BANNIR

verbe

[T-L : banir ; GDC : banir ; AND : banir ; DECT : banir ; FEW (XV-1, 65a) : *bannjan ; TLF (IV, 137a) : bannir1]

[Corresp. à ban B]

A. -Au propre.

1.Bannir qqn (d'un lieu, d'une communauté). Condamner qqn à perdre les privilèges de la communauté et à être expulsé du territoire (sur une décision politique ou judiciaire).

...Wyt Ondieu, lequel estoit bany de murdre de le dicte ville fait et perpetré par lui en le personne Miquiel de Berghes (Hist. dr. munic. E., t.3, 1346, 390)

Veritez fu que, quant il fu banniz du regne de Blandie, qu'il emmena a soy moult pou de gent, mais tuit estoient de son lignage, bon chevalier et bien duiz de guerre (Bérinus, I, c.1350-1370, 192)

...pour la haine que il avoient contre ceulz qui deux fois avoient esté pris, et disoient que ce ne seroit pas bien de trameitre si loing les cytoiens rommains et de les bannir hors de leur paÿs entre si males gens (Bers., I, 9, c.1354-1359, 26.4, 47)

...quant bani sera, Sire, monstrer ne s'osera Entre les gens. (Mir. Rob. Dyable, c.1375, 21)

... [ils] delibererent et furent d'oppinion que iceulx prisonniers feussent tournez ou pillory ès hales, illec crié les causes de leur jugement, et, en après, baniz de la ville, viconté et prevosté de Paris, à tousjours (Reg. crim. Chât., I, 1389-1392, 163)

...et se autre chouse ne confessoit que dit est dessus, que l'en lui coppast une des oreilles, et feust bany à tousjours de la ville et habitacion de Paris, et de dix lieues à l'environ, sur peine de la hart. (Reg. crim. Chât., I, 1389-1392, 235)

Ouyes lesqueles oppinions et veu ce present procès, ledit mons. le prevost banyt à tousjours mais du royaume ledit prisonnier, sur peine de la hart (Reg. crim. Chât., II, 1389-1392, 147)

...et devront estre lesdiz malfaiteurs, ou malfaiteur, ou receptans bannis de nozdis pais, sans ce que l'un de nous les puisse recepter ne recevoir à grace sens le consentement des autres (Trés. Reth. S.L., t.2, 1391, 369)

Et le lendemain, par matin, après la messe ouye, firent crier les deux freres, sur peine de perdre chevaulx et harnoiz et d'estre banny de leur compaignie, que chascun chevauchast tous armez soubz sa banniere, en belle bataille. (Arras, c.1392-1393, 155)

...et qant la sera venu, que on voie et congnoise les rebelles qui a ce ne se vodront acorder, et que il soient bani publiquement et perdent ce que ou pais de Flandres a present il i tiennent, sans esperance de jamais ravoir ne i retourner. (Froiss., Chron. D., p.1400, 635)

Mais (...) y ot (...) Persones mortes et banies Par les batailles leonnesses (Chr. Piz., M.F., III, 1400-1403, 211)

Ce jour, se sont venus complaindre en la Court l'arcevesque de Reins, le procureur du Roy, Marie du Cavech et IJ autres bourgoiz de Cambray, sur ce que ou contemps, comme ilz disoient, du Roy et des arrests de la Court qui sont contenus ou registre du Parlement derrain passé, avoient esté banniz de Cambray. (Baye, I, 1400-1410, 75)

Je laisseray a compter la maniere de mon exil par quoy mon frere Atreus me banni (Premierfait, Cas nobles hommes G., 1409, 142)

...tous ceulz qui, par affection ou prouffit particulier, pourchassent tel dommage contre la chose publique (...) sont indignes de demourer et d'estre beneficiez en ce royaume, et lez en devroit on bannir et mettre hors (Fauq., I, 1417-1420, 267)

Trop fort m'ennoie Que bannie en soie [de France] , Et qu'el se desvoie Du tout et forvoie (Chart., L. Paix, a.1426, 415)

Durant lequel temps, y en avoit ung nommé Hannekin Lion, natif de Dunequerque, lequel pour ses démérites avoit esté banni de la ville de Gand et s'estoit rendu fugitif du pays ; si devint escumeur de mer (Monstrelet, Chron. D.-A., t.5, c.1444-1453, 234)

