AIDE

substantif féminin et masculin

[T-L : äie ; GD : aiue ; GDC : aide ; AND : aide ; FEW (XXIV, 162-163a) : adjutare ; TLF (II, 258a) : aide]

Voir aieaiue[Déverbal de aider]

A. -Action d'aider, son résultat.

1.Aide de qqn

a)[Compl. subjectif] Assistance reçue de qqn.

[...d'un être céleste]

...l'aide Dieu esperez (Mir. enf. ress., 1353, 34)

En la confiance de l'aide de Nostre Seigneur Jhesu Crist (Oresme, E.A., c.1370, 97)

Seigneurs, je vous doy bien mercier du noble secours que vous m'avez fait a ceste journee, car je scay bien, se ne feust l'aide de Dieu et de vous, ces traicteurs m'eussent mis a mort en trahison. (Arras, c.1392-1393, 73)

Monseigneur, se ne feust la grace de Nostre Seigneur et la puissance de monseigneur vostre frere et de vous, ceste povre orpheline estoit desolee et perdue, lui et son pays, et cheue en grant adversité entre les mains des Sarrasins. Mais l'aide de Dieu et la vostre m'en a gectee (Arras, c.1392-1393, 192)

Et la cause [des victoires du peuple d'Israel] estoit la bonne discretion et prudence de ceulx qui en avoient la charge, et meismement l'aide de Dieu, qui doit estre mise devant, car à lui en tous mestiers et en tous estas se doit-on principallement adrecier. (Bueil, I, 1461-1466, 14)

[...d'une pers.] [L'aide peut être matérielle, morale, de nature militaire]

...et lors l'une partie et l'autre, eulz fians en autrui aide plus que en ses propres forces, commencierent a assaillir les Rommainz par guerre ordonnee (Bers., I, 9, c.1354-1359, 21.4, 39)

...et continuelment en la compaignie, force et ayde desdiz Engleiz s'est tousjours, puis le temps dessus dit, armé et porté greve, et domaigié le roy et son royaume (Reg. crim. Chât., II, 1389-1392, 187)

b)[Compl. objectif] Ce qui aide qqn, assistance au profit de qqn.

...c'est a dire que la justice d'un roy c'est la paix des peuples, la garde d'un pais, l'immunité du peuple, l'aide des gens (Juv. Urs., Verba, 1452, 294)

2.Aide de qqc.

a)Soutien consistant (en telle chose).

Trop bien est il content, pour pitié et aumosne, luy faire quelque gracieuse aide d'argent (C.n.n., c.1456-1467, 36)

b)Soutien permettant de lutter contre qqc..

...ne à paines ne sçavoient-ilz que faire ne où courir, pour avoir subside ou ayde de leur misère. (Wauquelin, Chron. ducs Brabant R., t.2, c.1447, 306)

3.Par extension.

a)Moyen employé pour parvenir à une fin.

Item, aucune fois avecques quoy, si comme avecques quel instrument ou avecques quelles aides. (Oresme, E.A., c.1370, 181)

Le ayde que Saturnus Vitulo prinst, en semblent comme pour sauver sa vie, fust ung peu plus belle. (La Sale, Salade, c.1442-1444, 29)

b)Remède.

...les remedes ou aydes des dens sont faictes selonc Avicenne en maintes manieres comme par esvacuacions, gargarismes, mastigacions, frotemens, fumigacions, cauterisacions, espurgemens de teste, distillacions es oreilles et par operacion des mains (Panis, Guidon, 1478, tr.VI, doct.2, chap.2)

Le septiesme traictié qui est antidoctoire et contient II. doctrines est des universelz antidotes ou aides. La seconde sera des particuliers. (Panis, Guidon, 1478, tr.VII, intitulé)

c)Conseil.

Nous debvons ceste pierre prandre (...) Et la gecteron sur le sepulcre Affin que nunlz amblet ne le puisse (...) Pour quoy mon ayde debvés escouter : Vous deux d'une part et moy d'un' aultre Prenons, affin que ne viengne ne ung ne aultre Qui en puisse le corps pourter. (Pass. Autun Biard F., 1470-1471, 137)

4.Locution.

a)Locution verbale.

