LOYAL

adjectif

[T-L : lëal ; GD : loial ; GDC : loial ; AND : leal ; DECT : lëal ; FEW (V, 239b,240a) : legalis ; TLF (XI, 30a) : loyal]

I. -[Domaine juridique et administratif]

A. -[Domaine juridique]

1.[D'une pers.]

[D'un enfant, d'un héritier, d'une héritière] Légitime.

...s'il avenoit que li dite dameselle Marie morist anchois ledit messire Wilheame sans avoir hors loyal de san cors engenreit... (Hemricourt, Pièces div. B.P., 1373, 79)

...le roy Ferrant de Portingal tenoit sa fille à loielle, et l'avoit fait dispenser du pape Urbain de Romme VIème. (Froiss., Chron. M., XII, c.1375-1400, 233)

...le roy Ferrant mort, il se doubtoit que les communautez du pays de Portingal ne se revelaissent contre celle dame Bietrix, car les plus du pays, quoyque le roy eust espousé sa mere madame Alienort de Coingne, ne la tenoient pas à loielle, mais à bastarde. (Froiss., Chron. M., XII, c.1375-1400, 246)

Tourment fait l'omme fil de Dieu Quant il le requiert de cuer pieu ; Cilz ne puet estre filz loyaux Qui n'est tourmentéz des flayaux. Le filz sert par amour le pere, Et le serf de tant se differe Qu'il ne le sert que par contrainte, Par quoy l'amour y est estainte. (Le Fèvre, Respit Mort H., 1376-1380, 65)

Couronnez le ! C'est vostre sire, Heritier loyal de l'empire ! (Chr. Piz., M.F., II, 1400-1403, 232)

De loyale condition. Qui appartient à la classe supérieure, noble, qui a toutes les qualités et tous les privilèges.

Et trop fort se disferent en Engleterre les natures et conditions des nobles aux honmes mestis et vilains, car li gentilhonme sont de noble et loiale condition, et li conmuns peuples est de fele, perilleuse, orguilleuse et desloiale condition. (Froiss., Chron. D., p.1400, 42)

Qui est dans son bon droit.

'...Qui est le plus loyal ? - Qui l'est ? dist Madame, vous, qui l'avez gaignié !' (La Sale, J.S. E., 1456, 417)

2.[D'une chose]

a)[D'un mariage] Légitime, légal.

Pur un droit heir desheriter Nulle homme ne se doit accorder Qe soit de loial mariage. (Héraut Chandos, Vie Prince Noir T., c.1385, 129)

b)[D'une lignée]

«...C'est mes freres germains de loial engendree...» (Renaut Mont. B.N. V., c.1350-1400, 574)

Et treuve que vostre besayeul fut nommé Lepidus ou Lupus, archiduc d'Austrice, lequel se maria à une fille du duc de Mylan, nommée Cecille, et n'est pas de ceste lignie presente, yssue de la bastarde de Mylan et du conte Francisque dit Sforce, nouveau en celle seigneurie, mais de leal et legitime heritage, et portant d'argent à ung serpent azur. (La Marche, Mém., I, c.1470, 28)

c)[D'un titre]

...et estoit Guillaume ung vaillant prince et desconfit les Anglois et fut roy d'Engleterre et avoit tres bon, juste et loyal tiltre. (Juv. Urs., T. crest., c.1446, 76)

d)Loyal droit. Ce qui revient légalement à qqn.

Mieulx vault son cuer adurer D'endurer Que tollir, car Dieu rendroit A chascun son loyal droit. (Chart., B. Nobles, c.1424, 399)

B. -[Domaine administratif]

1.[D'une marchandise] Qui est conforme aux règlements de qualité établis par les autorités d'un métier.

