JOYEUX

adjectif

[T-L : joios ; GDC : joios ; DEAF, J 434) : joios ; AND : joius ; DECT : joios ; FEW (IV, 81b) : gaudium ; TLF (X, 772b) : joyeux]

A. -[D'une pers.]

1.Heureux de vivre, doué d'un heureux caractère.

Tant qu'il avint qu'en une compaingnie Ou il avoit mainte dame jolie, Juene, gentil, joieuse et envoisie, Vins par Fortune, Qui de mentir a tous est trop commune. (Mach., J. R. Beh., c.1340, 68)

...elle [Fortune] ne sejourne, Eins tourne, retourne et bestourne, Tant qu'au desseure Mest celui qui gist mas en l'ourne ; Le sormonté au bas retourne, Et le plus joieus mat et mourne Fait en po d'eure. (Mach., R. Fort., c.1341, 34)

Aucunes gens sont envieulx De ce qu'i me voyent joyeulx, Et en dient plusieurs parolles Qui me semblent estre tres folles, Veu ce quë ilz n'ont nullement Sur moy aucun gouvernement, Advis m'est que c'est grant folie. (Régn., F.A., 1432-c.1465, 94)

Les vngs sont enclins a bien et les autres a mal selon les complexions. Le sanguin de sa complexion est simple, ioyeux modere [l. moderé] , doulx et amiable et liberal, et si est chault et moite, de corps bien dispose [l. disposé] (Cib., p.1451, 218)

Et par ainsin il chante, dansse et est joieux, en ensuivant le dit de Salmon, qui en la fin de son darrain livre conclud et dit : Bene vivere et letari. (La Sale, J.S., 1456, 20)

...pource qu'il estoit comme de leans et joieux homme, madame le fist venir (C.n.n., c.1456-1467, 43)

...presidoit en la chambre des comptes ung grand clerc chevalier assez sur eage, mais tres joyeux et plaisant homme estoit, tant en sa maniere d'estre comme en ses devises (C.n.n., c.1456-1467, 115)

Chantons a gueulle bee Et nous resjouissons, Sans entrer en pensee. Tant qu'aurons au monde duree, Joyeulx et esbatans serons, Et pourtant, soir et matinee, Tousjours grant chere [nous] ferons. (Sots triumph., c.1475, 44)

Resveille toy, franc cueur joyeux, Tu n'as pas cause de dormir, Car vecy le temps gratieux... (Cene dieux, c.1492, 107)

...nous voyons qu'ilz [les corps célestes] causent toute generation et corrupcion et qu'ilz inclinent et disposent les corps des creatures à plusieurs passions, les ungs à chault ou à froit, à estre ligiers ou pesans, melencoliques ou joyeulx, sains ou malades et à plusieurs autres choses (Simon De Phares, Astrol., c.1494-1498, f° 5 r°)

Joyeux de coeur

LE MARQUIS. (...) Franchement vif sanz desplaisir, Joyeux de cuer et sanz soussy (Gris., 1395, 13)

Avoir le coeur joyeux

Et estoit Gieffroy navrez en pluseurs lieux. Lors s'escrie le soudant : Avant, frant Sarrasins. Par Mahon, s'il nous eschappe, je n'auray jamais le cuer joyeux. (Arras, c.1392-1393, 232)

Qui aime les plaisirs de la vie.

Onques abbé ne fut si joyeux: une foiz se lieve et fait porter son escabel devant les dames et la aucun peu s'asiet, et puis va devant les damoiselles et prie de mangier et de faire chiere joieuse, puis va aux femmes de chambre et boit a elles, et revient a Madame et de joye viz a viz d'elle s'asiet. (La Sale, J.S., 1456, 250)

A tous amans, mes serviteurs loyaux Tenans de moy par justice royalle Scavoir je fais qu'a ma court principalle Comparoissent sans estre desloyaux, Portant aux doys verges, sinetz, aneaux, Rubis, saphirs, turquoyses, dyamans, Faisans sonner menestriez (tous) nouveaux Pour se monstrer gens joyeux, esbatans. (P. moyne, a.1500, 45)

2.Qui éprouve un sentiment de satisfaction, de plaisir, de contentement (dans telle ou telle circonstance).

