FRANCHEMENT

adverbe

[T-L : franc1franchement ; GD : franchement ; GDC : franchement ; AND : franchement ; FEW (XV-2, 165b) : frank ; TLF (VIII, 1214b) : franchement]

A. -En pleine franchise, avec exemption de toutes charges.

Vous allez a nostre oncle trestout premierement, Et s'ilz estoient mors a Dieu commandement Vous arés le païs tout quitte franchement (Hern. Beaul. D.B., c.1350-1400, 1)

...car il se puet dire en lamentant que se nous fusmes subgiez a ung tyrant de Lombardie, apres les taillies et imposicions et gabelles paiees, ce qui nous demourroit seroit nostre franchement. (Mézières, Songe vieil pèl. C., t.1, c.1386-1389, 456)

Et je scay bien qu'il [le conte] le vous accordera, car les barons lui conseilleront. Quant il le vous aura accordé, si lui demandez autant de place en ceste roche et en ce desrubant comment un cuir de cerf pourra enclourre, et qu'il le vous donne si franchement que nulz n'y mette ne saiche mettre empeschement de hommage de fief, ne de rente nulle. (Arras, c.1392-1393, 31)

Sans dette, sans rien payer.

MATHATIEL. Franchement, il c'est acquité ; Il s'en peult aller franchement. (Mir. st Nic. juif, c.1480-1500, 133)

Franchement et quittement. Avec exemption de toutes charges, de toutes dettes.

Et lesquèles XIIc L. de rente, mons. le Roy et ses diz successeurs roys de France sera et seront tenuz admortir franchement et quictement toutes (Ch. VI, D., t.1, 1400, 177)

En franchise, avec exemption de charges.

...iceulx VIm frans venans franchement ens pour convertir et emploier ou paiement des gaiges et souldées desdictes IIIIc paies de gens d'armes et de trait (Ecorch. Ch. VII, T., 1445, 41)

B. -Par extension.

1.Librement, en toute liberté.

Je croy qu'oy avez assez Qu'il n'a Crestien en tout le monde, Puis qu'il passe la mer parfonde, Pour faire le très saint voiage Qu'au soudan ne paie trevage : Car de V. florins de Florence Rachete son chief sans dobtance. Li roys molt grant courrous en a : Pour ce fist tant qu'on ordena Que desormais chascuns iroit Franchement et quittes seroit, Mais qu'il heüst lettres de lui N'il n'en vuet excepter nelui, Einsois vuet que chascuns y aille Sans paier ne denier ne maille. (Mach., P. Alex., p.1369, 174)

...rouge mer de sanc (...) Par laquelle touz ceulx de sa partie Fist franchement hors de servage traire (Mir. st J. Paulu, c.1372, 150)

...car selon verité, tout ce depent de la volenté de Dieu franchement sanz ce que il soit aucune neccessité que Il face ou produise telles choses ou ait faites et productes perpetuelment (Oresme, C.M., c.1377, 364)

LE MARQUIS. (...) Car puis que je seray lïez [par le mariage] , Petit avray de bon plaisir. Franchement vif sanz desplaisir, Joyeux de cuer et sanz soussy, Et des que j'avray fait cecy [mariage] Penser et paine me sourdra, Que trop penser me couvendra Pour l'estat ma femme et de moy, Et mon deduit en perderoy, Et me fauldra mes jeux abatre (Gris., 1395, 13)

Car nonobstant l'influence du ciel, nous pouons franchement bien ou mal faire se nous voulons. (Evr. Conty, Harm. sphères H.P.-H., c.1400, 26)

...veue et considerée la confession, simplement, franchement et voluntairement faicte en la presence de VIIJ ou X des seigneurs dudit chapitre (Baye, II, 1411-1417, 250)

...lesdis presidens et conseilliers pourroient en son absence plus franchement deliberer que en sa presence (Fauq., II, 1421-1430, 201)

...et ainssy passa francement par sur le pont qu'il avoit fait, car les anemis ne povoient par sups le feu passer pour assembler a lui. (La Sale, Salade, c.1442-1444, 49)

Et, en faisant par lui ladicte trahison, mist en son appoinctement que ceulx qui estoient audit lieu de Pontoise, de la compaignie dudit Joachin, qui ne vouldroient demourer, s'en yroient franchement eulx et leurs biens saufz. (Roye, Chron. scand., I, 1460-1483, 108)

Et, au regard des gens de guerre, ilz [les rebelles] s'en alerent par ladicte composition franchement et quittement, eulx et leurs biens saufz. (Roye, Chron. scand., II, 1460-1483, 75)

Finablement pour amplement pourvoir A recouvrer ceulx qui estoient leans, Et mesmement pour franchement avoir Sans nul danger, le bon duc d'Orleans, Le bastart Charles et plusieurs gens vaillans (...) Tousjours se tint (...) En Ast, Thurin, Quïers et Moncaillier (La Vigne, V.N., p.1495, 296)

En étant débarrassé d'une obligation.