...que desorenavant on mette de par nous une ensengne et une loy de plonc à leur dras qui seront loyaus, dont li uns costés dou plonc aura l'ensengne d'un lyon et li autres costés de une merlete (Hist. industr. drapière Flandre E.P., t.3, 1331, 46)

N'est merveille se cil forvoie Qui veult entrer par double voie Et tent a chascun vent veles, Et ne fait mie leaux les teles Qui entretient le chanvre au lin. (Tomb. Chartr. Trois contes S., c.1337-1339, 104)

... [il] confesse devoir et gaige à Jehan de Grant Rue, marchant et bourgois de Paris, ou au porteur, etc. la somme de quatre cens et quarante huit livres tournois franc d'or du coing du Roy nostre sire pour XX sols tournois, pour vente, bail et delivrance de fer d'Espaigne bon leal et marchant (Reg. crim. Chât., II, 1389-1392, 487)

Et ainsi sont faulx marchans qui mectent le plus bel et le meilleur dessus et le pire dessoubz, et jurent que tout est bon et loial (Ménagier Paris B.F., c.1392-1394, 34)

Et avec ce condempne lesdis de Rappan et Vavasseur à baillier, delivrer et faire mouldre, labourer et cuire deux muis de bon blé fourment, loyal et marchant, en pains de IIIJ deniers parisis la piece, c'est assavoir, chascun d'eulz ung muy (Fauq., I, 1417-1420, 377)

Or convendra il les champs demourer desers, inhabitez et habandonnez aux bestes sauvaiges, et ceulx qui par travail de loial marchandise ont les aucuns en leur necessitéz secouruz demourer despourveuz et esgarez et perdre par courroux la vie aprés les biens (Chart., Q. inv., 1422, 21)

2.[D'un document] Authentifié (par des formes et des marques de validation, notamment par la marque du sceau qui lui est apposé).

Pour ce vous prie (...) que, aprés le bon congié de monseigneur le roy, que trois jours de la sepmaine de ce premier mois de may, aiant loyal saufconduit du roy d'Engleterre, vous tenez un pas entre Gravelingnes et Calaiz (La Sale, J.S., 1456, 173)

3.[D'une chose quelconque] Conforme à une norme reconnue.

...fu mandé, par ledit mons. le prevost, Macé Misery, barbier juré du roy nostre sire ou Chastellet, et lui commandé que ledit prisonnier il visitast bien et diligemment, se le signe de tonsure qu'il portoit estoit bon, vray et loyal. (Reg. crim. Chât., I, 1389-1392, 204)

II. -[Domaine moral et social]

A. -[D'une personne]

1.Honnête, probe, qui a un fond ou un comportement d'une grande rigueur morale.

Le chevalier, qui estoit saige et loyal, n'y voult entendre et dist que de telz choses on ne luy parlast plus, car, pour en recepvoir la mort, on ne trouveroit ja fraude en luy (Froiss., Chron. M., XIV, c.1375-1400, 175)

Dit avecques ce qu'il est preudomme et loyal, et que oncques par lui ne de son sceu le pain de cire dessus dit ne fu prins (Reg. crim. Chât., I, 1389-1392, 51)

...uns chevaliers de Flandres, vaillans homs durement, et lequel li contes avoit tousjours tenu a loial honme et prudent (...) avoit tousjours compagniet et fait feste et honnour, en la ville de Gant ou sa residense estoit, ces signeurs d'Engleterre. (Froiss., Chron. D., p.1400, 269)

De la garnison d'Escauduevre estoit capitainnes uns chevaliers de Hainnau (...) lequel on avoit veu loial et preudonme, ne nulle defaute en lui. (Froiss., Chron. D., p.1400, 390)

...li sires de Cliçon (...) fu en son temps uns vaillans et loiaus chevaliers, et ne l'avoit on veu en nulle defaute. (Froiss., Chron. D., p.1400, 593)

Puiz fit le Roy publier et defendre que nul ne injuriast ledit d'Orleans, ne aucuns de son costé, et par especial de son sanc, car il les tenoit bons et loyaulx (Baye, II, 1411-1417, 143)

...emprès laquelle crois il fera pendre ung escut blanc à une bande de veling vermeille, en seignifficacion de l'escu que soulloit porter en son temps ce noble et vaillant chevallier Lancelot du Lac, qui tant fut léal et heureux en armes (Doc. 1448. In : ESCOUCHY, Chron. B., t.1, c.1453-1460, 251-252)

