BIEN

adverbet et substantif masculin

[T-L : bien1, bien2 ; GDC : bien ; AND : bien ; DECT : bien ; FEW (I, 322b) : bene ; TLF (IV, 471a) : bien1, bien2, bien3]

I. -Adverbe. [Portant sur un verbe, sur un adj., sur un autre adv. ('adv. de constituant')]

A. -De manière satisfaisante, conforme à l'attente ; de manière favorable.

1.De manière satisfaisante, conforme à l'attente.

a)[Portant sur un verbe ou un partic.]

LE PREMIER DYABLE. Or te pourvoy et si t'affaite Et penses de bien besongnier. (Mir. enf. diable, c.1339, 6)

Il est sages et bien apris (Mir. enf. diable, c.1339, 34)

SUER MARIE. Certes il a bien preschié, dame. (Mir. abbeesse, 1340, 63)

Il est sage et de bon advis Et bien besongnant en touz lieux (Mir. abbeesse, 1340, 68)

Et celui qui deffaut a resister as tristeces contre lesquelles pluseurs resistent et le peuent bien faire, il est mol et delicatif (Oresme, E.A., c.1370, 389)

Atant vint, a ce parler, uns varlès bien acesmez et montez sur un gros trottier. (Arras, c.1392-1393, 7)

...Remondin, qui estoit trop durement beaulx et gracieux, et bien entechiez. (Arras, c.1392-1393, 16)

Amis, dist la dame, n'aiez ja soing que pour grant gent que vous sachiez admener, que ilz ne soient bien receuz et bien logiez, et qu'ilz n'aient biens et vivres a foison pour eulx et pour leurs chevaulx. (Arras, c.1392-1393, 36)

...Melusigne, qui estoit moult enceinte, porta son terme, et, au plaisir de Dieu, elle enfanta un filz masle, qui fu de toutes figures bien formez, excepté qu'il ot le visage court et large au travers, et avoit un oeil rouge et l'autre pers. (Arras, c.1392-1393, 47)

Sire j'ay fait tendre vostre paveillon et pluseurs autres pour vous logier, car il avoit pou de logeiz en la ville pour vous logier, vous et voz gens, et sommes bien pourveuz, Dieu mercy. (Arras, c.1392-1393, 53)

...il est bien verité que Hervy de Leon fu ysneaulx chevaliers, courtois et saiges, bien moriginez, et l'ama moult le roy et son nepveu, et usoit le roy moult par son conseil, et estoit Hervy cellui en qui il se fioit le plus. (Arras, c.1392-1393, 57)

...il me semble que il seroit bon pourveoir de remede aincois tost que tart, car l'estable est bien fermee a point avant que le cheval soit perdu. (Arras, c.1392-1393, 148)

Il est leal et bien saichant (CH. D'ORLÉANS, Ball. C., c.1415-1457, 149)

'Et !' dirent elles, 'cuidiés vous, ma dame, qu'il ait mis quatre jours fors que pour bien choisir celle que il vouldra servir ?' (La Sale, J.S., 1456, 14)

A qui me fauldroit il parler pour bien faire ceste besoigne ? (C.n.n., c.1456-1467, 40)

C'est ung grant tour d'abilité Que de bien faire ung sobressault. (Est., p.1460, 24)

...ceulx de la garde du roy, qui moult vaillamment s'i porterent et servirent bien le roy (Roye, Chron. scand., I, 1460-1483, 66)

Remarque : Avec s ds l'ex. suiv. (devant un partic. plur.)

Je loaisse ['je louerais'] les biens moeblés ['les gens bien pourvus de richesses'] , S'avoirs ne peüst estre emblés ['si la richesse ne pouvait être dérobée'] (Pastor. B., c.1422-1425, 97)

Assez bien. Fort bien. Moult bien. Tres bien

Car, ou temps passé, pluseurs roys et princes ont esté tres bien gouvernans qui onques n'estudierent politiques, ne leurs conseilliers semblablement. (Oresme, E.A., c.1370, 98)

...je vous payëray tres bien (Path. D., c.1456-1469, 144)

...et s'en revint, but, parla et menga très bien (Roye, Chron. scand., II, 1460-1483, 136)

Assez bien contrefont le sourt Qui ne leur aporte monnoye. (S. fol., c.1480-1490, 7)

Trop bien. Parfaitement, au mieux.

Je le congnois trop bien, n'a pas cuer de connin (God. Bouillon R., t.2, c.1356, 80)

Et trop bien vinrent a point pour aidier a desfendre et garder Nantes des grans assaus et envaies que les Englois et les Bretons, qui tenoient la partie de la contesse de Montfort, i faisoient (Froiss., Chron. D., p.1400, 580)

...et chascun cuide trop bien entendre (Chr. Piz., Déb. R. Rose H., 1401-1402, 126)

...pour ce dit trop bien un saint docteur que le flatteur par sa parole fait tout ainsi que se il fichoit un clou en l'ueil de son maistre ou maistresse, c'est a dire qu'il l'aveugle par ses blandices. (Chr. Piz., Trois vertus W.H., c.1405, 127)

...vecy trop bien dit (Nouvelles inéd. L., p.1452, 13)

...trop bien balladoit, en especial sur gourmandise et luxure (Nouvelles inéd. L., p.1452, 36)

Je ferois trop bien les gens rire : Car je ferois trop bien du sire Et si ferois du paperart (Oliou, Mess. Arg. A., c.1470, 467)

Ilz ont esté trop bien secoux (Myst. siège Orléans H., c.1480-1500, 347)

Se tu veult, trop bien t'aprendray La maniere comment je voy. (C. Riffl., c.1480-1520, 58)

Tout bien

Entre le challit Et la couste, tout bien couché... (B. veoir, p.1480, 20)

C'est moult bien dit

Et les autres deux lui respondirent : Vous estes nostre ainsnee, nous vous suivrons et avouerons ce que vous en vouldrez faire. Par ma foy, dist Melusigne, mes suers, vous monstrez amour de vrayes filles a vostre mere, et c'est moult bien dit. (Arras, c.1392-1393, 11)

Pas bien

...ly anciens chevaliers Melusigne estoit ja venus, et avoit bien advisié qu'ilz ne pourroient pas bien tous logier en la ville, et avoit fait tendre en la pree sur la riviere grant foison de tentes et de paveillons (Arras, c.1392-1393, 52)

Bel et bien. Bien et beau. Voir beau

Sire, vous parlez bien et bel (Mir. ev. arced., c.1341, 122)

Je ne sçay, mais d'estrange seel Est seellée bien et bel (Mir. st J. Cris., c.1344, 294)

Et fut la fait chevalier ly ainsnez filz au conte de Forez. Et jousta on bien et bel, et continua la feste VIIJ. jours tous entiers. (Arras, c.1392-1393, 16)

Mal ou bien

Finablement fault venir à nostre famille, que vulgariter on dit nostre maison, laquelle combien, mal ou bien, nous l'avons gouvernée, celluy seul le sçait qui tout congnoist. (Le Clerc, Interp. Roye, c.1502, 283)

De bien en mieux. De mieux en mieux.

De joie et d'onneur pourveoir Vous vueille, mes dames gentieulx, Et tout adès de bien en mieulx Dieu de lassus ! (Mir. Amis, c.1365, 35)

...que ta belle juenece flourissant en bien que Dieux par sa grace vueille tousjours augmenter et acroistre de bien en mieulx (Chr. Piz., Paix W., 1412-1413, 63)

...Plaisirs croissans de bien en mieulx. (CH. D'ORLÉANS, Chans. C., c.1415-1440, 209)

Gouvernons nous de bien en mieulx (Régn., F.A., 1432-c.1465, 51)

Prions Jesus de bien en mieulx, Prions ce doulx roy precieulx (Régn., F.A., 1432-c.1465, 76)

Je les secouray [les martyrs] bien a point, Mès qu'ilz soient perceverans De bien en mieulx, et attendans, Pour amour de moy et de vous. (Myst. st Adr. P., c.1450-1485, 84)

...en les priant et exhortant de bien en mieulx continuer. (Roye, Chron. scand., I, 1460-1483, 44)

On dit en tous lieux Que de bien en mieulx Sy grans signes fait Sus jeunes et vieulx ! (Myst. Pass. Troyes B., a.1482, 474)

Aussi / autant / autretant bien (que / comme). De manière aussi satisfaisante (que).

...Melusigne fist bastir la ville de Lusignen et fonder les murs sur la vive roche, et la fit estoffer de fortes tours ; drues, machicolees et a terrace, et les murs machicolez, et alees au couvert dedens la muraille pour deffendre a couvert par les archieres autant bien par dehors comme par dedens, et parfons trencheiz et bonnes brayes. (Arras, c.1392-1393, 67)

J'avisë enfans Qui n'ont que trois, quatre ou cinq ans Qui en sont fourrez aussi bien (Sots mal., c.1480, 84)

Si bien que. De manière si satisfaisante que.

Sachiez bien que ly Poictevin et tuit ly autre baron si prouverent si bien et si vaillaument que en petit de heure Sarrasins furent desconfiz (Arras, c.1392-1393, 113)

De manière aussi satisfaisante que.

Elle est si tresbien qu'on pourroit. (Pass. Auv., 1477, 231)

Bien va. Tout se déroule de manière satisfaisante.

LE SEIGNEUR. (...) conment vous est il, dame ? (...) Vous vous devez tenir plus chiére Pour tant que vous un fil avez. LA DAME. Sire, Diex en soit aorez ! De ce va bien, d'autre part mal, Pour un dyable criminal, Qui est venuz querre vostre hoir. (Mir. enf. diable, c.1339, 15)

Par vo conseil riens bien aler Ne puet (Desch., M.M., c.1385-1403, 356)

Et il monte a cheval, lui et le maistre de Rodes. Et le roy repaire a son chevalier et lui dist : Amis, bien va. C'est Guyon, mon frere, qui est logiez la dessoubz. (Arras, c.1392-1393, 135)

Bien va ; nostre besoigne est faicte. (Pass. Auv., 1477, 96)

Tout va bien

...principal tout ira bien. (Sots gard., a.1488, 114)

Vous dites bien. Vous avez raison.

Monseigneur, dist Remondin (...) je ne pren pas femme pour vous, a mon escient, mais la pren pour moy ; si en porteray le dueil ou la joye, lequel il plaira a Dieu. Par foy, dist ly contes, vous dictes bien. (Arras, c.1392-1393, 36)

Bien faire. Faire bien. Agir de manière satisfaisante.

Le Livre de Ethiques, c'est livre de bonnes meurs, livre de vertus ouquel il enseigne, selon raison naturel, bien faire et estre beneuré en ce monde. (Oresme, E.A., c.1370, 97)

Et se en telles choses nous nous avons moiennement nous faisons bien et par bon habit et semblablement des autres passions. (Oresme, E.A., c.1370, 158)

LA MAGDALEINE. (...) En penitence me suis misse, Affin qu'aye plus tost sa grace [de Jésus] . LE LAZER. Vous faictes bien. (Pass. Auv., 1477, 151)

En particulier. [Dans le combat] Faire des exploits, des prouesses.

Ces huit chevaliers y estoient, qui avoient grant faim de faire merveilles d'armes, et avoient esté nagaires au quatrieme tournoy devant le Chastel aux Pucelles ou ilz avoient tous huit veu leurs dames, parquoy encores ilz estoient plus esmeus a bien faire. (Percef. III, R., t.1, c.1450 [c.1340], 337)

Par leur bien faire congnoistre et douter se firent de leurs ennemis (LEFÈVRE (R.), Hist. Troyes A., c.1464, 161)

Faire bien de + inf. Agir de manière satisfaisante en.

Et pour ce fist bien Platon d'enquerir de ces choses (Oresme, E.A., c.1370, 109)

Noble seigneur, a dire voir, Selon ce que m'en puest sembler, Ferez bien d'envoyer parler Vostre marischal Adrien A ces malheureux crestien (Myst. st Adr. P., c.1450-1485, 91)

Faire bien / le faire bien. Se porter de manière satisfaisante.

JEHAN BOCHE D'OR. (...) Diex vous doint bon jour ! Or me dites voir, par amour, Que faites vous ? LA MÉRE ANTHURE. Jehannin, bien, mon enfant doulx. (Mir. st J. Cris., c.1344, 256)

JEHAN. (...) Que fait ma mére ? LA MÉRE ANTHURE. Bien, mais touzjours est pour ton pére En grant amertume de cuer (Mir. st J. Cris., c.1344, 256)

JEHAN. (...) Grant piéce a que je ne vous vy. Que faites vous ? Je vous em pri, Dites le moy. ANTHURE. Biau filz, je le fas bien, par foy ; Et vous conment ? JEHAN. Bien, mére, se Jhesu m'ament. (Mir. st J. Cris., c.1344, 257)

LE CHEVALIER. (...) Et conment le font noz enfans ? (...) LA DAME. Bien, sire (Mir. nonne, 1345, 341)

Se porter bien

L'ABBEESSE. Messire Nicole, par foy, Vous soiez li tresbien venuz. (...) Quelz est des nouvelles le mais Que m'apportez ? LE PREMIER CLERC. Biau, dame, quant bien vous portez : Je ne say que vous die plus. (Mir. abbeesse, 1340, 82)

[D'une chose]

Du temps que mon cas estoit beau, (Et) Que ma chose bien se portoit A toute gens mieulx en estoit (Sots mal., c.1480, 88)

[En coord. avec un autre adv. ou avec une loc. adv.]

