BRANLE

substantif masculin

[T-L : branle ; GDC : branle ; FEW (XV-1, 248b) : brand¹ ; TLF (IV, 900a) : branle]

A. -Au propre.

1.Mouvement d'oscillation.

Et quant le dit Andry fu dedens son hostel, pour vouloir sauver sa vie à son povoir, cloy appertement son huys à l'encontre du dit Perrotin, et le dit Perrotin en reculant ou pour le branle de l'uys, ou autrement, le dit Andri ne scet comment, ycellui Perrotin se frappa lui meismes ou hurta de sa dicte dague parmi l'ueil (Doc. Poitou G., t.5, 1386, 294)

...la teste de sa femme sur sa poictrine reposant (...) par l'assault et hurt de ce poulain luy donnoit si grand branle que assez tost il s'en reveilla. (C.n.n., c.1456-1467, 66)

Secousse.

...et estaioit le costé qui plus penchoit et par pesanteur s'enclinoit et tiroit grant partie du sourplus a tendre en ruyne, et contretenoit de cellui bras le plus principal pan de mur et qui portoit le branle du seurplus, et neantmoins se desmentoit et decrevoit en pluseurs lieux et des principaulx piliers s'enclinoient aux fais des aucuns. (Chart., Q. inv., 1422, 9)

Estre en branle. Etre en mouvement.

Car tout ensi que le foliot branle, Doit coers loyaus estre tous jours en branle, Et regarder, puis avant, puis arriere, Qu'on ne se puist cognoistre a sa maniere Ne percevoir a quoi il pense et vise. (Froiss., Orl., 1368, 89)

[A propos des cloches] Sonner à branle. Donner tout le mouvement possible, faire retentir à toute volée.

...tenant nostre mesee pleniere, emprés le sain de ladite commune sonné a branle par la maniere acostumee (Doc. 1392. In : P. Rézeau, R. Ling. rom. 78, 2014, 409)

Item, je vueil que la chapelle de Saint Andrieu, qui est en l'eglise parrochial de Coulommiers, que j'ay fait ordener comme elle est, soit desservie deuement, et qu'elle soit garnie à tousjours de luminaire raisonnable, c'est assavoir, d'une torche de trois livres de cire pour lever Dieu, et d'un cierge de demie livre pour chanter les messes et pour y avoir cinq messes pour chascune sepmaine, (...) lesqueles seront cliquetées aux deux grosses cloches de la tour, sans les sonner à branle, et afin que on sache queles messes ce seront et que ceulx qui les orront cliqueter prient Dieu pour moy et pour Richarde, ma compaigne. (Test. Parlem. Paris T., 1411, 530)

Pour la despence de ceux qui furent a soupendre le saint du reloge (...). Pour la despence de ceux qui furent a le descendre ou il estoit soupendu pour l'aider a ferrer et sonner a branle (Doc. 1419. In : P. Rézeau, R. Ling. rom. 78, 2014, 409)

Item, [pour mes obsèques] je vueil qu'on sonne a bransle Le groz beffroy qui est de voirre, Combien qu'il n'est cueur qui ne tremble Quant de sonner est a son erre. Sauvé a mainte belle terre, Le temps passé, chascun le scet : Feussent gens d'armes ou tonnoirre, Au son de luy tout mal cessoit. (Villon, Test. R.H., 1461-1462, 144)

On mist a point fenestraiges et porches, On fist sonner d'eglise et de clochiers Joyeusement a bransle toutes cloches. (La Vigne, V.N., p.1495, 180)

2.(En fauconnerie) action de faire tourner un oiseau vivant en manière de leurre.

Et tu dois oster le chaperon a ton faucon et le dois lessier aler au branle, et celui qui branle le heron ne le doit mie geter, mes doit atendre que le faucon le prenge au branle, et il le doit lessier cheer quant le faucon l'ara pris. (Henri Ferr., Modus et Ratio, Livre deduis T., c.1354-1377, 195)

B. -Par métonymie. Air d'une danse au pas sautillant et animé.

Pansez doncques de vous avancer Et de commancer bien la dance, Et sonneray ung bon branle Pour amour de la compaingnie. (Pac. Job M., c.1448-1478, 399)

...je ouy chanter les bruyans tabours et cleres trompettes (...). Et tant me fut leur son plaisant, leurs tourdeons et nouveaulx bransles si bien touchées que tout par moy estant encores en la nef alloye saultant et treppoyant au son d'iceulx (Saint-gelais, Séj. honn. J., c.1490-1495, 107)

C. -Au figuré.

1.Agitation, trouble, situation mauvaise, danger.

...trop avoit creu ou conseil de ses marmousés, par quoy son royaulme avoit esté en trop grant branle (Froiss., Chron. M., XIV, c.1375-1400, 75)

Je vous parlerai d'un grant commencement de pestilence qui se bouta en l'Eglise : de coi toute chrestienté, pour ce temps, fu en grant branle, et mout de maulz en nasquirent et descendirent. (Froiss., Chron. R., IX, c.1375-1400, 48)

...on peut considerer que c'est mal ouvré que de dire a sa femme chose qui porte branle et dont peut devenir diffame ; car il n'en peut que mal venir (Nouvelles inéd. L., p.1452, 44)

Messeigneurs, vous diray le cas Pour quoy nous vous avons mandez, Que nous voulons, en tous estas, A vous estre uniz et bandez, Sans riens faire ne commander Chose qui soit que [(qui) [que]] porte branle. (Myst. siège Orléans H., c.1480-1500, 144)

En branle de qqc. En danger de.

Et en tant que lors il appercevoit avoir esté en grand branle de péril, d'autant maintenant louoit-il Dieu plus ardemment de sa très-bienheurée victoire. (Chastell., Chron. K., t.1, c.1456-1471, 273)

Et partant le duc voiant cecy, et bien informé du cas et désirant à sauver et maintenir en estat ce qu'estoit venu maintenant en branle de perdition, sagement se trouva consellié d'y aller et de monstrer visage mesme à ceux qui pouvoient avoir coeur faint (Chastell., Chron. K., t.3, c.1456-1471, 70)

Estre/gesir en branle (que) de + inf. Être en danger de.

Si dissoient : 'Engletière gist en grant branle et peril que de estre toute destruite' (Froiss., Chron. R., X, c.1375-1400, 105)

A ceste cinq^me course, messire Enguerrant print joingnant la broiche au double grant gardebras, et Saintré au pié du demi heaume, et tous deux rompirent bien leurs lances et tellement que les esclas voulerent par l'air, dont leurs destriers furent en grant branle de cheoir. (La Sale, J.S., 1456, 117)

Mettre qqn en branle de + inf.

Que diray je plus de la gloire de cest Uranus : il avoit toutes choses comme par souhait. Fortune ne le mist oncques en branle d'estre soubsmarchié (LEFÈVRE (R.), Hist. Troyes A., c.1464, 126)

2.Hésitation (en raison du danger).

Estre en branle de + inf.. Hésiter à (en raison du danger).

Je fus en branle de demeurer à Rhodes à cause du mauvais gouvernement des galiots, et pensay m'en retorner à Marceille avec le tresorier d'Auvergne (Nicole Le Huen, 1487. In :Deables Enfer V.V., 1480, 782)