ALLEE

substantif féminin

[T-L : alee ; GD : alee1 ; GDC : alee ; AND : alee1 ; DECT : alee ; FEW (XXIV, 419b) : ambulare ; TLF (II, 536b) : allée]

A. -[Subst. d'action] Fait d'aller.

1.Fait d'aller, de se mouvoir.

a)Mouvement, déplacement.

Le lundi matin se leverent, Et seur la place s'en alerent Pour considerer les alées, Les yssues et les entrées Des Sarrazins (Mach., P. Alex., p.1369, 150)

Pas et allees

Perfais mes pas et mes allees en tes sentiers. (Psaut. lorr. A., 1365, 17)

Et [nostre signour] ait mis mes pieis sus ferme pierre, et ait mes pas et mes allees conduit et adrecieit. (Psaut. lorr. A., 1365, 43)

D'allee et venue. Par un mouvement qui va dans un sens et dans l'autre.

...se aucun est mors de chien esragié, soit homme ou beste quiconques, hastivement, que l'en prengne un viel coc et que l'en le plume entour le cul et que l'en le courbe par les jambes et par les elles, et que l'en mete le trou du cul suz le pertuis de la morsure et que l'en apleinne au coc le ventre, d'alee et de venue, a la main, affin que le cul du coc suppe le venin de la morsure. (Henri Ferr., Modus et Ratio, Livre deduis T., c.1354-1377, 103)

b)Départ.

Et quant Beuve de Tarse a le cose escoutée, Adont vausist il bien (...) Qu'il fust dedens son tret jusques à le vesprée Se ly déuist donner C. mars à sen allée. (Hugues Capet L., c.1358, 127)

Mon doulz cuer, si m'est et sera trop dure chose de vostre alée (Mach., Voir, 1364, XIII)

Pour ce, mon filz, je vous supplie tant amyablement comme je puis et que mere peut faire a son enfant, que de vostre allee ne parlés plus. (Belle Maguel. C., 1453, 3)

Or cza, seigneurs, que brief vous me comptez De vostre estat ne comment vous portez Puis mon allee. (Du Prier, Roy Adv. M., 1455, 120)

Et sans dire adieu s'en alla en la maison de ses parens. Et pour ce que Xantus fut couroucé de son allee, Esope lui dist... (Macho, Esope R., c.1480, 31)

Et l'eussent faict aiséement, si n'eust esté l'alée du roy, car jà estoient en Rommaigne, comme avez oÿ. (Comm., III, 1495-1498, 49)

Faire son allee. Partir, prendre congé.

Quant s'intencion fut finée, Chascun tend a faire s'alée, Chascun a grant fain de partir Et de en sa maison venir (Renart contref. R.L., t.1, 1328-1342, 9)

Bien allee

Souhait que l'on formule au moment du départ ; départ.

Mais vous ne pourriez croire que la joye fut leans grande celle vespree pour la bien alee du roy Perceforest, qui le matin se parti, acompaigné de ses deux nepveux. (Percef. III, R., t.3, c.1450 [c.1340], 190)

Là estoit la Vierge Marie, Infiniz gens de Gualilée, Les Maries en grant compaignie Tous venuz a sa bien allée. (MART. D'AUV., Mat. Vierge L.H., c.1477-1483, 87)

Il suffist, il s'en fault aller. Chantons hault à la bien allée. Et adieu, vogue la galée ! (Maistre Mim. T., c.1480-1490, 272)

Cadeau que l'on fait, repas que l'on offre au moment du départ.

...ilz payeront nostre bien alée ; c'est raisons. (Froiss., Chron. M., XIV, c.1375-1400, 130)

Item le samedi à dîner (...) 18 d.p. Item le dimence ensuivant pour sa bienalée donna davantage aux compaignons pyonniers et aydes (...) 5 s.p. (Chartes Ste-Chapelle Vincennes B., t.1, 1403-1404, 182)

...lequel curé demanda audit Michault où il aloit et s'il paieroit point sa bien alée. (Chancell. Henri VI, L., t.1, 1425, 240)

Voycy une verge bien fine Que ly donré de bien allée. (Myst. st Bern. Menth. L., c.1450, 26)

Par ironie.

CAPTURE DE DON PEDRO. (...) S'arés vo bien alee a mon vouloir païe. (Cuvelier, Chans. Guescl. F., c.1380-1385, 345)

2.Fait d'aller qq. part.