SUER MARIE. Or me dites, suer, sanz detri Qui parlera. SUER YSABEL. Je, par le Dieu qui me fourma, Bien et a point, n'en doubtez mie. (Mir. abbeesse, 1340, 77)

Le roy en ce peril s'eveilla fierement Et fist croix entour lui et bien et deüement. (Gir. Vienne D.B., c.1350-1400, 208)

A tout sest chevalier et tout sa bonne gent, Manda et commanda bien et deüement, Que le beau chevalier de France proprement (...) Que on lui face honneur assez legierement, Et veuillent obeïr assez legierement. (Ren. Gennes D.B., c.1350-1400, 108)

...il vendi sondit cheval, se vesti de neuf bien et honnestement (Reg. crim. Chât., I, 1389-1392, 60)

Et après, sondit mary, bien conseillé de ses principaulx amis, la reprint, et se contint de là en avant avecques sondit mary bien et honnestement. (Roye, Chron. scand., I, 1460-1483, 33)

...qui de tout son povoir avoit bien et loyaument servy le roy (Roye, Chron. scand., I, 1460-1483, 261)

...auquel lieu lui fut fait son service bien et honorablement pour le salut et remede de son ame (Roye, Chron. scand., II, 1460-1483, 2)

...et mist ladicte place en la main du roy, en luy faisant le serment de le servir bien et loyaulment (Roye, Chron. scand., II, 1460-1483, 117)

[Avec ellipse du verbe]

L'ESCUIER. (...) Dites, s'il vous plaist, conment va Vostre besongne. LE CHEVALIER. Bien, par la dame de Bouloingne, Perrotin: j'ay quanque je vueil. (Mir. nonne, 1345, 322)

Et le roy, qui moult fu joyeux de sa venue, le conjoy moult et lui demanda comment Guyon, son frere, le faisoit. Par ma foy, dist le maistre, monseigneur, bien, comme l'un des plus asseurez hommes que je veisse oncques, et se recommande a vous tant comme il puet. (Arras, c.1392-1393, 133)

Par ironie.

Suis je bien assené ! (Path. D., c.1456-1469, 176)

[Avec un part. passé en empl. subst.]

Segneur, on dist souvent par livres et par cans, Par les bien entendus et les bons escoutans A une fois oïr doit estre soufisans. (Geste ducs Bourg. K., c.1410-1419, 291)

b)[Portant sur une loc. verbale]

Beaulx cousins, ne vous esbahissez point et prenez hardiement la bataille contre cinq des traictours, pour vous et pour nous deux, car nous en vendrons, au plaisir de Dieu, bien a chief. (Arras, c.1392-1393, 60)

Et en la fin Remondin descendy a pié, et print sa lance qui gesoit par terre, et en vint le grant pas vers son ennemy, lequel se destournoit de lui, et le faisoit aler après lui parmy le champ, car il avoit si bien cheval a main qu'a fin souhait. (Arras, c.1392-1393, 63)

2.De manière favorable.

a)Adverbe.

Bien a tourné la chance (B. veoir, p.1480, 19)

[Dans une formule de bienvenue]

Bien venir

Bien viengnez Bon Temps. (Sots, c.1480-1500, 277)

Bien venant

Bien veignant, frere et amy chier ; Vous soyés le trés bien venu. (Myst. st Bern. Menth. L., c.1450, 9)

Et, en montant lesdiz degrez, trouva ilec ledit seigneur de Gaucourt et Hesselin qui le saluerent et lui firent le bien veignant, et icellui connestable leur rendi leur salut (Roye, Chron. scand., I, 1460-1483, 356)

Bien venez

Bien venés vous, mon tresdoux maistre ! (Pass. Semur D.M., c.1420 [1488], 144)

Bien viengnez, sire, n'y a celuy De ma famille et de nous tous Quil ne soit tres joyeux de vous, Beaucop plus qu'on ne penseroit. (Myst. Pass. Troyes B., a.1482, 642)

(Très) bien venu. Bien arrivé

Tu soyes le tresbien venu ! Enfans, faisons tous bonne chere ! (Pass. Auv., 1477, 114)

Et vous aussi, mon gentil moyne, Vous soyés le bien arrivé ! (P. moyne, a.1500, 46)

Et, toutes les foys que vous viendrez, vous serés le très bien venu. (Le Clerc, Interp. Roye, c.1502, 317)

b)[En tournure attributive (où il peut être interprété comme adv. ou comme adj. invar.)] Satisfaisant, favorable.

LA DAME. Avez vous paiée la debte Que devez la vierge honnorée ? LE SEIGNEUR. Oil, de ceste matinée, Dame, sui je a lui acquittez. LA DAME. C'est bien, sire (Mir. enf. diable, c.1339, 7)

L'ARCEDIACRE. Seigneurs, vous plaist il bien a touz ? Dites le moy. LES CINC ENSEMBLE. Chier sire, oil, en bonne foy ; Bien est ainsi. (Mir. ev. arced., c.1341, 126)

Pour ce parloient bien les anciens en disant ainsi : 'Bien est ce que toutes choses desirent.' (Oresme, E.A., c.1370, 103)

...icelle Margot li demanda se sondit ami avoit beu d'icelle poudre, laquelle respondi que ouyl, et icelle Margot li respondi : C'est bien. (Reg. crim. Chât., I, 1389-1392, 338)

C'est bien de + inf.

Et pour ce dit il ou livre dessus dit et en pluseurs autres, contre l'opinion d'aucuns, que c'estoit bien de translater les sciences de grec en latin et de les baillier et traiter en latin. (Oresme, E.A., c.1370, 101)

Ce n'est que bien. C'est parfait.

...il est hardiz et emprent hardiement, ce n'est que bien, car chose hardiement entreprise et ensuye est a moitié faicte. (Arras, c.1392-1393, 283)

[Par litote ; pour laisser entendre qu'un fait beaucoup plus grave pourrait se produire]

SAMUEL. (...) Il [Jean Baptiste] a eu la teste coupee. JHESUS. Ce n'est que bien. En ceste annee Varrés plus doleureux martire. (Pass. Auv., 1477, 115)

Estre bien à qqn. Convenir à qqn.

E ! lasse ! s'au mains L'une des deux [mains] demourast vive, Bien me fust (Mir. nat. N.S.J.C., c.1343, 214)

Or s'esbate, de par Dieu, Franc Gontier, Helayne o luy, soubz le bel esglantier ; Se bien leur est, cause n'ay qu'il me poise, Mais quoy que soit du laboureux mestier, Il n'est tresor que de vivre a son aise. (Villon, Test. R.H., 1461-1462, 118)

LE MARIÉ. Ma mere, il vous est bien ? ['Ça ne (vous) va pas ?'] n'est mye ? LA MERE. Non est ; par ma foy, je te nye. Ta personne fort me desplaist. (Nouv. mar. T., c.1490-1500, 96)

Est-il bien à nostre mounyere ? (Gent. moun. T., c.1500, 333)

[D'une pers.] Estre bien. Être dans une situation favorable, être à l'aise.

Je suis bien, plus ne m'atouchiez, Mais faites tost, si vous couchiez Sanz remanoir. (Mir. ev. arced., c.1341, 111)

...se a l'assay n'esteiz ausy bien qu'al parleir, ne valeiz riens ! (JEAN D'OUTREM., Myr. histors G., a.1400, 189)

Par ironie.

Nous sommes bien, ma dame pisse. (Sav. serg. D.L., c.1480-1490, 31)

Nous sommes bien pour ung ost desconfire. (La Vigne, S.M., 1496, 240)

Proverbe.

...celluy qui est bien ne se meuve (Macho, Esope R., c.1480, 215)

Estre bien à soi. Être alerte, dispos.

Remarque : Percef. III, R., t.1, c.1450 [c.1340], 117 ; t.4, 207.

Estre bien de qqn. Entretenir avec qqn de bonnes relations.

...il ne leur chault s'ilz sont amez ou non, Mais que l'en die qu'ilz soient bien des belles (Garenc., Poésies N., 1389-1415, 70)

Ogier (...) fut sy bien du roy qu'il luy fist sa paix.. (JEAN D'OUTREM., Myr. histors G., a.1400, 18)

Je ne suis pas bien de Fortune : Mon malheur et mon infortune Monstrent qu'elle est mon ennemye (Au grey d'amours F.-H., c.1400-1500, 209)

Et s'il veult estre bien d'elle, il la fauldra tousjours regarder et sa grant beauté louer (La Sale, Sale D., 1451, 127)

Faictes moy souvent savoir des nouvelles, et surtout faictes que je soye bien de mon frere (Lettres Louis XI, V., t.2, 1463, 118)

...je suis bien du roy et de toute la court. (Charles de Hongrie C., c.1495-1498, 38)

[À propos d'intimité sexuelle]

LE SEIGNEUR. Amie, voulentiers seroie Bien de vous, se il vous plaisoit. LA DAME. (...) Mon seigneur, qu'avez vous pensé ? Nous avons voué chasteté A Dieu et a sa mére aussi. (Mir. enf. diable, c.1339, 91)

Emploi impersonnel. En estre bien de qqn. Se trouver à l'aise.

Il en est bien de noz amys. (P. Jouh. D.R., a.1488, 19)

Emploi impersonnel. Aller bien, bien se porter.

SUER MARIE. Dame, bien puissez vous venir. Conment vous est ? L'ABBEESSE. Mes suers, il m'est bien, se Dieu plaist (Mir. abbeesse, 1340, 75)

ZEBEL. (...) M'amie, je vous aideray Voulentiers. Conment vous est il ? Certes, je craing moult le peril Ou je vous voy. NOSTRE DAME. Bien, dame (Mir. nat. N.S.J.C., c.1343, 211)

Ni bien ni mal. (Dans un état qui n'est) ni bon ni mauvais.

Ne bien, ne mal, mais entre deulx, J'ay trouvé au jour d'ui mon cueur Qui, parmi Confort et Douleur, Se seioit ou meilleu d'entreeulx. (CH. D'ORLÉANS, Rond. C., 1443-1460, 457)

B. -[Marque l'idée de plénitude, ou bien celle, proche, d'intensité ou de quantité]

1.[Portant sur un verbe ou une loc. verbale] Vraiment, pleinement, parfaitement, tout à fait.

a)[Portant sur un verbe ou un partic.]

PREMIER DYABLE. (...) au mains Yrons nous devant le vray juge, Vostre filz ; s'il le nous forsjuge, Nous le vous laisserons a tant. NOSTRE DAME. Il me plaist bien. (Mir. enf. diable, c.1339, 45)

...et (...) sambloit que ledit Hennequin cogneust bien icellui homme (Reg. crim. Chât., I, 1389-1392, 134)

Tres chiere dame, du mien n'emportez vous rien fors tant que vous passez par my mon pays, et est la villenie a moy, quant vous estes estrangiere, que je ne vous recoif en mon pays plus honnourablement que je ne puis faire ycy. Dont, respondy la dame, roy Elinas, je vous en tien bien pour excusé, et vous pry, se vous ne voulez autre chose, que vous ne laissiez ja a retourner pour ceste querele. (Arras, c.1392-1393, 8)

Lors [le roi Elinas] commence a penser a la beauté de la dame, et la print si fort a amer que il ne scot quel contenance prendre et dist a ses gens : Alez vous en devant, et je vous suivray assez tost. Et cilz s'en vont qui bien apperceurent que ly roys avoit trouvé quelque chose. (Arras, c.1392-1393, 8)

Et furent a la feste toutes les plus nobles dames du pays, qui moult prisoient la contenance de Remondin, et bien disoient qu'il estoit bien dignes de tenir un grant pays. (Arras, c.1392-1393, 67)

Lors commenca telle joye parmy la ville que ceulx de l'ost en oïrent bien le bruit (Arras, c.1392-1393, 159)

Heelas, tu [Aveugle Fortune] m'en avoiez getté et mis en haulte auttorité par le sens et la valour de la meilleur des meilleurs, de la plus belle des belles, de la plus saige des saiges. Or le me fault perdre par toy, faulse borgne, traitre, envieuse. Bien est fol qui en tes dons s'affie. Or hès, or aimes, or fais, or despieces, il n'a en toy de seurté ne d'estableté ne qu'en un cochet a vent. (Arras, c.1392-1393, 243)

...sa bonne femme (...) demande ce qu'elle bien scet (C.n.n., c.1456-1467, 27)

L'ostel n'estoit pas si grand (...) qu'il ne sceust bien les engins. (C.n.n., c.1456-1467, 98)

...et fist plusieurs rudesses oudit hostel à dame Ambroize de Loré, femme dudit d'Estouteville, qui estoit moult sage, noble et honneste dame. Dieu de ses exploiz le vueille punir, car il le a bien desservy ! (Roye, Chron. scand., I, 1460-1483, 12)

Et le lendemain fut alé querir audit lieu et apporté à Paris en moult grant et belle conduicte, ordonnance et reverence qui fut faicte audit corps, comme bien le valoit (Roye, Chron. scand., I, 1460-1483, 20)

Par m'ame, je l'aymoye bien (Villon, Test. R.H., 1461-1462, 53)

De beau chanter s'ennuyt on bien. (Villon, Test. R.H., 1461-1462, 138)

Saluez bien tost nostre roy, Depeschés vous chascun de vous Et vous mectez a deux genoux, Car sa personne le vault bien. (Feste roys, c.1475-1500, 307)

Quant il eut bien de ce vin beu, Il se trouva tout esperdu (Vig. Trib., c.1480, 233)

Bien aimé

Remond de Lusegnen, conte de Forests, et Thierry de Lusegnen, sire de Parthenay, vous mandons que, tantost ces lettres veues, vous vous gardez de nous, car nous vous porterons dommage le plus tost que nous pourrons, a cause du tort que vous faictes et avez fait a nostre tres chier et bien amé oncle le roy d'Ausaiz. Et a celle deffiance mirent leurs VJ. seaulx. (Arras, c.1392-1393, 284)

...mon ben amé escuier Galhardet de Tozeux (Caumont, Voy. N., p.1420, 14)

Grandement bien

...leur venue me plaist grandement bien (Froiss., Chron. M., XIV, c.1375-1400, 147)

Trop bien. Trop fortement.

