CHAPEAU

substantif masculin

[T-L : chapel2 ; GD : chapel1 ; GDC : chapel ; AND : chapel1 ; DECT : chapel2 ; FEW (II-1, 287b, 288b, 289a, 292) : cappellus ; TLF (V, 520b) : chapeau]

A. -Ce qui sert à couvrir la tête ou à l'orner.

1.Cercle de tête : diadème, bandeau de perles, de plumes....

Le damoysel avoit osté son chaperon ; Ses cheveulx reluisoient comme plume de paon, Ung chappel sur son chief avait tout environ, Dix pierres y avoit de si noble façon, Car plus fort reluisoient quë ung feu de charbon. (Hern. Beaul. D.B., c.1350-1400, 18)

...un chappel d'or à 4 troches de perles, en chascune troche 12 perles, 28 pièces de rubiz et ballis, 8 grosses esmeraudes, 5 autres moiennes, 8 autres petites et 8 dyamens (Comptes argent. rois Fr. D.-A., I, 1352, 168)

Item, cogneut avoir baillié à Berart de La Todie, qui est de la garnison de Chalucet, un chapperon de perles où il a IX fermaux d'or à perles et à pierre, un colier de perles, un chappel de perles qui vaut bien Vc frans (Reg. crim. Chât., II, 1389-1392, 212)

...et donna Melusigne a la contesse un si riche fermail d'or que c'estoit sans nombre, et a sa fille un riche chapel de perles a gros saphirs et rubiz, dyamans et autres pierres precieuses, si grant foison que tuit cilz qui le virent s'esmerveillierent de la richesse du fermail et du chappel. (Arras, c.1392-1393, 43)

La royne de Chippre estoit adont moult honorablement parée, et avoit ung moult noble et riche chappel d'or, de pierres et de perles sur son chief. (Voy. Jérus., c.1395, 86)

...certains joyeaux, c'est assavoir une ceincture, un chappeau d'or et une coiffe (Baye, I, 1400-1410, 55)

...adont le conte de Boulongne envoya querir ung riche coler d'or a madame de Boulongne et par son ordonnance fu presenté au conte d'Artois par sa fille, laquelle luy mist au col en disant : 'Monseigneur, comme au mieulx faisant de toutte la journee, lez damez vous font present de ce chapeau en vous priant que le veulliez prendre en gré.' (Comte Artois, c.1453-1467, 15)

2.Couronne, guirlande.

a)Chapeau de fleurs/d'herbe. Couronne de fleurs, d'herbe.

Amours trouva premier haulx instrumens, Chançons, dances, festes, esbatemens, Chappeaulx de fleurs, jolis habillemens, Joustes, essais, bouhours, tournoiemens, Prëaulx et treilles, Et tonnelles a courtine de fueilles (Chart., D. Fort., 1412-1413, 177)

LES ANGES lors preignent .II. dalmatiques rouges et .II. chapiaus de fleurs, et voisent chantant Exultet celum laudibus (Mart. st Pierre st Paul R., c.1430-1440, 154)

b)En particulier. Chapeau de roses. Guirlande de roses.

Un chappel de roses faisoit (Mir. march. larr., c.1349, 116)

Ly IIJ frère germain venoient chevauchant ; (...) Cascuns ot ung capiel de roses bien flariant ; Desur IIJ haus coursiers aloient galopant. (God. Bouillon R., t.2, c.1356, 37)

Mais chascune avoit un chappel (...) De roses doubles et vermeilles, Qui bien lor seoit a merveilles. (Mach., Voir, 1364, 334)

Buvons bon vin et precieux, et usons des ongnemens delicieux. Couvrons nos chiefz de chappeaulx de roses avant qu'elles soient flaitries et gardons que il n'y ait pré ne place ou nos plaisirs ne soient acomplis. (Horloge de sapience S., c.1389, 93)

Venus la deesse estoit et doit tousdiz estre, en lieu de couronne, d'un chapel de roses vermeilles de son droit couronnee (Evr. Conty, Eschez amour. mor. G.-T.R., c.1400, 635)

Redevance payée sous forme d'une couronne de roses.

