'argent, par laquelle compaignie ledit Noir devoit baillier audit Mazino 3.760 ducatz ou environ. (Aff. Jacques Coeur M., 1453-1457, 480)

...À Oudin Harelle, serreurier, pour une forte serrure par luy faictes et livrées, garnies de ses clefs, pour fermer à l'uis du comptouer où se tient Martin de la Planche en l'Ostel de ladicte ville, pour ce que celle qui y estoit paravant avoit esté crochetée par malfaicteur (Comptes Paris V.L.D., t.1, 1456-1457, 928)

Entre les autres choses, iceluy argentier prit par la main messire Jacques de Lalaing (...) et le mena en un comptoir où il y avoit un moult grand nombre d'or et autres plusieurs riches joyaux et bagues. (Faits Lalaing K., c.1470, 159)

...item, a fait et livré ung bancselle et ung marchepié tout neuf, rassemblé et joinct ensemble deux grans aiz de boys estans oudit Hostel d'icelle, et d'iceulx faict et construict une table servant au comptouer de Robert Cailletel, commis de par Sire Denis Hesselin, receveur de ladicte ville, à la recepte (Comptes Paris M., t.2, 1488-1489, 490)

2.Service assuré dans un comptoir, action de recevoir et rendre de l'argent.

...IIc de gectoirs achattés de lui pour la necessité du comptoir de ladicte Argenterie. (Comptes argent. rois Fr. D.-A., II, 1387, 266)

3.Par extension. Cabinet de travail.

Quant ce m'eust dit, il print sa voye Et d'avecques moy se partoit ; Aprés entrer je le veoye En ung comptouer qu'il avoit ; La deça et dela queroit, En cherchant plusieurs vieux cayers (CH. D'ORLÉANS, Ball. C., c.1415-1457, 152)

Le XVe jour dud. moys de juillet. On comptouer d'en hault sur la rue de Courvoiserie, qui estoit le comptouer de retrait dud. deffunct : Ung grant coffre, (...) Onquel coffre a esté trouvé ce qui s'ensuit... (Invent. test. Surreau Foville F., 1435, 13-14)

...le dit petit enfant ou comptouer estant ou le clerc escripvoit, le procureur et maistre de leans survint (C.n.n., c.1456-1467, 152)

Table de travail, bureau.

Item dessus son comptouer, Couvert de verte serpillere, Avoit ung tres beau mirouer, Des getz et une escriptouere. (Hautev., Invent. biens B., c.1441-1447, 71)