...Car essoir fu trop bien batue (Vie st Fiacre B.C.P., c.1380-1400, 31)

Or ay esté par ma fole creance Trop bien deceu pour vouloir obeÿr As requestes dont tu ses bien servir (Jeu quatre pers. L., a.1465, 195)

Aussi / autant / autretant bien (que / comme). Tout autant (que).

...il fault que vous essaiez Aussi bien du mal que du bien. (Sav. serg. D.L., c.1480-1490, 36)

Si bien que. Si fort que.

Jesus nostre sire Vous en vueille si bien pugnir Qu'a tousjours en puist souvenir (S. fol., c.1480-1490, 8)

Il est bien vrai que. Il est entièrement vrai que, il est incontestable que.

...il est bien vray qu'a vous je doy obeir plus que a personne du monde, et ainsi le vueil je faire. (Arras, c.1392-1393, 188)

Voici bien pour + inf. Voici vraiment de quoi....

Je viens icy (pour) faire ung messaige, Mais je ne scay que je doy dire, Et par Dieu, vecy bien pour rire. (S. fol., c.1480-1490, 6)

b)[Portant sur une loc. verbale]

Or est bien droiz que je vous face Savoir ou vous yrez de cy. (Mir. enf. diable, c.1339, 40)

Encore ara on bien mestier, Seigneur, de ce que je scé faire (Mir. femme roy Port., c.1342, 153)

Et pour ce suiz je venuz par devers vous pour vous prier qu'il vous plaise a faire a monseigneur et a moy tant d'onneur qu'il vous plaise a venir logier en vostre forteresse, et admener tant de gens qu'il vous plaira, car, monseigneur, par ma foy, il y a assez de quoy vous tenir bien aise, Dieu mercy (Arras, c.1392-1393, 208)

Et la fu Gieffroy et ceulx qu'il avoit commis et ordonnez pour les comptes ouïr, car a lui n'en chaloit que un pou. Et tant ont compté et recompté que tout estoit bien a point. (Arras, c.1392-1393, 295)

...ledit suppliant qui estoit mal disposé et se vouloit aler couchier et reposer, pour ce qu'il estoit bien nuit (Doc. Poitou G., t.9, 1448, 44)

Il est bien temps de vous le dire (Path. D., c.1456-1469, 60)

Toutesfois, sire, puisque ainsi est cela et tout est à vous, vostre bon plaisir en soit fait, c'est bien raison. (Le Clerc, Interp. Roye, c.1502, 389)

Tres bien. Tout à fait.

...j'estoye tres bien d'acord Qu'on se confessast a la mort. (C. Riffl., c.1480-1520, 58)

c)[Portant sur un auxiliaire de mode (pour marquer que la nécessité ou l'obligation, la possibilité ou la volonté existe pleinement, effectivement)]

Lasse ! bien me doy destourber, Quant ensement me suis forfaite. (Mir. enf. diable, c.1339, 10)

Bien doy et vueil vivre et morir En vostre gracieus service (Mir. enf. diable, c.1339, 46)

Il le fault bien [se dépêcher] , car les satrapas Porroyent bien le corps Jhesu prendre. (Pass. Auv., 1477, 238)

On doit bien mauldire celluy Par qui le commun se doulloit. (Sots, c.1480-1500, 262)

Bien vouloir qqc. Souhaiter vivement qqc..

Remondin monta a cheval, et sa dame le mist ou droit chemin de Poictiers et se party de lui. Adont Remondin, qui moult ama sa compaignie, fu moult doulent, car bien voulsist estre tousjours avec celle qui si bon confort lui avoit donné. (Arras, c.1392-1393, 27)

...ceste dame sentent son serviteur le chevalier dessusdit en son hostel, devers lequel elle ne povoit aller si tost qu'elle eust bien voulu... (C.n.n., c.1456-1467, 268)

...toutesfoiz qu'il vouloit faire l'amoureux jeu, qui n'estoit pas si souvent qu'elle eust bien voulu... (C.n.n., c.1456-1467, 278)

Si vous vouldroye bien prier - pour du mien, j'ay assés finance - Que nous deux luy baillons l'avance. (Path. D., c.1456-1469, 146)

Pourquoy vueil bien qu'on voye clerement Trestout mon fait, et bien on le praticque (Sots mal., c.1480, 85)

Vouloir bien que. Souhaiter vivement que, exiger que.

...si veil bien que vous sachez qu'il se fault avancer de faire ce que j'ay dit. (C.n.n., c.1456-1467, 140)

Je voy bien que vous trompez de moy, mais je veil bien que vous sachez que vous n'y arez gueres d'honneur. (C.n.n., c.1456-1467, 213)

Or je veil bien que vous entendez que je ne suis pas si desfourni ne despourveu de sens (C.n.n., c.1456-1467, 562)

Je veul bien qu'il entende et sache les grans et esnormes tors qu'il me tient (Le Clerc, Interp. Roye, c.1502, 349)

2.[Porte sur un adj.] Très, fort.

a)[Adj. de sens positif ou neutre]

NOSTRE DAME. (...) Vez le cy ou il nous attent. Alez faire vostre demande. SECOND DYABLE. Nous li feron, dame, bien grande. (Mir. enf. diable, c.1339, 46)

A .I. ostel s'en vindrent a .I. bien bon vinaige. (Renaut Mont. B.N. V., c.1350-1400, 239)

Et comme dit Tulles en son livre de Achademiques, les choses pesantes et de grant auctorité sont delectables et bien aggreables as genz ou langage de leur païs. (Oresme, E.A., c.1370, 101)

...à l'abbé de Tournon, il print et embla en sa chambre, en unes bouges, XXVJ fr., deux pierres de saffirs et licorne, et estoient bien gros, et aussi un seel d'argent (Reg. crim. Chât., I, 1389-1392, 29)

...je vous pourverray si bien que vous vous tendrez pour bien contente, avant que je parte de ceste mortel vie, et aussi seront tous les barons de mon regne. (Arras, c.1392-1393, 120)

Lequel jouvencel par sa debonnaireté vint en grace au roy, et tellement qu'il le voult avoir, et, car il estoit encore bien josne, le ordonna a estre son paige (La Sale, J.S., 1456, 2)

Et si y avoit encores trois bien belles filles, faisans personnages de seraines toutes nues (Roye, Chron. scand., I, 1460-1483, 27)

...lesdiz de l'ost s'assemblerent en bien grant nombre (Roye, Chron. scand., I, 1460-1483, 278)

Tres bien + adj.

...deux très bien grans hanaps de madre, fins, sans garnison. (Invent. mobilier Ch. V, L., 1379-1391, 110)

b)[Adj. de sens négatif]

Ce trompeur la est bien becjaune Quant, pour vingt et quatre solz l'aulne, A prins drap qui n'en vault pas vingt. (Path. D., c.1456-1469, 80)

Et ce mesme jour y ot ung fol Normant qui dist à la porte Saint-Denis que ceulx de Paris estoient bien folz de penser que leurs chaynes de fer, tendues au travers de leurs rues, leur peust valoir à l'encontre de eulx. (Roye, Chron. scand., I, 1460-1483, 114)

...dont le roy fut bien mal content. (Roye, Chron. scand., I, 1460-1483, 313)

On y [jourait] bien haultement Mais aussi qui cherroit a bas, On seroit ravalé bien bas, Car c'est une rigle de droit (Vig. Trib., c.1480, 224)

Tu es bien mauvais savetier (Sav. serg. D.L., c.1480-1490, 33)

N'en desplaise a la compaignie, Pardonnés moy, c'est ma folye, A folie tiens celuy bien fol Qui pour aimer se rompt le col. (S. fol., c.1480-1490, 8)

c)[Porte sur un subst. en emploi attributif] Tout à fait.

Nous le vous dirons de cuer fin, Sire : c'est bien chose a oir. (Mir. enf. diable, c.1339, 54)

...le passer m'a deffendu Par cy, dont le cuer ay fondu Tout en douleur, c'est bien droiture. (Mir. nonne, 1345, 331)

C'est bien droit. Ce n'est que justice.

Messire, qui la gist mort, me dist, se telle adventure m'avenoit, que je seroie ly plus honnourez de mon lignaige. Mais je voy bien tout le contraire, car je seray ly plus maleureux et ly plus deshonnourez, et certes c'est bien droit. (Arras, c.1392-1393, 22)

3.[Porte sur un adv.] Très, tout à fait, fort.

a)[Adv. de manière]

Saichés se je ne l'ay [vostre annel] bien envis m'en yroye. (Gir. Vienne D.B., c.1350-1400, 167)

Par Dieu, dist le roy Uriien, vous avez vaillaument voyagé et bien eureusement ; j'en loue mon Createur. (Arras, c.1392-1393, 133)

...et charga bien expressement aux prevost des marchans et eschevins et tous autres officiers et gens notables de ladicte ville que, de tout leur povoir, ilz festiassent fort et honorablement lesdiz ambasseurs (Roye, Chron. scand., I, 1460-1483, 224)

...s'il vous fault point de lien Pour prendre bien hastivement Ung asne, j'en ay ung qui est mien, Tout a vostre commandement. (Sots Magn., a.1488, 200)

b)[Adv. de lieu]

Tenez, dame, vueillez le mettre De vous bien près. (Mir. nat. N.S.J.C., c.1343, 212)

Et les autres, c'est asavoir, les chevaliers qui se combatoient en leur compaignie, se mectoient au commencement bien avant es perilz, aussi comme les mieulx vaillans. (Oresme, E.A., c.1370, 213)

...et le convoia le roy bien loing sur le chemin de Pontoise (Roye, Chron. scand., I, 1460-1483, 136)

Et fut ledit Salezart suivy de bien près et fort batu et navré (Roye, Chron. scand., I, 1460-1483, 278)

c)[Adv. de temps]

...une bonne ville près de Coulongne sur le Rin, où il sejourna bien longuement (Roye, Chron. scand., I, 1460-1483, 318)

Se bien tost ne vous esventez, Vous pourrez payer ung amende. (Feste roys, c.1475-1500, 301)

...auquel ilz demanderent si les portes ouvreroyent bien tost ['bientôt'] (Le Clerc, Interp. Roye, c.1502, 174)

Bien matin

Je y alay juy bien matin (Mir. enf. diable, c.1339, 4)

Huy bien matin, a la verdure, Trois dames sont seant entrees Quil estoient mout emploreez, Je ouz tel poür, je coruz es champs. (Pass. Semur D.M., c.1420 [1488], 254)

Au bien matin. De bon matin.

... [il] se partit au bien matin du bourg dudit lieu de Monstereul Bonin pour aller garder et visiter lesdit bois et fourestz et veoir s'il y trouveroit aucuns malfaiteurs en iceulx, et avecques lui mena ung povre homme de labour, nommé Simon Gerbault pour l'acompaigner et estre record des esploiz qu'il feroit. (Doc. Poitou G., t.12, 1483, 596)

Tres bien matin. Voir matin

Bien bref. Très vite.

Par foy, dist Melusigne, enfans, cy fault pourveoir tant pour le fait de la mer comme cellui de la terre, et j'en ordonneray tellement que vous m'en saurez gré, et ce feray je bien brief. (Arras, c.1392-1393, 83)

d)[Adv. de quantité ou d'intensité] Très, beaucoup.

Mais sachiez que je ne cuidoie pas trouver logiee si prez de moy damoiselle de si hault affaire, ne qui eust tant de si nobles gens avec lui. Sire, dist ly chevaliers, quant il plaira a ma damoiselle, elle en aura bien plus, car il ne lui convient que commander. (Arras, c.1392-1393, 39)

S'il vous plaist ung bien peu parlez A moy, doulce dame honnourée Qui tant estes deconfortée. (Marcadé, Myst. Pass. Arras R., a.1440, 196)

...environ IX heures de nuit, fut veue ou ciel courir bien fort une très longue comete (Roye, Chron. scand., I, 1460-1483, 20)

...sans soy rafreschir ou que bien peu, et sans attendre toute sa compaignie (Roye, Chron. scand., I, 1460-1483, 64)

C'est bien assez pour devenir Hors du sens et estre cocu (Feste roys, c.1475-1500, 301)

Vela du venin pestifere Pour corrumpre en bien peu d'espace Trestoute la region basse De l'air (Cene dieux, c.1492, 128)

Un bien peu. Un petit peu.

