ESTAGE

substantif masculin

[T-L : estage2 ; GD : estage2 ; GDC : estage ; AND : estage1 ; DECT : estage2 ; FEW (XII, 239a) : stare ; TLF (VIII, 205a) : étage]

A. -Fait de se tenit debout, fait de se tenir qq. part, lieu où qqn se tient.

1.Fait de se tenir debout.

[À propos d'une pers., d'une construction...] En (son) estage. Debout.

Dont il orent merveille grant, Car pour ours devant le tenoient, Mais depuis ce fait varioyent : Quant le virent en son estage, Honme l'appellerent sauvage Et n'en savoient que jugier (Dit prunier B., c.1330-1350, 82)

Atant est venus issir hors dou riche menaige Ung joiant fort et fier qui ot en son estaige Trese piet de hault (Lion Bourges K.P.F., c.1350, 646)

Remarque : JEAN D'OUTREM., Geste Liège B.B., a.1400, 26298 (Quant voit Johan Malhar devant luy enestage) ; Scheler, Gloss. Geste Liège ; GD III, 589c.

Mettre en estage (une construction). Redresser, remettre dans son état normal (une construction).

...on a ung pou plus d'avantage A relever et mettre en son estaige Une maison qui penche fort et cline Par le machon ou par le carpentaige, Car a tout fault remede et medecine. (Taillev., Ress. relèv. hôt. D., p.1440, 274)

Se tenir en son estage. Rester debout.

ASACANÏUS (un des soldats gardant le tombe de Jésus) ...Penssez vous que, se nous eussions Nous peu tenir en nostre estaige, Que n'eussions point tenu visaige Et barbe d'omme a tous coustéz ? (...) Aussi vous le sçavez assés, Nous estans ainsi renverséz A terre par terrible instance Estoit il en nostre puissance De deffendre ne retenir Aux femmes l'aler ne venir ? (Gréban, Pass. J., c.1450, 401)

Pensez vous que se nous eussions Nous peu tenir en nostre estaige, Que n'eussions point monstré visage Et barbe d'homme a tous costéz ? [J. Dufournet, R. lang. rom. 91-2, 1987, 328 : 'se tenir debout'] (Myst. Pass. Troyes B., a.1482, 885)

Tenir estage. Rester en place, ne pas céder.

...ancoires tenoit estage Blanor, car il n'avoit ancoires trouvé qui hors de selle le mesist, et si en avoit desmonté plusieurs, pourquoy la plus part disoient qu'il emporteroit le pris (Percef. Compl. R., c.1450 [c.1340], 495)

2.Fait de se tenir qq. part, lieu où qqn se tient, demeure, séjour.

Les moynes noirs ont par usaige Es bonnes villes lour estaiges [var. estragez, estaige] (Dupin, Mélanc. L., c.1324-1340, 54)

Einsi Fortune, la sauvage, Quant elle a fait aucun ouvrage, Et on est en plus haut estage, Fait en tressaut Venir un vent et un orage D'aversité qui tout esrage, Fondement, comble et massonnage, D'un seul assaut. (Mach., R. Fort., c.1341, 40)

Quant les oncles Hunault (...) Entrerent en la chambre (...) Contr'eulx se sont levez ceulx qu'ilz sont en l'estaige (Hern. Beaul. D.B., c.1350-1400, 42)

De dix bien adoubez encontre ung seul auffaige, Par la foy que je doy a Dieu du hault estaige (Ren. Gennes D.B., c.1350-1400, 95)

Il [Dieu] dit qu'il veult que soit finée La vie de l'umain linaige, Ne ja il n'y laira estaige, Et puis rajoindra corps et ame[s]. (Jour Jug. R., c.1380-1400, 244)

Retourner me faut aux estages Ou logiez sont et folz et sages (Chr. Piz., M.F., I, 1400-1403, 136)

Tout au sommet du hault estage, Ou Nostre Sire, a heritage, Par le chemin de Juste Vie, Assist saint Pierre (Chr. Piz., M.F., II, 1400-1403, 4)

Cilx Jhesucrist, (...) Garisse le Saint Pere, qui de Dieu tiengt l'estage ! (Huon Bordeaux B., c.1400-1450, 27)

Faultes de foys et d'ommages, Meschans mis en haulx estages, Cuers volages, Foulx messages, Faulx langages : Si pensez en voz courages Que trop durent telz esbas (Chart., L. Paix, a.1426, 414)

En particulier. Le haut/hautain/le souverain estage. Le Ciel.