Item, doivent avoir sur le pasnage de ladicte forest, quant il chiet, X sous, et semblablement sur le pasturage X sous, et un chapel de roses païéz par le viconte de Rouen ou son lieutenant comme frans jugeurs. (Hector De Chartres, Cout. R., 1398-1408, 47)

...et avecques ce, doit avoir à disner franchement, et un chapel de roses le jour de la Trinité (Hector De Chartres, Cout. R., 1398-1408, 55)

HÉRALDIQUE Motif en forme de couronne, de guirlande.

Et faissoit porter son pennon devant lui tout desvolepet, armoiiet de ses armes, et portoit de noir à trois cappiaulx d'argent. (Froiss., Chron. R., X, c.1375-1400, 287)

Petit cadeau fait à une fille au moment de son mariage, qui l'exclut de la succession.

Gentil homme peut bien donner à sa fille en mariaige plus grant mariaige que advenant ; car il lui pourroit bien donner la tierce partie de sa terre et non plus, posé qu'il ne lui en appartenist par suctession que le quart, le quint, le VIe, le VIIe, ou plus ou moins. Mais aussi s'il lui donne moins en mariaige qu'il ne lui fust escheu de sa sustession [l. suscession] , et ne lui eust donné que ung chappeau de rouses, mais qu'elle fust mariée en paraige, c'est assavoir noblement, si ne peut elle jamès riens demander en succession de pere, de mere, de ayeul ne de ayeulle tant comme il y ait hoir masle (Cout. instit. Anjou Maine B.-B., t.2, 1437, 291)

Chapeau (d'espines). Couronne d'épines posée sur la tête de Jésus.

MAL LARRON. Cuides tu que moquer ne t'ose, Dy, Jhesu ? Pour ton beau chapel Au mains as tu rouge la pel ! (Myst. Pass. N.S. R., c.1350-1370, 201)

Doulx Jhesu, ne fu pas du mains (...) Et d'espines euz ou chief Chapel. (Mir. ste Bauth., c.1376, 115)

'...Mon corpz batirent et flagellerent ; mon chief d'un chappeau d'espines poignans couronnerent et me percerent jusques au cervel. De sang et d'ordure ma face me honnirent et broullerent.' (Horloge de sapience S., c.1389, 76)

Ce chapeau vous fait grant encombre, Car il s'esfondre Pour soy rescoudre - dans vostre chief tant precïeux. (Pass. Auv., 1477, 254)

Chapeau de laurier

Un vert chappel de laurier tient En sa main cil qui la se tient (Chr. Piz., M.F., I, 1400-1403, 68)

Chapeau d'osiere

Il [le berger] a son chapeau d'osiere, Son poinsson, son aleniere, Son croq, sa houllecte chiere (Gréban, Pass. J., c.1450, 66)

Chapeau de grappes/de vignes. Couronne portée par les voleurs de raisin exposés au pilori.

... [ils] delibererent et furent d'oppinion que l'en ne la povoit espargnier que elle ne feust tournée ou pilory, un chappiau de grappes mis sur sa teste. (Reg. crim. Chât., I, 1389-1392, 251)

...attendu l'estat et personnes d'iceux prisonniers, qui d'aucune chose ne pourroyent satisfaire partie, pour la pouvreté d'iceulx, delibererent et furent d'oppinion que iceulx prisonniers et chascun d'eulx feussent condampnez à estre menez en une charrete depuis le Chastellet jusques au pilory, ès hales, en un jour de samedi, ayans environ leurs testes chappeaux de vigne, et plusieurs grappes de vergus pendus à icellui chappel, et, avec ce, que en cest estat ilz feussent tournez ou pillory, et, en après, ramenez oudit Chastellet, et, partant, mis hors de prison. (Reg. crim. Chât., I, 1389-1392, 305)

Locution.

Avoir qqn à son chapeau. Avoir qqn à son service.

Pour ces jours il avoit delez luy, à son cappel, IIII.. escuyers de grant voulenté et de grant vaillance, et bien tailliés pour servir ung hault prince et à estre delez luy, car ilz avoient veu pluseurs grans faiz d'armes et esté en besoingnes arrestées (Froiss., Chron. M., XIV, c.1375-1400, 164)

(Estre) au chapeau et au frein de qqn. Être au service de qqn.