Ilz furent fiancez a grant joye, et le landemain furent espousez. Et fu la feste grant et noble. Moult furent ceulx du pays liez et joyeulx quant ilz sceurent ces nouvelles. (Arras, c.1392-1393, 170)

Moult fu Gieffroy joyeulx quant il ot l'accort de son pere et de sa mere d'aler secourir ses freres contre les Sarrasins. (Arras, c.1392-1393, 212)

Le povre Janicola, moult joyeux, respont [au marquis] en soy inclinant : (...) Ton plaisir pas ne me desplaist. (Gris., 1395, 36)

Ensi que li rois estoit en ce deduit (...) tout si chevalier estoient moult liet de ce que il le veoient si joieus (Froiss., Chron. D., p.1400, 883)

Et quant Madame vist le petit Saintré vestu de sa robe noire, fourree de martres, et son pourpoint de damas bleu, plus que elle n'avoit dit, fut tres joieuse. (La Sale, J.S., 1456, 61)

Joyeux au/en (son) coeur/courage

Ainsi se partit le vaillant homme de sa maison, joyeux en son courage, pour ces douze rasieres de blé qu'il doit avoir. (C.n.n., c.1456-1467, 292)

Le bon president, plus joyeux en cueur qu'oncques triste ne fut, se monstra tresdesplaisant (C.n.n., c.1456-1467, 313)

Joyeux de qqn. Qui se réjouit pour qqn.

LA CHAMBERIERE. E ! Biau sire Dieux, faites nous Joieux et de mere et d'enfant. Trop sueffre angoisse et douleur grant Ceste femme. (Mir. enf. ress., 1353, 22)

Joyeux de qqc. Content, satisfait de qqc., qui se réjouit de qqc..

Se ceulx qui en ont esté gardes et tresoriers en rendent bon compte ou aucques près, nous en serons tout joyeulx et les vous lairons et en vostre gouvernement (Froiss., Chron. M., XIV, c.1375-1400, 30)

...et [le roi d'Ausay] s'en va errant avec sa mesgnie, tant comme il puet, vers son pays d'Ausaiz, doulens de sa perte et joyeulx du secours que le duc Anthoine lui a promis faire pour secourir le roy Fedric, son frere. (Arras, c.1392-1393, 173)

...les habitans de la ville de Paris, qui tant avoient esté desirans et joyeux de la publicacion des aliances et traictiez de paix et union dessusdis (Fauq., I, 1417-1420, 318)

Il m'a, dit elle, apporté nouvelles de ma mere, dont je suis bien joyeuse, car elle est en bon point. (C.n.n., c.1456-1467, 257)

S'elle fut bien joyeuse de ceste ambassade, il ne le fault ja demander (C.n.n., c.1456-1467, 269)

Toutesfoiz luy dist elle qu'elle estoit bien joyeuse de sa santé, dont il la mercya (C.n.n., c.1456-1467, 369)

Et lors fut grant bruit partout qu'il y avoit appoinctement fait entre le roy et monseigneur son frere, dont plusieurs gens de bien furent moult joieux. (Roye, Chron. scand., I, 1460-1483, 168)

...et se retira Antipater en ung chastel, où il fut assiegé et, pour ce que les Athenyens, joyeux d'icelle confiture, incontinent baillerent l'assault, sans regarder ne croire le conseil dudit Bulcasin, à ceste cause mal leur en print et fut leur duc tué (Simon De Phares, Astrol., c.1494-1498, f° 65 v°)

