REPOSER

verbe

[T-L : reposer ; GDC : reposer ; DECT : reposer ; FEW (X, 263a) : repausare ; TLF (XIV, 886b) : reposer1]

A. -[Idée d'immobilité, de stabilité]

1.[D'une chose] (Se) reposer. Être immobile.

D'Ysion la roe repose, Qui est si dolereuse chose, Qu'entour sont roes tous ardans Et li las est dessous adans. Et a Sisiphus point ne grieve La grant roche pesant et grieve. (Mach., C. ami, 1357, 89)

Et dist yci Aristote que aussi il [le mouvement du ciel] reçoit le repos des autres mouvemens que il conserve, et garde les corps qui se reposent. (Oresme, C.M., c.1377, 276)

Car se l'element du feu est, il convient que generacion soit et se terre est, il convient que le feu et les autres elemens soient et il convient que la terre soit pour ce que se aucune chose est meue tousjours perpetuelment, il est necessité que aucune chose soit qui repose touzjours et qui ne se moeve. (Oresme, C.M., c.1377, 362)

2.Reposant. Immobile.

Et se aucun obiçoit de ce que se une pesante mule [l. mole, pour meule] descendoit et trouvast en sa voie une feive ou une petite pierre reposante souz soy, ceste meule commenceroit a mouver ceste pierrete par certain et grant degré de isnelleté et non pas a non gradu ; je respon et di que, par aventure, seroit elle meue plus tardivement que la meule vers le commencement et commenceroit a non gradu, avant que la mole la touchast. (Oresme, C.M., c.1377, 414)

Item, de toute eaue ou de semblable liquer reposante, la superfice de desus est porcion de figure sperique dont le centre est le centre du monde, si comme il appert ou Traitié de l'Espere et en pluseurs lieus. (Oresme, C.M., c.1377, 572)

[D'un navire] Immobile, immobilisé.

Compaignons, tost et de legier, Montez su mer attivement Ou premier vaisseau reposant Que trouverez ; Deligemment après irés, Et la prenez sur la riviere ; Gardés qu'ilz retornent arriere. (Myst. st Adr. P., c.1450-1485, 177)

Immobilisant.

...humeurs melancoliques qui sont pesans, grefves, reposans (Saint-gille, Comment. A.Y. L., 1362-1365, 330)

3.(Se) reposer qq. part

a)Reposer qq. part. Être placé qq. part, se trouver qq. part.

...et mettront reposer ledit corps à chascun carrefour sur deux tresteaux, et en ycellui reposant, presenteront à boire à ceulx qui là seront presens (Ordonn. rois Fr. S., t.5, 1415, 279)

Benoist es, Simon Bariona : La char et sang qu'en toy repose Ne t'a pas revelé tel chose, Mais de Dieu seul l'as peu conquerre. (Gréban, Pass. J., c.1450, 176)

...tost se vira vers son mary, et, en lieu d'aureillier, sa teste mist sur sa poictrine, et ou giron du chareton son gros derriere reposoit. (C.n.n., c.1456-1467, 66)

...la croix entre ses braz bien serreement reposant, [elle] rendit l'ame a Dieu (C.n.n., c.1456-1467, 460)

Et par ainsy estoit demourée ladicte Saincte Ampolle oudit lieu de Sainct-Remy neuf cens quatre vingts et trois ans, qu'elle en fut tirée et mise hors de son lieu et apportée à Paris par Claude de Montfaucon, gouverneur d'Auvergne, à ce commis de par le roy ; et arriva à Paris le derrenier jour de juillet, et fut apportée en grande reverence et processions reposer en la Saincte-Chapelle du Palaix royal à Paris, où elle y demoura jusques à lendemain au soir premier jour d'aoust, qu'elle fut emportée dudit lieu de Paris au roy en son hostel des Montilz lés Tours, avec les verges de Moyse et Aaron et la croix de la Victoire (Roye, Chron. scand., II, 1460-1483, 134)

DIEU. (...) Mais tu n'as pas encor souffert Tout ce qu'il te fauldra souffrir, Avant que me puisses offrir Ceste ame qui en toy repose. (Myst. st Laur. S.W., 1499, 233)

En particulier. DROIT COUTUMIER [D'une chose] Être placé qq. part sans être utilisé.

