ACCUSER

verbe

[T-L : acuser ; GDC : acuser ; AND : accuser ; FEW (XXIV, 93a) : accusare ; TLF (I, 483) : accuser]

I. -Emploi transitif direct.

A. -Qqn accuse qqn/qqc.

1.Accuser qqn

a)Déclarer qqn coupable [d'un crime, d'une faute, d'un défaut...].

[Sans mention du motif de l'accusation]

Et sachiez que Publius Philo aprez tant de biaux fais a l'ostel et en guerres et tant d'onneurs en luy multipliez fust en hainne aus nobles hommes rommainz, et si l'accuserent, si que il couvint respondre et dire sa cause ; et toutesfois fu il absoulz et delivrez par droit. (Bers., I, 9, c.1354-1359, 26.21, 49)

Si qu'amis, tu te dois mirer En cest exemple et remirer Com Susanne fu accusee Et comme elle fu delivree (Mach., C. ami, 1357, 16)

Tantost confessa sans contrainte la trahison et accusa ses compaignons (Le Bel, Chron. V.D., t.2, 1360, 303)

...de l'empereris de Romme que le frére de l'empereur accusa pour la fere destruire (Mir. emper. Romme, 1369, 239)

Et se il advient que l'un d'eulz soit superexcellent en ce que il fait plus pour l'autre que l'autre ne fait pour lui, il ne accuse pas pour ce son ami (Oresme, E.A., c.1370, 446)

Et saichez que le doulz aignel Suscitera un Daniel Contre les faulx et hors du sens, Qui accusent les innocens, Jugent et laissent les coupables. (Desch., M.M., c.1385-1403, 160)

On l'assault [l'âme du moribond] et accuse de toutes pars pour la tirer a mort et a perdicion ; Dieu, le munde, les ennemiz, ses oeuvres, son angle et sa conscience. (Gers., Pent., p.1389, 85)

...ledit Jehannin Rubion continua et persevera esdites confessions par lui faites, et autrement que dit est dessus ne charga ou accusa icellui Jaquet (Reg. crim. Chât., I, 1389-1392, 501)

Sapience et Verité nous accusoient, et nous ne sçavions que respondre ou excuser (Gers., Annonc., a.1400, 231)

En actendant sans soy lasser, Në autre que vous acuser, Vous convient il le temps passer (Chart., D. Rev., a.1424, 317)

PILATE. (...) C'est bon que Jhesus soit mandé, Affin que s'il est accusé Qu'il puist contre l'accusement Respondre pour excusement. (Marcadé, Myst. Pass. Arras R., a.1440, 156)

Mais je appelle estre corrompu en autrui, quant on congnoist les choses dessus dictes estre en aucun son semblable ou plus grant ou moindre, puisque on a administracion et communicacion d' office avecques lui, et que on le sueffre ou tollere sans le magnifester et sans en advertir le prince. Se n'est-il que cellui ne craingne d'accuser ung autre pour ce que tantost on dira qu'il le fait pour envye ou pour hayne, ou pour faire le bon varlet. (Bueil, I, 1461-1466, 50)

...les ditz ambassadeurs Excuserent les seigneurs de Florence, Et accuserent ung tas de ravauldeurs Par qui venoit la desobeyssance (La Vigne, V.N., p.1495, 207)

Je ne le veulx point excuser ne accuser, et ne sçay s'ilz ont faict bien ou mal de l'avoir faict mourir (Comm., III, 1495-1498, 311)

Accuser qqn + adv. ou compl. circ.

...ly rois Orians avoit trop male gent Qui la dame acquisoient assés villainement. (Chev. cygne P., c.1356, 46)

Belle Susanne par sa grant saintité Fut accusée sans nulle verité Et condempnée par tres faulx jugement A souffrir mort assez vilainement ; Mais Dieux du ciel qui fait vrays jugemens Tourna la mort sur les faulx accusans. (Bouvet, Appar. Meun A., 1398, 67)

...j'ay et cuide fermement avoir pour certain bonne, sainte et juste querelle et bon droit de moy deffendre par ce gaige de battaille contre le tel, qui faulsement et malvaisement m'a accusé (La Sale, Salade, c.1442-1444, 219)

...le conte d'Artois sauva de mort la josne contesse de Cardonne et combaty en champ ordonné le seigneur de Moncade qu'il vaincquy et fist recongnoistre que a tort il avoit accusee la belle damoiselle (Comte Artois S., c.1453-1467, 51)

...l'omme maulvais et donné a vices est de ceste condition que, incontinent qu'il se voit en auctorité, il subtile calompniations et tromperies, accuse gens par mensonges qu'il contreuve pour leur oster leurs biens. (Fillastre, Traité Conseil H., c.1472-1473, 159)

De toy, Jhesus, ne sçay que faire, Car fort suis sur ton cas troublé, Pour ce qu'on t'a cy accusé Sans cause nulle, comme croy. (Pass. Auv., 1477, 174)

Sur laquelle convocation et requeste de gaige, ledit Boffille prinst deffense, disant que à tort et mauvaise cause ledit Julio l'avoit acusé. (Le Clerc, Interp. Roye, c.1502, 354)

[Avec mention du motif de l'accusation]

Accuser qqn de qqc.