[Pour exprimer une demande, un besoin d'aide]

Appeler qqn en/à (son) aide

...par deux ou trois autres nuyz ensuïans, que elle apperceut que sondit fiancé estoit endormi, elle par trois fois, et à chascune nuyt, appella en son aide, par la maniere que dit est dessus, ledit Luciafer (Reg. crim. Chât., II, 1389-1392, 327)

...en toutes choses doit on appeller Dieu en son aide. (Arras, c.1392-1393, 25)

...peulx avoir oy (...) la tempeste que fist nagueres en Castille Pierre soy disant roy ; (...) il appella a son ayde les payens d'Auffrique et lez gens d'Engleterre (Chart., L. Esp., c.1429-1430, 142)

Et lors dist ainsi : 'Messeigneurs, je vous pri, devant toute euvre, que chascun die à ses gens que tous se mettent en bon estat aujourd'uy et se confessent et appellent Dieu en nostre aide...' (Bueil, I, 1461-1466, 187)

...quelque mal que j'avoye Ne quelque grief que j'aye supporté, Tousjours Jhesus en ayde appelloye (La Vigne, S.M., 1496, 357)

Appeler l'aide de qqn

...car li Samnicien, quant il les virent desarmez, les avironnerent et mistrent le feu de toutes pars et les ardirent, combien que il appellassent, et pour noient, l'ayde des dieux et la foy des Sannites. (Bers., I, 9, c.1354-1359, 12.8, 22)

Avoir besoin/mestier d'aide

De vostre aide ay grant mestier (Mir. femme roy Port., c.1342, 185)

Gieffroy se combat a ses ennemis et a grant besoin de aide. Et ceulx se arment et montent a cheval, qui mieulx mieulx, et s'en vont après l'escuier qui les guide le plus droit qu'il puet, vers le lieu ou il pense a trouver Gieffroy. (Arras, c.1392-1393, 202)

Et quant ilz eurent une piece chevauché, ilz oyent une voix criër moult haultement, qui sembloit bien qu'elle eust mestier d'aïde. (Chev. papegau H., c.1400-1500, 3)

A vous, mes dieux, me recommand : J'ay bien mestier de vostre aïde, Car le cueur me tramble de hide De ce que m'avez revellé. (Gréban, Pass. J., c.1450, 313)

CHASSE Corner aide. Souffler du cor pour demander du renfort.

Encore deves [l. devés] sens delaier, Quant le cerf se fait ebaier, Corner ayde ; car sans faille Lors ne vaut sa vie une paille. Mais vous ne poves [l. povés] rien mesprendre A bonne compaingnie atendre (Fontaine-guérin, Trés. vén. M., 1394, 31)

Demander/requerre/querir aide (à qqn)

...il me fault (...) A mon frére en Grenade aler Ly requerre aide et secours (Mir. Oton, c.1370, 325)

...li contes (...) queroit aide et aliances partout (Froiss., Chron. D., p.1400, 394)

Ainsi serons environ deux cens hommes au plus. Mais ce n'est pas assés. Touteffois, se nous demandons aide à ces grans seigneurs du payz, et il vient à leur congnoissance, se ilz y sont, ilz auront tout l'honneur et le prouffit et nous n'en aurons que la paine et le travail ; pour ce vault mieux qu'ilz n'en sachent riens. (Bueil, I, 1461-1466, 81)

Et pour tant elle [la puissance de Dieu] ne puet faire pechié ne faire pechier, et ne puet aussi faire qu'elle soit subjecte ou submise en souffrant, ne avoir besoing ou necessité querant a aucuns subside ou ayde. Et par ainsi elle ne puet choses coulpables, ne penibles, ne inconvenables ou injustes. (Somme abr., c.1477-1481, 161)

...tendant les mains vers hault, comme demandant aide au ciel. (Simon De Phares, Astrol., c.1494-1498, f° 13 v°)

Reclamer l'aide (de qqn)

Et en tous voz affaires reclamez l'aide de vostre Createur, et le servez diligemment, et amez et creniez comme vostre Dieu et vostre Createur. (Arras, c.1392-1393, 84)

Requerir qqn de/en aide. Demander le soutien de qqn.

