EVITER

verbe

[T-L : eviter ; GDC : eviter ; AND : eviter ; FEW (III, 253a) : evitare ; TLF (VIII, 359a) : éviter]

A. -Échapper à qqc., chercher à échapper à qqc. de désagréable, de pénible.

Ne pas subir qqc. de désagréable, de pénible.

...car pour delectacion et concupiscence acomplir, nous faisons mauvaises operacions et pour tristece eschiver et eviter nous laissons a faire bonnes oeuvres et nous en departons. (Oresme, E.A., c.1370, 152)

...s'il voloit aler à ladicte Chambre pour eviter ycelle peinne, qu'il perdist son audience (Baye, I, 1400-1410, 24)

Desquelz poins le premier en somme Traite comment un savant homme Peut éviter par industrie Le dangier de tel maladie (La Haye, P. peste, 1426, 72)

...les nobles doivent (...) au prince obeir et non eviter la mort pour le bien de la chose publicque. (Juv. Urs., T. rever., 1433, 73)

LE .II. SERGENT. Droit poisson d'avril, Tu evitez bien le peril Pour jouer de l'eschapatoire. (Mir. st Nic. juif, c.1480-1500, 99)

LE CHARTIER [qui vient d'écraser le chrétien] . En franchise m'en vueil fouyr Pour eviter tous les perilz. (Mir. st Nic. juif, c.1480-1500, 140)

LA VIE. C'est contre stillë et droicture, J'en appelle pour abreger Devant celluy qui peult juger De toutes choses comme il veult, Affin de eviter le danger Que vostre sentence me meult. (Cene dieux, c.1492, 138)

La conclusion des gens dudict connestable estoit qu'ilz conseilloient au roy que, pour eviter tous ces grans perilz qu'il veoyt appareilléz contre luy, qu'il print une trève (Comm., II, 1489-1491, 50)

Ainsi se saulva pour celle heure et evita la fureur, qui couroit contre lui alors. (Simon De Phares, Astrol., c.1494-1498, f° 48 v°)

CLAUDE. (...) Allons y, car c'est le milleur Pour mieulx nostre emprise reffaire Et pour evicter le malleur. (Elle s'en vient à sainct Martin.) (La Vigne, S.M., 1496, 524)

Desquelz faulx rappors ledit conte fut fort estonné et courroucé en son cueur, et pourpensa dès lors soy evader et s'en aller hors du royaulme, pour eviter la fureur du roy, laquelle n'avoit justement deservie. (Le Clerc, Interp. Roye, c.1502, 143)

Ne pas être soumis à qqc..

Et par tele maniere disoit Hetor as Troyens : 'Se je puis entendre,' disoit il, 'que quiconques ait paour ou s'enfuye senz fait de bataille, il ne avra pas pouoir souffisant de eviter les chiens.' (Oresme, E.A., c.1370, 212)

Le dessus dit apologue veult innuer et donner a entendre que nul ne peult eviter l'ordonnance divine (Tardif, Apologues R., c.1493-1498, 88)

Ne pas s'exposer à (un reproche).

Car communelment ceulz qui ont tele fortitude, ce sont les citoiens qui soustiennent les perilz es batailles pour cause de eviter les increpacions, blasmes et reprouches qui sont establies et ordenees es loys du pays contre ceulz qui es batailles se portent mal (Oresme, E.A., c.1370, 210)

Esquiver qqc..

Et quant il le vit venir, il mit a la deffense de son chief son escu pour eviter le coup. (Bagnyon, Hist. Charlem. K., c.1465-1470, 54)

J'ay advisé de le tempter Par une voye assés exquise. Nous avons une femme prinse Et en adultere trouvee ; Bon est qu'elle luy soit menee Au temple voir qu'il en dira. Subtillement il respondra S'il evite ceste fallace. (Myst. Pass. Troyes B., a.1482, 422)

Eviter à qqc. Échapper à qqc..

