AMOURETTE

substantif féminin

[T-L : amorete ; GDC : amourete ; AND : amurette ; FEW (XXIV, 466b) : amor ; TLF (II, 840a) : amourette]

I. -[Sentiment ; gén. au plur.]

A. -Attachement sentimental à qqn, relation affectueuse avec qqn (ou avec soi-même).

Mais au devant des Lëonois Vienent les bons Florentinois Qui a Lëonet font grant feste (...), Disans en hault sans faire fainte : 'Lëonet d'amer ne fine or Le chapeau luisant de fin or Et Florentin et ses flourettes. Aillours n'a mis ses amourettes.' (Pastor. B., c.1422-1425, 149)

Folles amours font les gens bestes (...). Et Narcisus, ly beaulx honnestes, En ung parfont puis se noya Pour l'amour de ses amourectes. Bien eureux est qui rien n'y a ! (Villon, Test. T., 1461-1462, 141)

Par amourette :

Filz, il fault que je te baise, Que je t'embrace à mon aise Et appaise De ma doulce mamelette (...) Que je te porte et alaitte (...). Je te prie par amourette, Tres jonne et belle flourette, Trop tenrette, Que je t'embrace a mon aise. (Molinet, Myst. st Quentin C., c.1482, 11)

Par métonymie. [Expr. littér. de dispositions favorables envers qqn]

Au beau verger quand le roy veult venir, Les belles filles chantoient belles chansons Du noble temps qu'elles voyoient a venir : L'une on voyait ung beau tableau tenir, Qui contenoit huict vers faicts d'amourettes, Et demandoient leurs douleurs a finir. Escoutez les, ils sont beaux et honnestes : 'Rejouissons-nous, pucellettes, Veci la fin de nos douleurs ; Faisons bouquets en violette Pour les presenter aux seigneurs : Dieu leur accroisse leurs honneurs, Et apres la fin Paradis (...).' (Entrées roy. G.L., p.1486, 271)

B. -[Dans les relations entre un homme et une femme]

1.Amour, relations amoureuses.

L'omme secré aimme la dame, Qui sagement se scet couvrir Et leurs amouretes nourir En douchour et en courtoisie, Sans nulle riens de jalousie. (Froiss., Par. am., c.1361-1362, 58)

Ainsi estoie es champs tous seulx, Et entre les pastours vy ceulx Qui s'amerent et autour d'eulx Leurs brebïetes. Si firent par leurs amouretes Tant de gracïeuses chosetes, Et s'entredonnoient fleuretes Et chappeaulx vers ; Et puis dançoient au travers, Tous de fleurs estranges couvers (Chart., L. Dames, 1416, 204)

Et, se bien amer te delite, Va t'en aux bois, plains de flourettes, Et voy quelque belle a l'eslite A cui contes tes amourettes. (Martin Le Franc, Champion dames III, F., 1440-1442, 120)

Quant il eut tout ce deschanté En chant tout remply de flourettes, Il pipa de l'aultre costé (...) ; Et certes il ne failly mye De raconter les amourettes De Coronis, sa belle amye. A haulte voix racontoit il Que Coronis, dont j'ai parlé, Lui enfanta ung vaillant fil (Martin Le Franc, Champion dames III, F., 1440-1442, 149)

Mais en celle saison, quant ilz se retreuvent aux champs gardans leurs moutons, Robin prie d'amourettes la belle Annechon en radoubant sa panetiere (Percef. II, R., t.2, c.1450 [c.1340], 484)

...il ne luy estoit honeste [au mari] d'avoir ainsi journellement et continellement le repaire du curé, (...) ce ne se povoit ainsi continuer sans le grand deshonneur de sa femme (...), force luy fut de dire au curé qu'il se deportast de hanter en sa maison (...). La defense despleut au curé (...), pourtant ne furent les amourettes rompues, car elles estoient (...) parfond enracinées es cueurs des ambedeux parties (C.n.n., c.1456-1467, 440)

Vostre beauté me tient en amourettes (Sav. Calb. T., c.1475-1500, 143)