L'arme de vous ait Dieu en son hault estaige ! (Lion Bourges K.P.F., c.1350, 94)

Pere du souverain estage, Je vous dy en tant qu'il me touche Que vostre parolle est tant doulce, Tant bonne et tant melliflueuse, Et de tous biens si fructueuse, Que se toutes choses mondaines Devenoient langues humaines, Si ne pourroient ilz souffire A proposer, cointer [l. comter] , ne dire La quarte partie des biens Dont vous estes plains (Marcadé, Myst. Pass. Arras R., a.1440, 283)

Jhesus, par qui fut racheté Des limbes tout humain lignage, Qui est lasus par deité Couronné ou haultain estage... (Du Prier, Roy Adv. M., 1455, 1)

Place (à une table).

Savari si mena Roulant eu hault estaige (Gir. Vienne D.B., c.1350-1400, 162)

3.DROIT FÉODAL Fait pour le vassal de résider à certaines périodes auprès du seigneur pour le défendre, obligation qui s'y attache, période ou lieu où cette obligation s'exerce.

...en nos chasteaulx de Rethel, d'Omont, de Maisieres et de Bourg apartient de nostre droit heritage plusieurs gardes et estages, lesquelles sont tenuez de faire chascun an, par certain fief que l'on tient de nous, avec domicille des femmes et mesmes des chevaliers armés, en ce qui apartient au gentilhomme (Trés. Reth. S.L., t.2, 1364, 165)

Lige estage. Obligation du vassal de résider chez le seigneur pour le défendre.

Se il [Gentil homme] lesse dégaster son lige estaige en défraudant son seigneur, pert son meuble. (Cout. instit. Anjou Maine B.-B., t.1, 1385, 240)

Aucuns vassaulx sont qui doivent lige estage, c'est assavoir ligences, ou chastel de leur seigneur, et ont maison ou lieu propre pour y faire les gardes (Cout. instit. Anjou Maine B.-B., t.2, 1437, 542)

Lieu où cette obligation s'exerce.

...et cieulx doivent personnellement faire les gardes oudit lige estage, et illecques mener leur femme et famille, et doivent aller à leur estage dedens huit jours après ce qu'ilz en sont cemons. (Cout. instit. Anjou Maine B.-B., t.2, 1437, 542)

Bien tenu en fief, tenure.

Estienne Messier, Jouhan Herve (...) estaigers demourans en la ville de Lenrinuay et les autres estaigers y demourens de deus chacun doit pour son estaige XII d. (Comptes Lamballe C.-L., 1404-1405, 306)

B. -Espace d'habitation, espace entre deux planchers, étage ; p. ext. chacune des divisions d'un ensemble formé de parties superposées, niveau.

1.Espace d'habitation ; espace entre deux planchers, étage.

...assizes icelles fenestres si conme il s'ensuit, c'est assavoir ou celier d'icelle maison deux fenestres, ou premier estaige dessus le celier trois fenestres, ou secont estaige qui depart le dit celier deux fenestres... (Chartes Abb. St-Magl. T.F., t.3, 1365, 303)

Et auront et doivent avoir les diz preneurs ou plus haut estaige et ediffice de leur maison une veue, tant conme il plaira aus diz religieus ou a leurs successeurs, par ainssi que par icelle veue iceulx preneurs ne leurs gens ne puissent veoir es jardins des diz religieus (Chartes Abb. St-Magl. T.F., t.3, 1368, 367)

Lors vint uns homs que vostre pere n'avoit oncques mais veu, ce disoit il, qui lui conseilla que, le derrenier jour d'aoust, meist XXX. pieces d'argent, dont chascune vaulzist IIIJ. deniers, en une bourse, et les feist porter, entre nonne et vespres, ou derrenier estage de la tour, et feussent mis ces X. solz en la bourse de cuir de cerf dessus la piece de bois qui soustient l'esguille du pommel, et sur quoy il est assiz, et ce feist continuer tous les ans, et le pommel demourroit entier. (Arras, c.1392-1393, 296)

Mais Gieffroy, qui ne creint rien, attent ou plus hault estage de la tour grant piece de temps et regarde s'il verra rien venir. (Arras, c.1392-1393, 297)

Et se vous avez chambre ou estage, ou il ait tresgrant repaire de mouches, prenés petis bloqueaulx de feuchelle et les liez et affilez comme filopes et les tendez, et toutes les mouches s'i logeront au vespre (Ménagier Paris B.F., c.1392-1394, 102)

