ESCRIT

substantif masculin

[T-L : escrit ; GDC : escrit ; AND : escrit ; DECT : escrit ; FEW (XI, 333a) : scribere ; TLF (VII, 710b) : écrit]

A. -Document rédigé, texte écrit.

1.Texte, source écrite reconnue comme digne de confiance.

Il n'est pas en escript trouvé Que nul qui ait discorde mis En l'eglise tant ait d'amis Que Dieu ne l'ait puni griefment Et s'en soit venchiez cruelment. (Mir. st Guill., c.1347, 18)

Mais treuve l'en en escript que cil Romulus conquist par force pluseurs royaumes et pluseurs pays et les subzmist a la loy de Romme, si qu'il fu ja telle heure et tel temps que toutes terres rendoient treü a la cité de Romme, si que l'en l'appeloit le chief de tout le monde et avoit la seignourie du tout. (Bérinus, I, c.1350-1370, 3)

Et depuis sa fondacion Jusques a la destruccion De Troye ot CCCIIIIxx. Et .V. ans, je ne le devins, Ains l'ay en escript approuvé Veü (Chr. Piz., M.F., II, 1400-1403, 329)

La, fonda puis mainte cité Et vesqui en transquilité, Et, comme en escript puis entendre, De lui vint le grant Alixandre, Aprés lonc temps, de ligne en ligne (Chr. Piz., M.F., III, 1400-1403, 161)

Et grant partie de la ville Pour demourance a plus de mille Ottroya, pour plus gent avoir, Mais, si comme je puis savoir, Mal la compaignie depuis S'esprouva, comme en escript truis. (Chr. Piz., M.F., III, 1400-1403, 185)

Et tantost aprés, comme on treuve En escript, fu, delez un fleuve, Ravi (Chr. Piz., M.F., III, 1400-1403, 187)

Tres grans dons et nobles de luy Receurent les prestres, et puis S'en parti, comme en escript truis (Chr. Piz., M.F., IV, 1400-1403, 41)

Maiz oefz frez et molletz, sans faille, Sont loables, comment qu'il aille, Priz o le vinaigre et trinchon, Tant pour povre que pour riche hom, Et faict grant mal qui lors n'abstine De toute chose lacticine, Fors de formage en fin de table, Duquel user est tolérable, Et sauf qui veult boire lait aigre, Trait du beurre poignant et maigre, Qui, par voie de médicine, Vault moult pendant ceste ruine, Et, comme en escript je le truiz, Adonc nuisent presque tous fruiz, Car le sang qui en est nourri Légièrement seroit pourri, S'ilz n'ont en soy stipticité Ou plaisant acétosité (La Haye, P. peste, 1426, 95)

...et qui la vouldroit reciter de long a long, oncques chose depuis que le monde fut fait ne fut trouvee en escript ne autrement si tirannicque ne inhumainne. (Juv. Urs., Aud. celi, 1435, 226)

Or fault il venir a ce qui s'en ensuivit, qui fut ung des detestable cas qui oncques fut veu ne trouvé en escript. (Juv. Urs., T. crest., c.1446, 149)

2.En particulier.

Inscription.

En Babyloinne, la cité, N'en mon regne, n'en mon empire N'a homme qui me sache dire La sentence de cest escript Qu'est en ceste paroit escript, Qu'une main qui s'esvanuï De mes yeus et qui s'en fuï Y vint en ma presence mettre. (Mach., C. ami, 1357, 28)

Amis, je voi bien ta pensee. L'escrit de la pomme doree Vuez savoir. Certein t'en feray. Or enten : je le te diray. (Mach., F. am., c.1361, 201)

Devant nous getta sus la table Ceste pomme d'or que tu vois, Et puis cria a haute vois : 'Donnee soit a la plus belle !' C'est l'escripture d'entour elle. Pallas la pomme resgarda Et l'escript, et moult li tarda Qu'elle l'eüst, dont grant discorde En yssi, moult bien m'en recorde. (Mach., F. am., c.1361, 205)

En premier cercle avoit, escript D'or fin en latin, cest escript : 'Je afflue et me depart sans bonne, Telz est mes jeus ou je me donne.' (Mach., Voir, 1364, 714)

