CHARGE

substantif féminin

[T-L : charge ; GDC : charge ; AND : charge ; DECT : charge ; FEW (II-1, 416a, 417a-b, 418a) : carricare ; TLF (V, 543a) : charge]

[Déverbal de charger] Ce qui pèse matériellement et/ou moralement.

A. -Au propre.

1.Ce qu'on place, ce qu'on charge sur un animal, sur un moyen de transport, sur qqn.

a)Ce qu'on fait porter à une bête de somme et qui peut être unité de poids ou de volume.

Qui vent en gros une charge, ou une charrette de potoz de terre, il doit de vente deux potoz de terre. Cilz qui vent une charge ou une charrectée d'escuelles et plateaux ou de tailleurs de boys, il en doit de vente deux, soient escuelles, plateaux ou taillours. (Chartes communes Bourg. G., t.1, 1371, 385)

...lui et lesdiz compaignons (...) mal prindrent et emblerent en l'eglise de Lailliere, assise en ladite ville de Chaumont, à plusieurs fois, la charge de deux chevaux de blé (Reg. crim. Chât., II, 1389-1392, 118)

...des quelz ajaons feu Pierre Suyre, (...) une sienne fille et son mari, gendre du dit Pierre, avoient cuilli la charge de quatre bestes ou environ (Doc. Poitou G., t.6, 1396, 217)

...comme ceste mule, qui de VIIJ jours n'avoit beu, parceut la riviere (...) elle de plain vol saulta dedans a tout sa charge (C.n.n., c.1456-1467, 313)

À Alain Legrant, mulletier, la somme de quarente-huit florins pour quatre charges de mullet qu'avons envoyez de ceste nostre ville d'Aix à nostre dit beau-frère (Comptes roi René A., t.3, 1479, 313)

Le froment valut en Lionnoys un escu d'or l'année, c'est certaine mesure venant près à la charge d'un cheval et le vin valut II frans. (Simon De Phares, Astrol., c.1494-1498, f° 161 v°)

...grant nombre de muletz Propres et duictz de grans charges porter. (La Vigne, V.N., p.1495, 146)

b)Cargaison de navire.

De medicine il est devant exposé ; et a gouverner une naif il convient considerer la façon de la naif et la charge, le pays ou l'en veult aler, le vent, la qualité du temps, l'estat de la mer et pluseurs autres choses. (Oresme, E.A.C., c.1370, 150)

c)Ce que contient un récipient ; unité de mesure.

[Pour les matières sèches]

...environ cent charges d'espicerie qui avoient esté livrées par Jacques Cuer, ou ses gens, audit Hervé Paris, pour convertir et employer ou fait de ladicte compaignie (Aff. Jacques Coeur M., 1453-1457, 28)

...durant le temps de six ou sept ans qu'il avoit demouré avec ledit Nicolas, son frère, qui estoit et est encores saulnier des religieux, abbé et couvent de Nermoustier et leur saulnoit certains maroys, nommez le Sangler et les Troyscens, icelluy Jehan et ledit Nicolas, à deux brouettes, de nuyt et devers le soir, et aussi avant jour, avoient emmené pour quatre ou cinq charges de sel, et que ilz le menoient aucunes foiz vendre ou le mettoient au monceau dudit Nicolas (Doc. Poitou G., t.9, 1455, 419)

...achapt fait de Jaume Ventre et de Pierre et de leurs compaignons Lombars, de quatre vingts charges de chaux morte et furée, convertie auxdites parois (Comptes roi René A., t.1, 1458, 62)

Comme la dime du pain en sept mois contenus en ce feillet 18620 pains réduits à blé vallent 37 charges 2 boisseaux (Cartul. Laval B., t.3, 1488, 356)

[Pour les liquides]

J'ay condempné Jehan Domergon à rendre et paier à sire Octo, receveur, la quantité de trois charges d'uille, en quoy il estoit tenu envers Anthoine Noir pour les habitans de Popian soubz l'estimacion de sept moutons pour chacune charge. (Aff. Jacques Coeur M., 1453-1457, 219)

d)Paquet de tissu.

Item plus a passé Mones Jurdan de Villefranche le samedi avant chalendes led. moys una charge de toyles, deux balon... de chenevez (Journal Bellev. H.D., 1424-1425, 97)

Et en ce que touche les draps que lesdits supplians et marchans détailleurs de draps mèneront es foires et marchez du païs d'Anjou, iceulx seront tenuz payer pour la cloaison cinq soulz pour chascune charge ou fardeau, la coustume, le trespas de Loire (Roi René vie L., 1461, 295)

e)Poids.

Mais la grant charge des VII ancres que elle [la nef] charrioit, et par la grace de Dieu la garda que ne peust grant cop ferir. (La Sale, Salade, c.1442-1444, 155)

f)Ce qui pèse sur qqn.

Je porte la charge et le fais, Je suis comme ung droit fournier. (P. Jouh. D.R., a.1488, 16)

2.Par extension. [La chose à transporter est légère ou immatérielle] Message à transmettre.

La fillette mist en sa memoire les motz de sa charge, et se partit pour querir celuy qu'elle trouva [Une dame envoie sa servante prier un clerc de venir chez elle] (C.n.n., c.1456-1467, 570)

Oÿ que eut le roy la substance de la charge de cest embassadeur, le feït venir en sa presence, où il n'y avoit que moy, et luy dist en brief... (Comm., II, 1489-1491, 110)

Dire sa charge. Transmettre le message dont on est porteur.

La vielle [une entremetteuse] retourna de son message et dist sa charge (C.n.n., c.1456-1467, 262)

Avoir qqc. de/en charge. Avoir (un message) à transmettre.

