DOLENT

adjectif

[T-L : dolent ; GDC : dolent ; AND : doleir ; DECT : dolent ; FEW (III, 117b) : dolere ; TLF (VII, 389b) : dolent]

A. -Qui est affecté d'un malaise physique.

Qui le veult mesler et confire Sagement avec la racine De caparis, une herbe digne, Et, selon l'art de Médicine, Tout homme aiant foible poictrine, Mal estomac ou dolent cuer, Doit mains user de tel liqueur (La Haye, P. peste, 1426, 126)

Qui est douloureux.

La partie dollent pourra atraire les superfluitez des humeurs, et ainsi causer apostume es corps qui sont en convalescence. (Saint-gille, A.Y., 1362-1365, 75)

B. -[D'une pers., d'un aspect de la pers.]

1.Qui est affligé, désolé, malheureux.

Vierge, (...) Mains dolans cuers hors de tristesce As jettez et en joie mis (Mir. pape, 1346, 380)

LA DAME. (...) Ceste dolente pecherresse, Qui tant a au cuer de detresce, Par vostre grace confortez (Mir. enf. ress., 1353, 38)

Lasse, dolente ! mes chiers filz, Bien est en grant douleur confiz Pour vostre mort mon povre corps (Mir. Amis, c.1365, 65)

Si fu tantost pris et tantost decolés. De quoi moult de gens furent durement dolant de pitié, car il estoit moult amés et honnourés ou pays. (Froiss., Chron. L., I, c.1375-1400, 130)

Or furent trop durement dolant et desconforté cil baron et cil chevalier de Poito, quant il veirent là leur seneschal monsigneur Jehan Chandos jesir en tel estat, et qu'il ne pooit parler. (Froiss., Chron. L., VII, c.1375-1400, 206)

Et vous devez savoir que les bonnes gens du pays, qui orent leur seigneur perdu, furent moult doulens (Arras, c.1392-1393, 29)

L'ystoire dit que le roy fu moult doulens quant il vit sa fille mener telle douleur. (Arras, c.1392-1393, 120)

De la se parti Alixandre Dolent et pleurant de cuer tendre (Chr. Piz., M.F., IV, 1400-1403, 58)

...son dolent cueur portoit la paste au four de ceste maladie infortune. (C.n.n., c.1456-1467, 310)

...et s'en retourna ceste povre damoyselle en cest estat en sa maison, bien dolente et desconfortée, car c'estoyent les principaulx personnages où elle avoit mys sa fiance. (Comm., II, 1489-1491, 203)

[D'une collectivité]

...la dolente assemblée, qui de lyesse pieça bannye estoit, fut a ce point quelque pou consolée (C.n.n., c.1456-1467, 34)

Avoir coeur dolent. Etre malheureux.

[Janicola à Griseldis] Hé ! Dieu, com dure destinee ! Moult est la chose tost tournee Et moult puis avoir cuer dolent, Quant ta belle et bonne jouvent As usee ou noble servise Du marquis, qui a sa devise Prent autre pour toy delaissier. (Gris., 1395, 86)

Dolent de qqc. Affligé, désolé de qqc..

'Se il l'en est mesavenu, je ne le puis amender, et sachiés que je sui ossi dollans de la mort Rasse que nuls poeut estre, car la ville de Gaind i a perdu un très bon et sage cappitaine.' (Froiss., Chron. R., X, c.1375-1400, 73)

Remondin print congié du roy et des barons, et mercia moult le roy de la bonne justice que il lui avoit faicte en sa court, et se party moult honnourablement d'eulx tous. Et sachiez que le roy et pluseurs des barons furent doulens de sa departie. (Arras, c.1392-1393, 68)

Quant le conte appercoit son frere qui fu pres que tous forcenez, si yst de la sale, lui et ses gens, et monte a cheval et s'en va grant aleure vers la conté de Forest, forment doulent et repentant de sa folie entreprise, car bien scet que Remond ne l'aimera jamais ne ne le vouldra veoir. (Arras, c.1392-1393, 242)

Lors Jupiter, dolent de cuer, Avec Vénus, sa doulce seur, Chéuz en admiration De si dure conclusion, Commencèrent, par grant pité, à excuser Humanité (La Haye, P. peste, 1426, 37)

Alas, dolens ! Alas, chetis ! Halas, saint Pere ! Or estes mort A trez grant tort et d'aspre mort. (Mart. st Pierre st Paul R., c.1430-1440, 150)

...de la se partent les aultres avecques luy, qui estoient moult dolens des nouvelles (C.n.n., c.1456-1467, 382)