Et quant ledit clerc ouyt qu'il n'avoit point souppé et qu'il ne savoit où aller loger, il le mena au logis de sondit maistre et le fist soupper avec eulx ; de quoy ledit Voyaul fut joyeulx, car il ne savoit où se retirer, tant pour ce qu'il estoit desja tard que aussi qu'il ne fust congneu d'aulcuns qui luy eussent poeu faire quelque desplaisir, car, comme dit est, il avoit esté menassé par ledit admiral que, s'il le trouvoit, qu'il le feroit noyer. (Le Clerc, Interp. Roye, c.1502, 147)

Et, en allant par eulx en leurs logys, trouverent le lieutenant du cappitaine de laditte Bastide, lequel ne les congnut point : dont ilz furent bien joieulx et disoient que c'estoit chose miraculeuse. (Le Clerc, Interp. Roye, c.1502, 170)

Joyeux au coeur de qqc.

Et ceulx leur en dirent la verité, et estoient moult joyeux ou cuer de l'appareil du noble secours qu'ilz veoient si prestement appareillier (Arras, c.1392-1393, 151)

[Par litote] N'estre pas trop content de qqc.

De ce ne fu pas bien joyeus Silla (Chr. Piz., M.F., IV, 1400-1403, 12)

...et laissèrent le Roy en l'estat que vous avés oy. Dont il n'estoit gaires joyeux, quel samblant qu'il moustrast. (Monstrelet, Chron. D.-A., t.6, c.1444-1453, 20)

A chef de piece, monseigneur retourna de la guerre, dont madame ne fut pas trop joyeuse en son pardedans (C.n.n., c.1456-1467, 281)

...luy compta l'eclipse du poisson qui estoit en la ville, dont il n'estoit pas trop joyeulx. [Un intendant rend compte à son maître de la difficulté de s'approvisionner] (C.n.n., c.1456-1467, 581)

Estre joyeux de + inf.

De ce faire, amis, suis je touz Joyeux et liez. (Mir. st Ign., 1366, 81)

...la bonne dame (...) fut bien joyeuse de les veoir tous en ceste opinion. (C.n.n., c.1456-1467, 438)

MATHATIEL. Pour la pratique, suis joyeulx De faire vostre bon plaisir. LE JUIF. Metz bien tout a point. MATHATIEL. A loysir. (Mir. st Nic. juif, c.1480-1500, 81)

Estre joyeux que

Or ça, m'amye, je suis bien joyeux que monseigneur nous a fait ce plaisir. (C.n.n., c.1456-1467, 42)

[Empl. conjoint avec d'autres épithètes de sens voisin]

...il n'estoit pas trop content ne joyeux. (C.n.n., c.1456-1467, 48)

Le maistre, lyé et joyeux de la nouvelle garde de sa femme, laisse l'ostel (C.n.n., c.1456-1467, 96)

...pensez qu'il fut joyeux et bien aise (C.n.n., c.1456-1467, 261)

3.En particulier. Qui éprouve et exprime le plaisir, le bonheur, l'euphorie d'aimer, d'être aimé.

Mais tout einsi qu'elle tenoit Mon doy, soudeinnement venoit Entre nous deus Douce Esperence, Pour parfaire ceste alience, Dont moult lié et moult joieus fumes, Quant a nostre conseil l'eümes, Pour ce que, se li uns deïst Riens contre l'autre ou meffeïst, Qu'elle le peüst corrigier Et selonc son meffait jugier (Mach., R. Fort., c.1341, 150)

Gais et jolis, liés, chantans et joieus Sui, ce m'est vis, en gracieus retour, Pleins de desirs et en cuer familleus De reveoir ma dame de valour, Si qu'il n'est maulz, tristesse ne dolour Qui de mon cuer peüst joie mouvoir (Mach., L. dames, 1377, 52)

Helas ! einsi si griès maus dolereus M'art et m'esprent, en quel lieu que je soie, Ne mes las cuers ne puet estre joieus, N'estre garis sans vous je ne porroie Pour riens qui puist avenir ; Car tant desir vous veoir et oïr Qu'en moy plaingnant di souvent en mon plour Que pour vous sui de morir en paour. (Mach., L. dames, 1377, 135)

