DESCHARGE

substantif féminin

[T-L : descharge ; GD : descharge ; GDC : descharge ; AND : descharge ; FEW (II-1, 421b,422a) : carricare ; TLF (VI, 813b) : décharge]

A. -Action de décharger, d'enlever une charge, déchargement.

...est ordonné que, à chacune venue et recharge de vin, qui se fera d'oresenavant par vendicion en groz ou autrement, sera appellé et prins le clerc d'icelle ville avec le premier eschevin, sans ce qu'il y en ayt ung especialement commis, et que toutes et chacunes venues, descharges, recharges, ventes en groz et autres choses pertinentes ou fait et conservacion du denier d'icelluy assis seront arrestéz et mises par escript par bonne declaracion par le dit clerc, present le dit eschevin, et signé de la main d'icellui eschevin en certain cayer qui aura et gardera vers lui icelluy clerc, contre lequel sera veu pour contre rolle le pappier de notre receveur au dit lieu de Hesdin, qui en fait registre pour le droit et porcion que avons et prendrons au dit assis (Hist. dr. munic. E., t.2, 1447, 627)

[Des vivres en 21 navires] montant a 690 tonneaulx, compris le seiour desdiz navires et maronniers attendans leur descharge (...) au pris de 4 s. pour le tonneau, 138 £. (Comptes argentier Ch. le Téméraire B.F.L., t.3/2, 1470, 976)

Marchandise déchargée et stockée.

Item, du vin qui sera mené et deschargié esdiz lieux en forme de desquerk, douze deniers du tonnel et six deniers de la queue [aussi p.717, desquerque] . (Ordonn. Ph. le Hardi, Marg. de Male B.-B., t.2, 1394, 66)

B. -Au figuré.

1.Soulagement, allègement.

Et se vous faictes guerre vous les emploirés a la descharge de vostre peuple et a la confusion de voz ennemis (Juv. Urs., Loquar, 1440, 396)

...et est ung grant descharge a ung chanceillier que de avoir bons et seurs refferandaires (Juv. Urs., Nescio, 1445, 446)

...sy vous loëroie pour le mieulx que vostre conseil fust descouvert a homme si feable et sage qu'il vous donnast conseil sur ce qu'il seroit trouvé bon de faire pour mettre fin a ceste douleur qui ainsy vous aneantist et degaste de tous poins ; et je ne fay nulle doubte que le dire ne vous fust grant descharge au cuer et descombrement dez maulx qui a cause du taire vous apalissent. (Comte Artois S., c.1453-1467, 118)

Substantif masculin.

...au plus grant proufit et utlité de ladicte ville et au descharge de ses affaires. (Ordonn. Ph. le Hardi, Marg. de Male B., t.1, 1386, 135)

2.Libération d'une obligation, d'une charge qui pèse sur qqn, d'une dette.

a)Libération d'une obligation, d'un engagement.

Et a voulu et consenti ledit de Mailly que, par les dessus nommez greffiers de ce feussent et soient faites quittances, actes et registres pour la seurté et descharge de ceulz qu'il puet touchier. (Fauq., II, 1421-1430, 281)

Remarque : CHASTELL., ROBERTET, MONTFERRANT, Douze dames rhétor. C., 1462-1463, gloss.

Avoir descharge de qqc. Être déchargé, libéré de qqc..

En nous suppliant humblement, que comme en autres choses il ait tousjours esté (...) homs de bonne vie et renommée (...) et en a descharge et bonne quittance (...) nous lui vueillons sur ce extendre nostre grace (Ch. VI, D., t.2, 1382, 230)

...ycellui prisonnier avoit confessé par devant lui estre traitre du roy nostre sire, disant que dudit prisonnier plus avant ne se vouloit entremettre de sa confession et examen que fait avoit, duquel examen et confession il bailla copie, en requerant audit mons. le prevost avoir descharge et delivrance d'icellui prisonnier. (Reg. crim. Chât., I, 1389-1392, 54)

Par métonymie. Acte écrit libérant d'une obligation.

