DISSOLU

adjectif

[T-L : dissolu ; GD : dissolu ; GDC : dissolu ; AND : dissolut ; FEW (XII, 83b) : solvere ; TLF (VII, 314a) : dissolu]

A. -Altéré, gâté, corrompu, en mauvais état.

Nostre Tres Saint Pere, de sa plaine puissance de laquelle nous avons pallé, si fait telles promocions, et aussi dist il que il le puet faire, consideree sa puissance absolue, laquelle deveroit mieulx estre appellé puissance dissolue que absolue, qui l'oseret dire. (Songe verg. S., t.1, 1378, 98)

Avisiez moy d'une pucelle Qui soit sy avenant et belle Que a Fïacre puisse plaire Afin que le face retraire De la simple vie qu'il maine, Qu'elle me semble trop vilaine Et dissolue. (Vie st Fiacre B.C.P., c.1380-1400, 18)

...veu l'estat dudit cousturier et l'abit dissolu dont il est habitué (Reg. crim. Chât., II, 1389-1392, 480)

...iceulx embastonnez de vielz mailletz, haches, coignées, massues et de moult d'autres bastons dissolus (Monstrelet, Chron. D.-A., t.3, c.1425-1440, 269)

Ne pense poinct qu'en rien soit dissolue Nostre grant loy ne d'aulcun cas polue (La Vigne, S.M., 1496, 144)

[D'une pers., de sa conduite...] Corrompu, déréglé, mauvais.

...car la char fremissant Me va souvent de l'obscurté Ou j'estoie en toute durté Tant dissolu. (Mir. parr., 1356, 28)

Pourtant s'aucuns s'en sont joye tollue Par conduite meschante et dissolue, S'ilz se deçoivent Par en user autrement qu'ilz ne doivent Et maulouyer en la fin en reçoivent - Ilz l'ont brassé, c'est raison qu'ilz le boivent. (Chart., D. Fort., 1412-1413, 192)

...l'iniquité descent dez grans aux menuz, et le peuple suyt la fortune et vit au patron de ses souverains. Le roy parvers fait les subgietz dissolus. Et a prince sans sens, peuple sans discipline. (Chart., L. Esp., c.1429-1430, 45)

Les vielz se assentirent a ambition pour surmonter l'un l'autre par arrogance, et les jeunes aprindrent a corrumpre leurs meurs ensemble par faulte de doctrine et par dissolue compaignie. (Chart., L. Esp., c.1429-1430, 66)

Son auctorité ne desrogue jamaiz a bonne rayson, ne ses statuz ne descordent du chemin de verité. Elle ne induit a croire chose qui ne soit a la louenge de Dieu, a prendre forme ne estat dont naisse vil escande ne dissolu exemple, a dire parolle vergondeuse ne reprouchable, ne a faire oeuvre qui tourne a autry dommage. (Chart., L. Esp., c.1429-1430, 127)

Tu, de toy mesmes, tens toudis a neent. Tu es tost trebuchié, tost vaincu, tost troublé, tost dissolut, et n'as quelque chose dont tu te puisses glorefier. (Internele consol. P., 1447, 73)

Sire, je sui neent, je ne puis rien, je n'ay de moy rien de bien, mais je deffaulx en toutes choses et tens toudis a neent. Et si je n'estoie aidiés, et informé par dedens, je seroie fait froit et dissolut. (Internele consol. P., 1447, 185)

[D'une pers.] Dissolu de parler. Dont le discours est mauvais, agressif.

LE SAVESTIER. Or entendez là, amy doulx, Vous y moulerés vostre coste, Je le diray quoy qu'i me couste : Ceste bourgoise est cy venue Qui de parler est dissolue, [A] qui pour ses souliers reffaire [Qu'il] ne vous vueille [point] desplaire [...] seize tournois Pour cuir et peine (lui) [demandoys], Mais elle, de mal (a) toute plaine... (Sav. serg. D.L., c.1480-1490, 32)

Substantif masculin à valeur de neutre. Ce qui est déréglé, corrompu.

Le pesant maintieng actrempe le hastif, le importun le dissolut, le hastif actrempe le tardif, car entre les vices contraires la vertu se tient ou millieu. (Daudin, De la erudition H., c.1360-1380, 250)

B. -Qui est moralement dépravé ; qui est débauché.

1.[D'une pers.] Qui est moralement dépravé ; qui se livre à la débauche.