Et vraiement je ne voy Q'autre paradis Soit en l'amoureuse loy Fors d'estre toudis Loyaus, joieus et jolis, Et que sans desroy S'aimment amie et amis, Et en vraie foy. (Mach., Les lays, 1377, 345)

Si que c'est un cuer de nous .IJ. . Et s'espoir qu'à sa revenue N'ara dame dessous la nue De merencolie si nue Ne des biens d'amours miex peüe N'à cuer si gay ne si joyeus. (Mach., Les lays, 1377, 368)

Mais quant amans est vray sougis, Cointes, joieus, gais et jolis, Amours en fait son paradis. (Mach., Les lays, 1377, 455)

Et se sa dame a la fenestre vient Soy monstrer goute Ou se le vent une fenestre boute, Dont il cuide que sa dame l'escoute, S'il va couchier joieux, n'en faictes doubte. (Chart., D. Fort., 1412-1413, 169)

Or, mon tresloial ami, or, mon bien, or ma pensee, or, tresor de ma vie et de ma mort, faites bonne chiere, alez joieusement, car sur ma foy pour l'amour de vous je me tendray joieuse et lye, et de voz nouvelles gardez bien que ne m'escripvez, sur tant que avez ma vie chiere, mais bien a plain a Madame en escripvez, et de la sans nul dengier je savray tout a plain, et sur ce, mon ami, nous fault baisier. (La Sale, J.S., 1456, 97)

Saintré, qui de foiz a autre et moult souvant les dames regardoit et ne veoit point Madame, pensa que fust ainsin que l'autre foiz, mais quant il apperceut Madame revenue, son cuer en fut Cm foiz plus joieux. (La Sale, J.S., 1456, 167)

...mon fils, oncques vrai amoureux ne fut paresseux; car les très-douces et amoureuses pensées qu'il a nuit et jour, pour acquérir la très-désirée grâce de sa très-belle dame, ne le pourroient consentir: car soit pour chanter, soit pour danser, sur tous les autres il est le plus diligent et le plus joyeux à lever matin, dire ses heures, oyr la messe dévotement, aller à la chasse ou au gibier (Faits Lalaing K., c.1470, 20)

Estre joyeux de qqc.

Et se Pité me vuet estre piteuse Et bonne Amour par pensee amoureuse Li ramentoit ma doleur dolereuse, Je ne doubt point Qu'elle n'en soit vers moy plus gracieuse Et de savoir mon estat plus songneuse ; Et s'il est bons, elle en sera joieuse. (Mach., F. am., c.1361, 170)

En maint lieu va sa renommee Et pour c'elle est ditte et nommee Partout la Fonteinne amoureuse Qui mainte dame a fait joieuse Et maint amant pleindre et plourer, Quant pour servir et aourer Ne pooient avoir mercy, Et si les faisoit amer si Que pluseurs en ont esté mort (Mach., F. am., c.1361, 193)

Qui connaît la béatitude céleste.

...tous irons es cieulx, Ou vous serés tout temps joyeux (Pass. Auv., 1477, 253)

Je voy aussi mon amoreux, Jhesus, en ame et deïté, Qui es limbes fait tout joyeux Ceulx qu'en ce monde ont Dieu amé. (Pass. Auv., 1477, 280)

4.Qui procure la joie, gai, enjoué, alerte.

Est prince de doulce et humaine conversacion, sanz haultaineté d'orgueil, benigne en parole et response, joyeux en conversacion, et en toutes choses tres traittable. (Chr. Piz., Faits meurs Ch. V, S., I, 1404, 143)

Madame, qui cognoit la façon de son parler, lui dist : 'Mon ami, je qui vous ay pour moy servir sur toutes autres choisy, vous prie encores que ne vous sociez fors que de estre liez et joyeux, et par tout faire bonne chiere, car d'or, d'argent et de bagues pour vous mectre bien en point a ce vostre commencement, je vous fourniray assez.' (La Sale, J.S., 1456, 80)

...et sur tous les aultres soy monstrer lyez et joyeulx, car c'est la chose ou les combatteurs ont plus d'esgard, de plaisir et signe de victoire (La Sale, Salade, c.1442-1444, 244)

Emploi substantival.

