SEMER

verbe

[T-L : semer ; GDC : semer ; DECT : semer1 ; FEW (XI, 434) : seminare ; TLF (XV, 298a) : semer]

Emploi transitif.

I. -[En rapport avec seminare]

A. -Au propre. Faire les semailles.

Semer (une terre). Ensemencer (une terre).

Ceste dame ert Cerés nommee, Par qui et aree, et semee, Et fumee, affin qu'elle engresse, Fu la terre arable de Grece. (Chr. Piz., M.F., II, 1400-1403, 284)

Et puis s'en partist et actendist a revenir, jusques ad ce qu'ilz eussent arriere semé les terres par tout le pas. (La Sale, Salade, c.1442-1444, 59)

Semer (du grain)

...si comme se le prince commandoit que le filz se armast pour la deffense de la cité, et le pere commandast que il alast vendre ou semer du blé. (Oresme, E.A.C., c.1370, 459)

Primo est a noter que tout ce que l'on seme, plante ou ente, l'en le doit semer, planter ou enter par temps moite, et au soir ou au bien matin avant l'ardeur du soleil, et en decours, et doit l'en arrouser le pié et la terre et non la fueille. (Ménagier Paris B.F., c.1392-1394, 118)

Nota que le percil qui est semé la veille de Nostre Dame en mars yst de terre a neuf jours. (Ménagier Paris B.F., c.1392-1394, 119)

Nous perdismes nostre froment, Que entan nous semasmes ès terres, Pour la gelée dure et grant Qui les mist à confondement. (Monstrelet, Chron. D.-A., t.6, c.1444-1453, 187)

Et selon ceste maniere raison est naturele au grain, quant il est semé a produire blé ou fourment ou aveine ou pois, et ceste maniere n'est pas miracle. (Somme abr., c.1477-1481, 163)

...et, entre aucunes, monstrerent aux simples gens le cultivement des terres et puis Cerès vint, qui leur montra à semer blé, car au devant ne menjoyent que glans et fruit tout cru. (Simon De Phares, Astrol., c.1494-1498, f° 21 r°)

Emploi absolu.

Et a bon droit est dit dessus 'soubtieng', c'est a dire acteng pacianment, contre cheulx lesquelz, aussi tost que ilz ont semé, veullent mengier les fruis de la semence. (Daudin, De la erudition H., c.1360-1380, 88)

Le monde fault resdiffïer, Nul ne fault oyseulx demorer, Il fault semer et labourer. (Pass. Semur D.M., c.1420 [1488], 30)

L'un seme, l'autre moissonne ; L'un pugnist, l'autre pardonne. L'un merit, l'autre guerdonne (Chart., L. Esp., c.1429-1430, 112)

...fist en sa viellesse le livre De agricultura, fut en ce temps erudicq en la science des corps celestes et le monstre bien en icelui livre ouquel il reduit à diverses plantes aucunes estoilles et aussi aux ellections qu'il enseigne prandre à planter, semer et anter. (Simon De Phares, Astrol., c.1494-1498, f° 71 v°)

Semer de semence

...et la terre plaine de chardons, d'espines, et de buissons mal composees et plaine d'arbres sauvaiges avoir apris de l'embellir et nettoyer par labour, et semer de semence, laquelle par la cultiveure devint de sauvaige en franche et domestique ou prouffit comun et publique ? (Chr. Piz., Cité dames C., c.1404-1407, 749)

[Métaph. d'ordre sexuel] Semer sa graine dans le champ de qqn

Sy ne pers pas la graine que je sume En vostre champ, quant le fruyt me ressemble ; Dieu m'ordonne que le fouÿsse et fume, Et c'est la fin pourquoy sommes ensemble [Robert d'Estouteville et Ambroise de Loré] . (Villon, Test. R.H., 1461-1462, 112)

[Empl. abs.] Semer. Répandre sa semence.