Et ainsi s'en va esbatant par la sale. Et y voit mainte belle hystoire painte, et les escripz dessus qui donnent la congnoissance que c'est. Et entre les autres y est painte l'ystoire du roy Elinas d'Albanie et de Presine et de leurs trois filles, et tout du chief jusqu'en la fin, comment ses filles l'encloirent en la haulte montaigne de Brumblerio en Norhombellande (Arras, c.1392-1393, 303)

D'aultres plusieurs crioyent, sans epytaphes Et sans tombeaux de bien fresche memoire, Mis en obly sans escript ne paraphes, Entre lesquelz ceulx que cy rememoire, Venans a moy sans faire longue histoire, Me suppliant de vouloir la main mectre Pour rediger, sans interlocutoire, Leurs piteux cas, tant en prose que metre. (Antitus, Poés. P., c.1500, 54)

Prescription rédigée.

Escrit + prop. interr. indir. Precription stipulant + prop. interr. indir..

Il appert en example, l'en ne puet determiner proprement et precisement ne faire de ce un escript general combien un homme doit boire le jour ou a un disner, ou despendre (Oresme, E.A.C., c.1370, 174)

Livre, ouvrage écrit.

...mais il peuent bien avoir l'un et l'autre et estre prudens et sages, speculatis et practiciens, si comme Eustrace dit de Aristote ou commencement de son escript sus cest livre. (Oresme, E.A.C., c.1370, 344)

Si ay acompli de mon petit sentement les commandemens d'icelle dame par ce present escript, et a chascun lecteur prie le voulloir interpreter favourablement et y jugier a cognoistre la bonne affection plus que la gloire de l'ouvraige. (Chart., Q. inv., 1422, 66)

...c'est force que j'escheve en haste l'escript que j'ai encommancé (C.n.n., c.1456-1467, 151)

...sauf toutesvoyes que pour mieulx donner à entendre aux lisans et oyans mon escript, je pourray à la fois toucher pourquoy et par quelle maniere les choses advindrent et sont advenues, et par quelles voyes elles sont venues à ma congnoissance, affin qu'en eclarcissant le paravant advenu, l'on puist mieulx entendre et congnoistre la verité de mon escript. (La Marche, Mém., I, c.1470, 184)

Finablement cest present escript j'ay divisé et parti par distingant en sept libelles, petis livres, et en un chascun d'iceulz, j'ay approprié et assigné leurs materes singuleres et leurs propres rubrices. (Somme abr., c.1477-1481, 99)

D'Isaÿe j'ay veu l'escript Que de Messïas parloit (Pass. Auv., 1477, 120)

Lettre.

Tantost aprés que Aigres ot cel escript bien pourleü et regardé, il s'en repaira en sa nef, entre lui et Siliran et tantost qu'il fu venuz, il compta a chascun ce que li escrips disoit. (Bérinus, I, c.1350-1370, 222)

Quant elle ot veü mon escript, La Tresbelle ainsi me rescript Par mon message et sans attendre (Mach., Voir, 1364, 316)

Et devant lui s'agenouilla, Si li a dit moult humblement Et moult très honnourablement : 'Monseigneur, je vous ay meffait De cuer, de pensée et de fait, De volenté et par escript, Car mal à point vous ay escript. Dont je me repen, sans mentir, Tant com je m'en puis repentir...' (Mach., P. Alex., p.1369, 243)

Le mercredy vint une faulce poste En diligence, comme tout esperdu, Qui apporta quelque escript fait a poste Que tout estoit dessus la mer perdu. (La Vigne, V.N., p.1495, 174)

B. -Locution. En escrit/par escrit

1.En escrit

Mais la main a nul n'apparoit Fors a Balthasar seulement, Et se l'Escripture ne ment Ou je l'ay veü en escript, La main en la paroit escript Ces mos: 'Mane, thechel, pharés.' (Mach., C. ami, 1357, 26)

Et loy est la descripcion de droit en escript ou en pensee et memoire. (Oresme, E.A.C., c.1370, 300)

...et fut ledit pavillon de soye blanche et verde, et par dessus avoit ung blason des armes du chevalier, timbrez d'une dame tenant un dart en sa main, et par dessus avoit en escript : 'Qui a belle dame, garde la bien.' (La Marche, Mém., II, c.1470, 97)

Estre en escrit dans le coeur de qqn. Être imprimé dans le coeur de qqn.

