VERTUEUX

adjectif

[T-L : vertüos ; GD : vertuos ; GDC : vertuos ; DECT : vertüos ; FEW (XIV, 517b) : virtus ; TLF (XVI, 1073a) : vertueux]

I. -[Correspond à vertu I, la vertu étant un principe de puissance]

A. -[D'une chose]

1.Qui produit son effet, qui possède des propriétés actives.

Prendés violette et roses Et pour esprouver leur mestrie Boutés les en aige [var. aigue] de vie ['en eau-de-vie'] A savoir qu'il en avenra Ne que leur oudour devenra : Li aige [var. aigue] , qui est virtueuse [var. vertueuse] , De la belle rose amoureuse Ostera substance et vigour (Froiss., Dits Débats F., 1363-1393, 199)

[En partic. d'un corps céleste] Qui est susceptible d'exercer une influence.

Et a ce que l'en dist que les estoilles ont plus grant influence en orient, je di que peut estre que une estoille ou planete, quant elle a aucune prerogative et elle est en l'orient d'une region, elle est plus vertueuse que se elle estoit a midi ou au vespre pour ce qui [l. que (?)] elle demeure plus sus celle region, mais c'est samblablement et generaument partout en chascun orient et non pas seulement en l'orient d'Arym. Et donques par ceste raison, orient de Arym n'est pas plus vray orient que un autre. (Oresme, C.M., c.1377, 334)

Toutevoies, nous povons dire que en l'estoille est plus comprins de la nature du corps du ciel que en autre partie de lui et, pour ce, elle est plus noble et plus vertueuse que autre partie et est plainne de lumiere. Et ne s'ensuit pas pour ce que elle soit d'autre espece, car nous voions que aucunes parties de buches pourries sont luisantes et autres non et sont toutes d'une espece. (Oresme, C.M., c.1377, 434)

...la constellation des planettes et des estoilles que le Dieu de nature a ordonnees plus vertueuses en une heure qu'en une autre (Percef. IV, R., c.1450 [c.1340], 276)

[D'une épée] Puissant, redoutable.

Onques ne fu l'espee Ogier Ne la Roulant ne l'Olivier Si vertueuse ne puissant (Guill. Digull., Pèler. vie hum. S., c.1330-1331, 132)

[D'un projectile] D'un effet redoutable.

Messeigneurs, il nous convient faire Une bombarde merveilleuse Pour contre les Tourelles batre, Qui soit grosse et adventureuse, Portant la pierre vertueuse Comme de huit vings livres pesant, Afin qu'elle soit sousteneuse Pour les Angloys esbayssant. (Myst. siège Orléans H., c.1480-1500, 197)

[Du vin] Corsé.

Et puis quant les grappes seront meures aprés comme en aoust, l'en ostera la moittié des fueilles superflues, afin que le soleil puisse veoir les grappes et les cuire, et que le vin en soit plus meur et plus vertueux (Rustican H., 1373-1374, 87)

[D'une chose abstraite] Puissant, efficace, agissant.

...affection si est plus vertueuse et plus efficaux pour ce que elle va plus pres et plus familierement a la nature (Foul., Policrat. B., III, 1372, 237)

[Les ymaginations] Sont si propres d'elles meïsmes Et si vertueuses ossi Que souvent apperent ensi Qu'on les ymagine et devise (Froiss., Joli buiss. F., 1373, 76)

Jeunesse vertueuse. Pleine jeunesse.

Je cogneuz au temps de ma verte et plus vertueuse jeunesse deux gentilz hommes (C.n.n., c.1456-1467, 362)

Je pers le mien [Jésus] En sa jeunesse virtüeuse. (Pass. Auv., 1477, 244)

2.Qui est solide, résistant.