...quant Jhesu Crist ala par terre pour ses amiz convertir et traire a lui, les faulx Juifs lui amenerent en sa presence une femme qu'ilz accusoient d'avoultire (Bérinus, II, c.1350-1370, 130)

Or dictes, damoiselle, et me congnoissiez se oncques a ceste femme vous deïstes les parolles dont vous estes accusee et que on vous met sus. (Bérinus, II, c.1350-1370, 135)

Aprez cecy l'en commença a accuser les nobles hommes de conjurations ; lesquelz commencierent a appeller aus tribuns du plebe (Bers., I, 9, c.1354-1359, 26.10, 48)

Aqusée est la dame D'une grande boisdie (God. Bouillon R.B., t.3, c.1356, 413)

Et se tenir ne pues couvent, Excuse toy bien et souvent. Par ce point seras excusez Ou mains de ce fait accusez. (Mach., C. ami, 1357, 137)

Car quant Beauté et Plaisance m'ont pris, Dont nuit et jour amonnestés je sui, N'en doi, par droit, pas accuser autrui, Fors ceuls qui sont cause de mon desir. (Froiss., Orl., 1368, 86)

Et se un d'eulz ne se delicte plus a demourer avecques l'autre, pour certain se il l'accuse de ce, ce semble une derision quant il est en sa puissance de non demourer ou converser avecques lui. (Oresme, E.A., c.1370, 446)

Et pour ce que tieulx gens inique Par art de dampnée magique Ont accusé les phisicians, Saiges clers et loyaulx et grans, De negligence, de non savoir, Combien qu'ilz ont menti, pour voir, Le petit pueple nous maudit ; Mais non, c'est leur faulx esperit. (Bouvet, Appar. Meun A., 1398, 14)

De quoi tous li pais fu moult esmervilliés, et en furent acusé de trahison li dis mesires Gerars et uns siens esquiers (Froiss., Chron. D., p.1400, 390)

...maistre Raoul Witart, bigame, clerc de la Chambre des Comptes, estoit accusez en ladicte Chambre de certeins crimes et deliz (Baye, I, 1400-1410, 16)

...à deux autres raisons, dont les reprimeurs de louenge me porroient chargier et accuser d'ignorance et avec ce de presompcion el procès de mon diccié en ceste partie, convient que je responde. (Chr. Piz., Faits meurs Ch. V, S., I, 1404, 190)

Et de ma nysse gouvernance Devant Raison, j'ay accusé Mon cuer ; mais il s'est excusé Disant que deceu l'a Fiance En la promesse [d'Esperance.] (CH. D'ORLÉANS, Chans. C., c.1415-1440, 243)

Ce jour, Nicolas Le Carpentier fu interrogué ou parquet de la Chambre de Parlement sur la mort d'un sien oncle dont il estoit accusé (Fauq., II, 1421-1430, 107)

...de chose qui avoit esté faitte personne n'en fut accusee ou mulctee. (Juv. Urs., Aud. celi, 1435, 263)

Nennil, et pour tant je l'excuse S'aucun de ce fait cy l'accuse, Car ce qu'il a fait proprement C'est par votre commandement (Marcadé, Myst. Pass. Arras R., a.1440, 62)

...le cas dont ilz estoient accuséz estoit de vouloir faire celuy qui de present règne roy de Portingal (Comm., III, 1495-1498, 298)

[P. méton du compl. second] Accuser qqn de qqn (d'une faute commise avec qqn : un adultère)

Et auxi, mon amy, je veil et vous pri que vous deffendez ou faictes deffendre vostre houstel a celui dont le traistre m'a acusee (Quinze joies mar. R., c.1390-1410, 64)

Accuser qqn de + inf.

