AMASSER

verbe

[T-L : amasser ; GD : amasser ; GDC : amasser ; AND : amasser ; DECT : amasser ; FEW (VI-1, 444b-446a) : massa ; TLF (II, 673a) : amasser]

I. -[Réunion de choses]

A. -Emploi transitif.

1.Prendre par terre (des choses de même nature) et les réunir en une masse.

a)Mettre en tas (de la poussière, du foin...).

Car qui vertuz en lui assemble Sanz humilité, il ressamble A celui qui la pouldre amasse Au vent, et le vent la detasse Et la gaste (Mir. st Ign., 1366, 92)

Terres labourables es lieux où lesdits pasturages sont communs en la forme susdite, dès ce que le blé est semé jusques ad ce qu'il soit cuilli et hors desdites terres, sont deffensables, et encores deux moys après pour amasser le chaume et buailles pour faire lestières aux bestes là où on les a acoustumé cueillir. (Vieux cout. Poitou F., c.1451-1454, 245)

Sensuit la despence des fenoysons, et tant pour faulchier, que pour fener et pour faire recuilhir et amasser et estrenier les foings de notre sire le roy, à Gardane seulement (Comptes roi René A., t.1, 1473, 90)

b)Recueillir (ce qui est dispersé sur le sol, dans la nature).

[Des fruits de la terre]

Puis sur le vert marchons a contrepois Pour amasser febves en contre poys, Pois contre febves es jardins et aux champs (La Vigne, S.M., 1496, 331)

[Des paillettes d'or au fond d'une rivière]

...quant lesdicts habitans cueillans et amassans ledict or [de paillolle] ne se veullent composer et payer lesdicts truaiges, ou qu'ilz ne veullent prendre congié d'eulx ou de leurs juges de cueillir et amasser ledict or, lesdicts seigneurs spirituelz et temporelz, ou leurs officiers pour eulx, les executent réaument et de faict, en leur ostant leurs engins ou instrumens necessaires audict mestier, prennent et emportent leurs robbes ou vestemens, les constituent ou font constituer prisonniers, les traveillent par procès de nouvelleté (...) et les chassent et mectent hors d'icelles rivieres (Ordonn. rois Fr. P., t.17, 1472, 487)

c)Par analogie. Relever une chose tombée à terre, ramasser.

En ce cas, il conviendra qu'il trote a pié et qu'il soit tourjours quant et quant, et encore lui demande elle souvent des prunelles des bussons, des serises ou des poires, et tourjours lui donne paine, et avant lesseroit elle cheoir son fouet ou sa verge ou aultre, afin qu'il les amasse pour les lui bailler. (Quinze joies mar. R., c.1390-1410, 70)

Et ainsi que ledit suppliant amassoit à terre sadicte dague, ledit Jehan Payneau qui avoit prins une grosse pierre en son poing, luy donna de ladicte pierre ung cop par la teste (Doc. Poitou G., t.12, 1477, 164)

2.Par extension.

a)Accumuler (des biens, des richesses).

Car grant scens ne fin or en masse, Dont Juno a tant et amasse, Ne valent en ceste besongne, S'il ne me plaist, une escalongne. (Mach., F. am., c.1361, 207)

...prier pour les trespassez Qui ont acquis et amassez Les biens dont j'ay si largement (Mir. chan., c.1361, 144)

...et me feray du nombre Des povres pour ma vie avoir, Ne quier amasser autre avoir (Mir. st Alexis, 1382, 323)

...plus engrans (...) d'amasser argent en somme (Desch., M.M., c.1385-1403, 153)

Par celle porte fault passer Qui grant avoir veult amasser, Sanz lui nul bien ne se chevit (Chr. Piz., M.F., I, 1400-1403, 79)

Pour quelque paine que je mette A cabasser n'a ramasser, Nous ne pouons rien amasser (Path. D., c.1456-1469, 48)

Participe passé.

Gardés vos tresors amassés, Vostre scens et vostre clergie (Mach., F. am., c.1361, 219)

Emploi pronominal à sens passif.

...pecune, qui communement se amasse par la desloyaulté dez acquerans (Chart., L. Esp., c.1429-1430, 104)

Emploi absolu. Thésauriser.

...aussi com j'ay erré Par avarice en amasser, Aussi mon temps vueil dispenser En vous servir (Mir. pape, 1346, 386)

Mais depuis qu'il penserent a amasser, batailles perilleuses sont sourses, et moult de pechiez ; puis que la povreté de Rome fina, il n'est pechié qui ne regne. (Ferron, Jeu eschaz mor. C., 1347, 144)

En mon temps j'ay trop peu pensé A amasser, dont je suis nice, Helas, se j'eussë amassé A present me fust bien propice (Régn., F.A., 1432-c.1465, 12)

Sy habondant richesse superflue Ne doit nourrir le cueur en avarice, Maiz convient bien qu'elle passe et defflue Plus promptement qu'elle n'est obtenue, Pour eviter ce tresmaleureux vice. Et puisque ell'est a vostre estat propice, Joïssez en et la faictez passer En main de temps qu'on ne peut amasser. (Michault, Doctr. temps prés. W., 1466, 34)

Il fait bon amasser en l'esté pour vivre en l'iver, ainsi que tu peuz veoyr par ceste fable d'une sigaille qui alla demander, le temps de l'yver, a la formys du blé pour menger. (Macho, Esope R., c.1480, 145)

Remarque : Prov.