...lequel venu à Grenoble fit recort à la dauphine de ce qu'avoit en charge et que son mary lui mandoit par ses lettres. (Chastell., Chron. K., t.3, c.1456-1471, 322)

Et quant ce messagier eut fait ce qu'il avoit de charge, la noble royne appella tous ses chevaliers et leur dist ce que le geant lui avoit mandé. (LEFÈVRE (R.), Hist. Jason P., c.1460, 141)

Mettre qqc. en charge à qqn. Confier (un message à transmettre) à qqn.

Et moult doulcement luy dirons Ce que nous avez mys en charge. (La Vigne, S.M., 1496, 534)

B. -Par analogie.

1.Ce qui est susceptible de recevoir une charge (qqc. qui pèse ou simplement qqc. que l'on place qq. part).

a)CONSTRUCTION Élément d'une construction : linteau (?).

Audict maistre Anthoine pour VI jours à commancer escharffauder et maçonner les charges du gros pilliers devers le pavé (Doc. cathédr. Troyes A., 1468-1469, 398)

Remarque : FEW II-1, 417a, : carricare : «charge 'épaisseur de maçonnerie que l'on met sur les solives d'un plancher pour recevoir le carrelage' (...1694)».

b)Fond.

...une chambre de brodure sur charges vermeilles de la façon de Caen, doublée de toille vermeille, estoffée de chiel, dossier et courtines garnyes de franges (Comptes Lille L., t.1, 1466-1467, 495)

2.Pression exercée sur qqn.

a)Pression exercée sur un ennemi, attaque.

: ...bien leur sovint des Beaulz vacellages Que avez fais pluseurs fois en voiages Et corps a corps rabatus les oultrages De mains autres et porté les grans charges En mainte guerre (Chr. Piz., Dit Poissy R., 1400, 184)

Les Turcqs, qui ne peurent plus porter la charge, tant a cheval comme a pié, se rompirent (La Sale, J.S., 1456, 219)

Et furent les escarmouches grosses d'une part et d'autre, tellement qu'il y eust plusieurs charges, recharges et gens portez par terre d'une part et d'autre, de prins et de mors. (Bueil, II, 1461-1466, 236)

Et, sur ce, le Jouvencel donne des esperons à son cheval et approuche dudit messire Jehan Helphy comme de la longueur de quatre lances. Et, sur ce, les gens du roy Amydas et du Jouvencel meisme font une charge à l'autre bout des champs, et y eut si grant hu et si grant cry, tellement qu'ilz se retirerent droit à la ville. (Bueil, II, 1461-1466, 238)

b)Punition (consistant en coups infligés à qqn).

...Cinq ou six coups d'un bon fouët Seroient droictement sa charge. (Gréban, Pass. J., c.1450, 269)

C. -Au figuré. Ce qui pèse sur qqn.

1.[Idée de poids (au figuré)]

a)Embarras, gêne.

Estre à la charge de qqn/estre à charge à qqn. Être cause d'embarras, constituer une gêne pour qqn.

Las ! non pas le devoir et le sacrifice seullement ont ilz [ceux qui s'appellent ministres de Dieu] en mesprix, maiz se hontoient de vestir l'abit et garder l'estat de leur profession, et tiennent a honte l'ordre dont ilz convoitent et prisent tant l'emolument. Puis doncquez qu'ilz ne honneurent leur dignité, qui lez honnourera ? Se ilz desdaignent sainte prestrise, qui la prisera ? Se elle leur est a vergoigne et a charge, de qui sera elle louee et soustenue ? (Chart., L. Esp., c.1429-1430, 55)

...le duc s'excusa et fist dire au Roy que, quant il le prendroit [le don] , ce seroit à sa charge ; et suplia moult humblement au Roy qu'il n'en feust point mal content (Bueil, II, 1461-1466, 151)

Faire charge à qqn. Imposer une gêne à qqn.

'Grant mercy, Monseigneur, dit le duc. S'il vous plaist, vous nous en envoyrez et nous baillerez gens pour nous conduire seurement ; car nous ne vous faisons que ennuy et charge...' (Bueil, II, 1461-1466, 150)

b)Ce qu'on endure, tracas, peine, .

Item donne a mesire Girard Pilhard, de Navennes, prebstre, pour plusseurs services de sa notarie et aultres poinnes et charges qu'il a eu pour moy çay arriers, comme bien meris et pour ce qui prioit pour moy, dix libvres estevenans par une foys. (Test. Besanç. R., t.2, 1416, 35)

Tant est la nature perverse des hommes serve a paine et obligee a corruption que, puis que sa male inclination ne la peult tenir en regle sans roy, elle doit souffrir la paine et la charge et affliction qui sourt dez vices du roy. (Chart., L. Esp., c.1429-1430, 45)

...attendu la peine, le travail et la grant charge qu'elle avoyt soubstenue. (La Vigne, V.N., p.1495, 293)

c)Détriment causé à (une collectivité) du fait d'une présence militaire.

Et, sur l'oppinion de son conseil, delibera d'attendre ce que ses ennemyz feroient. Mais tellement attendit que leur ennuya pour la charge qu'ilz donnoient à leur pays et pour la doubte qu'ilz avoient que le roy Amydas y entrast. (Bueil, II, 1461-1466, 231)

À la charge de. Au détriment de.

