ESBAHIR

verbe

[T-L : esbäir ; GD : esbair ; GDC : esbair ; AND : esbahir ; DECT : esbäir ; FEW (I, 285b) : batare ; TLF (VII, 588a) : ébahir]

Frapper, être frappé d'étonnement.

A. -[La cause de l'étonnement est quelque chose qui intrigue, qui fait s'interroger]

1.Emploi pronominal.

a)S'esbahir (de qqc.). Être surpris, étonné (par qqc.).

Et de ce se esbahist et merveilla Empedocles en disant que ceulz qui par leur langue ont ceste vanité moutepliee ont petit entendement en ce que il dient que les parfondeurs ou parfondeces de terre sont infinies, et que aussi l'air en haut est infini. (Oresme, C.M., c.1377, 540)

...ilz [les sujets du roi] ne se doyvent pas esbahir se ilz seuffrent, car ilz ont bien deservy. (Juv. Urs., Loquar, 1440, 372)

Le bon prestre estoit la plupart du temps (...) [que les perdrix] mirent a cuire tousjours present, dont son maistre d'ostel ne se sçavoit assés esbahir (C.n.n., c.1456-1467, 582)

Mais l'enffant qui au resconffort des gardes cuidoit que on le menast vers le chastel, quant il vist que vers le mont Reont alloient, lors s'esbahist plus que oncques mais (La Sale, Reconf. De Fresne H., 1457, 22)

[Le seigneur qui sert saint Christofle] Auquel ceste ballade donne Pour sa dame, qui tous biens a. S'Amour ainsi tous ne guerdonne, Je ne m'esbahys de cela, Car au pas conquester l'ala Que tint Regnier, roy de Cecille, Ou si bien fist et peu parla C'oncques Hector fist ne Troïlle. (Villon, Test. R.H., 1461-1462, 110)

Mon filz, le pouls plus ne vous tramble. Las, je ne m'en esbays pas, Car foés, verges et cloux ensemble Et la croix vous ont mis a bas. (Pass. Auv., 1477, 258)

LE JUIF. (...) Nostre loy est jus Du tout jusque(s) au bas. Et de quoy m'esbahis le plus, C'est des faictz [de] sainct Nicolas. (Mir. st Nic. juif, c.1480-1500, 78)

Esbahi (de qqc.)

De ce sui je moult esbahie Que n'est ceens. (Mir. st J. Cris., c.1344, 263)

Tres nobles et puissans roys, je ne me quier plus celer, puis que je suis en court de droit et de justice, et que je voy mon ennemy devant moy. Sire, je sui filz Hervy de Leon. Lors furent tuit esbahy de ce mot, mais tuit se teurent, et Remondin reprint la parole en disant : Sire roys, mes peres avoit lors prins congié du roy, et s'en estoit alez en son pays. (Arras, c.1392-1393, 58)

Qui fut bien esbahy de ces nouvelles, ce fut le premier venu (C.n.n., c.1456-1467, 230)

O mort, chascun te mauldit ; Certes n'en suis pas esbaye. Tu n'espargnhes grant ne petit (Pass. Auv., 1477, 130)

Mais incontinent que les Françoys arriverent devant la dicte tour, ilz furent bien esbahiz, et non sans cause, car ilz n'avoient pas adverty de veoir tant de testes armees devant, ne si grosse artillerie qu'on leur monstra de prime face ; parquoy comme gens estonnez et surpris pour chose qu'on sceust dire ne faire, parler ne voulurent, mais firent les sours (La Vigne, V.N., p.1495, 293)

Esbahi de + inf.