...je loe qu'on examine Ung bien peu sa partie adverse. (Path. D., c.1456-1469, 164)

4.[Porte sur un synt. adv. ou prép.]

Dieux nous a yci bien a point Amenez (Mir. st J. Cris., c.1344, 281)

Il me sembloit ores que je feusse bien prez de Lusegnen, mais il me semble que je y ay bien failly. (Arras, c.1392-1393, 77)

...car plusieurs desdictes choses et merveilles sont advenues en tant de diversitez et façons estranges que moult penible chose auroit esté à moy ou aultre de bien au vray et au long escripre la verité des choses advenues durant ledit temps. (Roye, Chron. scand., I, 1460-1483, 2)

BON TEMPS, estant a une fenêtre. Me vecy, suis je bien en point ? (Sots, c.1480-1500, 274)

Bien malgré + pron. pers.

Tu meurs bien maulgré toy, Pernet, Voire maulgré toy et a force ! (Fr. arch. B., c.1468-1480, 40)

5.[Porte sur un dét. ou un nominal de quantification]

Beaulx seigneurs, ne le rigoulez pas, car sachiez qu'il a bien autre chose a penser. (Arras, c.1392-1393, 41)

...j'ay bien autre chose affaire. (Sav. serg. D.L., c.1480-1490, 31)

6.[Comme adv. ou nominal de quantité] Beaucoup.

Va tost ; tu gangneras monnoie Et bien a boire. (Mir. ev. arced., c.1341, 117)

Ma dame, pardonnez moi, que il a bien a penser, le cuer d'un nouvel amant deliberé de loyalment servir, comme le scien est, de bien choisir et soy du tout asservir aux entiers commandemens de sa dame, s'il n'est d'amours bien grandement amy (La Sale, J.S., 1456, 14)

Ainsi me semble que nous leur donnerons bien à besongnier. (Bueil, I, 1461-1466, 189)

II. -[Adv. de phrase (marquant l'approbation, la confirmation...)]

A. -[Adv. d'approbation]

1.[Comme réponse approbative]

L'EVESQUE. (...) Dites nous, sire, (...) Se de l'autre siecle savez Riens de nouvel. LE CHEVALIER. Sire, oil bien ['oui, effectivement'] ; mais non pas bel Pour vous (Mir. ev. arced., c.1341, 137)

Et a un filz chevalier, aussi aagié comme est mon filz ainsné. Par foy, dist Remondin, je scay bien comment il a a nom. Et comment le savez-vous, dist Alain ? Par foy, sire, dist Remondin, bien. Il est nommé Josselin de Pont le Leon, et a un filz chevalier que on appelle Olivier. (Arras, c.1392-1393, 54)

Sire chevalier, dist le roy, menassier povez vous assez, car autre chose n'emporterez vous de moy, car voz maistres ne voz menaces ne prise je pas un festu. Damp roy, dist le chevalier, je vous deffie de par les deux damoisiaux de Lusignen et tous leurs aidans. Bien, dist le roy, je me garderay de mesprendre et de perte. Par mon chief, dist le chevalier, il vous en est bien besoing. (Arras, c.1392-1393, 158)

[Avec valeur interj.]

Or bien, c'est fait : alons men (Mir. chan., c.1361, 242)

Or bien, respondirent il, puisque elle est la, elle s'i tenra (Froiss., Chron. D., p.1400, 517)

Et bien, de par Dieu, Esperance, Esse doncques vostre plaisir ? (CH. D'ORLÉANS, Rond. C., 1443-1460, 470)

'Or bien,' dist le roy, 'Quelz abillemens, quel nombre de gens ?' (La Sale, J.S., 1456, 239)

Or bien, dist il, nous en ferons tresbien. (C.n.n., c.1456-1467, 160)

Et bien, dit l'autre, je suis contente (C.n.n., c.1456-1467, 523)

Or bien Il couvient adviser combien Vous en voulez, premierement (Path. D., c.1456-1469, 68)

Et bien, dist le Roy, si ne laisserons nous pas à debatre beaucoup de choses (Bueil, II, 1461-1466, 236)

Trop bien cela. C'est parfait !.

Trop bien cela, respondy le roy, vous dittes tresbien. (LEFÈVRE (R.), Hist. Jason P., c.1460, 140)

Ha, trop bien cela, Mais quoy vous asseurez vous là ? (B. veoir, p.1480, 19)

2.[Par approbation de ce qui est ou semble souhaité, suggéré...] Vouloir bien qqc. Accepter volontiers qqc., s'accorder à qqc..

...celle qui ne vouloit souffrir qu'on la baisast, mais bien vouloit qu'on lui rembourrast son bas ; et habandonnoit tous ses membres (C.n.n., c.1456-1467, 11)

'...puis qu'il fault que vous aiez tout a vostre dict, j'aray terme de paier. - Cela veil je bien, mais j'aray mes douze rasieres.' (C.n.n., c.1456-1467, 291)

...la maistresse, si son mary n'y estoit, vouloit bien avoir sa compaignie [celle de l'homme qui se fait passer pour une femme] . (C.n.n., c.1456-1467, 303)

...me semble que j'ay tresbon appetit ; si vouldroye bien aller disner, si vous vouliez. (C.n.n., c.1456-1467, 369)

Le chanoine fut contraint, pour sauver son honneur, de s'accorder. Quand ce fut fait, elle voulut bien adonc dire a Dieu et se partir. [Ayant accompagné une amie venue rendre visite à un chanoine, son amant, une femme refuse de partir tant que le chanoine ne l'aura pas 'honorée'...] (C.n.n., c.1456-1467, 522)

3.[Appréciation portant sur un contenu prop.]

Bien fust que. Mieux aurait valu que.

Bien fust que vous fussiez tue. (Nouv. mar. T., c.1490-1500, 101)

Il prent bien à qqn de. Il est heureux pour qqn que.

Y n'y a dyable ne dyablesse Qui ne bondise au fons du puis Et me prent bien que point n'y suis (Michel, Myst. Pass. J., 1486, 194)

B. -[Adv. de certitude]

1.[Adv. de certitude concessive] Assurément (même si par ailleurs..., quoi qu'on puisse en penser ou dire..., quelque doute qui ait pu naître...).

Et ce fu bien ['ce fut assurément'] li buisson figurans Que Moyses vit ardoir (Mir. nat. N.S.J.C., c.1343, 246)

Bien est verité que... (Froiss., Chron. M., XIV, c.1375-1400, 113)

Ce fu bien le diale qui s'en ala meslant (Geste ducs Bourg. K., c.1410-1419, 267)

Ce seroit bien au pis venir. (Path. D., c.1456-1469, 144)

Remarque : T-L I, 965, 50 - 966, 12.

[Avec des verbes épistémiques (marquant la connaissance, le constat, la croyance, l'apparence...)]

Mais je voy bien quanqu'avez dit Ce n'est fors pour moy essaier. (Mir. abbeesse, 1340, 70)

Vezci bien miracles appertes, Jehan, que Dieu fait ci pour vous. (Mir. st J. Cris., c.1344, 284)

Lors [Remondin] s'avisa a lui mesmes et dist : Messire, qui la gist mort, me dist, se telle adventure m'avenoit, que je seroie ly plus honnourez de mon lignaige. Mais je voy bien tout le contraire, car je seray ly plus maleureux et ly plus deshonnourez, et certes c'est bien droit. (Arras, c.1392-1393, 22)

[Avec croire ou cuider]

Si je pouoie vendre de ma santé A ung Lombart, usurier par nature, Faulte d'argent m'a si fort enchanté Que j'en prendroie, ce croy bien, l'avanture (Villon, Poèmes variés R.H., c.1456-1463, 50)

...lesdiz habitans dudit Arras furent fort espoventez et cuidoient bien mourir (Roye, Chron. scand., II, 1460-1483, 48)

Par la foy de mon corps, mons. de Crussol, je croy bien que leurs femmes chevauchent mieulx qu'il ne font. (Le Clerc, Interp. Roye, c.1502, 207)

[Avec savoir]

Mon cuer en es merveille baus : Car bien say qu'il y tourneront. (Mir. enf. diable, c.1339, 8)

Et lors le menerent autre chemin, et le mena à un villaige où il n'y a que une maison, appellée Senaye, là où il savoit bien que les Englois estoient en enbusche (Reg. crim. Chât., I, 1389-1392, 55)

J'ay bien sceu que nagueres, en la ville d'Arras, avoit ung bon marchant (C.n.n., c.1456-1467, 319)

Je sçay bien que je suis morte (...) et que je n'ay pas fait comme je deusse. Mais je ne suis pas seule deceue en celle maniere (C.n.n., c.1456-1467, 374)

Pouvre coquard, qui ainsi vous tourmentez, savez vous bien au mains pour quoy ? (C.n.n., c.1456-1467, 465)

...car il scavoit bien que le roy l'avoit en hayne du temps qu'il estoit daulphin (Le Clerc, Interp. Roye, c.1502, 148)

[Avec sembler]

...il vous semblera ben que... (Trés. Reth. S.L., t.2, 1337, 37)

...sachiez qu'elle est si atainte Qu'il lui semble bien sanz doubter Que maintenant doie enfanter. (Mir. nat. N.S.J.C., c.1343, 212)

Et samble bien a vostre fait Que les livres avez veus Et estudiez et sceus. (Desch., M.M., c.1385-1403, 19)

Grant temps après vint Oliviers, armez moult noblement, montez sur un moult riche destrier, et bien sembloit homme de grant affaire, et si estoit il. (Arras, c.1392-1393, 61)

Pouvoir bien

Je le puis bien par moy savoir. (Mir. enf. diable, c.1339, 20)

LA DAMOISELLE. (...) Elle ot paour d'estre brulée, Je croy, si qu'elle en est fouie, Puis que nous ne la veons mie Dedans cest estre. LA ROYNE. En nom Dieu, il pourroit bien estre : Se Dieu plaist, elle n'est mie arse (Mir. femme roy Port., c.1342, 187)

Donques puis je bien encore conclurre que la consideracion et le propos de nostre bon roy Charles est a recommender, qui fait les bons livres et excellens translater en françois. (Oresme, E.A., c.1370, 101)

...vous vous povez bien passer, s'il vous plaist, de vous donner courroux ne ennuy pour telles choses qui ne vous pevent ne aidier ne nuire. (Arras, c.1392-1393, 20)

Par ma foy, vassaulx, il vous muet de grant orgueil ou de grant niceté de ainsi passer par devant damoiselles sans les saluer, combien que l'orgueil et la niceté puet bien estre en vous tout ensemble. (Arras, c.1392-1393, 24)

Et sachiez qu'ilz ne sceurent que depuis sont devenu, car depuis les attendirent bien six jours ; mais quant ilz virent qu'ilz ne vendroient pas, si se partirent et vindrent au siege. Par foy, dist le maistre, cecy se puet bien faire ; veez cy monseigneur Uriien et son frere qui vous en sauroient bien a respondre, car ilz les ont mis mors et desconfiz, et nous ont donné les fustes. (Arras, c.1392-1393, 94)

...il peult bien estre Que j'en ay mangié plus de trente En trois ans. (Path. D., c.1456-1469, 148)

Il le fault bien [se dépêcher] , car les satrapas Porroyent bien le corps Jhesu prendre. (Pass. Auv., 1477, 238)

Tu pourras bien estre froullé Se tu vas gueres caquetant. (Sav. serg. D.L., c.1480-1490, 34)

Il est bien en qqn (+ inf.). Qqn a effectivement la possibilité (de + inf.).

...de toutes les richesses du monde je ne desire pour le jour d'hui que une dont il est bien en vous m'enrichir, s'il vous plaist. (Percef. IV, R., c.1450 [c.1340], 46)

...et s'il vous vuelt aydier, soyez certaine qu'il en est bien en luy (Percef. IV, R., c.1450 [c.1340], 92)

[Dans la principale d'une relation hypothétique (quoi qu'on en pense, la principale est avérée dans le cas où...)]

Mais je me suy si bien gardée, Dieu merci, qu'onques resgardée Ne fu pour chose que feisse, Et s'eusse bien, se je voulsisse, Trouvé qui eust parlé a moy. (Desch., M.M., c.1385-1403, 106)

Adont envoiierent chil François courir devant la ville, et vinrent li coureur jusques as barrieres et fuissent bien entré dedens la porte qui sciet ou cemin de Tournai, se il vosissent. (Froiss., Chron. D., p.1400, 368)

...si je veoye mon gantelet, je le congnoistroye bien. (Bueil, I, 1461-1466, 224)

Il auroit bien la teste folle Qui ne l'entendroit. (Sots triumph., c.1475, 45)

[Renforçant la question confirmative (où la réponse attendue est positive), qu'elle soit positive ou négative, dir. ou indir.]

...cil qui l'a mort Est evesque et tient la sa feste : Est ce bien chose deshonneste Et fait vilain ? (Mir. ev. arced., c.1341, 131)

Avez vous bien trouvé ce que je vous disoye ? (Arras, c.1392-1393, 242)

Saintré, y avez vous bien pensé ? (La Sale, J.S., 1456, 147)

'Tenez, dit elle, fays je bien ce qu'il vous plaist ? - Vous ne l'avez pas tousjours fait, dit il...' (C.n.n., c.1456-1467, 420)

Avez vous bien, en yver et esté, Tousjours en Dieu remys vostre fïance ? (La Vigne, S.M., 1496, 214)

...et luy demanda s'il luy souviendroit bien de ce que le duc de Bourgoigne luy avoit dit, et il respondit que ouy (Le Clerc, Interp. Roye, c.1502, 154)

Sire, entendés vous pas bien que en ceste monstre il y a plus de dix mil qui ne sauroient faire dix lieues à cheval sans repaistre ? (Le Clerc, Interp. Roye, c.1502, 207)

Remarque : T-L I, 965, 17-24.