Trembler, tressaillir, tressüer, Triste de cuer, feible de corps, Cuer faillir et couleur müer M'a veu souvent, et mes yeulx lors Plourer ens et rire dehors Pour estre aux joyeux ressamblant. (Chart., D. Rev., a.1424, 314)

Faire/contrefaire le/du joyeux

Mais quant il vist que toute sa gent esbahis, lors se prinst a rire et faire le joyeulx, disant que lors avoit il prise et oppressé la seignourie d'Auffricque par celle terre embrasser, et que ce estoit le droit signal ou les dieux le resconfortoient (La Sale, Salade, c.1442-1444, 56)

Ainsi endurent Leurs pensees tant comme elles leur durent, Et desirent ce qu'oncques ne voulurent Et deviennent tous autres qu'ilz ne furent Pour cuider plaire : Cil qui jangloit veult songier et soy taire, Et le songeart du joyeux contrefaire, Et si cuide chascun d'eulx le mieulx faire. (Chart., D. Fort., 1412-1413, 159)

Las ! nous voyons que c'est tout son affaire De destruyre ce que jamais reffaire Ne peult nulluy, pour aulcune savance Qu'il ait de Dieu, lequel peult tout parfaire, Dont je ne puis le joeulx contrefaire, Considerant tant piteuse grevance. (Meschin., Lun. princes M.-G., c.1461-1465, 3)

Proverbe. Tel rit joyeux qui aprés dolent pleure

Adieu, chançons que voulentiers chantoye Et joyeux diz ou je me delitoye ; Tel rit joyeux qui aprés dolent pleure. (Chart., Compl., 1424, 327)

Telz sont joyeulx qui puis se deulent. (Meschin., Lun. princes M.-G., c.1461-1465, 52)

5.En particulier. Qui procure un plaisir sensuel.

Femme joyeuse (de vie). Prostituée.

Laquele prisonniere (...) dit et afferma par son serement que verité est que elle est femme joyeuse de vie et laquele de son corps fait à son povoir le plaisir des compaignons (Reg. crim. Chât., II, 1389-1392, 422)

...depuis lequel trespas s'est trouvé en la compaignie d'aucuns de ladicte ville de la Rochelle, en la maison de Regnault Testart, à prendre une jeune femme joyeuse, qui estoit mal famée et renommée de son corps, dont icellui Testart s'est d'icellui Jehan Jeudi depuis tenu pour content, comme il peut apparoir par appointement entre eulx sur ce fait. (Doc. Poitou G., t.12, 1483, 608)

6.[D'un animal] Agréable, qui ne se montre pas agressif.

Et doit estre courtois et non pas fel [le lévrier] , bien suyvant son maistre et faisant ce qu'il li commandera, et doulz et net et gentil et lié et joieux et voulenteïs et gracieux en toutes manieres fors que aux bestes sauvaiges, ou il doit estre fel, despiteux et aigre. (Gast. Phébus, Livre chasse T., 1387-1389, 129)

B. -[D'une chose]

1.Qui marque la joie, le plaisir, le bonheur de qqn.

Amis, je n'ay nulle joieuse vie, Eins suis toudis en grant merencolie, Mais je ne fais jour et nuit que penser à vous veoir (Mach., Compl., 1340-1377, 254)

Quant je vi qu'elle se plaingnoit Pour m'amour, et qu'elle baignoit Son cuer en larmes amoureuses, Et que ses pensees joieuses Estoient toutes converties En droites grieuges orties (...), Moult durement me repenti (Mach., Voir, 1364, 418)

Convoiez m'y vous deux, chantant Chose joyeuse. (Mir. parr., 1356, 37)

Parée estoit de dras de soie, Et de fin or qui reflamboie ; Et s'en aloient deus et deus. Mais il n'avoit nes un d'eus, Ne d'elles, qui chiere joieuse N'eüst et pensée amoureuse. (Mach., P. Alex., p.1369, 37)