En ces tamps le roy Chilpéric et Rainfroy requirent d'ayde le duc d'Acquitanie, nommé Eudon (Wauquelin, Chron. ducs Brabant R., t.1, c.1447, 133)

Et de ce en doit requerir Dieu en aide et en tesmoing (La Sale, J.S., 1456, 32)

Aprez ces demonstrances, les deulx gentilzhommes le requirent [le Jouvencel] de conseil et d'aide ; à quoy il respondist : 'Je vous conseilleray et ayderay au mieulx que je pourray pour l'honneur du party et pour l'amour de vous, puisque ainsi est qu'il fault que le faciez...' (Bueil, II, 1461-1466, 100)

[Pour exprimer une offre d'aide]

Donner aide à qqn. Apporter du soutien, des renforts à.

...et si n'estoit point de doubte que li Rommain ne volsissent bien secourir et donner ayde aus Luceriens tant pour ce que il estoient leur loial compaingnon comme affin que toute Puille ne les laissast parmi celle terreur. (Bers., I, 9, c.1354-1359, 2.5, 3)

...mais défent lui estre donné (...) aucun aide, conseil, confort ou faveur. (Ch. VI, D., t.1, 1402, 236)

Da nobis auxilium de tribulacione (...) Donnez nous aide en la tribulacion ou nous sommes (Juv. Urs., Loquar, 1440, 354)

Adoncq le Jouvencel dit : 'Il y a beaucoup de manières de lever ung siège, sans combatre tous ceulx qui sont devant. Et peut l'en beaucoup donner de aide et de secours ou confort à ceulx qui sont assiégez...' (Bueil, I, 1461-1466, 142)

...il avoit donné conseil, ayde support au conte d'Armignac (Le Clerc, Interp. Roye, c.1502, 242)

[D'une chose] Donner aide à qqc. Favoriser qqc..

Et aussi comme des fortunes qui adviennent a soy meïsme les unes sont d'aucun pois et notables et donnent aide ou empeechement a bonnes operacions et a bien vivre et les autres sont plus legieres, semblablement est il des fortunes qui adviennent as amis. (Oresme, E.A., c.1370, 137)

Donner aide à qqn que + subj. Prendre la défense de qqn pour que....

Aprez cecy l'en commença a accuser les nobles hommes de conjurations ; lesquelz commencierent a appeller aus tribuns du plebe, mais nulz ne leur donnoit aide que leur nom ne feussent receu. (Bers., I, 9, c.1354-1359, 26.10, 48)

Estre aide à qqn. Être le soutien de.

Mon enfant, a Dieu te conmant, Qui te vueille aide et pére estre. (Mir. Theod., 1357, 120)

Estre en aide à qqn/en l'aide de qqn. Secourir, apporter du soutien à qqn.

...a Dieu vous conmanderons, Qui vous soit en aide et confort (Mir. roy Thierry, c.1374, 281)

L'une prist la parolle pour toutes les autres et me dist que vraiement je leur estoie le tres bien venus, et le mieulx que homme qu'elles sceussent en ce monde, et qu'il leur sembloit que Dieu m'avoit illec amené pour estre en leur ayde (Ev. Quen., I, c.1466-1474, 79)

Priant a Dieu qu'il me sequeure Et me soit en aide propice. (Cene dieux, c.1492, 139)

Faire aide à qqn. Prendre la défense de, soutenir.

...mes comme Appius appelast de ceste ordenance, il y ot .III. tribons qui luy firent aide, si que a grant duel et envie de touz les ordrez il governa et tint touz ceux la censorie. (Bers., I, 9, c.1354-1359, 34.26, 63)

[Que] Ceux aussi qui sont tes parens Par dons et par aumousnemens, Par faire des messes chanter, Par Dieu devotement prier Te facent aïde et secours (Guill. Digull., Pèler. âme S., c.1355-1358, 108)

...la Court se offry à eulz faire conseil, confort et ayde, ainsi que besoing seroit et qu'il appartendroit. (Fauq., I, 1417-1420, 193)

[D'une chose] Faire aide à qqc. Contribuer à qqc..