...et quant leurs dictes coustumes ['le bois'] aront reposé une nuit ou plus à leurs maisons ou dehors ladicte forest, ilz la pevent vendre et livrer l'un à l'autre, et mener par toute ladicte coustume à charete ou à chevaulx ; et en pevent eulx hesbergier ou clorre et faire tous leurs usages et prouffis qui leur plaira. (Hector De Chartres, Cout. R., 1398-1408, 330-331)

[D'une pers., de son corps] Être enseveli qq. part.

[Var.] ...l'evesque Reginars qui fondat aussy l'abye de Sainct Lorent deleis Liege en laquelle il repoise emmy le choure. (JEAN D'OUTREM., Myr. histors G., a.1400, 65)

...il repose en riche tombe, en l'eglise des Chartreux (Chr. Piz., Faits meurs Ch. V, S., I, 1404, 152)

...et en faisant sa sepulture en terre fut trouvé un petit escrinet ouquel avoit un brevet qui disoit : Cy reposera le corps du plus vaillant chevalier de France, et plus, que pour lors sera. (La Sale, J.S., 1456, 308)

Et, le jeudi VIe jour d'aoust oudit an IIIIcLXI, le corps dudit defunct arriva et fut amené reposer en l'eglise de Nostre-Dame des Champs hors Paris, où il fut amené dudit lieu de Meun. (Roye, Chron. scand., I, 1460-1483, 20)

Il s'en alla voir la dicte abbaye La ou le corps saint Benoist dessus dit Gist et repose, ainsi comme j'ai dit, La ou se fait mainte bonne priere Et maincts miracles de chose singuliere. (La Vigne, V.N., p.1495, 246)

b)Reposer en / sur

Reposer en qqc. Se fixer sur qqc..

Et pour ce, les mauvais ont leur affeccions variables, et leur volenté ne se arreste pas ou repose en une chose. (Oresme, E.A.C., c.1370, 431)

Reposer en qqn / en son coeur. Être présent en qqn.

...li sains esperiz repose En son cuer souvent et repaire. (Mir. st Alexis, 1382, 338)

Reposer sur qqn. Être présent en qqn.

Comme dist Ysaie : 'Sur lui reposera l'esprit de Dieu' (Somme abr., c.1477-1481, 146)

Au figuré. Se reposer de / sur qqn. S'appuyer sur qqn.

De tout et en tout le duc s'en attendoit à luy et sur luy comme principal reposoit, et n'y avoit (,) ne office, ne bénéfice (...) qui tout par luy ne se fesist et conduisist et à luy ne respondist comme le regardeur sur tout (Chastell., Chron. K., t.3, c.1456-1471, 330)

Se reposer dessus. Y compter, en être sûr.

Ne croyez point de léger, car les rapports sont aucune fois périlleux et fort dangereux à y mettre créance. Beaux sire, beaux oncle, pensez-y bien, je vous en prie, et vous reposez dessus. (Chastell., Chron. K., t.4, c.1456-1471, 167)

Se reposer de qqn

Nos dieux, dont chascun se repouse Pour leur saincte magnificence, Vous estes tous plains d'excellence ! Il n'est nulz dieux tant excellans Comme vous estes ne si grans (Myst. st Vincent L., c.1471-1476, 196)

c)Se reposer qq. part. Se placer, s'arrêter qq. part.

...et requievit archa in monte Pharan (...). (...) et l'arche se reposa ou mont de Pharan. (Mir. emp. Julien, 1351, 186)

...en moy te sies et te reposes [le champ s'adresse au rosemarin] (Colart Mans., Dial. créat. R., 1482, 126)

[D'une pers.] S'installer qq. part.

Installé.

