ARREST

substantif masculin

[T-L : arest ; GD : arest ; GDC : arest ; AND : arest1 ; DECT : arest ; FEW (XXV, 309b) : *arrestare ; TLF (III, 543b) : arrêt]

I. -[Interruption d'un mouvement (au propre ou au fig.), immobilisation, immobilité]

A. -Fait d'arrêter, de s'arrêter ; immobilité.

1.Fait d'arrêter, de s'arrêter.

Faire arrest. S'arrêter.

Un poy sur destre est devallé En un villaige ou est alé, (...) Si n'y fera pas lonc arrest (La Buigne, Rom. deduis B., 1359-1377, 439)

[En versif.] Marquer la césure.

Vers de .X. piés de .X. lignes rimés Sont vers dizains, deroisiés en ce point. Es balades sont il souvent trouvés, Quant le refrain leur est donné a point. Mais touteffois oublier ne fault point A faire arrest et poser au quart piét, Car aultrement il seroit reprochiét. (Traité rhétor. L., c.1482-1500, 261)

Faire un arrest à qqn. Arrêter qqn, l'empêcher de passer.

Mais qui a habit honourable, Il est a chascun agreable, Bien venuz et bien receuz, Et souventefois pourveuz D'estat ou d'autre chose bonne. Mais, quant l'en voit une personne, Tant soit sage, qui mal se vest, L'en lui a tost fait un arrest Et deffendu qu'avant ne passe... (Desch., M.M., c.1385-1403, 282)

Fichier arrest. S'arrêter.

Atant de la dame nous teusmes, Car tant avyons en la face D'aultres tombeaux que nous ne sceusmes Fichier arrest en une place. Aussy voeult le temps que je face De chose infinie court compte. (Martin Le Franc, Champion dames I-II, P., 1440-1442, 66)

Prendre arrest. S'arrêter.

O Dieu qui est parfaicte joye, Qui les desconfortés esjoye Quant il te plest, Je ne sçay plus chemin ne voye, Mais comme incensee forvoye Sans prendre arrest ! (Michel, Myst. Pass. J., 1486, 91)

Prendre arrest qq. part. Arriver qq. part, s'y rassembler.

...quant feray mon oliphant bondis, dé treiz ysseront mes barons, a ma baniere avront arest pris pour les paiens recoilheir. (JEAN D'OUTREM., Myr. histors G., a.1400, 145)

Sans (grant) arrest. Sans s'arrêter ; sans tarder, aussitôt.

Et la n'ot il celui ne celle, Qui se vosist esbanier, Dancier, chanter ou festier (...) Qui la ne trouvast sans arrest A son vueil l'esbatement prest. (Mach., R. Fort., c.1341, 146)

Dist a un sien privé message : 'Va sans arrest a mon ami Et si li di que mal pour mi, Se mon anel ne me renvoie...' (Mach., J. R. Nav., 1349, 235)

Lors le cri l'emperere fu par mi Ronme fès Que trestous, haus et bas, venissent sans arès Pour faire sacrefice devant lez mahonmez. (Vie st Eust. 1 P., c.1350-1400, 158)

DIEU. Je vueil que voises sanz arrest A Robert le fol, Gabriel (Mir. Rob. Dyable, c.1375, 56)

Si dist a son varlet : (...) Estes vous venu le roy qui sans arrest vint vers la dame, comme s'il ne le eust oncques plus veue, et la salue moult effreement, car il estoit si souspriz de s'amour qu'il n'y savoit contenance. (Arras, c.1392-1393, 8)

...et tout cecy aucunes fois soudainement et comme en ung mouvement, selon que le monstra mesmement la conversion d'iceluy saint Pol, duquel nous parlons, qui de persecuteur et de loup ravissable fut sans arrest mué en defenseur et brebis aimable. (Gers., P. Paul, a.1394, 496)

Maiz aller me fault sans arraist Savoir a l'aultre s'il est prest. (Pac. Job M., c.1448-1478, 304)