...et incontinent apres qu'elle eust la teste droite et sans ce que ses jambes feussent encoires totalement entre les siennes, par la chaleur en laquelle il estoit sema et fist semance sans aulcunement la congnoistre (Doc. 1463. In : H. Haustein, Z. fr. Spr. Lit. 52, 1933, 112)

Locution.

[Pour figurer une action vouée à l'échec] Semer son grain sur la pierre dure/sur espines

Dont il est dit en Jeremie ou .IIIIe. chapitre : 'Apointiés vostre terre de nouvel et ne veulliés pas semer sur espines, afin que, quant le semenche proufitera et vendra a perfection, on puist le fruit messonner'. (Daudin, De la erudition H., c.1360-1380, 89)

Si deuez querre le prouffit de vostre ame, et en verite [l. verité] cellui est moult fol, qui seinne [l. seime] son grain sur la pierre dure et qui gette a ses piedz la raison que on lui a remoustree. (Miélot, Mir. N.D. W., 1456, 78)

Semer qqc. es chardons

Et ores, a la seule requeste d'Ardant Desir et de Bonne Esperance, sans nulle bonne oeuvre qu'ilz saichent moustrer, nous requerez que la riche science de nostre belle forge par adventure soit semee es chardons. (Mézières, Songe vieil pèl. C., t.1, c.1386-1389, 204)

[Pour figurer le mépris dans lequel on tient qqc.] Semer qqc. entre les pourceaux

Si comme quoy se sapience qui est grant vertu estoit semée entre les pourciaulx folie seroit au semeur et non pas sapience. (Chr. Piz., Paix W., 1412-1413, 66)

Proverbe. Ainsi qu'on seme il convient cueillir. On récolte ce qu'on a semé.

De tel pain souppe fault servir, A trompeur trompeur et demi ; Tel qu'on seme couvient cueillir. (CH. D'ORLÉANS, Rond. C., 1443-1460, 383)

Qui veut cueillir de la blarie semer convient. Si on veut récolter il faut semer.

Quy veult cueillir de la blarie, Semer convient (Croix Faub. T.C., c.1450, 171)

B. -Par analogie.

1.Semer qqn

a)[De Dieu] Faire exister qqn.

Cil qui les hommes a semé En terre, adfin que lui obeissent (...), S'il avoit a ses gens donné Licence qu'ilz lui desobeissent, Nostre debat seroit finé. (Martin Le Franc, Champion dames I-II, P., 1440-1442, 89)

b)Disperser, disséminer (une troupe, un élément militaire).

...Jehan Lions avoit ja tant semés de blans capprons aval la ville... que on ne l'osoit asaillir (Froiss., Chron. R., IX, c.1375-1400, 171)

Et encores le duc de Bourbon fit semer, bien tard, autour de son palis, quatre tonneaulx de chauldes trappes, à deux lances entour près de son parc. (CABARET D'ORV., Chron. Loys de Bourb. C., 1429, 81)

Et, pour resister à leur artillerie, il avoit deliberé de semer parmy les champs son artillerie en petis buyssons, en bruyeres, en blez, en petis fossez et en lieu où on ne les pourroit bonnement veoir et estre si loing comme la portée de leurs bastons. (Bueil, II, 1461-1466, 232)

Emploi intransitif. Essaimer.

...Tous laisserent leurs regions, Et firrent la leurs mansions. Tant se sont illecques amé Qu'en pluseurs lyeulx orent semé, La ot beau lieu et delitable. (Renart contref. R.L., t.1, 1328-1342, 205)

2.Semer qqc.

a)Répandre qqc. (sur le sol).

