NOISE

substantif féminin

[T-L : noise ; GD : noise1 ; DECT : noise ; FEW (VII, 56a) : nausea ; TLF (XII, 185b) : noise]

A. -Bruit.

1.Bruit, tapage, tumulte, vacarme.

Mes scens estoit si pervertis Qu'encor ne m'estoie avertis Des oisillons, ne de leur noise, Ne comment chascuns se degoise. (Mach., R. Fort., c.1341, 110)

Et le nose monta en ou palais plenier. (Bât. Bouillon C., c.1350, 131)

Juno qui vit et oy sa priere, Qui fu de cuer devote, humble et entiere, Dist a Yris, sa loial messagiere : 'Enten a moy. Bien sai que moult yès aperte et legiere. Va t'en au dieu qui het noise et lumiere, Qui de dormir aimme toute maniere Et het effroy. Tu li diras que devers li t'envoy...' (Mach., F. am., c.1361, 163)

Là ot grant bruit et grant huée, Grant brait, grant trait et grant meslée, Car onques si fort ne neja, Ne la gresle ne verrez ja Si dru, com sajettes et dars Aplouvoient de toutes pars, Pierres, garros et espringales. Là n'avoit trompes ne cimbales Qui les resbaudisse, n'envoise, Trop y ot mervilleuse noise ; Et se bien li nostre assailloient, Li autre mieus se deffendoient. (Mach., P. Alex., p.1369, 86)

Et einsi comme il conseilloient En une chambre où il estoient, Il oïrent une grant noise ; N'i a celui qui ne se coise Pour oïr que ce pooit estre. Si ouvrirent une fenestre Pour mieux veoir et plus à plain S'il avoit nelui seur le plain. (Mach., P. Alex., p.1369, 150)

Trompes, naquaires et tabours Sonnoient si fort que li bours Et la mer en restentissoit. De la noise qui en yssoit Paour avoient et doubtance, Et n'i avoit nulle ordenance, Eins estoient en maintes pars Par dessus la montaingne espars. (Mach., P. Alex., p.1369, 165)

...et aussi pour ce que lez espiris sont meismement de nuit en plus grant repos et hors de noyse que de jour (Songe verg. S., t.1, 1378, 383)

...et, ce fait, lui et ledit Jehannin Favas, demourant en la rue au devant dudit huys, et par maniere d'esbatement, se prindrent à chanter haut et cler de leur povoir, afin que les voisins ne peussent pas si aisiement oïr aucune noise (Reg. crim. Chât., I, 1389-1392, 102)

Tost y fu la noise accoisie. (Chr. Piz., M.F., II, 1400-1403, 303)

...lors bon mary de se courroucer ; et fiert tant qu'il peut de son pié contre la porte (...) Mais au fort, pour abaisser la noise et a son aise mieulx dire sa volunté, elle ouvrit l'huys. (C.n.n., c.1456-1467, 28)

...vous prendrez ce thamis et besoignerez comme je faisoie, affin d'aventure, si madame est esveillée, qu'elle oye la noise que j'ay devant le jour encommancée. (C.n.n., c.1456-1467, 118)

...a cest coup fut grande la noise, et autant joyeuse (C.n.n., c.1456-1467, 185)

Elle n'eut pas finé son dire que son mary entra dedans, qui aucunement ce luy sembloit avoit noise entreoye. (C.n.n., c.1456-1467, 243)

À grant noise

A celle parole le deable se auanuist a grant noise et a grant puantise. (Miélot, Mir. N.D. W., 1456, 10)

Faire (grant) noise

Mais qui oïst les bestes braire Et la noise qu'elles faisoient, Quant einsi le lion vëoient, C'estoit hideur a escouter, Car moult faisoient a doubter. (Mach., D. Lyon, 1342, 181)

Et je croy, se Dieus me doint joie, Que tout ce qu'a la dame avoie Dit de li, que bien l'entendi Et tout ce qu'elle respondi ; Car quant il se dut departir De la dame, j'oy glatir Les bestes et faire grant noise ; Mais il ne li en chaut ne poise, Eins fist samblant qu'il en fust liez, Dont je me sui trop mervilliez. (Mach., D. Lyon, 1342, 233)

Lors les femmes, que Dieus maudie, Feïrent trop grant renardie, Car elles feïrent ensamble Si tres grant noise, ce me samble, Qu'on ne pot oïr le chanter Qui les roches sot enchanter (Mach., C. ami, 1357, 92)