Et depuis fut ladicte trefve continuée par deux ou trois foiz jusques au XVIII^e jour de septembre, pendant laquelle lesdiz Bretons et Bourguignons se avitaillerent fort en leur ost, à la grant charge et foule du pays et du peuple. (Roye, Chron. scand., I, 1460-1483, 105)

...esperans que vous y servirez et eulx aussi à nostre intention, qui est et sera à la moindre foulle et charge de nostredict peuple que faire se pourra. (Lettres Ch. VIII, P., t.1, 1486, 101)

Et entre autres, pour ce qu'il fut adverti que aucuns gens de guerre nommez Gault de Salges, Pons d'Aglans et Messe Pierre Montaigne avoient fait et commis plusieurs grans abuz, exactions et autres choses indeuez à la grant charge, destrucion et dommage de plusieurs povres gens, diminucion et retardement des deniers du roy, donna ledit grant maistre mandement et commission à maistre Guillaume de Montcam, licencié en loys, de les prandre au corps où qu'il les peust trouver, hors lieu saint (Le Clerc, Interp. Roye, c.1502, 249)

Mettre qqc. (le fardeau d'une guerre) à la charge de qqn (le peuple). Mettre (tel fardeau) sur le dos de qqn.

Haa, hommes françois, vous faictes le contraire, et gastez avant la main ce dont vous deussiez aider es autres grans affaires, et mectez le fais de vostre guerre a la charge du peuple, qui soubz vous deust demourer entier comme une espargne pour secourir aux extremitez et pour avoir recours en perverse fortune. (Chart., Q. inv., 1422, 23)

d)Fardeau (du péché, de la pénitence...).

Si vous pri qu'absolz soie a ferme, Et que tel charge me fermez De penitance qu'affermez Ressoie a la paix du vray juge (Mir. parr., 1356, 33)

Et, se je par la charge de mes pechiez et par la coulpe suy constraint, je te pri, Sires, que par l'esgart de mes prieres soyent a toy en toutes choses playsans. (Gast. Phébus, Livre oraisons T., c.1380-1383, 43)

Tant est grant l'abondance de mes pechés, voirement, que la charge d'yceulx par mes dessertes m'aparfondist ou lieu de tenebres (Chr. Piz., Psaumes allég. R., 1409, 96)

2.[Idée de poids financier]

a)Dépenses imposées par une fonction, un statut.

Mais aussi a on fait plus grant honeur aus plus richez que aus aultres, selonc que il avoient plus de charche pour le commun profit (Bers., I, 1, c.1354-1359, 43.9, 73)

...auquel apartient la charge de la construction et reparation desdiz pons (Baye, I, 1400-1410, 251)

...pour ce que sans paiement convenable ilz ne povoient bonnement plus avant servir et soubstenir les charges de leurs offices (Fauq., III, 1431-1435, 39)

b)Frais que demande l'entretien de n'importe quelle chose (ici frais d'entretien d'une monture).

Je congnois cheval et mulet, Je congnois leur charge et leur somme (Villon, Poésies diverses T., c.1456-1463, 265)

c)Redevance, impôt.

...pour grande charge que lesdites maisons et maisures avoient, nostre bourgois laissoient lesdites maisons et maisures wides et aloient demoirer hors, et aussi fondoient et aloient toutes a neant (Trés. Reth. L., t.4, 1332, 187)

Car, en verité, selon bone equité et raison, celluy qui prent partie du profit et de la pollicie et ordenance du prince secullier ne doit pas estre exempt dez charges et aides publiques ne de la juridiction seculliere. (Songe verg. S., t.1, 1378, 105)

...la somme de trois cens frans que par l'advis de messire Jehan, seigneur de Thoulonjon, leur furent bailliez comptans pour et en recompensacion des charges, mises et despens par eulz soustenuz pour le fait de plusieurs habillemens de guerre qu'ilz avoient fait faire pour mectre le siege devant la roiche de Solutrey (Comptes Etat bourg. M.F., t.2, 1419, 569)

Nous vous avons escript (...) que le plus diligemment que pourrez nous soient envoyez la valeur des tiercemens et doublemens de Languedoil, de deçà et de delà Seine, avec toutes les charges qu'avons mises dessus (Lettres Louis XI, V., t.2, 1463, 127)

Par métonymie. Circonscription financière qui recouvre les impôts domaniaux.

Monsr le general [des finances du Languedoc], messire Michel de Gournaiz, de la ville de Metz, est icy venu devers moy pour me veoir. Il a acoustumé d'avoir pension XIIc livres oultre Seine. Il a esté mis en vostre charge ceste année, qui est trop loing (Lettres Louis XI, V., t.9, 1481, 41)

À la charge de (telle somme) de rente. Contre le paiement (de telle somme) de rente.

...une maison et jardin, sicomme tout se comporte, assise a Paris, en la rue Saint Martin, hors la porte, en nostre terre et censive, a la charge de huit livres paris. de rente (Chartes Abb. St-Magl. T.F., t.3, 1330, 556)

...à la charge de XX solz Parisis de rente par an deuz aus diz religieux de Joyenval (Test. Parlem. Paris T., 1407, 438)

Mettre (une dépense) à la charge de qqn. Faire payer à qqn.

Haa, hommes françois, vous faictes le contraire (...) et mectez le fais de vostre guerre a la charge du peuple, qui soubz vous deust demourer entier comme une espargne pour secourir aux extremitez et pour avoir recours en perverse fortune. (Chart., Q. inv., 1422, 23)

Estre à/en charge. Être une charge financière.

Le peuple, occupé et exercité par tes manieres de labours, s'et li roys avisés que, en cas que la multitude du peuple seroit ocieuse, elle porroit estre a grant charge de la cité. (Bers., I, 1, c.1354-1359, 56.3, 93)

...qui se veult enrichir avecques ung prince necessiteux et accroistre trop grandement sa substance et son estat des biens de cellui qui peu en a, pour la sienne sauver, monstre par sa privee affection que son couraige est indigne de service publique. Loing de ceste acoustumance se gouvernerent les Peres rommains, quant les pluseurs d'iceulx amendrissoient leurs maisons et povoir et la magnificence de leurs estas pour non estre en charge en la chose publique en temps de necessité. (Chart., Q. inv., 1422, 52)

[P. oppos. à aux despens de qqn] Sans la charge de qqn. Sans qu'il en coûte rien à qqn.

