APPROPRIER

verbe

[T-L : apropriier ; GD : aproprier ; GDC : aproprier ; AND : approprier ; FEW (IX, 460b) : proprius ; TLF (III, 339a) : approprier]

I. -Emploi transitif.

A. -[Idée d'adapter qqc. à une fonction, une situation...]

1.Approprier qqc. à qqc.

a)Rendre qqc. propre à qqc., adapter qqc. à qqc..

Gisant doncques par nuit en ce soing et fantasiant de quoy je furniroye ceste oeuvre promise ne comment j'aproprieroye langage a la nature du cas qui m'estoit revelé, non couchié encore en lit, mes vestu sus ung banc me trouvay (Chastell., Temple Boc. B., 1463-1464, 7)

b)Par extension. Ajouter qqc. à qqc..

L'AMANT (dit à par soy). (...) Sans prendre harnoys ne guisarmes, Il le me fault aller espier ; Et, se g'y puis riens approprier Au propos de mon principal, J'en feray, selon son entier, Mention en mon procès verbal. (Colin loue dép. Dieu T., c.1485, 144)

2.Approprier qqc. à/pour + inf. Adapter qqc. pour' + inf. ; 'destiner qqc. à' + inf..

JHESUS. Pas ne deussiés approprïer Ce lieu a marchandise rendre. Porter ailleurs ces coulons vendre Et de la maison honnoree Qui a mon pere est preparee, Ne faictes pas vostre marchié. (Gréban, Pass. J., c.1450, 154)

Maiz vous seriez de tout ouyr lasséz, Si ne dirons En ce lieu cy fors ce que sentirons Qui nous prouffite, et si l'approprions A nous servir en ce que desirons. (Michault, Doctr. temps prés. W., 1466, 67)

Gérard de Roussillon, voyant le chevalier issir de son pavillon, pareillement issit du sien, sa cotte d'armes vestue, et son harnas de teste estoit un chapeau de fer d'ancienne façon, qu'on avoit approprié pour ce faire, et par dessous avoit un houscot de mailles, et en ce point combattit. (Faits Lalaing K., c.1470, 216)

3.Approprier qqc. à qqn. Appliquer [une parole, une prophétie...] à qqn.

Et pour ceste cause appropria ceste prophesie a lui mesmez, car il estoit vray, mais du restorement qui aincoires devoit venir ne sceut que dire, sy s'en teut atant, et aussi sa plaie lui estoit mout douloureuse. (Percef. IV, R., c.1450 [c.1340], 645)

Appliquer (une parabole) à qqn.

Comment l'aucteur approprie la parabole de Jhesu Crist au roy de France et a sa lignie (Mézières, Epistre lamentable C.P., 1397, 101)

4.Approprier qqc.

a)Adapter qqc. aux circonstances.

Nonobstant ces semonses, mandemens et ordenances que li contes de Flandres faissoit et aproprioit, si travilloient madame la ducoisse de Braibant, li evesques de Liège et li dus Aubers que une asamblée de leurs consaulx sur traitiés de pais fust assignés et mis en la citté de Tournai. (Froiss., Chron. R., X, c.1375-1400, 208)

b)Adapter, préparer qqc. en vue de son utilisation.

..lequel [un homme qui prétend voler] monta tout au plus hault de la tour avecques ses esles, lesquelles faignoit tousjours approprier si que tout le dit jour fut passé presque au soleil resconsant que tous estoyent tant lasséz que plus ne povoient. (Tardif, Facéties Pogge M., c.1490, 109)

c)Répartir [la matière d'un livre] de façon convenable.

Finablement cest present escript j'ay divisé et parti par distingant en sept libelles, petis livres, et en un chascun d'iceulz, j'ay approprié et assigné leurs materes singuleres et leurs propres rubrices. (Somme abr., c.1477-1481, 99)

5.Emploi absolu. Associer de manière convenable un mot et une interprétation exégétique.

...les six autres mots [du Christ sur la croix] , selon une maniere d'approprier sont contraires aux six autres peches. En ce premier mot est benignite contre ire (Gers., Passion II G., 1403, 500)

B. -[Idée de faire de qqc. la propriété de qqn] Approprier qqc. à qqn

1.Attribuer qqc., l'accorder en toute propriété à qqn.