Confort d'Ami dist doucement : 'Ma dame, je lo vraiement Que vous le mettés a renson Et qu'il en paie une chanson : Rondel, balade ou virelai.' Et elle dist : 'Je veuil un lai, Appellé «Le Lai d'Esperance», Et par ce (l)li ferai quittance, Si se partira franchement, Sans plus avoir d'empe[s]chement.' (Mach., Voir, 1364, 380)

Avec une exemption de punition, en toute impunité.

...s'il voet demorer de ce fait francquement, Je l'en tenray à plaige bien et souffissaument, Et liveray mon corps enviers vous, tellement Que l'avés demandé ychy princypaument (God. Bouillon R.B., t.3, c.1356, 31)

Sans rien exiger en retour.

Et si fait de son cuer present A sa dame et a son present. Cils cuers, a l'eure qu'il li donne Et franchement li abandonne, C'est li gens oiselès petis, Qui est d'eschaufer apetis Celle part ou elle est plus froide. (Mach., D. Aler., a.1349, 287)

Oisel de tel condition, De tel affaire et de tel pris, Norris en ce noble pourpris, Comme j'ay compté ci devant, Comment m'osasse traire avant De demander fiablement Qu'on le me donnast franchement ? Ce fust fort, quant je m'acordasse Qu'en tel point demander l'osasse. (Mach., D. Aler., a.1349, 310)

Or me porroit on demander Par prier ou par commander Comment cel oisel pos avoir, Ou franchement ou pour avoir, S'il me fu vendus ou donnez Ou d'aucun droit abandonnez, Et par quel aquisition J'en fui mis en possession. (Mach., D. Aler., a.1349, 344)

2.Délibérément, de sa propre initiative.

Lequel [Codrus] voult franchement morir pour la salvaçon de son pays (La Sale, Sale D., 1451, 100)

Nettement, sans hésitation, sans obstacle.

Et s'ay cause de penser le contraire De ce qu'il dit ; pour ce ne say que faire. Or soit einsi come Dieu l'a ordonné [lire Or soit einsi com Dieu l'a ordonné (et non : einsi come)] ; Mais je vous ay si franchement donné Moy et m'amour que c'est sans departir. (Mach., Compl., 1340-1377, 255)

Ly dus cuyda passer à ce cop franquement Mais Huon du martiel le fery serément, Deseure le visiere l'asena laidement (Hugues Capet L., c.1358, 157)

Et celui qui est contemptif monstre franchement tout sa volenté. (Oresme, E.A., c.1370, 255)

...Et sachiés bien que j'aim si sans trichier, Car je sui cilz qui onques ne faussay N'onques nul jour A fausser ne pensay. Car vous m'avés si franchement saisy, Pris et espris et mis en vo dangier Qu'à riens qui soit ne me doing ne ottri Fors à vous seul que j'aim sans delaissier. (Mach., L. dames, 1377, 142)

Si que tout premierement Vueil devotement Loer humblement Et mercier hautement Amours en mon lay, Quant elle m'a franchement, Sans departement, Donné ligement Pour ma dame loyaument Servir de cuer vray. (Mach., Les lays, 1377, 331)

...par mi les batailles menerrent franchement L'empereur prisonnier a Dagoubert le gent, Qui avoit fait sez hommes rengier joliement Pour Louïs secourir et pour aidier sa gent. (Cip. Vignevaux W., p.1400, 71)

Dont se part franquement, point ne fu esbahis. (Geste ducs Bourg. K., c.1410-1419, 308)

Ces fais soient mandés du roi principaument À tous rois crestiens de ci en Occident, Et par lettres patentes, en senefiement De ciertaine mémore, à tous jours franquement. (Geste ducs Bourg. K., c.1410-1419, 330)

JOSEPH. (...) O vouloir de vierge bien mis, Constante de cueur affermé, Secret en fin fermal fermé, Fermeture fermement faicte, Forte foy franchement perfecte Pour tous divins secretz celler, Devers elle m'en veuls aler La visiter par bon affaire. (Myst. Pass. Troyes B., a.1482, 183)

Spontanément.

Certes, et je fais mon deü, Car j'ai moult bien aperceü Que de mort m'avez re[s]pité Franchement, sans avoir treü ; Qu'a ce faire a Amours meü Vo gentil cuer plain de pité. (Mach., Voir, 1364, 204)

Et vraiement plus chier aroie Un bien, se dignes en estoie, Qui me fust donnés franchement, De cuer et amoureusement, Que toute joie ne feroie D'amour se je la demandoie. (Mach., Voir, 1364, 252)

Libéralement.