Et a teles choses trouver et parfaire, le temps y fait aide et oeuvre bien a ce. (Oresme, E.A., c.1370, 122)

Faire aide à qqn de qqn. Fournir qqn pour aider.

...et le mardi au matin il s'en ala à le maison du conseil de la ville de Louvain, et requist ceux de la ville que ilz lui feissent ayde de gens d'armes et d'archiers et abalestriers, pour aler contre les Anglois (Wauquelin, Chron. ducs Brabant R., t.3, c.1447, 748)

Venir/survenir à l'aide de qqn. Venir au secours de.

Item, scet que se XIJc hommes d'armes et IIJc arbalestriers estoient ou pays de Guienne et tenoient les champs par un an, ilz ne trouveroient homme nul oudit pays qui les combatist, s'il ne survenoit à l'ayde d'icellui pays, par le roy d'Engleterre ou le duc de Lenclastre, secours et ayde d'autres gens. (Reg. crim. Chât., II, 1389-1392, 197)

Et [le lieutenant général du Roi] leur demanda et dist ainsi : 'Seigneurs, vous avez bien et grandement servi le Roy, et scay bien que le Roy a bonne et grande fiance en vous ; et aussi la y doit-il bien avoir. Et pour ce, nous, qui sommes venus icy à vostre aide et secours par le commandement du Roy, voulons avoir vostre conseil...' (Bueil, II, 1461-1466, 2)

Venir en aide à qqn

...la rencontre où fut tué le roy de Frige et plusieurs autres, qui estoient venuz en aide audit Antipater (Simon De Phares, Astrol., c.1494-1498, f° 65 v°)

[Pour exprimer l'idée d'aide reçue]

Avoir (l')aide de qqn

Vous allés bien parlant ; Mais ne peut estre ainsy que vous allés contant, Se vous n'avés aïde de peuple combatant (Tristan Nant. S., c.1350, 607)

Et [Hervé de Léon] ot moult grant aide d'une dame de laquelle je ne vous vueil pas parler. (Arras, c.1392-1393, 50)

...les citez des frontieres (...) non obstant les tribulacions et tirannises que font voz gens [du roi] et la vuidenge du peuple, se sont tenues et tiennent sans avoir comme nulle aide ou secours de vous. (Juv. Urs., Loquar, 1440, 393)

...ledit monseigneur de Liege, qui n'avoit aide ne secours que de ses serviteurs et familiers (Roye, Chron. scand., II, 1460-1483, 119)

Et cependant se rallièrent les adversaires et fut assailly de tous costez le Jouvencel, qui estoit devant l'ostel du cappitaine, et eut fort à souffrir ; car il n'avoit point d'ayde du Mareschal ne de Gervaise (Bueil, I, 1461-1466, 108)

Adonc le Jouvencel qui avoit la lance au poing, marcha aprez ledit Guillaume, sans paige, sans varlet et sans personne qui vive que lui-meisme et ne povoit avoir secours ne aide de persone, sinon de Dieu, de ses armes et de son cheval. (Bueil, II, 1461-1466, 238)

Avoir aide de qqn contre qqn. Recevoir le secours de qqn pour se défendre contre qqn.

Mais de present ceste injure sera admendee. Monseigneur, il ne vous en fault ja mouvoir pour un tel ribaut. Par les dens Dieu, je n'y menray seulement que dix chevaliers de mon hostel pour moy tenir compaignie, non pas pour aide que j'en veulle avoir contre lui, mais pour moy acompaignier pour honneur. (Arras, c.1392-1393, 240)

Avoir qqn à son aide. Avoir qqn qui vous apporte son soutien.

