ACCOUSTUMER

verbe

[T-L : acostumer ; GD : acostumer ; GDC : acoustumer ; AND : acustumer1 ; DECT : acostumer ; FEW (II-2, 1091b) : consuetudo ; TLF (I, 443b) : accoutumer]

I. -Emploi transitif.

A. -Accoustumer qqn/un animal. Habituer.

1.À l'actif.

a)Accoustumer qqn à/en qqc.

...descongnoissance de Dieu et faulte de justice vous ont aconstumé a sacrilege. (Chart., L. Esp., c.1429-1430, 61)

Des blasphemeurs ne sçay plus dire, Fors que souvent sont rempliz d'ire. L'un dict : 'Ce n'est qu'acoustumance !' Mais son orgueil l'acoustume en ce (Meschin., Lun. princes M.-G., c.1461-1465, 41)

Inciter qqn à maintenir [une habitude].

EUFEMIAN. Car laissier mie ne devons Nostre coustume. AGLAIS. Voir, ce qui plus m'i acoustume, C'est, sire, que souvent recors Ce que Dieu si misericors Nous a volu par sa grace estre (Mir. st Alexis, 1382, 281)

Accoustumer qqn à + inf.

Et comment que je vous aie toujours acoustumé a escrire ouvertement, et que pluiseurs scevent les amours de vous et de moi, n'est il nulz qui en sache parfaitement la verité, fors une et moi et vostre secretaire (Mach., Voir, 1364, XLVI)

b)Accoustumer un animal. Le dresser.

Alant faut mieulx acoustumer que nulle autre beste, quar il est mieulz taillé et plus fort pour fere mal que nulle autre beste. (Gast. Phébus, Livre chasse T., 1387-1389, 126)

...au commancement qu'il sera mis sur le poing [l'épervier] si lui baillez beaulx gectz sur longes que l'en dit 'petites longes', 'touret' et 'grans longes' et [l'] acoustumez de petit a petit et de plus loing en loing a voler a vous sur vostre poing querir sa proie pour soy paistre. (Ménagier Paris B.F., c.1392-1394, 152)

infinitif substantivé. Apprivoisement, domestication.

Un loup, un hours, un cerf et dain Pouez tant nourrir soir et main ; Delez le feu lez vous serra, Se vous alez, il vous siewra Et par les mons et par les vaulx ; Pour vous laira et boiz et gaulx. Combien que boys est leur nature, Par acoustumer n'en ont cure Et par acoustumance héent Leur nature, et point ne y véent. (Renart contref. R.L., t.1, 1328-1342, 66)

2.Au passif.

a)Estre accoustumé. Être habitué, avoir l'habitude.

Estre accoustumé de/à qqc.

[Le roi d'Angleterre est tout pensif, ne mange pas] de quoi toutes ses gens avoient grant merveille car il n'en estoient point acoustumés (Froiss., Chron. L., II, c.1375-1400, 134)

...le papegau vist bien et apperceut la voulenté de son seigneur, come cil qui estoit acoustumé de toutes choses ; et commença a chanter un lay d'amours (Chev. papegau H., c.1400-1500, 22)

Être entraîné, exercé à.

...mais avecques ce, meïsmes quant le joenne est fait homme et il est en aage, il convient trouver voies qui adrescent a honestement ouvrer et par quoy il soit acoustumé a bien. (Oresme, E.A., c.1370, 532)

Estre accoustumé (de/à) + inf.

Et a vous, li dieu non mortel, prie je que vous voeilliez donner et otroier aus nouveaux consulz et aus legions rommainnes que si prosperement puissent faire guerre contre les Samniciens comme li autre duc rommain sont acoustumé a faire. (Bers., I, 9, c.1354-1359, 8.10, 14)

Le commencement de troubler toutes choses est né de ceste fame, car elle estoit acoustumee de parler secretement avec le mari sa suer et n'espargnoit [nules] paroles injurieusez (Bers., I, 1, c.1354-1359, 46.7, 78)

Hommes de conversation et de meurs francs et libres (...) ne sont endurez ne accoustumez d'estre gouvernez par tyrannie (Oresme, Monnoies W., c.1365, LXXVII)

Et semblablement en fortitude, par estre acoustumé de non tenir conte ou creindre trop choses terribles et de les soustenir forciblement, nous acquerons la vertu de fortitude (Oresme, E.A., c.1370, 151)

Exemple en particulier celuy qui est ia acoustume de faire oeuures vertueuses comme viure humblement, viure actrempement et chastement (Cib., p.1451, 179)

Et, pour chose que vous voyez, je vous conseille que vous ne desmarchiés point de devant l'huys du cappitaine. Car, se d'aventure nous sommes repulsez, nous nous retirerons là à vous, et vous les garderés de rallier ; car vous tendrés la place où ilz sont acoustumé d'eulx assembler. Car communement gens de guerre se ralient au logis et au lieu du cappitaine. (Bueil, I, 1461-1466, 107)

Saint Ambrose le nous enseigne, qui dit que on les doit querir [les conseillers], gens de bonne vye enclins a vertus, non a vices, et qui soient acoustumés de vivre en benivolence avec les hommes. (Fillastre, Traité Conseil H., c.1472-1473, 149)

Ledict conte de Warvic ne estoit jamais acoustumé vouloir descendre à pied, mais avoit de coustume, quant il avoit mis ses gens en besongne, il montoit à cheval. (Comm., I, 1489-1491, 214)

Par ellipse. Comme accoustumé estoit. Comme il en avait l'habitude.