Archiers, arbalestriers traioient De toutes pars, quan qu'il pooient. Pluseurs fois feïrent ce tour Qu'adès faisoient leur retour, Et sans cop ferir se partoient N'autre damage ne faisoient ; Mais noise faisoient si grant Qu'on n'i oïst pas Dieu tonnant. (Mach., P. Alex., p.1369, 167)

...et à l'issir dudit hostel, fist icellui ennemi grant noise et en maniere de tourbeillon de vent, dont elle qui parle ot moult grant paour et freour. (Reg. crim. Chât., I, 1389-1392, 356)

...mais par cas d'aventure, aucun des gens dudit fort fist cheoir un grant bacin contre terre, qui fist moult grant noise, par laquele noise ceulx qui faisoient le guet en icelle forteresse se esveillerent et commencerent à faire moult grant cry et hu (Reg. crim. Chât., II, 1389-1392, 194)

...pour ce fist yssir de nuit une grant partie de ses gens, et leur commanda que ilz venissent le matin enssievant le pendant d'une montaigne, faisans grant noise, a la fin que ses anemis les peussent veoir et oïr, et cuidassent que ce fust nouvelle ayde. (La Sale, Salade, c.1442-1444, 58)

...je conseille que l'une de nous deux face noise comme de toussir pour veoir qu'ilz diront. (Percef. IV, R., c.1450 [c.1340], 249)

...quant il l'oyt, il commença a faire grand noise et crier a la volée (C.n.n., c.1456-1467, 187)

Je vous prie que vous faictes tous noz gens coucher, affin que nul ne face noise ne bruit, et puis venez en nostre chambre. (C.n.n., c.1456-1467, 366)

Sy le laissa hurter et crier deux, trois fois [le duc perdu la nuit en pleine campagne] , premier que voulut onques respondre, enfin toutevoies tanné de la noise que lui fit, rudement respondy, disant : 'Que voulez-vous ? qui est là ?' (Chastell., Chron. K., t.3, c.1456-1471, 257)

Doulx Jesus, tu me voys icy : En tes mains je rens mon esprit, Car le corps est au finement ; Plus ne feray noise ne cry. Doulx Jesus qui en croix pendit, Ayes de moy souvenement. (Myst. st Laur. S.W., 1499, 249)

Faire haute noise. Faire du tapage.

[Des voisins bruyants] ...faisoient aucunement haute noise comme grosses gens (Chastell., Chron. K., t.3, c.1456-1471, 104)

Faire basse noise. Faire peu de bruit, parler bas.

Et que on face si basse noise Que nul ne soit oÿ layens. (La Buigne, Rom. deduis B., 1359-1377, 279)

LE PREMIER JUGE. Taisons nous. LE SECOND. Faisons basse noise. (Myst. Viel test. R., t.5, c.1450, 183)

Faictes bas[s]e noyse, Monsieur ; vostre mounyer repose. (Gent. moun. T., c.1500, 350)

Mener / demener (grant) noise

Adonc fist il ses porcs venir Et tout devant ses os tenir, Et les fist fort braire et pener Et monlt grant noise demener. Quant cilz chien oÿrent les porcs... (Renart contref. R.L., t.1, 1328-1342, 140)

Car il menoient moult grant noise, Einsi com chascuns crie et noise : 'Faites tost ; la messe est chantée, Et l'iaue est grant piessa cornée.' (Mach., R. Fort., c.1341, 144)

La oyssiez busine et cor d'airain sonner, Trompe, tabour, nocquaire et teille nose mener Que de lue et dem[i]e lez pot on oyr cler. (Lion Bourges K.P.F., c.1350, 347)

La mainent telle noise ly paien Bedouyin Que tout en retentit environ le jardin (Tristan Nant. S., c.1350, 160)

Et si avoit pluseurs consaus D'armes, d'amour et de sa gent, Qui estoient courtois et gent. Mais toutes les cloches sonnoient, Qui si tres grant noise menoient, Que c'estoit une grant merveille. Li roys de ce moult se merveille, Et dit qu'onques mais en sa vie Ne vit si tres grant melodie. (Mach., P. Alex., p.1369, 36)

Entre IJ. tymbres et taburs, Menestriers de bouche, cymbales Faisoient restentir les sales, Et si grant noise demenoient Que toutes les gens essourdoient. (Mach., P. Alex., p.1369, 196)

Je voy la grant peuple assemblé Qui maine grant noise et grant cry. (Gréban, Pass. J., c.1450, 313)

Parler de noise. Parler fort.

