CORROMPRE

verbe

[T-L : corrompre ; GD : corrompre ; GDC : corrompre ; AND : corrumpre ; DECT : corrompre ; FEW (II-2, 1233b-1234a) : corrumpere ; TLF (VI, 232a) : corrompre]

A. -[Idées de rupture, de destruction ou d'agression]

1.Rompre, détruire, anéantir.

Et d'abundant renouvelloient lettres, sans brisier ne corrompre les premières. (Froiss., Chron. L., VI, c.1375-1400, 53)

Item, en devisant une busche ou une pierre ou autre corps materiel et corruptible, l'en puet venir a si petite partie que on ne la pourroit plus deviser sans corrompre sa substance. (Oresme, C.M., c.1377, 46)

...mais l'en doit savoir que incorruptible est dit de ce qui ne puet estre corrompu, et est dit de ce qui puet estre non-corrompu, aussi comme inmortel est dit de ce qui ne puet mourir ne finer, et ce est dieu seullement : qui habet solus inmortalitatem, si comme dit l'Apostle, et si est dit inmortel de ce qui puet non-morir ou non-finer, si comme les anges et les ames. (Oresme, C.M., c.1377, 246)

Au figuré.

Sire, vecy le corps en quoy Tu preis vraie humanité, Sanz corrompre virginité. (Mir. prev., 1352, 255)

Car par ce, quant il avient, est l'amistié dissolue et corrompue. (Oresme, E.A., c.1370, 449)

Mais pour ce que les delectacions vers lesquelles sont actrempance et desactrempance sont plus connatureles a nous et plus communes, pour ce dit il par especial que desactrempance corrumpt prudence et actrempance la garde. (Oresme, E.A.C., c.1370, 339)

Il est nostre cousin et si avons eu, en temps passé, grandes aliances ensamble, lesquelles ne sont pas encoires corrompues (Froiss., Chron. M., XIV, c.1375-1400, 115)

Ces trois traitres soubdoyers se peuent ainsi nommer : Flateur mensongeur, Delit luxurieux, Estat pompeux, oultrageux ou ambicieux. Le premier veult corrumpre Verité, le second veult corrumpre Chasteté, le tiers veult corrumpre Humilité. Bieneureuse est l'ame qui ces trois faulx traitres peut de soy debouter (Gers., Annonc., a.1400, 234)

De ce ci dit saint Leon pape que l'ancien ennemi, qui se transfigure en ange de lumiere, ne cesse de tendre par tout les las de ses temptacions et de espier comment il puisse corrompre la foy des creans (Chr. Piz., Ep. Othea L., c.1400-1401, 231)

Mais pechié mortel quelconque, c'est certain, corrompt et viole innocence de l'ame. (Gers., Concept., 1401, 402)

Nous ne croions Jusques a ce que nous voions, Maiz je doubt que bon eur n'aions Tant que plains de pechié soions. Raison rompue Est si par vie corrompue Que qui a robe derompue, Se on est bon, si pert il que on pue Entre les gens, Soient conseilliers ou regens, Dont chascun est moins diligens D'acquerir vertuz que habis gens. (Chart., L. Dames, 1416, 284)

Lors furent moult esbahis lesdiz conspirateurs, et toute leur entencion fut corrompue et frustrée. (Monstrelet, Chron. D.-A., t.3, c.1425-1440, 141)

Encores en plus fraelle sexe trouveras tu exemple de femmez qui par mort abregee ont trouvé remede contre douloureuse vie. Ainsi le fist Lucrece pour oster la vergoingne de sa casteté corrumpue, et Dido contrainte du dolent regret de perdre sa plaisance. (Chart., L. Esp., c.1429-1430, 19)

...ou est la magnificence honnouree de ton estat, que est devenue la louable ordonnance de vivre, le monstre de honnesteté, la constance de courage et de meurs, et la haultesse de cueur et de entreprinse, que tes devanciers lesserent aux successeurs ? Tout est corrumpu. (Chart., L. Esp., c.1429-1430, 71)