...et a esté commendé que ledit Pingué et Chatelbriain en ayent quictance et descharge de par la Court (Baye, II, 1411-1417, 149)

J'ay veu specialment gens de finances dire parolles illusoires, baillier descharges, et si savoient que riens on n'en feroit. (Juv. Urs., Verba, 1452, 216)

Et baillèrent lettres de descharge audit seigneur des Cordes et consentement de bailler ladicte cité d'Arras, ce qu'il feït voulentiers. (Comm., II, 1489-1491, 184)

b)DROIT Fait de lever les charges qui pèsent sur un accusé.

Pour la descharge de qqn. Pour excuser qqn.

...et en oultre pour sa descharge a dit que Adam des Vignes, huissier de ceans, ala nagaires en Chastellet et moult arrogaument requist le renvoy d'aucunes causes (Fauq., II, 1421-1430, 248)

Preuve d'innocence.

Des Romains est moult bien amés Et en tous ses fais deportés, Pourtant seroit bon, ce me semble. Que lui menessiez tout ensemble Et disiez la toutes ses charges Affin que monstrer ses descharges Et les vostres, se la venoit, S'aulcuns ad ce contredisoit. (Marcadé, Myst. Pass. Arras R., a.1440, 159)

c)Libération d'une dette.

Somme à acquitter pour être libéré d'une dette ; document qui l'atteste.

Autre mise de deniers mis en recepte cy devant et non receuz. Sur une autre descharge levée du trésor sur ce que Regnaut Bigaut, nagaires receveur de la Rochelle, povoit devoir au Roy, laquelle descharge montoit 2000 fr., n'a esté paié que 400 fr. et est demourée au trésor ladite descharge afin de recouvrer sur les biens et debtes dudit Bigaut le surplus, pour ce ici en mise : 1600 fr. (Raponde, Comptes La Trémoille L.T., 1396-1406, 112-113)

Et, pour ceste cause, le roy fist arrester les deniers et descharges qui avoient esté levez pour le paiement dudit monseigneur le connestable, et des IIIIc lances de sa charge et retenue pour le quartier d'avril, may et juing lors escheu, qu'il print ledit Saint-Quentin. (Roye, Chron. scand., I, 1460-1483, 313)

Acquittement d'une somme à payer.

Ledit Belin, pour son acquict et descharge d'icelle obligacion, m'a monstré et exhibé une contre-lectre, signée de la main dudit Basin, grenetier, du premier jour de novembre mil CCCC cinquante, par laquelle appert que icelluy Basin confesse avoir et receu dudit Guillaume de Varye ladicte descharge, sur laquelle descharge il confesse n'avoir aucune chose paié (Aff. Jacques Coeur M., 1453-1457, 45)

Passer/porter qqc. (à la) descharge à/de qqn. Indiquer sur les registres qu'une somme est acquittée par qqn.

...le quel Philippe eust voulu ou dit compte passer et allouer à sa descharge, devant les genz de noz comptes à Paris, pluseurs granz sommes de deniers, les quelx lui furent debatuz et contrediz, tant en nostre presence comme ailleurs. (Doc. Poitou G., t.5, 1377, 18)

Et en prenant d'elles les quittances sur ce pertinentes ce que sera ainsi paié, voulons porter descharge à vous et aux fermiers de la dicte Granche. (Cartul. Laval B., t.2, 1385, 328)

En la descharge de qqn

Et fut ceste baille faicte parce que iceulx prieur et frères pour eulx et establissans come dit est, seront tenus fere et acquicter pour et en la descharge desditz chanoygnes ledit hostel et autrez héritages dudit lieu du Mesnil envers le seigneur de la Mare de cinq solz quatre deniers tournois de rente. (Cartul. Hôtel-Dieu Cout. L., 1455, 292)

Par métonymie. Acte écrit qui reconnaît la libération d'une dette, le paiement d'une somme, quittance.