[Renforçant la phrase impérative, pour confirmer l'ordre donné, du souhait exprimé]

Et sachez bien que j'ay voloir De deux lis vous et moy avoir (Mir. enf. diable, c.1339, 4)

Vous actendrez tant que ly baron auront fait hommage, et lors vous trairez avant, et demanderez au jeusne conte un don pour tout le salaire du service que vous feistes oncques a son pere ; et lui dictes bien que vous ne lui demanderez chastel ne ville, ne forteresse, ne chose qui guerres lui couste. (Arras, c.1392-1393, 31)

Et advertissez bien ceulx qui sont ordonnez pour aller gaigner les tours et les murailles qu'ilz ne s'amusent point au pillaige. (Bueil, II, 1461-1466, 125)

2.[Adv. de certitude confirmative]

Oil, par foy ; c'est bien mes grez. (Mir. femme roy Port., c.1342, 152)

L'Angloys se courroussa et dist : 'C'est bien ce que chascun nous disoit, que vous mocqueriez de nous...' (Comm., II, 1489-1491, 79)

SAINCT MARTIN. Tort avoit. CLAUDE. Bien le disoye. (La Vigne, S.M., 1496, 532)

3.[Adv. de certitude implicative]

a)[Par l'adv. bien on demande de ne pas oublier ce qui est dit, de le prendre en considération et d'en tirer les conséquences]

Il me fauldroit avoir un curre, A cheannes bien ordonné, Dedenz et dehors painturé, Couvert de drap de camocas. Je voy bien femme d'avocas, De povres bourgois de villaige, Qui l'ont bien, (pourquoy ne l'arai ge ?) (Desch., M.M., c.1385-1403, 44)

Et, qui en fait une, il en fait bien deulx. Et, pour ce qu'il vous a trompé en ceste matière, je vous avertiz que vous gardez vostre personne et qu il ne vous trompe de la vie (Bueil, II, 1461-1466, 252)

b)[Par l'adv. bien on demande d'admettre ce qui est dit, mais de ne pas en tirer des conclusions qui n'en sont pas (gén. formulées dans une prop. adversative)]

Bien estoit le roy Charles informez de ce roy Aquin qui se tenoit en Bretaingne, mais il ne vouloit pas pour ce rompre ne brisier son voyaige ne sa emprise (Froiss., Chron. M., XIV, c.1375-1400, 10)

Et saiches que je scay bien que tu cuides que ce soit fantosme ou euvre dyabolique de mon fait et de mes paroles, mais je te certiffie que je suiz de par Dieu et croy en tout quanque vraye catholique doit croire. (Arras, c.1392-1393, 25)

Je croi assés que li auqun ooient et entendoient bien ce que li signeur leur disoient et anatissoient. Nient mains, tousjours il tenoient lor rieule sus la fourme que dit vous ai (Froiss., Chron. D., p.1400, 448)

...or vous avancez de moy tirer d'icy (...) - Cela feray je bien, monseigneur, dit elle, mais ce ne sera pas devant que vous ayez promis de moy paier (C.n.n., c.1456-1467, 188)

Se je suis priz, vous avez bien la grace Dieu ! de quoy me rachetter [il n'y a donc pas lieu d'être inquiet] (Bueil, II, 1461-1466, 219)

...ilz en avoient bien parlé par forme de divise mais non point aultrement (Comm., III, 1495-1498, 292)

4.[Adv. de certitude évaluative (ou adv. de certitude approchée), marquant la certitude d'une proposition minimalement évaluée, en laissant ouverte la possibilité de plus] Au moins.

Il nous aime parfaittement, Quant en si po d'eure nous maine En une terre si lointaine, Ou il a bien dix mois d'erreure (Mir. enf. diable, c.1339, 54)

...il print et embla plusieurs joyaulx et anneaulx qui estoient à icelle dame, n'est record quelx joyaulx, pour ce qu'il y a bien VJ ans qu'il fist ycellui larrecin (Reg. crim. Chât., I, 1389-1392, 26)

Remondin appresta son erre et prist congié de Melusigne, et se party a moult noble compaignie de chevaliers et d'escuiers, le nombre de bien deux cens gentilz hommes. (Arras, c.1392-1393, 51)

Enfans, montez a cheval et alez au devant de ces estrangiers, et les recevez tres honnourablement, et les faictes tres bien logier, car on me dit qu'ilz sont bien de VJc. à VIJc. chevaulx. (Arras, c.1392-1393, 52)

...vous resemblez assez un mien frere, qui moult fu vistes et appers, qui se party de ce païs il a bien LX. ans, pour une noise qu'il ot, et ne scay pas la cause ne pourquoy, au nepveu du roy qui pour le temps regnoit en ce pays. (Arras, c.1392-1393, 53)

Lors dist a Remondin : Sire chevaliers, bailliez ostages. Lors se met avant son oncle Alain et ses deux filz, et bien jusqu'a quarante chevaliers, qui tous dirent d'une voix : Sire, nous le plegons. (Arras, c.1392-1393, 61)

...Remondin le va ferir de la lance ou cousté, tellement qu'il le porta a terre de l'autre lez du destrier, et demoura a Olivier bien demy pié du fer de la lance dedens le corps. (Arras, c.1392-1393, 63)

Et fist bastir entre le bourc et le chastel une forte tour, grosse, de tieules sarrasinoises, a fort cyment. Et estoient bien ly mur de la tour de XVJ. a XX. piez d'espez. (Arras, c.1392-1393, 67)

L'ystoire dit que la feste dura a Nantes bien XV. jours ou plus. (Arras, c.1392-1393, 68)

...noz ennemis sont bien dix contre un de nous. (Arras, c.1392-1393, 108)

Melusigne (...) estoit en une grant cuve de marbre, ou il avoit degrez jusques au fons. Et estoit bien la grandeur de la cuve de XV. piez de roont tout autour en esquarrie, et y ot alees tout autour de bien V. piez de large. (Arras, c.1392-1393, 241)

Tous les moines furent ars, et bien la moitié de l'abbaye, avant que Gieffroy se partist de la. (Arras, c.1392-1393, 251)

...car icelluy Huguet, par ledit compte faisoit de moins de recepte d'escalate de bien deux charges qu'il ne devoit, aussi mectoit la vente de ladicte escarlate à moins qu'elle n'avoit esté vendue. (Aff. Jacques Coeur M., 1453-1457, 118)

...huit grosses lieues qui en valent bien seize de France (Roye, Chron. scand., II, 1460-1483, 9)

J'en ay bien soufflé en mes doiz Plus de .XL. fois depuis, Et ce vous y estiez, galloys, Vous seriez des plus esbahis. (B. veoir, p.1480, 19)

Ceulx qui sont en devotion Y vont bien trois fois [à confesse] , voire quatre. (C. Riffl., c.1480-1520, 58)

...et estoit bien deux heures de nuyt quant il apparceut à la lune un des clercs de maistre Jehan de Reilhac (Le Clerc, Interp. Roye, c.1502, 147)

Remarque : T-L I, 964, 51 - 965, 7.

Pas bien. Pas même.

Vous n'avez pas bien l'aage de XXX. ans, et vous me feriez acoincté de la verité de cest fait que nulz ne scot oncques en cest pays (Arras, c.1392-1393, 53)

5.[Adv. de certitude adversative ou comparative]

a)[Marque la validité d'une relation alternative] Ou bien

Vint du ciel le Jehan batesme Ou bien des hommes ? (Mir. nat. N.S.J.C., c.1343, 233)

Trop bien. Bien plutôt.

En la court de ceans s'est complaint ung vieillart d'une jeune dame parce qu'elle ne le veult aimer, disant qu'il luy a ja donné plusieurs ceintures et chapperons pour estre en sa grace, mais elle n'en tient compte. Trop bien, quant elle veult avoir de lui aucune chose, elle le scet le mieulx entretenir du monde et le flater en le baisant et sadayant, mais... (MART. D'AUV., Arrêts Am. R., c.1460-1466, 148)

Item, pour ce que scet sa Bille Madamoiselle de Bruyeres, Donne prescher hors l'Euvangille A elle et a ses bachelieres, Pour retraire ces villotieres Qui ont le bec si affilé, Mais que ce soit hors cymetieres, Trop bien au Merchié au fillé (Villon, Test. R.H., 1461-1462, 119)

b)[Marque une certitude alignée sur ce qui est déjà admis ou qu'il faut admettre] Aussi / autant / autretant bien (que / comme)

Et fussiez aussi bien un cent Conme deux estes. (Mir. abbeesse, 1340, 79)

Et se le tamps on y pert, La vie en est si plaisans et si chiere Qu'otretant bien, en plus grosse maniere, L'omme hardi et le couart qui tramble On paie [mal, selonc ce qu'il me samble]. (Froiss., Ball. B., c.1362-1377, 22)

Mes Atemprance et je ossi, Qu'on blame et qu'on refuse si, Otretant bien nous vorrions, Fust as cops ou as horions, Aquiter (Froiss., Pris. am. F., 1372-1373, 121)

Et le duc de Bourgoingne et autant bien les aultres nobles et haulx barrons de France et du conseil du roy sentoient le duc de Bretaigne en grant different contre le royaulme (Froiss., Chron. M., XIV, c.1375-1400, 230)

Monseigneur, vous soiez ly tres bien venus, comme cellui a qui nous devons et voulons tous obeir. Et ce distrent aussi bien les dames que les seigneurs. (Arras, c.1392-1393, 45)

...tout ainsy que Dieu vous at esluyt pour estre le plus grant roy du monde, sy at Dieu aussy bien toy esluyt pour conquere ma terre devant tout aultre (JEAN D'OUTREM., Myr. histors G., a.1400, 91)

Mon seigneur, c'est aussi bien mon cas (Sots mal., c.1480, 89)

...il fault que vous essaiez Aussi bien du mal que du bien. (Sav. serg. D.L., c.1480-1490, 36)

III. -Substantif masculin.

A. -[Sur le plan moral, p. oppos. au mal, à ce qui est mal]

1.Ce qui est bon, ce qui est satisfaisant.

a)Ce qui est bon moralement, ce qui est juste, honorable, louable.

Diex li laist Parfaire le bien qu'a empris ; Car d'amer Dieu est moult espris, Selon m'entente. (Mir. nonne, 1345, 316)

Item, aucun pourroit demander que veulent dire ceuls qui tiennent ceste opinion en ce que il dient que l'ydee de bien est par soy bien et l'ydee de homme est par soy homme. (Oresme, E.A., c.1370, 114)

...mais convient que l'ame de l'auditeur soit preparee par bonne acoustumance ad ce que elle se delicte et esjoïsse en bien et que elle ait haine de mal, en la maniere que la terre doit estre bien cultivee afin que elle nourrisse la semence. (Oresme, E.A., c.1370, 532)

Par Dieu, Remondin, je [Mélusine] suiz, aprez Dieu, celle qui te puet plus aidier et avancier en ce mortel monde, en tes adversitez, et ton malefice revertir en bien. (Arras, c.1392-1393, 25)

Riens n'y valent doulces paroles pour l' [l'âme] amolir, ne dures pour la rompre ou flechir, car elle est sourde a tous biens (Gers., Purif., 1396-1397, 66)

Bien moral

Donques appartient il a science moral considerer de amistié, puisque ce est bien moral. (Oresme, E.A.C., c.1370, 414)

De bien en mieux

...nous devons considerer Qu'en plus grande parfection Chet plus grande devocion Pour parvenir de bien en mieulx. (Myst. Pass. Troyes B., a.1482, 1066)

En tout bien et en tout honneur / En tout honneur et en tout bien. En tout bien et tout honneur.

En tout bien et en tout honneur... (Percef. III, R., t.2, c.1450 [c.1340], 214)

Ainsi m'aide Dieu, monseigneur, Qu'en tout bien et en tout honneur Je vous asseure de cela. (Pouvre peuple H., c.1450-1492, 192)

Aujourd'uy, en ceste journee, Qui est la veille jour de l'an, Se veullent trouver sus la pree [pour une joute] En tout honneur et en tout bien. (Myst. siège Orléans H., c.1480-1500, 307)

Vivre en bien. Vivre honnêtement.

Je suis pecheur, je le sçay bien, Pourtant ne veult pas Dieu ma mort, Mais convertisse et vive en bien, Et tout autre que pechié mort. (Villon, Test. R.H., 1461-1462, 30)

Proverbe.

Du bien le bien doit chacun dire. (Miélot, Prov. U., 1456, 194)

On doit dire du bien le bien (Villon, Poèmes variés R.H., c.1456-1463, 42)

Il fault dire du bien le bien (Coquill., Oeuvres F., 1478-p.1494, 9)

Pour vous dire du bien le bien, Nous [vous] avons servy (Sots gard., a.1488, 111)

b)En particulier.

Ce qui est socialement satisfaisant, les bons usages.