LE DRAPPIER. (...) Saincte benoiste Dame, Vous criez ! GUILLEMETTE. C'estes vous, par m'ame, Qui ne parlez fors que de noise ! (Path. D., c.1456-1469, 102)

Sans noise. Sans bruit.

...et donques passent il [les corps du ciel] un sus l'autre tres souef et tres seriement sanz confricacion quelcunque et, par consequent, tres paisiblement sanz noise et sanz son. (Oresme, C.M., c.1377, 478)

...sans parolles et sans noise (La Marche, Triumphe dames K.-B., p.1488, 41)

Sans faire noise. Silencieusement, sans faire de bruit.

DEUXIESME NONNE. Or ne vueil je plus longuement Demourer que je ne m'en voise De ci endroit sanz faire noise. Convent dort... (Mir. nonne, 1345, 333)

Chascun de vous preigne son lieu, Sans faire noise ny clamour (Pac. Job M., c.1448-1478, 198)

Dire / repondre sans faire noise. Dire / répondre sans bruit ; d'où sans élever le ton, à voix basse.

Einsi encontre Cruauté Deffent l'amant douce Pité. Mais Franchise, la trés courtoise, Dit a Durté sans faire noise Qu'il ne se doit point entremettre De retolir ne de promettre Les dous biens plaisans, savoureus, Qui sont fait pour les amoureus (Mach., D. verg., a.1340, 45)

Elle, com vaillant et courtoise, Bonne et sage, sans faire noise, Me respondi... (Mach., R. Fort., c.1341, 148)

À peu de noise. En faisant peu de bruit.

LE CHARPENTIER. Or, chargons sus [les croix] Incontinent, a peu de noise. (Gréban, Pass. J., c.1450, 319)

2.[Idée de bruit, mais sans idée de vacarme]

a)[À propos de sons musicaux]

La tres douce noise de ces deificques musiciennes m'a recreé l'ame (Molinet, Faictz Dictz D., 1467-1506, 94)

Sons melodieux, tubes, tamburs, trompes, clarons, flutes, musettes et chalemeles sonnoyent en l'aer et engendroyent armonie tant delitable que ilz effachoyent toutte merancolie (...). Souverainement ou quartier du duc (...) en estoit la très doulce noise tant plaisante à oyr que ce sambloit ung paradis terrestre et chose plus divine que humaine (Molinet, Chron. D.J., t.1, 1474-1506, 58)

b)[À propos de choses qui produisent des sons, de bruits naturels...]

Il voit que ung chevalier tres radement chavauchant venoit vers lui et sceut bien qu'il estoit armé a la noise de son escu qui a son lez hurtoit. (Percef. IV, R., c.1450 [c.1340], 465)

3.[À propos de ce dont on parle, qui fait grand bruit]

Cil qui songe qu'il ait trouvé, en aucun lieu, des nois, et il ignore le nombre, il ara richesce en grant noise ['une richesse telle qu'elle fera grand bruit'] . (Expos. songes B., 1396, 219)

B. -Par métonymie.

1.Bavardage, caquetage.

...pour la continuelle noise de pluseurs qui ne se scevent taire ce qui rien ou pou ne leur touche, vint ceste matiere a la congnoissance du maistre (C.n.n., c.1456-1467, 164)

2.Dispute bruyante, querelle.

S'alay aus chans isnellement Chevauchier par esbatement, Pour moy jouer et soulacier Et la douceur a moy lacier Qui vient de pais et de deduit, Ou cuers volentiers se deduit Qui n'a cure de cusançon Qui touche a noise, n'a tenson, Mais bien vorroit cusançonner Ad ce qui puet honneur donner. (Mach., J. R. Nav., 1349, 154)

Et la sainture qu'elle a sainte N'est pas en amours chose fainte, C'est propre loial Couvenance, Cloée de ferme Fiance. Car qui couvenances affie, Neccessitez est qu'on s'i fie. Et li mordans, pour ce qu'il poise, Sert d'abaissier tençon et noise, Si que jusqu'a ses piez li bat. (Mach., J. R. Nav., 1349, 278)

