APPETER

verbe

[T-L : apeter ; GDC : apeter ; FEW (XXV, 35a) : appetere]

I. -Emploi transitif direct.

A. -[D'une pers.]

1.Appeter qqn

a)Désirer charnellement qqn.

Car se il approçoit de elle trop hardiment et sans verconde et oveques paroles deshonnestes et en maniere dissolue, il la feroit trop hardie et la feroit encline a incontinence et a appeter autre homme. (Oresme, Ycon. Arist. M., 1374, 837)

Car la femme par David apetee Ne savoit riens de sa concupiscence, Ains fut du tout de David l'imprudence. (Michault, Procès honn. F., p.1461, 56)

Et premier, il est verité Que la nature feminine La plus part du temps est encline A appeter le masculin. (Coquill., Oeuvres F., 1478-p.1494, 6)

Cestui Zabulon fist la nativité de Pasiph[a]é et de sa lubricité, et expressement nota qu'elle appecteroit bestes brutez et à la fin se fist au moïen Dedalus congnoistre charnellement au torel, où elle s'encloyst en la forme d'une vache. (Simon De Phares, Astrol., c.1494-1498, f° 28 r°)

b)Désirer, rechercher (le conseil de) qqn.

Ainsi les glorieux faiz de cestui n'est besoing recité car ilz sont assez seuz, et est assavoir que, en son temps, aucuns detracteurs d'Ypocrates, comme à present, vouloient aver le gouvernement total des princes et ne souffroient nul s'en aproucher et, pour l'utille de la chose publique, les roys appectoient les astrologiens. (Simon De Phares, Astrol., c.1494-1498, f° 125 v°)

c)Rechercher la compagnie de qqn.

Ad ce qu'il a premierement Voulu dire, soy guermenter Que ung homme ne peult tant ne quant D'une femme se contenter, Et que chascun veult appeter Nouveaulx amis, nouveaulx challans (Coquill., Oeuvres F., 1478-p.1494, 37)

2.Appeter qqc. [de concr. ou d'abstr., marqué positivement ou négativement]. Désirer, rechercher qqc..

Il quierent par elation Les honneurs ; par ambition Il affectent les seignouries, Il apetent les tyrannies ; Il convoitent estre aourés, Il desirent estre honnerés (Le Fèvre, Respit Mort H., 1376-1380, 102)

...ung mauvais conseillier a son conseillier de congnoistre et appeter les biens de ce monde (Juv. Urs., Verba, 1452, 320)

...par naturelle industrie tous hommes, et mesmement les bestes, sont inclinés à leur utillité et singulier prouffit et appettent naturellement leur perfection (Bueil, I, 1461-1466, 57)

...il n'est chose au monde que le bon filz peusse ne doye plus desirer, appeter ne requerir que la bonne grace du pere (Chastell., Chron. IV, D., c.1461-1472, 44)

Mabelie qui mere alerresse estoit, dist que, quant la femme porte sur le costé senestre et appete dansses et sons d'instrumens, que elle aura une fille. (Ev. Quen. I, c.1466-1474, 102)

Car cellui qui maine grans routes de Persans pietons, ausquelz nulz autres ne sont comparez en puissance, qui mayne aussi gens a cheval les meilleurs de ceulx de Mede, sans faulte les voisines nations appeteront leur amist[i]é et par crainte leur aideront de vivres, doubtans une compaignie si vaillant. (Vasque De Lucène, Cyropédie G.-G., 1470, 211)

En Dieu ne sont aucunes parties, car pas n'est, ne consiste par parties comme ung corps, pas n'est allongié par affections comme l'ame, car il a sans desirier tout ce qu'il veult et appete. (Somme abr., c.1477-1481, 148)

Y ne se fault de rien troubler, Seullement apecter vengence Et lieu ou nous pourrons trouver Les avoir a nostre plaisance. (Myst. siège Orléans H., c.1480-1500, 570)

Vous avés vescu tous vos ans Es delices des biens mondains, Vous appetés les honneurs vains Et voulés l'un l'autre frauder (Michel, Myst. Pass. J., 1486, 13)

Vous appetés mondains honneurs, Envÿeux de fraude vulpine, Despis d'une rage chenyne, Pleins d'avarice insacïable. (Michel, Myst. Pass. J., 1486, 14)

...par ce n'est pas à ignorer qu'il ne sceust de astrologie, car lors, avant le deluge, les grans hommes l'appetoient plus assavoir que autre chose ou science que ce feust, et aussi que il ne l'enseignast à ses enffans, par especial à Sem et Jaffect (Simon De Phares, Astrol., c.1494-1498, f° 14 r°)

[D'un aspect de la pers., d'un comportement, d'une science...]