Et me bailla ceste parolle de si bonne maniere, che me fu vis, que elle m'a depuis moult valu et de jour en jour me croist et monteplie en regardant et ymaginant sa douce phizonomie, et me samble, - et voirs est -, que c'est tres joieuse vie d'amer par amours. (Froiss., Pris. am. F., 1372-1373, 81)

Mais puis qu'il est mis hors delivrement, Mener m'estuet bonne vie et joieuse, Pris de rechief en prison amoureuse, S'il n'est einsi que, par trop desirer Celle en qui maint sens, maniere et raison, Mon cuer convengne en dolour demourer (Mach., L. dames, 1377, 50)

Car il m'ont mis en prison delitouse Par leur tres dous regart qui ha pouoir De moy donner mort ou vie joieuse Et de tenir mon cuer en bon espoir ; Et quant adès einsi, sans decevoir, En vo prison mes cuers est tous remeins, Par vos dous yex sui si forment ateins. (Mach., L. dames, 1377, 127)

Se pleins fusse de matiere joieuse, Je feïsse mes chans joieusement, Mais point n'en ay qui ne soit dolereuse ; Pour ce les fais tous dolereusement. (Mach., L. dames, 1377, 136)

En ses destours [de Fortune] Plains de doulours De plains, de plours, Comme mus sours Me fault et convient devourer Mes joieux jours, Et mes baudours En griefs tristours, Par les faulz tours De toy, Fortune, faut muer. (Mach., Les lays, 1377, 479)

Tu lui feras chiere tres bonne et joeuse, et ly donras a laver de l'yaue de devocion, chaufee par feu de bonne amour et dileccion (Gers., Pent., p.1389, 84)

Ma dame Echo, plaisant et saige, Dieu vous doint bon jour et joieux ! (Narcissus, p.1426, 292)

Maudit soit le regret qui t'amonneste de vouloir perseverer ta vie pour te verser entre tant de tempestes et de abhominations miserables, car tes meillieurs jours et ton joieux temps est le premier passé (Chart., L. Esp., c.1429-1430, 20)

...et en tresbelle et joieuse contenence, les ungs devant les autres, jusques au commander de l'empereur qu' ilz feissent leurs devoirs et que on les laissast aler. (La Sale, J.S., 1456, 266)

...a cest coup fut grande la noise, et autant joyeuse (C.n.n., c.1456-1467, 185)

...Dieu scet les risées et joyeuses devises qu'a ceste cause ilz eurent entre eulx deux. (C.n.n., c.1456-1467, 236)

Il print la main dextre a la damoiselle, et de joyeux viaire et plaisant chere dist ces parolles... (C.n.n., c.1456-1467, 574)

Temps est d'abaisser mes motz ! Adieu, temps joyeux et doulx ! Adieu, plaisance mondaine ! (Pass. Auv., 1477, 278)

En ceste joyeuse estanpie Et en ce chant melodïeux, Doleurs pers ; plus ne suis marrie, Pour ce que voy Dieu glorïeux. (Pass. Auv., 1477, 280)

Je suis Venus, la plus belle des cieulx, Entre les dieux tenant ma region, Aornée de joyaulx precieulx, De chans joyeulx et sons melodieux, Esbatz et jeux sont en ma legion... (Cene dieux, c.1492, 108)

Demener/mener joyeuse vie. S'adonner aux joies, aux plaisirs de l'amour.