...madame l'abbesse fut trestoute esbahie de si tost la reveoir. (C.n.n., c.1456-1467, 140)

'...Nous avons ouy grosses gens derrière nous. Quelz gens sont-ce ?' -- 'C'est par advanture, dist le Jouvencel, une garnyson de nostre party, qui venoit icy pour chevauchier ou pour faire quelque entreprinse. Mais ilz ont esté aussi esbahis de vous ouyr comme vous avez esté d'eulx. ' (Bueil, I, 1461-1466, 72)

S'esbahir que

...je m'esbahis bien que vous prenez si peu de fiance en moy (C.n.n., c.1456-1467, 229)

Je m'esbahy que la terre ne fent Soubz les pechez. (Cene dieux, c.1492, 114)

Je m'esbahis qu'il n'en assomme. Quoy ! Il semble un demoniacle. (Coust. Esop. T., c.1500, 172)

Esbahi (de ce) que

...le seigneur de Saintré, tout esboÿ et esmerveillié de ce qu'il ne vist Madame, comme celle que plus ou monde il desiroit, doubta que fust malade (La Sale, J.S., 1456, 270)

..nostre mary vint bucquer a l'huys, tout esbahy qu'il le trouva fermé. (C.n.n., c.1456-1467, 508)

b)S'esbahir + interr. indir. Se demander avec étonnement.

LA PREMIERE DAME. Je m'esbahis comment ainsi Peut or ma dame estre enseignie ! Ne semble pas que feust nourrie En l'ostel d'un povre pastour (Gris., 1395, 42)

...aulcuns (...) s'esbahissoyent comment on avoit fait treves (Juv. Urs., T. crest., c.1446, 163)

...je ne vous cuidoie pas icy a ceste heure (...) et ne me sçay assez esbahir dont vous venez a y estre encores (C.n.n., c.1456-1467, 187)

Son mary, la voyant ainsi lamenter, ne se savoit assez esbahir quelle chose luy povoit falloir (C.n.n., c.1456-1467, 470)

Quand ces bonnes gens oyrent ces nouvelles, commencerent a murmurer, et eulx esbahir tresfort comment se povoit ce faire. (C.n.n., c.1456-1467, 513)

...et quant Alexandre le vint veoir à Thebes, pour toute demeure le trouva en ung tonel et ne tint pas Diogenes grant compte de lui, pour ce qu'il ne lui chaloit des pompes du monde. Si lui dist Alexandre : 'Je m'esbays comme tu ne tiens de moy compte, que suis si eslevé en fortune'. (Simon De Phares, Astrol., c.1494-1498, f° 56 r°)

Esbahi + inter. indir.

Seigneurs, ou je sui affolez, Ou c'est Pierre certainement. Je sui bien esbahi conment Est en ce point. (Mir. Pierre Changeur, c.1378, 289)

LE CONTE. Dame, quant je bien considere La grant beauté de ces enfans Moult suis esbahys et pensans, Dont et de quel païs ilz viennent, Qu'a mon avis ils se contienent Comme enfans de prince ou de roy. (Gris., 1395, 69)

Qant li rois et li sires Espensiers entendirent que la roine et ses fils revenoient la a poissance de gens d'armes (...) si furent tout esbahi et trop esmervilliet par ou il estoient entré ne arivé en Engleterre, qant les pors et les havenes estoient partout si bien gardé. (Froiss., Chron. D., p.1400, 81)

...les regardans, qui avoient veu achever mainte merveilleuse bataille et maints faits d'armes, estoient tous esbahis comment corps humain pouoit endurer tel estour. (Percef. III, R., t.1, c.1450 [c.1340], 374)

La simple musniere, oyant les parolles de monseigneur, devint tresebahie et courroucée, ebahie comment monseigneur povoit savoir ne veoir ce meschef advenir (C.n.n., c.1456-1467, 39)

Le bon homme, bien esbahy quelle chose ces sergens luy povoient vouloir, se partit incontinent (C.n.n., c.1456-1467, 510)

2.Emploi transitif. Esbahir qqn. Étonner qqn.

Ce que vous en alez en Poictou et Berry nous esbahit, car voz ennemis sont fors deça (Juv. Urs., Loquar, 1440, 354)

Et pareillement se rendit au service du roy, soubz la charge dudit grant maistre, Anthoine de la Howarderie, bon et vaillant homme d'armes, et amena avec luy dix hommes d'armes et XX archers, tous gentilz compaignons. La venue duquel esbaÿst fort ceulx de Valenciennes et du pays, lesquelz furent fort estonnez et marris de l'avoir perdu. (Le Clerc, Interp. Roye, c.1502, 378)

3.L'esbahi

a)Faire de l'esbahi. Feindre une grande surprise.