...non obstant qu'il [le duc de Bourgogne] ne fut tenu de faire guerre s'il ne lui plaisoit, a ses despens et sans vostre charge [du roi de France] (Chastell., Chron. IV, D., c.1461-1472, 180)

3.[Idée de responsabilité]

a)Tâche, mission à exécuter.

LE MARI. (...) l'enfant vous lais Et le vous charge. LE BAILLIF. Vous me requerez de grant charge, Sire, mais pour la bonne foy Qu'en vous voy, je le vous ottroy (Mir. enf. ress., 1353, 78)

LE ROY. A la royne bien garder, Et de l'enfant songneuses estre Pensez quant Dieu l'ara fait naistre, Je vous en charge. ANNE. Mon chier seigneur, de ceste charge Feray tout ce que je pourray (Mir. fille roy, c.1379, 12)

Item, oultre je les charge de XII messes chanter à note solennelment au grant autel (...). Et pour ceste charge je leur laisse encores IIc escus, et veul que de cestui argent de VIIc escus ilz achetent rente pour eulx, ou amendent leur temporel. (Test. Parlem. Paris T., 1402, 309)

D'assez grant charge se chevit Qui son honneur garde et maintient (Chart., B. Dame, 1424, 347)

Et, après, vint et arriva à Paris, le VIe jour du mois de novembre, ledit mons. le cardinal, ledit tresorier de la Driesche, maistre Jehan Berart et maistre Geoffroy Alnequin pour faire faire les monstres des bannieres de Paris pardevant eulx et pour faire autres charges qui leur estoient données de par le roy. (Roye, Chron. scand., I, 1460-1483, 193)

Avoir charge. Avoir reçu l'ordre de faire telle chose.

...combien qu'il se doubtast, n'osa contredire ne repliquer, mais s'en alla, comme il avoit charge, besoigner en la ville (C.n.n., c.1456-1467, 242)

Avoir sa charge. Être occupé.

...voyant que la damoiselle avoit sa charge, se tira devers l'escuyer [Un chevalier, venu faire sa cour à une dame, la trouve en compagnie de deux hommes] (C.n.n., c.1456-1467, 253)

Prendre/emprendre/entreprendre une charge. Prendre sur soi (une mission, une tâche).

Cil, au commandement et ordonnance du duc, emprist le soing et la charge de garder, et à ses perilz, les chastiaux. (Froiss., Chron. M., XIV, c.1375-1400, 172)

Car la bonté de la doctrine Honnorable, notable et fine, Me commanda prendre la charge. Ainsi le fiz, Dieu me soit targe, Combien que ma simplicité Si me déust en vérité Du tout excuser et retraire De tel chose tempter et faire (La Haye, P. peste, 1426, 13)

C'est maistre Mertin Bellefoye, Lieutenant du cas criminel. Qui sera l'autre ? G'y pensoye : Ce sera sire Colombel ; S'il lui plaist et il lui est bel, Il entreprendra ceste charge. Et l'autre ? Michiel Juvenel. Ces troys seulz et pour tout [ma succession] j'en charge. (Villon, Test. R.H., 1461-1462, 145)

Item, aprés il n'est pas a obmettre Que le conseil n'oublia de commettre Gens suffisans pour les bons logis prendre (...) Et ceste charge voulut bien entreprendre Ung notable homme nommé Pierre Loys De Valetault (La Vigne, V.N., p.1495, 147)

S'acquitter d'une charge/en sa charge, executer/faire une charge

Et, pour abregier, je vous diray l'entreprinse adfin que, se elle est bien, que chacun se dispose de executer sa charge. (Bueil, I, 1461-1466, 131)

Et aucunement en toucherent audit cappitaine de Crathor touchant celle charge qu'il vouloit bailler au Jouvencel ; et lui donna charge de lui en parler, dont le cappitaine fut bien aise ; car il le aymoit comme son enfant. Et fit la charge bien et voulentiers. (Bueil, II, 1461-1466, 4)

Cy parle comment le sire de Chamblay, l'un des trois hommes dessusdis, commys et envoyés de par le Roy au Jouvencel, lui remonstra aucuns advertissemens touchant le fait de la guerre. Aprez que monseigneur maistre Jehan Bienassiz se fut bien et grandement acquitté de sa charge, monseigneur de Chamblay commença à parler au Jouvencel en ceste manière... (Bueil, II, 1461-1466, 31)

...et chascun faisoit le mieulx qu'il povoit ; et en sa charge chascun se acquicta. (Bueil, II, 1461-1466, 130)

Charge de + inf. Tâche, mission qui consiste à.

Avoir charge de + inf.

Vostre response avons-nous bien entendu et oye, mais nous n'avons pas la charge de riens confremer ne aconvenenchier si avant, comme vous requerez. (Froiss., Chron. M., XIV, c.1375-1400, 151)

Lequel maistre Bertrand avoit charge de porter certaines autres instructions (Fauq., II, 1421-1430, 121)

Mes dames et mes damoiselles, j'ay la charge de par monseigneur (...) vous dire en bref la cause pourquoy vous estes icy mandées (C.n.n., c.1456-1467, 222)

Numenius fut en ce temps moult souverain calculateur ès corps celestes et pour ce moult aprecié à Romme et fut lui qui eut la charge de nombrer les citadins de Romme (Simon De Phares, Astrol., c.1494-1498, f° 71 v°)

Cestui Larrixe fut moult bon lapidaire et fut celui qui eult charge du roy de parquerir plusieurs pierres precieuses et grans camahieux qui sont à Saint Denis lez Paris (Simon De Phares, Astrol., c.1494-1498, f° 103 r°)

Avoir en charge de + inf.