Et quant le roy et la royne furent tous en leurs hours reposez, lors par l'ordonnance du roy les roys d'armes et heraulz porterent aux deux parties le commandement de faire leurs devoirs. (La Sale, J.S., 1456, 110)

B. -[Idée d'inactivité ou de calme]

1.Emploi intransitif ou pronominal. [D'une pers.] (Se) reposer

a)Cesser une activité, s'arrêter.

Nepourquant atant te repose ! Je te commant que tu t'en fuies (Tomb. Chartr. Souvain S., c.1337-1339, 34)

Les pluiseurs reprouvables, quy s'en abstiennent [du saint sacrement] par une maulvaise accoustumance, resamblent ceulz quy ont poix et poix, mesure et mesure, quy sont, comme dist l'Escripture, abhominations devant Dieu : car, quant ilz reçoivent le sacrement, ilz reputent et se reposent comme d'avoir fait bonne euvre (Traité S. Sacr. B., c.1450-1500, 166)

Se reposer de qqc. Mettre fin à qqc..

Vous orrés les dis exposer, Qui sont moult graves et pesans ; Pour ce a tant m'en vueil reposer Sans en parler plus a present (Moralité st Antoine B.B., 1427, 33)

Ne pas reposer de + inf. Ne pas cesser de.

...saiche que je n'ay reposé nuyt ne jour, mangant, boivant ne dormant, de penser a la belle Beatris. (JEAN D'OUTREM., Myr. histors G., a.1400, 8)

Tarder, tergiverser.

Nous serions bien maudits et dampnés si nous ne luy donnions et portions l'honneur et l'amour que luy devons. Et nous est faute et reproche de tant y tarder et reposer dessus ['à ce propos'] (Chastell., Chron. K., t.5, c.1456-1471, 286)

Reposer de + inf. Tergiverser à.

...si ose Est qu'elle cuide qu'il repose D'y aler (Chr. Piz., M.F., III, 1400-1403, 98)

Estre reposant. Tarder.

...que, de tous lengages Et nacïons, princes poissans Viegnent, ne soyent reposans, Et a son couronnement [d'Alexandre] soyent (Chr. Piz., M.F., IV, 1400-1403, 61)

Emploi impersonnel. [D'une chose] Tarder.

Gueres aprés ne reposa Que une grant desconfiture Hot [Darius] trop diverse, amere et dure. (Chr. Piz., M.F., IV, 1400-1403, 46)

RHÉTORIQUE Marquer un arrêt à la césure.

...tousjours la quarte sillabe ou piét doit estre de mot complet, et doit on illec reposer en la pronunçant. (Molinet, Art rhétor. L., c.1482-1492, 237)

b)Cesser de travailler, d'agir, d'être en mouvement, rester inactif, pour faire disparaître la fatigue, pour reprendre des forces.

Dont quant il se vuet disposer Vers le vespre, pour reposer, S'il puet aucun oisel choisir Et il le puet prendre et saisir, Il a tantost en son propos De li porter a son repos. (Mach., D. Aler., a.1349, 284)

Et je qui la me reposoie Par dedens mon cuer proposoie Que, qui einsi seroit toudis, Que c'estoit uns drois paradis, Et que jamais jour ne porroie Avoir en monde plus grant joie (Mach., D. Aler., a.1349, 393)

Car tel y a, qui se repose, Et qui ne vuet aler ou n'ose À l'assault, qui s'avanceroit, Et qui bons et hardis seroit. (Mach., P. Alex., p.1369, 87)

Donques aussi comme nous veons en force et en santé de corps que la superhabundance et excés de labourer corporelment et de soy trop excercer, travaillier et grever et, d'autre partie, deffaute de labourer, de soy excercer et trop soy reposer corrumpent ou apeticent la force du corps (Oresme, E.A., c.1370, 150)

Encore sont a ce autres causes : une est soy acoustumer a trop reposer et a parece (Oresme, E.A.C., c.1370, 198)