La avoit un chevalier de Hainnau, qui se nonma mesires Henris d'Usfalise, sires dou Petit Wargni, moult vaillant et appert chevalier, et estoit retenus au capiel et au frain le signeur de Montmorensi. (Froiss., Chron. D., p.1400, 733)

Mettre une rose en son chapeau. Accomplir une prouesse (ici de chevalerie).

Quant Gieffroy voit le nouvel chevalier qui si bien l'avoit secouru, si l'en mercie moult. Et lui dist : Mon ami, telles roses fait il bon mettre en son chappel. Le seigneur qui a son hostel garny de tele fleur de chevalerie et de gentillece, amant et craingnant honneur, doit et puet seurement reposer. (Arras, c.1392-1393, 233)

Perdre la plus belle rose de son chapeau. Perdre son bien le plus précieux.

Beaulx enfans [les enfants perdus] , vous perdez la plus Belle roze de vo chappeau ; Mes clercs pres prenans comme glus, Se vous alez a Montpipeau Ou a Rüel, gardez la peau, Car pour s'esbatre en ces deux lieux, Cuidant que vaulsist le rappeau, Le perdyt Colin de Cayeulx. (Villon, Test. M., 1461-1462, 129)

Sur les murs nous fault mectre gens Et faire garder les Tourelles, Que plus depiz sont [les Anglais] que chiens Dont leurs besoignes sont ytelles, Qui leur sont rudes et cruelles A leur voir souffrir ceste chose, Que de leur chappeau et querelle Il ont perdu leur belle rose. (Myst. siège Orléans H., c.1480-1500, 478)

Perdre la fleur blanche de son chapeau. Perdre sa virginité.

Qui pert son honour, De son chapeal deschiet la flour Q'est sur tretoutes blanche et mole (Gower, Miroir homme M., c.1376-1379, 196)

c)[Chapeaux à valeur symbolique]

Chapeau de sauge. Couronne de sauge (attribuée à un amant abandonné par la femme qu'il aime).

Chappeau de saulge vieul porter Ce moys de may par desconfort, Puisque la belle m'a fait tort Qui m'a changé pour aultre amer. (Chans. XVe s. P., c.1430-1500, 20)

Remarque : Cf. LITTRÉ, qui présente un ex. du XV^e s., dans l'historique.

Chapeau de saule. Couronne de branches de saule (signe de deuil).

Escoulte cea, chascun amant, Qui tant perestes desirant Du pecché, dont l'amour est fals : Lessetz la Miere ove tout s'enfant, Car qui plus est leur attendant, Au fin avra chapeal de sauls (Gower, Miroir homme M., c.1376-1379, 1)

[Symbole de la tristesse de l'amant] Chapeau de soucis

Princes, veuillés d'un chapiaus de soucie, Flouri de plours et boutonné d'amer, Moy et mon chant, s'il vous plaist, couronner, Pour moy faire plus triste et plus dolent, Car bien affiert à moy si fait present. (Mach., L. dames, 1377, 65)

Mon cueur de chapel de soussie, Ce jour de l'an, estreneray ; Et a elle presenteray Dez fleurs de ne m'obliés mie (CH. D'ORLÉANS, Rond. C., 1443-1460, 304)

Chapeau (de) vert

Couronne de verdure (symbole de joie et d'espérance).

Mais quant amans en esperence sert, Tres dous Penser le fait cointe et apert, Quant n'est avere S'amour de li donner un chapiau vert. Mais cils qui vit en tristesse dessert Qu'il ait son chief de soucie couvert Triste et amere. (Mach., F. am., c.1361, 175)

Melyador volt la oïr Aucune cose de nouviel, Et la belle, qui .I. capiel Tout vert dessus son chief portoit, Respondi tantos la endroit (Froiss., Méliad. L., t.1, 1373-1388, 238)

Si firent par leurs amouretes Tant de gracïeuses chosetes, Et s'entredonnoient fleuretes Et chappeaulx vers (Chart., L. Dames, 1416, 204)

Couronne mise sur la tête d'un homme vendu comme esclave (semblable à la couronne qui orne la tête d'un animal mis en vente).

