FERMER

verbe

[T-L : fermer ; GD : fermer ; GDC : fermer ; AND : fermer2 ; DECT : fermer ; FEW (III, 569b) : firmare ; TLF (VIII, 768a) : fermer]

I. -Au propre.

A. -Rendre ferme, solide.

1.Attacher par des liens, fixer qqc. (qq. part).

Leurs pendans [des escharboucles] sont fermez a boucles Bonnes et fors. (Mir. pape, 1346, 397)

Ungs esperons dorés va en ses piés fermant (Tristan Nant. S., c.1350, 231)

Mais nompourquant il commanda A ses menistres, qu'il manda, Qu'une robe ait d'or et de pourpre Daniel, a li toute propre, Et qu'a la guise de Caldee Soit la tortice d'or fermee En son col, et qu'il soit li tiers De son regne. (Mach., C. ami, 1357, 34)

D'asur fin [elle] ot un chaperon, Qui fu semés tout environ De vers et jolis papegaus, Eslevés et tous parigaus ; Mais chascuns a son col fermee Avoit une escherpe azuree, Et toute droite la blanche ele ; Et leur contenance estoit tele Que li uns devant li regarde L'autre derrier qui fait la garde (Mach., Voir, 1364, 214)

...il qui parle desseingny sondit gueulle et le mist sur la table, pour y mettre l'argent que ledit prisonnier tenoit en sa main, et y fu mis ; et, après, ledit prisonnier ferma ledit gueulle et le seint sur ses rains, dont il qui parle lui dist que il vouloit porter sondit gueulle (Reg. crim. Chât., I, 1389-1392, 557)

Atant luy vat l'escut fermeir a coul. (JEAN D'OUTREM., Myr. histors G., a.1400, 40)

Attacher, fixer en rapprochant les bords.

...et avoient chascun une aumusse sur couleur violete ; et fermoient leurs chapperons soubz la gorge (Reg. crim. Chât., I, 1389-1392, 433)

MARINE Fermer un bateau. Amarrer un bateau.

...pour avoir prins 2 grans pierres estant au coing de la rue de la Mortellerie et menés en la place de Greve, sur le cay, pour asseoir les anneaux de fer pour fermer les bateaulx (Comptes Paris M., t.2, 1473-1474, 351)

Ficher qqc. qq. part.

...le glaive de cellui qui a luy avoit jousté estoit fremé en terre (Percef. I, T., c.1450 [c.1340], 372)

2.Fortifier, entourer, enclore (un lieu, une ville).

...Les cités que il a fremées (Renart contref. R.L., t.1, 1328-1342, 169)

'...Et eu païs qui est entour Il n'i a forteresce entour, Deffence ne ville fermée, Pour tenir contre vostre armée. Je ne vous en say plus que dire.' Et li roy commensa à rire, Qui moult volentiers l'escouta, Et sus son chevés s'acouta, Et li dist : 'C'est fort chose à faire, Que ville de si grant affaire, Et fermée si richement, Soit prise si legierement, Mesmement de gent si petite, Comment qu'il soient tuit d'eslite...' (Mach., P. Alex., p.1369, 63)

Nous avons pris ceste cité Maugré eaus et contre leur gré, Et si les avons desconfis, Chaciez hors, navrez et occis Tant qu'elle nous est demourée Fort et seüre et bien fermée ; Et s'est plus fort chose dou prendre Mil fois que ce n'est dou deffendre. (Mach., P. Alex., p.1369, 104)

Eu my lieu a IJ. montaingnettes Qui sont rondes et hautelettes, Dont seur l'une a un chastelet Qui n'i est messéant ne let ; Maisonnez sont toutes entour, Et tient bien IIJ. lieues de tour. Mervilleusement est pueplée De gens, et si n'est pas fermée [la ville de Tripoli] . Li lieus d'entour est odorans, Par tout, est si souef flairans Qu'il samble à tous, n'en doutez mie, Qu'on soit en une espisserie Pour les fruis et pour les jardins, Plantés de mains de Sarrazins. (Mach., P. Alex., p.1369, 210)

Villes ferma, de son peuple fut maistre (Desch., Oeuvres Q., t.5, c.1370-1407, 189)