La [l. Ha !] blanche chair et deliées mains, Riz amoureux, oeillades d'ameurettes, De vous ay fait eschange et siremains [l. si remains] , Chassé d'espoir et banny d'amourettes, Cestes, je fuz tout tel comme vous estes, Gens de loisir et vous n'y pensez pas Si fauldra il que vous passez le pas (Saint-gelais, Séj. honn. J., c.1490-1495, 266)

Et sur ce point par nous [les pucelles] te sera mis Dessus le chief, ainsi qu'il est permis, Le chapellet comme le roy des dames (...). Dessus son chief mirent le chapellet De franc lorier et de nobles fleurettes Honnestement, lequel n'estoit pas let, Fait a couleurs de blanc et violet Pour le nommer paragon d'amourettes. (...) Puis en aprés comme humbles sadinettes, Prenant congié : 'Vive le roy !' crierent. (La Vigne, V.N., p.1495, 172)

[Dans le domaine relig. ; à propos du Cant. des Cant., appelé traditionnellement Le Livre d'/des amourettes] [Avec une valeur allég. probable, l'amour profane pouvant évoquer l'amour mystique]

...comme je me delictoye a regarder ce delicieux et celestiel champ et tres flourissant jardin de la divine Escripture (...), avint que je descendi en une partie de ce jardin, la plus gaye et florissant, qui se nomme Cantiques ; la je oÿ le saige roy Salomon qui, en la personne du vray Dieu d'amours, chantoit joyeuse chancon de ses amourettes, et comme seroit chancon de nouveau[x] espoux et espouse. (...) Mon espouse, ma seur, ma mie, [Tu es de toute beauté garnie] (Gers., Concept., 1401, 388)

Par amourettes. Par amour.

Un chappellet de violettes, Fait et donné par amourettes (Mach., Voir, 1364, 5226)

2.En particulier. Amour superficiel, passager ; relations sexuelles sans passion.

Il n'y a si meschant homme mescanique qui ne veullent porter martres, et leurs femmes gris ou menu ver, voire les fillettes vendans amourettes en gros et en detail (Juv. Urs., Nescio, 1445, 547)

Tel veult que sa femme soit gente Qui pour ung aultre la polist ; (...) Tel sçait que sa femme frequente Chieux quelque ung et l'uy [l. luy] voit aller [,] Le quel toutesfoys s'en contente Pource qu'il n'en ose parler. (...) Tel voit a sa femme colier Qu'elle a conquis en amourettes (Alecis, Faintes monde P.P., c.1460, 89)

Par amourettes

...ledict roy Edouard, estant fort amoureux d'une dame d'Angleterre, luy promist l'espouser pourveü qu'il couchast avec elle et elle se y consentit (...). Et depuis espousa le roy Edouard la fille d'ung chevalier d'Angleterre appellé mons^r de Rivieres, femme vefve, qui avoit deux filz, et aussi par amourettes. (Comm., II, 1489-1491, 232)

Remarque : FEW XXIV, 466b définit : «Par amourette 'avec une personne de condition inférieure' (Commines...)». Cette connot. d'infériorité n'est pas évidente.

3.Déduit amoureux, ébats érotiques.

Art d'amourettes

Remarque : TARDIF, Facéties Pogge D.H., c.1490, LXXXIV, 1.

Jeu d'amourettes. Tour d'amourettes

...dame Fleurie estoit jeune de XX ans pour ce temps, gente, gaye et jolie. Tout avoit ce qu'elle vouloit, excepté le jeu d'amourettes, dont elle avoit souvent disete, car Guido gueres n'en pouoit et pour son aage voulentiers s'en deportoit et pour la santé garder s'en contregardoit (Nouvelles inéd. L., p.1452, 18)

...si mist tost Raymonnet la dame sur son ventre, en faisant le gieu d'amourettes. (Nouvelles inéd. L., p.1452, 29)