Quand vous serez en ce point atournée, vous ferez bien de l'esbahie et vous sauverez en ceste maison (C.n.n., c.1456-1467, 259)

b)[Jeu d'enfant] Jouer à l'esbahi

Aussi en cest avenement Jeuiens nous au roi qui ne ment, Aux barres et a l'agnelet (...), Et, dedens cambre, a l'esbahi Et aussi aux adeviniaus (Froiss., Espin. amour. F., c.1369, 55)

Au figuré. [Par allusion au jeu d'enfant ; l'idée semble être 'attendre en se morfondant'. Cf. DI STEF. s.v. ébahi : «croquer le marmot, être incapable d'agir ou de parler».]

Par troiz foys m'a mis la terre a exil, Par mal logier, par couchier sur la playne Par les canons et par le trait subtil, Par les Gantoys qui trop m'ont fait de payne, A Rosebech, a Bourbourch, puis m'amaine Devant le Dam jouer aux esbahys, Seoir un mois avant que nulz le prengne ; Il fait milleur sejourner a Paris. (Desch., Oeuvres Q., t.4, c.1370-1407, 284)

Las ! il me fault com saint Joseph troter [le narrateur n'a plus de cheval] , Et en trotant a pié faire mon compte, Besasse au coul sur un baston porter, Et adviser que nul ne me mescompte ; Je suis cellui qui a joie descompte, Si que s'aucuns n'a or pitié de mi, Desor me fault jouer a l'esbahi. (Desch., Oeuvres Q., t.5, c.1370-1407, 54)

Atant les six chevaliers s'arresterent, moult esbahis ; nul d'eulx ne sonnoit mot, et ne sçavoient dont ce venoit. Tandis qu'en tel maintieng ils actendoient la biere, le preu Lyonnel commença a dire : 'Qu'est ce a dire, seigneurs, que vous ne sonnez mot , Il samble que nous jouons comme a l'esbahy ; chascun responde a son tour.' (Percef. IV, R., c.1450 [c.1340], 185)

[L'idée semble être 'réduire qqn à l'inactivité'] Faire jouer qqn à l'esbahi

Or vuidiés hors, gent faulse et felonnesse [les vices et les défauts] . Je vous feray jouer aux esbahis, Et revendra honneur et gentilesce (Desch., Oeuvres Q., t.5, c.1370-1407, 251)

Plus n'ont nulles elections Les abbayes, les colleges ; La grant court a tout reservé. Par tout courent comme dervé Aux Priourez couventuaulx Et aux dignitez cathedraulx, Aux patronnaiges des pays, Et font jouer aux esbahis Pluseurs moines, prieurs et clers. (Desch., M.M., c.1385-1403, 164)

4.infinitif substantivé. Fait de rester muet sous l'effet d'une surprise.

Quant Nabon entendy le chevalier qui filloit, il congnut tantost que c'estoit Melean son compaignon, dont il fut tant esbahi qu'il ne sceut que dire. 'Par ma foy, Nabon, dist Melean, l'esbaïr n'y vault...' (Percef. IV, R., c.1450 [c.1340], 362)

B. -[La cause de l'étonnement est quelque chose qui inquiète, trouble, effraye, bouleverse...]

1.(S)'esbahir (de qqc.). Se troubler, s'effrayer, prendre peur (à cause de qqc.), s'inquiéter (à propos de qqc).

Quant Ecuba estoit enseinte De toy, dont elle ot dolour mainte, Un trop divers songe songa Et a Priant dit son songe a. Avis li estoit en dormant, Dont elle s'esbahit forment, Qu'uns brandons de li isteroit Qui Troie la grant arderoit Et dont toute la region Seroit mise a destruction. (Mach., F. am., c.1361, 213)

'Dieu merci, tousjours ay je assés eu et arai tant com je vivrai, ne onques de chavance ne m'esbahi ne esbahirai...' (Froiss., Chron. L., V, c.1375-1400, 67)

'Dame, ne vous esbahissiés en riens ; nous demorrons dalés vous, puisque obligiet et aconvenenchiet i sonmes, tant que nous averons les vies ou corps.' (Froiss., Chron. D., p.1400, 502)

