CHRONIQUE

substantif féminin

[T-L : cronique1 ; GDC : chronique2 ; AND : cronike ; FEW (II-1, 657a) : chronica ; TLF (V, 778b) : chronique1]

Récit de faits historiques (qui suit l'ordre chronologique) ou qui prétend à l'authenticité historique.

Seigneur, or escoutés une istore vaillant De la vraie cronicque Godefroy le poissant (God. Bouillon R., t.2, c.1356, 536)

...toute foiz Ysidore dit, en sa cronique que ce Joachin regna .XI. ans (Chr. Piz., M.F., II, 1400-1403, 164)

Histoire vous orrés, et beaux mos et courtoys. Tout droit a Saint Denis, l'abië des François, La en fist le cronique mettre Charles le roys (Huon Bordeaux B., c.1400-1450, 4)

Bien a cil sa foy acquictié, Dont mainte cronique et dictié Ja composé Deust estre, car tant a osé Qu'il a corps et vie exposé, Sans estre lasche ou reposé (Chart., L. Dames, 1416, 222)

S'autrement faittes ou dittes, Voz conduittes Seront en honneur petites, Et maudittes En cronique et en hystoire. (Chart., L. Paix, a.1426, 412)

...et du surplus [Charles Ier] fut en grant peril, si comme dist la cronicque, dont en grant doulleur et tristresse abrega la fin de ses jours (La Sale, Salade, c.1442-1444, 164)

Toute leur cronique j'ay lue Que je [cuydoye] avoir pardue, Mais non est, par Dieu, vela cy. (Est., p.1460, 25)

Au vingt sixiesme an de mon aage, me delecté, en lieu de passe temps et d'eschever oysiveté, à escripre et mettre en forme de cronique plusieurs choses advenues oudit royaulme de France et aultres royaulmes voisins, depuis l'advenement du roy Loys, unziesme de ce nom, qui fut en l'an mil quatre cens soixante et ung, que trespassa le bon roy Charles, septiesme de ce nom, pere dudict roy Loys (Le Clerc, Interp. Roye, c.1502, 139)

Cy finist la cronicque du très crainct et redoubté roy Loys unzieme de ce nom, laquelle je, facteur de ce livre, dont le nom ne se apparest, aye faict mettre en forme deue selon la possibilité de mon entendement. (Le Clerc, Interp. Roye, c.1502, 400)

[Souvent au plur.]

...et moy suy en aulcuns pas radrechies auz coronikes delle grande engliese de Liege, et ay eüt l'avantage d'alconnes anchienes escriptures, rolles et cedulles, qui astoient en mains de mes predecesseurs et sont après leurs decès en mes mains parvenuez (Hemricourt, Miroir Hesb. B.B., 1353-1398, 2)

...c'est une chose toutte veritable, car on le treuve en escript en es anchiennes croniques de Bretaingne. (Froiss., Chron. M., XIV, c.1375-1400, 8)

...Jehans Froissars, acteres de ces croniques et histores, fui en ou roiaulme d'Escoce l'an de grace .MCCC. et .LXV. (Froiss., Chron. D., p.1400, 779)

C'est icy en verité belle response digne de vostre royale personne, digne d'un roy tres crestien (...), digne response a la parfin de estre escripte es croniques et remambree partout ! (Gers., Noël, p.1404, 312)

Au diziesme an de mon dolent exil, Aprés maint deueil et maint mortel peril, Et les dangiers qu'ay jusquez cy passés Dont j'ay souffert graces a Dieu assés, N'a pas granment es croniques lisoye, Et aux haulx faiz des anciens visoye, Qui au premier noble France fonderent (Chart., L. Esp., c.1429-1430, 1)

A exemples ne peulx tu faillir se tu lis lez volumes de la sainte Escripture, et les escrips dez hystoires, et croniquez de France (Chart., L. Esp., c.1429-1430, 134)

Et interim on pourra veoir en registres et croniques ce que on trouvera des solempnités et manieres tenues en l'entrée et advenement des Rois à Paris. (Fauq., III, 1431-1435, 21)

