DOMMAGE

substantif masculin

[T-L : damage ; GDC : damage ; AND : damage ; DECT : damage ; FEW (III, 10b) : damnum ; TLF (VII, 405b) : dommage]

A. -Préjudice, tort, atteinte causée ou subie par qqn, dégât causé à qqc. ou par qqc..

1.[Atteinte matérielle]

a)Blessure, lésion physique, maladie, douleur.

Le cuer me prent fort a doloir ! Il me venra grief et doumache ! Il m'est avis que en m'esrache Le cuer ; ne sçay que devenir - La male mort me puist tenir Hastivement. (Vie st Fiacre B.C.P., c.1380-1400, 37)

Et, s'il avenoit que l'usage De vin aigre feroit dommage à l'estomac pour sa froidure, Ou autrement par aventure, Il fauldroit rompre sa malice [Par] cynamome à ce propice (La Haye, P. peste, 1426, 125)

Ains qu'avoir ce ladraige, A Fortune ay fait tant de hommaige Qu'au corps me porte grant dommaige, Dont souvant me complains, hellas ! Mallade suis, en brief langaige, Pousif, pugnais, plain de bagaige, Desconfit, triste, mat et las. (La Vigne, S.M., 1496, 463)

Violence physique.

...icellui Rotisseur, lequel et sa femme aussi lui avoient, et au mary d'icelle Marguerite, fait et dit plusieurs injures, vilenis et dommages (Reg. crim. Chât., I, 1389-1392, 262)

b)Dégâts matériels.

Et, quant voz bombardes commenceront, faictes que les veugloires et la menue artillerie tirent quant et quant aprez le coup de la bombarde, affin que ceux de dedans n'ayent puissance de riens boulvarder ne de amender le dommaige que la bombarde leur aura fait. (Bueil, II, 1461-1466, 41)

...et encore ay devers moy une maniere de roche, en maniere de tallz fort transparant et luisant que jamais feu ne peut consumer et se peut filler comme alun de plume et s'en fait des bourses et se mectent dedans le feu et se en tirent sans domage. (Simon De Phares, Astrol., c.1494-1498, f° 98 v°)

[...causés par un animal]

Item, leurs bestes franches de herbage et de pasturage, hors deffens et en lieux et temps ordonnés où ilz ne puissent faire dommage. (Hector De Chartres, Cout. R., 1398-1408, 161)

Prenostica aussi, deux ans devant, l'innumerable nombre de langoustes qui advolerent en France, qui firent ung dommage inestimable, car ilz mengerent tout ce qu'ilz trouverent vert sur la terre (Simon De Phares, Astrol., c.1494-1498, f° 107 v°)

Jugement (...) que dit que, se li segneurs de la Grant esglise truevent bestez dopmaige faisant sus lour heritaiges, ilz puënt bien panre waige et pourteir ou bon leur samble, sans porteir a maiour de Sainct-Vincent, tant qu'ilz aient lour dopmaiges. (Jug. maître-échev. Metz S.M.S., t.1, a.1494, [1334], 108)

[...causés par un élément naturel]

Et, au desgel desdictes rivieres, en advint pluseurs grans maulx et dommages à cause desdictes glaces qui en emporterent plusieurs pontz estans sur lesdictes rivieres. (Roye, Chron. scand., II, 1460-1483, 104)

...et y ot de grans tempestes en divers lieux, tant de escler que de tonnoirre, vent, pluies et autres tempestes, qui firent moult de maulx et de dommages en divers lieux dudit royaume (Roye, Chron. scand., I, 1460-1483, 163)

...et les horribles pluies et grosses grelles triangulaires et quadrangullaires et grosses perres comme gros eufz, qui fist dommage infini aux blez, arbres et vignes. (Simon De Phares, Astrol., c.1494-1498, f° 119 v°)

...predist le mouvement de terre, qui fut l'an 1212 et XIII, et la presse des grans vens qui furent en France, qui fist moult de domages en la forest de Brion (Simon De Phares, Astrol., c.1494-1498, f° 123 r°)

c)Pertes, dégâts subis ou causés en temps de guerre.