Adont peuist on veoir gens fremir et esbahir, et celle bataille rengie desconfire a peu de fait (Froiss., Chron. D., p.1400, 690)

Pour ces nouvelles, s'esbahirent Si que pou deffence en eulx mirent, Comme se ja fussent tous fis D'estre vaincus et desconfis. (Chr. Piz., M.F., II, 1400-1403, 254)

Je parle trop, et me tais a grant paine ; Je m'esbays, et si suis couraigeux (CH. D'ORLÉANS, Ball. C., c.1415-1457, 156)

Touteffoys, il y en eut ung qui le blessa ou bras senestre et lui fist si grant plaie que le sang lui descouroit tout au long de son brasselet jusques à terre. Il le veoit bien, mais de rien ne s'en esbahissoit, mais ainçoys lui en croissoit sa force. (Cleriadus Z., c.1440-1444, 620)

Proverbe. Homme qui s'esbahit est à moitié mort

'...Aiés bon cueur en vous, pour Dieu, je vous enprie, Car hons qui s'esbahist, il est mort a moitie !' (Cuvelier, Chans. Guescl. F., c.1380-1385, 387)

2.Esbahir qqn

[D'une pers.] Effrayer qqn, semer le trouble chez qqn.

Phisiciens qui conseille la vie Doit cautement en son malade ouvrer Sanz l'esbahir ; mais se la maladie Est jusqu'a mort, ne lui doit pas celer, Afin qu'il puist de son ame ordener (Desch., Oeuvres Q., t.2, c.1370-1407, 47)

Seul de leurs regars m'esbahissent, Il me mourdrissent et trayssent. (Froiss., Joli buiss. F., 1373, 146-147)

Ces Franchois bouterent le feu en la ville, pour plus encoires esbahir les gens, en pluseurs lieux (Froiss., Chron. M., XIV, c.1375-1400, 195)

Et fissent ceste ordenance, pour les Englois esbahir, mais les Englois n'en fissent compte (Froiss., Chron. D., p.1400, 728)

[D'une chose]

Telz parolez et telz manacez esbahissoient bien les cardinaux, car il avoient plus chier à morir confès que martir. (Froiss., Chron. R., IX, c.1375-1400, 53)

Trop m'esbahist et donne painne Des aucuns l'oppinion vainne, Disans qu'en enfer vont lez ames Et sont tourmenteez de flamez (Le Fèvre, Respit Mort H., 1376-1380, 8)

...crainte m'esbahist et paour me desconforte tellement que je n'ay point le hardement d'aucunement declairier et descouvrir mon accident (Percef. III, R., t.1, c.1450 [c.1340], 112)

Emploi absolu. Abattre, démoraliser.

...et par ce que tristece esbahist, l'en pert son jugement. (Oresme, E.A.C., c.1370, 227)

[D'un animal] Effrayer, paralyser.

Lors vindrent chevaliers et escuiers, mais il n'y ot si hardy qui osast mettre pié a terre pour l'enferrer [le sanglier] . Lors vint le conte, qui s'escrie a haulte voix : Comment ! Cilz filz de truye nous esbahira il tous ? Quant Remondin ouy son oncle, si ot grant vergoingne, et sault du courcier a terre, l'espie ou poing, et s'en vint vistement devers le porc, et le fiert en l'escu, de grant ayr. (Arras, c.1392-1393, 18)

3.Participe passé en emploi adjectival.

a)Esbahi

Troublé, confus, gêné, déconcerté.

Mais quant je vins ou estre desiroie, Je ne fui mie Mus, n'esbahis ; einsois a chiere lie Ay salué toute la compaingnie, Si com faire le sos de ma partie. (Mach., J. R. Beh., c.1340, 103)

Doulz amis, es tu la ? As tu esté bien laidengiés Et de joie bien estrangiés Pour la plus belle du paÿs, Et pour ce qu'iés trop esbahis Toutes les fois que tu la vois (Mach., Voir, 1364, 222)

Quant Gadiffer eut oÿ la raison du marinier, il commença a penser quelle chose il pourroit faire. Sy se trouva moult esbahi comme celui qui ne sçavoit quel parti prendre pour le meillieur (Percef. III, R., t.2, c.1450 [c.1340], 82)

Effrayé, inquiet.

