VERGE

substantif féminin

[T-L : verge1 ; GD : verge ; GDC : verge ; DECT : verge1 ; FEW (XIV, 490a) : virga ; TLF (XVI, 1018a) : verge]

A. -Baguette.

1.Baguette (de bois), longue et flexible.

Se baston ne verge tenisse, Plus près de vous jouer venisse (Mir. parr., 1356, 16)

Et aucuns entendent par ceste courroie que en la maniere que celui qui jeue d'une courroie entour une verge deçoit les gens. (Oresme, E.A.C., c.1370, 384)

Et tel mouvement est un accident et non pas chose qui puisse estre separee de toute autre et par soy estant, car c'est impossible - tel qui implique contradiction - mais est aussi comme seroit la curvité ou la rectitude d'une ligne ou d'une verge, car telle chose ne peut estre ymaginee sanz aucun subject. (Oresme, C.M., c.1377, 372)

...la vergue de houx, mes qu'elle ne porte treu de truelle, au jour de Pasques, la feste de l'Assension et du jour du saint Sacrement, pour repparer leurs hostieux, sans prendre au couppel de l'abre. (Hector De Chartres, Cout. R., 1398-1408, 213)

...ceste sage dame, pourveue de ce qu'elle aura a faire, en la maniere que on ploye la verge quant elle est joenne si comme on veult, avisera a son pouoir de mettre en tel ploy sa dicte maistresse qu'a tousjours mais y puisse demourer. (Chr. Piz., Trois vertus W.H., c.1405, 93)

...12 bottes de petites verges à lyer les hayes (Comptes Etat bourg. M.F., t.3, 1418-1420, 620)

...il ne luy fallit que une secousse de verges a nettoier sa robe et ses chausses qu'il ne fut prest. (C.n.n., c.1456-1467, 189)

...il fist tresgrande et grosse garnison de bonnes verges de boul qu'il apporta secretement en sa maison (C.n.n., c.1456-1467, 264)

Baguette miraculeuse.

...les choses qui se font selon le pareil cours et ordre de nature, mais pas toutevoies selon le commencement original de nature, come en la mutation des verges en serpens. Car ce eust peu estre fait selon l'ordre de nature par long pourrissement, car celles verges avoient en elles les raisons des semences pour produire serpens, toutevoies pour ce que l'operation de nature n'y fut a ce faire, ce fu miracle. (Somme abr., c.1477-1481, 162)

...comme fu fait ez verges desquelles furent fais les serpens soudainement en ung moment. (Somme abr., c.1477-1481, 163)

[À propos du bâton de Moïse]

Lors Moÿses portoit la verge, et a nous le roy porte le ceptre et l'evesque la croce. (Jean Golein, Rational B.D., c.1370-1372, 301)

Car Moyses mist la verge seure Jadis en l'arche (Mir. st J. Paulu, c.1372, 149)

Et la verge qui Justice comprent Voult Moisès en la pierre assener Dont l'yaue yssi (Mir. st J. Paulu, c.1372, 150)

Moyses faisoit Yaue issir qui decouroit, Dont un peuple soustenoit ; Sa verge en serpent muoit ; Ce scevent plusour. (Mach., Les lays, 1377, 402)

Et celle fonteine fist Moïse, par la voulenté de Nostre Seigneur, de la verge qu'il lui donna (Voy. Jérus., c.1395, 49)

...et tantost que Moïse ot feru de sa verge, la mer se aouvry et y apparut ung bel et grant chemy (Voy. Jérus., c.1395, 55)

...pour ce que les eaues du desert estoient ameres, Moyse, gectant une verge de bois dedans, les adoulcy pour boire eulx et leurs bestes (Chr. Piz., Paix W., 1412-1413, 127)

DEUS. [à Moïse] (...) Et en ta main tiendras la verge (...) De laquelle la mer frappas Quant ton peuple ou desert menas, Et d'icelle fiert sur la pierre Et tu verras yssir grant erre, De l'eaul par tresgrant random. (Pass. Semur D.M., c.1420 [1488], 37)

[Formule de serment] Par la verge de Moïse

... par la verge de Moÿse Vostre chair en sera submise A tel dueil que vous en morrés. (Myst. Pass. Troyes B., a.1482, 882)

[À propos des baguettes utilisées par Jacob pour tromper Laban]

...Conme Laban fu de Jacob souvent Quant par verges les toisons converti (Mir. st J. Paulu, c.1372, 147)

...par la verge de Moyse la mer rouge fu devisée et passa la peuple à pié sec (Chr. Piz., Paix W., 1412-1413, 127)

Verge de Mercure. Caducée.

...et ce nous est segnefié secretement par les serpens qui estoient entour la verge de Mercure, qui sont de leur nature malicieux et sages, sy come le serpent qui estoupe une oreille de sa queue et l'autre de la terre (Evr. Conty, Eschez amour. mor. G.-T.R., c.1400, 253)

Par métaphore. [À propos du corps du Christ en croix, préfiguré par le bâton de Moïse]

...le filz Dieu fut verge sanz amer (...) ; Celle verge de char poissant et pure Fu jusqu'a mort ploiée en la croiz dure, Dont rouge mer de sanc fist despartie (Mir. st J. Paulu, c.1372, 149)

2.Baguette servant à battre les vêtements.

