FURTIVEMENT

adverbe

[T-L : furtiffurtivement ; GDC : furtivement ; FEW (III, 911b) : furtivus ; TLF (VIII, 1340a) : furtivement]

A. -À la manière d'un voleur, d'un larron, en voleur.

...ledit Berthaut, depuis ces choses, furtivement a prins et enmenez deux pourceaux, males ou fumelles, gras, de l'estable de Lorens Huart, à ce temps demourant à Marcoucis, et les mena chex Guillemin Le Blont (Reg. crim. Chât., I, 1389-1392, 504)

Tous lesquieulx, veu l'estat et personne dudit prisonnier, la maniere des larrecins par lui faites furtivement et de nuyt, cy-dessus escriptes, la fraction des huys et fenestres, avec la traïson par lui commise à sesdiz maistres, la valeur desdites larrecins, les continuacions, perseveracions et reyteracions d'iceulx larrecins cy-dessus escrips, par lui faites et commises (Reg. crim. Chât., II, 1389-1392, 171)

... [ils] delibererent et furent d'oppinion que l'en ne povoit ne devoit icelle prisonniere espargnier que elle ne feust tournée ou pilory, ayant un chappiau sur sa teste, auquel pendroient certaines grappes de verjus, comme celle qui avoit de nuyt, furtivement, mal prins icelles LXX grappes de verjus esdiz marez. (Reg. crim. Chât., II, 1389-1392, 254)

...temptée de l'ennemi et par icelle temptacion [elle] print furtivement et emporta de l'ostel dudit maistre Jehan les biens et choses qui s'ensuient (Chancell. Henri VI, L., t.1, 1426, 385)

Item, que le roy, pour récompensacion de certains joyaulx et biens meubles appartenant audit duc qui furent prins furtivement et par aucuns de ses gens, paiera la somme de cinquante mille escuz (Chart. J., Chron. Ch. VII, V., t.1, c.1437-1464, 196)

LE DRAPPIER. Et c'est a vous que j'ay a faire : Vous m'avez trompé faulsement Et emporté furtivement Mon drap par vostre beau langaige. (Path. D., c.1456-1469, 180)

...il print furtivement une pièce de drap de gris, contenant trois aulnes ou environ et deux couvrechiez qu'il emporta oudit lieu de la Mothe et s'efforça de les vendre ; mais il ne peut trouver à qui, et fut ledit cas averé (Doc. Poitou G., t.10, 1457, 19)

Comme il soit ainsi que nature humaine de soy soit debile, inclinant la creature plus tost a mal que a bien, par la sedicion, enhortacion et decepcion du dyable, ennemi de toute humaine nature, le dit suppliant (...) print furtivement et desroba ung coffre de bois. (Arch. Nord, 1467, B 1693, f° 13, IGLF)

...et de son arcq bendé, avoit sagitté les fins oyseaux et ravisans harpies qui furtivement emplissoient leurs grosses gaves de frians morseaux (Molinet, Faictz Dictz D., 1467-1506, 79)

...aucuns larrons et malfaicteurs avoient prins et furtivement emporté de son molin ung quartier et demi de lart, trente cinq solz tournois, deux aulnes de drapt de bureau camelin et neuf boisseaulx de mousture appartenans à ses beauffrères, et comme le lendemain au matin on avoit dit à Jehan Chevreau le jeune (...) que le jour precedant on les avoit veuz tournoyer et visiter ledit molin (Doc. Poitou G., t.12, 1482, 544)

B. -De manière cachée, discrète, furtivement.

...lui estant en la sale du Palais on lui avoit furtivement ou autrement que deument prins et emblé en sa manche son seel (Doc. 1402. In : L. Mirot, Le Moy. Âge 19, 1915, 116)

...et, qui plus est, furtivement s'enfuist en une nave a Venise, ou fust povrement et longuement. (La Sale, Salade, c.1442-1444, 194)

Avint ung jour que un loup appella a soy furtivement et en demucette l'un d'iceulx aigneaux et auquel il dist : 'Je convoite te condouloir (...)' (Colart Mans., Dial. créat. R., 1482, 267)

Or court maintenant la nouvelle, Tant qu'ell[e] est a nous dyvertie, Comme Joseph d'Arimathie L'a despendu furtivement Et mis en ung beau monument, En oingt [l. Enoingt] de mierre et d'alouéz, Et a ses membres autant louéz Qu'il eust fait ung bien notable homme (Myst. Pass. Troyes B., a.1482, 766)

Quant eut ce dit, getta furtivement L'angle de l'oeil pour sa maistresse voir. (Saint-gelais, Eurial. Lucr. R., c.1490, 59)

Remarque : BERS. ds GDC IX, 675c.