...pour eviter aux emprises de Margano... (Percef. Compl. R., c.1450 [c.1340], 39)

...et departiz de lit et de table pour eviter a plus gant inconveniant... (Lettres rémission René II P.D.H., 1486, 148)

...il avoit songé ung merveilleux songe ouquel luy estoit advis que ung lyon le devoroit et que, pour eviter au dessus dit inconvenient (...) avoit pourveu de remede convenable (Tardif, Apologues R., c.1493-1498, 87)

Eviter à un reproche/un soupçon

...nous avons evoqué nagueres certaine cause pendant en nostre court de parlement à Bourdeaux entre (...) le conte de Comminge (...) et (...) Jehan de Foix (...) pour eviter aux souspeçons que nostredit cousin de Foix disoit avoir contre aucuns de noz conseilliers oudit parlement de Bourdeaux (Lettres Louis XI, V., t.8, 1479-1480, 127)

Pour eviter a tout reproche, Partez. (Myst. st Laur. S.W., 1499, 152)

B. -Se garder de qqn/qqc..

...il appartient a vrai fort soustenir les choses terribles qui sont a soustenir a homme. Et ne tient conte de choses qui sont terribles tant seulement selon apparance. Et ce que il soustient, ce est pour optenir ou pour eviter pechié et laidure et pour ce semblent mieuls avoir la vertu de fortitude (Oresme, E.A., c.1370, 216)

Vertu est a ce propos en .II. choses, en mal eviter et en bien faire. (Oresme, E.A.C., c.1370, 231)

Et se aucun me dit que ilz ne seront point oyseulx et aussi que il est doubte que les ennemis se descendent et que il est neccessité que le roy les entretienne et que on n'en sauroit que faire aultre chose, quant est de eviter oysiveté, dont tous maulx se ensuivent, ce sera fort que se on ne les employe sur mer en navire, car qui le pourroit faire par bonne maniere ce seroit fort grevé les ennemis (Juv. Urs., Verba, 1452, 264)

Et y a trois choses a eviter en conseil. La premiere hastiveté... (Juv. Urs., Verba, 1452, 318)

Gardés vous de comectre usure ; Evités pechés et ordure. Amés vertus et le filz de Dieu, Que a pris humaine nature Pour la tourner en son hault lieu. (Pass. Auv., 1477, 125)

Emploi pronominal à sens passif.

...en conseil courroux se doit eviter (Juv. Urs., Verba, 1452, 318)

Secondement se doit eviter que on ne conseille chose cruelle ne inhumaine, ne fut pourfitable a conseillier. (Juv. Urs., Verba, 1452, 318)

Ne pas rechercher qqc., fuir qqc..

Desire estre famillier a Dieu seulement et a ses angeles, et evite la congnoissance des hommes. Charité se doit avoir a tous, mais familiarité n'y est pas expediente. (Internele consol. P., 1447, 288)

Se méfier de qqc., considérer qqc. comme dangereux.

...auquel il prenostica sa desconfiture, s'il ne croyoit conseilh astrologal, mesmement qu'il evitast aucuns jours qui venoient sur la dirrection de sa nativité (Simon De Phares, Astrol., c.1494-1498, f° 143 v°)

Se méfier de qqn, ne pas faire confiance à qqn.

Et si devés eviter les mauvais conseilliers de dehors et gardés sur toutes choses que n'en ayez en vostre courage ou pensee, c'est assavoir delectacion ou plaisance mondaine et tristesse ou chagrin (Juv. Urs., Verba, 1452, 320)

Emploi factitif. Eviter qqn de qqc. Faire que qqn se détourne, s'écarte de qqc..

...et vous donnent à entendre faulses et iniques mençonges pour eslongner et éviter de vostre courage et dilection, moy et plusieurs de vos parens et loiaulx serviteurs et subjetz. (Doc. 1411. In : MONSTRELET, Chron. D.-A., t.2 c.1425-1440, 119)

Eviter + inf. Se garder de.

...car chascun evite et fuit estre cause de tristece a ses amis. (Oresme, E.A., c.1370, 492)

Eviter que + subj.

...se doit eviter que on ne conseille chose cruelle (Juv. Urs., Verba, 1452, 318)

C. -Prévenir, empêcher qqc..

Ne pas donner lieu à qqc., prévenir, empêcher qqc..

...et fu requis au Chancelier que à ce voulsist assister avec ladicte Court pour eviter la desolacion de l'Eglise et de tout ce royaume. (Fauq., I, 1417-1420, 266)

Et tantdiz se brulle la maison par leurs difficultez et negligences, que que chascun y deust comme au feu courir et eviter la destruction de son hostel en pourchassant le salut de cellui a son voisin. (Chart., Q. inv., 1422, 44)

Que apporte la constitution de non marier les prestres, si non tourner et eviter legitime generation pour convertir en advoultrise, et l'onneste cohabitation d'une seulle espouse en multiplication de escandee luxure. (Chart., L. Esp., c.1429-1430, 177)