...et la nuit ensivant, en secret et en sillence comme acoustumé estoit, il dist dictateur L. Papirius. (Bers., I, 9, c.1354-1359, 38.14, 71)

b)Rare. [D'une chose] Estre accoustumé de + inf. Avoir pour effet habituel de.

Puiz s'ensuit la forme de faire Un précieux électuaire, Sur tout autre suppellatif, Cordial et préservatif, Contre tout air malicieux Et les maulx pestillencieux, Tant fièvres comme apostumés, Qui sont de fait acoustumés À tuer les gens promptement (La Haye, P. peste, 1426, 153)

3.Participe passé en emploi adjectival ou substantival.

a)Emploi adjectival. Accoustumé à qqc. Habitué, entraîné à.

Mes pour ce que i [veoyt] que cestes choses ne se pueent faire en corages acoustumés a guerres et efferonchez par chevaleri, il se pensa car il couvendroit que la fierté des corages fust avant toute euvre atrempee et amolie par desacoustumances d'armes. (Bers., I, 1, c.1354-1359, 19.2, 30)

...Achilles fut institué et enseignié les manieres et mesures de la harpe et de la citole et, de la oultre, porté as forés a la destruccion des bestes sauvages et bateures, et ainsi il, acoustumé a laide maniere de vivre, delaissa la reverence de nature et crainte de la mort. (Foul., Policrat. B., I, 1372, 104)

...une grant multitude de gens ayans vertus de bataille, non accoustumee aux armes, ne baille pas victoire (Juv. Urs., Verba, 1452, 237)

Accoustumé de + inf. Habitué à.

Le jeudi, entre six et sept heures du vespre aprés souper, convindrent et s'assemblerent les matrones et femmes acoustumeez de venir a la serie, ensemble pluiseurs autres qui point n'avoient acoustumé d'y venir, pour oyr lire dame Sebile des Mares son euvangile. (Ev. Quen. I, c.1466-1474, 100)

Accoustumé. Expérimenté, compétent.

Cils Poitevins dont vous parlés, Esce uns bregiers acoustumés ? Sauroit il faire un ongement, Une houce ou un vestement, Ou un jupel a alerons ? Cognoist il brebis et moutons, Les scet il garir de la rongne ? (Froiss., Past. M., c.1362-1394, 159)

b)Emploi substantival. Celui qui est habitué, entraîné, aguerri.

...nul ne doit lors s'avancier A nouveau travail commencier [en période d'épidémie] , Car forte chose est de coustume Que nature vaincre présume, Maiz aux accoustumez, sans fable, Est assez bon et tolérable, Travaillier gracieusement En ce temps, nom pas asprement (La Haye, P. peste, 1426, 84)

B. -Accoustumer qqc.

1.Prendre l'habitude de qqc., avoir l'habitude de qqc., pratiquer qqc..

a)[D'une pers.] Accoustumer qqc.

Cilz vice [la luxure] esprent et alume Cilz qui le fait et acostume (Dupin, Mélanc. L., c.1324-1340, 196)

Trop mielx a bien amer s'adreice Qui aime Dieu de cuer loial ; Cest amour est noble et roial, Sans desconfort, sans amertume ; Qui s'y amort et l'acoustume La treuve par tout delectable. (Tomb. Chartr. W., c.1337-1339, 6)

Et tel est en léesse doulx Qui en tristesse est moult escoux Ce vient de male acoustumance Qu'on acoustume dès s'enfance (Jacques Bruyant, Voie pauvreté richesse P., 1342, 8)

Mon seigneur, selon la maniére De cest enfant et sa coustume, Si maintient ce qu'il acoustume, Je vous di qu'en religion Homs de si grand parfeccion Com li n'ara. (Mir. Theod., 1357, 118)

...en la court est de coustume, Laquelle assés gens acoustume, Que, quant le roy est en deduit, Combien qu'a pluseurs en ennuit, On fait au soir le grant soupper Et au matin petit diner (La Buigne, Rom. deduis B., 1359-1377, 439)

A che s'acorde che que dist saint Bernard a Eugene pape : 'Le joug ou le fardeau de Nostre Seigneur au commenchement samble intollerable ou non portable. En aprés, se tu l'acoustumes, ne samblera pas si grief, aprés te samblera legier, et finablement te sera delitable'. (Daudin, De la erudition H., c.1360-1380, 182)

Li rois (...)fu (...) moult usés d'armes car de sa jonece il les avoit acoustumées et continuées (Froiss., Chron. D., p.1400, 820)

...ycelle Raison que tu tant auctorises dist que 'ce n'est fors desacoustumance' en France : ce n'est mie desacoustumance, car onques ne l'acoustumerent ! Et dont vient que elles ne l'ont acoustume [l. acoustumé] ? Il vient de n'est mie chasciee de leurs frons. (Chr. Piz., Déb. R. Rose H., 1401-1402, 123)

Ceans s'est complainte une jeune bourgoise d'un galant qui luy veult soubztraire sa nourisse, disant que sans cesse il se joue et parle a elle, dont il ne luy plaist gaires, car au dernier il luy veult broulier son lait et [craint] qu'i luy en faille avoir une autre, qui luy seroit grant desplaisir pour ce que l'enfant a ja acoustumé sa mamelle. (MART. D'AUV., Arrêts Am. R., c.1460-1466, 146)

Vous savez assez la manière de descouvrir le païs, d'avoir gens devant et derrière et sur les costez, de ne passer nulz pas estroitz ne nulles embusches que tout ne soit descouvert, et avez assez acoustumé ces choses ; et, pour ce, je ne les vous vueil plus declairer. (Bueil, II, 1461-1466, 34)

[P. méton. du compl.] Accoustumer qqn. S'habituer à la présence, à la fréquentation de qqn.