Trop estoit celle multitude de gent indiscripte et decevable de demander aide divin aux mors, et de querir divinité ou ['là où'] humanité estoit fallie et corrumpue. (Chart., L. Esp., c.1429-1430, 114)

Puis dist [le larron] : Saches, Alexandre, que plus tu enffraincts et corromptz justice, en prenant l'autruy magnifestement et de force, que je ne fay, en desrobant secretement et prenant sur autruy ung pou de chose pour soustenir ma vye. (Bueil, I, 1461-1466, 123)

Emploi absolu. Détruire.

Maiz par ceste parolle de Ezechiel est entendue la continuation de l'espece humaine, qui par generation cotidienne resuscite incessaument, et resuscitera tant comme Dieu permettra que nature fructifie et croisse tout sexe raysonnable. Car aultrement le fauldroit faillir et cesser, pour ce que sans favour mort desprent et corrompt tousjours, et perys seroit, se par continuation d'oeuvre de nature n'estoit resuscité et produit d'ommes pour habiter la terre. (Chart., L. Esp., c.1429-1430, 108)

Emploi pronominal. S'anéantir.

L'amant se trompe, Qui voit sa dame en feste ou pompe, Car ou il faut que le cuer rompe Ou que le semblant se corrompe. (Chart., L. Dames, 1416, 270)

2.Agresser.

...et [veult] dire que tel son n'est pas corrompant ne violent mais est confortatif et vivifiant aussi comme sont les mouvemens du ciel. (Oresme, C.M., c.1377, 472)

...fust Justice, Verité, Preudommie (...) coromppues, blessees, villenees (Juv. Urs., Aud. celi, 1435, 190)

B. -[Idée d'altération]

1.Altérer l'état naturel ou normal de qqc. (par décomposition, par infection., par contamination, par la maladie...).

...Car quant ses ouevres voit derompre, Elle [Nature] vuet aussi l'air corrumpre. (Mach., J. R. Nav., 1349, 147)

...Boces avoient et grans clos Dont on moroit, et a briés mos, Po osoient a l'air aler, Ne de près ensamble parler. Car leurs corrumpues alainnes Corrompoient les autres sainnes. (Mach., J. R. Nav., 1349, 148)

Car l'air qui estoit nès et purs Fu ors et vils, noirs et obscurs, Lais et puans, troubles et pus, Si qu'il devint tous corrompus, Si que de sa corruption Eurent les gens opinion Que corrumpu en devenoient Et que leur couleur en perdoient. (Mach., J. R. Nav., 1349, 148)

La terre dont Adan fu faiz Fu vierge. (...) Humain sanc n'avoit point beu Ne maleiçon receu Ne pour mort d'omme corrompue N'estoit (Mir. st Sev., 1362, 231)

Toutes fames qui doivent advorter, les mamelles leur devienent gresles ; maiz quant elles leur devienent grosses, aprez ce que elles ont esté gresles, [et] avecques ce la fame ait douleur es mamelles, es hanches, ou es genoulz, ou es yeux, le fruit n'est pas corrompu. (Saint-gille, A.Y., 1362-1365, 86)

Car celui doit estre dit prodige qui a un mauvais vice pour lequel il est ainsi appellé, et est corrumpre et gaster sa substance, de quoy il se doit vivre, et pour ce mal meïsme et non pas en raportant a autre mal il est dit et appellé prodige. (Oresme, E.A., c.1370, 230)

Une autre maniere est se aucun fait voluntairement teles abstinences par quoy il abrege sa vie ou corrumpt sa santé ou se fait inhabile a bonnes oeuvres excerciter (Oresme, E.A.C., c.1370, 225)

...la chaleur du soleil (...) estoit si grande que l'eauve en estoit toutte corrompue (...) et (...) cilz qui en buvoient mourroient. (Froiss., Chron. M., XIV, c.1375-1400, 83)