Bourgois, hastes vous sans tarder. Vous n'aves avoir ne richesse Qui vous puisse de mort garder. Se des biens dont eustes largesse Aves bien usé, c'est sagesse. D'aultrui vien tout, a aultruy passe ; Fol est qui d'amasser se blesse. On ne scet pour qui on amasse. (Gers., La Danse macabre, c.1423. In : Oeuvres compl., éd. P. Glorieux, t.7, 1967, 292)

b)Réunir, rassembler, accumuler (des éléments dispersés).

[Des choses abstr.]

Je faiz tresor de regrez que j'amasse (Chart., Compl., 1424, 325)

C'est une dangereuse espergne D'amasser tresor de regrés (CH. D'ORLÉANS, Rond. C., 1443-1460, 347)

Qui est au monde le record Qui plus me pourroit esjouïr ? Quel nouvelle pourroy ouÿr Par quoy plus de plesir amasse ? (Gréban, Pass. J., c.1450, 419)

LE CHRESTIEN (...). Consideré le cours du temps passé Que j'ay passé, de bon cueur trespassé, Mal compassé, d'honneur pou amassé, Tout bien pensé, ne sçay que doye faire. (Mir. st Nic. juif, c.1480-1500, 73)

Participe passé.

Se laissay les tourbles pensées, Qui a moy furent amassées (Mach., D. Aler., a.1349, 343)

...les griés pensées Qui sont en son cuer amassées (Mach., Voir, 1364, 8497)

Participe passé. [De nombres] Ajoutés les uns aux autres.

Car, comme il est ailleurs escript, Arresté, noté et descript, Les Planètes, expressément Cy nommées prouchainement, Qui occupent les plus haulx lieux En leur ordre dedens les Cieulx, Aprez que Dieu par charité Voult recevoir humanité, Trèze cens ans desjà passez Et quinze troiz foiz amassez, S'assemblèrent en Parlement, Qui fut tenu piteusement En temps d'yver, quant la froidure Déust régner par sa droiture Dedenz le palaiz ou manoir De Saturne, hideux et noir, Au contraire d'umain lignage (La Haye, P. peste, 1426, 24)

Réunir en collection (des livres, des lois...).

...car ilz cuident que a mectre les loys il ne convient autre chose fors congregier, amasser ou assembler et concueillir les loys anciennement approuvees, et aprés eslire celles qui semblent estre tres bonnes. (Oresme, E.A., c.1370, 538)

Cestui sceut de la science des estoilles bien largement et fut ententif à amasser livres d'icelle science et vaquoit moult à l'estude d'icelle. (Simon De Phares, Astrol., c.1494-1498, f° 149 r°)

Amasser les deniers. Collecter les redevances.

...luy avons octroyé et accordé que les gens de la chambre des comptes de nostredict frere et de sesdicts hoirs masles tant qu'il y en aura, de hoir masle en hoir masle, auront pouvoir et auctorité irrevocable, de par nous, de ouyr, clore et affermer tous les comptes de grenetiers et de receveurs et autres quelconques officiers qui seront commis à recevoir et faire venir, cueillir, lever et amasser les deniers desdicts greniers, gabelles, tailles, aydes, impositions et aultres subsides extraordinaires qui se leveront audict duché (Ordonn. rois Fr. P., t.16, 1465, 400)

3.Amasser qqc. à qqc. Adjoindre, ajouter qqc. à qqc. (pour former un tout).

... [Mahomet] voulut prendre et amasser a sa doctrine de toutes lez loys pour gaigner gens de toutes parties (Chart., L. Esp., c.1429-1430, 120)

B. -Emploi pronominal. [D'une chose abstr.] S'amasser qq. part. Être rassemblé qq. part.

Mais n'ommes pas loisir de sejourner La longuement ne gaires d'esrener, Quant la soingneuse Et trés vaillant, noble religieuse, Ma redoubtée dame gracieuse, Marie de Bourbon, qui est prieuse De celle place, Tante du roy de France, en qui s'amasse Toute bonté et qui tout vice efface, Si nous manda de sa benigne grace Que allissions Devers elle (Chr. Piz., Dit Poissy R., 1400, 166-167)

II. -[Réunion de pers., d'animaux]

A. -Emploi transitif.

1.Rassembler (une collectivité).

Et, adonques, Xantus, ayans fiance des parolles de Esope, l'endemain s'en va a la place de Samye et amassa tout le peuple (Macho, Esope R., c.1480, 50)

Et Esope fist amasser tout le peuple a une heure certaine et, adonques, se mist au siege et leur recita les lectres realles comment le roy les remetoit en leur liberté et franchise. (Macho, Esope R., c.1480, 57)

Participe passé. [De plusieurs pers. ou animaux] Rassemblé, réuni.