Illeuc le doit on abechier [le faucon] Et le faire souvent mengier Et li oster le chapperon Toutefoiz que on voit qu'il est bon Et ce faire si longuement Qu'il ait acoustumé la gent. (La Buigne, Rom. deduis B., 1359-1377, 351)

Lors dist l'Amant : 'La leur mercy, De mon cas sont mal informez [les frères du couvent] ; Las, je n'ay fait, ailleurs ne cy, Chose dont d'eulx doie estre amez ; Mes biens fais sy sont clers semez ; De moy ne leur en doibt challoir ; Quant les auray acoustumez, Je n'en porray que mieulx valloir.' ['Je m'améliorerai à leur contact', v. la note de l'éd. : 'Quand j'aurai vécu avec eux'] (Amant cord. M., 1490, 8)

Accoustumer (de) + inf.

Car pource qu'il furent nourris en delices, il ne acoustumerent onques estre subjés a docteur ou a mestres. (Oresme, Pol. Arist. M., c.1372-1374, 186)

...les Anglois, qui n'acoustumerent oncques de souffrir longuement ung seigneur, (...) eulx surtrayans et ostans de la fidelité du roy Edred, appellerent Aulif leur roy pour regner (Juv. Urs., T. crest., c.1446, 138)

...et par espasse de peu de temps eurent apriz de saillir sur les chevaulx par derriere les gens d'armes, et le acoustumerrent tant que les chevaulx le souffrirent sans espaourir. (La Sale, Sale D., 1451, 187)

...qui aprent ou acoustume [ou l. a coustume ?] de piller et de rongier a grant paine s'en peust abstenir, car ung trompeur tousjours veult tromper. (Macho, Esope R., c.1480, 108)

b)[D'une chose] Estre accoustumé. Être en usage.

A laquelle vocation faire, estoit la justice royale bien et duement garnie des personnes et solemnités qui y appartenoient, et qui y ont esté acoustumées de tous temps, comme le cas le requéroit (Chastell., Chron. K., t.1, c.1456-1471, 218)

Proverbe.

Il ne fault point servir de rost Ou boullu est acoustumé. (Myst. Viel test. R., t.6, c.1450, 74)

Estre accoustumé à dire. Être dit habituellement.

...et en sa maladie alloit et venoit en pluiseurs lieux, et disoit de merveilleuses choses qui sont acoustumees a dire a gens mallades de telles maladies (La Sale, Salade, c.1442-1444, 82)

Emploi impersonnel. Il est accoustumé de + inf./que + ind. Il est d'usage de/que.

Par Mahon, dist le soudant de Barbarie, se ilz [les chrétiens] estoient tous cuiz, et il feust acoustumé de mengier telle char, il n'en y a pas assez pour nous repaistre. (Arras, c.1392-1393, 226)

...maiz par informations n'est pas accoustumé de condempner, maiz seulement de mettre parties en procès. (Baye, I, 1400-1410, 110)

Il n'est pas a coustume [l. acoustumé ?] que messagiers de roy doyent avoir mal pour quelconque legation qu'ilz facent (Guill. De Tignonville, Ditz moraulx philos., éd. R. Eder, c.1402, 979)

Si ert acoustumé jadis, (...) Que tous hommes et toutes femmes Qui eussent loenges et fames D'avoir excellent sapience, Ilz honnouroient tant science Qu'ilz reputoient deité D'estre en si hault degré monté, Et les aouroient com dieux (Chr. Piz., Chem. estude P., 1402-1403, 223)

...il n'estoit pas acoustumé de offrir ne adourer deux dieux ensamble. (La Sale, Sale D., 1451, 62)

...le lundi second jour de juillet, oudit an, maistre Jehan Balue, evesque d'Evreux, fist le guet de nuit parmy ladicte ville, et mena avecques lui la compaignie dudit Joachin Rouault, avecques clerons, trompetes et autres instrumens sonnans, par les rues et sur les murs, qui n'estoit pas acoustumé de faire à gens faisans guet. (Roye, Chron. scand., I, 1460-1483, 53)

Si comme/ainsi qu'il est accoustumé. Comme il est d'usage ; comme cela est habituel.

Bailliez ça ces oisellez vis Et ce cierge aussi alumé, Ainsi qu'il est acoustumé (Mir. nat. N.S.J.C., c.1343, 226)

...mais sachiez que la compaingnie sampnicienne ne fu pas esbahie quant elle vit mort son duc, si [comme] acoustumé est, ainçois fu moult plus esmeue et irritee (Bers., I, 9, c.1354-1359, 22.7, 40)

Mez, si comme souvent est acoustumé en guerrez qui par sieges se font, la bataille est plus longue que aigre, ceuls de l'ost avoient assez de loisir d'aler et de venir (Bers., I, 1, c.1354-1359, 57.4, 95)

Les prelatz, seigneurs, contes (...) vindrent faire la reverence au roy ainsi qu'il est acoustumé de faire en tel cas. (La Vigne, V.N., p.1495, 324)

Plus qu'il n'est accoustumé. Plus que d'ordinaire.

On ne doibt aux femmes grosses jamais donner a mengier de nulle teste de poisson, affin que par ymagination leur fruit ne apporte sur terre la bouche plus relevee et aguë qu'il n'est accoustumé. (Ev. Quen. II, c.1466-1474, 122)

c)[D'une pers.] Avoir accoustumé. Avoir l'habitude, avoir pour habitude.

Avoir accoustumé qqc.