...et quant aucuns de la dite marquisté virent ce ilz cuiderent que ilz peüssent approprier la seigneurie de la dite marquiseté aus grans seigneurs leurs voisins (Vignay, Théod. Paléol. K., c.1333-1350, 33)

Mais il me couvenoit garder Qu'a vendre ne le demandasse, Car jamais ne l'apropriasse A moy par si faite maniere. (Mach., D. Aler., a.1349, 309)

Au propos tous nous concedons Que Cristus, que nous actendons, Sera filz d'ung roy noble et franc, Car, s'il n'estoit de noble sang, Mal luy duiroit la seigneurie Que la lectre lui approprie Qu'il nous doit regir francs et quictes. (Gréban, Pass. J., c.1450, 117)

Le dessus dit apologue veult innuer et donner a entendre que nul ne doit plourer ne soy desconforter se il pert les biens et richesses temporelles lesquelles Fortune lui a prestees, car ce ne peult tousjours demourer avecques l'omme qui par Nature ne lui est approprié et donné. (Tardif, Apologues R., c.1493-1498, 89)

2.Au figuré. Attribuer (une qualité, un bien) à qqn ; le considérer comme propre à qqn.

Selonc verité Dieu est en ciel et en terre et partout, mais l'en li approprie le ciel par especial pour la noblesce du lieu et pour ce que yleuques apparoissent les oeuvres de Dieu plus mervilleusses. (Oresme, C.M., c.1377, 86)

3.Approprier qqn + subst. Attribuer à qqn la qualité de, le considérer comme.

Et, quant est au commun langaige Qui Crist le veult approprïer [Jésus] , Ce point leur voulons nous nÿer. (Myst. Pass. Troyes B., a.1482, 533)

C. -[Idée de comparer, de rapprocher les propriétés d'une chose et d'une autre] Approprier qqc./qqn à qqc./qqn. Comparer qqc./qqn à qqc./qqn.

Pour ceu qu'elle veoit que au roy estoit jugie Pour ceu c'on ne trouvoit en ceste mortel vie Damme qui ressamblaist la royne jollie, Qui a ceu tempz avoit estéit ensevellie, Fors soullement son corpz, elle y est aproprie Ou samblant de sa mere de la chevaillerie ; Maix la franche pucelle qui estoit corroussie S'avisait per queilz tour seroit si changie Que pas ne ressambleroit sa mere qui est finie. (Lion Bourges K.P.F., c.1350, 869)

Si peut bien estre ceste beste [le cerf] approprie et figuree aus gens de l'eglise, quer les dis dois qui sont es mains des prestres representent les dis commandemens, entre lesquielz Nostre Sire Jhesu Crist est veu et regardé haut sus leur testes. (Henri Ferr., Modus et Ratio, Livre deduis T., c.1354-1377, 142)

Le dein et le chevreul sont deus bestes qui ont cornes, et ycelles representent tous jours couronnes, pour quoi je puis aproprier ches deus bestes aus empereurs et aus roys et a tout l'estat noble. (Henri Ferr., Modus et Ratio, Livre deduis T., c.1354-1377, 143)

Bien puis ma vie a la Medee Parellement appropriier, Qui fist ja la toison doree A Jason en Colcos gagnier. (Froiss., Ball. B., c.1362-1377, 40)

Assimiler qqc. à qqc..

[Deux personnages ont reçu de l'argent de l'ennemi] Et voloient les aucuns en Angleterre ce fait approprier à traïson (Froiss., Chron. M., XIV, c.1375-1400, 36)

II. -Emploi pronominal.

A. -S'approprier à qqc. S'adapter à qqc..

Ung homme internel se recueille tantost, car jamais il ne s'espant tout aux choses exteriores. A ung tel ne nust point labeur exteriores ou occuppacion a temps necessaire, mais il s'approprie aux choses ainsi comme elles lui adviennent. (Internele consol. P., 1447, 8)

B. -[D'une chose] Convenir, être convenable.

Des choses attribuees aux persones divines on puet parler en deux manieres : ou selon la realité, et par telement parler tous sont une chose totalement, ou selon raison, et par ceste maniere aucuns d'eulz [des noms essentiels] se approprient, aucuns non. (Somme abr., c.1477-1481, 159)