...et avoit a son aide le filz Prudence, Duco, Brethaigne et Beauvais (Juv. Urs., Verba, 1452, 188)

'Dea ! beau cousin, dist le Roy, vous aviez ung roy à vostre ayde.' - 'Il est vray, Monseigneur, dist le duc ; mais Dieu a voullu qu'il en soit allé ainsi.' - 'Vrayement, dist le Roy, à dire la verité, vous avez esté mal secouru...' (Bueil, II, 1461-1466, 150)

Avoir qqn en aide. Recevoir le renfort de.

...mes la premiere bataille des Etrusquez n'ot nuls novels successeurs en aide par lesquelz elle se peust refrechir, siquez il cheurent et ainssi comme [tous] devant les banieres (Bers., I, 9, c.1354-1359, 32.9, 58)

Recevoir aide

Car estre prest de recevoir aide et proffit n'est pas bien ne chose honeste. (Oresme, E.A., c.1370, 493)

b)[Loc. adv. ou prép.]

À / par / moyennant / avec l'aide de qqn

...avec l'aide de la ville de Jugon (Froiss., Chron. M., XIV, c.1375-1400, 14)

...un banni (...) avoit esté priz par lui, à l'ayde de certeins sergens d'Orleans à ce requiz de par le Roy (Baye, I, 1400-1410, 17)

...l'empire ou le royaulme se peut plus aidier par devote oraison que par l'aide des chevaliers (Juv. Urs., T. rever., 1433, 86)

Je sçay bien qu'il est en vous de le me faire avoir, a l'aide de monseigneur vostre maistre. (C.n.n., c.1456-1467, 286)

Et, à grant port d'armes, ledit monseigneur Jehan de Lorraine, à l'aide desdiz de Rouen, ala en la place dudit lieu de Saincte-Katherine (Roye, Chron. scand., I, 1460-1483, 142)

Gilles de Loyas, de Millan, predist à l'empereur Federiq la destrucion de Millan, qui fut l'an mil CLXII. Cestui vint à Paris et fut compaignon de Morise [de Sully] , evesques de Paris, par lequel fut fondée l'eglise Nostre Dame de Paris en l'isle, environ trois ans après que ledit Millan fut destruit, moïennant l'aide du peuple. (Simon De Phares, Astrol., c.1494-1498, f° 115 v°)

...et mist le siege devant icelle ville, tellement que a l'aide de ses gendarmes et marinyers, ilz assaillirent la dicte ville (La Vigne, V.N., p.1495, 301)

En particulier. À / avec l'aide de Dieu

Et se tu me veulz croire, toutes les paroles que tes sires te dist te seront, a l'aide de Dieu, achevees (Arras, c.1392-1393, 26)

Beaulx seigneurs, dist Remondin, prengne qui vouldra bataille pour soy, car je auray ceste a ma part, et n'en doubte point que je n'en viengne a bon chief, avec l'aide de Dieu et le bon droit que je y ay, et la bonne justice que le roy me fait en sa court. (Arras, c.1392-1393, 60)

...il a pleu au roy moy donner congié de acomplir mon emprinse d'armes, dont veez ci le bracelet, a l'aide de Dieu, de Nostre Dame et de monseigneur Saint Michiel l'Ange (La Sale, J.S., 1456, 86)

'...o l'aide de Dieu, nous conclurons quelque chose, de quoy vous et ceulx de Crathor et tout le royaulme serez contens.' - 'Sire, dit le Mareschal, Dieu vous en doint force et povoir !' (Bueil, I, 1461-1466, 167)

...de quoy le roy, vostre souverain seigneur et le myen, viendra bien à bout, à l'ayde de Dieu, de Nostre Dame et de ses bons loyaulx cappitaines et gendarmes. (Le Clerc, Interp. Roye, c.1502, 262)

À / avec l'aide de qqc. Au moyen de qqc..

