TRAHISON

substantif féminin

[T-L : träison ; GDC : trahison ; DECT : träison ; FEW (XIII-2, 151b) : tradere ; TLF (XVI, 457a) : trahison]

Action de trahir, de manquer au devoir de fidélité, acte de déloyauté, trahison.

Car Envie si n'est pas seule, Eins vomist souvent par sa gueule Contrueves, baras, jengleries, Meffais, traïsons, tricheries, Murtres, detractions, haïnes, Ou tant a de maises racines Qu'onques nul n'en dit bon exemple, N'en siecle n'a ordre ne temple (Mach., D. Lyon, 1342, 224)

Et se tu me respons : 'Je pense Que chascuns me maudist et tense Et dit que je sui en prison Mis pour murdre ou pour traïson, S'ai en ce si grant deshonneur Qu'avoir ne puis jamais honneur', Je te vueil a tout ce respondre, Sans riens enclorre ne repondre (Mach., C. ami, 1357, 64)

Là fu la traïson mortel [le projet de tuer le roi] Tout de nouvel recommencie, Traitie, jurée et plevie, Et furent trestuit d'un acort Que le landemain, sans deport, Li roys seroit ocis et mors. (Mach., P. Alex., p.1369, 263)

Il entent par tres mauvais et felons ceuls qui se delictent et excitent en homicides, en trahisons et larrecins et teles choses. (Oresme, E.A.C., c.1370, 467)

Et ce qui empeschoit trop grandement les deux dessus dis, estoit ce qu'ilz avoient prins argent de rendre Bourbourq et Gravelines. Et vouloient les aucuns en Angleterre ce fait approprier à traïson (Froiss., Chron. M., XIV, c.1375-1400, 36)

...que audit prisonnier, qui n'est pas chief de guerre, le roy n'a aucune guerre formele ou deffiances precedans, mais par maniere de traïson veult prendre, exiger et lever en son royaume patis et raençons, comme desjà a fais depuis le temps d'icelles treves criées (Reg. crim. Chât., II, 1389-1392, 207)

Ceulx de la ville entendirent l'effroy, si coururent aux armes et chascun a sa garde, car fort se doubtoient de trahison. (Arras, c.1392-1393, 162)

...homme, qui qu'il soit que habonde en vice de mentir n'est pas sans les autres crimes, et de traison doit estre souspeçonné, comme mençonge soit sa droite couverture. (Chr. Piz., Paix W., 1412-1413, 163)

...et ce signiffie la clause ou il apparra esvidence homicide, traÿson ou aultre vraysemblable malefice par esvidente suspection, etc. (La Sale, Salade, c.1442-1444, 209)

De laquelle traÿson de flatterie me delaisse ; car chascun la doit haÿr. (La Sale, Sale D., 1451, 41)

PRIEUR. Que chascun face son debvoir D'aller d'un et d'aultre costé Pour le sercher. CHANTRE. Rien ne puis voir. SOUBPRIEUR. Quelz trayson ! PRIEUR. Mais quelz faulceté ! SOUPRIEUR. Les chanoynes l'ont emporté Tout maintenant en leur eglise. (La Vigne, S.M., 1496, 583)

En trahison. Avec traîtrise, par traîtrise.

...Comment il met toute sa cure Si qu'il les puist en gré servir, Comment il se vuet asservir Devers elles, si qu'elles l'aimment, Comment elles de li se claimment En traïson et faussement, Comment leur jangle fausse ment, Comment tour, murail ne fortresse N'a, fors de sa haute noblesse, Retour, refuge ne ressort (Mach., D. Lyon, 1342, 178)

...si comme larrecin, adultere, malefice ou empoisonnement, paragogie, seducion ou substraccion cauteleuse de autrui servant, occision faite en traïson et faux tesmoignange [l. tesmoignage d'apr. ms. B] . (Oresme, E.A., c.1370, 283)

... icellui Hervy occist le nepveu du roy vostre predecesseur, en trahison, et s'en fouy hors du pays... (Arras, c.1392-1393, 56)

... il avoit prins vengence des traitres qui l'avoient voulu murtrir en trahison... (Arras, c.1392-1393, 73)

...Joab en traison et par maniere de treves tua Abner (Chr. Piz., Paix W., 1412-1413, 144)