...mais ilz ne porent entrer en icellui monstier, pour ce qu'il estoit fermé bien et fort (Reg. crim. Chât., II, 1389-1392, 237)

...son chastel en Vignevaux fermé (Cip. Vignevaux W., p.1400, 18)

Fermé de

Et pour ce leurs entrées clorent ; La ville fu de murs fremée. (Renart contref. R.L., t.1, 1328-1342, 86)

Sire, Alixandre est une ville Qui tient de tour plus de X. mille, Car elle est grant et plate et lée, De tours et de haus murs fermée ; Et si a à chascune porte Bonnes tours, dont elle est plus forte ; Environnée est de fossez Grans, larges et parfons assez. (Mach., P. Alex., p.1369, 61)

Huit jours entiers y sejournerent, Et en la ville se jouerent, Qui estoit grant et longue et lée, De tours et de murs bien fermée. (Mach., P. Alex., p.1369, 189)

...la cité (...) estoit fermee de murs tout entour. (JEAN D'OUTREM., Myr. histors G., a.1400, 62)

Cité / ville fermee. Ville fortifiée.

A une ville vint qui pas n'estoit fermee (Lion Bourges K.P.F., c.1350, 142)

Or furent en Vïenne la ville bien fermee (Hern. Beaul. D.B., c.1350-1400, 11)

...les bonnes villes fermées (Doc. Poitou G., t.4, 1369, 3)

...pour les gardes des villes de Maisieres et de Warc et de Donchery sur Meuse, qui sont villes fermées sur frontiere, et sont clefs de nostredit royaulme (Trés. Reth. S.L., t.2, 1405, 515)

...et plus hardiement ilz envayroient les autres bonnes villes et citez fermées et villes champestres et chasteaulx de nostredit royaume (Doc. 1416. In : MONSTRELET, Chron. D.-A., t.3, c.1425-1440, 156)

Après lequel mandement dessusdit, firent en ycelle ville de Gand et en leur chastelenie moult grand appareil de guerre. Et sçavoient toutes les villes fermées et les villages combien qu 'ilz debvoient livrer de gens pour accomplir le nombre de dix sept mille hommes (Monstrelet, Chron. D.-A., t.5, c.1444-1453, 232-233)

Brief tu morras en ta cité fermee (Molinet, Faictz Dictz D., 1467-1506, 581)

[Une armée] Entourer, protéger.

...et se retira atout ses gens au plus près dudit Fourmigni, affin de mieulx estre fermé au dos, en les remettant en belle ordonnance sur l'esle du costé du pont par où les Franchois devoient passer (Escouchy, Chron. B., t.1, c.1453-1460, 283-284)

...furent les quatre batailles fermées de bonnes gens de guerre (Lefèvre St-rémy, Chron. M., t.2, c.1462-1468, 184)

(Se) fermer

Aprés chascun se va armer, Monter et par ordre fermer Encontre ceulx de Barbarie. (Vie st Eust. 2 P., c.1400-1450, 216)

Fermer un siege. Fortifier le siège d'une cité en l'entourant.

...et assiégèrent la ville et l'évesque dedans ; et fremèrent leur siége bien et puissamment (Chastell., Chron. K., t.5, c.1456-1471, 316)

Et, après ce, assiégèrent la ville de Harfleu, qui estoit la clef de la mer de toute Normendie et fermèrent le siège (Lefèvre St-rémy, Chron. M., t.1, c.1462-1468, 225)

[D'un élément naturel] Entourer.

...Prelaz, moinnes et clers et lais, Brief et de tous autres estas, Venoient cëans a grans tas Pour eaus soulacier et esbatre, Car chascuns s'i pooit embatre, Eins que cils vergiers fust fermez De la riviere et enfermez, Pour la trés grant joliveté Qu'on y trueve yver et esté. (Mach., D. Lyon, 1342, 191)

[Contexte métaph.] Fortifier, protéger.

Il dehut la fontenne fermer De la vertu, de veritey, Affin qu'elle ne fut troblee. (Dupin, Mélanc. L., c.1324-1340, 46)

3.Asseoir solidement sur des fondations, construire.