Si en feray Le jugement einsi com je saray. Car tel chose pas acoustumé n'ay, Et uns autres, vraiement, bien le say, Mieus le feroit. (Mach., J. R. Beh., c.1340, 130)

Et, s'il avoit besoign ou guerres, il ne saroit que ce seroit, quar il n'a pas acoustumé le travail, et couvenroit que autre feïst ce qu'il deüst fere, quar on dit touz jours : tant vaut seigneur, tant vaut sa gent et sa terre. (Gast. Phébus, Livre chasse T., 1387-1389, 57)

Encore veult Vegece aprendre Quel gent on doit eslire et prendre Pour a ce degré anoblir. Si dit que l'en doit establir Ceulx qui plus ont acoustumé A gesir souvent tuit armé A descouvert et a la pluie, (...) Et pou acoustumé leur aise Que ceulx qui leur aise pourchacent (Chr. Piz., Chem. estude P., 1402-1403, 184)

Le trucheman de ma pensee (...) M'a rapporté chose sauvaige Que je n'ay point acoustumee. (CH. D'ORLÉANS, Rond. C., 1443-1460, 411)

Avoir accoustumé (de/à) + inf., que + ind.

Endementieres que li consul faisoient et despeçoient les choses divines et humainnes que il avoient acoustumé a faire quant il se devoient combatre, li legat Tarentin leur vindrent au devant et demanderent response de leur legation. (Bers., I, 9, c.1354-1359, 14.3, 24)

Et pour ce que c'est chose non commune ou qui avient peu souvent, c'est a savoir, que un homme soit divin en la maniere que les citoienz de Latone ont acoustumé apeller un homme (Oresme, E.A., c.1370, 364)

Quar nous avons acoustumé a appeller ciel le derrenier corps qui est en haut sus tout autre et ouquel nous disons estre toute chose devine comme en son lieu. (Oresme, C.M., c.1377, 158)

...elle n'a peu entrer en sondit hostel, ne ouvrir son huis de sa clef de quoy elle l'avoit acoustumé à ouvrir. (Reg. crim. Chât., II, 1389-1392, 526)

...mais [Claude] s'en vint a course de cheval vers le fort. Et quant il vint prez, si s'escrie en hault : Ouvrez la porte. Et ceulx si firent. Et il passe le pont et vint dedens, et vint descendre ou lieu ou il avoit acoustumé de descendre, avant ce qu'il se apperceust qu'il eust perdu sa forteresse. (Arras, c.1392-1393, 204)

...aucuns, eulx disans nobles, ont (...) accoustumé de faire le contraire de noblesse (Juv. Urs., T. rever., 1433, 76)

...les parties adverses ont accoustumé en leurs demandes faire mention de Anjou (Juv. Urs., T. crest., c.1446, 102)

Aucuneffoys [noblesse] est prise pour richesses de grant antiquité, et en ceste maniere on a acoustumé en bonnes polices ès citez que ceulx qui sont descenduz et nez de parens, lesquelz ont longtemps habondé en richesses, sont appellez nobles, et plusieurs en ont esté fais et fait-on de jour en jour chevalliers. (Bueil, II, 1461-1466, 70)

Et, au plus matin les cappitaines qui avoient la charge d'aller devant (...) arriverent à Francheville, qui estoit une grosse ville champestre, où il y avoit grosses eglises cathedrales et abbayes et estoient riches et puissans et y avoit ung groz peuple, qui riens n'avoit acoustumé à perdre. Et saillirent au devant des cappitaines, armez comme gens de ville pevent estre armez, et firent toute la resistance qu'ilz peurent. (Bueil, II, 1461-1466, 88)

Le lundy soir, environ entre sept et huit heures aprés souper, s'assemblerent lesdictes six dames ensembles toutes les voisines qui acoustumé avoient d'y venir et pluiseurs autres qui y furent inviteez, qui aincoires n'y avoient esté, pour oyr le mistere que illec faire se devoit. (Ev. Quen. I, c.1466-1474, 81)

Maistre Jaspart Layet, filz dudit Jehan Layet à Louvain, a esté moult aprecié de Jehan de Horne, evesque du Liege, pour les prenosticacions qu'il a acoustumé de fere par chacun an, qui courent par le pays de Flandres et en vient en France, touteffois mal translatées, aucunes. (Simon De Phares, Astrol., c.1494-1498, f° 164 v°)

...les officiers qui avoient acoustumé servir ledit seigneur de Beaujeu (Le Clerc, Interp. Roye, c.1502, 326)

Avoir accoustumé + anaphore pronom. ou adv.

...g'iray Saluer la dame des cieulx Puis qu'acoustumé l'ay (Mir. march. juif, c.1377, 174)

Et estoient les pluseurs tous traveilliez de porter leurs harnoiz, tant pour ce qu'il leur sembloit qu'il n'en estoit nul besoing comme pour ce que ilz ne l'avoient pas acoustumé, et en murmurerent ly aucun. (Arras, c.1392-1393, 155)

...il fault qu'ilz [les Anglais] facent guerre (...) et ce ilz ont accoustumé jusques aux personnes de leurs roys meismes. (Juv. Urs., T. crest., c.1446, 101)

Les Romains, ainsin qu'ilz honoroient de coronnes ceulz qui faisoient les grans vaillances d'armes, si comme cellui qui passoit premiers le fossé ou le palis de l'ost aux ennemis estoit coronné de la coronne valere (...) et ainsy des autres vaillances pareillement avoient ilz acoustumé ; et semblablement coronnoient ilz tres solempnelment les femmes vesves (La Sale, J.S., 1456, 4)

(Si) comme/ainsi que qqn a accoustumé (de/à + inf.)