C. -S'approprier qqc. Faire sien qqc. ; le prendre pour soi.

Or a en vous tant d'avis et de bien Que j'ai espoir, ensi je suppose, Que vous ferés de ceste simple chose Que j'ai a moi appropriie et mise, Compte moult grant (Froiss., Orl., 1368, 110)

...se aucun met en sa cloison ou approprie à lui le chemin commun ou le passe commun, il doit LXV solz pour l'amende (Cout. bourg. glosé P.M., c.1380-1400, 236)

Quant un homme treuve en son pourpris un vaisseau d'eeps atachies en un arbre, s'il ne l'estrine d'une piece d'argent, c'est mauvais signe. Glose. Baudinon Gorgette dist que cellui qui approprie a soy les eeps sans les estriner, comme dist est ou texte, elles ne feront que picquier cellui et jamais ne l'aimeront ne lui feront prouffit. (Ev. Quen., I, c.1466-1474, 93)

III. -Participe passé en emploi adjectival.

A. -[D'une pers.] Adapté à tel état.

Vous estes d'aage pour ce faire, Propre, gente, mixte et habille Et me semble pour une fille Que bien estes appropriee, Mais n'estes vous point mariee ? (P. moyne, a.1500, 45)

B. -[D'une chose]

1.Adapté, spécifique.

Et ceste duracion n'a pas nom aproprié fors que en latin puet estre dicte evum. (Oresme, C.M., c.1377, 162)

2.(Estre) approprié à/pour qqc. (Être) adapté à qqc..

Item, encore appert il autrement par ce que chascune delectacion est appropriee a l'operacion que elle parfait et a a elle une affinité, et delectacion acroist et fait plus grande l'operacion a laquelle elle est propre. (Oresme, E.A., c.1370, 510)

Et se lez aultres exemples te estoient obscures, ou moins appropriez a ton entente, en cestuy ne peulz tu nier la verité du fait, ne mescongnoistre la partie de ton cas. (Chart., L. Esp., c.1429-1430, 148)

...tout fut prins par les officiers du roy ; c'est assavoir tous les meubles appropriez pour l'ostel (Juv. Urs., Nescio, 1445, 496)

Approprié à + inf. Rendu apte à.

Le second [chapitre] en soy veult traictier Maint remède particulier, Faiz par diverses médicines, Apropriées et moult dignes, à préserver nature humaine Contre boce (La Haye, P. peste, 1426, 112)

3.(Estre) approprié à qqn

a)(Être) attribué en propre à qqn.

Maiz le povoir d'omme est reglé en ce qu'il veult, selon droit de france seigneurie. Pour les bestes donc ne fut pas suffrage d'oreison establi, comme elles aient leur estre et leurs fins arrestez et determinez. Ainçoys est approprié a homme, qui est en la queste de sa perfection (Chart., L. Esp., c.1429-1430, 151)

...bon et entier jugement de raison et force d'armes (...) lesquelles choses ne sont point appropriees a femmes (Juv. Urs., T. crest., c.1446, 49)

(Être) attribué en propre [à une des trois personnes divines].

Le Filz dont est apellé la sapience du Pere, non pour tant que le pere est sage par la sapience engendree, mais pour ce qu'il a engendré son Filz, auquel est approprié sapience. (Somme abr., c.1477-1481, 110)

Ces trois personnes (...) ilz se entreaiment d'amour essenciele, qui est appropriee au Saint Esperit. (Somme abr., c.1477-1481, 115)

Combien que tous noms essenciaulz qui signifient par maniere d'essence peuent convenir equalement a toutes les personnes, neentmoins au Pere est approprié puissance, au Filz sapience et bonté au Saint Esperit. (Somme abr., c.1477-1481, 159)

Qui est attribué, qui appartient en propre.

Es personnes divines, nous trouvons deux manieres de emanacions. L'une est naturele et par maniere de nature, et ceste est ditte generation, selon laquelle le Filz est du Pere. L'aultre est par maniere de voulenté, et ceste est dicte procession appropriee. (Somme abr., c.1477-1481, 115)

b)Approprié [d'un animal]. Consacré, associé à.

...ce jeu de Luparcal (...) qui est dit de loup consacré et approprié, est aussi a l'onneur de la louve qui les nourry. (La Sale, Sale D., 1451, 176)