...les estaiges de leur maisons à maindre ['habiter'] et à leur granches (Hector De Chartres, Cout. R., 1398-1408, 250-251)

...et à cause de ce doit avoir par livrée boiz en icelle forest pour tout l'asmenagement et herbergement de son hostel dudit lieu, tant pour l'ostel de la Motte, de l'estaice, moulin, maison et pescherie d'icellui comme pour les appartenances autres dudit hostel (Hector De Chartres, Cout. R., 1398-1408, 287)

...et avoit ou dit chastiel trois estages : ou premier hault estoient les gens d'armes, ou second les arbalestriers, et ou tierc estage tout bas, piqetour pour piqueter au mur et tout destruire et abatre (Froiss., Chron. D., p.1400, 494)

Item, la .IIe. partie parle du chastel de Fortune, ou et comment il est situé, les estages qui y sont, et quieulx gens y sont logiez. (Chr. Piz., M.F., I, 1400-1403, 3)

Le conte monte vistement Tant que plus puet ysnellement, Monte jusqu'au plus hault estage. (...) Le conte de paour tressue, Et quant il voit, a brief parler, Qu'il ne puet plus avant aler, Par une fenestre sailly. Sur le toit le pié lui failli (Coudrette, Mélus. R., c.1401-1402, 285)

Il fist faire ou chastel d'Argenten une tres notable maison à trois estages et galatas (Cagny, Chron. M., 1436-1438, 11)

...avoir refait de neuf les quatre astre et quatre couvertures des quatre cheminées qui sont en icelles deux maisons, tant les deux de l'estage de rez de chaussée comme les deux autres de l'estaige d'au dessus, et, au dit rez, fait parties des planchiers des ouvrentes d'icelles (Comptes Paris V.L.D., t.1, 1449-1450, 671)

Au second estoient deux beaulx enfans, ung filz et une fille, vestus de damas blanc, faisans et representans mondit seigneur le daulphin et madicte damoiselle de Flandres. Et au tiers estaige au dessoubz estoient deux personnaiges de mondit seigneur de Beaujeu et de madame sa femme. (Roye, Chron. scand., II, 1460-1483, 132)

Et eulx estans en ce propos, Voyau regarda à la main destre ung huys ouvert ou plus hault estaige de la Bastide, et entra dedans pour regarder une grant fenestre où il n'y avoit ne fer ne bois qui estoit toute ouverte, laquelle il monstra au conte en luy disant : 'Monseigneur, Dieu est pour vous.' (Le Clerc, Interp. Roye, c.1502, 168)

Remarque : Doc.1395 et 1432 ds GDC IX, 556b.

D'estage en estage

A mort, faulx traitre ! Par vous avons nous nostre mere perdue. Et lors traist l'espee et s'en va vers le conte, et cellui qui congnoissoit bien sa fierté, advise l'uis de la maistre tour, et s'en fuit celle part, et Gieffroy après ; et tant le chaca d'estage en estage qu'i vint au derrenier, prez du toit. (Arras, c.1392-1393, 268)

Bâtiment (de plusieurs étages).

Entour la court a haulx estages : Palays royaulx, grans edefices, Ou les gens de divers offices Sont logiez, selon leur degré (Chr. Piz., M.F., I, 1400-1403, 107)

2.Chacune des divisions d'un ensemble formé de parties superposées, niveau.

...là ot, sur un eschafaut, la teste coppée. Et puis d'ileuc fu le corps trayné au gibet de Paris et là pendu au plus haut estage. (Conf. Jug. Parlem. Paris L.L., 1343, 152)

Et qant les Englois veirent que par asallir et escarmucier, il n'averoient point la ville, il fissent faire et ouvrer par carpentiers deus bierefrois de gros mairiens a trois estages, et seans casqun bierefroi sus .IIII. roes. (Froiss., Chron. D., p.1400, 625)

...ceulz, qui sont au plus hault du chastel, doivent gitter pierres à ceulz qui sont sus les murs, et ceulz qui sont ou moyen estage doivent avaler les pons-leveis et envair les murs, et ceulz, qui sont en l'estage de dessoubz, se ilz pevent approchier les murs, ilz les doivent fouir et miner (Chr. Piz., Faits meurs Ch. V, S., I, 1404, 232)

Un reliquiaire d'argent doré à huit estages et à quatre piez d'argent (Ch. VI, D., t.2, 1418, 291)

Monseigneur, nous avons dedans nos naves ung eschaffault de trois estages de hault, et de trois brasses et demie en carreure (CABARET D'ORV., Chron. Loys de Bourb. C., 1429, 239)