Tu faiz chiére moult esbahie. Biau filz, qu'as tu ? (Mir. Theod., 1357, 124)

Grant temps après vint Oliviers, armez moult noblement, montez sur un moult riche destrier, et bien sembloit homme de grant affaire, et si estoit il. Et venoit Jossellin, son pere, devant lui, sur un palefroy griz. Et firent la reverence au roy. Et moult sembloit Jossellins esbahiz ; de quoy pluseurs tenoient qu'il avoit mauvaise cause. (Arras, c.1392-1393, 61)

Si croy que moult sont esbahi Ceulx qui ainsi sont envaÿ (Chr. Piz., M.F., I, 1400-1403, 89)

En regardant ceste horrible vision se je fu esbahy, ne fut pas de merveille car je veoye et lisoye ou livre de ma memoire les maulz que Mauvaise Voulenté par l'ayde de son capitaine Orgueil, le fol outraigeux, avoit fait ou temps jadiz et faisoit ung chascun jour. (Gers., Noël, p.1404, 303)

Chagriné, bouleversé.

Cent mille fois esbahie, Plus dolente et courecie Sui que nulle vraiement Quant de celli proprement Je sui de tous poins guerpie Qui sa damë et s'amie Me clamoit si doucement. (Mach., Voir, 1364, 732)

Une heure sui lie Et l'autre heure plour Com femme esbahie, Pleinne de tristour, De merencolie, De dueil et de plour, Quant je ne voy mie L'estoc et la flour De grace flourie Et pleinne de toute honnour. (Mach., Les lays, 1377, 445)

Violemment surpris, saisi de panique.

...tous estoient si esbahis qu'ilz fuyoient, les ungs chà et l'autre là, les povres gens au moustier, et les aulcuns vuidoient la ville par une aultre porte et guerpissoient tout. (Froiss., Chron. M., XIV, c.1375-1400, 195)

Et trouverent ces Flamens, les auquns sus la rue, les aultres tous desarmés, et les pluisseurs qui buvoient et mengoient. Qant chil chevalier et esquier furent la venu, et casquns escria son cri, chil Flamenc furent si esbahi que onques il ne tinrent conroi ne ordenance, mais tournerent tous les dos, et se sauverent qui sauver se peurent (Froiss., Chron. D., p.1400, 446)

Abattu, défait.

...li dit escuier estoit mort en la bataile de Crecy, et la dicte Ysabeau estoit demourée veve et esbahie, et n'avoit de quoy paiier au dit lombart les arrerages des dictes rentes (Doc. Poitou G., t.3, 1351, 65)

Car l'ome n'est vaincu jusques a tant qu'il est esbay, et celuy est pouvre qui le cuide estre, et de toutes adversités est vitorieux celuy qui en Dieu ha fiance. (La Cépède, Paris Vienne K., 1432, 255)

Ceste pouvre fille, autant prinse et esbahie que si a la mort fust adjugée, ne se vouloit accorder nullement (...) que son mal fust apperceu (C.n.n., c.1456-1467, 33)

Lesquelz je delaisse pour le present pour venir au très vaillant et courageux Jouvencel, qui, durant sa captivité, n'avoit pas esté esbahy ne deffaillant de couraige ; mais avoit grant esperance d'aucunement soy vengier et avoit pourquis et pourchassé incessamment comme il pourroit dommaiger ses ennemis. (Bueil, I, 1461-1466, 76)

b)Esbahi de (qqn/qqc.)

Inquiet pour qqn, qui se fait du souci pour qqn.

Quant li contes de Flandres et les gens d'armes (...) veïrent le povre arroi de ceulx de Bruges et comment d'eulx meïsmes il estoient desconfi (...) si furent esbahis et eshidé de eulx meïsmes, et se commencèrent ossi à desrouter et à saulver. (Froiss., Chron. R., X, c.1375-1400, 227)

...car celle nuit tout chil de Hainbon velloient et estoient trop esbahi et desconforté de lor dame la contesse. Qant il entendirent que elle estoit si priés de euls, si furent resjoi grandement (Froiss., Chron. D., p.1400, 519)

Inquiet, effrayé à cause de qqc..