Et dist au roy : 'Sire, vez la Vostre fil en ceste galée ; Ne say quel part sera s'alée...' (Mach., P. Alex., p.1369, 17)

Dedens sa galée monta [le roi] , Et toute sa gent avec li. Mais homme n'i avoit que li Qui sceust rien de sa pensée, Ne quel part seroit son alée. (Mach., P. Alex., p.1369, 131)

...14 onces et demie de franges d'or de Chippre et de soye vert qui furent converties en la cote d'armes ouvree de brodeure que mondit seigneur fist faire en l'an mil CCCC et huit avant son alee à la bataille du Liege (Comptes Etat bourg. M.F., t.1, 1419, 81)

...faire le passage et alee en Angleterre... (Chron. Mt-St-Mich. L., t.2, Pièces div., 1445, 185)

Si vous prions très acertes, très hault et puissant prince et nostre très chier oncle, qu'il vous plaise aucunement differer l'alée de voz ambassadeurs que avez entencion de envoier à Lion avec les autres, jusques à la venue de noz gens et ambassadeurs (Escouchy, Chron. B., t.3, Pièces justif., 1447, 167)

...mais la principalle occasion de mon allée ausdictz lieux estoit pour parler à aucuns particuliers de ceulx qui estoient là et pour les convertir pour le roy. (Comm., II, 1489-1491, 165)

[P. oppos. à retour]

Pour le louage du cheval que le dit Jaquet chevaucha a Boulongne en menant le dit argent, pour alee et pour retour (Clos galées Rouen M.-C., t.2, 1347, 126)

...son voyage et alee vers France et pour son retour audit Bruges (Comptes Etat bourg. M.F., t.3, 1418-1420, 562)

...ledit Jehan Fraignot, lui VIe de personnes, tant clers que autres (...) mena le XIIe jour du mois de mars et continuelment oudit fait vacqua jusques au XIXe jour dudit mois tout inclus, où sont huit jours entiers, et six jours pour ses alee et retour, et que plus est, pour ce que à son partement de Mascon le payement desdictes gens d'armes ne soit par parfait mais avant la perfeccion d'icellui pour les autres afferes de mondit seigneur le commit de partir pour lui en retourner audit Dijon (Comptes Etat bourg. M.F., t.2, 1419, 344)

[P. oppos. à venir]

...douze deniers pour l'allée et douze deniers pour le venir (Très anc. cout. Bret. P., Textes divers, 1451, 407)

[P. oppos. à venue]

Bien ai veü sa descendue Et son alée et sa venue (Mach., Voir, 1364, 4104)

[P. oppos. à revenue]

...tu as traversé et passé (...) non pas une lieux ne dix, ne vingt, ne trente seulement : mais au nombre de sept ou de huyt cens lieux, a comprendre tant ton allee que ta revenue. (La Vigne, V.N., p.1495, 298)

Faire son allee qq. part. Aller qq. part.

JHESUS. Mes amis, faisons departie D'icy et faisons nostre allee Oultre la mer de Gallilee : Le peuple y fault endoctriner. (Gréban, Pass. J., c.1450, 169)

Tourner son allee vers... Aller vers....

Li chevaliers Thieris a sacquiet son espee, Viers Flourenche tantos a tourné son alee (Flor. Rome W., c.1330-1400, 250)

Mon alee Doncques vers la je vueil tourner (Myst. Incarn. Nat. L., t.1, c.1454-1474, 336)

3.En particulier.

a)Traversée.

L'alee qu'avoit fait Fabius oultre le bois ciminin fist autant de joie et de leesce entre les Samnitez comme elle avoit fait a Romme de paour et de doubte (Bers., I, 9, c.1354-1359, 38.4, 69)

b)Voyage.

...car mult bon serroit un homme envers vous, Sires, avant qe jeo eusse de luy envye, ne d'aler plus sovent al moustrer, en pelerynages, n'en autres bons lieus, par la quele alee jeo purroie gaigner l'amour de vous, douz Sires, et le roialme de paradys (Henri Lanc., Seyntz medicines A., 1354, 72)

Li clers fist son commandement Volentiers et diligemment, Et moult liez fu de ceste alée, Pour voir le Quaire et la contrée. (Mach., P. Alex., p.1369, 127)

Si aroit par la bonne alee, Pour hault jusques au ciel monter (Chr. Piz., M.F., II, 1400-1403, 148)

...et fu appellee celle alee le voyage de l'Escluse, pour ce que la vouloit le roy monter en mer et jusques la ala (Bouciquaut L., 1406-1409, 55)

...luy reproucha qu'il avoit par malice conclu ceste faincte allée pour l'esprouver [cf. plus haut : ...dist a sa femme qu'il s'en alloit a ung chasteau (23)] (C.n.n., c.1456-1467, 28)

c)Expédition, campagne militaire.