...ainsi que de longue maladie dont les membres sont alterez et corrumpuz ne peut on recouvrer a garison sans divers assez et mutacions merveilleuses et recidives, aussi ne povons nous gecter de ceste tribulacion tumultueuse et entremeslee sans souffrir mains doubteux assaulx et mortelx perilz (Chart., Q. inv., 1422, 45)

Et jà soit ce que pestillence Puisse parfoiz avoir naissance D'eaues en soy corrompues Et de viandes malostrues (La Haye, P. peste, 1426, 43)

La tierce entens par long usage De vicieux et faulx bevrage, Mesmement d'eaue corrompue, De sa purté privée et nue. (La Haye, P. peste, 1426, 48)

La quarte peuz mettre dangier Qui peut avenir par mengier Choses males en substance, Bestes mortes par pestillence, Diverses herbes et maint fruit Corrompuz de jour ou de nuit En leur substance ou qualité (La Haye, P. peste, 1426, 48)

Et depuis ay je sceu que ceste vielle s'apelle Melencolie, qui trouble les pensees, deseiche le corps, corrompt lez humeurs, affoiblit les senssitifz espris, et maine l'omme a langueur et a mort. (Chart., L. Esp., c.1429-1430, 4)

...les philosophes dient que le sang est le siege de lame. voire le sang pur et ou quel il ny a point de corrupcion, mais le sang corrompu est inductif de totale corrupcion par tout le corps, comme il appert es febricitans et en la maladie de lepre. (Cib., p.1451, 218)

Et a ce propos dit saint Augustin (...) que tout ainsin comme le mauvais vin gaste et corrompt le vaissel ou il est (...) tout ainsin yre gaste et corrompt les cuers ou elle se tient. (La Sale, J.S., 1456, 19)

CERBERUS. Vela du venin pestifere Pour corrumpre en bien peu d'espace Trestoute la region basse De l'air, et infere les fleurs, Et les fruitz, et autres labeurs Terrestres, dont après mourront Tous vivans qui en mengeront, Car autre chose ne desire. (Cene dieux, c.1492, 128)

Par métaphore.

...mais l'ordure du pechié, duquel la parole corrompt l'air, me contraint a les taire, affin aussy que je ne donne cause de mal aux innocens. (Gers., Pent., p.1389, 78)

Emploi intransitif. Se vicier, se décomposer.

...Et laist Erudice la clope, Et s'en retourna en Redope, Et devint homs de tel affaire Que ne le vueil mie retraire, Car li airs corront et empire De parler de si vil matyre. (Mach., C. ami, 1357, 92)

Semblablement à Saint Ignocent, à Paris, en la fosse ordonnée pour mectre les pouvres, nul corps n'y demeure à corrompre plus de IX jours, autres dient d'une Lune ; touteffoiz il est d'aucuns corps nez soubz telle constellacion, que à jamais ou que se soit, il demeure incorruptible. (Simon De Phares, Astrol., c.1494-1498, f° 68 r°)

Emploi pronominal. Pourrir.

Celles qui ont commencement et fin sont dittes temporeles, comme sont les choses corruptibles, qui se corrompent, comme arbres, plantes, qui croissent, et les bestes et les choses sensibles, et ainsi des aultres pareilles. (Somme abr., c.1477-1481, 142)

En particulier. [Du vin] Devenir acide.

Et lui qui estoit bien pourveu de lettres et poy de meurs ne castia pas ses vices par sa science, maiz perverty son savoir a l'agravement de sa mauvaise vie. Et bien monstra que trop est perilleuse l'assemblee de grant clergie avecquez mauvaise pensee, a la similitude du bon vin qui se corrompt et aigrist par le mauvaiz vaissel. (Chart., L. Esp., c.1429-1430, 125)

Se corrompre de qqc. Être contaminé par qqc..

Et telz puantes maladies Sont pour certain contagieuses En tout temps et moult périlleuses, Pour ce que de l'attraction Et fréquent inspiration Se corrompent les assistens, Si font mesmes les existens D'une ligne et affinité (La Haye, P. peste, 1426, 140)

2.Altérer l'authenticité de qqc., falsifier qqc..