Sire, les filz Aymon ont .J. tour fermee Desus une grant roche (Renaut Mont. B.N. V., c.1350-1400, 214)

Frater qui adjuvatur a fratre quasi civitas firma (...). Frére qui est aidié de frére est conme une cité bien fermée (Mir. st Val., c.1367, 121)

Ephese, en Aise, elles fonderent, Et autres chasteaulx y fermerent (Chr. Piz., M.F., III, 1400-1403, 11)

B. -Clore (ce qui est ouvert) ; enfermer qqn ou qqc..

1.Clore (ce qui est ouvert).

a)Emploi transitif.

Fermer l'huis / une porte. Fixer l'élément mobile de la fermeture d'une porte afin d'en interdire l'ouverture.

...a touzjours mais Me seront les portes fermées Des cieulx (Mir. pape, 1346, 373)

...ceulx de dedens avoient jà fermé les portes (Le Bel, Chron. V.D., t.1, 1358, 285)

Il ot grant meslée à la porte, Qui estoit grant et large et forte, Que li Sarrazin la voloient Clorre et fermer ; mais ne pooient, Car il y avoit tant de mors, Qu'il ne marchoient que sus corps, Qui gisoient gueule baée, L'un jus, l'autre droit à l'entrée. (Mach., P. Alex., p.1369, 77)

Li bons rois a pris son retour, Et voloit aler tout entour La ville, pour faire fermer Les portes que ne say nomer. Mais celles sont, ce m'est avis, Qui sont devers ses anemis. (Mach., P. Alex., p.1369, 93)

...Moult en ocient et mehaingnent, Et tant ont fait qu'il se sont trais A la porte parmi leurs trais, Et que la porte ont conquestée Par vive force et bien fermée, Maugré toute la compaingnie Des Sarrazins, que Dieus maudie. (Mach., P. Alex., p.1369, 94)

Et [aucunes significacions] sont de diverses raisons et especes, si comme par equivocacion l'en appele clef un membre qui est ou col d'une beste et appelle l'en clef ce a quoy l'en ferme les huis. (Oresme, E.A., c.1370, 277)

A la clef vueil fermer cest huis. (Mir. Rob. Dyable, c.1375, 32)

... [il] advisa la maniere comment l'en fermoit et ouvroit l'uys de la chambre d'icelle dame, ouquel avoit un grant huys (...) et lequel grant huys tenoit à une barre de boys que l'en reculoit dedens le mur quant l'en le vouloit ouvrir. (Reg. crim. Chât., I, 1389-1392, 32)

...il (...) vint à l'uys petit de la chambre d'icelle dame, qu'il trouva fermé, et aussi le grant huys ; la barre duquel huys il recula à la pointe de sa dague, entra en ycelle chambre (Reg. crim. Chât., I, 1389-1392, 32)

...ycelli Berthaut se bouta en l'ostel de Jehan Bertram, près de ladite chappelle de la Roe, ferma l'uis sur lui au corail (Reg. crim. Chât., I, 1389-1392, 502)

Lors yst hors et tyre les huys, et les ferme bien et fort (Arras, c.1392-1393, 251)

Il vit, ce disoit il, apparoir, presentement et visiblement, devant son lit une serpente, grande et grosse merveilleusement, et estoit la queue longue de VIJ. a VIIJ. piez, burlee d'azur et d'argent. Et ne scot oncques par ou elle entra, et estoient tous les huiz fermez et barrez. (Arras, c.1392-1393, 308)

...et furent moult espoventez et se retrahirent les pluiseurs en leurs maisons et fermerent leurs huys. (Fauq., II, 1421-1430, 323)

Lors Saintré se part et aprés lui Madame tout coyement ferma la porte, puis s'en ala dormir. (La Sale, J.S., 1456, 66)

Ilz entrerent dedans, et l'oste ferma l'huys (C.n.n., c.1456-1467, 220)

...[il] regarda a l'huys pour veoir s'il y pourroit entrer ; mais encores le trouva il fermé. [Un homme veut entrer dans un 'ostel'] (C.n.n., c.1456-1467, 379)

...si tost qu'il fut hors de sa porte, elle la ferma et tous les huys de sa maison. (C.n.n., c.1456-1467, 442)

...et enfin les François par eschelles monteront dedans la bastille et tueront les Anglois reservé que plusieurs se retrayeront en la ville dudit Meung et fermeront leurs portes sur eulx. (Myst. siège Orléans H., c.1480-1500, 594)

[Dans un cont. métaph.]