Alez et nouvelles portez A tous ceulx que j'ay invitéz, Que mon disner et tout est prest Et qu'ilz se rendent sans arrest Aux nopces. (Gréban, Pass. J., c.1450, 226)

Il se fait appeller Jhesus ; Vous le verrez cy sans arrest. (Gréban, Pass. J., c.1450, 296)

Devers vous vien, sens grant arrest, De par monseigneur emperere, Qui ja vous mande, a lye chiere, Que incontinant amenez, Pris et lyez comme savez, Adrien et ses conpaignons, Que vous tenez en ces prisons. (Myst. st Adr. P., c.1450-1485, 143)

Et comment sot gouuernement Damp truant gras esse la guise A la Messe et au seruice De rire et de toy galler Ainsi hautement au moustier Ie ten puniray sans arrest. (Myst. st Martin K., a.1500, 322)

2.Séjour, halte.

Comment le roy alla à Peronne pour veoir le duc de Bourgongne et de l'arrest qu'il eut audict Peronne et comme ledict duc le contraignit d'aller en Liége avecques luy. (Comm., I, 1489-1491, 125)

3.Repos, tranquillité.

Nous voions nostre prince qui depuis quatre ans n'a cessé de voiager sans guaires de repos ne d'arrest (Chart., Q. inv., 1422, 57)

Au figuré. Immobilité (de l'âme dans la méditation et la contemplation).

Et ainsi cest proprement contemplacion quant lame se delite et se arreste a veoir en admiracion ce quelle voit, et par ce elle differe de cogitacion la ou ny a point de plaisir ne darrest [l. d'arrest], et de meditacion la ou ny a pas si grant plaisir car il ny a pas si grant admiracion (Cib., p.1451, 182)

4.Temps pendant lequel on s'arrête.

...je m'arrestay Et pensé en mon arrest ay Un petitet, que je feroie (Mach., R. Fort., c.1341, 112)

5.Retard.

Je ne sçay d'ou vient cest arrest Qu'il n'est venu. (Michel, Myst. Pass. J., 1486, 256)

6.Au figuré. Fait de s'arrêter sur qqc..

a)Réflexion.

Pour ce fait on foul jugement Bien souvent, et a peu d'arrest Sur ceulx qui ont tel pensement, Quant on n'a essayé que c'est. (Chart., D. Rev., a.1424, 308)

b)Goût de qqc., prédilection pour qqc..

...je n'ai mie L'art ne l'arest sus tel ouvrage. (Froiss., Joli buiss. F., 1373, 106)

B. -[Interruption d'un processus, d'une activité...]

1.Fait de mettre fin à.

Chil remonstrèrent moult bellement la volenté [de Monsigneur] et le certain arrest de ceste guerre comment pais i puet estre (Froiss., Chron. R., X, c.1375-1400, 216)

Seigneurs, mal vous souvient de Zephir qui hiersoir vous deffendy l'arrest de telles decevances ! (Percef. IV, R., c.1450 [c.1340], 1109)

Faire (un) arrest

Il la prist et puis la lut toute ; Onques n'i fist arrest (Mach., F. am., c.1361, 197)

...sans tarder ne faire arrest refist son lit (C.n.n., c.1456-1467, 265)

SATHAN. (...) Ce Nicolas contrepenser Vient tousjours contre mon conquest. Je ne sçay trouver tant d'acquest Que ung arrest Ne soit par Nicolas tout prest. Feu d'Enfer si le puist bruler ! Je ne sçay [plus] que ymaginer. Autre part m'en voys hutiner Puisque j'ay perdu ceste proye [le chrétien] . (Mir. st Nic. juif, c.1480-1500, 147)

2.Cessation, suspension, pause.

Qui l'amant chace Batant vers grace qu'il pourchace, Et lui fait avancer sa chace, Dont plus va avant, moins se lasse. Ainsi m'en est Car je n'ay cesse në arrest De pourchacer ce qui me plest (Chart., L. Dames, 1416, 258)

Par grant arrest. Avec des pauses ; lentement.