Et par maniere de memoire Tout le fait de li et l'istoire, Si com je l'ai devant escript, Estoit en mon cuer en escript Par vray certein entendement Mieus cent fois et plus proprement Que clers ne le porroit escrire De main en parchemin n'en cire. (Mach., R. Fort., c.1341, 108)

Mettre qqc. en escrit

Et qui se vorroit entremettre De savoir ou d'en escript mettre Le nombre de ceuls qui moururent, Tous ceuls qui sunt et ceuls qui furent Et tous ceuls qui sont a venir Jamais n'i porroient venir, Tant s'en sceüssent encombrer (Mach., J. R. Nav., 1349, 150)

De che dist aussi Seneque a Lucille : 'Tout ce qui est cueillié par la lechon, la plume le mette en escript...' (Daudin, De la erudition H., c.1360-1380, 128)

...en païant XII d., c'est assavoir IIII d. au verdier pour y mettre l'emprainte de son martel, quatre deniers aux sergens fieffés, et IIII. d. au clerc du verdier pour les mettre en escript. (Hector De Chartres, Cout. R., 1398-1408, 295)

Si mis en escript ce qu'ilz dirent Pour mieulx estre de leur butin, Et l'ont nommé ceulx qui le virent Le debat Reveille Matin. (Chart., D. Rev., a.1424, 319)

Laquelle [une apparition] acquiesça a mes requeste et commandement, en me requerant que se je mestoie se qu'elle me diroit en escript (Juv. Urs., Aud. celi, 1435, 148)

Marc Anthonius jamaiz ne mettoit en escript nulles de ses oroisons, lesquelles il faisoit en son plaidoier, adfin que, se une aultre foiz il disoit le contraire, que il le peust affermer sans ce que on le peust reprendre par son escript. (La Sale, Salade, c.1442-1444, 26)

Lesquelles choses, pour rire et passer temps et pour monstrer a chascun le contraire, j'ay mis tout en escript. (La Sale, Salade, c.1442-1444, 130)

Rediger qqc. en escrit

...et en icelles, sans aucune force ou contrainte, et par serement, a continué et perseveré, et ycelles afferme estre vrayes, et par lui avoir esté faites et comisses en la forme et maniere que redigées sont en escript (Reg. crim. Chât., I, 1389-1392, 182)

2.Par escrit

Et sur ce fu deliberé et conclud que on ne leur feroit par escript aucune response, et que ilz feissent relacion de ce qui leur avoit esté dit le jour precedent par maistre Phelippe de Morvillier, premier president oudit Parlement. (Fauq., I, 1417-1420, 263)

Ce jour, les commissaires sur le fait de la police baillerent à monseigneur le Chancelier, estant en la Chambre de Parlement, certains advis par escript regardans le bon gouvernement et distribucion des prouffis de la monnoie et des autres finances, pour faire mettre yceulz advis à execucion, dont le Chancelier se charga d'en parler au conte de Saint-Pol et aux autres gens du Conseil. (Fauq., I, 1417-1420, 279)

...laquelle requeste ilz baillerent par escript (Fauq., I, 1417-1420, 294)

[P. oppos. à de bouche]

Mon doulz cuer, vous m'avés mandé de bouche et par escript que je n'envoiasse point vers vous jusques vous envoieriés vers mi ; et j'ay obeÿ a vostre commandement, qui m'a esté - et est - moult dure chose, pour ce que je ne savoie la cause. (Mach., Voir, 1364, 514)

...il respondi de bouche et par escript tant pardevant messrs le chancellier de France, nommé maistre Pierre d'Oriole, que autres des presidens et conseillers de la court de Parlement, par plusieurs et diverses journées (Roye, Chron. scand., II, 1460-1483, 55)