Pluseurs fois feïrent ce tour Qu'adès faisoient leur retour, Et sans cop ferir se partoient N'autre damage ne faisoient ; Mais noise faisoient si grant Qu'on n'i oïst pas Dieu tonnant. (Mach., P. Alex., p.1369, 167)

Sarrazin s'estoient retret En un trop bon lieu pour le tret. C'estoit en un rochier sauvage, Pour porter au bon roy damage. (Mach., P. Alex., p.1369, 214)

Nostre gent apres eaus alerent, Et grant damage leur porterent, Qu'il se ferirent en la queue. (Mach., P. Alex., p.1369, 167)

Cescuns li ala remoustrer et complaindre ses damages et ses mescheances, au mieulz qu'il peut, et toute la destruction que li rois Edowars et li Englès avoient fais en son pays. (Froiss., Chron. L., II, c.1375-1400, 120)

...en tant que sommes par compte Cinq roys (...) Qui pouons porter grant damage Noz ennemis. (Mir. fille roy, c.1379, 71)

Et ledit Pierre lui demanda, sy comme il dit : Pourquoy me voulez-vous faire fere celle chose [l'empoisonnement] , ne de par qui ? Et ledit hermite lui respondi : Certes amis, c'est pour les grans domaiges que le roy de France a fais et fait faire en Flandres (Reg. crim. Chât., I, 1389-1392, 472)

Et se ainsi n'est fait, et les Engleiz se mettent aussi samblablement les premiers oudit pays de Guienne, ilz tendront icellui pays en très-grant subgection, et feront et porteront moult de domaige à ceulx du pays d'ilec environ tenens le parti et bienveuillant du roy et de son royaume. (Reg. crim. Chât., II, 1389-1392, 197)

...volentiers les euissent couru sus et fait grant damage, se il ne dobtaissent le roi et les signeurs a courouchier. (Froiss., Chron. D., p.1400, 136)

Et ardirent chil esqumeur en l'ille de Wisque et fissent celle saison pluisseurs damages sus mer as Englés (Froiss., Chron. D., p.1400, 344)

...car l'en ne lit pas es ystoires que (...) l'en veist onques mais faire à ce royaume tel dammage, comme ont fait Brabançons (Baye, I, 1400-1410, 339)

Cestui predist, comme aucuns dient, la signifficacion des portens qui signiffierent les terribles domages à Hanibal (Simon De Phares, Astrol., c.1494-1498, f° 62 v°)

Dommage de gens. Perte de gens.

Et cilz leur courent sus, et firent grant dommage des gens Remondin, aincois que Remondin y peust venir, ly quelz venoit a desray de cheval, tant qu'il povoit courre, et se fiert oultre ses ennemis, lance baissiee, et porte le premier qu'il encontre a terre. (Arras, c.1392-1393, 72)

La ot Daires moult grant dommage De sa gent, pour celle riviere. (Chr. Piz., M.F., II, 1400-1403, 239)

Faire le dommage des morts. Piller les cadavres.

En nostre ost y avoit grant sequelle de paillars et paillardes a pied, qui firent le dommaige des morts. (Comm., Mém. B., 1497-1498, 644)

d)Préjudice par perte d'un bien, par perte d'argent.

Se vous voulez l'acort vous l'arés habundon, Mais il fault que donniés en la conclusion Pour frais et pour dommages dont il a eut foison Quartre sommiers d'or fin (...) Et qu'il ait pour la ville recompassacion Telle qu'il lui plaira ens ou vostre royon : S'en sera souverains et en pocession (Renaut Mont. B.N. V., c.1350-1400, 271)

Dites me voir s'onques damage Vous fist aussi, en vostre aage (...). L'ABBÉ. Damage, sire ? l'abbaie Certes a mis a povreté Par les biens qu'il en a osté... (Mir. Rob. Dyable, c.1375, 36)

Et un autre fait adultere pour sa concupiscence et y despent du sien et en sueffre damage. (Oresme, E.A., c.1370, 281)

Et celui qui en reporte moins que il n'avoit mis au commencement, l'en dit que il a damage (Oresme, E.A., c.1370, 291)

...en raençons et racas de prisonniers il i ot bien pour trois cens mille florins, sans les aultres pertes et damages qui monterent grant finance. (Froiss., Chron. D., p.1400, 621)

...il y a aucuns marchans qui se dient avoir perte ou dommage à vendre leur bois et busche au pris dessusdit (Fauq., I, 1417-1420, 217)

[Opposé à gain/profit]