Lesquelles [responces] leues par la bouce du chancelier de France bien peseement et par grant arrest (Chastell., Chron. IV, D., c.1461-1472, 209)

Sans (nul) arrest. Sans interruption, sans cesse.

Ensi Sui detirés, et par tele maniere Sans nul arrest, puis avant, puis arriere, Qu'a painnes sçai cognoistre que je voeil (Froiss., Orl., 1368, 89)

Et quant il fut au chemin, il mena son ost a grans journees, le plus hastivement qu'il peult, sans nul arrest. (La Sale, Salade, c.1442-1444, 42)

LE CRESTIEN. Oncques ne fus de la sepmaine Sy endormy comme je suis. Qu'est cecy ? Nullement ne puis Me porter. Je ne sçay que c'est. Dormir me convient sans arrest. Icy endroit me coucheray Et ung peu me reposeray, Car je suis fort prins de sommeil. (Mir. st Nic. juif, c.1480-1500, 135)

Pour ces boucher[s] a grosses lipes Prions qu'i puissent sans arés Estre de leurs plus ordres tripes Amerdés jusques aux jarés ! (Serm. quatre vents K., c.1500, 511)

3.Au figuré. Ce qui arrête, retient, interrompt.

Que vous en feroie je long compte : Jason porta par terre le roy de Fokenés, le roy de Mitilene, le roy de Mydique et le roy d'Epydanee et plus de trente autres chevaliers. Il n'avoit arrest en soy, il ne reffusoit coup de lance, il ne queroit que les plus fors et les plus expers. (LEFÈVRE (R.), Hist. Jason P., c.1460, 128)

C. -Fixité, stabilité ; fermeté, constance.

1.Fixité, stabilité.

Socrates li bons et li sages N'estoit mie si fort estables Com vos courages est muable, Et si estes enmi la roe Qui n'arreste ne c'une aloe, Car riens n'i ha d'estableté Ne d'arrest ne de fermeté (Mach., Voir, 1364, 8701)

Si preng en gré, puis qu'ainsi est, Qu'en fortune n'a point d'arrest. Soies en du tout rapaisie, Car, se tu n'ez a droit aisie, Ne d'abit richement paree, Ne seras tu ja separee De l'amour de Dieu, s'il lui plaist. (Gris., 1395, 87)

O saint prophete David, tu prenois bien ceste abusion en esperit, quant, en parlant de ceulx qui usurpent le sanctuaire de Dieu ainsi que leur propre heritage, tu les condampnas a estre comme la roee, dont le dessus revient desoubz, et comme l'estouble devant le vent, qui n'a point d'arrest ne de duree. (Chart., L. Esp., c.1429-1430, 57)

...par elle [par la Foi] et en sa clarté tu ressourdras de merancolie, tu relieveras tes yeux dehors du breuch de tristeur, tu les dresseras vers les ciel par arrest immuable (Chastell., Temple Boc. B., 1463-1464, 179)

Tenir qqn en arrest. Maintenir qqn en bonne stabilité, veiller sur lui.

Mahon vous tiegne en arraist, Gentil mareschal de vaillance ! (Pac. Job M., c.1448-1478, 303)

2.Fermeté, constance.

[Le roi de Navarre, n'ayant pas confiance dans le peuple de Paris] disoit que en communauté n'avoit nul certain arrest, fors que pour tout honnir. (Froiss., Chron. L., V, c.1375-1400, 99)

Montrez huy que vous soiez gens d'arest et de proesce, et vendez vos corps (Froiss., Chron. M., XII, c.1375-1400, 148)

II. -[Idée d'arrestation, de saisie] Fait d'arrester qqn ou qqc., saisie de la personne ou des biens.

...nous volons et acordons que nos quatre sergent à cheval en nostre bailliage d'Aire ne aucun sergent ou officiers quelcunques, fors tant seulement nos dis baillis, ses lieutenans et li chastellains ne puissent faire prinses ne arres quelcunques en nostre dite ville et banlieue, se ce n'est par cas criminel ou hastieu (Hist. dr. munic. E., t.1, 1374, , , 96)