Or avoit en charge cestui conte de le mener de Louvain à Brusselles, où estoit la ducesse (Chastell., Chron. K., t.3, c.1456-1471, 198)

Bailler/donner (la) charge de + inf.

Et, ce mesme jour, le roy en avoit donné la cappitainerie à Jehan L'Orfevre, chastelain dudit lieu, et lui donna charge d'aler garder ladicte place, et lui defendi bien fort que riens ne feust rompu dudit pont. (Roye, Chron. scand., I, 1460-1483, 72)

O Belzebut, d'enfer ministre, Et vous diables d'enfer maulvaiz, Charchés quelcun bon artumiste Qui sache d'un mal faire maiz, Et je luy donrey charge et faiz D'aler Herodïas tempter, Pour faire la mort actempter A Jehan baptiste, de Dieu voix. (Pass. Auv., 1477, 92)

Le roy s'en contenta et luy bailla charge de conduyre son avantgarde, et aussi les guydes, pour ce qu'il vouloit eviter ceste bataille, comme dit est. (Comm., I, 1489-1491, 21)

Numenius fut en ce temps moult souverain calculateur ès corps celestes et pour ce moult aprecié à Romme et fut lui qui eut la charge de nombrer les citadins de Romme (Simon De Phares, Astrol., c.1494-1498, f° 71 v°)

Cestui Larrixe fut moult bon lapidaire et fut celui qui eult charge du roy de parquerir plusieurs pierres precieuses et grans camahieux qui sont à Saint Denis lez Paris (Simon De Phares, Astrol., c.1494-1498, f° 103 r°)

Prendre la charge (de + inf.). Accepter la mission de.

Les deux marchans, entendu le bon propos de leur compaignon, le priserent et loerent beaucop, et prindrent la charge de faire toute diligence et inquisicion possible pour luy trouver femme (C.n.n., c.1456-1467, 557)

Bien envis, sire, j'ay prins charge de parler devant vous (Chastell., Chron. IV, D., c.1461-1472, 34)

Centurion est bien nostre amy ; Si luy plaisoit la charge prendre [de garder le sépulcre du Christ] , Cortoisie nous faroit grande, Et nous l'en vouldrions bien prïer. (Pass. Auv., 1477, 273)

b)Responsabilité.

Avoir la charge de qqn. Être responsable de qqn.

Sire, bien vueil que on s'en attende A moy, car se la charge en ay [du fils de Griseldis] Si doucement le garderay Comme je feroye mon enfant, Et encor plus. (Gris., 1395, 60)

...n'avoit aultre loisir d'estre hors de sa presence infernale, sinon allant et retournant de la messe, accompaignée d'une vieille serpente qui d'elle avoit la charge [À propos d'une femme mariée à un homme très jaloux] (C.n.n., c.1456-1467, 256)

Estre la charge de qqn. Ce qui relève de la responsabilité de qqn, personne ou chose dont on s'occupe.

J'ay regardé en moy, dist le curé, pource que je vouldroye le bien et avancement de vostre filz, que la fille d'un tel (...) seroit trop bien sa charge (C.n.n., c.1456-1467, 297)

... [Un homme sans scrupule qui vient de découvrir des vêtements laissés sans surveillance] ...cogneut tantost que c'estoit sa charge ; si y mist la main. (C.n.n., c.1456-1467, 397)

Laisser qqn à la charge de qqn

Veez cy telz et telz de mes enfans ; ilz sont vostres, et mon mary cuide qu'ilz soient siens. Si feroye conscience de les laisser en sa charge (C.n.n., c.1456-1467, 328)

Prendre la charge de qqn. S'occuper, prendre soin de qqn.

[Parti pour la guerre en laissant son amie enceinte, un homme revient chez lui] ...il la demanda a ceulx qui en prindrent la charge de la penser, garder et aider en sa gesine (C.n.n., c.1456-1467, 256)

Charge de qqc. Responsabilité (d'une tâche, d'une mission...).

SECOND CHEVALIER. Sire, sire, il sera bien fait, N'en aiez doubte. L'ONCLE. J'en mett sur vous la charge toute Et si m'en vois par de dela. (Mir. marq. Gaudine, 1350, 140)

Item, je vueil et ordonne que mes executeurs qui auront la charge de mon execucion aient et preignent pour leurs soins et travaulx, chascuns dix frans, par especial à ceulx qui prendront la peine. (Test. Parlem. Paris T., 1415, 573)

Saintré, je vous baille de ce veaige la conduite et la charge de ma baniere qui represente mon corps (La Sale, J.S., 1456, 202)

A maistre Girauld, canonnier, fut donnée la charge de cest ouvraige (Comm., I, 1489-1491, 63)

c)Responsabilité inhérente à une fonction, à un office ; fonction, office.

Fonction, office (politique, administratif...).