Et en justice commutative, l'en ne regarde pas a l'equalité de la proporcion des personnes, mais a l'equalité du proffit ou damage (Oresme, E.A.C., c.1370, 288)

...et gaaing est en plus et damage est en moins en contraires manieres. (Oresme, E.A., c.1370, 289)

...car, quant la passion, si comme seroit la bateüre, est mesuree et prisee ou contrepesee, donques ce que un a souffert est appelé damage et ce que l'autre a fait est appellé proffit quant a lui. (Oresme, E.A., c.1370, 289)

En ce touaillement et ou calengne de la ducée de Guerles qui oncques pourfit ne luy porta, fors très grande arrierage et dommaige, morut le gentil conte Jehan de Blois (Froiss., Chron. M., XIV, c.1375-1400, 155)

Mais aprez ce que je l'auray acomply ainsi comme vous l'avez requis, vous m'aurez en convenant, s'il vous plaist, que, aprez ce, vous me donrez un don, lequel ne vous tournera ja a dommage du vostre, mais a vostre tres grant prouffit et honneur. (Arras, c.1392-1393, 119)

Aussy plus que proffit dommage Ont Rommains de celle aventure, Ou pery mainte creature. (Chr. Piz., M.F., III, 1400-1403, 266)

...quoy que yceulx accroissent puet estre leurs tresors par leurs soubtilletéz en grevant autrui, ce leur est plus dommage que prouffit, car ilz acoursent le terme de leur vie. (Chr. Piz., Paix W., 1412-1413, 152)

Hors du propos si baille gaige, Ce n'est que du jeu la maniere, Nulle excusacion n'y quiere, Quoyque soit prouffit ou domage. (CH. D'ORLÉANS, Rond. C., 1443-1460, 483)

Et toutes ces choses ne viennent que au dommage du roy et de la chose publique, et au proffit des bourses particulieres (Juv. Urs., Nescio, 1445, 529)

Au figuré. [Dans un contexte de spiritualité]

Car tu ne sceiz quel gaing espirituel redonde de ce temporel dommage, ne quel pechié passé et couvert se tappist soubz celle justice reposte. (Chart., L. Esp., c.1429-1430, 51)

Si n'est nulle plus seure oreison que celle qui est confermee au vouloir de Dieu, quant le desir de la creature se raporte au plaisir du Createur, a qui plus plaist nostre preu que nostre dommage ne nous pourroit desplaire. (Chart., L. Esp., c.1429-1430, 156)

Aux frais et au dommage de qqn

Les quatre loudiers (...) respondirent a voix horrible qu'ils voulloient avoir la ribaudelle qu'il tenoit avec lui muchie en l'une des chambres de l'ostel (...) Et que vrayement se il ne [la] leur livroit incontinent et sans demeure, elle lui sera rappinee a ses propres frais et a son grant dommaige (Rasse Brunh., Flor. Elvide B.N. C., a.1456, 12)

Faire dommage du sien. Entamer son patrimoine.

Par Dieu, fait il, m'amie, vous savez bien nostre fait: si nous despendons maintenant ung petit d'argent que nous avons, nous serons desnuez de chevance, et s'il nous sourvient aucune chose, nous ne savrons ou en recouvrer sans faire domage du nostre. (Quinze joies mar. R., c.1390-1410, 24)

Taxer le dommage. Évaluer les pertes subies.

...nous vous tauxons a restituer a ma damoiselle tous ses dommages, tant de larrecins, comme de pillaiges de proies, de bestes et de toutes autres choses, au regart de preudes hommes, dignes de foy, qui seront esleuz pour le dommage tauxer (Arras, c.1392-1393, 168)

Recouvrer ses dommages. Récupérer ce qu'on a perdu ou ce à quoi on a droit.

'S'est bon que nous le alons visiter, car il i a bon païx et cras en Hainnau, ne nous ne trouverons homme qui nous vée nostre chemin, et là recouverons nous nos damages et nos saudées mal paiies.' (Froiss., Chron. R., XI, c.1375-1400, 64)

Restablir/restituer à qqn ses dommages

...dont ilz vous mandent se vous lui voulez restablir ses dommages et lui admender raisonnablement l'injure et la vilennie que vous avez faicte a elle, a ses gens et a son pays, vous ferez ce que vous devez. (Arras, c.1392-1393, 158)

Et quant a ce, dès cy nous vous quictons, quant de nostre partie, mon frere et moy, vostre prison, par my tant que nous vous tauxons a restituer a ma damoiselle tous ses dommages, tant de larrecins, comme de pillaiges de proies, de bestes et de toutes autres choses, au regart de preudes hommes, dignes de foy, qui seront esleuz pour le dommage tauxer (Arras, c.1392-1393, 168)

Locution adverbiale. au figuré. En grand dommage. À grands frais.