...l'en doit garder en toute taille [de la vigne] que la souche soit toujours la plus fort et vertueuse (Rustican H., 1373-1374, 82)

Sy vis que bastie estoit [une clôture] de precieuse estoffe, liee de vertueux, indefallible chiment (Chastell., Temple Boc. B., 1463-1464, 15)

Car si en vert boix virtüeux, Comme je suis, teulx choses font, En boix sec, helas, que faront ? Certes, du pis ! [Réf. à Luc 23, 31] (Pass. Auv., 1477, 191)

[D'une chose abstraite]

Il [les flatteurs] sont seurs par grant multitude et tant fors qu'il pueent roys et princes vaincre et guerroier ; et merveilles est, car celui qui pas n'est armé vaint les armees, et par mollesce et flaterie il guerroie et seurmonte trespuissaument les choses tres fortes et vertueuses. (Foul., Policrat. B., III, 1372, 238)

3.Qui produit des effets bénéfiques, qui possède des propriétés bénéfiques (p. ex. curatives).

Et dist on que celle fontaine vient de paradis, et pour ce est elle si vertueuse. (Mandeville, Voy. L., p.1360, 326)

Le therebint est ung arbre vertueux en fleur, en fueilles, en fruit et en distillacion. Car il pleure et jette poix comme le sapin (Horloge de sapience S., c.1389, 67)

...et aussi j'ay fouee un autre jardyn et je l'ay tres bien à poynt plantee des chous, porree, persele et sauge, et des autres vertuouses herbes ; et plus encore j'ai arrachee et essartee tous les orties, roinses et toutes les malvoises herbes (Man. lang. G., 1396, 70-71)

Et est en l'ystoire dame Sapience en une abre appellee therebintus qui est moult vertueuse et souef fleurent (Déclar. Hyst. S., a.1449, 146)

...ma boiste a l'oygnement Qui est moult chier et vertueulx... (Gréban, Pass. J., c.1450, 185)

...et se mengier voulons, le fruit de ceste isle est tant vertueux que d'une pomme avons assés ung mois. (Percef. IV, R., c.1450 [c.1340], 1006)

Que en Dieu est equalité par ces trois manieres, il se demonstre ainsi. Car es choses d'embas qui sont en nostre region, ces trois choses sont substance, equalité et quantité, c'est a dire la substance par quoy la chose est, l'equalité par laquelle elle est bonne ou mauvaise, vertueuse ou vicieuse, saine ou non saine. (Somme abr., c.1477-1481, 127)

J'y vois sans songer longuement A tout ma boitte et l'oingnement Qui est moult cher et vertueux, Duquel son sainct corps precïeux Sera atouché et enoingt. (Myst. Pass. Troyes B., a.1482, 433)

[De pierres précieuses, dotées de vertus merveilleuses, en partic. curatives]

...de pierres monlt vertueuses, D'escarboucles et de rubis (Renart contref. R.L., t.1, 1328-1342, 139)

Mon pere, qui avoit tout plain De belles pierres precieuses Moult nobles et moult vertueuses (Chr. Piz., M.F., I, 1400-1403, 14)

...et aussy de tresbonnes, virtueuses, vaillans et dignes pierre precieuses (Chiquart, Cuis. S., 1420, 1888)

Escharboucle est la tres vertueuse pierre qui donne clarté resplendissant en tout lieu oscur comme se le iour y luisoit (Best. hérald. H.E., c.1435-1450, 508)

B. -[D'une pers.]

1.Fort, vigoureux, robuste, fort de constitution.