O Juïfz iniques et faulx, O desleaulx, Vous me faictes mere doulente. Je pers toutes joyes et saulx Pour vous assaulz [l. assaulx] . (Pass. Auv., 1477, 200)

LA FEMME DU CRESTIEN. Cher espoux, dolente j'en suis, Mais tout ce vient par voz conduis, De conduicte mal promenee. J'en ay eu cent mauvaises nuitz, De dueil, grief courroux et ennuis Et en est ma joye finee. (Mir. st Nic. juif, c.1480-1500, 75)

Ledit duc, desesperé de ceste mort et enhorté par aucuns dolens de ladicte mort, escripvit lettres à plusieurs villes à la charge du roy, à quoy prouffita peu, car riens ne s'en meüt. (Comm., I, 1489-1491, 227)

...comme Josias changoit de cheval, fut tué d'une fleche et, par ce, les Ebrieux desconfiz. Dolent en fut Jeremie ; pour ce fist il le livre des Lamentacions. (Simon De Phares, Astrol., c.1494-1498, f° 43 r°)

Dolent que. Désolé que.

Beaux seigneurs, actendez moy au fons de ceste valee. Et, se Dieu me donne victoire au jayant, je sonneray ce cor. Lors que vous l'orrez, vous vendrez tantost a moy. Et ceulx le commandent en la garde Nostre Seigneur, qui moult estoient doulent que il ne les laissoit aler avec lui. (Arras, c.1392-1393, 245)

Dolent de ce que

...France et Angleterre, dolentes de ce que Prudence s'en aloit (...) demanderent a Bon conseil qu'il luy sembloit (Juv. Urs., Aud. celi, 1435, 254)

Emploi substantival. [À propos d'une pers. qui s'apitoie sur elle-même]

Lors vient la damoiselle a la fenestre et regarde le mortel abbateiz et horrible bataille. Lors dist : Vrais Dieux, que fera ceste doulente ? Mieulx venist que je me feusse noyee ou fait mourir d'autre mort cruelle ou que je eusse esté mort nee que tant de nobles creatures eussent esté periz et mors par mon pechié. Moult fu la pucelle doulente a son cuer du grant meschief qu'elle voit qui par lui advient en la grosse bataille. (Arras, c.1392-1393, 162)

LA MÈRE DE JUDAS. Hé, lasse, dolente ! je voy Clerement ce que je sungoye Quant en mon ventre te pourtoye (Pass. Semur D.M., c.1420 [1488], 173)

GUILLEMETTE. Le benoist jour vous soit donné, Si soit a la povre dolente ! (Path. D., c.1456-1469, 136)

D'advoir enfant plus ne me vante. Que farey je, pouvre doulente ? (Pass. Auv., 1477, 200)

Par plaisanterie.

GUILLEMETTE. Saincte Marie, De quoy cuidez vous que je rie ? Il n'y a si dolent en la feste. (Path. D., c.1456-1469, 122)

2.Qui est affligé, désolé et surtout contrarié, courroucé.

Quant Emerïet eust la royne bien batue Elle s'en va fuyant dolente et irascue (Gir. Vienne D.B., c.1350-1400, 129)

...la dessus dite Marion, qui avoit, paravant ce, acoustumé d'aler en son hostel soy esbatre avec les compaignons, vint en sondit hostel moult dolante, corrociée et desconfortée, disant que sondit amy Hainsselin estoit fiancé de nouvel (Reg. crim. Chât., I, 1389-1392, 353)

...il qui parle respondi très-doulent et courroucé qu'il ne disoit pas verité (Reg. crim. Chât., II, 1389-1392, 274)

Et quant Remondin, qui bien savoit le contraire, l'ouy, si fu moult doulens, et lui debaty tant les temples du poing atout le gantelet, qu'il fu si estourdiz qu'il ne veoit, ne ouoit, ne entendoit, ne se sentoit chose que on lui feist. (Arras, c.1392-1393, 64)

Lors qu'elle vit Remond, si le salua moult courtoisement. Mais il fu si doulent et si oultrez de yre qu'il ne luy respont mot. (Arras, c.1392-1393, 254)

...et y persistent [certains Français] sans apparcevance de repentence par le moyen de Obstinacion, Envie, Haine et Honte maulvaise, dont je [la France] suis plus dolente et desplaisante que d'autre chose. (Juv. Urs., Aud. celi, 1435, 154)

Et quant il eust bien compté tout au long les manieres comment il avoit esté desobeïssant a son Createur, pour les grans deliz et mondaines plaisances qu'il avoit tant eues par l'espace de III^cXXX jours, ainssy que dit est, mais le Pape fut lors trescourouchiez et dolent (La Sale, Salade, c.1442-1444, 105)

Dolent et desplaisant seroye, S'a les compter [mes péchés] je mesprenoye. (C. Riffl., c.1480-1520, 60)

3.Qui est affligé, désolé, et surtout embarrassé.