Pour le peage Du faulx ouvracge - d'Adam et Eve, En grand domacge Vostre my acge - paye la reve. (Pass. Auv., 1477, 239)

2.[Atteinte morale]

a)Préjudice moral.

Et s'en seroit trop meins prisie Ma signourie et amenrie, Dont j'aroie damage grant (Mach., D. verg., a.1340, 27)

Et puis qu'einsi est que je voy clerement, que vous volez dou tout mon deshonnour et mon damage, je m'aquite de vous et m'en desiste des ores en avant. Et vueil que vous sachiez que desormais je oseray autant pourchacier vostre deshonnour, comme vous ferez la moie. (Mach., P. Alex., p.1369, 229)

...nuls ne puet penser si grief damage Com le refus que ses durs cuers m'envoie (Mach., Motés, 1377, 491)

Si arons nous honte et damage, Quant on sara que femmes sommes (Mir. fille roy, c.1379, 103)

'...Par vostre foy et par vostre part de paradiz et par la redemption de vostre ame, direz vous verité de ce que je vous demanderay ?' - 'Par ma foy ! dit-il, Monseigneur, ouy. Mais que ce ne soit chose qui touche mon deshonneur et le dommaige de mon parti, que pour riens je ne diroye.' (Bueil, I, 1461-1466, 223)

Mon frere, c'est tout ce que j'aime Que de mener vie joyeuse, Amoreuse, Sans faire domacge a arme. (Pass. Auv., 1477, 135)

Souffrance morale.

L'onneur lesse, qui entent au pillage Et pour prouffit pert soy et sa besoigne, Dont par aprés regrete a grief dommage Honneste mort plus que vivre en vergoigne. (Chart., B. Nobles, c.1424, 400)

Déshonneur.

Aucuns homs sara que sa fame Se gettera en un diffame Par sa folie et son outrage, Dont elle ara honte et damage, Ou d'un amant sa bien amée Qui porra estre diffamée Par la maniere devant dite Que j'ay en sousposant descrite. (Mach., D. Aler., a.1349, 388)

Et puis qu'einsi est que je voy clerement, que vous volez dou tout mon deshonnour et mon damage, je m'aquite de vous et m'en desiste des ores en avant. (Mach., P. Alex., p.1369, 229)

' Si est honte a homme et dommage, Quant Dieu le forma a s'image, Pour virtueux entendement Avoir, et a tel dampnement Se met qu'il vit comme une beste, Qui a tous ses vouloirs est preste...' (Chr. Piz., M.F., II, 1400-1403, 76)

Et pour ce fault il par force que lez iniquités du prince, qui est publique persone, dont le meffait attrait universel esclande et dommage, attraie aussi celle generalité de paine sur tous. (Chart., L. Esp., c.1429-1430, 47)

b)Préjudice, événement fâcheux (contraire ici au droit).

...lesquieulx sergens et chascun d'eulx, separéement et en la presence l'un de l'autre, promistrent et jurerent aus sains Euvangiles de Dieu, et par la foy et serement de leurs corps, garder bien et seurement icellui prisonnier, sanz ce que aucune personne parle à lui, ne aussi que, pour la garde d'icellui, aucun domaige et inconvenient s'en puit ensuir, se ce n'est par le commandement et ordonnance dudit mons. le prevost ou de son lieutenant. (Reg. crim. Chât., II, 1389-1392, 183)

Estre/venir au dommage de/faire qqc. au dommage de une personne, un pays, une institution. Au préjudice, au détriment de.