Quelle recepcion fist vostre pere a Henry de Lancloistre banni du royaume d'Angleterre ? (Juv. Urs., Verba, 1452, 235)

Et de ceulx qui ne obeissoient ou qui des batailles s'enfuioient, diverses punicions s'en faisoient, les aucuns par les faire morir, les aultres bannir en isles, et les aultres faire chevaliers ou hommes d'armes varlés et pietons (Juv. Urs., Verba, 1452, 251)

Et après ot la langue percée dont il avoit proferé lesdictes paroles, et ce fait, fut banni. (Roye, Chron. scand., I, 1460-1483, 104)

Item, que tous ceulz qui perpetrerent ledit mauvais cas, ou qui en furent consantens, le Roy habandonnera, et fera toute diligence possible de les faire prendre et apprehender quelque part que trouvez pourront estre, pour estre puniz en corps et en biens, et, se apprehendez ne pevent estre, les bannira et fera bannir à tousjours sans grace ne rappel hors du royaume et du daulphiné, avec confiscacion de tous leurs biens, et seront hors de tout traictié. (La Marche, Mém., I, c.1470, 210)

Zenophanes Conophonus, philozophe, jassoit ce que l'on ignore où il et soubz qui il peut en avoir esté acquis sa science, comme il feust bany LXV ans de sa patrie, touttefois l'experience l'a rendu souverain clerc et puis homme de grande magnifficence (Simon De Phares, Astrol., c.1494-1498, f° 44 v°)

Ainsi le roy adverti fist premier prandre sondit oncle, le duc de Glocestre et les contes d'Arondel et celui de Warvik et furent mis en la Tour de Londres et furent decapitez et l'arcevesque de Cantorbiere bani. (Simon De Phares, Astrol., c.1494-1498, f° 144 r°)

...et faisoit sa charge plus aigre qu'elle n'estoit, et aussi conseilloit que on bannist tous Florentins du royaulme (Comm., III, 1495-1498, 44)

Et aussi l'avoient faict pour paciffier du douayre de ceste dame et de l'argent baillé et pour ce que aulcuns seigneurs de Portingal qui furent banniz du païs quant le roy mort fist mourir ces deux seigneurs dont j'ay parlé et avoit confisqué leurs biens (et par ce moyen la confiscation tient de present, combien que le cas dont ilz estoient accuséz estoit de vouloir faire celuy qui de present règne roy de Portingal), et ces chevaliers sont recompenséz en Castille (Comm., III, 1495-1498, 296)

L'EVESQUE. Deffendez luy la demeurance En noz maisons et mestayeries Et qu'il soit bany en substance De noz pays et seigneuries (La Vigne, S.M., 1496, 347)

Participe passé en emploi substantival. Celui qui est banni, interdit de séjour.

Si rappelle li contes (...) tous les banis de Flandres, et leur abandonna son païs pour resister contre les blans capprons. (Froiss., Chron. R., IX, c.1375-1400, 230)

...et promettront bonne paix et bon accort avec lesdiz banniz et condempnez (Baye, I, 1400-1410, 133)

...fut expressement requis par le dit Edouard (...) que le roy vousist rappeler les bannis (Juv. Urs., T. crest., c.1446, 115)

Souïsses et Normands, Larrons, meurtiers, banniz, essoreillez (La Vigne, V.N., p.1495, 244)

Bannir en exil

Mais vous, Yver, trop estes plain De nege, vent, pluye et grezil ; On vous deust banir en essil. (CH. D'ORLÉANS, Rond. C., 1443-1460, 482)

Proverbe.

Il n'est bon bruit que d'homme banni

Il n'est engendrement qu'en boing Ne bon bruit que d'homme benny Ne riz qu'aprés ung cop de poing Ne lotz que debtes mectre en ny Ne vraye amour qu'en flaterye N'encontre que de maleureux Ne vray rapport que menterye Ne bien conseillé qu'amoureux. (Villon, Poèmes variés R.H., c.1456-1463, 56)

Tel est de son pays banni qui est grant maistre en terre estrange

Tel est de robe bien garny Qui a bien cent escus au change ; Tel est de son païs bany Qui est grant maistre en terre estrange (Alecis, Faintes monde P.P., c.1460, 101)

2.En particulier. Bannir qqn à (un lieu de pèlerinage). Condamner qqn à effectuer un pèlerinage.

