AVARICE

substantif féminin

[T-L : avarice ; GDC : avarice ; AND : avarice ; DECT : avarice ; FEW (XXV, 1190a) : avaritia ; TLF (III, 1063a) : avarice]

A. -Désir excessif de l'argent et des biens, cupidité ; p. ext., désir excessif de possession.

Certes aussi com j'ay erré Par avarice en amasser, Aussi mon temps vueil dispenser En vous servir (Mir. pape, 1346, 386)

...je puis dire car il ne fu onquez citez plus sainte ne plus riche de biens examplez, ne en laquele avarice et luxure soient plus tart entrees (Bers., I, 1, c.1354-1359, Préf. 11, 3)

. ... mez pour certain ricessez i ont aporté avarice, et habundans delicez i ont embatu le desir de toutez chosez perdre et perillier par superfluité et luxure. (Bers., I, 1, c.1354-1359, Préf. 12, 3)

Et li riche font encor pis, Car il portent dedens lors pis Tant de mal et de felonnie, D'orgueil, d'avarice et d'envie, Qu'on ne le te porroit nombrer (Mach., C. ami, 1357, 71)

...onques princes, pleins d'avarice, Ne fu vaillans, c'est trop grant vice. (Mach., C. ami, 1357, 102)

Et la deffaute est illiberalité et est avarice et convoitise. (Oresme, E.A., c.1370, 165)

...conment cuides tu que la vierge s'enracine (...) en personne plaine d'avarice et de cupidité (...) ? (Mir. Pierre Changeur, c.1378, 228)

Et vueil bien que vous sachiez que mon frere et moy ne sommes pas venus de nostre pays sur la fiance de gaignier peccune sur vous ne sur autrui, mais en desir et en espoir d'acquerir honneur et bon renom, sans avarice. (Arras, c.1392-1393, 167)

Avarice est soy estroitement tenir, escharcement despendre, avec volenté desordonnee et ardeur de acquerir les biens de ce monde a tort ou a droit, ne peut chaloir comment. (Ménagier Paris B.F., c.1392-1394, 32)

Le quart et dernier enseignement est selon la matiere de la quarte beste infernale qui est composee de deux vices contraires qui sont fole largesse et avarice Qui sua consumunt etc. (Gers., Noël, p.1404, 313)

Et quant au IIIJ^e pechié, qui est avarice, certes avarice ne vraies amours ne peuent loigier en un cuer ensemble. (La Sale, J.S., 1456, 22)

Et répliquier mesmes osèrent Que Humain Lignage en vérité Est tout rempli d'iniquité, D'orgueil, envie, ire et tristesse, D'orde luxure et grant peresce, De gloutonine, d'avarice Et tout autre desplaisant vice (La Haye, P. peste, 1426, 35)

[Allégorie]

Et pourtant est Avarice mauditte, Qui le poing clot que nul ne s'i attende, Et lui avient que un autre gaste ou vende Ce qu'elle acquiert et garde a griefz tourmens. (Chart., B. Nobles, c.1424, 405)

N'a pas longtemps quë en mon lict j'estoye (...) En moy mesmes ung compte je comptoye De ce monde, son estat et sa vie Ou je ne voy quë Orgueil et Envie, Avarice, Luxure et Tricherie. (Régn., F.A., 1432-c.1465, 178)

Avarice, Convoitise et Ardure D'acquerir plus m'ont mis en adventure D'estre perdu ou tomber en malheur, Allez dehors. (Robertet, Oeuvres Z., c.1450-1500, 83)

A ce propos, dit Job, en son XXXVe chappitre, que mauldiz sont les princes qui apouvrissent leurs subgectz et qui, par avarice et mauvaiz conquest, assemblent grans tresors ; viendra ung temps que Dieu exaulcera les pouvres, et les grans et mauvaiz riches auront assez affaire de mauldire l'eure que oncques eurent richesse et tresors mauvaisement acquiz. (Bueil, II, 1461-1466, 76)

Car comme dist l'Apostle : 'Avarice est servitude des ydoles', car l'avaricieux fait de son tresor son Dieu. (Somme abr., c.1477-1481, 105)

En tous humains regne envie, Par avarice ta vie En orgueil qui les convie Affin orde et dissolue, Luxure si est bien servie, Puis ire et paresse obvie A vertu de Dieu esleue. (Cene dieux, c.1492, 133)

...et, meüz de grand avarice, aymoient myeulx la piller que accepter appoinctement qui leur fut offert. (Comm., I, 1489-1491, 148)

Fuyés tout peché et inseste, Orgueil, avarice et fallace (La Vigne, S.M., 1496, 442)

...mons. Loys, bastard de Bourbon, bon, gentil et loyal chevalier, lequel fist de bons, grans et aggreables services au roy et à la couronne, et ne donna jamais à avarice une seule demye heure de repos pour dormir en son cueur. (Le Clerc, Interp. Roye, c.1502, 198)

Avarice de qqc.