...ledit mareschal mectra paine de retraire ledit messire Remon d'aucunes entreprinses qu'il pourroit faire au dommage du Pappe et de l'Eglise (Ch. VI, D., t.1, 1388, 96)

...li Hainnuier (...) estudioient nuit et jour conment il peuissent faire auqun esploit d'armes honnourable, au damage de lors ennemis. (Froiss., Chron. D., p.1400, 439)

...pour miex et plus seurement remedier et pourveoir en tout evenement aux très grans et imminens perilz et inconveniens qui estoient disposez d'avenir, ou très grant dommage irreparable de ce royaume (Fauq., I, 1417-1420, 344)

Et toutes ces choses ne viennent que au dommage du roy et de la chose publique, et au proffit des bourses particulieres (Juv. Urs., Nescio, 1445, 529)

...il aimeroit mieulx estre mort et avoir perdu son vaillant et devenir en aussi grant captivité et povreté que fut onques Job, que de consentir faire ne estre fait quelque chose que ce feust qui fust au dommage ou prejudice du roy (Roye, Chron. scand., I, 1460-1483, 364)

Orguilleusement feïrent une saillie ceulx de dedans à leur grant dommage. (Comm., I, 1489-1491, 96)

Proverbe. De petit dommage, grande misere

DEMANDE. Quantes manieres puet il estre dit de vuihos ['cocus'] ? RESPONSE. (...) Tel l'a esté qui bien s'en taist, Telz le cuide estre qui n'en tient plais, Telz a qu'a pou s'en desespere ; De pou dommage, grant misere (Devin. R., c.1470, 78)

Tel cuide a autrui dommage pourchacier Qui voit son grant anoy tout devant aprochier

...Mais tels cuide a autrui domage pourcacier Qui voit son grant anoy tout devant aprochier. (Bât. Bouillon C., c.1350, 174)

3.Situation délicate, difficile.

Messires Los dist : 'Bien m'agrée Que vous et moy sommes d'acort, Car, quant voisin sont en descort, C'est grans perilz et grans damages Pour yaus et pour leurs hiretages.' (Froiss., Méliad. L., t.1, 1373-1388, 70)

...ils comsidererent le peril et le damage ou il estoient, et que confors ne lor apparoit de nuls costés (Froiss., Chron. D., p.1400, 84)

4.[Dans des formules de regret] Malheur, chose fâcheuse, triste.

Quel dommage ! Quel malheur !.

'...et n'avez vous pitié d'un roy quy tant fort et tant pardurablement vous ayme, qui tousjours a vostre grace retourne et qui plus a pitié de vostre desolé royaulme que vous meismez ? O ma dame, pensez icy ! Tendez vous que par vostre deffault vostre amy se desespoire ! Je ne sçay qui vous moeut, se ce n'est qu'il samble que vous desirés la generale destruction de vostre seignourie. O, quel dommage !' (LEFÈVRE (R.), Hist. Jason P., c.1460, 134)

C'est (pitié et) dommage(s). C'est un malheur.

LA CHAMBERIERE. Dame, nous avons tout perdu. Vous avez en vostre dormant En ce bain noié vostre enfant. C'est grant damage. (Mir. enf. ress., 1353, 32)

Par foy, c'est damage et pitié (Mir. femme, 1368, 198)

Las ! de si bien moriginé Estre a mort si tost destiné, C'est grant damage. (Mir. femme, 1368, 201)

Mors est li bons roys, c'est damages. (Mach., P. Alex., p.1369, 273)

Tu as beauté corporelle, prens toy doncques garde que elle ne soit arse et bruie du feu pardurable, car dommaige seroit. (Gers., Concept., 1401, 417)

Mais la tres faulse Envie, qui Ot surpris mesmes son lignage, Le fit mourir (Ce fu dommage !) (Chr. Piz., M.F., IV, 1400-1403, 70)

(C'est) (pitié et) dommage de qqn. C'est une perte que celle de qqn.

La fu mort, droit au piet du mont, Messires Philippes d'Omont ; Dont ce fu pitez et damages, Car grans estoit ses vasselages. (Mach., P. Alex., p.1369, 155)

C'est damaige dou gentil homme, quant il est ensi mort ; et plus y arons de blasme que de loenge. (Froiss., Chron. R., IX, c.1375-1400, 78)

Et (...) fu (...) la plus grant partie de ceuls qui dedens estoient, noiiet : dont ce fu pités et damages, car il i avoit des bons chevaliers et esquiers (Froiss., Chron. D., p.1400, 670)

Quel dommage de telle creature ! Plus grant douleur si ne fut oncques veue, Veoir la perte d'une telle venue Que Dieu avoit formeë et Nature. (Régn., F.A., 1432-c.1465, 184)

'Il est vray, dist le Regent ; je les ay fait enterrer.' Adoncq le Roy respondist : 'C'est grant dommaige du marquis de Calyma ; car c'estoit ung vaillant chevalier et n'estoit pas des plus mauvaiz...' (Bueil, II, 1461-1466, 209)

C'est mon dommage. C'est mon malheur.