...li miens [mes bras à moi] sont plus virtueux (JEAN D'OUTREM., Myr. histors B.B., t.3, a.1400, 262)

Madame (...), Vous avez une fille belle (...). Or ça, donnez ly la mamelle, Sy en sera plus vertueuse. (Mir. ste Genev. S., c.1410-1420, 60)

Et de tous autres membres il estoit estoffé tant bien que merveilles, et aussi monstroit il bien qu'il estoit homme vertueux, car il avoit la poittrine relevee, pelue, garnie de oz et de pou de char (Percef. III, R., t.1, c.1450 [c.1340], 97)

Son vertueux coeur [ou sens II ? var. : son tres doulz cueur] par attouchemens Le viel Thobie aveugle rapointa, Et de son foye ung deable reboutta (Molinet, Faictz Dictz D., 1467-1506, 638)

Quant je estoye jeune et vertueulx, chescun me doubtoit et, maintenant quant je suis vieulx, nul ne tient conte de moy et, pour ce que j'ay perdu vertu et force, j'ay perdu bien et honneur. (Macho, Esope R., c.1480, 89)

Le Ve reigle est que les gens forts et vertueux doibvent estre saignié, et ceulx qui sont sanguins en complexion et non de froide et sceiche complexion. (Rég. santé corps C., 1480, 164)

[D'un animal] Cincq brochés jeunes, gras et vertueux nageoient ung jour es fleuves de la mer (Colart Mans., Dial. créat. R., 1482, 147)

...ung ypocentaure, qui est demy homme et demy cheval, puissant et vertueux. (Colart Mans., Dial. créat. R., 1482, 223)

...que en tout eage le patient preigne une foys ou deux la sepmaine s'il est vertueulx (Prevost, Cir. Guill. Salicet, 1492, I, 23)

2.Fort, puissant, efficace, capable d'agir, de réagir.

L'une est Souffissance la belle, L'autre est Pacience, s'encelle. Se tu les as, tu n'as regart De Fortune au double regart, Car elles sont si vertueuses, Si dignes et si precieuses, Que riens ne prisent le dangier De Fortune, ne son changier, Eins mettent l'omme a seürté En chemin de Bonneürté. (Mach., R. Fort., c.1341, 102)

...le pire sexe, c'est a dire la femelle, est plus forte et plus vertueuse en la chace et deduit des oyseaux (Foul., Policrat. B., I, 1372, 104)

Car, s'elle n'estoit amoureuse Et en cel estat virtueuse, Elle ne poroit tout ce faire. (Froiss., Méliad. L., t.3, 1373-1388, 199)

As tu pensée ne vouloir De croire et honnorer noz dieux Qui sont dessuz tous vertueux ? (Myst. st Adr. P., c.1450-1485, 150)

[P. méton. du subst. qualifié, d'une action humaine] Efficace, vigoureux.

La se consieuirent des lances, Par si vertueuses samblances Et par si hardi couvenant, Que de ce cop, en leur venant, Les dittes targes pertuisierent (Froiss., Méliad. L., t.2, 1373-1388, 53)

Ce que non-seulement il avoit monstré par paroles, mais l'avoit fait apparoir réalment et de fait par opérations vertueuses (Chastell., Chron. K., t.3, c.1456-1471, 193)

...et la ou il ont congneu par moyens pooir venir a leurs fins, la ont applicqué force et engin par execution vertueuse. (Chastell., Temple Boc. B., 1463-1464, 141)

...il y monte successivement, pas a pas, par son vertueux contendre. (Chastell., Temple Boc. B., 1463-1464, 171)

Vertueux de. Doté de.

A l'arbre vindrent tost les dames gracïeuses Qui trés parfaitement estoient amoureusses, Qui de toute bonté estoient vertueusses, En bien et en honnour et en sens plentureusses (Brun de la Mont. M., c.1350-1400, 32)

Il est pou de gens qui de euls [des mauvais] puissent esloingnier tout le mouvement de fortune et de tout soy en geter hors. Et selon la verité celui qui de sa force est bien vertueus, si ['cependant'] est il tempté et meu du corps de son amy famillier ou de son aventure. (Foul., Policrat. B., III, 1372, 206)

Onde ou ondoyé represente l'eaue qui est chose merueilleuse a comprendre pour les grans proprietez qui y sont. Et senefie que cellui qui premier les porta en armes estoit homme de innombrable fais et vertueux de vaillance (Best. hérald. H.E., c.1435-1450, 502)

Vertueux pour + inf. Qui a la force pour, qui est capable de.