Et se Desirs, qui point ne m'entreporte, Et Fortune, qui maint cuer desconforte, Devant mes yeus me fermoient la porte D'envoiseüre, Comment qu'amours soit en moy ferme et forte, Plus ne seroit Dous Pensers de ma sorte, Et si seroit tost l'Esperence morte, Qui m'asseüre. (Mach., Compl., 1340-1377, 259)

[Un espace qui comporte une porte, une ouverture]

La chambre fut fermée (C.n.n., c.1456-1467, 552)

Fermer un lieu à qqn. Barrer un lieu à qqn, interdire à qqn l'accès à un lieu.

A vous n'est riens fermé (Jehan de Paris W., 1494-1495, 72)

[Un meuble, un bijou... qui s'ouvre]

...ung joyau fermant à deux elles, où dedens est Nostre Seigneur yssant du sépulcre, et sur lesdictes deux elles ou porte sont deux saphirs (Invent. mobilier Ch. V, L., 1379, 277)

Lequel qui parle, veant que ledit coffre n'estoit point fermé, se releva de nuit du lit où il estoit couché, pour venir à icellui coffre, ouquel coffre il print ledit drappelet noué (Reg. crim. Chât., I, 1389-1392, 91)

Item, une chaire à doz, quarrée, fermant à clef (Invent. N. Baye T., 1419, LV)

...le bahu fut fermé (C.n.n., c.1456-1467, 185)

[Une lettre] Clore par une attache.

Et en sa main li vi tenir Une lettre close et fermee De cyre vert bien seellee (Mach., Voir, 1364, 68)

Et frema tout a son devoir [une lettre] Et seela (Froiss., Méliad. L., t.2, 1373-1388, 12)

...[elle] prend sa lettre qu'elle avoit bien close et fermée et la bouta en la manche du pourpoint (C.n.n., c.1456-1467, 180)

[Une plaie]

...est l'apostume fermee (Saint-gille, Comment. A.Y. L., 1362-1365, 280)

Proverbe.

Beaulx seigneurs, vous povez assez appercevoir que, au long aler, nous ne povons contrester a la puissance de cestui. Pour quoy, s'il vous semble bon, il me semble que il seroit bon pourveoir de remede aincois tost que tart, car l'estable est bien fermee a point avant que le cheval soit perdu. (Arras, c.1392-1393, 148)

...et me puis comparer a celui qui freume l'estable quant on lui a emblé son cheval (Percef. III, R., t.2, c.1450 [c.1340], 212)

Par extension. Clore, arrêter (une action).

...ains me convint neccessairement fermer mon escripture (Michault, Doctr. temps prés., 1466. In : Chrestom. R., 198)

b)Emploi intransitif ou pronominal. Pouvoir être clos.

...un petit guichet qui fermoit à ressort (Reg. crim. Chât., I, 1389-1392, 32)

Ce vaillant homme monta en ce colombier, qui se fermoit pardehors a clef (C.n.n., c.1456-1467, 510)

Participe présent en emploi adjectival. Fermant. Qui peut être clos.

...on lui ferme la porte, qui est de fer fermant a grosses barres (Quinze joies mar. R., c.1390-1410, 1)

...une huche fermant a la clef (Ménagier Paris B.F., c.1392-1394, 187)

...et IIJ seaulx qui furent audit feu arcevesque, pesans un marc IIJ onces V esterlins, estans en un coffret de cuir fermant seellé du signet de feu messire Pierre d'Orgemont (Baye, I, 1400-1410, 325)

c)Priver (un lieu) de communication avec l'extérieur.

...Et quant li traïtre verroient Que Crestien asseür seroient, Garder feroient et fermer Tous les pors qu'il ont sus la mer, Si qu'à un jour et à une heure, Les penroient tous sans demeure, Ne jamais d'eaus n'eschaperoient, Ainçois tous les decoperoient, S'arient les corps et la chevanse. (Mach., P. Alex., p.1369, 184)

Participe passé en emploi adjectival. [D'un lieu] Privé de communication avec l'extérieur.