PUOC FILE. (...) O mestre Marmet, venés a moy, Je vous amerey am bonne foy En despiet de jelousie. MARMET. Savés de moy que dittes, amie ? Pour ma foy vous este bien joulie, Honeste, gracieuse e belle, E savés bien le tourn D'amouretes, de joye e d'amour. (Trois comm. M., c.1475, 539)

Car la dame de bien aymer pensa Ung estrangier que jamès n'avoit veu, Et son mari hors de s'amour lansa ; De amourettes trop desiroit le jeu. Quant la dame fut esprinse du feu Qui la bruloit par cure langoureuse, Et ne povoit en place ne en lieu Prendre repos, tousjours estoit songneuse De remembrer la face gracieuse De Eurialus, qui l'a navré a oultrance. (Saint-gelais, Eurial. Lucr. R., c.1490, 11)

Proverbe. Aussi bien sont amourettes Sous bureaux comme sous brunettes

...ce n'est pas, quant as meurs, vices ne blasmes que nul, tant soit vaillans ne noble, doie reprochier ne reprendre et pour ce que tel vilenie, ou estre ainsy vilain, n'est pas aussi chose a amours contraire, selon ce que le proverbe dit car Aussi bien sont amouretes Soubz buriaux come soubz brunetes. (Evr. Conty, Eschez amour. mor. G.-T.R., c.1400, 450)

Et estre vouldroye amoureux D'une leale pastourelle, Sy seroie trop plus heureux Que d'amer n'en tour n'en tourelle. Aussi bien sont les amourettes Doulces, leales, avenans, Soubx bureaux comme soubx brunettes, Voire, et plus longuement tenans Dangier, fortune, mesdisans, Laissent bergieres et pastours Et vont tourmenter les amans Qui sont es chasteaux et es tours. (Martin Le Franc, Champion dames III, F., 1440-1442, 115)

Remarque : Cf. E. Legris, Bibl. Éc. Chartes 60, 1899, 576. Aux XIV^e et XV^e s., amourette ne prend que rarement le sens, aux connot. péj., de 'légèreté', de 'frivolité'. En B comme en A, amourette n'est gén. qu'un simple «dim. d'amour, employé souvent comme amour même» (GDC VIII, 112b), avec peut-être une nuance supplémentaire de familiarité, de gracieuseté. Toutefois, l'amoindrissement qualitatif de amourette par rapport à amour semble se dessiner dans la 2^e moit. du XV^e s. ; ainsi, Molinet utilise de façon récurrente l'expr. Amours deviennent amourettes pour marquer la dégradation d'une situation naguère florissante :

VERTUS. Amours deviennent amourettes. O le duc Philippe, ou es tu Et le duc Charles, son enfant ? Comme je te vis advestu De renommee et de vertu Et de haultain bruit triumphant ! Ou trouveroit on maintenant Ta force a nulle accomparee ? RENOMMEE. (...) Leur trespas m'a descoulouree, Aincoires en suis je esplouree, Toutes les fois qu'il m'en souvient. (Molinet, Faictz Dictz D., 1467-1506, 199)

Trop anoyés, en larmes de oeul noyés Et desvoyés furent bergiers des champs : En temps de doeul ne servent nulz deschants. (...) Pommes et poirettes, Jadis fort tenrettes, Nous sont trop durettes : Amours amourettes Deviennent souvent. (Molinet, Faictz Dictz D., 1467-1506, 209)

Joieux sons plus ne se oyent ; Amours, ou qu'elles soient, Deviennent amourettes. (...) Depuis la paix rompue, il est tout cler Que ne vëons sinon espantement, Chasteaux rendus, grosses villes trembler (...) ; Se ce temps dure, on chantera briefment En mainte ville et cité mal muree Doeul angoisseux, rage desmesuree. (Molinet, Faictz Dictz D., 1467-1506, 266)

Vous aurés cent milles crinchons Qui vous rongeront le cervelle, Commandemens, longues lechons, Passions, souffrance, tenchons (...). Donner fault a sa bien aimée Joiaulx et bacgues par monceaux (...). Brief oncques homme n'eschappa De mariage sans rihotte (...). Les francz basiers sont convertis En poires d'angoisse durettes (...), Ris en crys, danses en noizettes, Amours deviennent amourettes ; Oncques marier ne se oza Dieu, pourquoi ? Qui femme a, noize a. (Molinet, Faictz Dictz D., 1467-1506, 828)

4.Par métonymie.

a)Femme aimée, aimable, plaisante.