Et quant j'ay veu sa grant beaulté et ay sceu le bien de lui, je me suis donné a la amer tellement ; et plus que moy je l'ayme, dont c'est mon dommage. (Charles de Hongrie C., c.1495-1498, 136)

C'est (pitié et) dommage de qqc. Telle chose est un malheur.

Mais je vous prie, par pitié et par misericorde, qu'il vous plaise a moy donner la vie de Olivier, car, veue la vaillance de lui, et aussi consideré qu'il n'a coulpe en la trahison, ce seroit moult grant dommage de sa mort, car encore pourroit il faire des biens assez. (Arras, c.1392-1393, 65)

...l'abeie de Marchiennes (...) fu toute arse et essillie, dont ce fu damages (Froiss., Chron. D., p.1400, 439)

...et en cel estat fina piteusement, dont fu domages et pitiez, le vaillant roy Louys, lequel laissa sa tres noble, bonne, sage et belle femme et deux tres beaulz et bons enfens (Chr. Piz., Faits meurs Ch. V, S., I, 1404, 140)

En l'an mil CCCC LXI, ou moys de juillet, advint que ledit roy Charles fut malade ou chasteau de Meun sur Yevre, d'une maladie qui lui fut incurable, dont et de laquelle maladie il ala de vie à trespas audit lieu de Meun, le mercredi XXIIe jour dudit mois de juillet, feste de la benoiste Magdaleine, entre une et deux heures après midi dudit jour, dont fut grant pitié et dommage. (Roye, Chron. scand., I, 1460-1483, 1)

C'est dommage de + inf.

Helas, n'est-ce pas grant dommage De veoir tout ce que vous devise ? (Régn., F.A., 1432-c.1465, 57)

A ! gallans, que c'est grant dommage De mectre a mal ses brigandes. (Myst. st Sébast. M., c.1450-1500, 207)

C'est dommage que + ind.

Quant ceste seürté fu faite, Aigres s'afficha ens es estriers, et quant Danemons vit le bon convenant dont Aigres estoit, si l'en prisa moult en son cuer et lui dist: 'En la moye foy, sire chevaliers, c'est grant dommage que vous n'estes mieux advisez et que vous n'avez meilleur sens' (Bérinus, I, c.1350-1370, 287)

Sire, trop seroit grant damage Que je brise mon mariage. (Mir. Theod., 1357, 71)

Par foy, dist Remondin, c'est grant dommage que cest pays n'est habitez et peuplez, car moult y est grasse la contree. (Arras, c.1392-1393, 76)

C'est grant dommage Qu'entr' eulx cuert si mauvais usage ! (Chr. Piz., M.F., II, 1400-1403, 15)

...C'est ung moult grant damage qu'il est nain bocereux... (Huon Bordeaux B., c.1400-1450, 66)

Vous semble a ce vir ung villain Ou ung esprouveur de triacle. Hau, compaignon, une miracle ! C'est damages qu'il est muyel. (Marcadé, Myst. Pass. Arras R., a.1440, 169)

Hé ! pouvre glorïeux couart, Il est bien glorïeux a certes, Il semble ung droit varlet de cartes. Mais c'est dommage qu'il est sourt. (P. Jouh. D.R., a.1488, 18)

LE PREMIER. C'est grant dommaige Qu'ung sot n'a tout ce qu'il souhaite. (Feste roys, c.1475-1500, 302)

C'est dommage quand/si

Quant cil qui avoit nom Gieffroy vit que Berinus lui fu eschappez et qu'il s'en fouy pour la paour de lui, si en ot grant pitié et dist a soy mesmes: 'Par foy, moult sera grant dommage se cil bacheliers, que je voy si entreprins sanz raison, n'a confort et aide, et se il pert le sien par defaut de conseil...' (Bérinus, I, c.1350-1370, 57)

...les aultres disoient que (...) ce seroit pité et dommaige se une telle maison et si belle estoit perdue ne abatue (Froiss., Chron. M., XIV, c.1375-1400, 221)

Dommage fu, quant tel noblece Fu par Fortune ainsi perie, Car plus noble chevalerie Oncques n'ot regne, ne cité, Si comme d'eulx est recité ! (Chr. Piz., M.F., III, 1400-1403, 88)

B. -DROIT

1.Intérêts d'une somme prêtée (en compensation des délais de remboursement).