...ung chevalier, grant hystorien, et qui avoit veu toutes les cronicques d'Engleterre (Juv. Urs., T. crest., c.1446, 60)

Ainsi que ay trouvé aux cronicques, Qui sont tresnoblement escriptes De sa main (Est., p.1460, 25)

...après ce que Charles le Gros aisné filz du roy, eut occis et tué le filz du dit Ogier, nommé Baudouin, en esbatant et jouant aux eschez, comme racompte l'histoire plus amplement, icellui Ogier, avec le trouble de son filz, fut prins et mys en prison, mais non pas sans grant resistence. Si sont les causes et façons de son emprisonnement contenuz plus au long es livres et cronicques de ses gestes. (Bueil, I, 1461-1466, 76)

...et que aye aussi peu veoir plusieurs autres livres, dont n'ay peu trouver les noms des acteurs et autres plusieurs, dont l'on ne scet le temps et autres, desquelz croniques ne histoires ne font mencion (Simon De Phares, Astrol., c.1494-1498, f° 8 v°)

...a bien regarder les croniques et hystoires du temps passé (La Vigne, V.N., p.1495, 278)

Sire, je suis bien souvenant De ce que j'ay veu es cronicques De Romme qui sont autenticques, La ou il merque que les roys De Gaulle sont d'anciennes loix Subgetz a l'empire de Romme (Myst. st Laur. S.W., 1499, 126)

[Évoqué comme source (réelle ou supposée) de l'oeuvre littéraire, de la chanson de geste (tardive), du roman]

A cel temps donc je vous recorde Avint a Romme tel discorde Par envïeux entremetiers Que Valentinïen le tiers Qui tenoit adonques l'empire Fist par malvais conseil occire Agete, patrice de Romme, Qui moult estoit noble et prodomme Et avoit sommise Bourgoigne, Si com la cronique tesmoigne, A la seignourie rommaine (Tomb. Chartr. Trois contes S., c.1337-1339, 107)

...la vraie cronique si nous fait mencïon (Gir. Vienne D.B., c.1350-1400, 145)

Chy commenche canson (...) Faitte de miracle par verité ordonee. En la cronicque en est la verité trouvee. (Chev. cygne P., c.1356, 2)

...revenray au fait pour l'istore abriever, Ensi que la cronicque le nous fait raconter. (Chev. cygne P., c.1356, 12)

Et la cronicque dist, où on prist le rommant, Que ceste grant bataille ne dura mie tant C'uns cevaus fust alés deux lieues en courant, Quant tout ly Sarrasin y furent recréant (God. Bouillon R.B., t.3, c.1356, 503-504)

...ly vraye cronicque, où ly fait furent mis Qui s'ensievent au livre que j'ay à dire enpris, Temoingne que ly perez Huon (...), Fu noblez chevalier et d'Ollenois nouris. (Hugues Capet L., c.1358, 3)

...laquelle histoaire j'ay commencé selon les vrayes coroniques que j'ai euez tant de lui [Jehan, filz de roy de France] comme du conte de Salbery en Angleterre et plusieurs livres qui ont esté trouvez (Arras, c.1392-1393, 1)

...je l'ay fait [le récit] au plus justement que j'ay peu, selon les croniques que je cuide estre vrayes. (Arras, c.1392-1393, 2)

Laissons les atteurs ester et racontons ce que nous avons ouy dire et raconter a noz anciens, et que cestuy jour nous oyons dire qu'on a veu ou pays de Poictou et ailleurs, pour coulourer nostre histoire a estre vraye, comme nous le tenons, et qui nous est publiée par les vrayes croniques. (Arras, c.1392-1393, 3)

Et encores en sont yssus [de la noble lignée de Lusignan] ceulx de Pembroc en Angleterre, et ceulx de Cabrieres en Arragon, comme j'ay dessus dit, et ceulx de Cassenages du Daulphiné, et la Rochefoucaut, et ceulx de Cadillac, si comme on le treuve es anciennes croniques. (Arras, c.1392-1393, 294)