Il monta dessus et vint en le greve ou avoit tant de gens assemblez que merveilles, qui tous regardoienet l'enfant que le varlet du marchant tenoit et promenoit ainsi enferré que dit est, et sur son chief ung chappeau vert en signe de vente, comme l'on assiet au front d'ung cheval ung bouquet d'estrain ou d'aultres herbes quant on le veult exposer a vente. (Beufves Hant. I., c.1499-1503, 24)

Locution. Avoir chapeau de vert. Être trompé.

DEMANDE. Noble dame qui tant sçavez, Se votre ami, qui bien vous sert, En jouant vous changoit les dez ['vous était infidèle'] , Aroit-il pas chapeau de vert ? RESPONSE. Si je sçavoie de certain Que cilz qui m'aime me chagast, Je feroie, ne s'en doutast, A lui d'autel paste levain. (Desch., Oeuvres R., t.8, c.1370-1407, 114)

3.Coiffure usuelle à bords, chapeau.

a)[Sans autre précision]

Mon mantel en mon col fermay Et mis mon chapel sus mon chief... (Mach., F. am., c.1361, 180)

Au regard des gaiges et drois je ne le sçay pas bien, mais toutevoye j'ay tousjours ouy dire que le chanceiller de droit ordinaire a deux mil escus de gaiges et deux mil par maniere de don, sans ses chevauchees, et avoit robes quatre foys l'an, et manteaux en yver et chappeaulx (Juv. Urs., Nescio, 1445, 449)

Et, pour raison dudit cas, ledit frere Henry se absenta, et ne peut estre trouvé qu'il ne feust le Xe jour dudit moys, que, environ dix heures de nuit, ung examinateur du Chastellet à Paris, nommé maistre Jehan Potin, accompaigné de trois sergens, en fist telle diligence qu'il le trouva mucié en l'ostel de Saint-Pol à Paris dedens unes aumoires, en habillement d'un roquet blanc de toile et ung chapeau noir, et en cest estat fut mené prisonnier oudit Chastellet et puis rendu en la court de Parlement pour ce qu'il estoit appellant de sa prinse et disoit que le lieu où il avoit esté prins estoit lieu de franchise et que on l'y devoit remettre. (Roye, Chron. scand., I, 1460-1483, 176)

Par quoy je concluz que mieulx vault nostre mestier et est mieulx convenable, meismement à gens de vostre estat et du mien, que d'aller baguenaulder à la court et regarder qui a les plus belles pointes, les plus gros bourreletz ou le chappeau le plus pelé à la façon de maintenant. (Bueil, I, 1461-1466, 55)

Nostre roy s'abilloit fort court et si mal que pis ne povoit, et assez mauvais drapz aucunes fois ; et portoit ung mauvais chappeau different des autres et ung ymage de plomb dessus. Les Castillans s'en mocquoyent et disoyent que c'estoit par chicheté. (Comm., I, 1489-1491, 137)

Cestui predist longtemps devant la grande cherté du sel, qui fut à l'occasion des pluies qui durerent près de six mois en esté et fut si grande cherté du sel que plain le chappel d'un homme coustoit XX s. t. en France. (Simon De Phares, Astrol., c.1494-1498, f° 132 v°)

Au figuré. Chapeau de qqc. Traces, séquelles de qqc., ici réprobation pour une mauvaise action.

D'infamie a tousjours seroit mis Quelque chapeau, que oster on ne pourroit ; A ces causes, pour que tout soit remis, A nostre amour obtemperer on doit. (Saint-gelais, Eurial. Lucr. R., c.1490, 109)

Proverbe. Les blancs chapeaux couvrent les noires testes. On cache la laideur sous de belles apparences.

Si n'avons [les trépassés] fors laidure et desconfors ; Nous fusmes fors et beaux comme vous estes : Les blans chappeaux couvrent les noires testes. estes (Molinet, Faictz Dictz D., 1467-1506, 433)

Locution.

Jouer du chapeau troué à qqn. Tenter de tromper qqn.