Item, à Raulet d'Emmileville, de ce qu'il fu banni de Douay à deux pelrinages, l'une à Saint-Victor de Marsailles et l'autre à Sainte-Katerine deRoan, pour ce qu'il maintenoit avoir fianchie une basselette, laquelle chose il ne pooit prouver (Vie urbaine Douai E., t.4, 1383, 581)

Pour laquelle offence, il fu adjugiez et condempnéz à l'amende de 30 s. pour le main mise et banis à Saint-Jacques de Galice en Compostelle. (Vie urbaine Douai E., t.4, 1412, 604)

Remarque : Ce genre de punition est fréquemment évoqué dans la Vie urbaine de Douai. Le banni doit fournir au retour une attestation des autorités religieuses du lieu.

3.Bannir qqn à une amende de... Condamner qqn à une amende de....

Qu'il ne soit personne (...) qui d'ores en avant (...) voise boire, querir ne acapter (...) cervoise, hambours, na autres buvrages semblables, au dehors de ladicte ville et banlieue (...) sur peine d'estre, pour chascune foiz, banni à cent sous tournois, et mis ès prisons de la ville (Ordonn. rois Fr. P., t.16, 1463, 101)

4.Par extension. Chasser, exclure, rejeter qqn (d'un groupe, d'un lieu, de son coeur...) pour des raisons diverses.

Dieu n'ara point de moy pitié : Saint Pierre m'a bani des cieulx. (Mir. pape, 1346, 367)

Va t'en, de ma court iés banis (Mach., Voir, 1364, 704)

...com cilz qui du manoir Phebus fu bannis sans rappel (Mach., Voir, 1364, 706)

Touz autres diex pour toy reny Et de mon cuer hors les bany. (Mir. st Panth., 1364, 319)

Et le lendemain, par matin, après la messe ouye, firent crier les deux freres, sur peine de perdre chevaulx et harnoiz et d'estre banny de leur compaignie, que chascun chevauchast tous armez soubz sa banniere, en belle bataille. (Arras, c.1392-1393, 155)

Quel divers hoste Qui offre assez et promet, et puis oste ; Et qui appelle et puis bannist de coste, Faint d'approucher et puis tourne la voste ! (Chart., D. Fort., 1412-1413, 182)

Au temple le veistes venir [Jésus] Et les vendeurs dehors bannir, Dont contre luy furent esmeuz. (Gréban, Pass. J., c.1450, 267)

J'en dy ce que la royne en a dit, et oultre plus c'on la devroit bannir de toute bonne compaignie, s'elle y estoit. (La Sale, J.S., 1456, 305)

B. -Au figuré.

1.Bannir qqn de qqc. Écarter, priver qqn de qqc..

...conment peut c'estre Que mon pére, par son oultrage, Me banist de mon heritage ? (Mir. Rob. Dyable, c.1375, 23)

Dou memoire des hommes degradés Et des livres, où il a esté mis, Maudis de Dieu, de tous sains condampnés, De la clarté des estoiles bannis Puist estre li mois de Mars Et de mal feu d'enfer brulés et ars, Li et si jours et sa puissance toute, Quant il m'a fait avoir en piet la goute. (Mach., L. dames, 1377, 222)

Mes dous espoirs, mes confors, Ma joie et l'onneur de my, Mon cuer, m'amour, mes depors Et mes amoureus tresors M'ont de leur grace bani, Par faus et mauvais rapors Et par envieus enors Qui m'ont faussement trahy. (Mach., Les lays, 1377, 371)

...Je suis celluy Qui vostre suy ou que je soye. Mais tant comme soie escondi, Je suis banni de toute joye. (Lannoy, WERCHIN, Ball. P., 1404, 335)

Puis qu'Amour veult que banny soye De son hostel, sans revenir, Je voy bien qu'il m'en fault partir, Effacé du livre de Joye. (CH. D'ORLÉANS, Chans. C., c.1415-1440, 217)