...un sergent est creu de son adjournement par sa relacion faite de bouche ou par escript, seellée de son seel, sanz autre preuve ; et n'est point creu de faire un arrest par sa relacion, s'il ne prouve. (Cout. bourg. glosé P.M., c.1380-1400, 80)

Et d'aucunes prinses qui avoient esté faites de pluseurs des hommes du dit sires de sa baronnie de Vitré qui estaient détenuz à cause de fouages, a esté dit que ceulx hommes seront mis au délivré de l'arrest où ils sont par donnant capcion suffisante. (Cartul. Laval B., t.2, 1395, 354)

...chacun desdits officiers en absence de mondit seigneur le sennechal ou lieutenant pourra faire mectre en prison lesdicts malfaiteurs, et icelluy arrest ou emprisonnement faire savoir et rapporter au conseil pour adviser en la matière. (Vieux cout. Poitou F., c.1451-1454, 262)

Briser un arrest. S'évader.

...li contes de Montfort (..) avoit fourpasset le conmandement de son signeur le roi et brisiet son arest, et partis sans congiet. (Froiss., Chron. D., p.1400, 490)

Estre en arrest

...et lequel seigneur de Crussol passoit lors par les pays de monseigneur le duc de Bourbon, menant avecques soy sa femme et plusieurs de ses biens, tous lesquelz furent en arrest en la ville de Cosne en Bourbonnoys. (Roye, Chron. scand., I, 1460-1483, 39)

Estre sous l'arrest de qqn

...R. R. N. H., nous ont enforméz coment ils avoient vingt toneulx de vyn en une neif de J. Coly de nostre citee de Cestre appellé le George, lequele neif est desoubz nostre arrest a cause de la freint d'une arreste sur ce fait pur avoir [esté] ovec nostre (...) frere T[homas] de Lancastre vers les parties d'Irlande, del freint de quele arrest ils ne sont coupables, a ce q'ils dient (Lettres agn. L., 1402, 298)

Estre detenu en arrest

...maistre Pierre d'Oriole, general des finances du roy, lesquelz furent longuement detenus en arrest en ladicte ville de Molins. (Roye, Chron. scand., I, 1460-1483, 39)

Faire un arrest. Opérer une saisie.

Je suis plus prest D'aler bien pres faire ung arrest Que porter au loing lectres closes. (Michel, Myst. Pass. J., 1486, 249)

Faire arrest sur qqc.

Pour lesquelx deux deniers il fist faire arrest sur ung vaissel appartenant aud. Desrues, chargé de bois (Commerce marit. Rouen F., Pièces justif., 1452-1453, 324)

Faire l'arrest. Procéder à la saisie.

Et se aucun emporte boiz ou merien hors du rain de ladicte forest, chacun desdiz habitans le peult prendre à cause de forfaiture, en laquelle celui qui fait l'arrest doit avoir la moitié (Hector De Chartres, Cout. R., 1398-1408, 226)

Mettre qqn en arrest. Mettre qqn en arrestation.

...lesquielx par Monseigneur le Captal, lieutenant de Monseigneur, furent ordenez demourer ou chastel d'Orbec et le garder le mois daoust CCCLXVIII, que Monseigneur de Gauville, chastellain du lieu, en fut mis hors et mis en arrest par mon dit seigneur le Captal (Compte Navarre I.P., 1367-1371, 265)

Mettre un arrest sur qqn

... [malgré le sauf-conduit que détient Gautier de Mauni] li baillieus d'Orliiens vint deviers li et mist un arest sus lui de par le roi de France. (Froiss., Chron. D., p.1400, 755)

Mettre qqc. en arrest. Saisir qqc..