Et s'est si grans mortalités En bours, en villes, en cités Et tout par tout le plat pays Que chascuns en est esbahis (Mach., Voir, 1364, 486)

De ceste pestilence fu le pueple moult esbahy par Paris et ailleurs où pareille pestilence fu. (Baye, I, 1400-1410, 214)

Esbahi de + inf. Qui a peur de, qui hésite à.

Si a tant cerchié et tant quis, Qu'il trouva le gentil marquis, Qui sires estoit dou païs. Mais il ne fu pas esbahis De li requerir humblement Confort et aïde ensement, En li disant tout son affaire Et tout ce qu'il avoit à faire. (Mach., P. Alex., p.1369, 28)

Qant mesires Robers d'Artois se vei assegiés dedens Vennes, si ne fu pas trop esbahis de soi tenir vassaument et de desfendre la chité. (Froiss., Chron. D., p.1400, 575)

DIOCLESIEN. ...Et menés en vostre consorte Orient qui scet le pais. ORIENT. Je ne suis gaires esbahis De cheminer jusques a la : Oncques dromedaire n'ala Plus fort de moy (Molinet, Myst. st Quentin C., c.1482, 66)

c)Participe passé en emploi substantival.

Celui qui a peur, qui panique.

...de tels parolles reconforta Piètres dou Bos à son retour les esbahis de Gand (Froiss., Chron. R., XI, c.1375-1400, 67)

Se les convenoit requler avoecques les esbahis et les fuians (Froiss., Chron. D., p.1400, 869)

[De l'inanimé] Attitude de celui qui est incapabe d'agir.

'Messeigneurs et mes amys, il fault lessier tout l'esbahy. Une fois avons voué et, comme proeudommes, devons amer le bien de la chose publicque...' (La Sale, Sale D., 1451, 142)

4.infinitif substantivé.

Trouble intense, terreur.

Si tost que le faulx Bruiant eut entendu celle responce [qu'il mourrait dans les deux ans] , il n'y eut en lui que esbahir : et tant en fut espoanté qu'en lui seant a terre il fut la longue espace comme demy mort. (Percef. IV, R., c.1450 [c.1340], 130)

Rien n'y vaut l'esbahir. Il ne sert à rien (dans une situation donnée) de rester abattu, donc inactif.

Respont Corsuble : 'Cil Danois est I dyable. Il nous chasserat tous dela mere ou nous occirat.' Et dist Carahus : 'N'y vault riens ly hesbahir. Prendons ung messaige et sy l'envoyons a Charles...' (JEAN D'OUTREM., Myr. histors G., a.1400, 46)

Si n'y vault maille l'esbahir, Car au cas on ne peult fuir, Il ne fault si non que l'en pense De l'acomplir en diligence (Myst. Incarn. Nat. L., t.2, c.1454-1474, 45)

C. -[La cause de l'étonnement est quelque chose qui suscite l'admiration]

1.S'esbahir de qqc. Être frappé d'admiration, s'émerveiller devant qqc..

...Et cil qui voler le vëoient A parfait oisel le jugoient. Il prenoit a point ses volées Et faisoit si hautes montées Que chascuns s'en esbaïssoit, Mais a moy moult abelissoit (Mach., D. Aler., a.1349, 333)

Et quant il ot laissié le lire, Il prist moult bonnement a rire Et se seigna a grant merveille Et dist : 'Mes cuers trop se merveille Et esbahist de ceste chose, Car je la tenoie si close Que penser ne puis ne savoir Que homs mortels la puist avoir...' (Mach., F. am., c.1361, 197)

Et furent a la feste toutes les plus nobles dames du pays, qui moult prisoient la contenance de Remondin, et bien disoient qu'il estoit bien dignes de tenir un grant pays. Et moult s'esbahissoient de la grant richesse qu'ilz veoient de Remondin de jour en jour. (Arras, c.1392-1393, 67)

2.Esbahir qqn. Émerveiller, éblouir.