...fut crié et publié à son de trompe et cry publique (...) que, pour raison du temps passé, personne vivant ne feust si ozé ou hardi d'en riens dire à l'opprobre dudit seigneur, feust de bouche, par escript, signes, paintures, rondeaux, balades, virelais, libelles diffamatoires, chançons de geste ne autrement (Roye, Chron. scand., I, 1460-1483, 219)

...offrent et consentent lesdiz ambaxeurs du Roy que lesdictes nominacions et recognoissances, tant par escript que de bouche, ne portent aucun prejudice à ladicte exempcion personnele de mondit seigneur de Bourgoingne, sa vie durant (La Marche, Mém., I, c.1470, 229)

Coucher qqc. par écrit

La pluspart disoyent que la seüreté que le roy avoit luy fust gardée, veü qu'il accordoit assez la paix en la forme qu'elle avoit esté couchée par escript (Comm., I, 1489-1491, 142)

Dire qqc. par escrit. Exposer qqc. dans (un livre).

Aussi le sage et grant Aubert, Un Philosophe moult expert, Dit par escript et nous afferme Certainement pour chose ferme, En ses nobles ensaignemens De la Nature aux élémens, Que Jupiter avecques Mars (La Haye, P. peste, 1426, 26)

Lever qqc. par escrit

Celer ne se peut ce que loiale affection contraint a dire et, quoy qu'il touche aux haulx faiz et haultes personnes, j'en parle selon ma petitesce, mais oncques ne fut veue a l'ueil ne levé par escript maindre discipline ne plus fraelle justice d'armes que celle que nous disons tenir sur nostre chevalerie. (Chart., Q. inv., 1422, 59)

Mettre qqc. par escrit

...pource que je ne vous puis par icy dire combien je suis a vous (...), je le mettray par escript et demain le vous bailleray (C.n.n., c.1456-1467, 256)

...lequel [Jean Molinet] je sçay estre laborieux et songneux de mettre par escript toutes haultes et vertueuses adventures venues à sa cognoissance. (La Marche, Mém., I, c.1470, 15)

...j'en ay voluntiers voullu mettre aucune chose par escript : c'est assavoir en l'avitaillement de la ville de Louviers, dont estoit chef La Hyre, et aussi y estoit Anthoine de Chabannes, conte de Dampmartin, qui avoit lors en sa compagnie environ soixante hommes d'armes. (Le Clerc, Interp. Roye, c.1502, 140)

Prendre qqc. par escrit

Si requiert, que se la Court le reçoit, que ce soit par la maniere que dit est, et qu'il preigne les instructions à ce pertinens par escript. (Baye, II, 1411-1417, 243)

Rediger qqc. par escrit

Pour entammer doncques cest euvre, il est notoire a tous bons et vrais catholiques que pour mettre et rediger par escript a la memoire perpetuele des crestiens, les sainctes et vraies parolles ensemble les vertueux euvres et fais de nostre benoit sauveur et redempteur Jhesucrist et de ses sains apostres, furent esleus quatre preudhommes d'entr' eulx plains de verité et vertus pour faire cestui sainct mistere (Ev. Quen. I, c.1466-1474, 78)

Ne trouvons nous pas au tanscript De sa tresdigne passion Qu'on a redigé par escript, Qu'il a donné salvacion A ceulx qui, par devocion Et par tresbonne repentence, Ont remys leur affection A le servir sans nulle offence ? (La Vigne, S.M., 1496, 284)

Tout y estoit acoustré et tendu Mieulx que ne puis rediger par escript, Ou aussi bien que s'on eust attendu A y passer le corps de Jesucrist. (La Vigne, V.N., p.1495, 181)

Par métonymie. Mettre/prendre qqn par escrit. Inscrire, enregistrer qqn ; enrôler qqn sur un registre.

Et à ceste cause fut ordonné que tous ceulx de Paris seroient prins par escript et par dixaines, pour en prendre de chacune dixaine dix hommes (Roye, Chron. scand., I, 1460-1483, 71)

HISTOIRE ROMAINE Inscrire, enrôler des (troupes).

...et il s'en ala en Ytalie a grans journees et concueilli deux legions et mist en escrit (Faits Romains M., c.1400-1500, 177)