...lequel Cuer, pour ce qu'il ne peut joïr de ladicte ferme, mist en procès aux requestes de l'Ostel du Roy ledit Bonhomme pour le faire joyr de ladicte ferme ou pour recouvrer de lui lesdiz 300 réaulx avec ses dommages et intérestz. (Aff. Jacques Coeur M., 1453-1457, 574)

De s'obliger en toutes cours est prest, Se doubte avés que bien ne vous contante ; Sans y avoir dommage n'interest, Vous n'y perdrés seulement que l'attente. De prince n'a ung denier empruncté, Fors de vous seul, vostre humble creature. De six escuz que luy avés presté, Lesquelx il mist pieça en nourriture (Villon, Poèmes variés R.H., c.1456-1463, 50)

2.(Cousts)/dommage(s) (et interests)... Somme allouée à qqn pour l'indemniser d'un préjudice.

...et avecques ce, rendra et paiera et promist rendre et paier a plain et senz plait aux diz religieux et a leurs successeurs touz coux, frais, despens, mises, domages, journees, salaires et interez qui faiz, euz, soustenus ou encourrus seroient en aucune maniere par deffaut et coulpe de son paiement et de ce que dit est non acompli. (Chartes Abb. St-Magl. T.F., t.3, 1358, 229)

Et aussi soit ledit tel condempné es dommages, interés et despens dudit tel defendeur (Cout. bourg. glosé P.M., c.1380-1400, 305)

Et quant aux injures, despens, dommages et interests lesdiz banniz et condempnez (...) s'en sont rapporté du tout en la bonne ordonnance de ladicte Court (Baye, I, 1400-1410, 134)

Et, en oultre, la Court condempne tous lesdiz complices defaillans et chascun pour le tout envers lesdiz prisonniers (...) c'est assavoir, pour eulx et les autres habitans, pour leur dammage et interests en la somme de vint mil libvres tournois. (Baye, II, 1411-1417, 77)

...combien que ledit Phelippon (...) vous ait requis que luy voulsissiez faire rendre et restituer ladicte gallée [capturée par Julien de Maignary] , ensemble tous les biens estans en icelle, et qu'il ait protesté devant vous les dommages et interestz, neanmoins vous ne luy avez faict aucune raison, ainçoys l'avez longuement tenu en parolles (Lettres Louis XI, V.M., t.10, 1473, 339)

Jugement (...) que dit que, se li segneurs de la Grant esglise truevent bestez dopmaige faisant sus lour heritaiges, ilz puënt bien panre waige et pourteir ou bon leur samble, sans porteir a maiour de Sainct-Vincent, tant qu'ilz aient lour dopmaiges. (Jug. maître-échev. Metz S.M.S., t.1, a.1494, [1334], 108)

C. -[Å propos d'animaux domestiques qui se sont introduits sur le terrain d'autrui pour pâturer, en y causant du dommage (FEW III, 11b, n.6)] Terre en defens, endroit où il est interdit de laisser aller des animaux.

...le dit suppliant (...) lui respondi gracieusement en disant : 'Je les ay trouvez en mon dommage, si les ay menez en prison, et se vous voulez paier le dommage, je consentiray voulentiers qu'il soient delivrés.' Le quel Pierre dist : 'Je aymerois mieulx que je eusse paié la corde de quoy l'en te deust pendre.' (Doc. Poitou G., t.4, 1375, 383)

Remarque : Cf. LA CURNE V, 226, s.v. domage.

[Dans un contexte grivois]

Il cuidoit bien que sa femme songeast, mais car trop longuement duroit, et qu'il oyoit le chareton se remuer et tresfort souffler, tout doulcement leva sa main en hault, et si tresbien a point en bas la rabatit qu'en dommage et en sa garenne le poulain ['membre viril'] au chareton trouva, dont il ne fut pas bien content, et ce pour l'amour de sa femme. (C.n.n., c.1456-1467, 67)