Comme ainssi soyt que (...) C. Menius, le dictateur, pour ce que, la ou il faisoit certaines enquestez pour lesquelles faire il avoit esté creez dictateur et il feist cellez inquisicions plus egrement que il n'estoit besoins a aucuns puissans hommes, il fu par eux accusez d'estre couppables de celuy mesmez [crisme] dont il enqueroit sus les autres (Bers., I, 9, c.1354-1359, 34.14, 62)

Ce sont les noces vraiement Theodore qui faucement Fu accusée d'avoir fait L'enfant, et coulpe n'ot ou fait. (Mir. Theod., 1357, 122)

...Jehan Le Brun, prisonnier oudit Chastellet, l'a acusé en sa presence d'estre homme vacabond, qui ne fait aucune euvre de ses bras (Reg. crim. Chât., I, 1389-1392, 137)

Venons a parler de la folle erreur et des partiz que tu m'acuses d'avoir soustenuz (Chart., Q. inv., 1422, 39)

...un religieux de Saint-Lo de Rouen, nommé maistre Pierre Le Mareschal, qui les avoit accusez d'estre ennemis du roy et [d'avoir] conspiré contre lui. (Roye, Chron. scand., I, 1460-1483, 174)

Accuser qqn + inf.

Il fut acusé et declairé par les portaulx des eglises avoir fait mourir la royne, sa femme, pour ce qu'elle estoit crasse et d'avoir defloré ladicte fille, sa niepce. (Molinet, Chron. D.J., t.1, 1474-1506, 432)

Accuser qqn de + subst. + part. passé

Les parens des pucelles furent mout corrociez et orent grant paour de l'effroy que il virent, et s'en commencierent a foÿr chascuns vers son hostel, et accusoient les Romains de aliancez rompues et de hostel violé (Bers., I, 1, c.1354-1359, 9.13, 16)

... [Jacques Coeur] fu accusé et attaint de crieme commis, fut mis en prison, co[n]dempné a mort par sentence, tout le sien confisquié au roy (Chastell., Temple Boc. B., 1463-1464, 57)

Accuser qqn que + ind.

...Scipion d'Affrique estoit accusé qu'il avoit trop d'argent (Ferron, Jeu eschaz mor. C., 1347, 164)

Et les diz larronz baillerent le dit Remus au ro Amelius et l'accuserent que lui et ses compaignons pilloient et ravissoient les chans Numitor, le frere du roy, qui estoit en prison. (Bers., I, 1, c.1354-1359, 5.4, 9)

...fu attaint et fait venir Jaquet Auguier, (...) prisonnier oudit Chastellet, accusé, en sa présence, par Jehan Le Brun et Raoulet de Laon, cy-dessus nommez, qu'il est homme houllier publique, menant filles de vie par le pays, et alant de nuit parmi la ville de Paris (Reg. crim. Chât., I, 1389-1392, 98)

En la presence duquel Court-bras, ledit Henriet dist et accusa icellui que eulx deux ensemble (...) trouverent un homme qui se dormoit, auquel ilz osterent sa robe, sa sainture et son chaperon (Reg. crim. Chât., I, 1389-1392, 373)

Et sçay bien qu'on m'a acusé Que de leurs dieux ay refusé La creance (Du Prier, Roy Adv. M., 1455, 364)

[P. méton. du suj.]

Li homs n'est pas de bon affaire Qui penance a ffaire refuse, Quant sa conscïence l'acuse Que il a fait plusieurs pechiez. (Best. lap. Rosarius S., c.1330, 135)

Accuser que qqn + subj.

Le murmure des envieux Male fortune esveilleront, Qui aux seigneurs conseilleront, Et accuseront qu'il ait fait Quelque faute ou quelque meffait (Chr. Piz., M.F., II, 1400-1403, 89)

Accuser qqn + attribut

...et pour ce se sont il abrievez contre nous et si n'ont eu vergoingne, eulz qui sont privé, de accuser le dictateur comme coulpable ! (Bers., I, 9, c.1354-1359, 26.17, 49)

Et se celui qui reçoit ne retribue semblablement, l'autre le complaindra et l'acusera comme celui qui est cause de la dissolucion ou departie de tele amistié. (Oresme, E.A., c.1370, 447)

Lequel, après qu'il ot longuement esté assis sur la sellete, dist qu'il diroit verité, et lors declaira tout au long sa vie et de moult grandes et merveilleuses larrecins, et si accusa moult de gens coulpables à faire icelles (Roye, Chron. scand., I, 1460-1483, 225)

[Avec mention de la pers., de la collectivité ou de l'instance devant qui l'accusation est portée]

...il a occis les principaus de la cité, les uns en accusant et blasmant vers le peuple, les autrez par accusations faitez entre eulz par leur propres envies : dont [mains] ont esté par lui occis publiquement (Bers., I, 1, c.1354-1359, 54.9, 90)

