CONTRARIETÉ

substantif féminin

[T-L : contrarïeté ; GDC : contrarieté ; AND : contrarieté ; FEW (II-2, 1122a) : contrarius ; TLF (VI, 69a) : contrariété]

A. -[À propos de choses]

1.Fait d'être le contraire de qqc, ce qui est le contraire, opposition entre deux contraires.

Aussi est il hors de cuidier, Par quoy verité fait vuidier Son cuer de toutes vanitez Et mettre en lieu fiabletez D'autrui croire et d'estre creüs, Sans estre mas ne recreüs. Et par ces contrarietés Se perçoit de ses qualitez Qui viennent en sa congnoissance Pour garir et donner substance Des grietez dont il est venus Tout attrait joieus devenus, D'une joie si a point faite, Car trop envis seroit defaite. (Mach., D. Aler., a.1349, 299)

...entre les qualitez des elemens, il y a grant contrarietés et repugnance par quoy il se transmuent l'un a l'autre et nonobstant celle contrarieté il sont ensemble acordés (Corbechon, Propriétés, 1372, X, 3, 180 r°)

...quar une chose n'a pas .II. contraires, mais un tant seullement quant est de parfaite contrarieté, si comme sont contraires tres chaut et tres froit, quar ce qui est tiede est contraire a touz ces .II. de contrarieté imparfaite. (Oresme, C.M., c.1377, 72)

2.Incompatibilité, opposition, contradiction (entre deux ou plusieurs choses).

Et neent moins, par aventure, nous devons cuidier que aussi grant contrarieté a il en l'ame entre raison et la sensualité qui li contrarie et obvie. (Oresme, E.A., c.1370, 143)

...l'auctorité des historians si chancelle par aucune contrarieté de discension. (Foul., Policrat. B., VIII, 1372, 111)

...aucunesfoiz il y a entre aucunes [choses de la nature] une naturele hayne, une discorde, une disconvenience et contrarieté, laquelle chose leur vient de leurs natureles complexions (Evr. Conty, Eschez amour. mor. G.-T.R., c.1400, 699)

Tandis que ma povre fantasie tormentee de diverses considerations recuilloyt lez parolles en la prose dessus recitees, debatant a par moy tous ces partis, et que cha ne la je ne trouvoye fors espoventement et contrarieté, je demouray tout suspens et surprins, et mes pensees vagues et esgarees, sans ordre et sans certaine fin, ne vraye election. (Chart., L. Esp., c.1429-1430, 17)

...lez bontés et lez vertus ne sont jamaiz discordans ne derrogans ensemble, ainçoys consonent et acordent bien avecquez bien, et verité avecquez verité. Mais entre les vices a contrarieté et debat, et mettent en trouble et en discention sur soy mesmez la pensee ou ilz habitent. (Chart., L. Esp., c.1429-1430, 88)

Dom vous vient si grant decevance D'avoir celle folle creance En ses ymages et paintures, Qui ne sont que vaynes figures Et semblance de hommes mors ? Dom comme peulx estre recors Puisqu'il y a contrarieté ? (Myst. st Sébast. M., c.1450-1500, 111)

Est dont a scavoir que ceste diction 'infini' se puet entendre par trois manieres, c'est assavoir par negation, par privation, par contrarieté. (Somme abr., c.1477-1481, 132)

La cause pour quoy il est eternel si est, car il est totalement simple de nature sans avoir en soy aucunement principe de contrarieté, qui est cause de corruption. (Somme abr., c.1477-1481, 140)

Remarque : JEAN GOLEIN, Rational B.D., c.1370-1372, gloss.

Contrarieté d'une chose à une autre

Et comme il soit ainsi que ces trois disposicions dessus dictes soient contraires chascune as .II. autres, toutesvoies la contrarieté de un extreme a l'autre, - c'est assavoir, de un vice a l'autre - est plus grande que n'est la contrarieté de chascun extreme au moien, c'est assavoir, a vertu. (Oresme, E.A., c.1370, 170)

(Appeler) par contrarieté. (Appeler) par antiphrase.

...et pour ce furent elles en latin appellees Parce, c'est a dire esparnans, par contrarieté, pour ce que elles ne espargnent en ce monde personne, ami ne anemi, povre ne riche (Evr. Conty, Eschez amour. mor. G.-T.R., c.1400, 305)

3.Fait d'être opposé (ou au moins très éloigné) dans l'espace.