Tenez, Uriien, ne refusez pas la requeste que je vous fay [épouser ma fille] . Lors furent les barons du pays si joyant qu'ilz lermissoient de joye et de pitié. Et quant Uriien oy ces paroles, si pensa un pou ; et sachiez que il fut moult doulens de ceste requeste pour ce que il avoit grant voulenté d'aler aval le monde pour veoir le pays et acquerre honneur. (Arras, c.1392-1393, 120)

Par quoy ne se peut faire ladicte saillie, dont furent moult dolens les nobles seigneurs, cappitaines, gens d'armes et de trait qui estoient dedens icelle ville en bien grant nombre et bon habillement, comme de XIIII à XVm combatans, dont avoient la charge et conduicte le conte de Dampmartin, Joachin Rouault, mareschal de France, Salezart, Guillaume de Valée... (Roye, Chron. scand., I, 1460-1483, 276)

Les gens du cappitaine et ses officiers prindrent le prisonnier, en disant qu'il estoit leur acquis ; sur quoy, le Jouvencel fut bien dolent ; car il n'eust voulu faire chose qui eust despleu au cappitaine, et aussy celluy à qui estoit le prisonnier estoit ung vaillant homme, et aussy de paour de faillir à faire justice juste. (Bueil, II, 1461-1466, 9)

Messeigneurs, nous ne voyons plus Les Anglois ; y sont evaguez, Et comme dolant et confus, Honteusement s'en sont allez. (Myst. siège Orléans H., c.1480-1500, 499)

C. -[D'une chose] Qui accompagne, suscite ou manifeste un tel sentiment.

He ! treschiere dame, achoison Avons de grant dueil demener, Quant ensi vous veons mener En si dolante compaignie. Bien maleureuse est qui se fie En noblece si pou estable. (Gris., 1395, 84)

Or viennent les parens, amis, voisins de ce dolent hostel visiter et conforter la compaignie (C.n.n., c.1456-1467, 32)

...ne savoit a qui recourre (...) pour trouver garison de sa dolente miserable et bien pou plaincte maladie. (C.n.n., c.1456-1467, 85)

...tant luy despleut ce dolent departir qu'oncques mot ne sceut dire (C.n.n., c.1456-1467, 145)

...les premieres nouvelles que vous arez de moy, ce sera ma doulente et piteuse mort (C.n.n., c.1456-1467, 166)

...comme reclus et plain de melencolie fina bien tost après ses dolens jours. (C.n.n., c.1456-1467, 406)

JUNO. O mes yeulx, ne vous cessés jà De plourer mes maulx et mes dueilz, S'en vous plus de larmes y a Arousez m'en, ainsi le veulx. Couvrez moy mes tendres cheveulx, Descendez en bas de mon chief, Pour monstrer comment (il) est piteux Mon cueur, de ce dolent meschief. (Cene dieux, c.1492, 125)

...l'ymage, à part dextre estoit joyeuse de semblance, celle de la part senestre esclence et de contenance dollente. (Simon De Phares, Astrol., c.1494-1498, f° 70 v°)

Mes amys, il fault qu'on s'assemble A ce povre doulant pencer (La Vigne, S.M., 1496, 377)

En quoy il [ledit connestable] dist que non, et qu'ilz n'avoient point le scien pareillement, fors que à monseigneur de Bourgoigne, pour asseurer sa dolente vie, mais croit bien qu'il eust prins celluy de monseigneur de Bourbon et luy eust baillé le sien, et non d'autre. (Le Clerc, Interp. Roye, c.1502, 350)

D. -[P. atténuation] Malheureux, pauvre, pitoyable (sur qui il y a bien lieu de s'apitoyer - ironiquement !).

...les dolens mariz en furent si joyeux qu'on ne vous saroit dire n'escripre la dixiesme partie de leur lyesse. [Un curé trop entreprenant a été castré] (C.n.n., c.1456-1467, 406)

...le premier qu'il encontra, ce fut le dolent mary, qui eut de le veoir grand paour, cuidant que ce fust ung dyable [Un amant se noircit le visage pour quitter la chambre de sa maîtresse] (C.n.n., c.1456-1467, 438)

DECIUS. Tirans, faictes tost son vouloir ; Tournez le tost, le dolent gars, Affin qu'il soit de toutes pars Rosty, ainsi comme il a dit. Hastez vous, Dieu en ayt despit ; Il nous tiendra toute nuictee. (Myst. st Laur. S.W., 1499, 248)