SIMPLEMENT

adverbe

[T-L : simplesimplement ; GDC : simplement ; DECT : simplement ; FEW (XI, 635a) : simplex ; TLF (XV, 516a) : simplement]

A. -Uniquement, seulement.

Donques il n'y a point de difference entre nous que nous ne soions touz fréres au mains de la partie de l'ame. Car elle n'est creée mais que de Dieu simplement. (Mir. st Val., c.1367, 122)

...tout donnoit et departoit aux povres gens, riens ne retenoit des biens de l'Eglise fors que pour simplement tenir son estat. Le plus du jour et de la nuit il estoit en oroisons. (Froiss., Chron. M., XIV, c.1375-1400, 183)

Et les .III. choses desus dites qui sont es corps sont finies et distinctees et divisibles, mais celles de Dieu sont plus que infinies ou simplement infinies et sont une chose tres simple sanz distinction et du tout indivisible, car son eternité est sanz succession et son immensité sanz extension et sa toute-puissance sanz intension. (Oresme, C.M., c.1377, 272)

...Dieu n'est pas ou ciel plus que en un autre lieu selon les .III. manieres desus mises, ne simplement quant est de soy. (Oresme, C.M., c.1377, 278)

Et sont celles [choses] simplement violentes desquelles la cause est es choses dehors et quant celui qui fait telle operacion ne y confere ou aide en rien. (Oresme, E.A., c.1370, 178)

B. -Sans plus, sans autre précision, tout bonnement, tout naturellement, sans autre considération, en tout état de cause.

Et ça en cest englet ma place Iray prendre tout simplement (Mir. parr., 1356, 54)

Et se fuissent volentiers rendu, salve leurs corps et leurs biens, mais li dus n'i voloit entendre, se il ne se rendoient simplement ; ce que il n'euissent jamais fait, car il savoient bien qu'il estoient tout mort d'avantage (Froiss., Chron. L., VI, c.1375-1400, 142)

Pour monstrer que ces raysons et semblables ne concluent pas que telle chose soit simplement impossible, je supouse premierement que tout corps est divisible en [ parties ] touzjours divisibles sanz fin (Oresme, C.M., c.1377, 168)

...car aucuns maulx sont lesquelz il convient craindre simplement et est bien de avoir en paour, et qui ne les craindroit ce seroit mal (Oresme, E.A., c.1370, 204)

LE ROY. Seigneurs, je ne vueil point c'on face De ma venue grant monneste (...). Alons nous en nostre hostel mettre Tout simplement. (Mir. fille roy, c.1379, 36)

Mais ceste yci [doctrine] enseigne estre bon homme, estre bon simplement. (Oresme, E.A., c.1370, 98)

Et aussi est ce simplement impossible que le dyametre du quarré soit conmensurable a son costé. Mais Aristote met ces choses par maniere d'exemple, et pour ce que aucuns disoient ainsi ou pourroient dire. (Oresme, C.M., c.1377, 208)

Mais aucunes choses sont simplement possibles et aucunes simplement impossibles, et aucunes simplement falses et aucunes simplement vraies. (Oresme, C.M., c.1377, 208)

...chil signeur d'Engleterre se delivrerent de lors prisonniers, je vous dirai conment. Les auquns, il missent a finance courtoise, et les aultres il recrurent simplement sus lors fois, et lor donnerent jours de retourner a Bourdiaus ou a Bregerach. (Froiss., Chron. D., p.1400, 620)

La Court a octroyé à Giraut Motet adjornement en cas d'excès et d'injures contre les reformateurs simplement, et en personne contre maistre Ligier Saboux (Baye, I, 1400-1410, 178)

Et le jeudi ensuivant [3 octobre] ne fut riens fait, sinon que tousjours on avitailloit lesdiz de l'ost. Et aussi, ce mesme jour, le roy à privée mesgnée ala jusques au joignant de Conflans parler à mondit seigneur de Charrolois, laquelle chose sembla à toutes personnes voulans son bien estre bien simplement fait à lui. Et de ce se farsoient et moquoient les Picars et autres de leur party, qui en disoient telz motz : 'Et rewoitiez vo roy qui parle à no seigneur de Charrolois, et a passé à deux heures qu'ilz y sont...' (Roye, Chron. scand., I, 1460-1483, 124)

LE JUIF. Sainct Nicolas, si en ta place Ou tu as demonstré ta gloire, Ton pouoir de grant efficace, Ouvrage hault et meritoire, Selon ma petite memoire Je te remercie humblement, Devotement Que simplement Et de rechef je te supply Qu'avec toy soye finablement, Car vrayement, Seurement De Dieu te tiens ung vray amy. (Mir. st Nic. juif, c.1480-1500, 156)

Simplement et purement

Donques se il avient que celui qui est simplement et purement prodige soit fait tel que il ne puisse estre enduit a bien, il convient que il passe oultre es vices dessus diz (Oresme, E.A., c.1370, 238)

Rien de plus, rien de moins, seulement.