C'est [la fille d'Hérodiade] une doulce amourete Et l'amie du Dieu d'Amours. (Pass. Auv., 1477, 91)

Des dames, lors, estoye recueilly, Entretenant mes doulces amourettes, Amours m'avoit son servant acueilly, Portant boucquetz de boutons et fleurettes [Dans ce texte, 'amourette' hésite entre le sens 'amour' et le sens 'personne aimée', avec un penchant pour ce dernier] (Saint-gelais, Séj. honn. J., c.1490-1495, 264)

La [l. Ha !] blanche chair et deliées mains, Riz amoureux, oeillades d'ameurettes, De vous ay fait eschange et siremains [l. si remains] , Chassé d'espoir et banny d'amourettes, Cestes, je fuz tout tel comme vous estes, Gens de loisir et vous n'y pensez pas Si fauldra il que vous passez le pas (Saint-gelais, Séj. honn. J., c.1490-1495, 266)

b)[Expr. littér. de l'amour]

A faire dis et chansonnettes Pleinnes d'onneur et d'amourettes (Mach., Prol., c.1377, 6)

II. -(Tremblant) amourette. Graminée à petits épillets en coeur, brize.

Je ne les prise pas deux blans Tous les biens qui sont en amer, Car il n'y a que tout amer Et grant foison de faulx semblans. (...) Ilz ne sont a riens ressemblans, Car un jour viennent entamer Le cueur et aprés embasmer : Ce sont amourettes tremblans (CH. D'ORLÉANS, Chans. C., c.1415-1440, 233)

Mais sachiez, hommes, que vous estes Comme les arbres durs et secs Entre les doulces violettes, Ou entre tremblans amourettes Esquelles point de rigueur n'a. Nature par sainctes marettes Ainsy doulces les nous donna. (Martin Le Franc, Champion dames IV, D., 1440-1442, 217)

Remarque : 1. Cet empl. de amourette au sens de 'graminée' est probablement att. pour la 1^re fois dans le texte de Ch. d'Orléans cité supra. Bien qu'il soit toujours vivant de nos jours, il ne figure apparemment pas ds FEW (ni ds T-L ou GD). Il pourrait se rattacher à l'étymon de amourette², mais plus prob., c'est la possibilité d'un rapprochement anal./métaph. entre certaines formes d'amour et la graminée aux épillets tremblant sous le moindre souffle qui semble avoir fait naître l'appellation pop. de la brize, et qui a inspiré d'autres poètes après Ch. d'Orléans (cf. Michel Thom, Mél. C. T. Gossen, 1976, 897-904, et Alice Planche, Ch. d'Orléans ou la recherche d'un langage, 1975, 195). 2. S'agit-il de la même plante dans le passage suiv., où la métaph. est très sensible ? Ou s'agit-il d'un synon. de amour ?

Je suis mieulx pris que par le doy, Et fort enserré d'un anneau. S'a fait ung visaige si beau, Qui m'a tout conquesté a soy. Je rougis et bien l'aparçoy, Ainsi qu'un amoureux nouveau, Je suis mieulx [pris que par le doy.] Et d'amourectes, par ma foy, J'ay assemblé ung grant fardeau, Qu'ay mussees soubz mon chappeau (CH. D'ORLÉANS, Rond. C., 1443-1460, 329)

3. Dans l'ex. suiv., il peut s'agir du sens II ('s'asseoir parmi les amourettes') ou bien du sens I B 3

Dames, il fait plaisant soubs arbre Quant emprez la fontaine sourt (...) Et vivement par le pré court. (...) Meïsmement quant sur flourettes Sans faire tapis du giron Se peut on soir par amourettes Ensemble tout a l'environ (Martin Le Franc, Champion dames V, D., 1440-1442, 135)