ESTRANGLER

verbe

[T-L : estrangler ; GDC : estrangler ; AND : estrangler ; DECT : estrangler ; FEW (XII, 286b) : strangulare ; TLF (VIII, 275b) : étrangler]

A. -Faire mourir par strangulation ; étouffer.

1.Estrangler qqn

Ja mais il ne le ferrera [le cheval] Ne près de lui n'aprochera, Qu'il a paour qu'il ne le tue. N'a pas lonc temps qu'en mi la rue Li courut sus, guele baée, Comme une beste forcenée, Et l'eüst estranglé, ce cuide, S'il n'eüst tost fait une vuide. Mais s'il avient qu'il se desferre, .X. hommes faut, quant on le ferre : Li uns sache, li autres boute. Chascuns le fuit, chascuns le doubte... (Mach., Compl., 1340-1377, 264)

Tous nus est de son lit dreciez Et par la gorge le hapa à IJ. poins et si l'atrapa Que dessous li le mist à terre, Et si fort li estreint et serre Que pour po qu'il ne l'estrangla. (Mach., P. Alex., p.1369, 269)

...vostre mére sanz respit Me conmanda les enfans prendre Et qu'en l'eure (...) touz trois les estranglasse (Mir. roy Thierry, c.1374, 313)

... [elle] trouva que icelli son mary estoit mort, et que ledit Thevenin l'avoit estranglé à ses mains (Reg. crim. Chât., II, 1389-1392, 57)

...et [Jean sans terre] estrangla de ses propres mains celluy Artus son nepveu (Juv. Urs., T. crest., c.1446, 95)

Tu despite celui, par devant ton barnage, Qui t'a de mort tenset entre le gent persage ; Par celui es noris et mis en haut estage Et ore vorois bien, mauvais rois plain d'outrage, Qu'il fust mors ou noiiez en haute mer ombrage Ou qu'il fust estrannez par dedens .I. bosquage. (Jourd. Blaye alex. M., a.1455, 214)

...il [le diable] m'eust estranglé et devoré, se a ceste heure ne me fust souvenu de mon baptesme (C.n.n., c.1456-1467, 429)

En songe je veyes liompars (...) Noirs hommes et fort estrangiers, Trestous a l'environ d'un jucge, Qui disoyent : 'Si Pilate jucge Jhesus le prophete tresgrand, A tous vous faiz comandement Que l'estranglés luy et sa femme, Car Jhesus est homme sans blasme, Tresparfait et juste personne'. (Pass. Auv., 1477, 167)

...par tiranie le fist pendre et non estrangler et depuis fendre son ventre et bruller ses entrailles devant lui (Simon De Phares, Astrol., c.1494-1498, f° 150 r°)

[D'un animal]

Je vous dy pour aussi vray que euvangile que se une personne mengue d'une beste que le loup aura estranglé, et de laquele il aura par aventure mengié, a grande paine puet icelle personne rendre ame, se le loup n'estoit premierement mort. (Ev. Quen., I, c.1466-1474, 109)

Tu resamblez a l'ours c'on norist en le quage : Quant on l'a tant nory qu'il est de viel eage, Par viellesse qui prent desur son cors hansage Devient felle et despis et abuvré d'outrage Et par le mauvaisté de son felon corage Voet estranner celui qui trestout son eage L'a nory doucement par dedens son mainnage. (Jourd. Blaye alex. M., a.1455, 213)

Celluy Boniface se maria à une fille heritiere du seigneur de Mylan, nommée Blanche, car encoires n'estoit ce pas duchié, et le premier filz qu'il eut d'elle fut estranglé au bers d'un serpent de merveilleuse grandeur. (La Marche, Mém., I, c.1470, 28)

[D'une substance] Étouffer qqn.

Et avoit une apostume près de l'oreille, laquelle se creva dedens son corps et l'estrangla. (Monstrelet, Chron. D.-A., t.3, c.1425-1440, 168)

Pendre et estrangler qqn

Item, a Jehan Trouvé, boucher, Laisse le Mouton, franc et tendre, Et ung tacon pour esmouchier Le Beuf couronné qu'on veult vendre, Et la Vache, qui pourra prendre Le villain qui la trousse au col : S'il ne la rend, qu'on le puist pendre Et estrangler d'un bon licol ! (Villon, Lais R.H., c.1456-1457, 21)

...Dont tant quist on, et vint on ça et la Que six galans (...) En Camp de Fleur fist on soubdain sengler, Puis aux creneaulx de deux grandes fenestres Incontinent tous pendre et estrangler. (La Vigne, V.N., p.1495, 234)

[Dans un cadre juridique] (Pendre et) estrangler un condamné

On ne doit riens meffaire a perssone jugie ; Il serra estranglés dedens heure et demie (Renaut Mont. B.N. V., c.1350-1400, 350)

Le conte de Nevers, frere du duc de Bourgoigne (...) a entendu que rumeur estoit qu'il avoit fait pendre et estrangler un sergent royal (Baye, I, 1400-1410, 284)

Oudit moys de janvier IIIIcLXXIIII, advint que ung franc archer de Meudon, près Paris, estoit prisonnier es prisons de Chastellet, pour occasion de plusieurs larrecins qu'il avoit faictes en divers lieux, et mesmement en l'eglise dudit Meudon ; et, pour lesdiz cas et comme sacrilege, fut condempné à estre pendu et estranglé au gibet de Paris, nommé Montfaucon, dont il appella en la court de Parlement, où il fu mené pour discuter de son appel. (Roye, Chron. scand., I, 1460-1483, 322)

Et après, comme clers furent requis par l'evesque de Paris comme ses clers, auquel pareillement fut dit par arrest qu'ilz ne joyroient point de privilege de clerc, et furent renvoiez pardevant ledit prevost, par la sentence duquel ilz furent tous condampnez à estre pendus et estranglez (Roye, Chron. scand., II, 1460-1483, 60)

LE CRESTIEN. (...) On me devroit a ung licol Pendre et estrangler au gibet. (Mir. st Nic. juif, c.1480-1500, 112)

[Dans une formule d'imprécation ; d'une chose, d'un animal] Étouffer qqn.