Dame, cy vous convient aprendre Et savoir qu'est prison fermée. (Mir. marq. Gaudine, 1350, 139)

...car je feroye villenie de vous mettre en prison fermee (Arras, c.1392-1393, 164)

...et se tendra ladicte Jehanne en leur hostel en une chambre fermée sans yssir hors dudit hostel (Fauq., I, 1417-1420, 159)

...et imposons silence perpetuel à notre procureur parmy ce qu'il paiera cent solz parisis à l'Ostel-Dieu de Paris et tendra prison fermée XV jours au pain et à l'eaue. (Paris domin. angl. L., 1420, 4)

Et avec ce la Court, considerée sa povreté, le condempne à tenir prison fermée par l'espace d'un mois au pain et à l'eaue (Fauq., II, 1421-1430, 309)

Il sera XV jours prisonnier au pain et a l'eaue en prison fermée (Rouen temps Jeanne d'Arc L., 1433, 257)

Remarque : GD III, 761b, traduit prison fermee par 'citadelle'.

2.Fermer qqn / qqc. qq. part. Enfermer qqn ou qqc. qq. part.

...ton corps, que mout prison, Ay ou saint sepulcre fermé. (Gréban, Pass. J., c.1450, 396)

...ilz vouloient avoir la ribauldelle qu'il tenoit fermée en sa chambre (C.n.n., c.1456-1467, 550)

Dont pour ce faire fut mis le corps a l'entree de son logis, lequel avoit esté embaulmé, ouvert et mis en tel et semblable estat qu'il est requis en l'office royalle, bien clos et fermé dedens ung beau cercueil de plomb (La Vigne, V.N., p.1495, 310)

[P. métaph. ou dans un cont. métaph.]

'Amours, Amours, quel part iray ? De ci ne me departiray, Se sache je quel part ira, Quant de la se departira.' Quant cils pensers fu affermez Et dedens mon cuer bien fermez, Je dis en moy : 'Ho la !' tout coy, Et puis m'assis en un recoy, Pour cel esprivier espier Qui bel se savoit cointier, Pour vëoir quel part il iroit... (Mach., D. Aler., a.1349, 260)

Et il leur dist qu'elle morroit : 'Je n'y puis vëoir nul retour. Ses cuers est fermez en la tour D'Amours, sous la clef de Tristesse, Ou elle sueffre grant destresse, Si que morir la couvenra Briefment ; ja n'en eschapera...' (Mach., J. R. Nav., 1349, 205)

Je li dis que je le feroie Moult volentiers et que grant joie Avoie de ceste requeste, Car fermé avoie en ma teste Que compaingnie li feïsse Et qu'a li le congié preïsse. (Mach., F. am., c.1361, 242)

Tenir qqn fermé qq. part

Si ne vaus depuis aourer Sa belle ymage, ainçois l'ostai De mon chevés et la boutai Et mis en un petit coffret Qui dedens un plus grant coffre est. La est encore et y sera, N'a piece mais n'en partira, Ains la tenrai en ma prison Fermee, pour la mesprison Que ma dame ha fait envers mi Quant elle ha fait nouvel ami (Mach., Voir, 1364, 668)

Emploi pronominal. S'enfermer.

Se fermer en son harnois. Revêtir son armure.

J'ay dedans le cueur tout vercy [l. nercy] Que je ne suis pieça armé Et dedans mon harnois fermé Affin de leur porter grevance. (Myst. st Laur. S.W., 1499, 138)

Chascun en son harnois se ferme. Mes chers amys, je vous en prie. (Myst. st Laur. S.W., 1499, 145)

II. -Au figuré. Rendre ferme (au fig.).

A. -Fixer, affermir qqc..

...celle ou mon cuer fu fermé (Cent ball. R., c.1388-1396, 35)

Si fault que fermes Ton appetit et a Raison conformes. (Meschin., Lun. princes M.-G., c.1461-1465, 90)

...mes preschemens, Qui sont de verité fermés (Michel, Myst. Pass. J., 1486, 79)

Fermer qqc. (d'abstr.) qq. part. Fixer, attacher qqc. qq. part.