Mais cuers d'omme est fermes, seürs, Sages, esprouvez et mëurs, Vertueus et fors pour durer, Et humbles pour mal endurer. Et quant de l'amoureuse ardure Est espris, tellement l'endure Qu'einsois morroit dessous l'escu Qu'on le veïst mat ne veincu. (Mach., J. R. Nav., 1349, 242)

Me dois tu par motz rigoreux Si villainement reprochier Quant point je ne suy vertueux [var. vigoreux] Pour toy de mercy aprocier ? (Taillev., Deb. cuer ueil D., c.1444, 204)

C. -[Dans l'ordre surnaturel]

1.Doué d'une puissance surnaturelle.

...le doulx Jhesu fu (...) souverainement vertueux et confortatif contre maladie de pechié et souverainement puissant pour la puissance de l'ennemi disciper et destruire. (Mir. prev., 1352, 230)

Je te salue, Dieu du ciel glorïeux, Dieu immortel, Dieu sur tous vertueux (Gréban, Pass. J., c.1450, 92)

DIEU LE PERE. En l'onneur et la reverence De Jhesus, mon filz vertueulx... (Gréban, Pass. J., c.1450, 140)

Dieu virtüeux Et precïeux, - veez cy pouvre contrefacture, Come ceulx qu'on mect a torture. (Pass. Auv., 1477, 255)

Bien revenu Soit le prophette vertueux [le Christ] ! Mon corps sera bien curïeulx De l'aler veoir tout d'un tenant. (Myst. Pass. Troyes B., a.1482, 500)

Puissance vertueuse. Puissance surnaturelle.

Souveraine mére de grace, Vostre poissance vertueuse Tresexcellent et precieuse Soit loée, quant par la nue Deignez ça jus estre venue Moy visiter (Mir. parr., 1356, 57)

Veez cy puissance virtüeuse, Et fust ce le prophete grant ! (Pass. Auv., 1477, 132)

Oeuvre vertueuse. Action surnaturelle.

...la cité (...) Ou Amours voult un saint temple sacrer Pour espouser no vierge suer piteuse, Qu'il fist joindre par euvre vertueuse A son doulx filz sanz le fait de nature. (Mir. Theod., 1357, 129)

Emploi substantival.

O souveraine magesté, Bon Dieu qui (...), Hault juge (...), O hault triumphant vertueux, Vertu de mirable efficace... (Gréban, Pass. J., c.1450, 34)

2.Miraculeux, merveilleux.

...les fais vertueux Qui d'icelluy sauveur vendront (Gréban, Pass. J., c.1450, 137)

Car elle l'a tenu et tient aincoires par enchantemens si vertueux que ne le puis approuchier (Percef. IV, R., c.1450 [c.1340], 945)

Pour demonstrer nostre magnificence Et decorer les trosnes glorïeux, Voulons ce jour par divine excellence Produire faitz divins et vertueux. (Myst. Pass. Troyes B., a.1482, 3)

Vertueux en miracles

Le digne corps madame Saincte Rose (...) Gist a Viterbe, qui est une grant chose Et une vierge grandement sumptüeuse, Car en miracles elle est tant vertüeuse Que tous les jours le roy et sa noblesse En sa chapelle belle et devocïeuse, Moult voluntiers y alloit ouÿr messe. (La Vigne, V.N., p.1495, 227)

II. -[Correspond à vertu II, la vertu étant une qualité humaine, en partic.morale]

A. -Vaillant, courageux, maître de soi.

Qui est celi qui repute un homme fort et vertueus ['maître de soi, imperturbable'] que une petite parole si esmuet et li tolt son repos et toute vertu trebusche et desront (Foul., Policrat. B., III, 1372, 246)

Car virtueus fu en l'estour, D'emprise et de grant hardement (Froiss., Méliad. L., t.3, 1373-1388, 104)