...car n'est pas petite la charge d'un seigneur terrien lequel entre ses hommes doit tenir justice du fort au fieble, du riche au povre et du grant au petit, sans faire difference des personnes et sans faveur non deue (Bouvet, Appar. Meun A., 1398, 3)

Et aussi a fait serement qu'il ne prendra charge ne poursuivra, pour lui ne pour autre, graces, prerogatives, ne autres impetracions (Fauq., III, 1431-1435, 132)

...les princes, les seigneurs et les cappitaines, qui ont les citez et les grans peuples en gouvernement, ont charge pollitique (Bueil, I, 1461-1466, 16)

...se c'estoit leur plaisir, il estoit content de recepvoir et prendre ceste charge, non pas comme leur seigneur, mais comme leur ministre et serviteur (Bueil, I, 1461-1466, 101)

De sa charge, pour ce que plusieurs gens de bien advertirent le roy qu'il n'estoit pas ydoyne à excercer icelle charge et que c'estoit ung homme embrasé de toute luxure, engorgeur de vins et de brouetz ; et estoit par maintes gens de bien de ce royaulme appellé le second Sardanapalus. (Le Clerc, Interp. Roye, c.1502, 193)

Et y estoit pour lors le conte Daulphin, lieutenant general, avec Mons. le mareschal de Cominge, le seneschal de Beaucaire, tous trois lieutenans du roy. Lesquelz lieutenans et capitaines, en exerçant leurs charges et commissions, se maintindrent si vaillaument qu'ilz furent cause de gaigner la journée de Buci à l'onneur du roy et au desavantaige de leurs ennemys, jaçoit ce que les Bourguignons eussent une bonne et grant armée, qui fut par eulx mal exploictée (Le Clerc, Interp. Roye, c.1502, 277)

Avoir charge sur une collectivité. Exercer l'autorité sur.

Mais, à regir et gouverner soy et aultruy et avoir charge et auctorité sur multitude, est requise grant congnoissance et deduction de raison. (Bueil, I, 1461-1466, 58)

ART MILITAIRE Commandement.

...quant ilz seront tous mis ensamble, envoiiez en la marche de Londres, et en faictes conduiseur et souverain le duc d'Irlande qui voulentiers en prendra la charge (Froiss., Chron. M., XIV, c.1375-1400, 59)

Un hault baron de Grece firent Leur empereur, et lui commirent La charge de l'ost (Chr. Piz., M.F., III, 1400-1403, 69)

En ce temps, le roy, estant à Orleans, fist plusieurs ordonnances et establissemens et desappointa plusieurs cappitaines de guerre, et entre les autres il osta les cent lances dont Poncet de Riviere avoit la charge et le fist bailly de Montferrant, et à d'autres osta aussi les charges et mit d'autres en leurs lieux. Et, quant ledit Poncet de Riviere se vit ainsi desappoincté de sadicte charge, il s'en ala oultre mer ou saint voyage de Jherusalem, et de là à Saincte-Katherine du Mont de Synay. (Roye, Chron. scand., I, 1460-1483, 143)

En ce temps, Anthoine de Chabannes, conte de Dampmartin, dont dessus est faicte mencion, se tint avecques le roy et y ot gouvernement et charge de gens d'armes de cent lances, dont avoit la conduicte messire Charles de Meleun, grant maistre d'ostel du roy, et si lui osta l'office de grant maistre et la bailla à monseigneur de Craon, jasoit ce que moult de gens estoient assez d'opinion que ledit de Melun eust bien servy le roy et fait de moult grans (Roye, Chron. scand., I, 1460-1483, 153)

Mais vous povez avoir et prendre la querelle d'ung prince à autre, qui ne sçaura point le fait d'armes ne l'exercice de la guerre, qui, pour vostre prouesse et notable gouvernement, vous en lessera et remettra du tout la charge, et vous constituera en son lieu, si que vous-meisme serez prince et tendrés la principaulté que vous aurez conquestée à l'espée (Bueil, I, 1461-1466, 44)

...car il luy a longtemps que je suis à la guerre, et ay veu plusieurs jugemens en armes, mais je n'ay point aprins que les princes ne les chefz de guerre, qui ont charge de gens d'armes, en usassent en ceste maniere, et que, avant que proceder en telles matieres, qu'ilz ne fussent bien informés de la raison des parties. (Le Clerc, Interp. Roye, c.1502, 274)

Avoir (une troupe) en/sous sa charge/ de charge

...vous (...) euistes le jour de la bataille de Poitiers quattre lances de charge (Froiss., Chron. M., XIV, c.1375-1400, 22)

...ledit seigneur de Sempy à l'heure que devoit venir à guet, avoit en sa charge, hommes d'armes et archers tant du pays de Picardie comme de Hainau (Chastell., Chron. K., t.3, c.1456-1471, 153)

...le mareschal de Loheac, qui lors estoit avecques le roy et qui avoit cent lances de Bretaigne soubz sa charge, es dictes villes de par le roy pour y pourveoir et mettre provision. (Roye, Chron. scand., I, 1460-1483, 188)

Et povoit bien avoir troys cens hommes d'armes et quatre mille archiers soubz sa charge (Comm., I, 1489-1491, 12)

...et, pour avoir grant faveur et grands amys (...) eut estat bon du roy et cent lances de charge (Comm., III, 1495-1498, 5)

Avoir charge de (de gens d'armes) (sous soi)

Ens ces sejours (...) fu ordonné de messire Jehan de Hainnau conment il feroit, ne quel carge de gens d'armes il averoit. (Froiss., Chron. D., p.1400, 68)

'Sire, il est à vous [un écuyer qui vient d'entrer] ; et est un gentilhomme d'armes vaillant et de bonne façon, et a charge de gens sous luy.' (Chastell., Chron. K., t.4, c.1456-1471, 275)

[D'hommes de troupe] Être sous la charge de. Être sous le commandement de.