Quant Emenidus se vit quicte et delivré de ses adversaires, il s'en vint a Antipater en soy presentant a lui et merciant de sa bonne visitacion. Et finablement lui dist qu'il seroit a tousjours mais son amy et compaignon. Aprés lesquelles choses faictes, Emenidus doubtans que ledit Antipater ne lui juast du capiau traoué, ainsi que bien faire le savoit, se departi de lui au plus honnestement qu'il polt (Wauquelin, Faits conq. Alexandre H., c.1450, 441)

[Signe de politesse quand on croise quelqu'un] Mettre la main à son chapeau

Li contes chevaucha tout droit oultre, sans euls regarder, et mist un petit sa main à son cappel, ne onques sus tout le chemin il ne fist samblant de parler à eulx. (Froiss., Chron. R., IX, c.1375-1400, 212)

Le Roy mist la main en son chappeau et enclina sa teste contre le roole Moyse. (Bueil, II, 1461-1466, 195)

Sous le chapeau. Dans la tête.

Cuydiés vous [Garnier, clerc du guichet de la prison du Châtelet] que soubz mon capel N'eust autant de philosophie Comme de dire 'J'en appel' ? Si avoit, je vous certifie - Combien que point trop ne m'y fie -. Quant dit me fut, present notaire, 'Pendu serés', je vous affie, Estoit il lors temps de moy taire ? (Villon, Poèmes variés R.H., c.1456-1463, 74)

b)Chapeau + compl. déterminatif

[Indiquant la matière]

Chapeau de bievre/castor. Chapeau de castor.

...1 chapel de bièvre à parer, ouvré sur un fin velluau vermeil de grainne, ouquel chapel avoit enfans fais d'or nue près du vif, qui abatoient glans de chesne dont les tiges estoient de grosses perles et les fueilles d'or de Chippre à un point (Comptes argent. rois Fr. D.-A., I, 1352, 298)

...J grant chappeau de fin bievre brun, pour soleil, fourré de cendal tierçain en graine et garny d'or et d'argent de Chippre et d'un laz de soye et de houppes et boutons (Comptes argent. rois Fr. D.-A., II, 1387, 208)

Lequel Normant ils devestirent, et des biens d'icellui ot à sa part un petit fermeillet d'or, qui estoit attaché à un chappeau de bievre que portoit sur sa teste ledit Normant (Reg. crim. Chât., I, 1389-1392, 63)

...1 chapel de bievre, doublé de cendal en graine, à une plume d'ostruce blanche double (Invent. mobiliers ducs de Bourg. P., t.2, 1390, 559)

Encores font les sergens pis Qui povre gent ne laissent vivre ; Dehors portent chapeaulx de bievre Et se font servir comme comme roys (Bouvet, Appar. Meun A., 1398, 36)

En après venoit le roy, armé de toutes pièces, monté sur un coursier couvert jusques aux piez de drap de veloux azur, semé de fleurs-de-lys d'or de broderie, ayant en sa teste ung chapel de castor, aultrement de bièvre, doublé de veloux vermeil, sur lequel avoit au bout une hoppe de fil d'or. (Chart. J., Chron. Ch. VII, V., t.2, c.1437-1464, 163)

Les secretaires ne prenoient pour lectre d'office que ung escu ou ung chapeau de bièvre (Baude, Eloge Ch. VII, V., p.1484, 134)

Chapeau de bonnet. Coiffure en étoffe tricotée, sans bord.

Qui ce sçara bien faire entendre, Le chapeau de bonnet poeut prendre. (Renart contref. R.L., t.2, 1328-1342, 28)

C'est assavoir, que quicunques saura ouvrer ou mestier de faire des chapiaux de bonnez, gans de laine et les appartenances du mestier, faire le pourra, mais qu'il ait fait le serement et que il soit à ce souffisans. (Mét. corp. Paris L., t.3, 1367, 245)

Chapeau d'estrain/de paille

Je vueil au fol bouter mon doy En l'ueil aussi qu'en gaberie, Et si mettray par loberie Un chappel d'estrain sur sa teste. (Mir. parr., 1356, 48)

...pour chappeaulx de paille pour mondit seigneur, 16 solz parisis ; Item, pour deux douzaines de patins, 48 solz parisis ; Pour 4 paires de gans, 12 solz (Comptes Etat bourg. M.F., t.1, 1420, 428)

Chapeau de festu. Chapeau de paille (souvent de paille de riz).