...le milleur et le plus vertueux chevalier des autres (Percef. IV, R., c.1450 [c.1340], 192)

MARTHE [à Lazare mourant] . Vous serés tantost tout refait. Soyés vertueux et parfait Et vous couchés sus ceste couche ! (Michel, Myst. Pass. J., 1486, 181)

En ceste façon et maniere en ordre de vertueuse et virile hardiesse, toute l'armee entierement marcha avant environ demye lieue de France. (La Vigne, V.N., p.1495, 284)

B. -Qui a des qualités humaines (en partic. de sagesse, de modestie, de chasteté...), de la valeur, du mérite.

1.Qui a des qualités humaines, de la valeur, du mérite.

Et s'il les vuet de dueil crever, Il doit son corps dou tout offrir A elles humblement souffrir, Car cils qui vit et souffrir puet Fait partie de ce qu'il vuet ; Et se dit on : 'Qui sueffre, il veint' ; Et s'est vertueus qui bien feint. Einsi toutes les veinquera Par souffrir, n'il ne trouvera Donjon, closture ne muraille, N'autre voie, qui mieus y vaille. (Mach., D. Lyon, 1342, 232)

...dont par ce pourveut il(z) [Alexandre] que, se ilz se voulloient rebeller, ne peussent ; car ilz n'avoient nulz princes, et le peuple sans chief vertueulx n'est riens. (La Sale, Salade, c.1442-1444, 58)

Je cogneuz (...) deux gentilz hommes, beaulx compaignons, bien assoviz et adressez de tout ce qu'on doit ou peut loer [en] ung gentil homme vertueux. (C.n.n., c.1456-1467, 362)

...je veil que, a faire l'election et le chois, vous aiez singulier regard qu'il ne soit homme vague, deshonneste et pou vertueux [Du bon choix d'un amant] (C.n.n., c.1456-1467, 563)

...aucuns sont vertueux et plains de grande industrie et diligence tant qu'ilz ont peu de biens, lesquelz, si tost qu'ilz sont eslevez et remplis de biens superflus, ilz se departent de vertu et deviennent oesifz et negligens (Tardif, Apologues R., c.1493-1498, 65)

...comme ce vertueulx, victorieulx et glorieux empereur Charlemaigne (Simon De Phares, Astrol., c.1494-1498, f° 3 r°)

LE BAILLY. Garde n'ay d'y mectre replique, Car c'est ung homme sumptueux, Remply de tout bien auctentique Et sur tous aultres vertueux. Ses passe temps sont fructueux, Sa façon est toute amÿable, Son maintien doulx et gracïeux Et sa valeur innumerable. (La Vigne, S.M., 1496, 400)

[P. méton. du subst. qualifié]

...avoit ung riche et puissant chevalier, noble tant par l'ancienne noblesse de ses predecesseurs comme par propres nobles et vertueux faiz. (C.n.n., c.1456-1467, 545)

[De la renommée]

...ou temps que ce treseureux bruyt et vertueuse renommée d'elle sourdoit, (...) pluseurs gens de bien desiroient et pourchassoient sa grace (C.n.n., c.1456-1467, 31)

...[un] jeune chevalier, preux, vaillant (...) estoit tresardent et fort embrasé de l'amour d'icelle pucelle ; et pareillement elle, pour la vertueuse et noble renommée de luy, en estoit tresfort enlassée. (C.n.n., c.1456-1467, 546)

Emploi substantival.

...le bien commun seroit benoit se les vertueus et sages le gouvernoient par sapience et philosophie (Foul., Policrat. B., I, 1372, 85)

Il appartient que le peuple serve le roy et le suyve, que le docteur seme vraie discipline, que le juge si refreigne les faillans, que la benignité de puissance guerredonne les vertueux. (Foul., Policrat. B., I, 1372, 108)

...aux vertueux Qui cueillent la rose verte (Rivière, Nef folz D., 1497, 822)

2.En particulier. [À la faveur contexte]

a)Qui est plein de sagesse.