Bien eust mestier de reposer, Mais il ne se scet ou poser. (Chr. Piz., M.F., II, 1400-1403, 297)

Saintré pria moult les seigneurs, ses conseilliers et autres, celle nuyt de soupper avec lui, mais, pour priere nulle, aucun n'y voult demeurer, ains le laisserent tous celle nuit reposer (La Sale, J.S., 1456, 121)

Mes seigneurs, certes tresfort crains Que la croix ne puisse porter, Et pour tant nous fault appointer Qu'il se repose ung petit. (Pass. Auv., 1477, 192)

Sus, faictes le reposer ! Alés ce gualant appeller, Qu'il vieignhe porter ceste croix. (Pass. Auv., 1477, 192)

Or les laissés la repposer ; Et si peuvent, ilz dormiront. (Pass. Auv., 1477, 208)

...les choses non naturellez comme sont l'aer, boire, manger, dormir, veiller, traveiller, reposser, inanition et replection et les accidens de l'ame car icelles sont causes de toutes maladies et de santé. (Panis, Guidon, 1478, chap. sing.)

Avecques ses gens tant malades que sains, Six jours entiers leans se reposa, Ne de marcher oultre ne disposa Pour reverence du jour de la Toussaincts. (La Vigne, V.N., p.1495, 196)

[D'un animal]

Et ces parolles dist il qui parle audit Breton, pour ce qu'il veoit bien et savoit que le cheval dudit Breton estoit traveillié, afin qu'il se reposast et le fist appareillier, en lui demandant se il le attendroit illec (Reg. crim. Chât., I, 1389-1392, 533)

[De la Fortune personnifiée]

L'estature que ci propose Estre ne me samble autre chose Que Fortune qui ne repose Heure ne jour. (Mach., R. Fort., c.1341, 37)

Sans reposer. Sans prendre de repos, sans répit.

PERE. Ad ce je me veulx disposer Maintenant, puisqu'il plaist a Dieu. Trois sepmaynes, sans reposer, Ma fille les fievres a heu Et au lit depuis lors a geu, Maigre, deffaicte, macte et fade, Sans jamais partir dudict lieu Tant estoit de son corps malade. (La Vigne, S.M., 1496, 469)

c)En particulier. Se coucher pour dormir et pour faire disparaître la fatigue.

Et vous, alez hui mais jesir Et reposer (Mir. st J. Cris., c.1344, 285)

La m'assis et clinay mon chief Pour moy reposer un petit, Et j'en avoie l'apetit Qui m'estoit venus de veillier, Si pris tantost a sommillier. (Mach., D. Aler., a.1349, 257)

En une ville reposer Ne puis qu'une nuit seulement (Mir. mère pape, c.1355, 394)

Contre mocion de corps, quant aucun se commence a douloir, s'il se repose tantost, c'est le remede. (Saint-gille, A.Y., 1362-1365, 64)

Quant aucun a pris ellebore, faire exerciter et mouvoir et ne laissier dormir ne reposer (Saint-gille, A.Y., 1362-1365, 73)

Quant il y vint, il s'arresta, Lui et sa gent bien apresta, Et longuement se reposa, Car grant mestier de repos a. (Mach., P. Alex., p.1369, 52)

À tant la parole laissierent, Si dormirent et reposerent. Au matinet qu'il ajourna, Li roy bien et bel s'atourna Et trestuit li autre ensement. (Mach., P. Alex., p.1369, 64)

La nuit en la tour reposa, Mais heü petit repos a, Fors que le repos que nature Puet donner en tele aventure, Qu'on dit que cils fait la dorveille Qui dort de l'ueil et dou cuer veille. (Mach., P. Alex., p.1369, 97)

Et si veoient le martyre De ceuls qui estoient bleciez, Dont c'estoit pitez et meschiez. Et comment que bien blecié fussent Et que reposer se dehussent, Avec les autres s'en alerent, N'onques pour ce ne sejournerent. Là recommansa le hutin, Plus grant que celui dou matin. (Mach., P. Alex., p.1369, 154)

