ALTERCATION

substantif féminin

[T-L : altercacion ; GDC : altercation ; AND : altercacion ; FEW (XXIV, 357a) : altercatio ; TLF (II, 625b) : altercation]

A. -Dispute, contestation entre deux ou plusieurs personnes.

Quant fut faiz li servises tres bien et autement (...) Une altercations est entre aux ancontree (...) Quar li noble et li clerc le corps porter voloient Estre mis a Poutieres si com juré l'avoient. (Gir. Ross. H., c.1334, 284)

...li emperere Henri (qui ancors n'avoit le coronne del pape ne sa benediction) (...) amendeir voloit chu que ilh avoit forfait, et refusoit ['renonçait'] al donacion des evesqueis et abbeis et altrez clers, et à tout chu dont li empererez, ses predicesseurs, altrication ne matere ne debat poioient avoir eut al papez le temps passeit (JEAN D'OUTREM., Myr. histors B.B., t.4, a.1400, 305)

...pour ce que autrefoiz avoit esté grant altercation d'entre le Borgne de la Heuse, d'une part, et messire Olivier de Mauny, d'autre part, sur la capiteinnerie de S. Maalo (Baye, I, 1400-1410, 189)

Et pour oster toute altercacion qui sur ce se porroit mouvoir, est ordenné et accordé que se aucun domesticque (...) estoit bany en temps passé ou advenir par nous maire et eschevins, pour aucuns cas dont à nous appartenist la congnoissance, il ne porroient avoir retrait ou refuge ou dit chastel (Hist. dr. munic. E., t.2, 1413, 519)

Après ledit serment fait, le chancelier de France luy dit qu'il devoit et estoit homme-lige du roy, à cause de sondit duchié. A quoy fut respondu par le chancelier dudit duc que, sauf la révérence du roy et de luy, il n'estoit pas homme-lige à cause d'iceluy duchié. Sur quoy ils furent en grande altercation par aucune espace de temps. Finalement le roy le receut à foy aux us et coustumes ainsi comme ses prédécesseurs ducs de Bretaigne avoient fait. (Chart. J., Chron. Ch. VII, V., t.2, c.1437-1464, 248)

...auquel lieu eut grant altercacion entre les religieux de Saint Denis et les havouars... (Le Bouvier, Chron. Ch. VII, C.C.J., c.1451-1455, 418)

'Monseigneur, je vous avertis, car on veult faire mauveise compaignie à monseigneur Gilles votre nepveu, et je m'en descharge.' Et incontinent monseigneur le vint dire au duc, et y eut grant altercacion, et lui demanda qui le lui avoit dit ; et il dist que ce avoit esté monseigneur de Montauban, et lors le duc se courroucza très fort o monseigneur de Montauban, et lui voult courir sus, qui ne l'eut destourbé. (Gruel, Chron. Richemont L., c.1459-1466, 203)

Nous sejournasmes huyt jours audict lieu en grandes altercacions et doubtes. (Voy. Hierus. S., 1480, 43)

Thibault de Blois, en ce temps moult aprecié de l'empereur Arnol, fut envoyé comme ambaxade devers Formose, pappe, pour le differant et altercacion qui lors estoit en l'Eglise et y fist peu touteffois. (Simon De Phares, Astrol., c.1494-1498, f° 89 r°)

Par extension. Discussion, débat.

...et ces choses sçay-je certainement par la relacion de mon pere, qui, comme philosophe, serviteur et conseillier du dit prince, fu à celle ditte collacion, en laquelle ot pluseurs altercacions et arguemens de la Sainte Escripture et des substances natureles (Chr. Piz., Faits meurs Ch. V, S., I, 1404, 96)

Du Filz de Dieu dist Anastasius docteur moult catholique de Grece en ung sien libelle, qui est intitulé et nommé 'du debat et altercation contre ung heretique apellé Arrius', que Dieu le Filz est le sens, par lequel toutes choses sont cogitees et pensees (Somme abr., c.1477-1481, 109)

Le regnart et le liepart estoient ung jour aux champs, a l'ebat. Et, en parlant de plusieurs choses, eurent question et altercation entre eulx touchant leur beaulté. (Tardif, Apologues R., c.1493-1498, 62)

Faire altercation (de langage)

Discuter, disputer.

Quant messire Floridan ot fait fin a sa parolle, les diz quatre loudiers ne firent plus quelque noize ne quelque altergacion de langaige, mais eulx tres bien furniz d'espees, de dars et de aultres bastons commencerent a assaillir de fait et tres rudement le dit messire Floridan (Rasse Brunh., Flor. Elvide B.N. C., a.1456, 16)

Se disputer, se quereller.

Et pour ce, les povres et les riches funt altercation de la policie. (Oresme, Pol. Arist. M., c.1372-1374, 129)

Mettre altercation à qqc. S'y opposer.

...cil de delà y poroient mettre atergation Et nous mettre ens ou teuxte de réproubation (Geste ducs Bourg. K., c.1410-1419, 339)

...ne differez aucunement pour les altercacions et empeschemens mis à la requeste de frere Benoist de Monferrandt (Lettres Louis XI, V., t.4, 1471, 293)

Par personnification.

Brief Conseil, Faulx Entendement, Sens Obstiné, Presumption, Devis Paillart, Ort Pensement, Baverie, Altercation, Menterie, Derrision, Folye paree de houche, Gens de tele condicion Furent souldars de Malebouche. (Martin Le Franc, Champion dames I-II, P., 1440-1442, 81)

B. -DROIT Dans un litige, échange de raisonnements contraires.

...après pluseurs altercacions fu accordé entr'eulx que, parmi certaine quantité de vins et somme d'argent, qui lors par les dis maistres furent baillés realment et de fait aux dis Jamet, Manin et autres leurs consors (...) yceulx (...) dessus nommés quicterent et quicte clamerent à tous jours les dis maistres de la dicte prinse et des vins, billon, nef et marchandises (Doc. Poitou G., t.4, 1372, 145)

...apres plusieurs replications et altercations proposées entre les parties, traictié fu de paix, du consentement d'icelles, et autorisié de nous (Trés. Reth. S.L., t.2, 1374, 213)

Lequel prisonnier Colin Petit, sur ce juré aus sains Euvangiles de Dieu de dire verité de tout ce qui lui sera demandé, dist et afferma par serement, sur ce requis, après plusieurs altercacions et variacions par lui faites et dites, que jeudi derrerement passé... (Reg. crim. Chât., I, 1389-1392, 137)

Lesquieulx maistres Jehan Jouvenel et Pierre de Vé, après plusieurs debas et altercacions dites entre eulx, furent d'oppinion que... (Reg. crim. Chât., II, 1389-1392, 338)

Ensuite il leur fut par luy récité et raconté toutes les altercacions, différens, plaintes et remonstrances qui, sur cette matière, avoient esté faites (Chart. J., Chron. Ch. VII, V., t.2, c.1437-1464, 106)

Remarque : FEW XXIV, 358a.

C. -Soutenance de thèse (disputatio)'.

[Il s'agit des faveurs et des promotions que les gens d'Église obtiennent 'do das', 'donnant donnant', en faisant de somptueux cadeaux ; ils ne savent pas le latin, mais peu importe ; en revanche] Logicien decretalistre ['les docteurs en droit canon'] N'aroient jamais a ce titre Pour leur seule altercacion Sanz 'do das' impetracion (Desch., M.M., c.1385-1403, 169)