...pour un chapeal de festuz, que Mgr avoit fait acheter à Gand (Invent. mobiliers ducs de Bourg. P., t.1, 1374, 378)

...chapiaux de festus de la façon de Lombardye (Invent. mobiliers ducs de Bourg. P., t.2, 1390, 559)

Chappeaulx jolis de festus Sus leurs chaperons vestus Avoyent jusques a l'ueil Pour l'arsure du soleil. (Chr. Piz., Dit Pastoure R., 1403, 239)

Pour 2 chappeaulx de festuz, 5 solz tournois, Pour deux esteufs à jouer à la paume, 10 deniers tournois (Comptes Etat bourg. M.F., t.1, 1419, 197)

Chapeau de feutre

Autant comme un chapiau de fautre Vault moins d'un de perles, je trui, Qu'autretant vault pis au jour d'hui Marier clerc ou chevalier Encontre un autre seculier, Bourgois, marchant, ouvrier de bras Qu'autre (Desch., M.M., c.1385-1403, 183)

Et ces penans desquels je parloie maintenant, aloient de ville en ville et de chité en chité par compagnies et portoient sus lors chiés lons capiaus de fautre, casqune compagnie de une coulour. (Froiss., Chron. D., p.1400, 894)

En yver, les chappeaux de faultre Porte on, quant boutons sont pouris. (Martin Le Franc, Champion dames I-II, P., 1440-1442, 126)

Abusé m'a [la femme aimée] et fait entendre Tousjours d'un que ce feust ung autre : De farine que ce feust cendre, D'un mortier ung chappel de faultre, De viel machefer que feust peaultre, D'ambesars que c'estoient ternes - Tousjours trompeur autruy engautre Et rend vecyes pour lanternes (Villon, Test. R.H., 1461-1462, 67)

Chapeau de plume

Pierre Wateure, ouvrier de chappeaulx de plume (Ch. VI, D., t.1, 1422, 427)

Chapeau de tripe. Chapeau fait dans une étoffe de laine ou de fil travaillée comme le velours.

Item, deux chappeaulx de trippe (Fauq., III, Pièces diverses, 1438, LXXXII)

...chapiaux à tripes sur fautre (Metz Comptes merciers S., 1461, 57)

Item ung chapiaulz de tripe (Metz Comptes merciers S., 1461, 57)

[Indiquant d'autres rapports]

Chapeau à bec. Chapeau dont le bord est retroussé sur la nuque et les tempes et forme une visière en pointe au milieu du front.

...ung chappel a bec pour dame, pour chevaucher, et est de bièvre par dehors (Invent. mobilier Ch. V, L., 1379-1391, 210-211)

...estoit vestu le roy d'un grant mantel d'escarlate fourré d'armines, sus sa teste avoit un chappel royal à bec tres richement couvert de perles (Chr. Piz., Faits meurs Ch. V, S., II, 1404, 98)

Remarque : Cf. C. Enlart, Manuel d'archéol. fr. dep. les temps mérov. jusqu'à la Ren., t.3, 1916, 163, 165.

Chapeau à deux cornes. Mitre (symbole de la dignité d'évêque).

Et ne sera ja contempte se les enfans de son maistre par une importunite n'auront un chappeau a deux cornes, voire des plus riches du royaume, et les clefz de saint Pierre pour pardonner les grans offenses des brebiz du royaume et mectre les ames en paradis ou en enfer (Mézières, Songe vieil pèl. C., t.2, c.1386-1389, 272)

En particulier.

Chapeau rouge. Coiffure de cardinal.

Le saint pere lui dit : 'Amis, or vous levez, Car de vous cy aval plus saige n'ay trouvez, Et pour ce tous mes colleges s'est acordez Que le rouge chapeau vous soit par moy donnez...' (Renaut Mont. B.L. V., c.1350-1400, 19)

...et convint que aucunz des diz cardinalx se rendissent et baillassent le chappel rouge à aucuns des diz habitans, pour leur sauver la vie. (Chron. Jean II Ch. V, D., t.2, c.1375, 34)

Vous devez bien demener feste, Vous qui avez rouge chappel (Jour Jug. R., c.1380-1400, 236)

Une foiz les fauldra respondre, Se, pour rouge chapel avoir, Leur fault ainsi Dieu decepvoir Et frauder la fondacion Des fondeurs et l'entencion Qu'ilz orent du divin service Et des mors (Desch., M.M., c.1385-1403, 165)