Mais riens n'est a Dieu impossible Ne fort a faire, car il puet Faire en tous cas tout ce qu'il vuet, N'onques homs si desconfortez Ne fu, qui ne fust confortez, S'il ot son cuer et sa pensee A li dou tout jointe et fermee [var. et sarree] . (Mach., C. ami, 1357, 59)

Quant il oy ceste parole, Qui fu clere, sans parabole, Quatre fois ou V. repetée, Dedens son cuer fu si fermée, Et par tel guise le nota, Qu'onques puis il ne l'en osta. (Mach., P. Alex., p.1369, 10)

Pour vo depart est mes cuers douloureux Qui au vostre est parfaitement fermé (Desch., Oeuvres Q., t.3, c.1370-1407, 348)

Ferme Sire, je te pri, mon cuer en ta timour (Gast. Phébus, Livre oraisons T., c.1380-1383, 38)

Doulce Pensée (...) dedens moy fu si fermée Qu[e]... (Cent ball. R., c.1388-1396, 3)

Fermer qqc. (d'abstr.) en qqn. Fixer, attacher qqc. en qqn.

...et soit nostre amour Fermée en Dieu, joyeuse et liée (Mir. st Lor., 1380, 174)

...toute son esperance a fermee en Dieu (Internele consol. P., 1447, 111)

Fermés vous cueur en Jhesus Crist. Ne vous chaillie de ceste vie Qui est tant de corte duree. Se n'est qu'ung petit de fumee, Qui passe comme la rousee, Devant la challeur du souleil. (Myst. st Sébast. M., c.1450-1500, 110)

Fermer qqc. (d'abstr.) à qqn. Charger qqn de qqc., imposer qqc. à qqn.

Si vous pri qu'absolz soie a ferme, Et que tel charge me fermez De penitance qu'affermez Ressoie a la paix du vray juge (Mir. parr., 1356, 33)

Fermer qqn à / en qqc. (d'abstr.). Attacher, enfermer, affermir qqn dans.

...il leur montrast sa puissance et qu'il estoit vray Dieu, pour tousjours les fermer plus en l'amour de soy. (Courtecuisse, Serm. D., 1397-1418, 205)

Char corrompue en mal me ferme. (Coeur sens M., a.1433, 80)

Voicy bien motz pour moy fermer En desesperance mortelle. (Gréban, Pass. J., c.1450, 166)

Priés le benoist Sainct Esprit Que tousjours en grace vous ferme (Michel, Myst. Pass. J., 1486, 210)

A ceste foy tu m'as fermé A ton voloir, non pas au mien. (Prisonn. desconf. C., c.1488-1489, 39)

Fermer à qqn l'ordre de chevalerie. Attacher, attribuer à qqn l'ordre de chevalerie.

...quant il eut son bras levé pour fermer au damoisel l'ordre de chevallerie... (Percef. Compl. R., c.1450 [c.1340], 335)

[D'une chose abstr.] Se fermer à. Se fixer, s'attacher solidement à.

Si vueil faire un po d'argument Qui vous moustrera vivement Comment m'entente prouveray Dou droit que pour moy trouveray. Quant deus causes sont assamblées Qui se sont a un corps fermées, Celle qui vient premierement, Elle attrait le commencement Dès ce point par la premerainne, Pour ce que c'est la souvereinne... (Mach., J. R. Nav., 1349, 228)

...mon vueil a mon dit est fermez (Lannoy, WERCHIN, Ball. P., 1404, 338)

Se fermer ensemble. Se fixer.

....leurs amours se fermerent ensemble (Beufves Hant. I., c.1499-1503, 68)

(Se) fermer en qqn. S'appuyer sur qqn.

Pour ce se deveroit l'omme totalement fermer en Dieu (Internele consol. P., 1447, 298)

...se vous mectez sur luy ['en Dieu'] tout vostre affaire nul qui vive n'aura povoir de vous grever. Fermez doncques en luy et actachiez en vostre esperance et vostre courage et il vous aura tantost délivrée et garantie de ceste honte. (Miélot, Mir. N.D. L., 1456, 116)

B. -Fonder, bâtir (une argumentation).

...maintes fois disoie Qu'aussi grant dame ou plus estoie Conme la mére au doulx Jhesu Et fermoie ainsi mon argu : Elle n'a c'un filz qui est Dieux ; Le pape est l'un de mes troys fieux, Dont est il Dieu conme le sien (Mir. mère pape, c.1355, 355)

C. -Conclure qqc., décider fermement qqc., garantir qqc..

1.Conclure (un accord, une convention, une alliance...).