Si appelle de ton faulx jugement Car tout ce mal m'est avenu par ti, Dont je renonce a tout esbatement, Chacié d'Espoir, banny d'Alegement, Et souhaite la mort tant seulement (Chart., Compl., 1424, 327)

Pensez qu'il fut tresvoluntiers oy, et tant que la dolente assemblée, qui de lyesse pieça bannye estoit, fut a ce point quelque pou consolée, esperant l'effect sortir tel que a sa parolle le touchoit. (C.n.n., c.1456-1467, 34)

...C'est qu'on luy coulle [à celui qui mal voudroit au royaume de France] ou ventre son tresor, Ou qu'il soit mis entre meulles flotans En ung moulin, comme fut sainct Victor, Ou transglouty en la mer sans alaine, Pis que Jonas ou corps d'une ballaine, Ou soit bany de la clarté Phebus, Des biens Juno et des solas Venus (Villon, Poèmes variés R.H., c.1456-1463, 59)

Donc pourtant, sans nulle replicque, Vous banny de joye et lÿesse, Car vostre veul faulx et inicque Vous doit causer deuil et tristesse. (Myst. Pass. Troyes B., a.1482, 70)

J'ay le cueur triste, mact et las, Le corps plain de proplecité, Bany de joye et de soullas S'ainsi est qu'avez recité. (La Vigne, S.M., 1496, 575)

Participe passé en emploi substantival. Personne rejetée, décriée.

LA FEMME. Pouvre bannye, En moy gist pouvre appointement. L'AMANT. Dictes moy, s'il vous plaist, comment Vous avez le cueur si marry. (Colin loue dép. Dieu T., c.1485, 145)

Banni de sainte Croix. Privé d'argent.

Pour hanter l'instrument de bas Je suis banny de saincte Croix, Sainct Anthoinë ard le cabas. (Sots, c.1480-1500, 265)

Bannir qqn hors de qqc.

Car Fortune, la tresdespite, Qui l'a haÿ mainte journee, S'est nouvellement aliee, Contre lui, aveques Tristesse, Et l'ont banny hors de Lyesse (CH. D'ORLÉANS, Ball. C., c.1415-1457, 64)

2.Bannir qqc. (une chose abstr.)

Chasser, écarter, éloigner qqn.

Et pour cela, mon treschier compaignon, Vueilliez de vous desplaisance bannir, En oubliant vostre longue prison (CH. D'ORLÉANS, Ball. C., c.1415-1457, 135)

Or congnois je bien orendroit Que pour bien faire on est onniz, Puis que Pitié, Justice et Droit Sont de cuer de dame banniz. (Chart., B. Dame, 1424, 358)

Plus ne sont en ma compaignie Joye, Soulas ne Chiere Lye, Espoir ne Confort ne Lyesse, Esbatement si n'y est mye, Plaisance si en est bannie, Bouté hors les en a Rudesse Pour y mettre Merencolye, Et Desplaisance qui me ennuye, Douleur, Desconfort et Tristesse, Courroux, Soucy, Dangier, Envye (Régn., F.A., 1432-c.1465, 98)

Le tiers point et doubte et le plus dangereux est le doubte d'envye, qui jamais ne fut bannye de la court des princes, tant ecclésiastiques que terriens et seculliers. (Bueil, I, 1461-1466, 48)

Or suis je seule demeuree, Maintenant, je n'ay point d'amy Et si n'ay bon jour ne demy Je pers mon temps et ma jeunesse A lever de ma forteresse, Soulas est de moy fort bany, Mon corps qui est frais et plany, Et quant vieillesse orde et chagrigne Aura tout prins en sa saisine, N'en tiendra l'en compte nenny. (P. moyne, a.1500, 45)

Supprimer, faire cesser qqc..

Guerre ne sert que de tourment : Je la hé, pour dire le voir ! Bannie seroit plainement, S'il en estoit a mon vouloir. (CH. D'ORLÉANS, Ball. C., c.1415-1457, 139)

Chantans motez pour banir les discordes Qui mettent paiz en trop grant indigence (La Vigne, V.N., p.1495, 164)