Jonchier la chambre druement, Et l'arrouser légiérement D'eaue très froide et de vinaigre, Fort odorant, poignant et maigre, Et dessuz semer volentiers Des roses et fleurs d'aiglentiers O feuilles d'ongle cabaline (La Haye, P. peste, 1426, 81)

...et, pour reveillier les passans, ledit Martin fit semer argent en très grande habondance [à l'occasion d'un baptême princier] . (Molinet, Chron. D.J., t.2, 1474-1506, 471)

Comment Jason sema les dens du dragon dont saillirent hommes armez qui s'entretuerent. (La Marche, Mém., II, c.1470, 361)

Et es degrez en sa chambrette Des pois semeras s'il te hayte Et tout ainsi qu'il descendra Et d'aller il s'avancera Il tresbuchera a grant tas Et si cherra du hault en bas (Myst. st Martin K., a.1500, 304)

En particulier. Verser (des larmes).

Lors ne fut nul sy inhumain Qu'il n'eust mainte larme semee (Vie st Eust. 2 P., c.1400-1450, 216)

b)Parsemer, décorer, orner (un lieu, un objet, un vêtement...) (de qqc.).

Car j'ay entendu par aucuns: qui seme sa chambre des fueilles d'aune, les puces s'i prennent. (Ménagier Paris B.F., c.1392-1394, 101)

Sa vesteure toute doree Fu semee de marguerites Et de precïeuses eslittes Pierres (Chr. Piz., M.F., III, 1400-1403, 34)

...fleurs de lis et grans estoilles pour semer le dossier de l'eschaffaut de la Trinité sur le beuffroy, le siel de la fontaine (Entrées roy. G.L., 1486, 288)

A luy pour IX grosses et demie de petites fleurs de lis pour semer les robes des rois de l'abre... (Entrées roy. G.L., 1486, 288)

3.Participe passé en emploi adjectival.

a)[D'un lieu, d'un vêtement, d'un objet...] Semé de qqc. Parsemé de qqc..

...M'en alay parmi le vergier, Pour ce qu'onques, a droit jugier, Nul si trés bel veü n'avoie ; Car il n'i avoit lieu ne voie Qui ne fust semez de flourettes Blanches, jaunes et vermillettes Ou d'aucune estrange colour. (Mach., D. verg., a.1340, 14)

...2 tapiz à champ d'asur, semez de fleurs de lis d'or, contenant 12 aunes quarrées, livrés en la dicte chambre pour faire bahus à couvrir les deux sommiers du corps du Roy. (Comptes argent. rois Fr. D.-A., I, 1352, 110)

...1 hannap à couvercle semé d'esmaux, avec une chopine de celle mesmes façon (Comptes argent. rois Fr. D.-A., I, 1352, 169)

Messires Thomas Wage, au departement de la roine, avoit ordonné un tabar armoiiet des armes le signeur Espensier, et ce tabar semet de cloquetes. On le vestiet (Froiss., Chron. D., p.1400, 91)

Premierement, une mittre d'or, semée de perles, garnie de pierrerie, en laquelle fault en la partie de derriere cinq pierres (Fauq., II, 1421-1430, 116)

Et si en ay un autre [parement] (...) qui est de satin cramoisy, tout semé de branlans d'or esmaillié de rouge cler a une grant bande de satin blanc toute semee de branlans d'argent a trois lambeaux de sactin jaune tout semé de branlans de fin or luisant, qui seront mes armes. (La Sale, J.S., 1456, 90)

...subitement vis droit cy entrer en ce temple l'image d'ung roy et vestu de pourpre semmie [var. semé, semmé ; pourpre peut être masc. ou fém.] de luppars, portant couronne en teste et sceptre en main (Chastell., Temple Boc. B., 1463-1464, 27)

[Dans un cont. métaph.]

Tous a genoulz nous meismes humblement, Et Jennesse parla premierement Disant : «Treshault et noble puissant Prince, A qui subgiet est chascune province Et que je doy servir et honnorer De mon povair, je vous vien presenter Ce jenne filz qui en moy a fiance, Qui est sailly de la maison de France, Creu ou jardin semé de fleur de lis, Combien que j'ay loyaument lui promis Qu'en riens qui soit je ne le lyeray, Mais a son gré son cueur gouverneray.' (CH. D'ORLÉANS, Ret. am. C., 1414, 6)

b)[De personnes/d'objets]

[De personnes] Réparti.