Sanson Pasquier (...) avoit fait mettre icelles terres et seigneuries en arrest pour cause de hommage et aultres devoirs non fais... (Chron. Mt-St-Mich. L., t.2, Pièces div., 1452, 246)

Et si fist ledit Waruic prendre et saisir tous les biens appartenans aux subgetz dudit de Bourgongne et mettre en arrest et en ses mains. (Roye, Chron. scand., I, 1460-1483, 248)

...ains si aucuns biens a lui appartenant estoient pour ce detenuz ou mis en arest de par nous, voulons que tantost et sans delayt, incontnant veuez ces presentes, lui soient mis a plaine delivrance (Lettres rémission René II P.D.H., 1473, 80)

Tenir ses arrests. Rester en détention.

...le dit Colin Germain a tousjours bien obey et tenu ses arrests, et s'i est rendu comme promis l'avoit, avons dit et declairé par jugement que le dit Colin avoit souffisanment prouvé ce qu'il avoit promiz à prouver de sa partie. (Doc. Poitou G., t.6, 1390, 12)

Ville d'arrest. Ville dont les habitants ont le privilège de faire saisir les biens de leurs débiteurs, voire de faire arrêter les personnes.

...de nostre certaine science, grace espécial, plaine puissance et auctorité Royal, avons octroié et octroions par ces présentes, que doresenavant icele nostre Ville de Troyes soit Ville d'arrest, et que noz Sergens et Officiers audit Troyes, à requeste desdits supplians ou d'aucun d'eulx, puissent arrester en icele Ville tous ceulx qu'ilz affermeront estre tenuz à eulx ; c'est assavoir, à ceulx dudit Clergié à cause de leurs rentes et revenues, possessions, amodiacions de debtes et obligacions, et aux Bourgois et habitans dessusdits, à cause desdits contraulx et marchandises faiz tant en ladicte Ville de Troyes comme ailleurs, quelque part que ce soit, et autrement, et saisir, mettre, et tenir en nostre main tous leurs biens, jusques à ce qu'ilz aient fait plaine solucion, acquict ou satisfaccion desdictes debtes, obligacions et marchandises par eulx faictes et contraictés avec lesdits supplians (Ordonn. rois Fr. V.B., t.11, 1419, 55)

...à iceux supplians avons octroyé et octroyons de certaine science, grace speciale et authorité royale, par ces presentes, par maniere de privilege, que doresnavant ladite ville soit ville d'arrest, et qu'en usant d'iceluy privilege, comme sont plusieurs autres de nos bonnes villes, ils puissent faire arrester par le premier nostre Sergent sur ce requis, les chevaux et autres biens meubles de leurs debteurs qui seront trouvez en ladite ville et ès fauxbourgs d'icelle, pour cause de somme de deniers à eux deubs, et autres obligations quelconques à eux appartenans, contractées esdites villes et fauxbourgs, pourveu que après ledit arrest ils feront apparoir promptement de leursdites debtes par lettres de confession de partie ou autrement deuement, en faisant apparoir desquelles obligations par la maniere dessusdite, Nous voulons lesdits debteurs estre contraints de payer icelles debtes, avant la delivrance desdits biens ainsi saisis. (Ordonn. rois Fr. V.B., t.13, 1432, 184)

Par métonymie. Droit que paie le prisonnier arrêté.

...chil qui sont arresté doivent les ariès et les prisenages, c'est à savoir deux sols seulement pour un arriest fait à bonne cause, et de tant que li arrestés seroit détenus en prison sans che que il me fust requis desdittes religieuses ou de leur gens, il doit prisenages acoustumés de payer (Cartul. Flines H., t.2, 1337, 568)

III. -Ce qui arrête ; butée.

A. -Pièce du harnais ou de l'armure où l'on appuie la lance (pour la dresser avant le combat).

...ung avantaige pour l'arrest dudit harnois (Comptes roi René A., t.1, 1453, 375)

Coucher / jeter / mettre la lance en (l') arrest

Et quant cellui l'entent, si met la lance en arrest, et Gieffroy d'autre part, et se viennent encontrer par telle vertu qu'il n'y ot si bonne lance qui ne volast en troncons jusques en leurs poings. Et se viennent encontrer de corps, de pitz, d'espaules, et de chevaulx, et de testes, qu'il n'y ot cellui a qui les yeulx n'estincellassent en la teste. (Arras, c.1392-1393, 300)