Tout ensi que le dyal a maniere De li tourner par la roe premiere, Car dou droit tour naturel qu'elle tourne La roe de Desir a ce l'atourne, A l'ayde d'un petit fuiselet Qui nullement ne li fault ne le let... (Froiss., Orl., 1368, 97)

...il, à l'ayde d'une grosse pierre joignant à ladite chappelle, monta par dessus l'uys d'icelle chappelle (Reg. crim. Chât., I, 1389-1392, 4)

...print devers soy ycelle pierre blanche grosse comme un petit oeuf de poulete, et icelle, à l'aide de ses ongles, sanz pierre, cousteau ou baston aucun (...) despeça ladite pierre tant en pouldre comme en menues pieces. (Reg. crim. Chât., I, 1389-1392, 476)

Puis (...) Les fait on a .III. piez aler, C'est a l'aide d'un bastonnet, Ainsi vont li enfançonnet (Chr. Piz., M.F., II, 1400-1403, 291)

La robe d'une dame ou d'une damoiselle a la court est la revenue d'une duchié ou conté, a l'aide de la cheyne qu'elle aura autour du col. (Juv. Urs., Nescio, 1445, 525)

...l'amant, a l'aide d'une bonne espée a deux mains dont il estoit saisy, se sauva (C.n.n., c.1456-1467, 418)

Beaulx seigneurs, vous sçavez comment, par la grace et voullenté de Dieu, à l'aide de nos armes et à la paine de nostre corps, avons conquise et gaingnée ceste place sur les adversaires de nostre souverain seigneur, le Roy. (Bueil, I, 1461-1466, 94)

...une euvre chevallereuse qu'il fist à l'aide de astrologie (Simon De Phares, Astrol., c.1494-1498, f° 46 r°)

À bien peu d'aide. Sans être aidé, d'instinct, sans effort.

Car pour ce que la premiere femme fut faite et cree en lieu hault et noble, plain de net et pur air, pour ce sont toutes femmes naturelement nobles, nettes, douces, courtoises et plaines d'esperit legier et inventif et si tres soubtil que, a bien pou d'ayde, elles scevent pluiseurs choses avenir. (Ev. Quen., I, c.1466-1474, 77)

À toutes les aides. Par tous les moyens.

...mais pour ce, dist il, que aucun noble homme (...) se sont efforcié a toutes leurs aydes de impugner questions et inquisitions dessus dites et depuis, quant il virrent que il n'estoient mie assez puissanz a ce, il s'en fouirent au secours et a l'ayde de leurs ennemis (Bers., I, 9, c.1354-1359, 26.16, 48)

c)Locution exclamative. À l'aide ! Au secours.

A l'ayde ! Helas, je n'ay confort d'ailleurs. (Chart., R. Bal., c.1410-1425, 384)

A la mort, a l'ayde, a la mort ! (Roy sotz, c.1450-1500, 216)

A quoy elle fist resistence, en disant qu'ilz ne la meneroient point et qu'ilz faisoient mal, en criant 'à l'aide' et se print à ladicte chambrière. (Doc. Poitou G., t.12, 1477, 189)

Nostre filz s'en va affouler. A l'ayde, bonnes gens, a l'ayde ! (Pass. Auv., 1477, 157)

Pendre je me veulx d'une corde. Au meurtre, a la mort, a l'ayde ! (La Vigne, S.M., 1496, 456)

5.Proverbe.

Tel guariroit maintenant par aide qui demain seroit mort par deffaulte (Percef. IV, R., c.1450 [c.1340], 463)

Bon droit a bon mestier d'aide. Voir droit

B. -DROIT FINANCES

1.Impôt exigé dans des circonstances exceptionnelles (souvent remplacé par d'autres formes de prélèvement dès le XIV° s.).

Et ne sont pas compris en ceste grace, ceuls qui par composition, ou de nostre droit ancien et ordinaire, Nous devoient faire certaine aide de Genz d'armes ou autrement, ne ceuls aussy qui pour faire Genz d'armes aroient receu Argent des bonnes Gens, lequel il aroient retenu et recellé pardevers euls. (Ordonn. rois Fr. S., t.3, 1355, 34)

[Dans une instruction aux commissaires chargés de lever l'argent pour la rançon de Jean le Bon, sont rappelés quelques circonstances qui autorisent cette aide] Que tout le pueple subgect du Roy y est tenus par la coustume général du Royaume, qui est que, quant le Roy fait son aisné fil chevalier ou marie sa fille, ou est prisonnier, les subgés doivent aide (Doc. 1360. In : J. M. Aichard, Bibl. Éc. Chartes 36, 1875, 83)