...amours l'ont party de la nonpareille des aultres, de la plus belle, de la plus sage, de la loyalle et toute bonne. (C.n.n., c.1456-1467, 80)

...une telle (...) est ma tres grande amye, femme de bien, loyalle et secrete (C.n.n., c.1456-1467, 258)

...avoit ung bon et loyal marchant duquel la femme estoit tresfort malade (C.n.n., c.1456-1467, 515)

Barrabam, parle sans mantir Et jure que diras verité Si tu as fait a la cité Le murtre, ainsi que trouvons Par tesmoigns leaulx et bons preudoms, Com il appart par ton procés. (Pass. Auv., 1477, 172)

LE JUIF. (...) je ne demande autre chose Que son serment [du chrétien] . LE JUGE. Ne dit pas mal. Ou il est larron ou loyal, Au serment on voit le preudhomme. (Mir. st Nic. juif, c.1480-1500, 121)

De coeur loyal. Fidèlement, honnêtement.

Sire, en tout bien, de cuer loyal Vourrienmes vostre vouloir faire (Mir. femme roy Port., c.1342, 158)

Sincèrement.

Pour l'ame de ung amant feal, En son vivant tres cordial, Secret et bien famé jadis, Qui est trespassé franc et leal, Dictes tous de ung vray cueur leal Ung pater ou de profundis (Hautev., Conf. Test. am. tresp. B., c.1441-1447, 67)

2.Qui agit en fonction de certaines obligations morales ou sociales, qui est fidèle aux engagements pris.

a)[D'un conjoint envers l'autre, d'une personne amoureuse envers l'autre, d'un ami envers un ami] Fidèle, sincère.

LE BOURGOIS. (...) plaise vous sauver moy Ma doulce compaigne loyal (Mir. enf. ress., 1353, 23)

LA DAME. Adieu ! Adieu ! Mes amis touz ! Par especïal, mon ami, Mon loyal seigneur, mon mari. (Mir. enf. ress., 1353, 67)

Dont, dist la dame, qui bien savoit qu'il estoit espris de s'amour : Se vous me voulez prendre a femme et jurer que, se nous avons enfans ensemble, que vous ne mettrez ja peine de moy veoir en ma gesine, ne ne ferez par voye quelconques tant que vous me voiez, je suiz celle qui obeiray a vous comme loyal moillier doit obeir a son espoux. Et le roy lui jura ainsi. (Arras, c.1392-1393, 9)

LE MARQUIS. (...) j'ay voulu faire Espreuve dure et rigoreuse De ma bonne et loyal espeuse Et non mie la condempner (Gris., 1395, 95)

Si me fu si loyal ami Et si bon, sur l'ame de mi, Que louer assez ne pourroye Le bien, que par lui recevoye. (Chr. Piz., M.F., I, 1400-1403, 40)

Car moult ot esté vaillant dame, Tout son temps, sanz meffait ne blame, Et moult loyale a ses espous (Chr. Piz., M.F., II, 1400-1403, 229)

Jeune, gente, plaisant et lye, Je suis vostre loyal servent Et le seray toute ma vie. (Gaud. sot, c.1450, 7)

...elle est trop loyalle pour m'oblier. (C.n.n., c.1456-1467, 176)

Ainsi finirent leurs jours les deux loyaux amoureux (C.n.n., c.1456-1467, 553)

Si en compta Salomon ung, et ainsi fist un deuxieme et troisiesme et finablement par tous, et n'en trouva que ung loyal en son mariage, pourquoy il dist : 'Inter mille unum reperi'. Puis par le semblable alla devers les dames faire comme avoit fait aux chevaliers, et en mille n'en trouva une, qui feust constante en son mariage (Simon De Phares, Astrol., c.1494-1498, f° 34 r°)

Par métonymie.