Si tost conme je la verray [aumosne], De vin franchement vous donrray Plaine une quarte. (Mir. Pierre Changeur, c.1378, 235)

C. -[Idée de noblesse (parce qu'elle implique la condition libre) et qualités associées à la noblesse (noblesse de coeur, libéralité, loyauté, sincérité...)]

1.Noblement.

Puis que Dieu (...) Le vous pardonne franchement, Aussi fas je (Mir. st J. Paulu, c.1372, 135)

A la manière d'un homme libre et noble.

Guy de Blois (...) s'estoit delivrés franchement d'Engleterre ; car, quant il perchut que li rois de France, pour qui il estoit là hostagiiers, ne le deliveroit pas, il fist trettier devers le signeur de Couci qui avoit à femme le fille dou roy d'Engleterre. (Froiss., Chron. L., VII, c.1375-1400, 100)

Et sieuirent toutes les banières dou roi dan Jehan de Castille, qui s'en vint logier francement à deus petites lieues de Badeloce et des plains de Elvès. (Froiss., Chron. R., X, c.1375-1400, 194)

2.Sans hésitation, avec vaillance, courageusement.

Messires Eustasses et se route attendirent celle bataille franchement et le recueillièrent as fers des glaves, telement que onques li François ne le peurent brisier ne entrer. (Froiss., Chron. L., V, c.1375-1400, 168)

...les Englès (...) se tenoient francement sus leur pas et n'estoient de riens effraé, comment qu'il fuissent un petit ou regard des François. (Froiss., Chron. L., VII, c.1375-1400, 200)

Quant ces nouvelles vindrent en Audenarde de par Phelippe d'Artevelle (...) n'i estoient que les trois chevaliers dessus nommés, qui respondirent franchement que il ne faisoient compte des menaches d'un varlet, fils d'un brasseur de miel. (Froiss., Chron. R., X, c.1375-1400, 242)

...souvenant du saint sacrement dessusdit [le baptême] , me suis hardyment defendu et franchement eschappé (C.n.n., c.1456-1467, 430)

Ledit Ravyneau, soy voiant ainsi frappé par ledit Pasquier dudit baston (...) pour soy deffendre, sans ce qu'il eust verge ne baston (...) vint franchement contre ledit Pasquier et luy osta ung cousteau qu'il avoit emblé (Doc. Poitou G., t.11, 1474, 458)

3.Sincèrement, loyalement, sans dissimulation, sans ambiguïté ni hypocrisie.

Vueil liement, Joliement Et gaiement, En ma dame amer loyaument User toute ma vie Si franchement, Que vraiement, Se j'ay tourment, Aligement N'en vueil, fors souffrir humblement Ma douce maladie. (Mach., R. Fort., c.1341, 23)

Car ma dame m'estoit piteuse Et me promettoit franchement Joie, paix et alligement Par vraie et juste experience. (Mach., Voir, 1364, 320)

...leurs sires (...) disoit franchement que jà n'aroit à femme la fille de celi qui li avoit mort son père. (Froiss., Chron. L., IV, c.1375-1400, 32)

...lors jones sires, Lois de Male (...) disoit francement que ja n'averoit a fenme le fille de celi qui li avoit mort son pere. (Froiss., Chron. D., p.1400, 797)

...et lors chascun se retraira par amours ou par crainte ; et se aucum desordonné ne s'en retraioit, a cellui le bon seigneur doit francement remonstrer que nul malfaire ne luy plaist (La Sale, Salade, c.1442-1444, 19)

Loyalement.

...si vous tenons à moult vaillant et à très sage, quant si francement en vos traitiés vous vous estes toudis tenus, car nul samblant n'en avés fait ne monstré. (Froiss., Chron. R., X, c.1375-1400, 125)

'Et laissiés de par vous de cascun village deus ou trois hommes, et je leur ferai escripte à pooir lettres et seeler de mon seel, que il en reporteront avoec euls quitement, liegement et francement tout ce que vous demandés.' (Froiss., Chron. R., X, c.1375-1400, 112)

'Item (...) ordonnons que tous ceulx qui (...) ont esté banit (...) soient remis et restitués francement as villes et lieux desquels il ont esté banis.' (Froiss., Chron. R., XI, c.1375-1400, 301)

JUDAS. (...) Dictes moy combien me donrés De finance, franc et delivre, Ou cas que se Jhesus vous livre Franchement a vostre vouloir. (Myst. Pass. Troyes B., a.1482, 623)