Selon que dit saint Bernard, avarice De toutes choses est convoitise et vice Insaciable et vouloir deshonneste Car l'homme en ce a moins de sens que beste (Baudouin, Instruct. vie mortelle B., c.1431-1439, vers 2994)

D'autre part, l'avarice de ces cinquante mil escuz renduz tous les ans en son chasteau de Londres luy amollissoyent le cueur. (Comm., II, 1489-1491, 246)

Par/pour (l')avarice. Par cupidité.

Et quant il avient que une veille prent ung jeune homme, le jeune homme ne le fait que pour l'avarice, dont il avient que jamés ne l'aymera, et pluseurs les batent tres bien et despendent ce que elles ont en mauvés usage et aucuneffoiz viennent a pouvreté. (Quinze joies mar. R., c.1390-1410, 102)

Et pour ce que je vueil que chascun congnoisse que je ne fay pas cecy pour avarice, mais pour garder mon droit heritaige et esclarcir la vilaine et felonnesse trahison que le faulx traitre et ses complices firent a mon pere pour lui enchasser, preingne son filz Olivier et un de ses plus prouchains. (Arras, c.1392-1393, 59)

-- Par avarice Judas trahy son maistre (Bueil, I, 1461-1466, 129)

Par avarice de inf. En convoitant de.

Et ainsi je croy que cuer de noble estrattion qui a la science des nobles vertus des ars dessuz diz ou cuer, qu'il n'en sauroit meserrer si tost que cil qui auroit aprins les ars par avarice de vouloir enrichir, par dissimilitude de complaire aux princes, et non monstrer le vif du droit, car rudesse de nature ne se puet bonnement appliquer a la nature nourrie en noblesse. (Arras, c.1392-1393, 17)

Pareillement recite Stace, en son livre de Thebes, de deux freres qui, par avarice d'avoir le royaume de Thebes, eurent guerre l'un contre l'autre (Bueil, I, 1461-1466, 129)

Peché d'avarice

Et a la fin dois dire: Sire, chier pere, de tout ce que je vous ay dit que j'ay pechié ou pechié d'avarice, je m'en repens tresgrandement, et vous en requier pardon et penitence. (Ménagier Paris B.F., c.1392-1394, 35)

Dont, par ce, le vray amoreux, tel que je dy, pour acquerir la tres desiree grace de sa tresbelle dame, toutes les acomplist et laisse ce tres desplaisant pechié d'avarice et se acompaigne avec celle tresdoulce et tres amiable vertu de largesse, qui est amie de Dieu et honnoree du monde, et par ainsin est il sauvé. (La Sale, J.S., 1456, 23)

[Maxime, sentence] Avarice est racine et commencement de tous maulx

Avarice tous biens decline Et de tout mal est la racine. (Bouvet, Appar. Meun A., 1398, 52)

' Et dit Seneques, en un livre, ' Qu'avarice les gens enyvre Et de soif les fait exarter Et que fondement, sanz doubter, Est de tous maulx et de tous vices, Et avis de tous lais malices. (Chr. Piz., M.F., II, 1400-1403, 72)

Il est assavoir que avarice est rachine et commencement de tous maulx et celle qui plus adveugle les yeulx de l'homme (Bueil, I, 1461-1466, 127)

[À propos d'un animal]

Pour ceste cause les passions et desordonnez mouvemens sont lais et coulpables es hommes, qui point ne le sont es bestes, comme orgueil n'est point pechié, ou laydure en cheval, cruaulté en lyon, malice en renart, envie es chiens, avarice es cornailles, et ainsy des autres. (Gers., Concept., 1401, 399)

B. -Par extension. Thésaurisation.

Et, pour ce qu'il n'estoit pas grant argentier et qu'il avoit plus applicqué son entente à vaillance que à avarice, par quoy il n'eust pas peu payer grant somme de denyers, il se fist fort de leur baillier ung bon cheval pour sa delivrance. (Bueil, I, 1461-1466, 75)

C. -Au figuré.

1.Ambition égoïste.

Avec tout ce il fust emply D'avarice, quant voult avoir De son seigneur tout le pouoir, Et plus de bien voult acquerir Qu'a lui ne devoit afferir (Renart contref. R.L., t.1, 1328-1342, 70)

Car, comme dit Ciceron, la cause n'estoit ne honeste ne probable ne suffissante pour ung roy faire mourir son frere, en quoy ne peut estre aultre chose notee fors avarice et le deshonneste desir de rengner seul. (Fillastre, Traité Conseil H., c.1472-1473, 214)

2.Défaut de celui qui ne donne pas volontiers, qui ne partage pas son savoir.

Et doit savoir la nonnain que toutes fois qu'elle est trop tenant de ce qu'elle a entour lui envers ses suers qui besoing en ont, ou qui lui requierent, soit de donner s'elle en est aisiee et par congié, ou de prester, elle peche par avarice, ou quant elle est avere d'enseingnier a autrui ce qu'elle scet, soit du service de Dieu aprendre ou d'aucun art d'ouvraige de soye, ou d'aucune chose honneste et necessaire, c'est mout mauvaise avarice. (Frère Robert, Chastel perill. B., c.1368, 256)