LE MARQUIS. O Griseldis, es temps passez En ta loyale compaignie (...) Com vray espoux me delitoie (Gris., 1395, 80)

[Accompagné d'une autre épithète du vocab. courtois traditionnel]

Bon et loyal

...sa bonne et loyale femme, par l'amonnestement de ses amys, se remaria a ung autre chevalier (C.n.n., c.1456-1467, 14)

Ma leale et bonne maistresse, veez cy vostre humble et obeissant serviteur, qui après Dieu n'ayme rien en ce monde si lealement que vous. (C.n.n., c.1456-1467, 166)

...elle estoit privée de la presence de son bon et loyal mary (C.n.n., c.1456-1467, 423)

Loyal et entier

...aultre homme n'aray espousé de ma volunté et bon gré que vous, voire tant que me serez loyal et entier (C.n.n., c.1456-1467, 167)

Par ironie. par antiphrase.

...les deux compaignons se trouverent en une chambre ensemble ou leur loyale dame avec plusieurs aultres estoit. (C.n.n., c.1456-1467, 238)

...[je suis] trop bonne et trop loyale pour ung tel paillard que vous estes (C.n.n., c.1456-1467, 244)

Avez vous perceu en moy aultre chose qu'on ne doit veoir et juger d'une bonne, loyale et preude femme ? [En réalité toutes ces femmes ont des amants] (C.n.n., c.1456-1467, 444)

Emploi substantival.

Aucunes gens m'ont huy araisonné, En tournoiant, ainsi que je songoye, Pour quel cause j'ay si habandonné Joyeuseté, plaisir, lëece et joye, Et dont ce vient que je ne me resjoye Et plus ne fais dit ne chançon nouvelle, Et que j'ay mis soubz le banc ma vïelle Et renoncé au service amoureux. Je n'en dy plus, mais mon cuer pense et sele Que les loyaulx sont les plus doloreux. (Chart., R. Bal., c.1410-1425, 387)

Et quant est d'Espoir et Secours, Il m'ont esté trop rigoureux, Et pour ce soustendray tousjours Que les loyaulx sont les plus douloureux (MART. D'AUV., Arrêts Am. R., c.1460-1466, 221)

Par analogie. [D'un animal]

Et pour sa loyauté garder [celui qui a perdu sa Dame] , Il veult desormais ressembler A la loyale turturelle Qui, seule se tient a par elle, Aprés qu'elle a perdu son per. (CH. D'ORLÉANS, Songe compl. C., 1437, 113)

b)[D'un vassal envers son seigneur, d'un sujet envers son roi...]

...maiz le induise et enhorte de son povoir à obeir au Roy et à sa Court, et à leurs commendemens, comme bon vassal et loyal doit faire à son seigneur. (Baye, I, 1400-1410, 149)

Et combien que les ennemis, voyans les duretés et tirannies que nous faisoient les dessusdis par divers moyens ont fait plusieurs entreprinses sur ceste cité, et par parolles deceptives les ont cuidé reduire a leur obeissance, toutesvoie, conme bon, vrais et loyaulx subgetz se sont fermement tenus en la vraye obeissance du roy. (Juv. Urs., Prop. I, c.1438, 290)

Au regart de la premiere partie, qui vouldroit reciter les oppressions que ont souffert voz bons, vraiz et loyaulx subgetz depuis la descente de Harfleu, les batailles d'Azincourt, Verneul et autres, les prinses des citez, villes et chasteaulx par voz ennemis, on en feroit une bible, et seroit chose trop longue a reciter (Juv. Urs., Loquar, 1440, 307)

...et auquel de Chalon le roy avoit fait l'onneur tel comme de lui avoir baillé et delivré l'ordre de monseigneur Saint-Michel, comme à loyal chevalier, qui, nonobstant icelle ordre et en soy parjurant, avoit esté directement à l'encontre et fait plusieurs mauvaistiez et conspiracions contre le roy et son royaume et jusques à XIIII trahisons (Roye, Chron. scand., II, 1460-1483, 51)

Dist aussi de la journée de Cressy, qui fut l'an 1346, entre le roy Phelippe de France et le roy d'Angleterre, où il fut d'une part et d'autre plusieurs gens occiz et lui, en personne, millita pour son prince très vertueusement, comme bon et loyal chevalier et vassal. (Simon De Phares, Astrol., c.1494-1498, f° 129 v°)

