RICHEMENT

adverbe

[T-L : richerichement ; GD : richement ; GDC : richement ; DECT : richement ; FEW (XVI, 713a) : rîki ; TLF (XIV, 1138b) : richement]

A. -De manière à rendre riche.

Mais einsois qu'il se departissent, Ne que de Nimesson ississent, Li roys les paia richement, Et leur donna moult largement Or, argent, vaisselle, joiaus, Dras de soie et chevaus nouviaus (Mach., P. Alex., p.1369, 111)

Et comment ! Monseigneur mon pere et ma dame ma mere n'avoient ilz pas assez pour Frommont, mon frere, faire riche et donner de bons pays et de bonnes forteresses, et de lui richement marier, sans le faire moyne. (Arras, c.1392-1393, 250)

Et d'autre part, monseigneur, nous avons assez, Dieu mercy, pour faire refaire l'abbaye meilleur qu'elle ne fut oncques, et renter mieulx et plus richement, et y mettre plus de moines qu'il n'y ot onques. (Arras, c.1392-1393, 255)

Mais pour moustrer A toutes gens bon exemple d'amer, Nous le voulons richement guerdonner, Et de noz biens a largesse donner (CH. D'ORLÉANS, Ret. am. C., 1414, 16)

B. -Fermement, puissamment.

La cinquisme fu appellée Foy, qui richement endestrée Estoit de Constance la ferme Qui si l'affermoit et afferme Que riens ne la branle n'esloche, Eins estoit com chastiaus sus roche, Fort et ferme et seürement, Sans variable mouvement (Mach., J. R. Nav., 1349, 178)

C'est fort chose à faire, Que ville de si grant affaire, Et fermée si richement, Soit prise si legierement, Mesmement de gent si petite, Comment qu'il soient tuit d'eslite (Mach., P. Alex., p.1369, 63)

Par dedens estoient gardiien et chapitainne doi chevalier de Poito... Chil se tinrent francement et richement , et disent qu'il ne se renderoient à homme dou monde (Froiss., Chron. L., III, c.1375-1400, 94)

Certes, mon oueil richement visa bel, Quant premiers vi ma dame bonne et belle, Pour ce que gent maintieng et vis a bel (Mach., L. dames, 1377, 210)

Abondamment, largement.

Car se riens plus en ce monde n'avoie Fors ce que j' aim ma dame simple et coie Contre son gré, Si ay j' assez, qu'Amours m'a honnouré Et richement mon mal guerredonné, Quant a ma dame einsi mon cuer donné Ay a tous jours. (Mach., J. R. Beh., c.1340, 135)

Et sachiez que nous sommes assez pres de la cité de Romme et y venrons hastivement, sy ne vous esmaiez de riens, car richement vous pourverray (Bérinus, I, c.1350-1370, 227)

Et se tu n'as de guerre point, Tu pues mettre dou tien a point, Bien acquis, et non autrement, Pour servir bien et richement Tes bons amis, s'il ont a faire (Mach., C. ami, 1357, 116)

Trois jours entiers y demourames Et richement de nous pensames. (Mach., F. am., c.1361, 243)

Li dus richement l'onnoura, Et .VIII. jours o li demoura. (Mach., P. Alex., p.1369, 30)

Li sires de Couci ne fu mies esbahis de remoustrer son afaire, car il estoit richement enlangagiés et avoit escusance veritable (Froiss., Chron. R., VIII, c.1375-1400, 222)

Et de Fortune amis et à mon gré, Com diseteus richement secourus Et familleus largement repeüs De tous les biens que dame et bonne Amours Pueent donner à amant par honnour Suis, et Amours m'est en tous cas aidans (Mach., Motés, 1377, 510)

L'EVESQUE. (...) Granz merciz de foiz plus de mille Conme a celui de ceste ville Quy m'a donné plus richement A diner et plus grandement. (Mir. march. juif, c.1377, 180)

Ilz s'assemblerent en la grant tente, et laverent et s'assistrent a table, et furent richement serviz. (Arras, c.1392-1393, 40)

En la chambre de ma pensee, Quant j'ay visité mes tresors, Maintesfoiz la treuve estoffee Richement de plaisans confors. (CH. D'ORLÉANS, Ball. C., c.1415-1457, 181)

Et quant saint Remis fut venus et qu'il eut communiqué avecques le roy en parolle de saulvement, il commença faire ordonner le lieu pour baptizer honorablement, puis a aprendre hystoyres selon aucuns pointz de nostre foy crestienne moult richement (Bagnyon, Hist. Charlem. K., c.1465-1470, 10)

L'empereur fist porter Roland le glorieux martir sur deux muletz, couvers de draps de soye, moult honnorablement jusques a Blaye sur mer en l'eglise de Saint Romain, la quelle il avoit desja ediffiee et fondee de chanoynes reguliers richement (Bagnyon, Hist. Charlem. K., c.1465-1470, 214)

C. -De manière luxueuse, somptueuse.

Et, sans atendre, fu menée Dedens une chambre aournée Si bien, si bel, si cointement Et de tout si trés richement, Qu'onques mais, dont j' eus grant merveille, N'avoie veü la pareille (Mach., J. R. Nav., 1349, 176)

La dousisme estoit Souffissance Qui de trés humble pacience Estoit richement aournée Et abondanment saoulée Et pleinne de tous biens terriens (Mach., J. R. Nav., 1349, 181)

...les fenestres si sont d'ivoire moult richement entaillees et semees noblement de fines topasces et d'autres pierres (Bérinus, I, c.1350-1370, 69)

....ilz vindrent a leur hostel ou ilz furent richement receüz (Bérinus, II, c.1350-1370, 76)