[Dans une allég.] ...La dousisme estoit Souffissance (...) Hors estoit des mains de Fortune Et de son perilleus dangier. De po se paissoit au mengier, Car plus refaite estoit d'un ouef Que ne fust un autre d'un buef. Tant par estoit bonne eüreuse Et parfaitement vertueuse ; Encor est et toudis sera, Tant com li siecles durera ; Que c'est, a droit considerer, Li biens qu'on doit plus desirer. (Mach., J. R. Nav., 1349, 181)

[le mari] ne tint oncques maniere envers sa femme, en parolles ne aultrement, par quoy elle peust penser qu'il entendist rien de son fait, tant estoit vertueux et pacient. (C.n.n., c.1456-1467, 129)

...ung grand gentil homme, sage, prudent, et beaucop vertueux, comme il estoit au lit de la mort, (...) appella ung seul filz qu'il avoit (C.n.n., c.1456-1467, 330)

[P. méton. du subst. qualifié]

Mez cy nous devons savoir que, en debonaireté, en misericorde ou en humanité, l'en doit considerer divers degrés et le moyen si est vertuelx (Songe verg. S., t.1, 1378, 340)

Mes ditz sont bons et vertueux Et sont fondéz sur la parolle Baläan (Gréban, Pass. J., c.1450, 75)

...plusieurs enseignemens sages et vertueux (Tardif, Apologues R., c.1493-1498, 60)

b)Qui est doué, instruit.

Eut plusieurs disciples et, entre les autres, eut Arbanithes et Bramors, qui puis furent hommes vertueux en la science des estoilles, et fut cestui Bramors grant au siecle et moult redoubté. (Simon De Phares, Astrol., c.1494-1498, f° 64 v°)

Pachomus fut en ce temps insigne et vertueux homme, lequel au moïen de la congnoissance des influences et prevoyant les choses futures, osa bien prandre la charge de VIIm moynes en la cité de Pannos (Simon De Phares, Astrol., c.1494-1498, f° 130 v°)

[P. méton. du subst. qualifié, d'un jugement]

Quoy qu'il en soit, il fut souverain astrologien et fist plusieurs vertueux jugemens qui furent veriffiez par le bon plaisir de Nostre Seigneur. (Simon De Phares, Astrol., c.1494-1498, f° 130 v°)

c)Qui a le sens de l'honneur.

...je vous tiens si vertueux que pour rien ne vouldriez deshonorer une vostre simple subjecte que je suys, mesmes la vouldriez bien garder. (C.n.n., c.1456-1467, 156)

d)Qui est modeste.

...par les gloires et exaltations qu'ils luy donnoient et par les causations multiformes des louenges que le proposant luy jugeoit appertenir, son coeur [du duc] qui si vertueux estoit, comme je l'ai cuidé, se devoit plustost esvergonder que esjoyr (Chastell., Chron. K., t.4, c.1456-1471, 151)

e)[D'une femme] Sage, réservée.

...et ne sunt pas souvent trouvees femmes si vertueuses (Oresme, Ycon. Arist. M., 1374, 829)

Vertueuse chasteté

...affin que elle Lucresse se monstrast innocente de la laidure qui lui fut faitte, sans en riens estre couppable du dit mesfait, se voullu tuer par son propre cousteau en tesmongnaige de sa vertueuse chasteté. (Rasse Brunh., Flor. Elvide B.N. C., a.1456, 24)

C. -Qui a de grandes qualités morales, qui pratique le bien.

Dame, royne precieuse, Sur toutes femes vertueuse, (...) Je vous rens loenge et mercy (Mir. st Sev., 1362, 221)

Et se il est ainsi comme si est, il convient que les operacions qui sont selon vertu soient delitables selon elles meïsmes et aveques ce il sont belles et sont bonnes tres excellentement, se il est ainsi que homme vertueus ait en teles choses bon et droit jugement et il est certain que il a tel. (Oresme, E.A., c.1370, 127)