Saint pére, pour le convenant Que par parole vous ay fait Fermer et acomplir de fait Icy revien. (Mir. pape, 1346, 360)

...lez labeurs et lez angoises que tu portes jour et nuit et sueffres, lez conseulx que tu assemblez, lez aliances que tu fermes, lez amitiés que tu acquiers (Songe verg. S., t.1, 1378, 6)

Le XIIIIe jour, Madame fu au palays et y disna et là fu fermé, present le Pape, le traitié avec le conte de Geneve et fu juré tenir secret sur le messel que tenoit le Pape, et puis par li sentence de excomunicacion fulminée (Le Fèvre, Journ. M., c.1380-1390, 495)

Ainsy fut fait l'acort et fermeit. (JEAN D'OUTREM., Myr. histors G., a.1400, 102)

...et moyennans les mariages concluz, accordez et fermez entre nous (Fauq., II, 1421-1430, 94)

Fermer la paix. Conclure la paix.

Si alez avant pour fermer entre vous et lui la paix. (Percef. IV, R., c.1450 [c.1340], 1089)

Fermer qqn. Conclure un accord de mariage avec qqn, se fiancer avec qqn.

...ledit Hallé et autres ses compaignons (...) le contraingnirent a convenancier et fermer par mariage icelle Yolete, et fist l'un d'iceulx brigans lesdictes convenances et fermailles. (Chancell. Henri VI, L., t.1, 1426, 343)

Participe passé. Solide, définitif.

...le jeudi d'après Pasques et jours ensuians, ilz retourneront ceans pour deliberer plus plainement et prendre conclusion fermée sur ceste matiere. (Fauq., III, 1431-1435, 54)

2.Décider fermement qqc., garantir qqc..

Décider, confirmer qqc..

...qui ferma La fausse trayson dont la mort endura (Lion Bourges K.P.F., c.1350, 1028)

S'il y avoit jouste fermee, Il estoit le premier en armes (Vie st Eust. 2 P., c.1400-1450, 192)

Si fortes opposicions Furent par les Juïfz fermees (...) Que... (Gréban, Pass. J., c.1450, 367)

Adont tendit le Liepart son gaige au roy et frema la bataille (Livre bêtes L., c.1450-1500, 128)

...et si fut icelle privation depuis fermée par decret perpetuel du pappe Ignocent tiers (Droiz Cour. Fr. H., 1460, 453)

Fermer (de) + inf. Décider de, garantir de.

...qui peult estre qui ce at fermeit de faire estour ? (JEAN D'OUTREM., Myr. histors G., a.1400, 193)

...quant il m'aura fermé d'acomplir ma dessus dicte emprinse (Werchin, Corresp. G.-W., 1402-1409, 144)

Pour ce, je me conclus et ferme Prier Dieu, mon pere, pour vous (Michel, Myst. Pass. J., 1486, 273)

Fermer + prop. inf. Garantir que.

...deux autres des juréz de la commune, lesquelx le maieur aura fermé par son serement estre loyaux (Cout. bourg. glosé P.M., c.1380-1400, 23)

Fermer que. Garantir comme vrai que, affirmer avec force que.

PRINCE D'ANTHIOCHE. (Nota qu'il fault ung harnoys.) Veez en cy ung, tel que je fermeré, Qu'en ce pays, tant soit il long et large, N'a son pareil (La Vigne, S.M., 1496, 174)

Décider que, garantir que.

...en l'estroit secré du consire Divin fu fermé et escript Que Dieu seroit et homme et Crist (Mir. mère pape, c.1355, 375)

Se fermer. Se décider.

...pour nulle rien qui advenir pust, ne se fermeroit contraire, ce dist, de son oncle (Chastell., Chron. K., t.3, c.1456-1471, 440)

Se fermer à / de + inf.. S'attacher à, se décider à.