...il fu jà pieçà (...) admené prisonnier en Chastellet, où desdiz cas il a esté accusez par devant messeigneurs de parlement (Reg. crim. Chât., I, 1389-1392, 390)

Car il est dit en l'Euvangile que au jour du Jugement toute personne oyseuse avra a rendre compte du temps qu'elle avra pardu par son oysiveté. Or est grant merveille quelle defense les oyseux avront quant devant Dieu ilz seront accusez. (Ménagier Paris B.F., c.1392-1394, 29)

Quant Noblece s'ot accuser Devant Raison, moult excuser Se vouldra de cellui mesfait (Chr. Piz., Chem. estude P., 1402-1403, 126)

Exemple donne d'une femme, Qui fu accusee de blasme Devant Phelippe, qui ert roy De Macedoine (Chr. Piz., Chem. estude P., 1402-1403, 236)

Car Saturnus (...) Comme esméu de mau courage, Détesta moult Humain Lignage, Et l'accusa horriblement En plaine court de Parlement (La Haye, P. peste, 1426, 35)

Pour laquelle cause le roy Jehan fust accusé et adjourné par devant le roy (Juv. Urs., Aud. celi, 1435, 204)

PILATE. (...) Les Juifz sont subtille gens Et a grever sont diligens. Se ce fait cy je leur refuse, Je me doubte qu'on ne m'accuse Vers les Romains de pluseurs fais Dont brief pourroie estre deffais (Marcadé, Myst. Pass. Arras R., a.1440, 173)

Et puis advint que ung boiteux, qui avoit accusé ledit d'Alençon audit defunct roy, craignoit fort que ledit d'Alençon ne lui feist quelque grant desplaisir, se tira par devers le roy en lui suppliant qu'il lui feist avoir asseurance dudit d'Alençon (Roye, Chron. scand., I, 1460-1483, 189)

Tantost qu'il [Pilate] ara condempné Jhesus a mort, com il veult faire, Il sera aprés accusé Es empereurs pour le desfaire (Pass. Auv., 1477, 167)

[L'accusation est faite en présence de l'accusé]

Item, accusé en sa presence par Climence, femme Bethaut Helies, dit La Babboe, disant que, oudit samedi derrenierement passé, lui fu coppée, elle estant ou marchié où l'en vent le fruit, une sienne bourse de drap velueau vert (Reg. crim. Chât., II, 1389-1392, 7)

[Avec idée de réciprocité]

Et dist oultre et cogneut que, depuis ce que elles deux ont esté prisonnieres en la Griesche, pour souspeçon de ce que dit est dessus, elles ont parlé ensamble de ceste matiere, et que elles s'entredirent que elles gardassent bien que elles ne deissent aucune chose de la matiere dessus dite, et n'en accusassent point li une l'autre. (Reg. crim. Chât., I, 1389-1392, 357)

Et l'ung l'autre de vices accuse Et de bon heure se excuse (Rivière, Nef folz D., 1497, 241)

Emploi absolu.

Toutes bestes grans et menus Si furent tous a court venus, Les ungs pour nouvelles sçavoir, Les autres pour dire : 'Il dist voir ;' Ly un ala pour accuser, Et l'autre y ala pour muser (Renart contref. R.L., t.1, 1328-1342, 52)

b)Découvrir, signaler la présence de qqn.

...quant ilz eurent plainement choisis les maisons et demeures si pres d'eulx et les deux chiennets qui les acusoyent, ilz cuiderent avoir songié. (Percef. IV, R., c.1450 [c.1340], 248)

Accuser qqn à qqn

Haa ! Amours, que ne m'acusés A mon chier amy que cy vez ! Je n'ose dire : 'Vez moy cy.' (Percef. III, R., t.2, c.1450 [c.1340], 361)

[Dans une situation hostile]

...s'il est en guerre guerriable ou sur les champs, se doit garder qu'il ne parle publicquement a nul de ses espies, affin qu'ilz ne soient congneuz et puis accusez, dont en porteroient grant peril (La Sale, Salade, c.1442-1444, 244)

...les quatre chevaliers fusterent toute celle tour, mais ilz n'y trouverent Bruiant ne autre personne, fors un povre homme que le mauvais traïtre avoit mis a mort afin qu'il ne l'acusast. (Percef. IV, R., c.1450 [c.1340], 297)

... [Pierre de Brezé] savoit son bannissement et les peines qui estoient mises sur ceux qui le celeroient, le prix qui estoit mis sur celuy qui l'accuseroit ; mais oncques pour nulle peur, ne mauvaisté, ne se vouloit despayser, ne vuidier du royaume (Chastell., Chron. K., t.4, c.1456-1471, 177)

c)Accuser qqn de + inf. Inciter, exhorter qqn à.