Si fu ordonné que le consul Publius s'en allast et cerchast Puille. Si fu ainsi que a celle allee il conquist pluseurs pueples, desquelz les uns il conquist par force, les autres il reçut en la societé rommainne par dedicion. (Bers., I, 9, c.1354-1359, 15.2, 26)

Quant le Roy eust oy parler le conte et le Chancellier, il entendist très voullentiers ad ce qu'ilz lui dirent ; car il savoit bien que le roy Amydas estoit ung bon preudomme et que on lui tenoit son royaume à grant tort. Et, sur ce, conclud l'alée du Jouvencel, comme vous orrez cy-aprez. (Bueil, II, 1461-1466, 159)

Hermabon de Lothoringe fut en ce temps moult aprecié de Gayus et Malius en l'allée qu'ilz firent contre ceulx d'Almaigne, qui s'estoient rebellés contre ceulx de Romme. Cestui, par la science des astres, predist leur desconfiture finalle, jaçoit ce qu'ilz firent grande resistance par plusieurs journées (Simon De Phares, Astrol., c.1494-1498, f° 67 r°)

4.Par analogie.

a)Au pluriel. Allees et venues. Démarches.

Et après ce que ledit Buymont a recité ses alées et venues et les diligences par lui faictes envers le Roy et les gens de son Conseil estans à Rouen (Fauq., III, 1431-1435, 14)

...le roy envoya Francon (...) devers Raoul ou Rollo a sçavoir s'il se voulroit faire crestien (...) le quel aprés plusieurs alees et venues en fut content. (Juv. Urs., T. crest., c.1446, 64)

b)Partie de jeu.

Auquel lieu et jour, ledit Barraut, suppliant, avoit fait partie à jouer à la paulme, lui tout seul, contre ung nommé Micheau Thipheneau, dudit lieu, et Guion Bordier, frère dudit Jehan Bordier ; et estoit l'emprinse telle que ledit Barraut, suppliant, jouoit à l'encontre des autres deux, chacune allée pour ung cartier de chevreau. Et advint que ledit Barraut, suppliant, perdit deux emprinses, entre lesquelles ilz furent en debat d'une chasse que ledit suppliant avoit jouée (Doc. Poitou G., t.9, 1451, 210)

...lesquelz ainsi assemblez commancèrent par esbat à jouer pour le vin aux transchouers, pour les mettre et gecter au plus près d'une merche qui estoit sur une table ; avec lesquelz ledit suppliant joua par aucun temps et y guaigna plusieurs alées. (Doc. Poitou G., t.9, 1455, 413)

B. -[Possibilité ou manière d'aller]

1.Allure.

Te lo que (...) Vers une cité t'achemines Qui Alixandre est appellée, Et t'avance de ton alée, Se salvacion trouver veulz (Mir. parr., 1356, 43)

(De) grant allee / à grant allee. À toute allure.

Li uns escrie 'Ronme !' tout hault a le volee, Li aultres se rent pris moult hault a grant alee. (Flor. Rome W., c.1330-1400, 183)

...le singe fuyant de grant allee (Flor. Octav. L., t.1, c.1356, 26)

Lors nous levasmes grant alee, Car nous estïons comme mort De peur et de desconffort. (Pass. Semur D.M., c.1420 [1488], 259)

Je croy que je ne me fain mye De vous batre de grant allee. (Myst. st Laur. S.W., 1499, 239)

2.Avoir l'allee et la venue. Avoir la possibilité d'aller qq. part.

Jugement (...) que dit que ung homme vuelt avoir une cleif, ou il ait son allee et sa venue toute fois qu'il li plait d'une porte qui est en son hosteis ; et li autre dit qu'il n'en ait point a avoir, pour ce que ciaulz que ont demourés en la maison n'en o(r)lrent onsque point, ni ne li vuelt point empelchier l'allee ne la venue qu'il i ait. Il fut dit que le premier n'ait a avoir la cleif qu'il demande. (Jug. maître-échev. Metz S.M.S., t.1, a.1494, [1370], 451)

C. -[Lieu de l'action d'aller]

1.Passage, chemin.