Salemon, va, si te repose : Je voy bien tu es traveilliez. (Mir. Oton, c.1370, 364)

Temps est maishuy que me repose : J'ay fait mon fait. (Mir. Clov., c.1381, 212)

LA DAMOISELLE. (...) Tantdis que ma dame repose, Delivrons nous de ceste chose Faire briefment. (Mir. Clov., c.1381, 248)

EUFEMIAN. (...) Je vueil qu'en ta chambre t'en voises Reposer avecques ta femme (...). ALEXIS. Chier pére, puis qu'il est saison D'aler couchier, (...) Obeir vueil (Mir. st Alexis, 1382, 305)

...mangiet et repouseit ont la. (JEAN D'OUTREM., Myr. histors G., a.1400, 87)

...si manda le XIIIJe de juillet derrain le medecin qui ala à lui et lui dist que se reposast (Baye, I, 1400-1410, 106)

Il fault réducer à mémoire La forme et manière exposer De dormir lors et reposer, Car reposer selon mesure Est moult nécessaire à nature (La Haye, P. peste, 1426, 103)

Et qui longuement veilleroit, Et point ne se reposeroit, Mettroit son corps tost à néant, Tant fust-il fort ou cler voiant (La Haye, P. peste, 1426, 104)

Je premiers arrivay a Barcellonne le IIJ^e jour de juing assez tart, et celle nuyt me reposay (La Sale, J.S., 1456, 101)

...je me reposeray et dormiray tout a mon aise et a mon beau loisir avant que j'en parte. (C.n.n., c.1456-1467, 122)

...[il] s'en alla coucher et reposer, car il estoit traveillé de la nuyt (C.n.n., c.1456-1467, 391)

DIEU. (...) De son manteau je me vueil acoustrer Et en sa chambre, ou il repose, entrer, M'aparissant devant luy face a face, Pour desormais la loy Mahon frustrer. (La Vigne, S.M., 1496, 208)

[Dans un cont. érotique]

...monseigneur au mieulx se couche en la paillace, et madame en ung tresbeau lit avec l'escuyer se repose. (C.n.n., c.1456-1467, 110)

[Dans un cont. métaph.]

...Mais s'en son cuer tient secretement close De Morpheüs la parole et enclose, Et le matin, Au resveillier, l'en souveigne et la glose Et qu'elle dongne a chascun mot sa glose, Certes, je tien que mon fait se repose En dras de lin. (Mach., F. am., c.1361, 170)

Estre reposé

Quant grant piece fui reposés, En pais fui et bien disposez, Si qu'a mon assouagement Escoutay apenseement Oiselès qui se debatoient (Mach., D. Aler., a.1349, 393)

Bien reposé

Si montai sur ma haguenee Grosse et grace et bien reposee, Si m'en alai par mi le[s] champs Pour oÿr des oisiaus les chans Et pour avoir l'air - quar, sans fable, Chose m'estoit moult profitable - Et aussi pour moy essaier Se je porroie chevauchier. (Mach., Voir, 1364, 130)

Quant il furent bien reposé Et li navré mieux disposé, Le prince et toute la brigade, Grant et petit, sain et malade Monterent dedens les galées (Mach., P. Alex., p.1369, 171)

Participe passé en emploi substantival. Celui qui est reposé, frais, dispos.

Et qui se trouvera trop navré ou travaillié, si se tire a part et laisse combatre les reposez (Percef. IV, R., c.1450 [c.1340], 614)

infinitif substantivé. Repos.

YTIER. Sire, tenez, or mengiez fort : Vezci de quoy. AMIS. Je ne pourroie, Ytier, par foy ; Le reposer m'a repeu. (Mir. Amis, c.1365, 53)

Jay este et suis encore si tresmal content et si desplaisant que pour vn peu je ne suis mors de dueil, car jen ay laissie le reposer et le boire et le mengier (Miélot, Mir. N.D. W., 1456, 24)

d)Trouver le calme, la quiétude, la paix intérieure.