Et pour ce que Desirs estent Sa vertu en tous coers humains, Je le remonstre, ensi aumains Qu'on m'en tiegne pour escusé ; Car Plaisance m'a acusé De dire tout ce que je di. (Froiss., Espin. amour. F., c.1369, 172)

Desirs se taist, si me regarde Et jette ailleurs tout son avis : Droit sus ma dame, che m'est vis, Et de faire un souhet l'acuse (Froiss., Joli buiss. F., 1373, 224)

Accuser à qqn de + inf.

...et honorent ceux où nature et noblesse leur accusent de le faire (Chastell., Vérité mal prise K., c.1460, 304)

2.Accuser qqc.

a)Blâmer, condamner, incriminer, mettre en cause.

Et ainsi nous ne porrons accuser la couvenance des consulz rommainz ne la foy du pueple rommain. (Bers., I, 9, c.1354-1359, 11.5, 19)

Je n'accuse pas les paroles qui sont comme vaisseaulx eslevés et precieux, mais je repreuve le vin d'erreur qui nous est versé en icelles par les docteurs enyvréz. (Daudin, De la erudition H., c.1360-1380, 42)

Item, c'est une derision de causer et acuser les choses de dehors nous et non pas acuser soy de ce que l'en se rent bien venable (Oresme, E.A., c.1370, 179)

Unc moys u là-entour prechat à le volee, Et si a publiiet coment at acusee La grande symonie de quoy est esgaree Trestoute la clergie (JEAN D'OUTREM., Geste Liège B.B., t.4, a.1400, 709)

Tu as accusees les jounesses et les envoisees joieusetez, mais tu as excusé et soustenu les traïsons et les conspirations detestables dont tu es en ce ruineux party. (Chart., Q. inv., 1422, 42)

ENTENDEMENT. Retourne a l'interrogatoire premier, duquel tu me semblez avoir ung peu esloingné, et me contentes de la longe duree de noz maulx. FOY. Mais excuse, se tu sçais, la tres endurcie et longue obstination de voz cueurs, ainçois que tu accuses la longueur de ton juge. Et se il delaye a soy appaisier, plus delaiés vous a vous repentir. (Chart., L. Esp., c.1429-1430, 75)

[P. méton. du compl.]

...Jehan Martin, son sommelier de chambre [du duc] , (...) avoit en main toutes ses menuetés qui appartenoient à son corps et à son plaisir faire, or et argent et joyaux, qui montoient à grand prix, et de quoi il fit très-léale et libérale délivrance et ostension à l'héritier, jusques à mettre avant pour mille ou douze cents escus d'esguillettes de noire soie ferrés d'or pour lacier son pourpoint (...) et beaucoup d'autres telles menuetés de grand prix, et que jamais on n'eust demandées, ne accusées. ['jamais on n'eût mis en cause la gestion des 'menuetés' par le sommelier'] (Chastell., Chron. K., t.5, c.1456-1471, 231)

Accuser qqc. de qqc.

Et pour ce, les communes genz accusent fortune de ce que ceulz qui sont tres dignes de avoir les grans richesces, il ne les ont pas. (Oresme, E.A., c.1370, 234)

...à cause de quoy se esleva contre moy, entre aucuns, cestui detracteur ignorant et né de lieu obscur (...), lequel est efforcé accuser de supersticion les livres de ce sage philosophe Albumazar, de Alkinde, Abram, de Hispalene (Simon De Phares, Astrol., c.1494-1498, f° 2 v°)

Accuser qqc. en crime

Il [Lucifer] est aussy appellé en grec Blasmeur ou le Termineux pource qu'il nous attrait à crime et à pechié, et pource qu'il accuse en crime la vie des esleuz, si comme il est escript ou .XIIe. chapitre de l'Apocalipce (Corbechon, Mauvais anges S., 1372, 488)

Remarque : Seul ex. relevé pour cette constr. Prob. latinisme (accusare in + abl.).

Accuser qqc. en qqn. Accuser qqn de qqc..

L'accuseur, doncques, non sachant prouver le larrechin qu'il en autrui accusoit, le juge commença a souspeçonner sur lui. (Colart Mans., Dial. créat. R., 1482, 204)

b)Révéler.