...la veille qui molt fu dissolue. (Flor. Octav. L., t.1, c.1356, 21)

...luxure du chaitif riche dissolu (Foul., Policrat. B., III, 1372, 239)

Souvienge toy que vie curial est de la nature des folles et dissolues femmes qui plus cherissent lez derniers venuz, et gettent les bras au col plus ardaument a ceulx qui les pillent et diffament, que a ceulx qui trop les ayment et servent. (Chart., L. Esp., c.1429-1430, 7)

Se il en [des ecclésiastiques] y a de dissolus en maniere de vivre, voire en tous les peschez que on peut au monde, les parolles communes en sont merveilleuses (Juv. Urs., Nescio, 1445, 509)

...damp Abbés, qui aussi ne monstroit pas ne ne faisoit les euvres de bon religieux, mais d'omme dissolut et de chaitive vie (La Sale, J.S., 1456, 284)

Le Dain, premier barbier et varlet de chambre du roy, fut mis et constitué prisonnier en la court de Parlement, pour raison de plusieurs plaintes qui furent baillées à ladicte court à l'encontre dudit Daniel, et mesmement à la complainte d'une nommée Marion, femme de Colin Panier, et d'une autre femme dissolue, qui chargeoient ledit Daniel de les avoir efforcées et en elles fait et commis l'ort et villain pechié de sodomie. (Roye, Chron. scand., II, 1460-1483, 65)

Ainsy sembloys ung enfant dissolu, Habandonné a toute oeuvre lubrique (Saint-gelais, Séj. honn. D., c.1490-1495, 232)

Emploi substantival.

...soiez sougiez en toute paour a voz seigneurs, non pas tant seulement aus bons et aus attrempez, mais aussi as dissoluz et desordenez. (Foul., Policrat. B., V, 1372, 298)

Bien est voir que les dissolues Et hors d'onneur toutes tollues (...) Suivre a nul je ne le conseil (Chr. Piz., M.F., II, 1400-1403, 81)

2.[D'une chose] Qui a le caractère de la débauche, qui est moralement condamnable.

...attendu l'estat et personne d'icelle prisonniere, qui est femme de vie dissolue (Reg. crim. Chât., I, 1389-1392, 323)

...veu l'estat d'icelle prisonniere, qui est femme de dissolue vie et mauvaise (Reg. crim. Chât., II, 1389-1392, 129)

Mais je dy en oultre que ceste beauté et phizonomie fut de telle attrempence et armonie naturelle, et tellement compassee que point ne esmeuvoit les regardans a mauvaise ou dissolue plaisance, ains a chasteté et a devocion (Gers., Concept., 1401, 424)

...il estoit vehementement souspeçonné d'estre coupable et consentant du mauvais gouvernement et vie dissolue de Jehanne La Marcelle, femme dudit du Molin (Fauq., I, 1417-1420, 163)

...semblablement des ceintures et habis dissolus, defenduz aux femmes amoureuses (Fauq., II, 1421-1430, 163)

Trop poy prisoit le merite de celle abstinence qui si tost s'en recompensoit par tant d'excès, et pou valoit la jeune de jour en esperance de si orde nuyt, et de tant dissolue charnalité. (Chart., L. Esp., c.1429-1430, 121)

Car, comme dit est, yceulx ministres ont laissé les espousalles, maiz ilz ont repris les illegittimes, vaguez et dissoluez luxures. (Chart., L. Esp., c.1429-1430, 177)

..ains a voulu aler et venir par la ville dudit Dijon a son plaisir et sans la licence dudit maistre, en frequentant les tavernes et autres lieux dissoluz. (Doc. 1451. In : CRAP., Cur Deus, De arrha B.H., c.1450-1460, 447)

...il venoit de la taverne et des estuves et des lieux deshonnestes et dissoluz (C.n.n., c.1456-1467, 29)

Aussi ceulx à qui Dieu fait la grace d'avoir bon corps, le doivent bien abandonner pour la foy de Nostre-Seigneur Jhesus-Christ et pour soustenir bonne querelle, non pas à boire d'autant et faire choses dissollues et desraisonnables ne excès sans cause (Bueil, II, 1461-1466, 21)

En tous humains regne envie, Par avarice ta vie En orgueil qui les convie Affin [À ffin] orde et dissolue, Luxure si est bien servie, Puis ire et paresse obvie A vertu de Dieu esleue. (Cene dieux, c.1492, 134)

SATURNE. Vie perverse et desordonnee, Vie a tout mal habandonnee, Vie dampnable, vie dissolue, Vie de vices orde et polue, Par moy seras empoisonnee. (Cene dieux, c.1492, 137)

...Charles de Meleun, qui en celluy temps regnoit à Paris en toute vie dissolue, car il avoit femmes et filles de tous coustez, tant par violence que autrement (Le Clerc, Interp. Roye, c.1502, 196)

Railleries dissolues. Railleries licencieuses.

...grant mal est aujourd'uy pource que chascun entend de legier en railleries dissolues et diffamations, dont grans maulx en viennent (Jehan de Paris W., 1494-1495, 3)

Voir aussi dissoudre