Mon cueur se ferme a dame pourveoir (Lannoy, WERCHIN, Ball. P., 1404, 329)

Le cueur de l'enffant s'est fermé A Dieu servir et honnorer. (Du Prier, Roy Adv. M., 1455, 7)

Lucresse (...), aprés qu'elle fut vyollee par Tarquin, filz du roy de Romme, se ferma [var. se delibera et ferma] de non plus vivre en celle honte (La Marche, Triumphe dames K.-B., p.1488, 13)

D. -Conforter, affermir (une attitude, un sentiment...).

Et fut dit premierement que l'amour et union qui doit estre entre nosdis seigneurs d'une part et d'autre seroit là fermée et fortifiée par seremens, par lettres et par toutes autres meilleurs manieres que fere se pourroit. (Baye, II, 1411-1417, 121)

...[elle] print asseurance, en fermant et appuyant son courage de constance. (C.n.n., c.1456-1467, 564)

Emploi pronominal réfléchi. Se fermer. S'assurer, s'affermir (dans un comportement, dans un sentiment...).

...il s'est fermé en la ruse que d'estre confessé (C.n.n., c.1456-1467, 61)

...il se ferma a son courage, et resolut que les villains n'aroient ja joissance de la pucelle (C.n.n., c.1456-1467, 551)

Estre fermé en qqc. Être résolu en qqc..

...ceulx qui obeissent aux deux contendans sont si fort fermez en leurs opinions qu[e]... (Vote soustr. obédience M.P., 1398, 54)

Or ça, m'amye, estez vous en ce fermée et conclue que de rien faire pour moy...? (C.n.n., c.1456-1467, 294)

Participe passé. Décidé, déterminé, ferme.

Si l'aymeray d'amours fermee (Lannoy, WERCHIN, Ball. P., 1404, 353)

Si actendy a pié fermé Long temps et aprés m'enfumé De ce qu'on me laissoit seulet. (Hautev., Conf. Test. am. tresp. B., c.1441-1447, 36)

Je croy de voulenté fermee Que Jhesus... (Gréban, Pass. J., c.1450, 159)

Et est ma voulenté fermee De servir Dieu dorenavant. (Gréban, Pass. J., c.1450, 184)

...tant de menasses fermees (Gréban, Pass. J., c.1450, 367)

J'ai grant vouloir d'aler au lieu, Et mon ame y est sy fermee Que ne peut estre deffermee. (Myst. Pass. Troyes B., a.1482, 323)

...Par penitence bien fermee (Michel, Myst. Pass. J., 1486, 148)

...Dont m'esbahys de veoir femme fermée (...) qui les gens incitoit (...) A guerroyer (Saint-gelais, Séj. honn. J., c.1490-1495, 207)

Définitif.

...l'indignation y estoit toute fermée (Chastell., Chron. K., t.5, c.1456-1471, 183)

E. -Observer fermement (une prescription, un engagement...).

S'ensuit la sentence dicte et prononcée par escript aux dessusdiz hostagers et commis dudit pays de Liège, selon l'ordonnance des ducs de Bourgongne et de Holande, laquelle ilz veulent que selon la déclairation d'icelle, elle soit de tout fermée et accomplie sans quelque faulte ou interdict (Monstrelet, Chron. D.-A., t.1, c.1425-1440, 374)

Se fermer à qqc. Se tenir fermement à qqc..

Et ne vouloient lesdiz Anglois venir ne condescendre à nul appointement, se les conquestes qu'ilz avoient faites en France, et en espécial les duchées de Guienne et de Normendie, ne leur demouroient franchement, sans les tenir du roy de France en quelque souverainté ou ressort. Et à ce s'estoient du tout fermés. (Monstrelet, Chron. D.-A., t.5, c.1444-1453, 434)

Se fermer en qqc. Se conformer exactement à qqc..

Aussi feront ti anemy, S'on te voit sans desconfiture ; Car c'est grant honte et grant laidure A prince qui se desconforte. Pour nouvelle qu'on li aporte Pour povreté ne pour richesse, Pour grant joie ne pour tristesse Ne doit muer qu'il ne soit fermes Com Socratès. S'en ce te fermes, Tu en seras si bien parez Qu'aus philosophes comparez Seras, qui tant furent estable Qu'il n'estoit riens, tant fust doutable, Qu'il n'amassent mieus recevoir Que ce qu'on peüst parcevoir Qu'en leur bon propos variassent Ne que verité declinassent... (Mach., C. ami, 1357, 63)