Et au voir dire, li rois de Navare avoit pluiseurs amis semés et acquis parmi le royaume de France (Froiss., Chron. L., V, c.1375-1400, 130)

[D'objets divers]

Disséminé.

Lors commencièrent li arcier françois (...) à recueillier saiettes de toutes pars, car grant fuison en y avoir semées sus les camps (Froiss., Chron. L., V, c.1375-1400, 76)

Mais ce ne se peut soustenir quant au ciel ou sont les estoilles fichiees, car elles sont semees partout environ, qui ne voudroit signer aucunes de elles et dire que elles sont les plus nobles ; mais ce seroit un dit voluntaire et sanz raison. (Oresme, C.M., c.1377, 330)

...ledit escuïer portoit une sainture couvertes de pelles semez, à boucle et mordant d'argent, et quant il ne la portoit, il mettoit icelle en sa male (Reg. crim. Chât., II, 1389-1392, 40)

...batons doubles appellés copeis, faiz au travers d'icelles houppellandes tout du lonc et au travers des manches, entre lesquelz bastons sont faictes de broderie, ceintures et lettres qui dient Esperance, et plumes aux bouz avecques annelès faiz de broderie de fil d'or et d'argent de Chypre, et fleurettes de mars semés parmy. (Comptes argent. rois Fr. D.-A., II, 1387, 192)

Et pluisseurs fois avint que qant je cevauchoie sus le pais avoecques lui, car les terres et revenues des barons d'Engleterre sont par places et moult esparses, il m'apelloit et me dissoit : 'Froissart, veés vous celle grande ville a ce haut clochier ?' - Je respondoie : 'Monsigneur, oil. Pourquoi le dittes vous ?' - 'Je le di pour ce : elle deuist estre mienne, mais il i ot une male roine en ce pais, qui tout nous tolli.' Et ensi par pluisseurs fois m'en monstra il semees en Engleterre plus de .XL. (Froiss., Chron. D., p.1400, 109)

HÉRALDIQUE

[D'un motif] Répandu en nombre indéterminé.

À quelle occasion les roys de France ont tousjours volentiers porté pour enseigne le cerf à dix rames et le liz semé sur champs, comme se peut encorre veoir à l'ostel de Saint Pol et des Tournelles et en plusieurs lieux par France (Simon De Phares, Astrol., c.1494-1498, f° 144 r°)

[Du fond, du champ de l'écu] Décoré, orné, parsemé (de qqc.).

...ung bancquier dont le champ est blanc, contenant trois aulnes et demie de long et trois quartiers et demy de large, à une angelocte tenant les armes dudit Cuer, seymé à sa devise (Aff. Jacques Coeur M., 1453-1457, 633)

Item, et le noble homme qui touchera à l'escu noir semé de larmes d'or sera tenu de courre onze courses de lance à fers esmouluz, à cheval, en selle et harnois de guerre, à l'encontre pareillement de l'ung de ceulx qui gardent le pas (La Marche, Mém., I, c.1470, 285)

Cedit mesmes jour, ung nommé Voiaul d'Imonville, qui, pareillement, estoit serviteur dudit conte, s'en estoit allé en la salle du chasteau dudit Mehun, où gisoit mort ledit feu roy Charles sur ung grant lit de parement couvert d'une couverture de veloux bleu, semée de fleur de liz, qui estoit merveilleusement belle, et y avoit plusieurs torches alumées et grant quantité de cierges, et plusieurs grans seigneurs et dames qui pleuroient et gemissoient ledit feu roy Charles. (Le Clerc, Interp. Roye, c.1502, 143)

[Dans une métaph. amoureuse]

Un cuer de gueules a enmi, Feru d'une flesche par mi De sable ; mais onques ne fu Tel fer qu'elle a, qu'il est de fu, A cinc labiaus de fin argent ; Et trop y affiert bel et gent Ce qu'il est tous semés de larmes. Ce sont les droites pleinnes armes Dou fin amant sans difference ; Mais enarmez est d'esperence. (Mach., R. Fort., c.1341, 67)

C. -Au figuré.

1.Semer qqn.