Dune [l. d'une] aide de V s. pour feu, nommée l'aide des glaives, cuillie et levée par toute la ville et viconté d'Orbec pour un an (Compte Navarre I.P., 1367-1371, 42)

Dune [l. d'une] autre aide, nommée aide dost [l. d'ost] , levée en ladicte viconté sur les nobles ou moiz de mars CCCLXVII et receue par ledit viconte, cest [l. c'est] assavoir XV l. pour chascun fieu entier, et audessus et audessoubz à la value, sur ceulz qui nestoient [l. n'estoient] ne montez, ne armez, ne prests daler [l. d'aler] servir Monseigneur en son païz d'Avrenchin contre certains Bretons et autres gens de compaigne qui faisoient guerre contre le royaume et le païz de Monseigneur (Compte Navarre I.P., 1367-1371, 43)

Remarque : Initialement accordée en 1355 par les États Généraux pour les frais de guerre et en 1360 pour payer la rançon du roi Jean le Bon, l'aide devient, peu à peu, un impôt presque régulier et assez impopulaire, à cause de grandes inégalités et de nombreuses exemptions.

Aides publiques. Contribution demandée à l'ensemble de la population.

Car, en verité, selon bone equité et raison, celluy qui prent partie du profit et de la pollicie et ordenance du prince secullier ne doit pas estre exempt dez charges et aides publiques ne de la juridiction seculliere. (Songe verg. S., t.1, 1378, 105)

General des aides. Administrateur des impôts (à la tête d'une généralité).

Et se trouverent LXVII bannieres des mestiers, sans les estendars et guidons de la court de Parlement, de la Chambre des comptes, du Tresor, des generaulx des Aides, des Monnoyes, du Chastellet et Hostel de la ville, soubz lesquelz il se trouva autant et plus de gens de guerre que soubz toutes lesdictes bannieres. (Roye, Chron. scand., I, 1460-1483, 180)

Justice des aides. Juridiction qui règle les litiges et les problèmes relatifs à l'assiette et à la perception des aides.

...Guillaume le Clerc, huissier des generaulx sur le faict de la justice des aides ordonnés pour la guerre (Comptes Paris V.L.D., t.1, 1450-1451, 709)

Loys, par la grace de Dieu, Roy de France, à noz amez et féaulx conseillers les maistres des requestes de nostre hostel, ordonnez à cognoistre du faict de la justice des aydes, en leur auditoire à Paris, et à tous les eslus sur le faict des aydes ou leurs commis, où qu'ilz soyent en nostre royaume, salut et dilection. (Ordonn. rois Fr. P., t.16, 1463, 89)

Receveur des aides. Celui qui est à la tête d'une recette des aides (recette plus ou moins importante).

...Jehan Mauhommet, receveur des aides appartenans à la cloture de la ville de Cherebourg (Compte Navarre I.P., 1367-1371, 153)

Dudit receveur général, comptant, à Paris, par la main Jaques Hémon, receveur des aides pour la guerre à Soissons, pour convertir et emploier ou fait de ladicte Argenterie (Comptes argent. rois Fr. D.-A., II, 1387, 116)

Et depuis ce mesme jour, a receu ledit Marcoussis une autre descharge sur Jehan Quartier, receveur des aides de Reins, de la somme de cinq cens trois livres dix solz, donnée le XVIIJe jour d'octobre, l'an MCCCCXXVIII. (Fauq., II, 1421-1430, 289)

Et, en furent paiez les deniers que l'ouvrage cousta à faire par Robert Cailletel, receveur des aides de ladicte ville de Paris. (Roye, Chron. scand., II, 1460-1483, 62)

Receveur general des aides

...Alexandre Le Boursier, receveur general des aydes ordenez pour la guerre (Baye, II, 1411-1417, 39)

Lever aides. Percevoir des aides.