Lors ilz se eslongnerent loings l'un de l'autre et se afficherent sur leurs destriers et mectent leurs lances en l'arrest et puis ilz brochent chevaulx des esperons. (Cleriadus Z., c.1440-1444, 619)

...et, quant nous mettons la lance en arrest, nous avons la main plus à commandement de celle part (Bueil, II, 1461-1466, 201)

Et combien que la bataille des Bourguignons fust molt espesse et aspre, toutes fois François se boutèrent fort avant ; pour quoy ils entrèrent dedens, mais à grant peine ; car aucuns des Bourguignons avoient leurs lances croysées sur l'arson des selles en l'arrest. (Raoulet, Chron. Ch. VII, V., c.1461-1467, 179)

Si mirent les lances aux arrests et coururent celle course sans attaindre ou consuyr l'ung l'aultre (La Marche, Mém., III, c.1470, 52)

...et comme ilz furent si près que gecter les lances en l'arrest (Comm., I, 1489-1491, 27)

...qu'il en y eust cinquante qui eussent sceu coucher une lance en l'arrest. (Comm., I, 1489-1491, 27)

[Dans une métaph. grivoise]

...il n'estoit pas a l'aultre de seulement mettre sa lance en son arrest (C.n.n., c.1456-1467, 195)

Par métonymie. Bracelet de cuir entourant la lance en arrière de la main, qui vient buter contre l'arrêt de l'armure et s'opposer au recul de la lance.

Print le fer de la lance en terre l'aficha ; A l'arrest de desseure Olivier s'apuya (Gir. Vienne D.B., c.1350-1400, 187)

...et lui donna tel coup qu'il tronssonna sa lance jusqu'en l'arrest (Percef. III, R., t.1, c.1450 [c.1340], 322)

...pour quatre chappellez et quatre bourses garnies de couroyes, et quatre arretz pour porter la lance XV s. (Comptes roi René A., t.2, 1451, 175)

Et quant tous deux furent venus, le roy incontinant fist mesurer leurs lances, qui devoient estre, dez la pointe jusqu'a l'arrest, de XIIJ piez de long. (La Sale, J.S., 1456, 114)

...chacun de nous deux portera lances de telle grosseur qu'il luy plaira, sauf qu'elles seront de mesure et de longueur, et à mesurer depuis l'arrest jusques au bout de la pointe de la lance, desquelles lances je bailleray la mesure (Faits Lalaing K., c.1470, 80)

Arrest de l'eperon. Butée de l'éperon.

Et a esté veu au temps ancien que nul ne portoit mollete en esperon s'il n'estoit noble fors vng petit piquant qui auoit arrest au bout de l'esperon. (Best. hérald. H.E., c.1435-1450, 503)

Remarque : Cf. GAY I, 649.

B. -[Technol. diverses]

1.HORLOGERIE Petite pièce qui empêche que le mouvement d'une horloge n'aille trop vite.

...et la roue de l'arrest ne doit avoir que une dent avecques laquelle dent il arreste, car elle ne fait a chacun tour que ung cop (Traité d'horlogerie Z., c.1380, 278)

...car aucuns y laissent ung braz de la croyz plus loing que l'aultre, si y actaint ung tenon que on fait en la cloche quant elle chiet en aucune des osches de ladite roue des heures, et par ceste maniere l'arrest entre en son osche par ung ressort qui prise tousjours dessus, et quant la destente frape dessus a l'aultre bout elle le fait yssir de son osche (Traité d'horlogerie Z., c.1380, 278)

Item y a fait [à l'horloge] deux fors arries [plur. de arriest] pour tenir les conttrepois seurement (Doc. 1408. In : A. Delboulle, Romania 31, 1902, 355)

Remarque : Cf. P. Zumthor, Z. rom. Philol. 73, 1957, 286.