Que vault piper, flater, rire en trayson, Quester, mentir, affermer sans fïance, Farcer, tromper, artifier poison, Vivre en peché, dormir en deffïance De son prouchain sans avoir confïence ? (Villon, Poèmes variés R.H., c.1456-1463, 62)

Par trahison

Et se voit on tout en appert Qu'une ville souvent se pert Par mal song ou par traïson, Par famine ou discention. Qui de ces quatre poins se garde En fort ville assise, il n'a garde, S'elle est de bonne gent garnie, D'engiens et d'autre artillerie. (Mach., C. ami, 1357, 120)

...comment approuvera-il la maniere du fait qui fu par aguet, par fait pourpansé, par trayson, par flaterie, par ambition, par convoitise, par envie, par feintise et simulation (Baye, II, 1411-1417, 261)

Et, au commencement, lesdiz de Dynam firent de grans maulx et dommage ausdiz Bourguignons, et y en demoura plusieurs mors, qui gueres ne furent plains. Mais, en la fin, ceulx de ladicte ville de Dynan, par traïson et autrement, furent surprins, et entrerent lesdiz Bourguignons dedens icelle ville, qui d'icelle en gecterent et bouterent dehors hommes, femmes et enfans, et retindrent prisonniers les plus notables gens d'icelle ville, et puis la pillerent tellement qu'il n'y demoura rien. (Roye, Chron. scand., I, 1460-1483, 164)

(Il) seroit grant trahison à qqn

LE JUIF. (...) Je n'y voy rime ne raison De vouloir nostre loi desdire. Jamais n'y vouldroye contredire : A moy seroit grant trahison. Toute ma maison En est soubtenue ; Parquoy mesprison Auroye encourue. Ma foy est ferue En ung tres fort las (Mir. st Nic. juif, c.1480-1500, 78)

Accuser qqn de trahison

...li dus de Normendie et li François n'orent point sis ne esté devant Escauduevre sept jours, qant li chastiaus fu rendus sains et entiers et bien garnis de pourveances. De quoi tous li pais fu moult esmervilliés, et en furent acusé de trahison li dis mesires Gerars et uns siens esquiers qui s'apelloit Robers Mariniaus. (Froiss., Chron. D., p.1400, 390)

Commettre une trahison

...la traïson et faulseté par lui commise esdites lettres royaux, soubz umbre et par vertu desqueles il avoit exigé et levé icelles sommes d'argent dessus escriptes, ou partie d'icelles (Reg. crim. Chât., II, 1389-1392, 70)

Connoistre sa trahison. Reconnaître avoir trahi.

Messires Gerars de Rocefort, qui chastellains en estoit, fist enqueste par ou ne conment la ville estoit prise. On li dist : 'Par la porte dont tels homs gardoit les clefs.' Li uns fu pris tantos, car il s'estoit la dedens enclos avoecques euls. Il fu questionnés et si bien examinés que il congneut toute la trahison. (Froiss., Chron. D., p.1400, 559)

Defendre qqn d'une trahison. Défendre qqn d'une accusation de trahison.

Et sachiez que je ne doy ne ne vueil reffuser a faire droit en ma court. Olivier, dist le roy, voulez vous vostre pere deffendre de ceste trahison ? Sire, dist Olivier, oïl, certainement. Dont, respondy le roy, les lices sont toutes faictes. Je vous ordonne a demain la bataille. (Arras, c.1392-1393, 61)

Faire (une) trahison (à/envers qqn)

...Je vueil estre ses advocas Et te vueil prouver par raison Qu'onques ne te fist traïson, N'onques ne te fu annemie, Einsois t'a esté bonne amie, Selonc ce qu'elle scet amer Et estre douce en son amer. (Mach., R. Fort., c.1341, 92)

...et le meskerdy après fut un Bernard d'Espaygne, marchant de vines, pur treson qe il fit, descolé à Loundres (Chron. London A., c.1350, 56)

Et briefment Ces IJ. avoient entrepris À destruire le roy de pris Qui de Chipre a la signourie. Or vous diray la renardie, La traïson, la mauvaitié Qu'il avoient fait et traitié, Qu'elle ne doit estre celée, Eins doit bien estre revelée. (Mach., P. Alex., p.1369, 183)

...trop ouvreroit folement Et trop griefment se mefferoit Li homs qui traïson feroit, Comment qu'en nul cas rien ne vaille. (Mach., P. Alex., p.1369, 264)