Quar contrarieté est distance et toute distance est mesuree par lingne droite comme par la plus brieve. (Oresme, C.M., c.1377, 90)

Et les contrarietés des lieux et des distances sont haut et bas, devant et derriere, destre et senestre. (Oresme, C.M., c.1377, 92)

B. -[P. rapport à une pers. ou à propos de pers.]

1.Caractère de ce qui est contraire à qqn, qui lui est dommageable ; ce qui est dommageable à qqn.

Car ilz ont tel proprieté, S'il n'y a contrarieté De maladie, Qui le corps grieve et mal atourne (Chr. Piz., M.F., I, 1400-1403, 32)

...quant Nature, toute foible et abatue par melencolie et par douleur, se print a fremir et hericer contre la terrible freour de la mort, comme celle qui ne peult souffrir ne veoyr la violente destruction de son ouvrage, mais tousjours rapareille et soustient en estre de son povoir ce que fortune, maladie ou l'elementaire contrarieté y deffait, pour nous faire durer nostre droit perioude. (Chart., L. Esp., c.1429-1430, 22)

Vous dictes bien, Hermogenés, Mais les deux qui nous ont esté Tousjours en contrarïeté, Ja ne viendront en nostre regne. (Myst. Pass. Troyes B., a.1482, 369)

Ce qui, dans un contexte juridique, est susceptible de s'opposer à la volonté de qqn.

...il [le Pape] puet donques acheter villes et chastiaulx pour lez avoir en demaine, et si n'y a aucune repugnance ne contrarieté, conme nous veons que le roy de France acheste villes et chastiaux de son royaume, pour lez avoir en propre demaine. (Songe verg. S., t.2, 1378, 20)

Opposition que rencontre qqn, résistance, hostilité.

Cy apprès s'enssievent les roys qui de ceste royne Constance sont descendus, et la contrarieté et resistance que eust ledit second Henry, emperreur, son mary, avant que il peust obtenir l'empire dudit royaume, par la fourme qui s'enssieut. (La Sale, Salade, c.1442-1444, 170)

...Car, en effect, mais qu'il te voye, Fera ce que demanderas. Aussi, chelz luy tu entreras Sans nulle contrarïeté Et tout ton fait raporteras, Selon ta bonne volunté. (La Vigne, S.M., 1496, 505)

Remarque : GRÉBAN, Pass. J., c.1450, gloss.

Ce qui s'oppose au bien-être de qqn, désagrément ; souffrance, malheur.

...je me doubte moult que contrarieté n'aviengne a mon frere et a tous ceulx qui le sievent. (Percef. I, R., t.1, c.1450 [c.1340], 511)

'Entendons Dieu estre (...) sans temps a tousjours permanent, sans soy muer, changier ou mouvoir faisant les choses muables, sans souffrir quelque mal ou doleur ou contrarieté.' (Somme abr., c.1477-1481, 134)

...et touteffois que Mars estoit receu regardant Saturne debille, disoit estre les guerres et contrarietés, et, s'ilz s'entreregardoient sans reception, signiffioient moult de batailles et interfections. (Simon De Phares, Astrol., c.1494-1498, f° 29 r°)

Contrarieté des vents. Vents contraires.

...le roy Eumenidés n'eust peu mener sa navie a Troyes pour la contrarieté des vents. (Mamerot, Romuleon D., 1466, 44)

Contrarieté du temps

...que aucunes neifs d'Espaigne puis le tour de le Mue eust mestier d'aide pour le contrarieté dou temps ou d'aucune autre aventure... (Ordonn. Ph. le Hardi, Marg. de Male B., t.1, 1384, 35)

2.Contradiction, désaccord entre pers., divergence d'opinion.

...veu la différance et contrariecté dudit messire André et des tesmoings examinez en l'informacion faicte contre luy, a semblé aux dessusdiz et à moy que, pour avererer et actaindre la vérité des cas dont ledit messire André est chargié, seroit expédiant de recoller lesdiz tesmoings et de les confronter avec ledit messire André (Aff. Jacques Coeur M., 1453-1457, 548)

Cestui conduisit, par bons advertissemens, les faiz de sa seur et aussi de Lampeto qui orent moult de contrarietés ensemble, dont ilz vindrent par son moïen au dessus. (Simon De Phares, Astrol., c.1494-1498, f° 25 v°)

Dist aussi les differances qui furent en Almaigne et les grandes contraretés qui furent entre les princes de Turquie. (Simon De Phares, Astrol., c.1494-1498, f° 105 v°)