2.Petite poutre de consolidation dans un assemblage' (Y. Coutant, Terminol. du moulin médiév. dans le comté de Flandre, 1994, 482 ; ex. du XV^e s.).

IV. -Au figuré. Ce qui est fixé, arrêté, décidé ; résolution, décision.

A. -[Par une cour, une juridiction...] Jugement contre lequel on ne peut se pourvoir en appel.

Aux arrêts de l'Echiquier, quelquefois on appelle les simples prêtres monsieur au lieu de messire. (Echiq. Normandie S., 1343, 197)

...la somme de vingt et sept mil et cinq cenz livres tournois, ou environ, les quiex il demandoient à eulz estre paiez par la dicte madame la contesse, si comme par arrest, accors et lettres il le disoient apparoir plus plenement. (Doc. Poitou G., t.3, 1350, 34)

...si comme sont les arrés de parlement. Aprés il repreuve une erreur. (Oresme, E.A.C., c.1370, 304)

...certains arrez de la court de parlement (Reg. crim. Chât., I, 1389-1392, 85)

...selon la teneur de certain arrest jugié en la Chambre de Parlement (Fauq., I, 1417-1420, 337)

...par vertu de certain arrest de ladite Court de Parlement par lui obtenu (...) et de l'executoire d'icellui donné le 1er jour du mois de mars dernier passé, je eusse et aye fait commandement de par le Roy nostre sire aux Prevost des marchands et eschevins de la ville de Paris qu'ils paiassent audit du Breuil, ès dits noms, la somme de 325 l. p. (Comptes Paris V.L.D., t.1, 1449-1450, 625)

...l'official (...) ordonna par arrest que les deux mariez yroient coucher ensemble (C.n.n., c.1456-1467, 501)

Prononcer un arrest / rendre un arrest

Il veult vostre fait conseillier Et les parties appointier Et puis aprés rendre l'arrest (La Buigne, Rom. deduis B., 1359-1377, 503)

Et pour ce a dit et commandé A Raison, qu'ilec a mandé, Qui est le premier president, Que, sans faire nul incident Ne nul argument repetier, Cest arrest vueille pronuncier. (La Buigne, Rom. deduis B., 1359-1377, 511)

...ou moiz de may, l'an mil CCC IIIIxx et X, certain arrest fut pronuncé en Parlement (...) à l'encontre du conte de Savoye (Baye, I, 1400-1410, 3)

Comment, nostre maistre, ou avez vous prins le hardement de vous soir sus ce perron, la ou Darnant, nostre souverain prince, doit seoir quant il doit rendre ses arrests ? (Percef. III, R., t.1, c.1450 [c.1340], 152)

Or advint si bien qu'on vouloit Les derniers arrestz prononcer Et que a ceste heure on appelloit Le greffier pour les commancer. (MART. D'AUV., Arrêts Am. R., c.1460-1466, 3)

Donner un arrest contre qqn

...pour faire mettre à neant ung arrest donné contre luy par la court de Parlement (Le Clerc, Interp. Roye, c.1502, 206)

Noz amés et feaulx, nous avons octroyé à nostre cher et amé cousin le conte de Dampmartin, grant maistre d'ostel de France, noz lettres patentes à vous adressans, touchant l'arrest donné contre luy. (Le Clerc, Interp. Roye, c.1502, 206)

Par arrest de

Par arrest de droit nous dison Que ceste court a usage : Qui verite en langage Veult maintenir, il est ouis, Ja ne sera si contredis (Guill. Digull., Pèler. âme S., c.1355-1358, 50)

...seurement n'estoit besoign De produire tesmoigns de loign, Ne d'observer ordre de Droit Aucunement en cest endroit, Requérans le Juge instanment Que, par Arrest de Parlement, Il lui pléust à prononcïer, Déclarer et sentencïer Que Humain Lignage en tout uni Deust à mort estre puni (La Haye, P. peste, 1426, 36)

Et y a plusieurs prelas qui ont prinse de clercs par tout leurs dioceses (...) et leur est adjugee ladicte prinse par arrest de Parlement contre le procureur du roy. (Juv. Urs., Nescio, 1445, 498)

Et après que par ladicte court le procès d'icelle eut esté veu et visité fut dit, par arrest d'icelle et en confermant ladicte sentence (Roye, Chron. scand., I, 1460-1483, 5)

Par maniere d'arrest. Par ordre exprès.