Cis bestiages amassés Entour moi contreval ces roches (Mach., Voir, 1364, 7018)

2.En particulier. Assembler (des hommes de guerre) pour constituer une armée.

...touttes ces gens qu'il avoit là assamblez et amassez n'estoient point tous d'ung courraige (Froiss., Chron. M., XIV, c.1375-1400, 66)

Et, quant le roy ouÿt ceste responce, fut moult couroucé et amassa ses gens d'armes avecques tous les nobles de son royaulme et assembla une grant armee pour destruire les Samyens. (Macho, Esope R., c.1480, 54)

Cestui Myno fut très subtil astrologien et beau personnage et ot don de langue. A ceste cause il fut envoyay par icelui Xerxes amasser gens et navires, pour venger la honte que les Grecs avoient faicte à son pere et, quant tout fut ensemble, en mer se trouva IIIm nefz et XIIc gallées, et en terre des subjectz dudict Xerxes VIIc mil hommes et des terres voysines IIIc mil hommes (Simon De Phares, Astrol., c.1494-1498, f° 46 v°)

...et avoit le duc de Bourgoigne fait publier son mandement en ses pays pour amasser ses gens d'armes (Le Clerc, Interp. Roye, c.1502, 233)

Amasser l'ost

A Cirus le couvint passer, Et l'ost, qu'il ot fait amasser (Chr. Piz., M.F., II, 1400-1403, 200)

B. -Emploi pronominal.

1.[De deux pers.]

a)Se réunir, se rencontrer.

Li rois Phelippes et li signeur de France (...) se amassoient a Paris (Froiss., Chron. D., p.1400, 700)

De le trasser Je vois penser Par ses desers, Et tracasser Fort, sans cesser Tort et travers. Ilz sont divers, Bois y sont vers Et dangereux a traverser, Mais, soit a l'endroit ou l'envers, S'il n'est mort et mangé des vers, J'ay espoir de nous amasser. (Myst. Viel test. R., t.3, c.1450, 267)

b)[Avec idée d'hostilité] S'amasser l'un à l'autre. En venir aux mains.

Forte fut la batailhe, de nulle rins n'abasse, Mais enforche todis ; l'un à l'atre s'amasse. Qui là veist Franchois, coment cascun s'entasse Plus fort entre ces Huenx que relique en la casse. (JEAN D'OUTREM., Geste Liège B.B., t.2, a.1400, 558)

2.[D'une collectivité]

a)Se rassembler.

Le marchés n'yert pas trop parfont, Maiz des oiseaulx y ot assés, Qui c'estoient la amassés (La Buigne, Rom. deduis B., 1359-1377, 430)

Pour ce [amour] en telz lieux femmes s'amassent. (Desch., M.M., c.1385-1403, 134)

[Var.] Et quant Esope se fut partit du païs de Delphie tous les faulx traistres mauvais et desloyaulx se vont amasser et tous s'en vont courir aprés le bon Esope... (Macho, Esope R., c.1480, 70)

b)[Avec idée d'hostilité] S'amasser contre qqn. Se réunir, se liguer contre qqn.

Puis que son mal [l'amant] lui a fait dire, Et aprés lui pour temps passer J'ay voulu ses plaintes escrire Sans un seul mot trespasser, S'en doit tout le monde amasser Contre moy a tort et en vain, Pour le chestif livre casser Dont je ne suis que l'escripvain ? (Chart., E. Dames, 1425, 369)

III. -Participe passé en emploi adjectival. [Idée de masse]

A. -Qui a thésaurisé, qui est riche, nanti.

Remarque : Boece en rime A., c.1350-1375 (J. K. Atkinson, R. Ling. rom. t.75, 2011, 477).

B. -Qui présente des formes ramassées.

Il sont petis et vermeillez Aussi comme deux tercelez, Beau pié, beau bec, bien amassés, Bien tailliez et bien colorez. (La Buigne, Rom. deduis B., 1359-1377, 441)

Merveiller me puis Par ou ce geant est passez, Car il est gros et amassez ; Bien say qu'il entra cy ou la. De la ? Non point ! par cy coula ; Veez cy la place tout a point Ou il entra, je n'en doubt point. (Coudrette, Mélus. R., c.1401-1402, 268)

SAINT PIERRE. Sire, quant vous parlez de glaives, Veez en cy deux bien amasséz. (Gréban, Pass. J., c.1450, 245)

C. -Or amassé. Or en masse.

Alixandre ne donnoit seulement Qu'argent ou or, moulu ou amassé, Mais madame sy y met proprement Son cuer, son corps par son humilité, Et de ses biens charge si grant plenté, Par son franc cuer et par sa grant noblesce, Que maint en ont sus le fardel sué (Recueil galant. V.-B., c.1350-1400, 89)

Helas, s'aucuns ou temps passé Ont riens fait pour avoir offices Ou pour avoir or amassé Ou pour avoir des benefices, Certainement ilz sont bien nices Se leur temps n'ont bien compassé, Car on rendra compte des vices Après qu'on sera trespassé. (Régn., F.A., 1432-c.1465, 73)