Et les .III. choses desus dites qui sont es corps sont finies et distinctees et divisibles, mais celles de Dieu sont plus que infinies ou simplement infinies et sont une chose tres simple sanz distinction et du tout indivisible, car son eternité est sanz succession et son immensité sanz extension et sa toute-puissance sanz intension. (Oresme, C.M., c.1377, 272)

Et selon verité, nulle intelligence n'est simplement immobile et ne convient pas que chascune soit par tout le ciel que elle meut ne en chascune partie de tel ciel, posé que les cielz soient meuz par intelligences, car par aventure, quant Dieu les crea, Il mist en eulz qualitéz et vertus motivez aussi comme Il mist pesanteur es choses terrestes, et mist en eulz resistences contre ces vertus motivez. (Oresme, C.M., c.1377, 288)

Et ainsi sera aucune chose plus legiere que ce qui est simplement legier. (Oresme, C.M., c.1377, 666)

[Relevant du parallélisme Non simplement... mais/ne pas... mais simplement] Seulement.

Et pour ce, je conclu et di que ceste consequence ou condicionelle : se generacion est, pluseurs mouvemens celestielz sont, n'est pas simplement neccessaire, mais elle est vraie seulement en tant que se generacion est de telle maniere comme elle est ici-bas selon le cours de nature, il convient selon l'ordenance de nature que pluseurs mouvemens soient ou ciel. (Oresme, C.M., c.1377, 376)

...et ne sont mie simplement les susdiz deux premiers bons a tenir, mais vous sont tres neccessaires se le bien de voz ames amez et l'honneur de voz personnes. (Chr. Piz., Trois vertus W.H., c.1405, 123)

C. -[D'une manière d'agir, de se comporter, de s'exprimer...]

1.[Avec une valeur positive]

a)Sans recherche particulière, sans affectation, de manière simple, ordinaire, claire.

Et nul ne le fait voluntere ou volentiers, a parler simplement, mais il le fait pour le sauvement de lui et des autres qui sont en la naif. (Oresme, E.A., c.1370, 176)

Ilz pristrent une maniere de eulz vestir plus simplement et plus vilement que il n'appartenoit a leur estat, afin que eulz semblassent plus humbles et plus moderés. (Oresme, E.A.C., c.1370, 269)

Et nul ne le fait voluntere ou volentiers, a parler simplement, mais il le fait pour le sauvement de lui et des autres qui sont en la naif. (Oresme, E.A., c.1370, 176)

Très honnourez et doubtez signeurs, plaise vous moy pardonner se si simplement me suy enhardi vous rescripre. (Escouchy, Chron. B., t.3, Pièces justif., 1449, 370)

b)D'une manière honnête.

... [il] s'est depuis ce maintenu et gouverné le plus simplement qu'il a peu et sceu, tant à frequenter en plusieurs compaignies de sa congnoissance, comme à soy esbatre en sa povreté et gaigner sa vie audit mestier le mielx qu'il a peu et sceu (Reg. crim. Chât., II, 1389-1392, 521)

c)Modestement, humblement.

Mes trop simplement il labeure, Car pour cose qu'on vous en die [à vous, la dame] Ne qu'on monstre sa maladie [la maladie d'amour] (...) Par samblant vous n'en faites compte. (Froiss., Joli buiss. F., 1373, 188)

...yceulx maufaiteurs batirent, fraperent et navrerent pluseurs escoliers qui très doucement et devotement et simplement aloient en procession (Baye, I, 1400-1410, 101)

...la vivroit simplement et sobrement, si que on ne la veïst nulle foiz yvre ne gloute, male ne tencerresse, ne grant caqueterresse. (Chr. Piz., Trois vertus W.H., c.1405, 214)

Et la pucelle Blanche (...) se maintenoit tant discretement et simplement que oncques ne s'en desmeut (Percef. III, R., t.1, c.1450 [c.1340], 73)

Timidement.

...simplement et en couvert Se tiennent mi oel tout ouvert Et ont grant fain Que mon coer dice : 'J'ai souffert Tous griefs pour vous, dame. Or desert Mort ou merci...' (Froiss., Espin. amour. F., c.1369, 115)

d)Sans détour, sans déguisement.

...veue et considerée la confession, simplement, franchement et voluntairement faicte en la presence de VIIJ ou X des seigneurs dudit chapitre (Baye, II, 1411-1417, 250)

e)Naturellement, discrètement.

...il apperceut sur le bout de la cuve ung tresbeau dyamant (...). Si le crocqua si simplement qu'il ne fut de ame apperceu. (C.n.n., c.1456-1467, 43)

...quand il revint, ce fut si tressecretement que nouvelle nulle n'en fut en la ville, tant simplement et en tapinage s'i trouva. (C.n.n., c.1456-1467, 155)

2.[Avec une valeur négative] De manière irréfléchie et imprudente.

Sire chevalier, tenez vous pour sy ignorante ma chiere mere que elle eust envoyé les deux pucelles en ceste maison pour visiter Liriope tant simplement qu'elles eussent esté recongneues et convoities d'aucun chevalier errant ? (Percef. III, R., t.2, c.1450 [c.1340], 185)

L'asne, simple et innocent, regardant le visaige de cestui estre semblable a la sienne face, s'en alla simplement avecq lui. (Colart Mans., Dial. créat. R., 1482, 190)