...et est tesmoigné en verité que c'estoit un des bons clers qui fust en crestienté, lequel avoit fait grant diligence de savoir et enquerir comment le dit Berthelmi avoit esté esleu, et, quant la verité en sceut, le chapel rouge reffusa de lui, et depuis, comme dit est, le receupt du dit pape Clement. (Chr. Piz., Faits meurs Ch. V, S., II, 1404, 152)

Ce duc Valentinois avoit premier esté promeu à Sainte Eglise, mais il renoncha au chapeau rouge et se mit sus à grant pompe et beubance (Molinet, Chron. D.J., t.2, 1474-1506, 456)

Par métonymie. Cardinal.

Mais quant les chapeaulx rouges furent ens ou conclave entrez, qui n'estoient pas trop bien asseurez, lors, saigement et vaillamment nous moustrasmes les vertuz de noz anciens peres (Mézières, Songe vieil pèl. C., t.1, c.1386-1389, 270-271)

...ceulx qui desirent que verite par tout soit assise en chaere et pour paour de mort ne daignent flechir de dire la verite s'ilz en sont requis, sicomme il fu dit du chapeau rouge Hieroime et Martin nagayres evesque de Pampelune ; et de telz aujourdui se treuvent bien pou. (Mézières, Songe vieil pèl. C., t.1, c.1386-1389, 379)

Chaire de chapeau rouge. Dignité de cardinal.

...ilz sont eslievez jusques au destre couste de la mageste royalle, et jusques aux chayeres d'evesques et d'arcevesques et des chapeaux rouges, qui sont tant desirez (Mézières, Songe vieil pèl. C., t.1, c.1386-1389, 477)

Remarque : FEW II-1, 288b : «Mfr. chapeau rouge 'chapeau de cardinal' Cotgr 1611» ; FEW X, 532b, s.v. rubeus : «'cardinal' (Fur 1690 - Trév 1771)».

DROIT COUTUMIER

Chapeau (du pasnage). Chapeau dans lequel est recueilli l'argent payé pour la paissance des porcs ; fonds sur lequel peut être versée une rente.

...et sy a droit comme sergent de prendre à chacun pasnage XII d.t. du chappel. (Hector De Chartres, Cout. R.B., 1398-1402, 50)

Item, iceulx religieux ont sur le chapel du pasnage d'icelle forest dix soulz quant le pasnage chiet. (Hector De Chartres, Cout. R., 1398-1408, 76)

...et audit escuïer, X s. t. au pasnage de laditte forest quant ichelluy eschiet, prins sur l'argent du chapel dudit pasnage. (Hector De Chartres, Cout. R., 1398-1408, 80)

Chapeau du roi. Argent de la paissance des porcs destiné au roi.

Item, a coustume d'avoir et prendre en chapel du roy, au jour du panasge, toutefois qu'il eschiet en ladicte forest, X soubz. (Hector De Chartres, Cout. R., 1398-1408, 79)

Remarque : Le syntagme chapeau du roi ne semble pas att. par les dict. ; en revanche, L. Delisle, La Classe agric. en Normandie, [1851], 387, en fournit d'autres attest.

Mettre (de l'argent) au chapeau. Payer le pasnage.

...lesquelz quarante solz [destinés aux sergents] seront prins(,) des deniers que l'en met ou Chapel, en la maniere accoustumée. (Ordonn. rois Fr. S., t.6, 1376, 234)

4.ARMES, ARMURERIE

Chapeau de fer/d'acier. Casque proche de la salade.

...les haubergons, que on appelle maintenant panchieres, les juppes de wanbisons et les chapeaulx de fer sont venuz en avant (Le Bel, Chron. V.D., t.1, 1352-1358, 127)

Et estoient armés la grignour partie de maillès, de huvettes, de capiaux de fier, d'auquetons et de gans de balaine, et portoit cascuns un planchon à picot de fier et à virolle. (Froiss., Chron. R., XI, c.1375-1400, 44)

Et se trouvoient bien d'omes à picques et as plançons, à cotes de fier, à auquetons, as capiaux de fier, as bachinès plus de douse mille. (Froiss., Chron. R., XI, c.1375-1400, 98)