Guiot Filleau et le Bigois, envoiez de Meleun à Senz, porter une descharge pour la despense de l'Ostel au receveur d'illec (Comptes hôtel rois Fr. D.-A., 1380-1381, 106)

...par quictance de mondit seigneur le duc faicte au proffit dudit Gorremont en l'absence dudit Jehan de Noident le VIIIe jour dudit mois de mars CCCCXVIII, pour et en lieu de laquelle somme de 10000 livres tournois ledit Gorremont bailla à mondit seigneur, qui les bailla audit Noident, trois descharges de lui levees sur certain don et aide (Comptes Etat bourg. M.F., t.1, 1419, 15)

Item, une lettre du Roy, en las de soye et cire vert, confirmatoire dudit afranchissement. Donnée ou moys de juillet IIIIcX, à laquelle est atachée la descharge du Tresor, seellée de IJ tresoriers de ladicte somme de L l. t. (Invent. N. Baye T., 1419, XCVII)

...Jehan Audry, dit Marcoussis, a recongneu avoir receu de me Estienne des Portes, conseillier du Roy, une descharge de VJcLIIJ livres, XVJ solz, VJ deniers parisis sur Jehan Frohen, recepveur des aides à Laon, et promist de faire delivrer à Paris ladicte somme pour emploier ou paiement des gaiges de la Court, ou de rendre et restituer ladicte descharge (Fauq., II, 1421-1430, 236)

...lesquelles lettres obligatoires et certificacions des diz Gosse et Chastenier, avecques deux descharges du dit de Serre, qui avoient pour ce esté levées de la somme de huit mille livres, restans des diz dix mille livres, (...) nostre dit cousin a baillées et rendues pour nous audit Macé Heron (Doc. Poitou G., t.7, 1423, 409)

Item une lettre, en parchemin, contenant que mons. le cardinal d'Angleterre confessoit avoir receu des bourgeois, manans et habitans de la ville de Rouen, par la main de Pierre de Saint Martin, la somme de XIJ m. saluz pour moitié de XXIIIJ m. saluz, à quoy le Roy avoit fait appointement avec lesd. bourgeois pour le fait de la reste et composition et rendue de lad. ville, escript soubz le saing manuel et signet dud. mons. le Cardinal, le XVe jour de novembre mil CCCCXXX. Elle vault pour descharge. (Invent. test. Surreau Foville F., 1435, 35-36)

...ledit commis reprent cy la somme de 4 s. p. qui ont esté quittés à Denis Hemart, escripvain, demourant sur le Pont Nostre Dame pour le terme Saint Remy 1447, comme il appert par la decharge rendue sur le 4e compte de sire Jehan Luillier subsequent receveur (Comptes Paris V.L.D., t.1, 1446-1447, 524)

Lesquels deniers nous voulons estre levéz (...) par ledit Pierre de Bar (...) et par luy baillez distribuéz par les descharges de nostre recepveur général (Pol. Louis XI, G., Pièces justif., 1461, , , 413)

À Jehan Roulin, procureur fiscal, le XVIe dudit moys, pour son veaige d'aller à Flaeolz, quérir l'argent assigné auxdits maneuvres de Peyrolles par une descharge contenue ou compte précédent la somme de neuf florins six gros (Comptes roi René A., t.1, 1479, 41)

3.Autorisation libératoire donnée à qqn (le libérant de toute opposition).

Ensemble tous prindrent du roy congié Pour s'en aller a toute leur descharge Es lieux nommez executer leur charge. (La Vigne, V.N., p.1495, 142)

Lever/prendre une descharge sur (un receveur, un responsable des comptes). Autoriser (un responsable des comptes) à affecter une certaine somme d'argent à tel ou tel emploi précis.