Ou l'en pourroit dire que delectacions sont eslisibles et bonnes ; mais non pas en les prenant de toutes choses en toutes manieres ; en la maniere que nous dison que estre fait riche est bonne chose, mais ce n'est pas bon de soy enrichir en faisant trahison a son voisin. (Oresme, E.A., c.1370, 502)

Le chevalier, qui estoit saige et loyal, n'y voult entendre et dist que de telz choses on ne luy parlast plus, car, pour en recepvoir la mort, on ne trouveroit ja fraude en luy, ne que il voulsist faire nulle trahyson envers sa naturelle damme. (Froiss., Chron. M., XIV, c.1375-1400, 175)

...tous lesquelz, veues lesdites confessions et perseveracions par lui faites, delibererent que ledit prisonnier estoit larron, et aussi avoit fait plusieurs traysons à sesdiz maistres en tant comme il confessoit estre leur varlet et serviteur, et que depuis il les avoit fait plusieurs roberies (Reg. crim. Chât., I, 1389-1392, 194)

...les traïsons par lui faites, tant en l'ostel dudit sire de Roussay comme en cellui du tondeur son hoste, en commettant les larrecins par lui faites (Reg. crim. Chât., II, 1389-1392, 137)

Lors respondy Remondin que jamais ne le pourroit croire que tel chose feust veritable, car ce seroit contre raison que nulz homs peust avoir bien ne honneur pour faire mortelle trahison. (Arras, c.1392-1393, 21)

Par l'ayde et accointtance de ces deux vous ferez appeller Josselin du Pont le Leon par devant le roy, et lui mettrez sus de fait comment il fist la trahison de quoy le nepveu du roy vint courir sus a vostre pere. (Arras, c.1392-1393, 50)

Faisons pendre tous ceulx qui sont du lignaige Josselin environ ce recept, et le chastellain et les autres nous envoierons au roy de Bretaigne pour tesmoingnier la trahison qu'ilz nous ont faicte. (Arras, c.1392-1393, 73)

Et le samedi ensuivant [21septembre], au point du jour, ung nommé Loys Sorbier, qui estoit à Pontoise lieutenant de Joachin Rouault, mareschal de France, par faulse et mauvaise trahison qu'il fist et conspira contre le roy son souverain seigneur, bouta dedens ladicte ville les Bretons et autres ennemis du roy. (Roye, Chron. scand., I, 1460-1483, 108)

Jamaiz ne fites trayson. A Dieu soyés, nostre bon maistre. (Pass. Auv., 1477, 103)

Pourchasser une trahison (à qqn)

...entendez la deception mauvaise et horrible traïson que ces faulx ypocrites pourchasserent a ceulx et celles qui tant de biens de jour en jour leur faisoient. (C.n.n., c.1456-1467, 216)

En particulier. [Domaine de l'amour]

Si me merveil comment Amours endure Qu'amans ha cuer plain et enveloppé De traïson, de fausse couverture, Et fait cuidier qu'il die verité. De ce me plain ; car bien voy Qu'Amours, mon cuer et Faus Samblant, cil troy, M'ont deceü ; dont je pleure et gemi, Pour ce qu'il m'a mauvaisement tray. (Mach., L. dames, 1377, 231)

Faulse et desloyale, or voiz je et cognois bien vostre grand trahison ! (C.n.n., c.1456-1467, 465)

Sans penser trahison

Si que, s'Amours vous a d'amer espris, Son guerredon Vous en rendra en temps et en saison, Se vous l'amez sans penser traïson. (Mach., J. R. Beh., c.1340, 77)

Sans faire trahison

Mais ja pour bien ne pour mal endurer Je ne lairai qu'adès, sans mesprison, De cuer, de corps, de desir, de penser Je ne serve, sans faire traïson, Ma douce dame humblement. (Mach., L. dames, 1377, 50)

[P. personnif. ou dans un cont. métaph.]

Encor y ot une cautelle Qui est de traïson ancelle, Pour mieux la fausseté couvrir, Que je vueil dire et descouvrir. (Mach., P. Alex., p.1369, 185)

Du monde la nature est telle ; Trayson y est et cautelle, Qui sans celle Vont a cheval par tout pays. (Pass. Auv., 1477, 111)