Que des loups soit il estranglé ! (Narcissus, p.1426, 300)

Tenés, diables, mangés trestous ! Les os vous puissent estrangler ! (Pass. Auv., 1477, 250)

...que de malle hart Ou des loups soyes-tu estranglée ! (Pont aux ânes T., c.1480-1500, 102)

2.Emploi intransitif ou pronominal. Étouffer, s'asphyxier, suffoquer (sous l'effet de causes extérieures).

Cy conmence un miracle de saint Valentin, que un empereur fist decoler devant sa table, et tantost s'estrangla l'empereur d'un os qui lui traversa la gorge, et dyables l'emportérent. (Mir. st Val., c.1367, 124)

L'EMPEREUR. Un os s'est avalé et mis En ma gorge, ci en cest angle. Seigneurs, certainement j'estrangle Et suis a mort. (Mir. st Val., c.1367, 165)

Si comme dit l'Escripture de Esau qui fut le premier né de tous ses freres, qui se hasta si de mengier que peu s'en failli qu'il ne se estrangla. (Ménagier Paris B.F., c.1392-1394, 36)

Et quant nous fusmes montez ainssy que les deux pars de la montaigne, le vent se vira et nous getta celle puante fumee contre nous tellement que cuidasmes estrangler. (La Sale, Salade, c.1442-1444, 145)

S'estrangler (de ses propres mains)

...je m'estrangleray en ceste chambre cha. (Renaut Mont. B.N. V., c.1350-1400, 320)

A bien po que je ne despis Dieu et sa mére et touz ses sains Et que ne m'estrangle a mes mains. (Mir. prev., 1352, 244)

Le dit Gerart, par se desesperance, s'estoit estrannés en se maison a Sobre. (Arch. Nord, 1411, B 10367, f° 27, IGLF)

VARLET. Et, Miquelette, douch conchon, Fay cy autant a me requeste Que de dire a le mandelette : 'Dieu le benie !', ou : 'Qu'elle est belle !' MIQUELETTE. Va, se t'estranne, va, harcelle ! Cuide[s] tu cy trouver tes lourdes ? Qu'ai ge a faire de tes lambourdes Ne de tes fatras ? J'ay tes fievres. (Mandel. T., c.1450-1475, 181)

Se pendre et s'estrangler

Si se desespera et regarda en une chambre aisie où pendoit un viel frain ; si en prist les longes, si s'en pendi et estrangla tant qu'il en mourut. (Cochon, Chron. norm. B., c.1430, 6)

Et, le jeudi VIe jour de juing, oudit an mil IIIIcLXV, advint à Paris, en la rue Saint-Denis, devant la Barbe d'Or, que ung ancien homme, bonnetier, nommé Jehan Marceau se pendit et estrangla en sa maison, et fut le corps trouvé mort (Roye, Chron. scand., I, 1460-1483, 45)

...personne ne congnois Plus maleureuse que la myenne sur terre : Pour quoy ma vie je ne prise une noix. Pendre me vois et estrangler grant erre. (La Vigne, S.M., 1496, 374)

Et, longtemps après, voyant ledit abbé le pechié qu'il avoit fait, se desespera, se pendit et estrangla à ung tref qui estoit en la chambre où il estoit en prison, en disant ces parolles : 'Peccavi tradens sanguinem justum.' (Le Clerc, Interp. Roye, c.1502, 286)

La corde pour s'estrangler

SATHAN. (...) Dyablerie puante et orde, Tost la corde Pour m'estrangler ! Je m'y accorde Et recorde, Venez tost me faire finer ! (Mir. st Nic. juif, c.1480-1500, 147)

[Dans un cont. allég.]

Si vueilliez avoir remambrance de nous qui sommes ca jus comme voz povres brebis en diverses enfermetez et en continuelz perilz. Les unes sont livrees en la gueule des loups d'enfer pour estrangler. Les autres trebuschent es fosses de ire ou de impacience. (Gers., P. Paul, a.1394, 491)

Participe passé en emploi adjectival. Pendu, étranglé.

Ghys Bekeman, povres varlés et laboureur de terre, coppa enmi les changs ['champs'] branques d'un arbre et, che faissant, par meschief, il demoura pendant et fu trouvé estraunné sans corde ne aultre loyen a icellui arbre. (Arch. Nord, 1393, B 5721, f° 2, IGLF)

B. -Au figuré. Étouffer, contenir qqc..

Et quant je suis saoulé de plourer, Souvenirs vient mon las cuer acorer ; Car il n'est biens ne joie qu'il m'aporte, Einsois toudis me grieve et desconforte, Dont j'ay souvent estranglé maint souspir, Pour ce que trop parfondement souspir. (Mach., Compl., 1340-1377, 255)

Et si ne puis par devers vous aler Pour Fortune qui le vuet et deffent, Dont maint souspir me convient estrangler, Quant à vous pense et je sui entre gent Et quant je sui par moy secretement [la forme 'vuet' fait difficulté. G. Roques attire l'attention sur la leçon 'viee' [de véer] dans MACH., Voir, 1364, 182, v. 1634 (même ballade ; point-virgule après 'deffent')] (Mach., L. dames, 1377, 209)