Povre es de corps, (...) Vestu d'ort et vil garnement, Qui soloies si richement Vivre et vestir si nobles draps. (Mir. Barl. Josaph., c.1363, 253)

Le temple de Dieu doit estre plus noble que le palais du roy, et le lieu ou sont les saintes reliques plus richement fait que la tumbe du roy. (Oresme, E.A.C., c.1370, 246)

Et admenoit ung moult bel pallefroy en destre si richement enharnachié que ly rois Elinas fu tous esbahiz de la richesse, et dist a lui mesmes qu'il n'avoit oncques mais veu si riche. (Arras, c.1392-1393, 7)

Et au pervenir jusqu'a la dame yssy grant compaignie de dames et damoiselles qui furent moult richement abituees. (Arras, c.1392-1393, 30)

Et estoit l'espousee tant belle et si tres noblement paree que chascuns disoit que oncques si belle n'avoient veue, ne si richement atournee, et s'esmerveilloient tuit de sa grant beauté et de la grant richesse de son habit. (Arras, c.1392-1393, 39)

...la chappelle (...) estoit tant noblement aournee que nulz ne sauroit esprisier la richesse tant des paremens qui y estoient le plus estrangement ouvrez et si richement, d'or, de brouderie, de perles, que on n'avoit oncques mais veu les paraulx, comme de ymages, de croix, d'encensiers d'or et d'argent, de livres, tant nobles que on pourroit souhaidier. (Arras, c.1392-1393, 39)

...un hourdeiz richement paré de drap d'or (Arras, c.1392-1393, 40)

Et environ heure de prime, vint Remondin, a noble compaignie, armez moult richement, l'escu au col, lance sur fautre, la cote d'armes vestue, burlee d'argent et d'asur, et entra dedens les lisces (Arras, c.1392-1393, 61)

Et lors le roy commande a encourtiner toute la grant rue, de la porte par ou les freres devoient entrer jusques au palays, et fait appareillier le plus richement qu'il puet contre leur venue. (Arras, c.1392-1393, 115)

LE MARQUIS [à ses barons] . Si en [de mon mariage] faites l'appareil faire. Je vous commant que cest affaire Soit ordonné tres richement. (Gris., 1395, 19)

...Tost [Griseldis] soit paree Et de riches habis vestue, Si soit des povres desvestue, Et tres richement atournee. (Gris., 1395, 39)

Si soit bonne ordonnance faitte Et eulz [les enfants] vestuz tresrichement, Que je vueil que notablement Soient atournez les enfans (Gris., 1395, 78)

Et fu ensi amenés de l'eglise dedens le palais, liquels estoit aournés si ricement conme on pooit. (Froiss., Chron. D., p.1400, 104)

La pooit on veoir dames noblement parees et richement acemees (Froiss., Chron. D., p.1400, 116)

Si fu ouvers et enbaupsumés, et son coer pris et enbaupsumés, et couchiés en .I. petit vasselet d'or si ricement ouvré que on ne pooit mieuls (Froiss., Chron. D., p.1400, 166)

Et la ot li dis evesques un sien neveut, jone chevalier tourniant, ricement armé et monté. (Froiss., Chron. D., p.1400, 628)

La richement m'ont atournee, Comme affiert a une pucelle (Chr. Piz., M.F., I, 1400-1403, 36)

En la sale (...) Avoit tout au commencement Figuré et paint richement Comment Dieu forma ciel et terre (Chr. Piz., M.F., II, 1400-1403, 134)

Et me furent baillez le messel et la vraye croix richement envaisselée pour faire jurer au scrutine celx qui esliroient sur lesdiz Evangile et vraye croix (Baye, II, 1411-1417, 129)

Aprés les heraulz venoient les heraulz françois. Aprés les heraulz françois venoient les deux roiz d'armes d'Arragon et d'Anjou, trestous portans les coctes d'armes vestues de leurs seigneurs, et ceulz de France celle de Saintré, moult richement brodees. (La Sale, J.S., 1456, 110)

...le lit a l'espousée fut paré et ordonné tant richement que merveilles (C.n.n., c.1456-1467, 334)

...[elle] bailla ce qu'elle avoit d'argent, ses verges, ses tixus, aucunes bourses estoffées bien richement (C.n.n., c.1456-1467, 419)

Et, en venant par le roy vers ladicte porte Saint-Denis, il trouva près de l'eglise de Saint-Ladre ung herault monté à cheval, revestu des armes de ladicte ville, qui estoit nommé Loyal Cuer, qui de par ladicte ville luy presenta cinq dames richement aournées, lesquelles estoient montées sur cinq chevaulx de pris, et estoit chascun cheval couvert et habillé de riches couvertures, toutes aux armes d'icelle ville (Roye, Chron. scand., I, 1460-1483, 25)

Et y ot faiz quatre moult beaulx baings et richement aornez, cuidant que la royne se y deust baigner, dont elle ne fist riens pour ce qu'elle se senty ung peu mal disposée et aussi que le temps estoit dangereux. (Roye, Chron. scand., I, 1460-1483, 179)

...a chescune fois ledit Guillame vint houssé de nouveaux paremens, tousjours montant de degré en degré en soy monstrant plus et plus richement (Chastell., Chron. IV, D., c.1461-1472, 130)

Il y avoit quinze cens hommes d'armes bien montéz, et la pluspart bardéz et richement accoustréz à la guyse de deça, qui avoient beaucoup de chevaulx de suytte. (Comm., II, 1489-1491, 28)

Depuis le temps de la creacion Du monde entier, la sont figures faictes, Semblablement de l'Incarnacion Sont les hystoires, et de la Passion De long en long moult richement pourtraictes (La Vigne, V.N., p.1495, 206)