Semer qqn en qqc. Susciter, faire exister qqc. en qqn.

...il nous est escript Que Cristus, pour nous racheter, A nous se doit magnifester Et semer en amour divine Le peuple par bonne doctrine. (Gréban, Pass. J., c.1450, 138)

2.Semer qqc. Répandre (en divers lieux), diffuser....

a)[des propos, une nouvelle, une rumeur, des bruits...]

...grans murmurations estoient parmi les bonnes villes de Flandres, et disoient toutes gens : 'Chil de Gagant nous ostent le pain de la main.' Jaques d'Artevelle faisoit semer paroles aval le pais et dire que qant il vodroit bien, acertes li pas seroit delivrés, (Froiss., Chron. D., p.1400, 271)

Et en Grece fu ja semee La nouvelle (Chr. Piz., M.F., II, 1400-1403, 244)

...laquelle chose (...) est bourde, et ceulz qui ainsy l'ont semé, ont dit et semé pures bourdes et mensonges (Baye, I, 1400-1410, 35)

...il dist que c'estoit mal fait à lui d'avoir semé et proferé teles paroles diffamatoires, non veritables, de lui et de la femme du dit Bonamour (Doc. Poitou G., t.7, 1410, 178)

...environ le commencement du moys de juillet, fut semé certain langage par gens plains de zizanie, et disoit-on que on voulloit empoisonner le roy très chrestien Charles VIIe de ce nom, luy estant à Meun sur Yèvre. (Chart. J., Chron. Ch. VII, V., t.3, c.1437-1464, 112-113)

Filz se dist de Dieu de lassus Qu'a Moyse bailla ça jus La loy que tenons a present. (...) Ces parolles partout il semme (Marcadé, Myst. Pass. Arras R., a.1440, 160)

Or maintes fois il le blasma, Et maint fol parler devola, Et sema ou pays erreur, Pour quoy nous devons estre seur Qu'a Dieu peu d'honneur il portoit Quant a no loy contredisoit (Marcadé, Myst. Pass. Arras R., a.1440, 225)

Ose tu semer telz langaiges, Truant plus que ratruandi ? (Gréban, Pass. J., c.1450, 278)

Ne me semez point telz langaiges Pour frauder tous les compaignons. (Gréban, Pass. J., c.1450, 365)

Vous dictes bien, car, par ma foy, J'ey ouÿ dire que Sebastient, Qui estoit le plus sovraim Et plus amé de l'empereur Et a semmé ceste grant erreur, Y est cause de tout ce dommage (Myst. st Sébast. M., c.1450-1500, 154)

Si print congié bien piteux de son compaignon, et s'en retourna en son païs, sans soy vanter de la bourde qu'il a semée. (C.n.n., c.1456-1467, 286)

...Si fortes opposicions Furent par les Juïfz formees Et tant de menaces semees Que Pilate, comme contraintz, Le jugea en lavant ses mains. (Myst. Pass. Troyes B., a.1482, 758)

En particulier. Propager (l'évangille).

...la ou Pol semoit l'euvangille estoit chacee erreur (Batallier, Lég. dorée D.-L., 1476, 596)

Emploi pronominal à sens passif.

Or s'espardirent et semèrent les parolles par mi le ducé de Bretagne, que li dus avoit mandé en Engleterre confort, et estoient arrivet en le ville de Saint Mahieu plus de mil hommes d'armes (Froiss., Chron. R., VIII, c.1375-1400, 106)

Semer paroles au vent. Parler dans le vide, sans résultat.