Il semble que renouveller Vueillez la noise et le decort Pour esveillier le chat qui dort. (Mir. parr., 1356, 12)

...toudis a trouvé mon cuer loial Qui se renvoise Pour Dous Penser qui li fait coie noise, Et d'autre part d'Esperence courtoise. (Mach., F. am., c.1361, 175)

Je lo bien que plus ne me tiengne Que devers la court ne m'en voise Savoir quel debat ou quel noise A fait ou quelle mesprison Mon seigneur qui est en prison (Mir. emper. Romme, 1369, 269)

Et en tous lieux fuiez noise et tenson (Desch., Oeuvres Q., t.2, c.1370-1407, 113)

...et les choses elle n'osa oncques dire à sondit mary, de paour que noise et descort ne se meut entre eulx. (Reg. crim. Chât., I, 1389-1392, 270)

Mieulx y voulsissent paix que noise (Chr. Piz., M.F., II, 1400-1403, 313)

...pour rendre graces à Dieu, qui de sa grace a fait paix entre nosseigneurs de France, à cause de la noise et division desquelx ce royaume estoit taillié d'estre destruit (Baye, II, 1411-1417, 87)

Force de chaleur, jour et nuit, Gaste l'umeur et la destruit, Et l'umeur quiert souvent, sans faindre, La chaleur gaster et extaindre, Pour laquele noise et riote, Comme Ypocras le traite et note, L'estat du corps tousjours se change Et seuffre en soy maint mal estrange (La Haye, P. peste, 1426, 65)

Pierres, tu quiers tousjours la noyse ; Tu t'en pourras bien repentir. Chascun puet et veoir et sentir Que homme mort ne se puet bougier. S'il ne puet boire ne mengier, Puis qu'il se muet, qu'en ay je a faire ? (Mart. st Pierre st Paul R., c.1430-1440, 127)

Mais a peu que grant noise ne saillist des deux aultres naves a la nostre ; car ilz furent courouchiez, disans que noz gens avoient le soir deslyé leurs cables. (La Sale, Salade, c.1442-1444, 156)

J'aymeroie mieulx morir que a mon pourchaz sourdist noise ou debat entre vous et madame (C.n.n., c.1456-1467, 81)

...oncques n'avoit on vu entr'eulx deux que aulcunement y eut quelque courroux, noise ou maltalent. [De deux grands amis] (C.n.n., c.1456-1467, 385)

Et ainsi s'esmeut entr'eulx grant noise et contencion tellement que la feste fut tournee en trouble (Colart Mans., Dial. créat. R., 1482, 157)

En celluy temps se leva une noise Entre Juifz et noz gens de souldee Tant de la garde françoyse qu'escossoyse, En une rue pres la place judee (La Vigne, V.N., p.1495, 233)

Proverbe.

La ou paix n'est sont noizes et discors. (Molinet, Faictz Dictz D., 1467-1506, 183)

Avoir (des) noise(s). Se quereller.

Richart, nous arons par temps noise : Je voy venir vestu de fer Robert ; c'est un dyable d'enfer, Non pas un homme. (Mir. Rob. Dyable, c.1375, 25)

Cogneut avec ce, elle qui parle, que par plusieurs fois ledit Rotisseur et sa femme ont eu de grans noises et riotes ensamble, lesquelz lui ont dit plusieurs injures et vilennies. (Reg. crim. Chât., I, 1389-1392, 260)

Esopet, n'ayons point de noyse. (Coust. Esop. T., c.1500, 156)

Faire noise à qqn. S'en prendre à qqn, lui chercher querelle.

...le conte de Ligny, qui jamais n'arrestoit à quérir et à faire noise à ses ennemis... (Chastell., Chron. K., t.2, c.1456-1471, 34)

Faire noise. Faire les noises. Se disputer.

De nulle rien tant ne s'envoise Con de combatre et faire noise (Mir. st Guill., c.1347, 6)

...et ne fut la Mort ordonnee fors pour apaisier les debas de ce monde et oster ceulx qui s'antrehaient, qui font les noises (MART. D'AUV., Arrêts Am. R., c.1460-1466, 156)

En particulier. [À propos d'un ordre à exécuter] Sans faire noise. Sans discussion.

Sanz faire ne noise ne plaist, Prenez place chascun de vous. (Mir. mère pape, c.1355, 352)

Mener noise à qqn. S'en prendre à qqn, lui chercher querelle.