...Jehan Coustain avoit accusé et dit comment son maistre le duc avoit mandé par lui-mesme au seigneur de Croy et à son frère que hastivement ils se rendissent à Haulx et que droit-là l'attendissent (Chastell., Chron. K., t.3, c.1456-1471, 272)

Puis que mon cas vient a ta congnoissance, Tu ne te peuz par raison excuser Que tu ne dye, en l'estat d'innocence Fortune m'a faict mes beaulx jours user Si tristement, que ne doibz refuser De mectre icy, ou doloreux pourtail Mon dolent cas tel que viens accuser, Et le juger expressif cas fatal. (Antitus, Poés. P., c.1500, 56)

[Un fait, une action répréhensible] Dévoiler, révéler, signaler.

Item, quiconques amenera esdites places et marchez, blez, farines ou autres grains ou il ait emboucheure, cest assavoir quilz ne soient aussi souffisans et aussi bons dessoubz comme en la monstre, il perdra les denrées, et le mesureur qui les mesureroit en [l. et (?)] ladite malefaçon(,) ne diroit ou accuseroit a l'acheteur et a la garde du marché pour le Roy, perdra son office et payera LX sols d'amende. (Mét. corp. Paris L., t.1, 1351, 8)

Le coupable souvent s'excuse Primiers, par quoy son fait accuse. (Pastor. B., c.1422-1425, 95)

Comment déa ! j'ay accusé la trayson, et sauvé de mort monseigneur de Charolois, et me veut-on faire mourir ! (Chastell., Chron. K., t.4, c.1456-1471, 264)

Le chien lui respondi [au larron] : 'Ton don veult et labeure que je me tayse affin que tu faces larrechin. Se je prens ton pain, tu embleras tout ce qui est en ma maison et ainsi ceste viande me priveroit a jamais de toutes autres viandes. Je ne veul point estre toute ma vie en mendicité et povreté pour une fois estre saoulé. Et, pour ce, se tantost d'icy ne te departz, sachiez que tantost accuseray ton larrecin.' (Colart Mans., Dial. créat. R., 1482, 247)

[Une information, une action qui aurait dû rester secrète]

Divulguer.

...s'ilh estoit aulcun des esquevins qui acousaist ou revelaist les secreis de ses coneskevins, ou procedaist, de fait aviseit, contre son seriment et fealteit, et plainte en fuist fait par ses compangnons ou ly unck d'eaux, et ly fais bien proveis, ilh sieroit digne de priveir, comme parjure. (Hemricourt, Patron Temp. B., c.1360-1399, 97)

[Principalement dans une situation de guerre] Dévoiler, révéler.

Car ilz avoient envoyez leurs messages par toutes les terres des Sarrasins (...) pour anoncier et accuser la venue du mareschal et dire que ilz fussent sus leur garde (Bouciquaut L., 1406-1409, 234)

Pour quoy ledit Hector venu à la porte pour entrer dedens, lui et ses gens, furent très durement reboutez, et mesmement fut blécié en la teste d'un vireton. Et adonc, eulx voians que leur entreprinse estoit accusée, entrèrent dedens Saint-Marcel et là se logèrent, actendans ledit duc de Bourgongne leur seigneur. (Monstrelet, Chron. D.-A., t.3, c.1425-1440, 238)

Et par ainsi malement pouvoit estre ceste chose-cy accusée, ne annoncée auxdits Anglois pour faire emprise dessus, quand la chose mesme fut faite en soubdaineté, au desçu de chacun. (Chastell., Chron. K., t.4, c.1456-1471, 198)

Adoncq tout à coup [les assiegez] doivent aller sur eulx [leurs adversaires] , et meismes, s'ilz pevent saillir hors par quelque faulse poterne par derrière, est leur meilleur. Et bien se gardent que leur convine ne soit accusée, par quoy embusche peust estre mise ad ce qu'on les occist au feur que hors ystroient. (Bueil, II, 1461-1466, 54)

B. -Qqc. accuse qqn

1.Trahir, révéler l'origine, la qualité, les sentiments de qqn.

Car hui plourer et demain rire, Par tel chose est il accusez, Et se n'en puet estre excusez. (Mach., D. Aler., a.1349, 248)

Bien vy que seroye detenu Car les lettres trop m'acusoient (Régn., F.A., 1432-c.1465, 8)

Adonc elle dit a S. Pierre. Disciples es de ce prophete, Cuides tu que soie si beste Que ne t'aie bien cogneu ? Ailleurs que cy je t'ai veu, Tu es natifz de Galilée, Ta loquence t'a accusée, Tu n'y puelz contredire plus. (Marcadé, Myst. Pass. Arras R., a.1440, 140)

Nier ne peut : car l'ouvrage accuse l'ouvrier (Chastell., Vérité mal prise K., c.1460, 397)

Bon homme, vrayement, il me semble Que tu es disciple et facteur A Jhesus, ce grant enchanteur. Le nÿer en riens ne t'excuse : Tu en es, la langue t'accuse Et est la chose descellee Que tu es né de Gallilee ; On te congnoist a ta parolle. [cf. Math. XXVI, 73 : ton langage te fait reconnaître] (Myst. Pass. Troyes B., a.1482, 732)

2.Qqc. accuse qqn de + inf. Qqc. incite qqn à.