Et lors regarda la dame qui ot laissié le chanter, et la va saluer tres humblement en lui portant le plus grant honneur et reverence qu'il oncques pot. Et celle, qui savoit moult de bien et d'onneur, lui respondy moult gracieusement. (Arras, c.1392-1393, 7)

Ce qui est militairement satisfaisant, acte de vaillance.

Mais, s'il vous sembloit que nous peussions aucune chose exploicter aujourd'ui, le jour est grant et nous sommes bien acompaigniez pour faire beaucoup de bien, ce me semble. (Bueil, I, 1461-1466, 192)

Et Connin, qui fut ung peu chault et estoit homme qui avoit voulloir de faire quelque bien ce jour, se avança. (Bueil, I, 1461-1466, 213)

2.Ce qui est bon, satisfaisant en qqn ; qualité, valeur, mérite de qqn.

Marie, en qui tout bien si est compris (Mir. ev. arced., c.1341, 144)

En bien et en honneur a autre ne vois pençant. (Gir. Vienne D.B., c.1350-1400, 151)

Mais toutesvoies, en telles grans adversitéz reluist, resplendist et se monstre le bien de la personne (Oresme, E.A., c.1370, 135)

...saichiez, chiere seur, qu'il me souffist bien que vous me faictes autel service comme vos bonnes voisines font a leurs mariz (...). Car je ne suis point si oultrecuidé, a ce que je sens de vous et de vostre bien, que ce que vous en ferez ne me souffise assez (Ménagier Paris B.F., c.1392-1394, 2)

...Gente Beaulté plaine de doulx acueil, Jeune, sachant, et de maniere lye Et de tous biens a droit souhait garnie. (CH. D'ORLÉANS, Ret. am. C., 1414, 4)

Pour les grans biens qui sont en elle, Chascun est prest de la louer. (CH. D'ORLÉANS, Chans. C., c.1415-1440, 207)

...oncques en moy ne eust tant de bien que pour l'amour de vous je eusse nul fait d'armes entrepris (La Sale, J.S. E., 1456, 350)

Se voullez aller a cheval Et estre homme de grant affaire, Premier il nous fault contrefaire Du saige et du bon entendeur, Dire le mal et le bien taire (Sots triumph., c.1475, 45)

Roy triumphant en tout honneur et bien (Feste roys, c.1475-1500, 307)

Tu monstres le bien qu'est en toy, Mon cosin, mon maistre, Jhesus (Pass. Auv., 1477, 219)

En vous, belle, me suis fié Ou je trouve cause et couleur, Tout bien en vous et tout honneur ; De ce je suis certiffié. (Myst. siège Orléans H., c.1480-1500, 520)

Par ironie. Dans sa bonté (?) (Éd.).

Et a l'aventure ira ung tel galant en la compaignie qui li fera plaisir et service voulentiers sur le chemin du bien de lui et de sa courtoisie (Quinze joies mar. R., c.1390-1410, 68)

Dire / retraire du bien de qqn

Mais a vostre requeste je m'en yray par devers vostre pere pour faire la reverence, et aucuns de mes plus privez avec moy, car j'ay grant voulenté de lui veoir pour le bien que j'en ay ouy dire. (Arras, c.1392-1393, 52)

Et lui demanda tantost Anthoine, pour le bien qu'il avoit ouy retraire de lui, se il lui plairoit a aler avec lui et avec Regnault, son frere, en voyage (Arras, c.1392-1393, 149)

...et je l'avoye tousjours porté et soustenu et fait le mieulx que j'avoye peu et dit beaucoup de bien de lui. (Bueil, II, 1461-1466, 209)

Quant chascun preudhomme vous tient Et que au couuent il a pleu Par lautre abbe fustes esleu Tout bien tout honneur en ay ouy dire Abbe serez martin beau sire De marmoustier sans faillance (Myst. st Martin K., a.1500, 271)

Tenir qqn à grand bien. Estimer qqn.

La victoire ne gist pas en grant multitude de peuple, mais en bon gouvernement. Alixandre, qui tant conquist, ne voult oncques avoir que dix mil hommes contre tous pour une journee. Quant le cappitaine l'ouy parler si vaillaument, si le tint a grant bien, et bien pensoit qu'il vouloit conquerir moult de pays. (Arras, c.1392-1393, 99)

Homme / femme / gens... de bien. De valeur (en partic. par la vaillance).

...car il n'estoit pas en abit d'omme de bien, fors que de vilain. (Froiss., Chron. M., XIV, c.1375-1400, 52)

Je fus receu honnestement De gens de bien qui vistement Vindrent après moy par exprés. (Gaud. sot, c.1450, 12)

Moy qui suis ung grant gouverneur, Ung homme de bien, ung seigneur, Tant plain d'avoir et de richesse ! (Pouvre peuple H., c.1450-1492, 208)

Est ce la contenence d'un escuier de bien, que de non convoier les dames ? (La Sale, J.S., 1456, 6)

...car ilz s'estoient serrez en bataille et par ordre et leur artillerie aprestée, de laquelle ilz greverent fort les gens du roy et en tuerent plusieurs gens de bien (Roye, Chron. scand., I, 1460-1483, 66)

...et falut fermer les portes et que gens de bien s'en meslassent pour les defaire et appoincter. (Roye, Chron. scand., I, 1460-1483, 163)

Et estoit ladicte bourgoise [Estiennette de Besançon] moult honnourée entre toutes les femmes de bien de ladicte ville, et fort priée et requise de estre et soy trouver en tous banquetz, festes et honnestes assemblées qui se faisoient en icelle ville. (Roye, Chron. scand., I, 1460-1483, 222)

...Troys hommes de bien et d'onneur, Desirans de sauver leurs ames Et doubtans Dieu nostre seigneur (Villon, Test. R.H., 1461-1462, 146)

Par bieu, tu es homme de bien. (Dorib., p.1480, 251)

[Avec tres, trop, aussi, plus...]

Il est tres homme de bien (La Sale, J.S., 1456, 66)

...et aucuns autres des plus gens de bien (C.n.n., c.1456-1467, 426)

...aussi des plus gens de bien de la ville (Bueil, II, 1461-1466, 23)

...et se monstroit très homme de bien (La Marche, Mém., I, c.1470, 309)

...une grosse compaignie des plus gens de bien et des meilleurs gens d'armes (La Marche, Mém., II, c.1470, 61)

C'est le bruvaige le plus seur Que boyvent les plus gens de bien (Dorib., p.1480, 248)

...ung viel chevalier de Bourgongne qui fut le plus homme de bien qui y mourut (Comm., I, 1489-1491, 237)

...Jacques Gallyot, gentil homme de Naples, très homme de bien (Comm., II, 1489-1491, 8)

Trop femme de bien me retien Pour estre a cela vostre basse. (Cene dieux, c.1492, 130)

Par ironie.

Hé ! tais toy, tays [toy], je t'em prie ! Tu es ung tres homme de bien, Voire loing. (Pouvre peuple H., c.1450-1492, 192)

Fille de bien. Fille honnête.

Item, et a filles de bien, Qui ont peres, meres et antes, Par m'ame, je ne donne rien, Car j'ay tout donné aux servantes. (Villon, Test. R.H., 1461-1462, 123)

[P. ell. de gens de bien ?]

...en la compaignie de bien et de dames et damoiselles (MART. D'AUV., Arrêts Am. R., c.1460-1466, 10)

Lieu de bien. Lieu honorable, bonne famille.

Vecy enffans de lieu de bien ! (Villon, Test. R.H., 1461-1462, 106)

Chose de bien. Chose de valeur.

Ha, j'ay la Farce des oyseaulx. Esse chose de bien ? (Copp. lard., a.1488, 165)

3.Ce que qqn fait de bon, de satisfaisant, acte louable (par sa valeur morale, par la vaillance qu'il suppose...).

Et quant les deux damoisiaux l'entendirent, si le coururent acoller, disans : Nobles homs, veulliez nous dire que c'est. Par foy, dist cil, mes nobles seigneurs, voulentiers, tant pour ce que je seroye liez de vostre avancement que de raison soustenir et de magnifier le bien et a admonnester tous ceulx qui veullent avoir honneur d'ensuir le chemin. Mes seigneurs, il est verité que tous ceulx qui aiment honneur et chevalerie si doivent aidier a soustenir en leur droit les vefves, dames et les orphelins et orphelines. (Arras, c.1392-1393, 149)

'Nennil,' dist Madame, 'vous vous abusez que un cuer failli feist jamais tant de bien.' (La Sale, J.S., 1456, 10)

Faire bien. Faire des bonnes actions.

...le residu de tous ses biens, moebles, immoebles, conquestz et acquestz, ou quilz soient ou pourront estre trouvez, elle laissa pour chanter messe et faire bien pour le salut et remède de l'ame de elle et de tous ses amis et bienfaicteurs trespassez, a le discrecion de ses exequteurs (Invent. test. beauv. L., 1431, 68)

Proverbe.

Qui bien fera, bien trouvera. (Liber Fort. G., 1346, 89)

Qui bien fera bien trouvera. (E. Legris, Anc. prov. fr., p.1400. In : Bibl. Éc. Chartes 60, 1899, 594)

Qui bien fera bien trouuera (Danse macabre femmes H., p.1480, 130)

Au pluriel. Les biens. Les bonnes actions.

Filles, veez vous la le pays ou vous fustes neez et ou vous eussiez eu vostre partie, ne feust la fausseté de vostre pere, qui vous et moy a mis en grant misere sans fin jusques au jour du Hault Juge, qui punira les maulx et essaucera les biens. (Arras, c.1392-1393, 11)

Faire des biens

Car un chascun de cuer l'amoit Pour les grans biens qu'elle faisoit (Mir. marq. Gaudine, 1350, 156)

Mais je vous prie, par pitié et par misericorde, qu'il vous plaise a moy donner la vie de Olivier, car, veue la vaillance de lui, et aussi consideré qu'il n'a coulpe en la trahison, ce seroit moult grant dommage de sa mort, car encore pourroit il faire des biens assez. (Arras, c.1392-1393, 65)

Saint Brandons est nommeit, qui at fait mains biens. (JEAN D'OUTREM., Myr. histors G., a.1400, 197)

B. -Ce qui est favorable à qqn (moralement ou matériellement), qui est à son avantage, qui lui permet de s'épanouir.

1.[Sans spécification contextuelle]

a)Au singulier.

Se Dieu plaist, n'arez se bien non (Mir. abbeesse, 1340, 76)

...Si que veoir puisse le monde Et congnoistre quel bien dessert Celui ou celle qui vous sert (Mir. ev. arced., c.1341, 131)

Se vostre aide orendroit n'ay, Jamais honneur ne bien n'aray. (Mir. femme roy Port., c.1342, 182)

...je vous conseil pour bien, M'amie, se vous savez rien Qu'aiez meffait encontre li, Que vous li en criez merci (Mir. nat. N.S.J.C., c.1343, 216)

Or, Remondin, dist elle encores, fault il que vous jurez autre chose. Madame, quoy ? Je sui tout prest, se c'est chose que je doye faire bonnement. Oïl, dist elle, il ne vous puet tourner a nul prejudice que de tout bien. Vous me jurerez sur tous les seremens que preudoms doit faire, que le samedi vous ne mettrez jamais peine a moy veoir ne enquerre ou je seray. (Arras, c.1392-1393, 26)

Mais quel bien, quel proffit, quel honneur, quel subcide, quel avantaige, quel confort, quel ayde et quel conseil pour vous mectre sus vous en puet advenir pour estre vaillant homme ? (La Sale, J.S., 1456, 16)

C'est grant bien de boire au matin (Sav. serg. D.L., c.1480-1490, 30)

Proverbe.

Ne pour grant bien trop esjouir, ne pour grant mal esbahir (Bouvet, Arbre bat. N., c.1386-1389, 34)

Grant bien ne vient jamais sans paine. (CH. D'ORLÉANS, Compl. C., 1433-p.1451, 273)

Le bien (de qqn). Ce qui est favorable à qqn.

Je vous conseille que vous faciez bonne diligence de ce que dit est, pour ce que je vouldroye vostre bien et vostre honneur. (Reg. crim. Chât., I, 1389-1392, 524)

Et lors la contesse de Poictiers et les autres grans dames vindrent, qui l'enmenerent [Mélusine] la dedens, et lui administrerent ce qu'elles devoient, combien qu'elle feust assez pourveue de sens. Mais elle les mercioit humblement de ce que elles lui monstroient pour son bien et honneur. (Arras, c.1392-1393, 41)

Et lors appella Melusigne ses enfans en disant ainsi : Enfans, vous vous departez de la compaignie de monseigneur vostre pere et de moy et est adventure que je vous revoie jamais par de ca. Et pour tant vous vueil je enseignier et introduire pour vostre bien et advancement. Ce que je vous diray et l'entendez et retenez bien, car il vous aura bien besoing. (Arras, c.1392-1393, 152)

Pour vostre bien cecy disons, Affin que ne soyés reprins : Puisqu'entre vous mains l'avez prins, Sur vous toute la charge en torne. (Myst. st Adr. P., c.1450-1485, 130)

Je vous pry que me pardonnez, Se je suys trop habandonnez De parler a vous privéement, Car je vous ayme loalment Et le diz pour vostre grant bien ! (Myst. st Adr. P., c.1450-1485, 98)

...pour le bien, prouffit et utilité du roy (Roye, Chron. scand., I, 1460-1483, 84)

Bienfait.