Joieusement, par un tresdoulz jouir, En jouissant menrray vie joieuse, Comme cellui qui se doit resjouir Et joie avoir en la vie amoureuse. (Desch., Art dictier R., 1392, 285)

Et fu la feste bien joustee et bien dancee, et menerent moult joyeuse vie, et moult amoureusement furent ensemble. (Arras, c.1392-1393, 46)

LA MARQUISE. (...) Avec ceste dame, et non mie Avec autre, joyeuse vie Et bieneuree demenras, Et toute joye y averas (Gris., 1395, 94)

...au voir dire le conte avoit sy mis en oubly son paiis, sa femme et aultrez chosez quelconcquez qu'il ne luy chaloit que de mener la joieuse vie ou royalme de Castille, tant avecquez le roy et les barons de la court comme avecquez la belle pucelle, qui de le conjoÿr honnourablement sçavoit bien le mestier et tant y fu le conte craint et obeÿ et honnouré que s'il eust esté meismez le corpz du roy (Comte Artois, c.1453-1467, 136)

2.Qui suscite, qui procure la joie, qui est source de bonheur.

a)[D'un événement]

...Par la vertu et la merite De sa benoite annuncion, De sa pure concepcion, De sa nativité joyeuse (Mir. mère pape, c.1355, 395)

...il, comme clerc, avoit, par le prevost qui lors estoit, esté rendus à la cour de l'official, et, d'icelle court, delivré par les graces et au joyeux advenement de la royne fait à Paris. (Reg. crim. Chât., I, 1389-1392, 76)

...par les graces faites à cause du joyeux advenement et nativité de feu mons. le Dauphin, premier filz du roy nostre sire qui à present est (Reg. crim. Chât., II, 1389-1392, 491)

...autrefoiz [il] a esté delivré de prison par grace à lui nagueres faitte pour le joyeux advenement et nativité de mons. le Dauphin pour cas criminel dont il estoit accusé et souspeçonné (Reg. crim. Chât., II, 1389-1392, 504)

Et tout cecy nous pouons recevoir, en especial nous, crestiens, moyennant vostre joyeux enfantement du jour d'uy, Mere de Dieu glorieuse (Gers., Noël, p.1404, 293)

Tout au plus pres, sur le pendant De la montaigne en descendant, Fut assiz un joieux boscage Qui au ruissel s'aloit rendant Et vertes courtines tendant De ses branches sur le rivage. (Chart., L. Dames, 1416, 201)

...et pareillement touz les autres bourgois et habitans, femmes et enfans de la ville de Paris, ausquelz, pour la plus grant partie, ladicte entrée et venue fust moult joyeuse et agreable. (Fauq., I, 1417-1420, 128)

O Vierge, fille de Scion, En l'onneur de t'asumpcion (...) Et de ta nuncïacion, Prie ta doulce nourriture En pitié et compassion De sa digne incarnacion, De sa benoiste passion, Joyeuse resurrection Et admirable ascension Qu'il vueille ceste creature Faicte et forgee a ta facture, A ta semblance et pourtraicture Selon les euvres de nature, Mectre hors de toute adventure (La Vigne, S.M., 1496, 391)

Joyeux à qqn. Qui fait plaisir, agréable à qqn.

...et pour l'amour de sa maistresse dont la venue luy estoit moult joyeuse, luy fit faire honneur et bonne chière (Chastell., Chron. K., t.1, c.1456-1471, 216)

...après leur avoir fait dire que leur venue lui estoit joieuse, les fit approchier de luy en privé, et leur fit grant chière (Chastell., Chron. K., t.3, c.1456-1471, 17)

b)[D'une chose quelconque]

...son fil [de Dieu] , qui vint muer No guerre en paix, mort en vie joieuse, Ennemistiez en amour gracieuse (Mir. Theod., 1357, 129)

LA MARQUISE. (...) En ce lieu ou j'ay ma demeure Eu tresjoyeuse par longtemps (Gris., 1395, 82)

Combien que avec ces choses donne assez licence nature, raison et droit que en jeux et esbatemens puist on parler de choses joyeuses et liées, mais que on si garde de exceder et passer mectes de raison ou trop par quoy folles ou mal honnestes parolles y puissent survenir. (Chr. Piz., Paix W., 1412-1413, 170)

Auquel roy d'armes Saintré remercia le roy tres humblement, puis lui donna un tresbel mantel de damas cramoisy, broichié d'argent et fourré de martres sobelines pour la tresbonne et joieuse nouvelle qu'il lui pourtoit (La Sale, J.S., 1456, 122)