Mez au commencement de si grant oevre comme je entens a ordir, il ne couvient pas user de teles querimonies, ja soit que elles soient necessaires, mes de fere aus dieux et aus divesses oroisons et prierez, si comme les poetes ont acoustumé a fere, que aus chosez commenciés il veullent doner largez et prospres aquestemens. (Bers., I, 1, c.1354-1359, Préf. 13, 3)

Et la ou les legions entrerent en la ville, ne cuides pas car il eust [brait], clamour ne temunte, si comme on a acoustumé en cités qui sont prises quant les portes et les murs sont brisiés par engins et les places de celles sont par force occupeez (Bers., I, 1, c.1354-1359, 29.2, 50)

...car tousjours sont les François telz comme ilz ont tousjours esté François, et les Angleiz sont Engleiz comme ilz ont acoustumé d'estre. (Reg. crim. Chât., II, 1389-1392, 198)

...Remond ouy sa messe et se ordonna ainsi qu'il avoit acoustumé. (Arras, c.1392-1393, 278)

...iceulx escuiers en venant au mandement de mondit seigneur en armes pour le servir et acompaigner furent loigiez sur la terre desdiz Mathelins et y prindrent vivres et forraiges, ainsi que gens d'armes pour leurs vivres et passaige ont accoustumé (Comptes Etat bourg. M.F., t.2, 1419, 425)

Quant Gadiffer vint en la place, il regarde et voit qu'il y avoit grant plenté de poeuple assamblé, et estoient tous seans par terre et regardans tous en l'aer, car ilz attendoient que le paradis apparust comme il avoit acoustumé. (Percef. III, R., t.2, c.1450 [c.1340], 106)

Mais environ minuit en la praerie commença la noise telle que avoit acoustumé et esveilla Galaphur, Passelion et Ourseau. (Percef. IV, R., c.1450 [c.1340], 965)

Retornons nous en ou pays Dont pertiz sommes, et vivons Loyaulment tous, com nous avons Acoustumez jusques icy, A Dieu, dame, que sans nul cy Vous traye a sa benoite gloire ! (Myst. st Adr. P., c.1450-1485, 188)

Alors les damoiselles toutes ensemble, ainsin que femmes ont acoustumé loerent les largesses, la joieuseté et la belle personne de damp Abbés (La Sale, J.S., 1456, 251)

Et, se nous sommes une fois au hault de la tour, nous prendrons le guet et ne le tuerons point ; nous le ferons tousjours parler, comme il a acoustumé. Ainsi homme ne s'appercevra de nostre fait. Et quant l'arrière-guet viendra nous le prendrons sans bruyt, s'il se puet faire. (Bueil, I, 1461-1466, 80)

...mais je y avoye pourveü par le moyen de ceste seüreté, laquelle j'euz, avecques très gracieuses lettres de monsr de Vaneloc, disant que je povoye aller comme j'avoye acoustumé (Comm., I, 1489-1491, 208)

Plus ... que qqn n'a accoustumé

Et m'est avis que vous m'avés escript plus briément que vous n'avés acoustumé (Mach., Voir, 1364, XXXVII)

Cestui Baxilliz donna congnoissance aux Pheniciens d'une estoille que nous appelons Mynor Ursa, par laquelle puis adrecerent leur navigage, plus adroit que n'avoient accoustumé. (Simon De Phares, Astrol., c.1494-1498, f° 40 r°)

d)[D'une chose]

Avoir accoustumé + inf. Avoir pour effet habituel de' + inf..

Les humeurs qui demeurent aprez la determinacion ont acoustumé faire subjusion (Saint-gille, A.Y., 1362-1365, 59)

Avoir accoustumé d'estre... Être d'habitude....

...lequel tableau sera miz et affichiez en la chappelle où ledit office sera fait où a accoustumé d'estre fait. (Baye, I, 1400-1410, 10)

...le baisier avoit toujours acoustume d'estre signe d'amour et de dilection. Mais le pervers Judas le permua en signe de trahison. (Miélot, Spec. hum. Salv. L.P., 1448, 136)

Avoir accoustumé de faire. Faire d'habitude.

...les escriptures ont acoustume de ordonner les genealogies, non mie aux femmes, mais tant seulement aux maris. (Miélot, Spec. hum. Salv. L.P., 1448, 126)

Furent ordonnez commissaires pour prendre et saisir toute la vaisselle qu'on povoit trouver à Paris (...) laquelle vaisselle estoit paiée raisonnablement, mais, nonobstant ce, en fut grande quantité mucée et ne fut plus veue es lieux où elle avoit accoustumé de courir. (Roye, Chron. scand., II, 1460-1483, 77)

e)Participe passé en emploi adjectival. Habituel.