...comme il s'en alloit ou voyage que l'en faisoit par nostre ordonnance ès Espaignes, avec et en la compaignie de ses autres compaignons et archers estans soubz la charge et bende de nostre amé et feal conseiller et chambellan le sire du Fou (...). Pendant lequel temps, pour raison et à cause de ce que ung nommé Jehan Rouzay, franc archer de ladicte quinzaine, tenoit et menoit avec lui une jeune femme (Doc. Poitou G., t.12, 1476, 69)

...Augustin de Crema, homme d'armes de noz ordonnances soubz la charge de nostre trés cher et trés amé frere le duc d'Orleans et filz du potestat de la ville de Aro (Lettres Ch. VIII, P., t.4, 1494, 94)

Par métonymie. Ce que qqn a sous son commandement : troupe, éléments d'une expédition militaire....

L'autre charge eut desous lui messires Jehans de le Rivière et se departi ossi de la route dou duch (Froiss., Chron. L., VI, c.1375-1400, 137)

Vous en yrez, a toutte vostre charge, sus les frontieres de Braibant et de Guerles (Froiss., Chron. M., XIV, c.1375-1400, 192)

Messires Godemars dou Fai et sa carge estoient d'aultre part la riviere de Sonme. (Froiss., Chron. D., p.1400, 708)

...lequel, pour trouver maniere d'estre recompensé sur ledit de Montsorbier de sa dicte destrousse, s'en ala avec aucuns des gens de guerre de la charge de nostre amé et feal Denis de Saint Savin, chevalier (Doc. Poitou G., t.8, 1446, 341)

...prenans avec eux la charge qu'il leur duisoit de gens, tantost misrent à exploit le commandement du régent (Chastell., Chron. K., t.2, c.1456-1471, 133)

...aucuns gens de guerre de la charge dudit Pierre de Louvain ont esté logiez au lieu et bourgaige de Saincte Seuline en Poictou (Doc. Poitou G., t.10, 1460, 257)

Et arriva le soir de devant à Saint-Ladre lez Paris, acompaigné de plusieurs nobles hommes de la charge et compaignie de messire Joachin Rouault (Roye, Chron. scand., I, 1460-1483, 203)

Faire sa charge de qqc. Constituer les éléments d'une expédition de.

...li dis contes fist sa carge a Doudresc en Hollandes, de naves, de barges et de vassiaus, et se departi de belle maree et de bon vent et a grant chevalerie (Froiss., Chron. D., p.1400, 642)

4.[Idée d'accusation]

a)Blâme, reproche.

Parquoy lors, quand il [le duc de Bourgogne] estoit venu a l'eage de LXII ans et avoit mené ses jours jusqu'a la sans reproche et sans charge, bon fait a penser qu'a celle heure ne les eust pas volu polluer ne noircir pour la venue d'iceluy [le dauphin] , dont riens ne luy pooit venir que charge, coust, hayne, envie (...), et point d'acquest (Chastell., Chron. IV, D., c.1461-1472, 72)

Et en ce pendant le duc esperoit de pooir apprendre et sentir comment sainement et a son honneur il poroit donner responce en ceste haulte matere sans y avoir charge ne note (Chastell., Chron. IV, D., c.1461-1472, 291)

Besoing fait ou que je meure droit cy devant toy, non ascoutee, ou que tu, non ascoutans, renonches a pitié a ta grant charge et honte. (Chastell., Temple Boc. B., 1463-1464, 85)

Donner/bailler charge à qqn. Imputer des torts à qqn.

...lesd. parolles touchent grandement la charge de l'onneur de mond. seigneur de Bourgogne, et semble qu'elles ne soient inserées ou escriptes esd. lettres que pour donner charge à mon seigneur de Bourgongne. (Doc. 1415. In : L. Mirot, Bibl. Éc. Chartes 75, 1914, 316)

A quoy ledit de Clugny respondi que, par ladicte proposition, le duc leur maistre ne ses ambassadeurs n'avoient aulcunement baillé charge au roy (...) disant qu'a eulx n'appertenoit point de baillier le tort au roy ne a monsieur son filz (Chastell., Chron. IV, D., c.1461-1472, 54)

Donner charge à qqn de ce que. Reprocher à qqn que.

...elle de son esmouvement a dit par pluseurs foiz à gens de bien qu'elle estoit cause de son mal ; et à ceste cause, pour ce qu'elle disoit qu'elle en estoit cause, la mère d'elle la tensa par plusieurs foiz en lui donnant charge et la blasmant de ce qu'elle avoit esté si rigoureuse et voulu maistrier ledit suppliant. (Doc. Poitou G., t.9, 1453, 348)

Imputer (qqc.) à charge à qqn. Reprocher (qqc.) à qqn (à propos de qqc.).

...le duc monta à cheval et tira tout droit vers le logis où estoit logé le roy de Cypre. Sy coururent les nouvelles devant l'homme ; et en fut averti le jeune roy, qui se ahontissoit en cest honneur, et blasmant ses gens de ceste ignorance, leur imputoit à charge. (Chastell., Chron. K., t.5, c.1456-1471, 36)

...il [le roi de France] lui imputa [au duc de Bourgogne] a charge et a malice practicquee sa demeure [du dauphin sur ses terres] (Chastell., Chron. IV, D., c.1461-1472, 261)

Charge d'honneur/de l'honneur. Atteinte portée à l'honneur de qqn, déshonneur.

...lesd. parolles touchent grandement la charge de l'onneur de mond. seigneur de Bourgogne, et semble qu'elles ne soient inserées ou escriptes esd. lettres que pour donner charge à mond. seigneur de Bourgongne. (Doc. 1415. In : L. Mirot, Bibl. Éc. Chartes 75, 1914, 316)

Ne cuidiés point, Loÿs, que je ne congnoisse bien que telles amours ne sont licites ne convenables a dames d'onneur, et ce que souvent advient a elles et a leurs parents, quant les parolles en viennent jusques aux oreilles des gens quy publyent ; et est charge d'onneur, et tant que aulcunefois par ces amours pluiseurs femmes de bien sont deshonnourees et dechassees (Hist. seign. Gavre S., c.1456, 123)

Et que plus est, se mondit seigneur le duc luy eust refusé [au dauphin] l'entree de ses pays et seigneuries (...) il eust eu charge d'honneur si grande que a jamés ceste faulte n'eust esté reparee (Chastell., Chron. IV, D., c.1461-1472, 37)

b)Chef d'inculpation, indices de culpabilité produits contre un accusé.