Sy ne voulut point partir de ce monde qu'il ne le préavisast premier du dangier en quoy il estoit, ensamble et le bon duc, lequel avoit considéré longuement estre preudhomme et prince de vérité et de foy, par quoy conscience l'accusoit tant plus de faire ce personnage adfin de lui donner aide et confort en sa preudhommie (Chastell., Chron. K., t.3, c.1456-1471, 431)

...sy vouloit-il [le connétable] nientmoins différer la guerre tousjours et estre moyen de la surseoir entre eux par toutes labeurs et diligences faisables et respondables ; car aimoit les deux partis et les honoroit, l'un pour l'honneur et le grand estat qu'il y avoit et qu'il y avoit son serment, l'autre par nature qui l'accusoit de ce faire car y avoit esté né, eslevé, nourri et parcru (Chastell., Chron. K., t.5, c.1456-1471, 393)

II. -Emploi pronominal.

A. -Emploi pronominal réfléchi.

1.Se reconnaître coupable.

Je li fis lors la reverence Et les autres en sa presence Moult humblement ; et m'acusai, Qu'onques de rien ne m'escusai Pour ce qu'Esperance avoit droit Et je le tort en tout endroit (Mach., Voir, 1364, 4264)

Item, c'est une derision de causer et acuser les choses de dehors nous et non pas acuser soy de ce que l'en se rent bien venable (Oresme, E.A., c.1370, 179)

...se aucun des deux est deceü pour ce qu'il cuide estre amé de tele amour et non est, et se l'autre n'est en rien cause de ceste decepcion lors cestui doit causer et accuser soy meïsmes. (Oresme, E.A., c.1370, 462)

Sy s'en vint remoustrer droit cy a teste encline et criant que de grace peust estre receu ou college des malheureux, s'accusa de sa deffaulte, quant de sa haulte fortune n'avoit sceu user en cremeur de Dieu et en amodiation de sa convoitise par trop extreme. (Chastell., Temple Boc. B., 1463-1464, 59)

Ung aultre de parvers semblant Guillame de Flavy, vis je affuir droit cy pareillement, lequel imputant sa mort a sa femme, en partie accusoit soy mesmes avoir esté digne de mauvaise fin par la parversité de sa vie. (Chastell., Temple Boc. B., 1463-1464, 73)

Proverbe.

Chascuns devroit penser a ses meffais, Et les autres devroit laissier aler (...) Ceuls s'acusent qui dient mal d'autrui. (Desch., Oeuvres Q., t.1, c.1370-1407, 99)

Qui bien s'acuse Dieu l'excuse, Et qui [s']excuse Dieu l'accuse (Mir. ste Genev. S., c.1410-1420, 161)

RELIGION

Se reconnaître pécheur devant Dieu.

Quant on fait son oraison, la personne se doit premierement accuser avant que loer, secondement prier et a la fin rendre graces. (Hist. év. moralisée, c.1400-1500, fº 225)

Avouer ses péchés, en confession.

N'est pecheur que je renvoyasse pour refusement de penitence s'il avoit les autres condicions, par especial s'il s'accusoit entierement et s'il avoit propos de soy abstenir. (Gers., Déf., 1400, 232)

La seconde condicion de vraye confession est qu'elle doybt estre accusatoire, car l'en se doybt accuser et non pas autruy (Vie contempl., c.1450-1500, f° 25)

Quand elle eut dit tout au long de cest escuier, du chevalier s'est accusée, qui comme l'autre l'avoit bien baguée. (C.n.n., c.1456-1467, 464)

2.Se révéler, révéler sa présence.

Vray est que, la ou le chevalier Estonné avoit faitte celle lamentacion, avoit ung chevalier qui oÿ tous ses propos, et de fait l'avoit recogneu par le lay qu'il avoit dit, dont moult fut joyeulx, car il estoit malade comme Estonné et estoit leur remede tout en ung lieu. Il avoit intencion de soy acuser, ne fust que Estonné se parti sy soudainement, dont bien esbahi fut. (Percef. III, R., t.2, c.1450 [c.1340], 23)

Se révéler tel que l'on est (ici : dévoiler son point faible).