Car celui qui reçoit aucun bien ou benefice, il est mendre quant a ce que celui qui le fait. (Oresme, E.A., c.1370, 253)

Faire (du) bien / des biens à qqn (ou une collectivité)

A ces enfans bien revenrez Et, s'il vous plaist, vous leur ferez Bien, conme aux vostres. (Mir. nonne, 1345, 347)

...car celui qui fait bien, ce n'est pas sa maniere souffrir de legier que l'en li face bien. (Oresme, E.A., c.1370, 233)

...sondit mary ne lui faisoit aucun bien (Reg. crim. Chât., II, 1389-1392, 57)

Hee, faulse Fortune, comment es tu si perverse que tu m'as fait occire cellui qui tant m'amoit, cellui qui tant de bien m'avoit fait ! (Arras, c.1392-1393, 22)

Par foy, dist ly chastellains, or tien je bien a emploié l'onneur et le bien que Jossellins, mes oncles, vous a fait ou temps passé. (Arras, c.1392-1393, 68)

Et fist Melusigne faire fonder par le païs mainte eglise, et renter, et moult d'autres biens qui ne sont mie a mettre en oubly. (Arras, c.1392-1393, 80)

Et se vous donnez par plaisance, gardez que fole largesce ne vous surpreingne, tant que on s'en puist escharvir de vous, car ceulx qui auroient desservy que vous leur feissiez bien, s'en tendroient pour mal contens, et les estrangiers vous en blasmeroient en derrier. (Arras, c.1392-1393, 85)

Or vous diray des deux freres, qui prindrent congié du prieur, et firent moult de bien a l'eglise. (Arras, c.1392-1393, 293)

...alors je vous aimeray, feray des biens, et serez mon ami vraiement. (La Sale, J.S., 1456, 48)

...il n'y a personne Pour te bien faire (Pasté T., c.1475-1500, 189)

A elle [la fille d'Hérodiade] j'ay mon cuer enclin ; Je luy feray du bien, par mon arme ! (Pass. Auv., 1477, 92)

Cestui predist le jour de sa mort et XV jours devant fist fere son service très catholiquement et continua jusque au jour d'icelle, faisant plusieurs biens aux povres pour l'onneur de Dieu, puis mourut bien et sainctement (Simon De Phares, Astrol., c.1494-1498, f° 157 v°)

Proverbe.

Molt bien ont dit ly saiges du temps ansïenneur C'om pert trestout le biem c'om fait a voisseür. (Flor. Octav. L., t.1, c.1356, 183)

Rendre le bien à qqn

Simon, Dieu te rende la [l. le] bien Et le plaisir que nous as fait ! (Pass. Auv., 1477, 156)

Rendre bien pour bon

...et bien pour bon Luy rendit le Duc de Bourbon (Saint-gelais, Séj. honn. J., c.1490-1495, 248)

Vouloir (du) bien à qqn. Avoir de bonnes intentions à l'égard de qqn.

Et en ce party vagant, vint a Hervy, le filz Alain, un homme trespassant, qui venoit de Guerrande, et avoit passé par le recept ou ly chastellains estoit, et avoit entendu par aucuns des varlez d'icellui chastellain qu'ilz actendoient gens a qui ilz ne vouloient point de bien. Mais il ne lui avoit pas descouvert qui ilz aguettoient. (Arras, c.1392-1393, 69)

Monseigneur, dist l'escuier, c'est bon de envoier savoir quelz gens ce sont, ne se ilz vous veullent se bien non. (Arras, c.1392-1393, 178)

Amis, dist Anthoine, dictes a vostre seigneur que nous ne voulons que bien a lui et à son pays. (Arras, c.1392-1393, 179)

Venir pour bien. Venir avec de bonnes intentions (à l'égard de qqn).

Beaulx seigneurs, vous direz au roy que je ne viens fors pour bien, pour avoir droit en sa court de ce que je demanderay, selon la raison que le roy et son conseil verront que j'auray. (Arras, c.1392-1393, 51)

Grand bien viendra à qqn de qqc.

Mon amy, vous commenciez moult bien a celer noz secrez, et se vous parsuivez ainsi, grant bien vous en venra et temprement le verrez. (Arras, c.1392-1393, 35)

Proverbe. Pour avoir du bien, faites mieux

Ma filhe, or dancés plus fort ; Pour avoir du bien, faictes mieulx. (Pass. Auv., 1477, 92)

b)Au pluriel.

Il appartenoit bien ceste vierge fust guerredonnée de si grans biens, car c'est celle qui nous a donné Dieu en terre (Mir. ev. arced., c.1341, 104)

Mescroiant chascun [de l'humain lignage] en sa Foy, Inutile à Dieu et à soy, Moult bestial, irraisonnable Néant piteux et variable, Tout ingrat à son Créateur Et des biens trop grant dégasteur, Dont en terre riens ne demeure Qu'il ne gaste tout et deveure (La Haye, P. peste, 1426, 36)

Pour ung mal que vous soufferés, Cent biens laissuz en recevrez, En la joye de paradis, Ou vous avrez vostre desduis (Myst. st Adr. P., c.1450-1485, 127)

Mon amy, n'en doubtez en rien, Car, pour ung mal, cent mile bien Vous recevrez pour ce martire. (Myst. st Adr. P., c.1450-1485, 155)

Choses appréciées, cadeaux.

Messeigneurs, nous sommes, dirent les Anglois, au roy d'Angleterre que nous envoye devers Jehan de Paris luy remercier les biens qu'il a envoyez a nostre maistre (Jehan de Paris W., 1494-1495, 35)

Par ironie.

Tu auras ce coup de mes biens Pour mieulx de moy te souvenir. (Myst. st Laur. S.W., 1499, 239)

c)Par métonymie. Satisfaction, plaisir procuré.

Car tant fui en mon mal pensis Que je fui en doleur transis, Si que je ne sos ou j'estoie, Ne bien ne mal je ne sentoie. (Mach., D. verg., a.1340, 18)

Et semble que celui qui est mort ne sente aprés la mort ne bien ne mal. (Oresme, E.A., c.1370, 205)

Et se continuerent ces festes en bien, en joie et en reviel. (Froiss., Chron. D., p.1400, 459)

Plaisir d'amour.

S'il [son mari] n'avoit de quoy luy bien faire, Ma fille auroit beau songer. (Nouv. mar. T., c.1490-1500, 91)

d)Par analogie. Le bien de qqc. Ce qui est favorable à cette chose.

Mais seroit par aventure une derision de vouloir bien au vin que l'en aimme. Car, se l'en veult que il soit sauvé et gardé, ce n'est pas pour son bien finablement, mais afin que l'en en ait aucun bien. (Oresme, E.A., c.1370, 416)

Aussi promet le bon chevalier foy et jure que bien et loyaulment servira son prince et deffendra et gardera le bien de la chose publique. (Bueil, II, 1461-1466, 71)

...pour le bien et utilité de la chose publicque (Le Clerc, Interp. Roye, c.1502, 337)

Issue favorable.

Se nous avons la guerre, a bien viengne elle ! (Froiss., Chron. D., p.1400, 268)

En bien. Favorablement, positivement.

Et aucunes fois prent hardiesce et hardi en bien (Oresme, E.A.C., c.1370, 204)

Vostre vouloir Veulhe Dieu en bien augmenter. (Pass. Auv., 1477, 115)

Tout nostre affaire Reviendré en bien. Dieu de bon haire - ne fist onc rien Que ne fut sien Et a son ayse (Pass. Auv., 1477, 242)

En grand bien. Très favorablement.

Et tout voiez il reçuyt en grant bien [cette lettre] et donat X mars d'argent, car bien croit que Gaufroit a faitez ses lettrez. (JEAN D'OUTREM., Myr. histors G., a.1400, 32)

Pour bien. Pour le mieux.

Je le dis pour bien, Car s'il vous fault point de lien Pour prendre bien hastivement Ung asne, j'en ay ung qui est mien, Tout a vostre commandement. (Sots Magn., a.1488, 200)

Il y a un bien. Fort bien ; il se peut bien.

Remarque : Deux hommes deux femmes T., c.1500, 421 et 470 (cf. note de l'éd. p.421).

2.[Avec spécification contextuelle]

a)Bien + adj.

Qui a en lui tant de savoir Que biauté d'ame veult avoir (...), Convient les biens mondains fuir (Mir. st J. Cris., c.1344, 259)

...car la n'a chose qui encline a terre, ny aux biens terriens de ce monde. (Mir. march. larr., c.1349, 91)

...il [saint Paul] ot misericorde incomparable envers tous, car a tous il donna non pas seulement richesses ou biens transsitoires par dehors mais son corps et son ame non pas une fois mais chascun jour (Gers., P. Paul, a.1394, 512)

...nous avons troys manieres de biens, c'est assavoir bien utile, bien delectable et bien honneste. (Rob. Herl., Déb. fauc. lévr. H., c.1470-1500, 31)

Nostre art est aussi utile au bien domesticque et particulier, car... (Rob. Herl., Déb. fauc. lévr. H., c.1470-1500, 38)

Cestui eut deux filz, Naridius et Tamyn, qui lui succederent, tant en la science des estoilles que autres vertuz et biens temporelz, qui firent depuis choses incredibles que je laisse. (Simon De Phares, Astrol., c.1494-1498, f° 24 v°)

Le bien humain. Le bonheur.

Pour quoy il s'ensuit que elle [ceste science civile] contient le bien humain et enseigne quel chose ce est. (Oresme, E.A., c.1370, 105)

Nous avons premierement que felicité, qui est le bien humain, ce est operacion. (Oresme, E.A.C., c.1370, 121)

Le bien commun. Le bien public. L'utilité générale, l'intérêt de tous.

...sentence donnée par loy de païs gardée, la quelle fust introduite pour le bien et utilité publique, fait droit entre touz et impose et doit imposer silence à touz, tant à partie que à office, à fin perpetuée, sans aucune resusitacion au cas (Doc. Poitou G., t.2, 1342, 219)

...ils ne peuvent avoir marquié ne seigné les draps que l'on drappe et a accoutumé de faire de jour en jour en ladite ville, en la manière qu'ils soyent et que l'on a accoutumé à faire ès villes voisines et environ icelle, et pour ce pourroit etre souvent commise aucune fausseté ou dupeté audit métier de drapperie, qui soit contre le bien public (Hist. industr. drapière Flandre E.P., t.3, 1360, 401)

Mais pour ce que les livres morals de Aristote furent faiz en grec, et nous les avons en latin moult fort a entendre, le Roy a voulu, pour le bien commun, faire les translater en françois, afin que il et ses conseilliers et autres les puissent mieulx entendre, mesmement Ethiques et Politiques, desquels, comme dit est, le premier aprent estre bon homme et l'autre estre bon prince. (Oresme, E.A., c.1370, 99)

...s'il y avoit cause assez contre ledit Merigot (...) et aussi s'il avoit assez confessé et dit tout ce qu'il povoit savoir, pour le bien publique, du pays de Limosin et autres lieux voisins, à l'onneur du roy et au prouffit de son royaume. (Reg. crim. Chât., II, 1389-1392, 202)

...de droit et de raison, icelles assemblées et conspiracions par eulx faites sont deffendues et contre tout le bien commun et publique (Reg. crim. Chât., II, 1389-1392, 246)

...pour le prouffit de la marchandise et du bien publicque de son pays et conté de Flandres (Comptes Etat bourg. M.F., t.3, 1416-1418, 192)

Et, com tousjours le bien publique Doit estre augmentez et premis, Et le privé darriere mis (Myst. st Adr. P., c.1450-1485, 40)

Ne lisons nous pas des Romains Qui furent du monde seigneurs ? Il mirent doze senateurs, Qui avoient le gouvernement De tout le monde entierement Et par bon conseil autentique Entretenoient le bien publique Em paix et en transquillité (Pouvre peuple H., c.1450-1492, 200)

...ilz disoient partout où ilz passoient qu'ilz venoient pour affranchir le pays de France et pour le bien publique. (Roye, Chron. scand., I, 1460-1483, 50)

Messeigneurs qui avez serché Les meurs et vertus auctentiques Que baille Aristote en Etiques, Vous ne monstrez pas en venue Que vous ayés bien retenue Sa doctrine en moyen aucun. Dit il pas que le bien commun Precede le particulier Par droit, et doit devant aler ? (Myst. Pass. Troyes B., a.1482, 534)

Aller me faut sans brève pause Vers l'empereur pour ses négoces, Pour aucunes besognes grosses De l'Empire et du bien commun. (Myst. ste Barbe P., 1493, 34)

En particulier. Le Bien public. Confédération féodale formée contre Louis XI à la fin de 1464 sous le prétexte du Bien du royaume (après de nombreux conflits, Louis XI conclut la paix avec ses grands vassaux par les traités de Conflans et Saint-Maur les 1^er et 29 octobre 1465).