Bastard de Bourbon, lequel estoit très gentil, vaillant et loyal chevalier et qui bien servoit leaument le roy et la couronne de France et n'espergna oncques chose qui feust à luy pour employer au service du roy, et a eu tousjours aussi grant esgard pour mener les affaires du roy son maistre autant et plus qu'il n'a fait les sciennes. (Le Clerc, Interp. Roye, c.1502, 203)

Loyal à/envers qqn

...il jura (...) à estre loyal en tous services au roy d'Angleterre et au pays (Froiss., Chron. M., XIV, c.1375-1400, 176)

Quant li contes fu venus à Arras, il les fist en l'onneur de Dieu et de Nostre Dame tous delivrer (...) et leur fist jurer à estre bons et loiaux envers lui. (Froiss., Chron. R., X, c.1375-1400, 252)

...et au surplus ycellui Le Marquant sera eslargi quousque en faisant le serement du traictié de la paix et d'estre bon et loyal au Roy. (Fauq., III, 1431-1435, 127)

Vous en devés doncques avoir cure et sollicitude, car ilz vous ont esté loyaulx, et leur temporalité toute destruite pour les guerres (Juv. Urs., Verba, 1452, 351)

...lesquieulx firent une conjuracion disant entre eulx estre bons et loyaulx au roy Richard et fut faicte lectre, scellée de leur seaulx, et qu'ilz ayderoient à remectre le roy Richard en son royaume et seigneurie (Simon De Phares, Astrol., c.1494-1498, f° 149 v°)

En icelluy temps, pour ce que le duc de Nemours, auquel le roy paravant avoit fait de grans graces et pardons, de ce que combien qu'il eust fait le serement d'estre bon et loyal au roy, il avoit contendu par tous moyens à luy possibles de susciter divisions et mettre sedition ou royaulme (Le Clerc, Interp. Roye, c.1502, 241)

Tous lesquelz grans cas, crimes et delictz nous luy pardonnasmes, esperans que dès lors en avant il nous fust bon et loyal parent, vassal, subject et serviteur, ainsi que faire devoit et que tenu y est (Le Clerc, Interp. Roye, c.1502, 243)

[D'un serviteur envers son maître]

NOSTRE DAME. (...) Un mien loyal sergent (Mir. enf. ress., 1353, 61)

Et s'on prend fenme pour la conduite de la maison ou pour avoir quelque soulas en maladie ou pour debouter sollicitude ou soing, trop mieulx ung serviteur leal conduira la despense, obeïssant a l'auctorité et obtemperant a la disposition ou ordonnanche de son maistre, que ne fera la fenme qui se dira estre dame, s'elle fait contre la volenté de son mary che qui lui plaist, non pas che qu'il demande. (Daudin, De la erudition H., c.1360-1380, 322)

...il [un mien serf] vous sera bien prouffitable, Car loiaux est et veritable. (Mir. Pierre Changeur, c.1378, 269)

...ne laissera (...) qu'il ne l'advertisse de tout ce que loyal serviteur doit faire a son maistre. (C.n.n., c.1456-1467, 96)

[D'un subordonné envers son supérieur]

La III^e des choses est mettre paynne de savoir bien le convine de ses anemis par secrez amis, qui puelt, ou par loyalles et dilligentes espies (La Sale, Salade, c.1442-1444, 242)

c)[Du chrétien envers Dieu]

...il fu tres bon et loyal a Dieu (Chr. Piz., M.F., II, 1400-1403, 164)

...Abraham, le serf Dieu loyaulx (Chr. Piz., M.F., II, 1400-1403, 275)

Lors Constantin feit au contraire. Car les constans et loyaulz en la foy et commandement de Dieu il retint, les autres il rebouta comme traittes : 'Comment, dit il, seroit ung homme feable a moy qui ne le est a son Dieu, son pere et droiturier seigneur ?' (Gers., Concept., 1401, 410)

Nul jamais triste Es cieulx ne peult estre Qui soit ministre De Dieu le grand prestre, Mais qu'il soit juste Et leal ad son maistre Nostre redempteur. (Pass. Auv., 1477, 101)

Item Dieu est en l'ame bonne et leale, comme ung espeux en chambre avec espeuse chaste et pure (Somme abr., c.1477-1481, 139)

Emploi substantival.