Si avint que le similitude de eulz deux, c'est a dire de Tarquin et de Tullie, les adjousta assés plus de le fier, car c'est bien chose acoustumee que mal a mal a grande convenence. (Bers., I, 1, c.1354-1359, 46.7, 78)

Et si doit [le faucon] entendre le son Acoustumé, bien le savon, Avant ce qu'il soit descillié (La Buigne, Rom. deduis B., 1359-1377, 98)

Et ceste pensee acoustumee se finist et parfait as hommes en maniere de nature. [cf. le prov. 'l'habitude est une seconde nature'] (Oresme, E.A., c.1370, 399)

Et te prie, Justice, considere comment le souverain Empereur souventes foys pour trop meindre cause que pour honnourer sa mere et amie il mue et change le commun et acoustumé cours tant de nature comme de l'Escripture et faisant miracles souvent, graces, pardons et privileges. Enn'arresta il le soleil pour Josué ? Ressuscita les mors pour Helysee ? Garda le feu d'ardoir pour Daniel ? (Gers., Concept., 1401, 403)

L'acoustumee maniere de son chevauchier estoit de notable ordre à tres grant compagnie de barons et gentilzhommes bien montez et en riches habiz, lui assis sus paleffroy de grant eslite (Chr. Piz., Faits meurs Ch. V, S., I, 1404, 50)

Et n'y aura traict en ladicte bataille, fors que chascun se aidera du corps que Dieu lui a presté, armé comme bon lui semblera, tant à l'un costé comme à l'autre, pour sa seureté, aians bastons acoustumez. C'est assavoir lance, hache, espée et dague, et chascun de tel avantage comme besoing et mestier sera pour sa seureté et pour soy aider, sans avoir alènes, broches, crocqs, poinçons, fers barbelez, aguilles, pointes envenimées, ne rasoirs (Monstrelet, Chron. D.-A., t.1, c.1425-1440, 44)

Qu'il me paie mes gages acostumés (Arch. Nord, 1435, B 17653, IGLF)

Ce n'est que chose acoustumee, Quant Soussy voy vers moy venir, Se tost ne lui venoye ouvrir, Il romproit l'uis de ma Pensee. (CH. D'ORLÉANS, Rond. C., 1443-1460, 423)

C'est griefve chose de delaissier choses accoustumees, mais encore est elle plus griefve aler contre sa volenté. (Internele consol. P., 1447, 296)

...selon les droiz d'Amours qui parlent de ceste matiere, la pugnicion y est si grande qu'on ne sauroit dire, et non pas seulement sont telz gens qui batent et frapent leurs dames dignes de mort acoustumee, mais doit l'on departir et detrencher leurs membres par pieces [Éd. : Mort acoustumee 'pendaison'] (MART. D'AUV., Arrêts Am. R., c.1460-1466, 216)

Se je oublioye la guerre, j'ay grant paour que je ne feisse gueres le seigneur, et feroye peu de jugemens ; pour ce, fault que je y aille. Messeigneurs, s'il vous plaist, je yray encore pour ceste foys comme Jouvencel : car dure chose est de laisser les choses acoustumées. Et puis je retourneray, se Dieu plaist, et vous me apprendrez comment je y doys aler comme lieutenant du Roy. (Bueil, II, 1461-1466, 15)

...quant l'eaue mise sur le feu commence a eschauffer jusques au boulir, elle s'estent et espart tant qu'elle puet. Et pareillement la mer selon l'estat et le cours de la lune, elle s'estent et passe ses termes accoustuméz lequel mouvement commence du centre moyen et s'estent jusques aux extremités et encores les passe. (Somme abr., c.1477-1481, 145)

Pareillement on porroit dire que Dieu se moeut naturelement, pour tant que par sa bonté accoustumee et naturele il se communique (...) a tous et a ung chascun. (Somme abr., c.1477-1481, 145)

Accoustumé + compl. circ.

...car autrement se celi meismes orguel des Samniciens qui nous constrainsist a faire cestes couvenances nous eust constraint a user de langages et de paroles acoustumees en dedicions de citez, vous, tribun, vorriez dire que le pueple rommain et ceste cité et ces temples, contrees et rivieres, tout fust des Samnites ! (Bers., I, 9, c.1354-1359, 9.5, 15)

Les choses acoustumees de longtemps, et s'elles sont pyres des choses non acoustumees, si moins molestent ; car (qui auroit acoustumé une pire chose pour ung pou de temps) il vauldroit mieulx qu'il la lessast et se transportast a l'autre. (Saint-gille, A.Y., 1362-1365, 64)

...ne vous semble il pas que la chose acoustumee de longue main ne soit mieulx congneue de ceulx qui l'exercitent que celle qui est nouvellement emprise, et grieve moins ? (Arras, c.1392-1393, 155)

[Dans un synt. prép.]

Si fu (...) menée choffer en la maniere acoustumée (Reg. crim. Chât., I, 1389-1392, 263)

...ouquel lieu, et en la place acoustumée, icellui jugement fu excecuté. (Reg. crim. Chât., II, 1389-1392, 100)

...pour te satisfaire briefment par exemple selon l'ordre aconstumé (Chart., L. Esp., c.1429-1430, 179)

Et a ces parolles, Madame, a l'usance acoustumee lui donna congié. (La Sale, J.S., 1456, 84)

Jamais le moinne ne failloit à sonner matines à l'eure accoustumée ne à esveillier les freres (Miélot, Mir. N.D. L., 1456, 177)

Au terme accoustumé elle fist ung tresbeau petit charreton, ou pour mieulx dire ung tresbeau filz (C.n.n., c.1456-1467, 345)

Le mercredy soir a heure acoustumee convindrent et s'assemblerent toutes les femmes qui avoient acoustumé d'y estre, ensemble pluiseurs autres qui paravant n'y avoient esté, par la induction de leurs voisines. (Ev. Quen. I, c.1466-1474, 95)

...je, aprés que j'eus prises mes agoubilles, papier, plume et enchre, me transportay ou lieu ou le soir precedent avions assemblé. Et moy illec venu, me assis en mon lieu acoustumé. (Ev. Quen. I, c.1466-1474, 111)

Ledict roy Charles, voyant son filz trop accompaigné de gens de bien et de gens d'armes à son gré, delibera de y aller en personne avec grant nombre de gens et de l'en mectre dehors ; et se meïst au chemin et print peine d'en retirer plusieurs, en leur commandant, comme ses subjectz et sur peines accoustumées, se retirer devers luy. (Comm., II, 1489-1491, 328)

...le deffendeur ou son procureur avra bien delay pour avoir coppie desdictes lettres et jour a deliberer en la forme acoustumee. (Ordonn. roy., c.1493. In : Chrestom. R., 270)

Ilz luy apportent le reliquaire du Corpus Christi et une hostie non sacree en la maniere acoustumee (La Vigne, S.M., 1496, 566)

Accoustumé de + inf.