Item, se quelconque chose fait a ce que une cité soit vertueuse et bien disposee ou mal, il est neccessaire que quant a ce face difference la disposition dez enfans, se il sont vertueuz ou non, et semblablement dez femmes. (Oresme, Pol. Arist. M., c.1372-1374, 75)

Ne peut, s'il a ceste coustume [de mentir] , Estre vertueux, bons, ne sage, Et sanz grant fraude (Chr. Piz., M.F., II, 1400-1403, 49)

Elle est vertueuse, non vicieuse, a tout bien adonnee, de tout pechié separee, Dieu ayme sur toute rien (Nouvelles inéd. L., p.1452, 2)

Or sa, de par nostre seigneur, Arme virtueuse, loués Dieu ; Et nous vous manrons en ung lieu Ou vous varrés les sanctz prophetes Et les sanctz peres, esqueulx estes Tramise pour denuncïer Leur saulveur. (Pass. Auv., 1477, 101)

Ce prophete [Jean-Baptiste] estoit de bon haire, Sans mal faire. Il faisoit les gens virtüeulx. A tout malheur estoit contraire, Pour complere Au souverain Dieu glorïeux. (Pass. Auv., 1477, 107)

...cestuy [Jésus] sans cause, contraire A nul bien, maiz virtueux et doulx, La mort prent pour nous saulver tous (Pass. Auv., 1477, 218)

[P. méton. du subst. qualifié, d'une action, d'une attitude, d'une conduite...] Qui a le caractère de la vertu, édifiant, moral.

Exemple en particulier celuy qui est ia acoustume de faire oeuures vertueuses comme viure humblement, viure actrempement et chastement, il descent au degre de oroison et se retourne a prier Dieu que il ne faille a perseuerer en ses bonnes operacions. (Cib., p.1451, 179)

Tu es enclin en vices et tantost coules en pechie, et a vertus tu es foible et a peine fais oeuures vertueuses (Cib., p.1451, 198)

Quand il eut longuement maintenu ceste saincte vie et ce vertueux exercice (...), il fut puny en la façon que vous orrez [Antiphr. iron. : D'un curé qui 'faisoit rage de confesser ses parrochiennes'] (C.n.n., c.1456-1467, 402)

Alors madame, comme tressaige et prudente (...) tout à cop, changa son cruel dueil en tres vertueulx parler (La Sale, Reconf. De Fresne H., 1457, 12)

Jeunesse je veulx mespriser Et despriser, Pour mieulx suyvre vie virtueuse. (Pass. Auv., 1477, 118)

Moralement acceptable.

Et se delicte modereement et actrempeement en granz et vertueus honeurs, aussi comme en recevant ses propres choses ou mendres que elles ne li sont deües (Oresme, E.A., c.1370, 251)

Et pour ce que vertu morale est habit electif et eleccion est appetit de chose devant conseilliee, pour ce convient il se l'accion est vertueuse que la raison soit vraie et que l'appetit soit droit par ainsi que l'entendement die voir, et que l'appetit poursuive ce que la raison ou entendement dit estre bon. (Oresme, E.A., c.1370, 332)

Et avecques ce, il a en ceste amistié double delectacion charnel et vertueuse. (Oresme, E.A.C., c.1370, 444)

Emploi substantival.

...et l'autre, c'est le vertueus, se ha et contient en maniere moienne, et ainsi comme il convient. (Oresme, E.A., c.1370, 209)

Et c'est impossible que la vie du vertueus ou du beneuré ne soit delictable, si comme il dit devant pluseurs fois. (Oresme, E.A.C., c.1370, 407)

Item les Sages anciens, Paiens et Juifz et Crestiens, Qui loiz et règles à délivre Establirent lors pour bien vivre, Rémunérèrent vertueux Et punirent les vicieux (La Haye, P. peste, 1426, 70)