Autre recepte. D'argent deu à icellui Seigneur, pour certaines cédules du trésor, d'argent deu à feu madame la contesse d'Estampes, de laquelle il estoit héritier à cause de madame sa femme, à cause de 3040 l. p. que ladite contesse prenoit par an oudit trésor. Desqueles cédules, ou mois de février, l'an IIIIxx et quinze, et avant que ledit Seigneur partist pour aler en Hongrie, li accordèrent les trésoriers d'en emploier une de la somme de 3040 l. p., donnée ou mois de juillet l'an MCCCIIIIxx et six, pour les termes de Toussains et Chandeleur IIIIxxIII et Ascension IIIIxxIIII, dont furent levées plusieurs descharges sur les receveurs qui s'enssuivent, par quittance dudit seigneur (Raponde, Comptes La Trémoille L.T., 1396-1406, 10)

Sur Jehan Coignet, receveur d'Aucerre, fu levée une descharge de 1500 fr. par vertu d'une quittance que ledit Dyne passa en Chastellet, comme il appert cy devant en recepte pour la pension de Monseigneur, sur laquelle ledit Dyne a receu 300 fr. ; et les 1200 fr. estans Humbert de Vertuz, despensier de Madame, print devers lui, dont il a baillié quittance audit Dyne, pour ce ici, comme par ladite quittance, donnée le premier jour d'ottobre l'an mil CCCIIIIxxXVII, puet apparoir : 1200 fr. (Raponde, Comptes La Trémoille L.T., 1396-1406, 113)

...la somme de cent frans en une descharge levee par ledit Jehan Fraignot sur Droyen Malvoisin, receveur de la gruyerie ou bailliage d'Auxois, de la date du jourduy, montant à ladicte somme, pour iceulx cent frans tourner et convertir es ouvraiges du chastel dudit lieu de Montbar (Comptes Etat bourg. M.F., t.2, 1419, 312)

Inventoire des lettres et escriptures estans on comptouer dud. deffunt. Premièrement des lettres et escriptures estans en une boeste de cuivre en forme d'estui carré, estant sur le burel dud. comptouer. (...) Item une autre descharge, levée par Raoul d'Estampes, receveur général du domaine de Normandie, etc., sur Thomas Pelevé, viconte de Coustances, sur la fin de son compte d'icelle viconté, du terme Saint Michiel milCCCCXXXIIJ, montant VcIX l. VIJ s. IIJ d. obole pite t. par assignacion faicte aud. feu Surreau, pour faire pour paier la pencion et gaiges des gens d'armes et de trait de la retenue de monseigneur le Régent pour les cinq premiers moys de lad. année (Invent. test. Surreau Foville F., 1435, 93-96)

... [nous] avons chargé vous requerir nous prester pour vostre porcion dudit emprumpt, et pour vostre remboursement d'icelle somme prendre une descharge sur le receveur des tailles (Lettres Ch. VIII, P., t.2, 1488, 165)

C. -[Idée d'attaque, de coup, de tir]

1.Action de décharger des accusations sur qqn, attaque.

Je ne vueil voz excusacions et deffences plus longuement escouter, ne en voz discors et descharges l'un vers l'autre ne gist pas la ressource de mon infortune, si non en tant que chascun la doye plus appliquer a son chastiement que a vitupere de son prouchain (Chart., Q. inv., 1422, 64)

2.Coup asséné.

...en passant il me donna telle descharge sur mon healme que tumber me couvient par terre (Comte Artois S., c.1453-1467, 78)

Remarque : GRÉBAN, Pass. J., c.1450, gloss.

3.Descharge (d'une arme à feu). Tir.

Et, sitost que lesdiz Suixes se trouverent au dessus et au costé dudit duc de Bourgongne, tout à ung cop se tournerent le visage vers lui et son armée, et sans arrester marcherent le plus impetueusement et orguilleusement que jamais gens firent, et, à l'aproucher pour joindre deschargerent leurs coulevrines à main. Et, à ladicte descharge, qui n'estoit pas des generaulx des finances, tous les gens de pié dudit de Bourgongne se mirent en fuite. (Roye, Chron. scand., II, 1460-1483, 38)