OUVERTEMENT

adverbe

[T-L : ovrirovertement ; GD : ouvertement ; GDC : ouvertement ; FEW (XXV, 3a) : aperire ; TLF (XII, 728a) : ouvertement]

A. -Sans dissimulation, ouvertement.

Je les hantay Et de pluseurs poins les temptay, Selonc ce que j'avoie a faire, En celant si bien mon affaire Que j'estoie adès seur ma garde Qu'il ne se donnassent en garde Comment j'estoie talentis Dou savoir ; si qu'un po lentis En enquestant me maintenoie, Par quoy ce que je desiroie Me moustrerent ouvertement, Et je l'apris couvertement ; Car ce qu'il moustroient ouvert, Je l'avoie tantost couvert Soubz une estrange couverture, Non contrestant leur ouverture, Pour ce qu'a leurs mos respondoie Par une moult simplette voie Et d'un parler de tel marrien Qu'il sambloit qu'il ne m'en fust rien. (Mach., D. Aler., a.1349, 245)

...il porront ouvertement Parler entr'eaus de leurs secrez. (Mach., D. Aler., a.1349, 304)

'...Veuilliez savoir par esprouver L'amour qui en mon cuer demeure, Et vous verrés et sans demeure Que dessus toute creature Vous aim d'amour leal et pure.' Quant je l'oÿ si plainement Parler et si ouvertement, Sa douceur fist mon cuer si tendre Que ne me pos onques deffendre Qu'il ne me faillist larmoier (Mach., Voir, 1364, 248)

Mon tresdoulz cuer, vous m'escrivés moult ouvertement et avés tous jours escript ; si ne sai se il est bon que je mette(s) vos lettres en mon livre tout ainsi come elles sont ; si m'en veuilliés mander vostre volenté. (Mach., Voir, 1364, 680)

Autrement nous trebucherons legierement et serions deceuz par l'ennemy qui se mue et transforme, comme dit saint Pol, en l'ange de lumiere, c'est a dire : en samblance de grant bien il cele sa malice, et decoit plus tost et [plus] perilleusement que se il la monstroit ouvertement (Gers., P. Paul, a.1394, 501)

Aussi font les historians se non que ilz comptent plus ouvertement la chose, c'est assavoir que Hercules qui pluseurs foiz en bataille avoit desconfit et vaincu le dit roy Antheus dedans les metes de son royaume et il aprés ses desconfitures refreschissoit son ost de nouveaulx hommes d'armes assamblez de son pays. (Premierfait, Cas nobles hommes G., 1409, 162)

Et, a parler ouvertement, Tout est rompu, c'est a refaire. (CH. D'ORLÉANS, Ball. C., c.1415-1457, 89)

Puis requerés a tous les amoureux Que chascun d'eulx tout ouvertement die Se vous avez riens failly envers eulx (CH. D'ORLÉANS, Songe compl. C., 1437, 101)

A paine la bouche me clost, se ce ne feust la cronicque qui si ouvertement en parle, et meismement d'un chevalier nommé messire Rogier de Mortemer. (Juv. Urs., T. crest., c.1446, 145)

Ce peuple voit qu'il peuent grever leur annemy et estre seigneurs de la mer, a la seureté d'eulz et de leur province, mais il ne leur semble honeste dominer en la mer sy non par ouvertement combattre et subjuguer leur annemy, non pas par bruler la navire ou par aultre subtilité couverte. (Fillastre, Traité Conseil H., c.1472-1473, 215)

Au grand jour, manifestement, clairement.

Et nompourquant, ma dame douce, Que vostres cuers ne se courrouce A moy, nous ferons une chose Ouvertement, nom pas enclose, Ou vostre pais soit contenue, Et m'onneur y soit soustenue. (Mach., J. R. Nav., 1349, 173)

...les diacres lirent ou livre de la Loy distinteement et ouvertement pour entendre, et entendirent lors que on lisoit (Daudin, De la erudition H., c.1360-1380, 21)

Mais une chose trop m'arguë, Qu'entre gent, partout et en rue, Quant vous dites : 'Venés ami', Vous m'appellez vo doulz ami Et volés bien que chascuns sache Que vous m'amés ; dont je me cache, Quant ensement parler vous voi, Que de vo voie me desvoi : Uns biens d'amours couvertement Donnés vault .C. ouvertement. (Mach., Voir, 1364, 256)

Car qui vuet honneur garder Et bonne foy Son anoy Sueffre en recoy, Celeement ; Nompas si ouvertement Souspirer Et dementer Sans nul arroy. (Mach., Les lays, 1377, 440)

Au partement Feru sera appertement De l'aguillon couvertement, Que puis verra ouvertement (Chart., L. Dames, 1416, 256)

Et ainsi clerement et tout ouvertement nous disons que en ceste personne Dieu est tout, auquel le Filz selon son humanité se est offert pour nous (Crap., Cur Deus, De arrha B.H., c.1450-1460, 250)

Sans qu'il y ait de dissimulation, d'obstacle.

Car je n'ay pas la painne desservi Qu'il me convient souffrir et endurer. Elle me fait trambler et tressuer, Taindre, palir, fremir en tressaillant, Quant pour ma mort voy en corps si vaillant Ouvertement, de fait et de pensée, Cuer de marbre couronné d'aïmant, Ourlé de fer, à la pointe asserée. (Mach., L. dames, 1377, 224)

B. -Publiquement, officiellement.

Li roys ne fist pas long detry, Eins manda monsigneur Monstry, Qui de Chypre est ses amiraus. Chevaliers est preus et loiaus, Et homme de très bon affaire. Si dist : 'Amiraus, je vueil faire Une armée priveement, Dont vous serez ouvertement Maistre, capitainne et meneur ; Et n'i ara grant ne meneur Qui n'oubeisse à vostre vueil. De XXV. voiles la vueil, Pour courir sus nos annemis...' (Mach., P. Alex., p.1369, 115)

La fille confessa tout, et dist ouvertement en jugement que... (C.n.n., c.1456-1467, 500)