[Ventadour est assiégé, mais bien approvisionné et] , nonobstant ces sieges et ces bastides, se yssoient-ilz à le foiz hors par une posterne, qui euvre entre deux roches à la couverte, aulcuns compaignons aventureulx (...) et ce ne povoit-on leur clorre de nul costé ceste yssue ne ceste alée (Froiss., Chron. M., XIV, c.1375-1400, 191)

...et [Remond] regarde dedens, et voit Melusigne qui estoit en une grant cuve de marbre, ou il avoit degrez jusques au fons. Et estoit bien la grandeur de la cuve de XV. piez de roont tout autour en esquarrie, et y ot alees tout autour de bien V. piez de large. (Arras, c.1392-1393, 241)

...lesquelles eaues dessus dictes, de present, cheent en la court de la maison desdiz mariez, assise a Paris en la rue de la Cordouennerie, ladite court joingnant et contigue audit pignon, et de plusieurs veues et fenestres estans oudit pignon, et en certaine alée, par laquelle l'en va de la maison dudit M^e Guillaume aux aisemens qui sont en la court desdiz mariez (Sent. Chât. Paris M., II, 1407, 97)

2.Couloir, corridor, galerie.

...pour III pierres plates pour faire la couverture ès alées au tour du cuer et VI autres pierres à faire pavement (Doc. cathédr. Troyes A., 1379-1380, 233)

Lequel maistre Pierre (...) lui dist qu'il entrast plus avant, pour ce que l'alée d'icelle maison estoit et est longue, et que le varlet estoit loings (Reg. crim. Chât., I, 1389-1392, 311)

...soir, environ jour faillant, tempté de l'ennemi, saichant les alées et entrées de l'ostel dudit Jacquemin (Reg. crim. Chât., II, 1389-1392, 158)

...et estoient toutes les cambres dou chastiel de Calais, la salle et les allées encourtinées (Froiss., Chron. D., p.1400, 852)

En venant en sa chambre, avoit une allee [var. aleure] où estoient les .XIII. povres (Ponthus Sidoine C., c.1400, 121)

3.Chemin de ronde.

Autres missioms pour faire une alées sur les murs dou chastel de Juilly, darriers la granche au foin, pour ce que la gent, par deffaut de cloison, y entroient (Comté Champ. Brie L., t.3, 1330-1372, 232)

...les ungs des compaingnons de Geronnet aloient et venoient dessus les alées du mur pour savoir s'ilz orroient riens. (Froiss., Chron. M., XIV, c.1375-1400, 213)

L'ystoire dit que entretant que Remondin fu en Bretaigne, Melusigne fist bastir la ville de Lusignen et fonder les murs sur la vive roche, et la fit estoffer de fortes tours ; drues, machicolees et a terrace, et les murs machicolez, et alees au couvert dedens la muraille pour deffendre a couvert par les archieres autant bien par dehors comme par dedens, et parfons trencheiz et bonnes brayes. (Arras, c.1392-1393, 66)

4.Quai.

...et aussi pour reparer, soustenir et entretenir les allées, pons, pallées et bouticles appartenans a ladite marchandise [le poisson d'eau douce] en nostredite ville de Paris (Mét. corp. Paris L., t.1, 1484, 453)

Remarque : P. anal. 'Ruban (?)' :

...laquelle robe et aussi la pate dudit chapperon sont toutes couvertes de petites décopures de noir drap, faictes d'un menu fer en manière de quareaulx, et tout lesdictes décoppures atachées d'une grande alée d'or de Cyppre double, et a assis en chascun desdiz quareaulx une pièce d'or sauldis en laquelle est un rabot, eslevé hors et au long de ladicte alée d'or de Cyppre. (Comptes Lille L., t.1, 1416, 126)

Ou est-ce un autre mot ?

D. -Celui / ce qui va.

1.Ceux qui vont qq. part, affluence.

Nouvielle s'espandi et cascuns en parla, Dont telle allee avoit que cascuns y ala. (Flor. Rome W., c.1330-1400, 273)

2.Dans un moulin, engrenage, ensemble des alluchons et/ou des fuseaux' (d'apr. Y. Coutant, Terminol. du moulin médiév. dans le comté de Flandre, 1994, 469 ; doc. de 1403, 1410, 1423, 1437...).

Remarque : Sans doute s'agit-il d'un autre mot dans l'ex. suiv., à rattacher à aile. 'Côté d'un pilier sur le vide d'une baie' :

...à maistre Anthoine Colas, maçon de l'église, pour deux jours à tailler pour les aléez d'ung pillier d'emprès la chappelle Droyn (Doc. cathédr. Troyes A., 1473-1474, 403)

Cf. DU CANGE I, 173b : alea et GAY I, 24a : allees et 23b : alleron. V. aileron.