Le cop fut grant sy va descendre sur le heaulme et luy coppe le cappel d'achier (Percef. I, T., c.1450 [c.1340], 177)

Le duc de Clarence vint devant sa bataille,ung chappeau de fer en sa teste (Le Bouvier, Chron. Ch. VII, C.C.J., c.1451-1455, 100)

Et estoient lesdictes communes que on appelle Suisses, assez communement habilliez de jaques, de paus, de habregerie, de glachons et de chappeaux de fer à la fachon d'Allemaingne. (Escouchy, Chron. B., t.1, c.1461-14, 21)

Et sur ce, il prist le haubert du Sarrazin et de ce qu'il se peult bien armer, et prestement s'abilla et mist sur sa teste ung chapel de fin acier et tient traitte son espee nommee Haulte Clere, de la quelle il se sçavoit bien ayder. (Bagnyon, Hist. Charlem. K., c.1465-1470, 63)

Et iceluy Pitois avoit un harnas de teste qui n'estoit ne bassinet, ne salade, mais estoit fait à la semblance et manière d'un capel de fer, forgé et approprié pour ce faire, et avoit une haute bavière, tellement que de son viaire il n'apparoit que les yeux (Faits Lalaing K., c.1470, 236)

[Désigne la même chose] Chapeau de Montauban

...icellui Empereur estoit armé, et portoit à l'arçon de sa selle ung chapeau de Montaulban, ayant sur ses armeures une noire heucque, en laquelle estoit une droite croix devant et derrière, de couleur de cendre (Monstrelet, Chron. D.-A., t.3, c.1425-1440, 137)

Au moins la mienne [compagnie] est bien fournie De ces chapeaulx de Montauban, Gentes cuyrasses. (Myst. Viel test. R., t.5, c.1450, 248)

L'aisné des enffans de Nemours estoit vestu d'une heucque d'or et affulé d'ung chappeau de Montauban de fin or (Molinet, Chron. D.J., t.1, 1474-1506, 427)

Je prendray donc a l'aventure Mon grand chappeau de Montauban (Michel, Myst. Pass. J., 1486, 280)

B. -Par analogie.

1.Pièce de bois posée horizontalement à la partie supérieure d'un ouvrage.

Item fault deux potilles pour celuy esclotoir [du moulin] de V piés de long et ung pié de forniture. Item fault ung chapiau dessus lez deux d. potilles (Industr. Paris F., 1393, , , 347)

...pour une aultre pièce de bois qui fu mise a long du mur ou costé d'icelle vicairie contenant XVIII piés de long, laquelle soustient les corbeaux qui portent les chevrons, une aultre pièce de bois contenant XVI piés de long de quoy l'en a fait le noel dud. degré avec ung cappel et hucel (Comptes Archev. Rouen J., 1412-1413, 76)

...20 toises de boys bastard pour emploier à faire 14 pieux servans à la chaussée (...) ; item, deux poultrelles chacune de 5 toises de long et unze poultres de fourniture servans à faire les chappeaulx pour asseoir sur lesdits pieux (...) ; item, deux chevrons de 4 toises de long lesquelz ont servy à faire les coullieres à batre lesdits pieux (Comptes Paris M., t.2, 1488-1489, 488)

Protection métallique cylindrique recouvrant l'extrémité d'un axe en bois.

...pour avoir refait et requerquiet l'un des envirs de l'arbre de le grant roe du dit molin (...) et avoir fait et mis un grant cappel au dit arbre (Doc. 1415. In : Y. Coutant, Terminol. du moulin médiév. dans le comté de Flandre, 1994, 531)

...pour ung capiel de fer mis au bout de l'arbre du dit molin (Doc. 1422. In : Y. Coutant, Terminol. du moulin médiév. dans le comté de Flandre, 1994, 531)

2.MÉDECINE Prépuce.

La circuncision est faicte es juifz selon leur loy et a plusieurs seroyt prouffitable pource que ne fust assemblé pourriture en la racine de balanum qui le eschauffast et lors est faicte que, avecques les ongles, soit tiré le chapel tant comme sera possible et en soy gardant de balano soit tranché et aprés le sang soit restreint avec la pouldre rouge ou avec cautere et soit curé comme les aultres playes. (Panis, Guidon, 1478, tr.VII, doct.2, chap.7)