...en generacion faisant ilz emplent le nombre des loyaulx par lesquiex les siéges de paradis seront empliz (Mir. Pierre Changeur, c.1378, 228)

d)[D'une pers. envers son pays, envers sa religion] Bon et loyal + nom ethnique ou adj. désignant la religion Fidèle et dévoué (à son pays, à sa religion).

Et dit que sondit feu pere, tout le temps de sa vie, fu et a esté bon et loyal François, et tenu le parti et bien veuillant du roy et de sondit royaume. (Reg. crim. Chât., II, 1389-1392, 184)

...se il vosissent ou se il voloient faire ce tretié, il ne fuissent point la venu ; mais il remonstroient ce au roi conme loial et bon François que il sont et voellent estre (Froiss., Chron. D., p.1400, 291)

...il jurerent solempnement a estre bons et loiaus Englois, a tousjours mes (Froiss., Chron. D., p.1400, 226)

Et incontinent qu'il fut a Romme, ainsi que bon et loyal catholique, il alla en l'eglise monsieur Sainct Pierre de Romme faire ses offrandes, en rendant graces a Dieu de la victoire qu'il avoit heue a l'encontre de ses ennemys et de ce qu'il estoit venu au dessus de son entreprise, en ce voyage de Naples. (La Vigne, V.N., p.1495, 270)

B. -[D'une chose abstr.]

1.Qui est inspiré par des qualités de fidélité, de probité.

...c'est de conseil loial (Mir. st Val., c.1367, 149)

L'ystoire dit que, quant Elinas ot perdue Presine et ses trois filles, il fu si esbahiz qu'il ne scot que faire ne que penser. Mais fu depuis, l'espace de .VIIJ. ans, qu'il ne faisoit que plaindre, gemir et souspirer, et faire griefz lamentacions pour l'amour de Presine, qu'il amoit de loyal amour. (Arras, c.1392-1393, 10)

Vous jurez (...) que bien et loyaument conseillerés le Roy (...) et nommerés à vostre loyal povoir (...) bonne personne, ydoinne et convenable pour exercer l'office de Chancellier. (Baye, II, 1411-1417, 129)

...ilz estoient bien informez de la bonne affection et loyal obeissance desdictes gens estans à Paris et estoient d'eulz très bien contenz. (Fauq., I, 1417-1420, 280)

...le duc de Bourgoingne avoit traictié et pourparlé avec le roy d'Angleterre sur ce que dit est, et avoit promis de faire son loyal povoir envers le Roy, nostre souverain segneur (Fauq., I, 1417-1420, 360)

Ceste entiere, leale et parfaicte amour ne dura pas si peu que les deux ans ne furent accompliz (C.n.n., c.1456-1467, 163)

...si ne les povoit il forclorre de l'entiere et loyale amour dont leurs deux cueurs estoient mutuellement entreliez et embrasez. (C.n.n., c.1456-1467, 546)

Si vostre nature est foible (...) ne rompez vostre loyale promesse. (C.n.n., c.1456-1467, 577)

...et finablement commit au roy Richard s'en retourner, tant pour les lieux inaccessibles, que pour la froidure et famine qui fut en son ost, et finablement en perdit son royaume, à faulte de croire bon et loyal conseil, venu des corps superieurs. (Simon De Phares, Astrol., c.1494-1498, f° 145 r°)

Faire qqc. à son loyal pouvoir. Faire qqc. de son mieux, aussi bien qu'on peut, honnêtement.