Or avint que li sors cheï Seur Theseüs, qui esbahi Pluseurs ; car il fu fils le roy, Preuz, vaillans, et de bel arroy. (Mach., J. R. Nav., 1349, 230)

...Et sur l'autre chanson baladee, je en ai fait une autre. Et s'il vous semble que elles se puissent chanter ensemble, si les y faites. Je n'en ai encores fait que une couple, car les vostres sont si bonnes que elles m' esbahissent toute, si vous pri que vous y veuilliez amender ce qui y sera a amender. (Mach., Voir, 1364, V)

3.Esbahi. Émerveillé.

...Anthenor et Thelamon furent serviz si noblement a ce jour du soupper qu'ilz en estoient tous esbahiz. (Percef. II, R., t.1, c.1450 [c.1340], 204)

...chascun estoit moult esbahi des richesses et des joyaulx qui estoient entour elles [les dames qui assistent à un tournoi] (Percef. III, R., t.2, c.1450 [c.1340], 50)

Mais pour ce qu'elle le veoit [le jeune homme] de plus pres qu'elle n'avoit acoustumé, elle en devint plus vermeille q'une rose et moult esbahie. (Percef. IV, R., c.1450 [c.1340], 126)

D. -Par analogie. [Domaine physiol.]

1.Esbahir. Être ébloui.

Et en celle maniere peut on aler es marés et es sourcins pour prendre les bequaches et les oisiaus de riviere, et pour ce faire doit tous les jours aler un homme derrere, qui sache bien le païs ou il tournieront, affin que il les puisse adrechier, que il ne s'esgarent, quer la clarté du feu fait souvent esbahir et esgarer les compaignons, et especiaument par nuit (Henri Ferr., Modus et Ratio, Livre deduis T., c.1354-1377, 306)

2.Esbahi

a)[D'une pers.]

Étourdi par un coup.

LE PASTEUR. Frappe bien reddement [sur Robin] , Jacob. Robin est desja esbahy. ROBIN. A, Marote, je suis trahy. Aïde moy fort, je t'em prie. (Pac. Job M., c.1448-1478, 218)

Hébété, comme frappé de stupeur.

Quant l'en parle, couleur li mue, Ne respont mot, ains devient mue Et esbahie. (Mir. Berthe, c.1373, 249)

Sy tost que Estonné se vey en ce point, il se seit a terre, tant esbahi qu'il ne sçavoit qu'il lui estoit advenu. (Percef. III, R., t.2, c.1450 [c.1340], 39)

...le pouvre mary se trouva si honteux et tant esbahy qu'il ne savoit sa maniere, si non de soy taire. [Une jeune femme accouche le soir de ses noces] (C.n.n., c.1456-1467, 198)

[D'une femme en couches] Esbahie du mal d'enfant. Saisie par les douleurs de l'accouchement.

UNE DAMOISELLE DE LA MARQUISE. (...) Car elle [Griseldis] traveille (...). En sa chambre est toute esbahye Du mal d'enfant qui si l'argue. LA PREMIERE DAME. De nous sera tost secourue. Alon y, dame, je vous prye ! (Gris., 1395, 59)

[D'un amoureux] Transi (?).

Car li amant qui usent de priier Ne scevent se ja aront grasce ou non, Et toutes fois il les couvient songnier, Sans le painne ressongnier, Et leurs dames honnerer et cremir, Estre esbahi, simple, et souvent fremir. (Froiss., Ball. B., c.1362-1377, 26)

[D'un membre] Engourdi, paralysé.

...les membres sont tous esbahis et ne sentent neant (Saint-gille, Comment. A.Y. L., 1362-1365, 271)

b)[D'un animal] Sans force, sans connaissance.

Mais quant ces parolles furent de rechief reddittes et bannies, la joye y fut si grant, le cry et la noyse, selon Valerius, qu'ilz emplirent le chiel en telle maniere que pluiseurs des oyseaulx qui vouloient par dessus eulx cheÿrrent esbahys a terre. (La Sale, Sale D., 1451, 213)