Car toutes sciences et arts appectent et desirent aucun bien et enquierent le bien de quoy il ont besoing. (Oresme, E.A., c.1370, 116)

Maiz peult estre que ton sentement, encores empraint es mondaines mutations, appete plus exemple de humaine industrie que de divine grace. (Chart., L. Esp., c.1429-1430, 137)

Tout premier, inobedïence Contre toy, puissance infinie ; La seconde fut glotonnie Et la tierce se meust d'orgueil Quant, par ung desordonné vueil, Appeta le sçavoir divin. (Gréban, Pass. J., c.1450, 39)

Mes yeulx appetent son chief solacïeux (La Vigne, S.M., 1496, 354)

3.Appeter + inf. Désirer.

...bonnes preudes femmes appettent tousjours estre et demourer avec leurs mariz (Paris domin. angl. L., 1426, 213)

Et appetant corrigier le roy Cacus, tantost que son excercite fu prest il s'achemina vers le royaulme de Castille ou estoit le roy Cacus en la cité de Cartagene, qui seioit au prez de Moncayo, une montaigne ainsy nommee. (LEFÈVRE (R.), Hist. Troyes A., c.1464, 390)

Quant ung homme est eslevé par fortune, Il ne appete que vivre a sa plaisance : Dancer, chanter et regiber sur plume Entre deux draps, c'est amoureuse dance. (Saint-gelais, Eurial. Lucr. R., c.1490, 19)

Appeter de/à + inf.

Et de ce s'ensuit que plus ilz appectent a avoir avecques nous guerre que paix. (Droiz Cour. Fr. H., 1460, 320)

Monseigneur, comme vous savez De l'introduction de guerre, Ung chacun appete a gaigner Et a voloir son droit aquerre. (Myst. siège Orléans H., c.1480-1500, 619)

Ayons maintien ferme, constant et saige ! N'apetons point de faire gens malades Par motz soubtilz, par rondeaux, par balades Qui de present sont en cours et usage. (La Marche, Triumphe dames K.-B., p.1488, 71)

Cestui Jerson fut bon catholique, mais il eut plusieurs vices, car il fut presumptieux et orguilleux et appetoit de gouverner princes et aver legacions et ne povoit souffrir en court autre que lui. (Simon De Phares, Astrol., c.1494-1498, f° 152 v°)

A tous guydons, estendars et banieres, Que tout le monde fort appetoit de voir (La Vigne, V.N., p.1495, 145)

Que cueur desire et l'oeil appette a voir (La Vigne, V.N., p.1495, 169)

4.Appeter que. Désirer que.

Puis que tant de gens medecine Et les guerist tous, par ma loy, J'appete qu'il se determine Venir faire quelque beau signe Ou miracle par devant moy (Michel, Myst. Pass. J., 1486, 468)

B. -Par analogie. [D'une chose]

1.Appeter qqc.

a)Appeler qqc., attirer qqc..

...si comme Empedocles, qui disoit que tout semblable appete son semblable [mais peut-être est-ce le sens banal de 'désirer'] . (Oresme, E.A., c.1370, 415)

Je dis ainsy et le repete Que se, par nature ordonnee, Chascune chose Amour appete, Adfin qu'elle en soit gouvernee (Martin Le Franc, Champion dames I-II, P., 1440-1442, 112)

b)Nécessiter, exiger qqc..

Elles sont contraires a la nature de la chose particuliere qui est encline a durer et a sa permanence, mes elles sont selon nature universele qui appete continuacion de generacion et corrupcion. (Oresme, C.M., c.1377, 422)

2.Appeter que. Exiger que.

Car l'appetit est du moien qui est bon et propice, aussi comme un corps sec ne appete pas que il soit du tout moiste ne ce n'est bon. (Oresme, E.A., c.1370, 431)

Les tempz, enten bien, veullent estre congneus et appetent que les ceurs des hommes s'arriglent a leur redition, soit par pacience en choses dures et difficiles a muer ou par subtille(s) dissimulacion jusqu'a terme que les tempz mesmes font muer les choses. (Chastell., Temple Boc. B., 1463-1464, 161)

II. -Emploi transitif indirect. Appeter à qqn. Plaire à qqn, susciter son désir.

Mais quy plus en boit, plus luy haite, Tant com le goust luy en appete, Car tousjours est saine et entiere. (Courcy, Chem. vaill. D., 1406, 75)

Ainsi font les gloutons qui ne veulent mengier ne boire fors ce qui leur appete et saveure. Et ceulx qui ensiuvent l'apetit de leur bouche sont comme les bestes immundes. (Colart Mans., Dial. créat. R., 1482, 241)