...en bons leaulx chevaliers luy conseillerent [au dauphin] l'amour tousjours et l'obeÿssance envers son pere (...). Mais pour fin toute ilz y perdoient langaige ; ilz respandoient parolles en vain et les semoient au vent. Puis que l'allee vers son pere estoit mise en termes, il n'avoit oreille qui l'acceptast ne ceur qui entendre le voulsist, car il ne luy en estoit ne que d'aller vers le Soudan. (Chastell., Chron. IV, D., c.1461-1472, 94)

Ces venins pestilencieux Sur jeunes et vieux, Justes, vicieux, Grecz, latins, hebrieux, Tristes et joyeulx, Vous fault sur terre et mer sumer (Cene dieux, c.1492, 131)

Semer que. Faire courir le bruit que.

Ce jour, furent mandez les gens du Roy ou Chastellet pour pranre garde à la seurté de la ville de Paris, à occasion de ce que l'en disoit et semoient pluseurs aval Paris que, la nuit derrien passée, l'en devoit crier par Paris à l'ayde du Roy et du Dauphin (Baye, II, 1411-1417, 226)

Et, ce nonobstant, pluseurs simples, Prestz à détourner comme guimples À tous vens, veulent affermer Manifestement et semer Que tous ceulx cy font grant folie Qui fuient pour l'épidémie (La Haye, P. peste, 1426, 75)

Par eulx ce corps cy est osté Et en ung monument posé, Sans sçavoir ne quoy ne comment, Ou s'il est bien ou maisement, Se ses apostles ja embler Le vouloient et puis semer Qu'il fut redevenus en vie (Marcadé, Myst. Pass. Arras R., a.1440, 218)

...ledit deffunct disoit à sondit père que ledit suppliant disoit et semoit par la ville que sondit père estoit tourné en enfance ; lequel suppliant, oyant lesdictes parolles et recors que ledit deffunct avoit tousjours tendu et tendoit de le mettre en la malegrace de sondit père, pour lui faire prendre ses biens et succession, entra en ladicte chambre (Doc. Poitou G., t.12, 1480, 370)

Et avec ce il est bruit assés commun que aucuns de vos gens sement et font courir voix et parole (...), que vostre intention est de recouvrer par force et puissance d'armes, (...) les pays et seigneuries (Lettres Ch. VIII, P., t.1, 1484, 52)

Participe passé en emploi adjectival.

[D'un texte] Parsemé de qqc..

Comme l'Escripture sainte est par tout semee de louenge dez peres pour la immobilité de leur esperance, et quantes foys y est ramentue la gloire et exaltation donnees a Dieu pour benefices de grace attenduz par esperance et renduz par effect ? (Chart., L. Esp., c.1429-1430, 94)

[D'éléments qui figurent dans un texte] Disséminé, inséré çà et là.

...et plusieurs autres belles sentences semées entre ses euvres, dont je me passe. (Simon De Phares, Astrol., c.1494-1498, f° 112 v°)

b)[un ordre de mobilisation]

Partout faisoit son ban semer Et noncier que 'trestous venissent Lui aydier...' (Chr. Piz., M.F., II, 1400-1403, 242)

c)[la discorde]

...par tes mauvaistiez As semé grans inimistiez Ou monde (Mir. st Guill., c.1347, 32)

...Par ses dons et par son avoir, Et par blandir et par flater Fist tant, et par fauls rapporter, Qu'entre les barons grant descort Commist par son maulvais rapport, Et grant contens et grant murmure Sema, mais, de sa faulse injure Nul ne fu si tost averty (Chr. Piz., M.F., III, 1400-1403, 268)

Alez semer dissension En tout le pays. (Marcadé, Myst. Pass. Arras R., a.1440, 79)

Semer la zizanie. Faire naître la discorde.