...griefs, charges et oppressions dont mencion est faicte en ladicte escripture (Ch. VI, D., t.1, 1405, 277)

...en leur remonstrant aussi la grant charge dont les gens du menu peuple de Paris les vouloient chargier et noter (Fauq., I, 1417-1420, 153)

...et pour ce que nous voulons la verité estre sceue de ceste matiere, vous mandons (...) que vous faictes appeller nostre procureur de Rouergue, lequel a besoignié à faire la dicte enqueste, et qu'il soit oy bien à plain, tant à ce qu'il vouldra dire contre ledit seneschal que à soy justiffier des charges que on lui a données d'avoir mespris envers nous au temps des divisions qui ont esté en nostre royaume (Lettres Louis XI, V., t.7, 1467, 141)

Le pape leur envoya pouoir et commissaire pour faire le procès, et, fin de compte, les bruslèrent tous trois. Les charges n'estoient sinon qu'il mettoit discord en la ville (Comm., III, 1495-1498, 311)

À la/en charge de qqn. Contre qqn, pour accuser qqn.

...esdictes causes et es responses faictes sur les articles d'icelles l'en avoit veu pluiseurs faultes à la charge des parties ou des procureurs d'icelles. (Fauq., II, 1421-1430, 255)

...et croy que le trop parler en charge ou accusation d'autruy ne soit ja chose trop louable. (Chart., Q. inv., 1422, 32)

Et de ladicte venue en furent portées les nouvelles au roy par aucuns qui en parlerent à la charge de ladicte ville, qui n'y avoient aucune coulpe. (Roye, Chron. scand., I, 1460-1483, 10)

Ledit duc, desesperé de ceste mort et enhorté par aucuns dolens de ladicte mort, escripvit lettres à plusieurs villes à la charge du roy (Comm., I, 1489-1491, 227)

Avoir charge. Encourir une accusation.

Jehan requist que avecques elle il peust soupper, affin de eulx mieulx ensemble deviser : ce qu'elle ne luy voult de prime face accorder, disant qu'elle pourroit avoir charge si on le trouvoit avec elle (C.n.n., c.1456-1467, 389)

Donner charge à qqn (de qqc.). Accuser qqn (de qqc.).

...pour occasion de certaine injurieuse requeste, non veritable (...) pour donner charge audit de la Porte à tort et sans cause (Fauq., II, 1421-1430, 308)

...il doubte que, à l'occasion des choses dessus dictes, aucuns lui voulsissent ou temps avenir donner charge, et que noz officiers ou autres voulsissent contre lui proceder par rigueur et punicion de justice et le tenir et mettre en grant involucion de procès (Doc. Poitou G., t.8, 1445, 219)

...alliances se praticquoient et querroient a tout léz du monde nommeement contre la personne de leur maistre, luy donnant charge d'iniquité et de malice et deturpant sa fame par l'univers siecle. (Chastell., Chron. IV, D., c.1461-1472, 154)

Après recommença ledict Morvillier en donnant grandes et deshonnestes charges au duc de Bretaigne appellé François (Comm., I, 1489-1491, 6)

Imposer charge/des charges à qqn

...est advenu que par la puissance et volonté de Dieu que dedens cinq jours prochains ensuivans, ledit Jehan Poilet est allé de vie a trespassement, dont ses amis charnelz imposent charge et coulpe audit suppliant, lequel a l'ocasion des choses dessus dites s'est absenté et a très dolentement rendu fugitif, doubtant la fureur de justice (Trés. Reth. L., t.4, 1451, 202)

...veues les charges à lui imposées, ses confessions et excusacions par lui sur ce faictes, et tout veu et consideré à grande et meure deliberacion, lui fut dit par ledit president de par la court de Parlement qu'il estoit crimineux de crime de leze majesté (Roye, Chron. scand., II, 1460-1483, 56)

[Messire Jehan de Croy, ambassadeur du duc de Bourgogne, au roi de France :] ...vostredit procureur (...) a declairé pluseurs choses qui bien touchent a l'honneur de mondit seigneur (...). Pourquoy, sire (...), il vous supplie treshumblement que vostre tresnoble plaisir soit de ordonner a vostredit procureur de lui delivrer et baillier par escript toutes les charges qu'i lui voult imposer (Chastell., Chron. IV, D., c.1461-1472, 186)

...qu'il soit oy bien à plain, tant à ce qu'il vouldra dire contre ledit seneschal que à soy justiffier des charges que on lui a données d'avoir mespris envers nous au temps des divisions qui ont esté en nostre royaume (Lettres Louis XI, V., t.7, 1467, 141)

Et envoya ledit Vigier ung saufconduit audit conte pour soy venir rendre en la Consiergerie pour estre purifié des charges à luy imposées, à cause qu'il estoit desjà cryé à ban par le royaulme, à la requeste de ses haigneux et malveillans. (Le Clerc, Interp. Roye, c.1502, 156)

Donner à qqn charge que. Imputer à qqn de.

...et l'avoit faict emprisonner, luy donnant charge qu'il estoit la venu pour le prendre et que ainsi l'avait fait publier partout (Comm., I, 1489-1491, 4)