J'entendiz la voix qui ceste joieuse nouvelle apporta. (C.n.n., c.1456-1467, 100)

...est advenu en une bonne paroisse, une joyeuse adventure que je mettray ycy (C.n.n., c.1456-1467, 492)

...ung gentil compaignon me fist ung joyeux compte d'un homme maryé (C.n.n., c.1456-1467, 518)

Ainsi finirent leurs jours les deux loyaux amoureux (...) sans percevoir rien du joieux plaisir ou ilz cuidoient ensemble vivre et durer tout leur temps. (C.n.n., c.1456-1467, 553)

Car adont la possession d'aucune chose est ditte joyeuse quant on l'a a son plaisir et desir. En aucunes choses est possession de vie sans terme et joyeuse, mais pas n'est toute ne parfaite comme ez hommes benois (Somme abr., c.1477-1481, 141)

SATHAN. (...) J'ay ouÿ voix armonieuse Qui est descendue des cieulx, Une feste si tresjoyeuse Que j'en suis mati et paoureux. (Mir. st Nic. juif, c.1480-1500, 103)

[Sentence] La possession de quelque bien n'est joyeuse sans compagnie

Aussi sotieté ou compaignie est naturelment joieuse et aggreable, selonc le dit de Seneque : «La possession de quelque bien n'est joieuse sans compaignon». (Daudin, De la erudition H., c.1360-1380, 256)

De nul bien la possession n'est joieuse senz compaignon. (Oresme, E.A.C., c.1370, 484)

c)[D'une émotion, d'un état amoureux, de n'importe quelle chose relative à l'amour]

Lors estoit mors d'amoureuse morsure Mes cuers et poins de joieuse pointure Et repeüs de douce nourreture Par Dous Penser Qui ma doleur faisoit toute cesser Et garison me faisoit esperer. (Mach., J. R. Beh., c.1340, 75)

Si qu'en vos mains gist ma vie et ma mort, Mi bien, m'onneur, ma santé, mi deport, Ne je ne puis venir à joieus port Sans vous amer. (Mach., Compl., 1340-1377, 257)

Mais il y a chose qui m'est trop dure ; Car long seray de vo douce figure, Helas ! dolens, et n'aray creature Qui me conforte Ne qui me doint joieuse norriture Ne repaisse d'amoureuse pasture Ne qui sache la tres douce pointure Que mes cuers porte. (Mach., Compl., 1340-1377, 259)

Dont la bonne et belle, Comment sara elle Que de li vëoir En mon cuer s'ostelle Une amour nouvelle Qui me renouvelle Et me fait avoir Joieuse nouvelle, De quoy l'estincelle Fait sous la mamelle Mon fin cuer ardoir ? (Mach., R. Fort., c.1341, 22)

Amours, ce n'est mie raison De moy donner tristece en don En lieu de joieus guerredon, Eins est pechiez, Quant je suis sans condition Tous mis en ta subjection. (Mach., R. Fort., c.1341, 49)

Amis, mi confort, Mi joieus deport, Ma pais, mi ressort, Et tuit mi amoureus sort Estoient en ty. (Mach., L. plour, 1349, 287)

Tres bonne et bele, mi oueil Joieuse pasture Prennent en vostre figure, Simple et sans orgueil, Et mes cuers en vostre acueil Vie et douce norriture. (Mach., L. dames, 1377, 185)

Recevés mon lay Où ma dolour renouvelle ; Car pour vous moustrer fait l'ay, Comment dessous la mamelle Mes cuers teint, tramble et chancelle, Faut, fremist, mue et sautelle ; N'il n'a joieuse nouvelle. Las ! et je le port et selle N'onques n'en parlay. (Mach., Les lays, 1377, 313)

Ainsi finirent leurs jours les deux loyaux amoureux (...) sans percevoir rien du joieux plaisir ou ilz cuidoient ensemble vivre et durer tout leur temps. (C.n.n., c.1456-1467, 553)