Et se meut la noise d'entre lesdiz pages du Palais contre lesdiz pages du Bien Publique sur ce qu'ilz n'avoient point paié leurs bienvenues à iceulx du Palais et de ce avoient esté refusans. (Roye, Chron. scand., I, 1460-1483, 163)

...réduisans aussy à mémoire la très grant, parfaite, vraye, singulière et entière loyaulté et obéissance que ceulx de ladite ville et de tout ledit pays (...) ont tousjours inviolablement et sans aucune discontinuation gardée envers nous, (...) mesmement au commencement des divisions que, trois ou quatre ans après nostre couronnement, se meurent en nostredit royaume, vulgairement appellées le Bien publicque (Roi René vie L., 1475, 355)

Et devez savoir que, quant ledit serment fut faict du Bien Publique contre le roy, que la plupart desditz seigneurs furent trovez au Palaiz, chascun ung de leurs gens portant une sainture grise, affin qu'ilz se puissent congnoistre (Le Clerc, Interp. Roye, c.1502, 195)

Proverbe.

Quant est plus commun le bien, Tant est meilleur (La Buigne, Rom. deduis B., 1359-1377, 525)

b)Bien de + subst.

[Le bien qu'est...]

...le premier bien du mariage corporel est fruit en lignie (...) ; le second est le bien de foy, que l'en n'ayme nul autre ne ne s'i joingne l'en (Mir. femme roy Port., c.1342, 149)

...j'é plus desiré atendre Aus biens de richesses mortelles Que aux grans joies perpetuelles. (Mir. parr., 1356, 3)

...de tous biens de vitailhe. (JEAN D'OUTREM., Myr. histors G., a.1400, 160)

...aux quelles journées et convencions le Roy a tosjours envoyé ses ambaxeurs notables, fournis de povoir soffisant, et tellement que après pluseurs ouvertures et oblacions, d'une partie et d'aultre, finablement, par manière d'expedient, furent arrestés et mis en escript certains poins et articles telz qui semblèrent lors plus convenables et prochains du bien de paix (Escouchy, Chron. B., t.3, Pièces justif., 1442, 62)

...du cordial desir que avez au bien de paix (Escouchy, Chron. B., t.3, Pièces justif., 1448, 207)

[Le bien qui vient de...]

...le premier bien du mariage corporel est fruit en lignie (Mir. femme roy Port., c.1342, 149)

...deux manieres de biens sont : Les ungs sont les biens de nature, Les autres, les biens de fortune. (Liber Fort. G., 1346, 62)

SECOND HERMITE. (...) Qui vous fait cy si seul venir En ce desert ? GUILLAUME. Ce que je me voy tout desert, Biau doulx pére, des biens de grace. (Mir. st Guill., c.1347, 25)

...biens de nature (...) ...biens de fortune (...) ...biens de grasse (Henri Ferr., Modus et Ratio, Songe pest. T., c.1354-1377, 146)

Car le bien principal ou le mal d'un homme n'est pas en telles fortunes, ja soit ce que les biens de fortune ont aucunes fois mestier et s'en aide l'en en aucunes nobles operacions de vie humainne, si comme nous avons dit devant. (Oresme, E.A., c.1370, 133)

[C'est Dame Nature qui parle à Dieu] ...des biens de Nature sera elle, puisque c'est pour toy, sur toutes autres qui oncques furent ou jamais seront, tres habondamment adornee et douee. (Gers., Concept., 1401, 392)

Le second [mal] est, en vérité, Grant défault et stérilité Des fruiz et des biens de la terre, Et le tiers est cruele guerre (La Haye, P. peste, 1426, 10)

...des biens de nature (CH. D'ORLÉANS, Rond. C., 1443-1460, 341)

...les biens de fortune (Chastell., Temple Boc. B., 1463-1464, 97)

Le bien de mariage est triple. Le premier bien est foy, c'est que l'un ne l'aultre soit maculé par aultre lit. Le second bien est lignie qui soit nourrie au service de Dieu. Le tiers bien, c'est le sacrement qui ne soit dissolvé ne desloyé. (Sacr. mar., c.1477-1481, 44)

Item par le soleil ouquel sont trois choses, c'est a scavoir l'essence, par laquelle il est, la clarté, par laquelle il resplendist, et la chaleur, par laquelle il reschauffe et meurist les biens de terre, par lesquelles trois choses on puet congnoistre le Pere, le Filz et le Saint Esperit. (Somme abr., c.1477-1481, 125)

...Des biens de temporalité (Michel, Myst. Pass. J., 1486, 209)

...Soit bien de grace ou de vie (Prisonn. desconf. C., c.1488-1489, 24)

c)[Pour désigner une personne (que l'on aime)]

Adieu, mon tres doulz amy, mon bien, mon cuer et toute ma joye. (Arras, c.1392-1393, 258)

Par Dieu, mon plaisant bien joyeux, Mon cueur est si plain de leesse, Quant je voy la doulce jeunesse De vostre gent corps gracieux ! (CH. D'ORLÉANS, Chans. C., c.1415-1440, 207)

Mon seul amy, mon bien, ma joye, Cellui que sur tous amer veulx, Je vous pry que soyez joyeux En esperant que brief vous voye. (CH. D'ORLÉANS, Ball. C., c.1415-1457, 56)

...la noble Princesse Qui estoit mon confort, ma vie, Mon bien, mon plaisir, ma richesse ! (CH. D'ORLÉANS, Ball. C., c.1415-1457, 81)

Adieu, ma joye ; Adieu, mon bien ; adieu, mon tout. (Pass. Auv., 1477, 103)

Adieu, tout le bien que j'avoye ! Avec vous mourir je vouldroye, Qui que l'oye ! (Pass. Auv., 1477, 103)

Plus ne tiendrey entre mes bras Le Messïas, Mon filz, tout le bien de ma vie. (Pass. Auv., 1477, 199)

C. -Ce qui appartient à qqn.

1.Ce qui appartient à qqn, possession, propriété, richesse.

L'ARCEDIACRE. (...) Nous sommes cy (...) Touz a l'eglise appartenans, Ou aucuns biens de lui tenans, Si que nous devons regarder A l'eglise touzjours garder. (Mir. ev. arced., c.1341, 122)

Mon seigneur, voulez vous avoir Ceste pucelle ci a femme Et a espouse, et faire dame De touz voz biens ? (Mir. femme roy Port., c.1342, 180)

Se Dieu me doint bonne aventure, Ja par moy n'apeticeront Les biens qui dessoubz ces clefs sont Qui vaille maille. (Mir. st J. Cris., c.1344, 261)

Et le pusillanime est digne de avoir biens et il se prive soy meïsme des biens dont il est digne. (Oresme, E.A., c.1370, 256)

...a un port de mer m'a mené Ou est une nef belle et grant, Qui d'aler en Gréce est engrant, Chargiée de biens et de vivres (Mir. fille roy, c.1379, 56)

...il print et embla, en un hostel de ladite ville, IX tasses d'argent et XXX ou XL fr., pelles, joyaulx et autres biens qui estoient en un coffre qu'il print et emporta (Reg. crim. Chât., I, 1389-1392, 28)

...veant et saichant icellui seigneur estre moult hault seigneur, et poissant d'avoir et de biens (Reg. crim. Chât., II, 1389-1392, 126)

Et a l'estat, maintieng et gouvernement que vous avez veu en elle, vous povez assez appercevoir qu'elle n'a pas esté nourrie en mendicité ne en rudesse, mais en superfluité de bien, d'onnour et de largesse de tous biens. (Arras, c.1392-1393, 44)

Ayez cuer de fierté de lyon envers voz ennemis, et entre eulx devez monstrer puissance et seignourie. Et, se Dieu vous donne du bien, departez en a voz compaignons selon ce que chascun en sera dignes. (Arras, c.1392-1393, 87)

Haa, Melusigne, dist Remond, dame de qui tout le monde disoit bien, or vous ay je perdue sans fin. Or ay je perdu joye a tousjours mais. Or ay je perdu beauté, bonté, doulcour, amistié, sens, courtoisie, charité, humilité, toute ma joye, tout mon confort, toute m'esperance, tout mon eur, mon bien, mon pris, ma vaillance, car tant pou d'onneur que Dieu m'avoit prestee me venoit de vous, ma doulce amour. (Arras, c.1392-1393, 243)

Lors monta le prieur a moult les eschielles, et vint a l'eglise, et trouva Gieffroy ou cuer de l'eglise, qui avoit ouy messe. Il lui fist la reverence moult courtoisement, et lui dist que l'eglise, et tous les freres, et tous leurs biens estoient a son plaisir. (Arras, c.1392-1393, 277)

A la fonteine longuement Repaira si diligemment Que l'avoir (...) Y gaigna et des biens assez (Chr. Piz., M.F., I, 1400-1403, 15)

A Jehan Malechart, Gauthier Journot (...) ouvriers de bras, et à plusieurs autres, la somme de huit frans sept gros demi (...) pour plusieurs journees qu'il ont faites, employez et vacquees en avoir apporter des l'ostel Huguenin d'Aufrezin de Mascon jusques sur le port de la riviere de Soone pres dudit Mascon plusieurs biens meubles, tant vins que autres choses (...) comme pour avoir apporter iceulx biens de ladicte riviere de Soone, c'est assavoir, du port où iceulx biens furent arrivez pres dudit Chalon jusques devant la loige de chastellet dudit lieu de Chalon où ils furent venduz (Comptes Etat bourg. M.F., t.2, 1418, 173)

Il vous deffy par vostre nom, Richart, le seignieur de Menton, De feu, de saing et d'aultre bien, Le sire de cyans et le syens. (Myst. st Bern. Menth. L., c.1450, 97)

...qui s'en alerent par composition, eulx et leurs biens saufz. (Roye, Chron. scand., I, 1460-1483, 50)

Mais à l'occasion de ce qu'il n'est pas natif de nostredit royaume, il dobte que après son decès on voulsist mettre empeschement en sesdiz biens et les prendre comme biens aubeins et l'en frustrer, et semblablement sa femme et autres ses heritiers (Doc. Poitou G., t.12, 1475, 9)

Je vous promet sux vous sayntes mayns De vous contanter tresbien Et vous done pour fiance Ma persone et toux mes biens (Oudin, St Genis M.S., c.1490, 59)

Corps et biens. Voir corps

En superfluité de bien. Dans la profusion.

Mais tant vous en scay bien a dire qu'elle [Mélusine] est fille de roy hault et puissant terrien. Et a l'estat, maintieng et gouvernement que vous avez veu en elle, vous povez assez appercevoir qu'elle n'a pas esté nourrie en mendicité ne en rudesse, mais en superfluité de bien, d'onnour et de largesse de tous biens. (Arras, c.1392-1393, 44)

Bien de + subst. Bien qui appartient à, qui relève de.

Biens de chapelle... (Invent. N. Baye T., 1419, LXVIII)

Biens de cuisine... (Invent. N. Baye T., 1419, LXXII)

Les biens terriens. Les biens de ce monde.

Et vous requier, comme a mes seigneurs et amis, que vous ne m'en enquestez plus, car plus avant vous n'en povez par moy savoir. Et toute telle qu'elle est, elle me plaist. Et sachiez que c'est ly sourgons de tous mes biens terriens, et aussi croy je que c'est la voye premiere du sauvement de l'ame de moy. (Arras, c.1392-1393, 44)

Inventaire des biens

Lez prelas et leurs officiaux si excedent grandement, car, en prejudice de la juridiction seculiere, ilz font faire inventaires dez biens dez personnes layes, et en la terre du Roy et dez aultres seigneurs seculiers. (Songe verg. S., t.2, 1378, 175)

Prise des biens. Confiscation des biens.

Nous veons que lez officiaux, pour aucune debte, si excomunient une personne et l'engregent et rangregent. Et si amonestent les juges seculiers, subz poine de excomuniement, que, par prise dez biens et aultrement, ilz contraingnent ceulx excomuniés a faire satisfaction a partie, et se lez juges en sont delayens ou reffussens, ilz lez excomunient (Songe verg. S., t.2, 1378, 169)

Proverbe.

Et, du meuble qui m'estoit demoure et de ce que par fallace je avoye acqueste, je devins ung riche marchant ; dont il advint (que) en proces de temps que en moy chetif fut appreuve le proverbe qui dit que les biens qui sont venuz de mal acquest, se perdent legierement. (Mézières, Songe vieil pèl. C., t.1, c.1386-1389, 454)

Biens mal acquis sont tost ostés. (Gaguin, Passe temps oisiv. T., 1489, 413)

2.En particulier.

Les victuailles.

Amis, dist la dame, n'aiez ja soing que pour grant gent que vous sachiez admener, que ilz ne soient bien receuz et bien logiez, et qu'ilz n'aient biens et vivres a foison pour eulx et pour leurs chevaulx. (Arras, c.1392-1393, 36)

La fu uns evesques qui les espousa. Et après le service divin repairerent, et fu ly disners en une grant tente riche et noble, tout emmy la praierie. Et furent servis de tant de mez, et si grandement, et de vins si bons, d'oblies, d'ypocras, si largement que chascun s'esbahissoit dont tant de bien povoit venir. (Arras, c.1392-1393, 39)

...celle nuitie sejourna l'ost devant Couloigne. Et fu moult bien rafreschy des biens de la ville, car le duc les fist despartir tant que chascun en ot largement. (Arras, c.1392-1393, 176)

Les produits de la terre.

...sy ne fut puys sy grande planteit de biens qu'il fut adoncques et bien mures et de bon temps. (JEAN D'OUTREM., Myr. histors G., a.1400, 16)

...par seicheur et grant chaleur tous les biens periront (Macho, Esope R., c.1480, 158)