...le roy de France en son royaume, pour deffendre son païs et son pueple, puest, en temps de neccessité et de guerre, lever aides convenables (Songe verg. S., t.1, 1378, 44)

...et fu conclu que la Court ne s'entremetteroit point de lever ou faire lever ledit aide ou somme d'argent (Fauq., I, 1417-1420, 46)

2.Impôt indirect sous forme de taxe perçue sur de nombreux produits de consommation et payée par l'acheteur.

Que toutes les Aydes dessusdittes, prouffiz et amendes quelconques, qui d'icelles Aydes ou pour cause ou achoison d'icelles ystront, ou avendront par quelque maniere que ce soit, seront tournées et converties entierement ou fait de la Guerre (Ordonn. rois Fr. S., t.3, 1355, 23)

...le menu peuple s'en plaint trop fort, car on demande tailles sur tailles et aydes sus aydes, et si a esté le royaulme plus taillié et plus grevé de telz choses non accoustumées puis le couronnement du roy, que il n'avoit esté chinquante ans en devant ; et ce ne scet-on que tout est devenus ne que tout devient. (Froiss., Chron. M., XIV, c.1375-1400, 25)

Ce sont lez causes par lezquelles l'en puet cognestre un tyran, et par especial lez deux causes devant dictes, c'est assavoir quant il met division entre sez subjés et quant il lez met a povreté, par charges reeles et personeles, talles, aides, gabelles et impossicions, se il lez lieve sanz juste cause et sanz rayson. (Songe verg. S., t.1, 1378, 221)

...il est expedient et de pure necessite [l. necessité] que les aides, et par espicial celles qui sont importables et pour lesquelles les pauvres gens s'en fuient du royaume, c'est assavoir gabelle oultrageuse, quatriesmes, tailles et tresiesmes, du tout soient abatuz. (Mézières, Songe vieil pèl. C., t.2, c.1386-1389, 366)

...et disoit que, en despit d'eulx, il leur en feroit de pis, et que les gentilz hommes mesmes, maugré leurs deus [l. dens ?], feroit il paier comme asniers les aides des denrées que ilz vendroient (Doc. Poitou G., t.6, 1391, 50)

De Jehan Mairet, grenetier d'Ostun, sur ce qu'il peut et pourra devoir à mondit seigneur à cause dudit grenier, la somme de trois cens frans, en deniers paiez aux marchans et habitans du chastel d'Ostun ausquelz ilz estoient deuz pour prest qu'ilz avoient fait de leur porcion de l'aide d'un denier pour saloignon qui se vend audit grenier (Comptes Etat bourg. M.F., t.2, 1419, 237)

...Jaquot de Lyon, jadiz commis par feu mondit seigneur le duc à recevoir du grenetier dudit Semur l'aide de quarante solz tournois pour muy de sel de mer et de quatre solz tournois pour charge de sel de Salins que l'en vendoit oudit grenier, pour convertir c'est assavoir, la moitié en la fortifficacion du chastel dudit Semur, et l'autre moitié en la fortifficacion de la ville dudit lieu (Comptes Etat bourg. M.F., t.2, 1419, 490)

Samblablement, de la part du Roy seront transportées et bailliées à monditseigneur de Bourgongne et à son hoir dessusdit après luy, tous les prouffis des aydes. C'est assavoir des greniers à sel, quatriesmes de vins vendus à détail, imposicions de toutes denrées, tailles, fouages, aydes et subvencions quelconques qui ont ou auront cours, et qui sont ou seront imposées ès élections de Mascon, Chalon, Eston et Langres (Doc. 1435. In : MONSTRELET, Chron. D.-A., t.5, c.1444-1453, 162-163)

A la Chandele derrenierement passée, David d'Ardre, bourgois et eschevin d'icelle ville, print a ferme la ferme de l'aide qui se prent sur le pain boullenghié et vendu en la dicte ville. (Arch. Nord, 1446, B 17051, f° 45b, IGLF)

Remarque : Cf. G. Dupont-Ferrier, Bibl. Éc. Chartes 89, 1928, 53-69 : Histoire et signification du mot 'aides' dans les institutions financières de la France spécialement aux XIV^° et XV^° siècles.