[Un livre, un texte]

Et puet estre que les textes en grec estoient corrompus en plusseurs lieux, ou que les translateurs ne les entendirent pas bien. (Oresme, C.M., c.1377, 206)

Et se le roy est le livre ou le peuple doibt prendre enseignement de vie et amendement de meurs, quant l'oringinal en est corrumpu, les copies en sont faictez faulsez. (Chart., L. Esp., c.1429-1430, 45)

[La monnaie]

Mais se il est ainsi deceü par la simulacion et par la ficcion de l'autre, adonques est ce chose juste que il accuse celui qu'il l'a deceü. Et est moult plus a accuser que ne sont ceulz qui corrumpent ou faussent la monnoie. (Oresme, E.A., c.1370, 462)

3.Altérer (une chose immatérielle, abstraite).

...o ame devote, tellement que point tu ne soyes halee par l'ardeur de luxure, enflee par orgueil (...), puante par mauvaise renommee, et ainsy des autres taiches qui corrompent la beauté espirituelle (Gers., Concept., 1401, 418)

Se Jupiter, qui l'a longtemps aymee, Congnoissoit bien comme les droitz corrumpt, Par luy seroit plus que par nul blasmee, Encontre elle combatroit fronc a fronc. (Cene dieux, c.1492, 114)

Non corrompu. Inaltéré, impérissable.

Et lors soubdainement qu'ilz veirent Jhesus en leurs sieges, ilz s'escrierent, disans : 'Nous sommes vaincuz par toy. Qui es tu qui tant aimes nostre confusion ? Qui es tu qui, sans la mortalité de corruption, argument non corrompu de la magesté [éd. : 'sans la mort par la corruption, preuve impérissable de ta majesté'] , despites par ta fureur nostre puissance ? ...' (Percef. VI, R., c.1450 [c.1340], 863)

4.Altérer (psychiquement) qqn.

a)Altérer le jugement de qqn.

SAINCT MARTIN. (...) Trop mallement vous ont repeux [les dieux] De bon salut en les servant, Ains vous ont du tout corrompus Tant que d'eulx chascun fut servant. (La Vigne, S.M., 1496, 448)

b)Altérer l'état moral de qqn.

Participe passé en emploi adjectival. Corrompu. Démoralisé, abattu.

Et à celle heure y ot dedens Paris gens affectez ou corrumpuz, qui esleverent une voix en toutes les parties de la ville deça et delà les pons, crians que tout estoit perdu, et que les ennemis estoient entrez dedens Paris (Fauq., II, 1421-1430, 322)

5.[Domaine sexuel] Souiller (une femme).

Et se Dieus si ton fait adresse Que lieu pregnes ou forteresse Ou il ait dames, damoiselles, Bourgoises, filles et pucelles, Eu nom de la vierge Marie A ton pooir ne sueffre mie Que des tiens soient violees, Corrompues ne desflourees. (Mach., C. ami, 1357, 120)

...quantes meschines Corrompues et deflourees (Taillev., Moral. D., 1435, 100)

Emploi pronominal. Être souillé.

JEAN. (...) Vostre filz sur tout vous amoit Et de sus tout vous honoroit, Quar pour vostre grand bonnayreté Pris il en vous la humanité. Onques vostre virginité ne perdate, Ne anssy ne vous corrumpate (Pass. Autun Biard F., 1470-1471, 120)

Se dégrader (par la masturbation).

Et ne leur soufriroyt on avoir aucun fruit lonc comme concombres ne chose portant [forme de] nature d'homme dont elles se peussent corrompre (Lengherand, Voy. G., 1486-1487, 180)

C. -[Idée de corruption morale]

1.Altérer moralement (qqn, son âme, son coeur, ses sentiments, ses désirs, ses moeurs..., une collectivité), pervertir.