Requievi similiter , elle dit : J'ay reposé semblablement, c'est a dire si conme mon filz le benoit Jhesus reposa en mon tabernacle singuliérement, et je aussi en son tabernacle ay reposé et repose semblablement. (Mir. march. larr., c.1349, 92)

Et fay a tous ce que vorroies Qu'on te feïst. Ce sont les voies Que Dieus vuet que si ami facent Qui son commant pas ne trespassent. Se tout ce fais, tu te reposes, Si lai de toutes autres choses Dieu, nostre pere, couvenir. (Mach., C. ami, 1357, 140)

Hé ! cuer, con tu te reposes Quant ce doulz mot escrire oses ! (Desch., Oeuvres Q., t.4, c.1370-1407, 185)

Ceulz qui de peu sont traveilliéz Ne doivent estre esmerveilliéz, Car aprés seront reposés, Et en grans biens bien disposés. (Le Fèvre, Respit Mort H., 1376-1380, 59)

Car joie n'ay, pais ne repos Pour toy, n'onques ne me repos, Amis, quant je te sui lonteinne Et quant einsi te voy enclos. Mais je te promet à briés mos Que loyal te sui et certeinne. (Mach., Les lays, 1377, 359)

...Nous ha tous respité, Quant en toy, douce rose, Prist nostre humanité Li Fils par amité. Ce nous ha tous getté, Dont Sathans ne repose. (Mach., Les lays, 1377, 409)

Se reposer en paix

...Justice en la balance poise, À cui qu'il plaise ne qui poise, N'i regarde amour ne haïne, Frere, fil, voisin ne voisine, Grant ne petit ; car egalment La fait à tous et loyaument ; Si que pour ce en pais se repose, Que nuls contre li ne s'oppose. Pluseurs eglises a fondées, Qui sont moult richement doées ; Chartreus, mendians et chanoinnes, Nonnains emmurées et moinnes. (Mach., P. Alex., p.1369, 31)

Car avis m'est que mercy autre chose N'est fors avoir ce qu'amans plus desire, Et s'il ha son desir sans contredire, Il a merci dont en pais se repose. (Mach., Les lays, 1377, 339)

Être satisfait, se satisfaire.

Ce n'est pas sens soy eslever, en son estat doit ['on doit'] reposer. (Colart Mans., Dial. créat. R., 1482, 170)

[D'un animal]

Et toutevoies il guerroient plus doucement et moins aigrement contre celles as quelles humain lignage a, par raison de leur mauvaistié, plus justes haynes a greigneur domage : loups, goupils, ours et quelconque sauvage beste plus nuysant se repose en la mort des autres (Foul., Policrat. B., I, 1372, 102)

[D'une chose (du désir)] Trouver son juste équilibre, son épanouissement.

Et selon ce, toutes [les autres choses] ont un desir naturel lequel se repose et se delicte aucunement en chose divine. (Oresme, E.A.C., c.1370, 406)

Reposé. Calme.

Mais Dieu doint que je vous contente Par sens reposé et par droit. (Martin Le Franc, Champion dames I-II, P., 1440-1442, 93)

2.Emploi intransitif ou pronominal. [D'une chose]

a)[Idée d'arrêt] S'arrêter, perdre de son effet.

...la vertu s'arreste et se repose (Saint-gille, Comment. A.Y. L., 1362-1365, 330)

b)[Idée d'inactivité]

[D'une terre] Rester pendant un certain temps sans être cultivé.

Et de ce nous avons experience de terres que l'en fait reposer pour mieulx fructifier (Legrand, Archil. Sophie B., c.1400, 360)

[D'une préparation culinaire] Rester sans être traité.

Et quant il [le brouet] sera assés boullir si le mecte repouser jusques a l'endemain. (Chiquart, Cuis. S., 1420, 182)

3.Emploi transitif. Reposer qqn. Faire prendre du repos à qqn.