Et fit le comte appréhender la barge et les biens, et y commit garde par manière d'arrest. (Chastell., Chron. K., t.5, c.1456-1471, 83)

L'arrest de la sentence

A ce mot toutes s'acorderent et firent adoncques tres hault silence, les oreilles eslevees pour reveremment escouter l'arrest de la sentence. (Gers., Concept., 1401, 405)

Remarque : Dans l'ex. suiv. de Villon, le sens est peut-être plutôt celui de 'suspension' (sans arrest 'sans délai') :

Lesquelx [six écus empruntés au prince] il [Villon] mist pieça en nourriture, Tout se paiera ensemble, c'est droiture ; Mais ce sera legierement et prest, Car se de glan rancontre la forest Dentour Pactay et chastaignes ont vente, Paié vous tient sans delay ny arrest : Vous n'y perdrés [mon seigneur et prince redouté] seulement que l'attente. (Villon, Poèmes variés R.H., c.1456-1463, 50)

Par métonymie. Acte notifiant une décision, un jugement.

...il faut que vous gaignez ce seul point à mon frere, c'est assavoir qu'il ne mette, ne les Vm francs des Xm, ne les Vc livres des mil sur l'arrest qu'il a en Raix. (Lettres Louis XI, V., t.7, 1479, 225)

B. -Fait de mettre fin à une délibération ; décision prise.

[Sur le conseil d'Eustache de Ribemont, le roi de France prend la décision d'attaquer] Adonc, par le commandement dou roy, sus cel arrest, se departirent li doi mareschal et chevaucièrent de bataille en bataille (Froiss., Chron. L., V, c.1375-1400, 23)

... [on parlemente, puis] finablement uns certains arriest et consaux fu donnés dou deslogier (Froiss., Chron. R., IX, c.1375-1400, 109)

... [tous les capitaines de l'armée française] vinrent en la cambre dou connestable de France, pour avoir certain arest et avis comment on s'ordonneroit (Froiss., Chron. R., XI, c.1375-1400, 3)

C. -Par extension. Jugement de qqn qui a ou croit avoir quelque autorité.

Sur tous prens pour confirmation Valere, qui te dit par arrest que les seigneuriez anciennes furent tousjours estables, tant comme ilz servirent et sacrifierent deuement la divinité. (Chart., L. Esp., c.1429-1430, 179)

Par arrest. Irrévocablement, définitivement.

Le conte qui avoit par arrest fermé son propoz, non obstant que grant pitié luy faisoient a oÿr lez moz de sa femme, respondy comme tout plain de grant corage et homme constant qu'il estoit (Comte Artois S., c.1453-1467, 25)

Ordre exprès.

Raison, Advis, Conseil et Sens Sont soubz l'arrest d'Amours seellez. A tel arrest je me consens Car nul d'eulx ne s'est rebellés. (Chart., B. Dame, 1424, 353)

D. -Arrest d'un compte. Clôture d'un compte.

...trois comptes qu'il m'a baillez, lesquelz furent visitez et examinez par Jehan Cirot, trésorier, et maistre Guillaume Cadier auditeur des comptes de mondit seigneur, qui y mirent et escripvirent leurs arrestz. (Aff. Jacques Coeur M., 1453-1457, 246)

Pour ung autre voyaige fait par maistre Barthelemy Cailler pour revoir ledit compte avec monsieur maistre Jehan Lapite à ce commis, avoir assisté à la closture dudit compte et d'icelluy avoir prins les arretz... XL escuz sabaudiens. (Lettres Louis XI, C., Pièces justif., t.1, 1459-1461, 321)