...la ou il estoient arivet, il n'i a ne port ne havene acoustumé d'ariver fors a l'aventure [un port où les navires arrivaient habituellement] (Froiss., Chron. D., p.1400, 890)

Vostre frere nous a dict que aucuns l'avoient adverty de donner de la vesselle d'argent ausditz Bourguignons, pour ce que c'est chose acoustumée de faire à ambassadeurs soit d'amys ou de ennemys et qu'on avoit ja trouvé laditte vesselle (Le Clerc, Interp. Roye, c.1502, 223)

En particulier. [Dans le lang. jur. ou admin.] Serment accoustumé

Un des parenz d'Auberi vint a la journee, et, pour ce qu'il vit la grant mervoille dou levrier, il dist qu'il vouloit jurer le serement qui est acoustumé, pour le levrier. (Gast. Phébus, Livre chasse T., 1387-1389, 111)

Et puiz fu ledit Marle installé oudit premier lieu par ledit monseigneur le Chancellier et fit le serement accoustumé. (Baye, I, 1400-1410, 64)

Ledit de Gamaches fera en ycelle Court le serment acoustumé (Fauq., I, 1417-1420, 39)

Sur ce, le conte appela maistre Guiet, son secrétaire, auquel il commanda ses lettres, dont tous, grans et petiz, furent tant joyeux que merveilles. En la presence desquieulx maistre Guiet reçeust le serement du Jouvencel, en tel cas acoustumé, par le commandement de monseigneur le conte, lieutenant du Roy. (Bueil, II, 1461-1466, 5)

Mort bois accoustumé. Essences de bois répertoriées par la coutume.

Et tout le mort bois acoustumé est auxdiz habitans par païant les rentes dessus dictes (Hector De Chartres, Cout. R., 1398-1408, 255)

Saint accoustumé. Saint qui, sans avoir été officiellement canonisé, fait l'objet d'un culte traditionnel reconnu par l'Église.

Pour ce saint Bernart en l'espitre que il feist aux chanoines de Lyon, les reprent car trop hastivement ilz vouloyent celebrer la feste de ceste concepcion, comme on devroit faire maintenant qui vouldroit faire la feste d'un saint non canonisié ou non acoustumé sans aucune auctorité de l'Eglise romaine. (Gers., Concept., 1401, 423)

Péjoratif. Constamment pratiqué, invétéré.

...vous avés par une (...) aconstumee blapheme despité le nom de celui a qui tout genoil se doit flechir (Chart., L. Esp., c.1429-1430, 74)

Non accoustumé

Inhabituel.

Si commença a occuper les membres de chascun aussi comme une stupeur ou un endormement non acoustumé (Bers., I, 9, c.1354-1359, 2.10, 4)

...ledit seigneur et moy ne feusmes mye d'oppinion que il [le roi] en fist riens, car la maniere [une trahison] estoit chose non accoustumee et tres deshonneste (Juv. Urs., Nescio, 1445, 460)

Extraordinaire, hors de coutume.

...le menu peuple s'en plaint trop fort, car on demande tailles sur tailles et aydes sus aydes, et si a esté le royaulme plus taillié et plus grevé de telz choses non accoustumées puis le couronnement du roy, que il n'avoit esté chinquante ans en devant (Froiss., Chron. M., XIV, c.1375-1400, 25)

2.Établir qqc. en coutume.

Établir [un impôt, une taxe].

Dedens Jherusalem furent a grant destroit Bourgois et chitoien de ce qu'on les tailloit ; Maudissant vont Ourry, qu'ensi les maintenoi[t], Qui telle maletote acoustumee avoit (Bât. Bouillon C., c.1350, 127)

Biaulz signour qu'an la neif estes la, Paiez voustre treu a mon chaistel desa Tel que merchant le doient et ont deut piessait, Car c'est mes droiture et si l'acoustumait Trestout li mien ancestre, ne vous mantirait ja. (Lion Bourges K.P.F., c.1350, 594)

Sairaisin, dit Lion, se Dieu plait, non ferait. Jai treut dou mien corpz li voustre n'averait. Mauldite soit li arme qui ains l'acoustumait ! (Lion Bourges K.P.F., c.1350, 595)

La maison d'un bourgois orent toute fustee Pour la grant malletoste c'on ot acoustumee, Qu'i n'avoit point païe, s'estoit l'eure passee, S'eust forfete les lois qu'il ot en la contree : De .X. livres tournois estoit la loy nommee (Tristan Nant. S., c.1350, 359)

3.COMMERCE Accoustumer une marchandise. Payer, sur cette marchandise, la redevance appelée coutume.

Item le prevost de Harfleu a suicte pour faire retourner à icelle prevosté toutes les marchandises qui seront menées ou transportées, par quelque voys que ce soit, hors des mectes d'icelle, sans les avoir acquictez ou acoustumes, ainsy qu'il appartient et comme contenu est cy devant entre les parties des coustumes montantes ou devallantes la rivière de Saine (Commerce marit. Rouen F., Pièces justif., 1387, 163)

Item. Tu dois savoir que fromages qui sont apportés premier eulx doivent estre accoustumés en la nef. Et se ilz sont ostez de la nef sanz congié eulx doivent estre perdus. (Commerce marit. Rouen F., Pièces justif., 1396, 246)

Remarque : Même sens ds GD II, 327b, s.v. costumer².