Au message dit 'qu'il s'en voise, Et plus ne lui meine de noise, Ou malement lui en yra !' (Chr. Piz., M.F., II, 1400-1403, 305)

Mouvoir noise à qqn. Chercher querelle à qqn.

...et or lui sembla bien avoir achoison de mouvoir noise et debat (...) aux Veneciens (Bouciquaut L., 1406-1409, 276)

Tous vivres estoient mis au plus bas marchié qu'on les pouvoit establir, nul si hardy de les enchérir d'un denier, ne qui à homme de court must noise, ni question sur peine de mort. (Chastell., Chron. K., t.3, c.1456-1471, 416)

Prendre noise à / contre qqn. Chercher querelle à qqn.

Josep n'y a point fait d'abus, Car le corps il a demandé A Pilate, qu'a ordené Qu'il l'ensevelit a son aise. Pour ce faictes mal prendre noyse Contre ce Josep, si me semble. (Pass. Auv., 1477, 268)

...ce ['si'] vous prenez tant soit peu de noize a eulx, ilz sont gens pour oultrager tant que vous estez. (Jehan de Paris W., 1494-1495, 62)

...il feroit mal prendre noise a ung tel seigneur. (Jehan de Paris W., 1494-1495, 67)

Remarque : Cf. H. Stimm, Z. frz. Spr. Lit. 94, 1984, 196.

Tenir noise à qqn. Chercher querelle à qqn.

Dont j'ay plus de merveilles comment il ose tenir tel noyse a un de France. (Bouvet, Appar. Meun A., 1398, 63)

Motif, thème de discussion, de débat.

Comment t'est ? Que me diras tu Ay je ton chief bien debatu ? Que te samble de ma chanson ? Y a il noise ne tenson Qui te plaise ou qui te desplaise Ou dont tu soies plus aaise ? Que c'est ? Ne me diras tu rien, Se je say chanter mal ou bien ? Se ce n'estoit pour moy vanter, Je diroie de mon chanter Que c'est bien dit. (Mach., R. Fort., c.1341, 74)

3.Tourment, souffrance morale, affliction.

En dueil, en tourment et en noise Des or vueil ma vie mener (Myst. Pass. N.S. R., c.1350-1370, 259)

Avoir noise. Avoir des ennuis, des tourments.

...qui femme a noise a. (P. Jouh. D.R., a.1488, 39)

Avoir noises de qqn. Se tourmenter, se faire des soucis pour qqn.

De vostre enfant n'arés plus noyses. Jhesus l'a assommé comme ung porc ! (Pass. Auv., 1477, 163)

Engendrer noise à qqn. Créer des tourments à qqn, plonger qqn dans l'affliction.

Tu m'as engendré griefve noyse, Que tant poyse Que je ne le puis supporter. (Pass. Auv., 1477, 246)

Vivre en peine et en noise

Finablement li roys leur dit : 'Seigneurs, entendez à mon dit. Li soudans tient mon heritage ; De tous Crestiens prent treuage ; N'est homs qui en son païs voise Qu'il ne vive en peinne et en noise. Toute marchandise est perdue ; À Crestien n'i ha foy tenue. Il a pris les Veniciens Et tous les autres Crestiens Qui estoient en son païs...' (Mach., P. Alex., p.1369, 124)

Prendre qqc. à noise. Prendre mal qqc..

Par Dieu, mes dames, mes bourgoises, A tout voz maintiens gracieux, Ne prenez pas mes ditz a noises, Mes meurs ne vous soyent ennuyeux. (Coquill., Oeuvres F., 1478-p.1494, 243)

[D'une chose] Faire noise à qqn. Troubler qqn.

Remarque : Scheler, Gloss. Geste Liège, 209 (v.34596, Celle chose fistnoiseà nos barons d'onours).

Sans noise. Sans trouble, sans tourment.

Soussy maintient que c'est raison Qu'il ait sur tous vers moy puissance (...) Soussy jamais ne cessera, Mais mon plaisir rabessera En quelque place que je voyse ; Bien est aise qui est sans noyse. (CH. D'ORLÉANS, Compl. C., 1433-p.1451, 275)

Mais nous qui sommes cloistriez, Nous vivons en paix et sans noises. Et pour vivre mieulx a son aise Au monde ne pourroit mieulx estre. (P. moyne, a.1500, 48)