...ces trois chevaliers (...) eurent entre eulx troix privé conseil que celle nuit et l'endemain ilz se tenroient là ; mais ce seroit si secretement que nulz n'en sarroit leur venue, et le chastellain leur afferma ainsi, à son leal pooir (Froiss., Chron. M., XIV, c.1375-1400, 65)

...je ai ce livre cronisiet et historiiet, ditté et ordonné (...) a mon loial pooir, sans faire fait ne porter partie ne coulourer non plus l'un que l'autre. (Froiss., Chron. D., p.1400, 35)

...promectans de bonne foy et en parole de Roy, et soubz l'obligacion de tous noz biens presens et avenir, pour nous, noz hoirs et successeurs, tenir, garder, enteriner et accomplir, et faire tenir, garder, enteriner et accomplir, à nostre loyal povoir, sans fraude, decepcion ou mal engin, ladicte paix et reunion, et toutes les choses dessus transcriptes (La Marche, Mém., I, c.1470, 237)

2.Conforme aux obligations, et en particulier aux engagements contractés.

...je proteste et retiens que (...) je puisse avoir ung gentil homme, pour cellui jour mon advoué qui, en ma presence, se je puis, ou en mon absence (...) fera son loyal devoir a mes perilz, coustz et despens (La Sale, Salade, c.1442-1444, 211)

...et me mectray en mon leal devoir, sans passer touteffois ne aller hors l'ordonnance faicte et commandée par les princes, se je suis en la bataille ou eschelle à l'endroit où le Turc soit, que je aborderay le jour à sa personne. (La Marche, Mém., II, c.1470, 388)

3.Honnête, équitable.

...car juges qui n'entent Ce qu'on dit loyal jugement Il ne peut rendre. (Mir. st Sev., 1362, 225)

Et dient, sur ce requis, que quant ilz achetoyent les choses dessus dites d'iceulx Brun et Raoulet, ilz leur disoient que elles venoient de bon lieu et loyal acquest. (Reg. crim. Chât., I, 1389-1392, 160)

Et descy je [moi, le roi] vous donne journee, a la requeste du chevalier, de la bataille, au jour qu'il lui plaira assigner. Par ma foy, sire, dist Remondin, et il me plaist tout maintenant. J'ay mon harnaz tout prest. Et Dieux vous rende la merite de vostre bon et loyal jugement. (Arras, c.1392-1393, 60)

...ilz promistrent doresenavant estre compaignons et amis, et que de tout ce qu'ilz pourroient avoir et gangnier ensamble à servir, ilz feroient bon, vray, juste et loyal compte par entre eulx (Reg. crim. Chât., I, 1389-1392, 499)

Qui n'est pas feint, honnête, de bonne foi.

Loyale essoine. Excuse légitime, de bonne foi.

Et en cas que les nuef dessus nomméz ou aucuns d'iaux averoient empeschement de mort ou aultre leal essoinne, que Diex ne weille, pour quoi bonnement ne peussent entendre aux choses dessus dictes tantost (Trés. Reth. S.L., t.2, 1366, 181)

Et le jour ensuivant, et Dieu ait gardé vostre corps de loial essoyne ! Ou autrement le VIIJ^e jour aprés, a l'eure ordonnee par le juge, tous deux combatrez a pyé (La Sale, J.S., 1456, 80)

-- ' Je voue aux dames et au faisant, que se mon très redoubté et souverain seigneur monseigneur le duc entretient le voyage sainct sur les infidelles, je le serviray de mon corps et de mes biens, au cas toutesvoyes que je n'auray maladie ou leal ensoingne de mon corps (La Marche, Mém., II, c.1470, 384)

III. -[Domaine de l'art ; d'une image, d'une représentation] Qui est fidèle au modèle, qui est exact.

Et, se tu veulz enquerir les dictes proprietés des corps absens qui ne sont pas presens, l'ymagination les te pourra presenter par aucune similitude traicte des choses que le sens cognoist ou avra cogneu, la quelle de tant sera plus loyal et veritable comme elle sera plus expresse semblance. (Foul., Policrat. B., II, 1372, 158)

Car, aussi comme apparant et provable opinion s'aprouche de science le plus qu'elle puet pour cause de sa claire apparance, aussi chascune chose, de tant qu'elle est apparant, provable, de tant elle porte en soy plus loyal et plus semblant ymage de chose necessaire. (Foul., Policrat. B., II, 1372, 178)