Seigneur, dist Godefrois, iestre devons joiant (...) Quant li payens oultre le mer nous vont redoutant. Je n'el savoie pas, or se vont acqusant (God. Bouillon R., t.2, c.1356, 30)

[D'une chose] Apparaître, se découvrir.

...derrenierement tombes franchoises s'accuserent a moy aussy comme les aultres et eulx moustrant en tel decorement comme leur avoit esté donné, se presenterent a mon regard pour y mettre sus mon estime. (Chastell., Temple Boc. B., 1463-1464, 13)

[D'une chose] Accusé de. Révélé, marqué (positivement) par.

...maiz au roy sont il tenuz de generalle [jurisdiccion] laquelle est accusee de haulte puissance sur celle petitte jurisdiccion de la baronnie (Bouvet, Arbre bat. R.-B., c.1386-1389, 251)

B. -Emploi pronominal réciproque.

S'entraccuser. Voir entraccuser

...après plusieurs parolles dites entre elles, et que elles orent promis l'une à l'autre non eulx entre-acuser, à nul temps de leurs vies et jusques en la fin de leurs jours, de chose que elles deissent ou diroient, ores ou pour le temps à venir, ensamble, icelle Macete dist à elle deposant que elle estoit moult fort et grandement enamourée du chapellain du curé d'icelle ville de Guerart (Reg. crim. Chât., II, 1389-1392, 305)

Et après plusieurs parolles eues entre eulx, promistrent et jurerent l'une à l'autre eulx non entre-accuser à nul jour du monde. (Reg. crim. Chât., II, 1389-1392, 332)

III. -Participe présent en emploi adjectival. RELIGION [De la confession] Qui accuse [celui qui se confesse].

...tu dois savoir que a vraye confession des pechiez il y fault XVI condicions ; c'est assavoir que ta confession soit simple, pure, humble, loyalle, souvent recitee, vraye, clere, discrete, voluntaire, vergoigneuse, entiere, secrete, lacrimable, hastive, forte et acusant, et, pour conclusion, appareillee de prendre la charge de penitence. (Mézières, Songe vieil pèl. C., t.2, c.1386-1389, 261)

Encores, la confession soit forte et vaincans la honte, et soit accusant la confession sans soy vanter, comme fist le pharisien qui en sa confession disoit : 'Je jeune deux foiz en la sepmaine et si donne la disme de tout ce que je possede.' (Mézières, Songe vieil pèl. C., t.2, c.1386-1389, 262)

Remarque : À rattacher à FEW XXIV, 93b ? La source de ce passage est Saint Thomas d'Aquin, qui énumère, dans les vers suivants, les seize conditions requises pour que la confession soit valide (ds Dict. de théol. cath., t.12, 1, 1933, 984) : Sit simplex, humilis confessio, pura, fidelis ; Atque frequens, nuda, discreta, libens, verecunda ; Integra, secreta, lacrimabilis, accelerata ; Fortis et accusans, et sit parere parata.

IV. -Participe passé en emploi substantival. Personne accusée d'une infraction, d'un délit ou d'un crime.

Et donc le dit accusé ne savoit riens de ce, si s'en vint au matin devant son seigneur si comme il avoit a coustume. (Vignay, Théod. Paléol. K., c.1333-1350, 66)

Li quens Guillaumes mist jour à Yppre auquel il ajourna tous les accusés que il venissent pour faire l'amende, chascuns selonc que il avoit meffait. Quant li jours fut venus, li quens Guillaumes i vint à grant plenté de barons, mais des accusés n'en i vint neisuns. (Hist. chron. Flandres K., t.2, c.1342-1383, 606)

Et l'accusé n'est pas si beste Qu'il ne s'offre et mecte en l'enqueste Du promoteur, car il scet bien Que du fait vray n'enquerra rien Fors aux estrangiers et absens. (Desch., M.M., c.1385-1403, 157)

Et finablement, en parlant et traictant la dite matère et entreprinse, fut dit, juré et promis et accordé par le dit Jehan de Brecé, suppliant, Lorens Leconte, Perrin du Puis, Jehan Charpentier (...) qu'ilz ne accuseroient point l'un l'autre, et que, s'il advenoit que l'un d'eulx encusast l'autre, l'accusé seroit receu à gaige de bataille contre l'accusant. (Chron. Mt-St-Mich. L., t.2, Pièces div., 1442, 141)

L'Accusatif se doit faire secret, C'est le droit point de sa propre pratique, Et de celer fault faindre le decret En l'amenant par moyen bien oblique ; Car quant il est divulgué en publique Et on ne scet qui en est l'inventeur, Chascun charge l'accusé sans faveur. (Michault, Doctr. temps prés. W., 1466, 19)