C. -Accoustumer qqc. à qqn/à un animal

1.Accorder à qqn la jouissance habituelle d'un droit.

Car li trompeur et li corneur orent en despit ce que les censeurs derreniers leur avoient deffendu que il ne mengassent dedenz le temple de Jovis, combien que d'ancienneté il leur eust esté acoustumé et ottroié (Bers., I, 9, c.1354-1359, 30.5, 54)

2.Laisser qqn prendre l'habitude de qqc..

T. Il est chose manifeste que de ce doit l'en donner a ses servans ou nient ou peu. G. Ce est assavoir, de vin et de tout nourrissement delicatif. Car qui leur acoustume en jennece, l'en les trouve apres contumaux et rebelles (Oresme, Ycon. Arist. M., 1374, 819)

Ma commere, (...) ne lui acoustumez pas ainxin a vous lesser mectre soubz les piez, car il vous en feroit autant ou pis l'annee a venir a voz aultres acouchemens. (Quinze joies mar. R., c.1390-1410, 19)

Accoustumer mauvaises coustumes à qqn. Inciter qqn à de mauvaises moeurs.

Le dit suppliant lui dist qu'il vouloit acoustumer maintenant et autrefoiz malvaises coustumes a bourgois de la ville (Arch. Nord, 1468, B 1693, f° 42 r°, IGLF)

3.Accoustumer à un animal à + inf.. Habituer un animal à + inf..

Si a failli [le valet] la leçon Que l'en doit aprendre au faucon, Quar on li doit acoustumer Le chaperon a endurer (La Buigne, Rom. deduis B., 1359-1377, 98)

II. -Emploi pronominal.

A. -[D'une pers.] S'habituer à.

S'accoustumer à/en qqc.

...car quant une personne en son enfance, en joenesce, se acoustume a aucunes operacions, se il les maintient, gueres a grant painne les puet aprés delaissier. (Oresme, E.A.C., c.1370, 148)

Certes ceuls qui se acoustument a ces estudes ou desirs sont demy sauvages et a moitié cruelz et, la plus noble partie de humaine nature laissiee, se conforment et acoustument a monstres et choses estranges par force de leur meurs. (Foul., Policrat. B., I, 1372, 104)

Tres grande difference a de soy acoustumer a une chose en joennece ou a autre. Et de ce depent toute la vie (Oresme, Ycon. Arist. M., 1374, 833)

Tristifer en nes ung bien n'oevre, Ainchois s'acoustume en male oevre. Mais tres grant peril sans doubtance Y a en male acoustumance. (Pastor. B., c.1422-1425, 76)

[En tournure factitive]

Qui lairroit trop acoustumer Les gens en euvre temporelle, Bien tost pourroyent presumer Contre nous aulcune querelle (La Vigne, S.M., 1496, 329)

Proverbe.

C'est des amoureus la coustume : Qui bien aime a ce s'acoustume (Mach., Voir, 1364, 1580)

S'accoustumer de/à + inf.

...car ceuls qui mectent et ordenent les loys estudient, labeurent et font par leurs loys que les citoiens se acoustument a estre bons par bonnes operacions. (Oresme, E.A., c.1370, 147)

Puis qu'a bien faire s'acoustume Et de voir dire a la coustume Jeunes homs (Mir. st J. Paulu, c.1372, 103)

Item, se sont aucunes gens acostumeis de peskier en cheste saison de roos en la meir (Arch. Nord, 1386, B 5702, f° 2 v°, IGLF)

Car, certes, li homs mençongieux Soit ou a certes ou par jeux, Se souvent il s'i accoustume [à mentir] , Ne peut, s'il a ceste coustume, Estre vertueux (Chr. Piz., M.F., II, 1400-1403, 48)

Acoustumez-vous d'estre content de pou et vous congnoistrez que c'est meilleur (Guill. De Tignonville, Ditz moraulx philos., éd. R. Eder, a.1402, 946)

...tu dois excerciter a vertu acquerir par frequentacion et excercite de bonnes operacions, comme tu te acoustumeras a bien faire en delaissant toutes tes mauuaises inclinacions. (Cib., p.1451, 187)

Dame serez de mon cueur sans debat, Entierement, jusques mort me consume, (...) Raison ne veult que je desacoustume - Et en ce vueil avec elle m'assemble - De vous servir, mais que m'y acoustume, Et c'est la fin pourquoy sommes ensemble. (Villon, Test. R.H., 1461-1462, 111)

[En tournure factitive]

La droite discipline de joennes gens est faire les acoustumer de eulz esjoïr du bien et trister du mal (Oresme, E.A.C., c.1370, 152)

B. -[D'une chose]

1.[D'une substance matérielle] S'accoustumer à. Acquérir [une propriété contraire à sa nature].

Et une raison est a ce ; car nulle chose ne se puet acoustumer au contraire de ce que elle a de nature, si comme la pierre ne se puet acoustumer a monter haut par soy ja soit ce que elle y fust jectee .X. mile foiz (Oresme, E.A., c.1370, 146)

2.Au figuré. S'installer durablement, s'enraciner.

...orgueil et dissolution se accoustuma tres excessivement en moult de personnes (Juv. Urs., T. crest., c.1446, 119)