Et que pis est, les mariniers se rebelloient contre les patrons, desquelx patrons les aucuns des plusgrans, par horrible trahison, ou beau champ de froment semans la zizannie, n'orent pas vergoingnes de faire aliance et compaignie au seigneur de la nef Malvoisine (Mézières, Songe vieil pèl. C., t.1, c.1386-1389, 551)

...tu pues bien avoir entendu par les proposicions des deux procureurs sustouchiez, la zizanie qui a este semee ou champ de ta mere sainte eglise depuis le temps Constantin (Mézières, Songe vieil pèl. C., t.2, c.1386-1389, 306)

d)[une croyance]

L'EMPERIÉRE. Mon pouoir ne prise une pomme, (...) Se ceulx qui tiennent ceste loy Et la sement par la cité Ne fois morir a grant vilté. (Mir. st Val., c.1367, 153)

Semer un bien spirituel à qqn. Répandre la bonne parole auprès de qqn ; instruire qqn.

...[saint Paul] qui mesprisoit toute richesse terrienne, et les reputoit fiens ou boe, qui labouroit de ses propres mains pour soy nourrir et les siens sans user de l'auctorité de prendre son vivre temporel de ceulz ausquelz il semoit bien espirituel ? (Gers., P. Paul, a.1394, 509)

e)[une renommée]

La sont les meilleurs et les pires Et tous autres, dont renommee Doye estre en plusieurs lieux semee. (Chr. Piz., M.F., II, 1400-1403, 102)

Par tous pays fu ja semee Des femmes la grant renommee, Comment vont terres conquestant Et maintes contrees gastant. (Chr. Piz., M.F., III, 1400-1403, 13)

Hector respont que 'grant menace Le los de chevalier efface, Mais, puisqu'il le het si tres fort, Pour Patroclus, qu'il avoit mort, Son compaignon, qu'il ot tant chier, O qui honteusement couchier Volt, plusieurs foiz, com renommee Moult villaine est de lui semee, Autrement s'en peut mieulx vengier, Sanz tant de monde dommagier.' (Chr. Piz., M.F., III, 1400-1403, 91)

3.[P. anal. avec des plantes issues de graines très espacées] Clair semé/semé clairement. Peu répandu, peu nombreux.

Mais se tele gent y venoient, Comment que molt cler semé soient, Toudis leur seroit au devent La nacelle pleinne de vent Et d'aviron pour eaus nagier, Tant qu'il fussent en ce vergier. (Mach., D. Lyon, 1342, 190)

Certes, damoiselle, nennil ! Mais je croy qu'entre cinq cent mil N'en seroit pas une trouvée ; Car tel greinne est trop cler semée. (Mach., J. R. Nav., 1349, 244)

Je ne diz pas, toutevoies, que il ne soit aucune bone fame, mez je diz qu'elles sont cler semees (Songe verg. S., t.1, 1378, 255)

'...Je ne diz pas tous,' dist la chambriere, 'car il en y a de vaillans et de preudomes et assez bien endoctrinez, combien qu'ilz soient clers semez...' (Mézières, Songe vieil pèl. C., t.1, c.1386-1389, 572)

Si ne puet qu'il ne se parfache, Dont bien amez Doivent estre et tresrenommez, D'onneur les vrais commans nommez, Qu'en present sont si cler semez. (Chart., L. Dames, 1416, 287)

...Considérant les fictions Et doubles simulations, Et défault de franche pité Et de pure et seure amité Semez clèrement par le Monde, Où grant masse de mal abonde. (La Haye, P. peste, 1426, 170)

'Moynne ?' dist Madame, 'telz moynnes sont bien cler semez' (La Sale, J.S., 1456, 294)

II. -[À rattacher par le sens à summa]

Participe passé en emploi adjectival. [D'une penne d'oiseau] Achevé, fini, qui a pris tout son accroissement.

Donc, se tu le treuves gras et bien mué et ses pennes fermes et someez [var. semees], donne lui a mengier (...) une bechie ou deux de bonne char chaude (Henri Ferr., Modus et Ratio, Livre deduis T., c.1354-1377, 200)

Et ainssi soit fait tant que ses panes soient bien issues et presque sommeez [var. semees] (Henri Ferr., Modus et Ratio, Livre deduis T., c.1354-1377, 203)