Lors se parti et si s'adresse Vers Chypre, la plus droite adresse. Tant a nagié qu'en Chypre vint, Et là sejourner le couvint Pour ses gens d'armes reposer. Et vous devez bien supposer Que moult y avoit de bleciez, De lassez et de travilliez ; Et pour ses chevaus mettre à point, Qui estoient en petit point. (Mach., P. Alex., p.1369, 217)

Faire reprendre des forces à qqn.

Encour plus, une ressise qui vault moult a faire reposer le malade et a lui conforter les voynes et le ceyner (Chiquart, Cuis. S., 1420, 189)

Mal reposer. Créer de l'agitation, du trouble en qqn.

Qui auroit sa douleur forte Desconforte, Et l'enhorte En danger qui mal repose. (Vie st Eust. 2 P., c.1400-1450, 207)

Remarque : V. repos (mal repos).

[De Dieu] Reposer qqn. Conférer à qqn (à son âme) l'état de béatitude (au paradis).

...adfin que Nostre Seigneur (...) les repose en son tres glorieux royaume de paradiz (La Sale, J.S. E., 1456, 338)

4.Emploi transitif. Reposer qqc.

a)[Une activité, un état ; idée d'arrêt] Mettre fin à.

Ores doncques, je vous prie que reposez vostre dueil et m'escoutez. (La Sale, Reconf. De Fresne H., 1457, 31)

b)[Idée d'inactivité] Laisser qqc. au repos, laisser qqc. inactif, ne pas en faire usage, négliger qqc..

Encores, se veulx [Dieu] deposer Que m'as donné entendement (,) (Lequel j'ay volu reposer) A toy servir entierement : J'ay eu tout eslargissement Et mon arbitre liberal, Dont j'ay usé malvaisement, Laissié le bien et pris le mal. (Prisonn. desconf. C., c.1488-1489, 43)

Emploi pronominal à sens passif. [D'une chose]

Et leur sentence fu pres que ceste, que en lieus publiques et honneurs communes et fais de reverence en commun le droit du pere envers le filz, qui est president et maistre du peuple, se puet bien deporter et un pou reposer. (Foul., Policrat., IV, 1372, 70)

Reposer son vin. Cuver son vin.

...le lendemain au matin, quant ilz eurent reposé leur vin et furent desenyvrez ou que que soit, certain jour après, ilz se adviserent qu'ilz avoient mesprinz en ce qu'ilz avoient fait en l'ostel des diz Moteron et sa femme, s'en repentirent et en furent moult dolens (Doc. Poitou G., t.7, 1410, 196)

Nous vous mercions de vostredict pacquet, car il nous est invisible et n'a point esté trouvé dans la boete, et croyons qu'il soit demouré soubz le chevet de vostre clerc en reposant son vin de disner (Lettres Ch. VIII, P., t.1, 1488, 319)

c)[Idée de repos]

Reposer son corps et son ame. Donner du repos à.

LE CONTE DE LISLEDES. Chier sire, je vous veulx requerre (...) Que desormais ne veillez querre Les chevaliers a barbe grise ; Car la grant payne qu'ilz ont prise, Soubz vous excersant leur noblesse, Maintenant les ront et debrise Pour ce qu'ilz sont ja en viellesse. Raison doncques veult qu'on les laisse Reposer leurs corps et leurs ames, Et leurs enffans plains de jeunesse En leur nom porteront les armes. (La Vigne, S.M., 1496, 158)

Réparer la fatigue occasionnée par qqc..

Et sy avoient grant plaisir, Quant approuchoient d'enviellir, S'ilz, pour viellesse reposer, Peussent eveschié empettrer (Bouvet, Appar. Meun A., 1398, 46)

Ilz prenoient a lonc temps treves, Pour reposer leurs peines grieves (Chr. Piz., M.F., III, 1400-1403, 96)

...quant tous eurent faictes leurs reverences et bonnes chieres, et que leur retour fust aucum peu reposé (La Sale, J.S. E., 1456, 399)

Remarque : Forme rempause ds Serm. femmes K., c.1450, 234.