Item, unes aulmaires à troys estages et à VJ guichés (Fauq., III, Pièces diverses, 138, LXXIV)

Item, deux aulmaires à mettre livres, sans clôture devant, chascune à deux estaiges, et de VIJ piez de long chascune ou environ (Fauq., III, Pièces diverses, 138, LXXXI)

Item, vis à vis ladicte dame, au second pillier soubz le cerf qui est en la salle, fut son buffet proprement compasté à sept ou huict estaiges (La Vigne, Sacre Anne Bret. S., 1505, 299)

Chacun des gradins d'une scène de théâtre.

[Prologue] Monstrer vous vueil les personnages, Les joueurs, aussi les estages, Affin que vous puissés entendre Ce que nous vous voulons aprendre. (Myst. st Laur. S.W., 1499, 124)

[Dans une indication scénique]

Adonc s'en vont jusques au pied de l'estage de l'empereur (...) Adonc Decius monte en l'estaige de l'empereur, et les tirans l'attendent en bas (Myst. st Laur. S.W., 1499, 182)

Adonc entre Laurens en l'estage d'Ypolite sans parler (Myst. st Laur. S.W., 1499, 237)

Remarque : Cf. G. Cohen, Le Livre de conduite du régisseur et le compte des dépenses pour le Mystère de la Passion joué à Mons en 1501, Strasbourg-Paris, 1925, p. LII-LIII.

Échafaudage.

...pour avoir emmené le bois pour l'estages (Doc. 1400. In : Y. Coutant, Terminol. du moulin médiév. dans le comté de Flandre, 1994, 646)

C. -Par extension.

1.Lieu, endroit.

Tant vont li chevalier (...) Qu'il viendrent a Bourdiaux lasus ou mestre estage (Renaut Mont. B.N. V., c.1350-1400, 296)

2.État, situation.

...Si puis assez par consequent prouver (...) Que le monde muera son estage. Experiment m'en aprent a parler : A l'omme expert creez, se dit le saige. (Desch., Oeuvres Q., t.3, c.1370-1407, 108)

Vela de Dido de Cartage L'ystoire mise ou haut estage D'amertume et de grant dollour, Qui fut dame de grant vallour. (Livre amour. all. F., c.1398-1430, 14)

Las, desireron [l. desirer on] ne doit (on) point Aultruy maison ou heritage. Aux povres vient tres mal à point Qui sont chargiez de grant mesnage Et sont toutz nus, petit estage, Et passent grans necessités : Ilz ne te font pas grant oultrage S'ilz voeullent estre hérités. (Prisonn. desconf. C., c.1488-1489, 23)

Façon dont une affaire se présente, affaire, situation.

Et quant li apostole oït conter l'estage, Comment debvoit aler a Gaudisse l'auffage, Et sa fille baisier, et faire tel oultrage, Il fust tout esbahis, si segna son visage. (Huon Bordeaux B., c.1400-1450, 27)

En l'estage. À demeure, en permanence.

...il est une vie qui est de mariage, l'autre de continence et de veuvage, et la tierce est de virginité en l'estage. (Mir. st Panth., 1364, 309)

Conquerir l'estage. L'emporter (ici au tournoi).

...quant Benuic eut l'estage conquis, il se trest celle part pour prendre estal a tous ceulx qui a lui vendroient jouster (Percef. Compl. R., c.1450 [c.1340], 495)

3.Dimension, taille, stature.

Et lors y fist faire une ymage De son grant et de son estage, De sa semblance et de son estre (Renart contref. R.L., t.1, 1328-1342, 206)

...Florantine ait nom en son langaige ; Plux blanche est que la flour qui est ou ver bocaige, Et s'a belle collour et c'est de bel estaige, La bouchette riant et la maniere saige (Lion Bourges K.P.F., c.1350, 136)

...ilz entrerent en une chambre ou ilz trouverent un huis qui acouvroit l'entree d'une fosse tant parfonde comme de trois estages d'homme. (Percef. IV, R., c.1450 [c.1340], 302)

...la pierre, qui estoit au dessus du puis, estoit a plaine terre drescee sur le quant, et avoit tresbien de hault deux estages d'homme [deux hauteurs d'homme, deux fois la taille d'un homme] (Percef. VI, R., c.1450 [c.1340], 141)

...ung pillier tres bien fait et hault de deux estages d'omme (Percef. VI, R., c.1450 [c.1340], 194)