...aurions Paix, qui seroit eviter l'effusion de sang humain qui tous les jours crie a Dieu vengance (Juv. Urs., Aud. celi, 1435, 152)

...pour eviter ce danger et aultres plusieurs, je la vous baille et donne en garde. [Un mari, craignant que sa femme ne le trompe, la confie à un ami sûr] (C.n.n., c.1456-1467, 95)

...pluseurs des religieuses se parceurent de ce qui estoit, dont elles furent bien malcontentes. Mais toutesfoiz, pour eviter esclandre, elles n'en dirent mot (C.n.n., c.1456-1467, 305)

L'homme puet acceder et approcer a sa femme en quatre causes. Premierement pour cause [...] de rendre le deu, a cause de eviter incontinence. (Sacr. mar., c.1477-1481, 46)

LE DEUSIESME. Pour eviter plus grant discort, Je m'en yray de ceste place. (Tr. Men., c.1480-1500, 294)

...après aucuns de ses faiz insignes et merveilleux, reputez des hommes trop plus divins que humains, pour eviter oysiveté et pour la plus grande recreation, vacquoit à l'estude de astrologie (Simon De Phares, Astrol., c.1494-1498, f° 28 r°)

...du recit desquelles me passe, pour ce qu'elles sont communes et pour eviter prolixité. (Simon De Phares, Astrol., c.1494-1498, f° 28 v°)

Pour eviter a tout reproche, Partez. (Myst. st Laur. S.W., 1499, 152)

Emploi pronominal à sens passif. Être empêché.

Pour ce, qui se met en la violente fureur de battaille, il tumbe en une inevitable fortune, puis que la battaille est commencee, laquele se peut eviter par bon et seur conseil longuement et meurement deliberé ainçois que on viengne a combattre. (Fillastre, Traité Conseil H., c.1472-1473, 239)

Empêcher qqc. de se manifester, de produire ses effets.

Le tamps estoit pour ce jour si doulx et tant attempré par l'empeschement des nues qui evitoient la challeur du soleil qu'il estoit advis que lui meismez fust obedient a elles (Percef. IV, R., c.1450 [c.1340], 3)

Et, pour eviter l'abbay du petit chien de l'hostel, il prinst la petite route ou sentier qui va parmy le bois à main dextre, et oncques ne voullut traverser le gueret ne païs mol, de paour que on ne trouvast nostre trace. (Bueil, I, 1461-1466, 34)

Ne pas entreprendre qqc., renoncer à qqc..

Et luy disoie les raisons par quoy son maistre devoit eviter ceste bataille et qu'il avoit veü le peril en quoy il avoit esté à la première et qu'il combatoit pour gens qui ne l'acroistroient jamais pour service qu'il leur feïst et que luy devoit entreprendre l'appoinctement et moy que je luy aideroys de nostre cousté. (Comm., III, 1495-1498, 227)

Eviter qqc. à qqn. Épargner qqc. à qqn.

Danïel, tu vieulx Dieu prïer Que ton peuple soit evité D'exil et de captivité (Gréban, Pass. J., c.1450, 130)

Eviter à qqc.

...avisés à certains articles pour éviter à la persévération de ceste présente guerre (Chastell., Chron. K., t.2, c.1456-1471, 379)

Eviter que... ne. Empêcher que...ne.

Il dit ceci pour eviter que il ne soit notté de presumpcion. (Oresme, E.A.C., c.1370, 540)

Car ainsi cellui desloial l'ot fait à son roy, pour laquel cause, quant vit que eviter ne povoit la vengence que sur soy ne venist, il meismes par desespoir bouta le feu ou palais où il estoit et ainsy peri, si que escript est ou livre des Roys. (Chr. Piz., P.V.H., 1416-1418, 23)

Le conte d'Armignac, saichant que le grant maistre de France et lieutenant du roy alloit contre luy avec la grosse et puissant armée qu'il menoit, envoya le seigneur de Barbazan et autres en embassade devers le roy pour cuider rompre laditte armée et eviter qu'elle n'allast sur luy (Le Clerc, Interp. Roye, c.1502, 234)

Item, pour eviter que lesditz gens d'armes ou leurs serviteurs n'aillent aillieurs que esditz lieux nommez querir des vivres sans en faire paiement, desquelz ilz les prandront, ledit prevost fera crier par tous lesditz villages et autres lieux particuliers es environs que... (Le Clerc, Interp. Roye, c.1502, 342)