Mais selon appetit corrumpu, ilz appetent desordeneement et en diverses manieres les delectacions particulieres. (Oresme, E.A.C., c.1370, 499)

Orendroit vous faust departir De ce vil et corrompu monde Ouquel il n'a nulle riens monde, Et sa en paradis monter. (Jour Jug. R., c.1380-1400, 239)

Si est a doubter que la verge de punicion divine soit sur nous pour noz pechiez, et que l'oscurté de noz vies et corrumpues meurs aveugle en nous le jugement de raison et noz parciaulx desirs refroident l'affection publique (Chart., Q. inv., 1422, 6)

...de la mauvaise affection vient l'aveuglee et legiere creance et se peut aidier a decevoir par parolles d'autruy qui dedans soy mesmes est desja corrumpu par mauvaise pensee. (Chart., Q. inv., 1422, 42)

Comme vous povez vous desblamer d'avoir en cest endroit commis ainsi que une politique ydolatrie, dont voz meurs sont corrumpuez, et vostre police pervertie ? (Chart., L. Esp., c.1429-1430, 53)

Or ie te pry considere se tu ne te dois pas humilier en ceste vraie congnoissance de toy quant tu vois clerement ton ame chargee de pechiez (...), infecte et corrompue de desirs charnelz (Cib., p.1451, 198)

Et (...) je dy ainsi que l'homme de court puet estre corrompu en deux manières : ou en soy-meismes ou en autruy. Et est dit cellui corrompu en soi-meismes, qui sueffre ou fait aucune chose injustement ou contre raison (...). Mais je appelle estre corrompu en autrui, quant on congnoist les choses dessus dictes estre en aucun son semblable ou plus grant ou moindre, puisque on a administracion et communicacion d'office avecques lui, et que on le sueffre ou tollere sans le magnifester et sans en advertir le prince. (Bueil, I, 1461-1466, 49)

Emploi pronominal. Se pervertir.

...ung povre homme, quant il monte en estat et son seigneur l'aveue, il se corrompt et destruit aussi son peuple et son pays (Froiss., Chron. M., XIV, c.1375-1400, 19)

2.En particulier. Gagner qqn à sa cause par des dons, par la corruption.

Mais tant seulement quant il en est en cause, et oeuvre a ce par prieres ou autrement en corrumpant le juge. (Oresme, E.A.C., c.1370, 313)

'Et cuida de commancement que ce fussent besans d'or ou pierres precieuses que L'Amourat li envoiast pour le attraire et convertir, et pour avoir entrée de passage parmi sa terre, mais il disoit que il ne le feroit nullement, ne ja ne se lairoit corrompre pour nul avoir qu'il lui peust envoyer.' (Froiss., Chron. M., XII, c.1375-1400, 216)

...'par la doctrine de cestui moral eschequier tu doys jouer aux esches et faire les subtilz trays, non tant suelement a vaincre et a courrompre tes espies, voire sans aucune menconge, mais en tous tes autres fais...' (Mézières, Songe vieil pèl. C., t.2, c.1386-1389, 405)

...d'autres y vi je corrompre Par argent (Chr. Piz., M.F., II, 1400-1403, 61)

...Philipe, pere d'Alixandre, [envoya une epistre] a luy en le reprenant de ses dons excessis : 'Quelle fole raison, dit il, te amaine en ceste esperance a ce que tu cuidasses ceulz estre feaulz a toy, lesquelz tu auroyes corrumpuz par argent ?...' (Gers., Noël, p.1404, 311)

...Cambises, lequel fit escorchier ung juge inique et corrompu (Juv. Urs., Aud. illos, 1432, 37)

...les Anglois (...) corrompirent le lieutenant du dit capitaine, et leur bailla la place (Juv. Urs., T. crest., c.1446, 117)

Participe présent en emploi substantival.

Et le corrumpant prent ce qui n'est pas sien, mais il donne ce qui est sien. (Oresme, E.A.C., c.1370, 314)