Hoo ! le povre Johan, Sa femme est abandonnée, Johan netoye la robe De sa femme qu'est crotee, A prins la verge en sa main Saigement l'a nectoyéee. (P. Jouh. D.R., a.1488, 21)

Verge à nettoyer

...à Jehan de Mez, varlet de garde robe d'icellui feu seigneur qu'il avoit paié pour trois paire de draps pour garnir coffres et pour une douzaine de verges à nettoier ses robes, 3 frans (Comptes Etat bourg. M.F., t.1, 1419, 120)

Pour ung mirouer rond, 2 s. 8 d. p., ung ganivet, 2 s. 8 d. p., et une verge à nettoier, 16 d. p., tout acheté par le commandement de mesdits seigneurs Prevost des marchands et eschevins pour servir en la chambre et au Bureau en l'Ostel de ladite ville (Comptes Paris V.L.D., t.1, 1447-1449, 615)

B. -En particulier.

1.[Souvent au plur.] Baguette servant à châtier.

Tu qui vues avoir mon cheval, Je te di qu'amont et aval, Sans faillir, au tiers pas s'arreste, S'on n'a toudis la verge preste Ou l'esperon à son costé Dont cent mille fois l'ay osté ; Dont il trebuche, quant il marche. (Mach., Compl., 1340-1377, 263)

Helas ! que me demandes tu ? Je t'aim de toute ma vertu. Or me hez et m'as abatu De haut en bas Et de tes verges si batu En ta chartre ou m'as embatu Que je me rens dessous l'escu Veincus et mas. Si fais trop mal, se tu me bas, Quant je me ren et que pris m'as, (Mach., R. Fort., c.1341, 45)

Puis le menez en ce chapitre Ou de verges sera batuz. (Mir. st J. Cris., c.1344, 297)

...et s'il tenist verge ou baston, il les ferist voulentiers sanz espargnier, ou qu'il les peüst assener (Bérinus, I, c.1350-1370, 9)

De quoy servent tant de manieres de cremeurs par lesquelles sont reboutees les vanités des petis enfans : les pedagogiiens, les maistres, les ferules, les verguez ? (Daudin, De la erudition H., c.1360-1380, 7)

Il fist venir ses enfanz ou milieu du marchié en commun et devant touz les y fist tres grandement batre de verges et finablement il fist trenchier leur les testes d'une coignie (Foul., Policrat., IV, 1372, 79)

...mais il fist lier les mains du maistre derriere le dos et le bailla aus enfans a batre de bonnes verges (Foul., Policrat. B., V, 1372, 325)

Et lors se prent a plourer ung des petis enfans, qui est a l'aventure celuy que le bon home ayme mieulx, et la dame prent une verge et le bat tres bien, par despit du bon home plus que pour autre chose (Quinze joies mar. R., c.1390-1410, 31)

C'estassavoir que chascun des abbez commanderoit a chascun de ses moines que sans le sceu des autres il laissast la nuyt sa chambre ouverte et unes verges soubz son chevet en attendant la discipline que son abbé lui vouldroit donner (Ménagier Paris B.F., c.1392-1394, 85)

...celluy qui a entencion de les mectre en besongne en la saison d'espreveterie, les doit devant le temps affaictier et tenir liez et en subjection de verges ou de fouet (Ménagier Paris B.F., c.1392-1394, 144)

Ne soyons pas si folz que nous refusons la verge, et eslisons la mort. Ung enfant meismement, qui refuit tant bat[u]re, ne feroit pas telle election, aincoys bailleroit il la verge, et prieroit que on le batist, que il [ne] receust la sentence de la mort, laquelle il escheveroit par ceste bature. (Gers., Déf., 1400, 242)

Vierge, qu fus nue pandue Et de verges tranchans batue... (Prières saints R., t.2, 1400-1500, 327)

Par ceste maniere fut puniz Aurelius par le conseil Cotta, car il fut batu de verges et remis avecques les gens de pié pour ce qu'il avoit negligemment laissié ardoir par les ennemis partie de la chose publique et de la closture du logeis qu'il devoit garder (Chart., Q. inv., 1422, 55)

Le pere prent la verge pour batre son enfant (Chart., L. Esp., c.1429-1430, 42)

Et se ung filz empongne par rebellion la verge de son pere, le pere court au baton, qui est plus dur, et oublie le castaiement de discipline par la rigeur de punition (Chart., L. Esp., c.1429-1430, 65)

Certes bien semble que Dieu se ioue auecques nous tout ainsi que la nourrisse auecques le petit enfant : maintenant luy rit, maintenant luy monstre la verge, maintenant luy promet aucune chose, maintenant le menasse (Cib., p.1451, 189)

...c'est assavoir ledit Empereur le premier, Jehan de Foing le second, Regnault Goris le tiers, et ledit Jehan du Bus le IIIIe et derrenier ; et est assavoir que ledit Empereur, lesdiz de Foing et Goris estoient trois beaux jeunes hommes. Et, en oultre, pour ledit cas fut batu de verges et banny du royaume de France ung jeune filz cordouennier, qui avoit conspiré de la mort, mais point ne s'estoit trouvé à icelle. (Roye, Chron. scand., II, 1460-1483, 60)

Mon filz, le pouls plus ne vous tramble. Las, je ne m'en esbays pas, Car foés, verges et cloux ensemble Et la croix vous ont mis a bas. (Pass. Auv., 1477, 258)

L'EVESQUE. (...) Sa, compaignons, veillez vous ordonner Appertement de tresbien luy donner La discipline devant et de costiere ; De belles verges pencez de le mener A la raison et si bien promener Que sur son corps ne reste pel entiere. (La Vigne, S.M., 1496, 341)

Par métaphore.

Nous avons arçons, arbalestres, Espringales, garros, sajettes, Et d'artillerie tout plain, Qu'il [les ennemis] nous ont laissié tout de plain ; En ces tours sont et en ces portes, Dont elles sont assez plus fortes. Si les baterons de leur verge, Par saint Julien, qui herberge Les pelerins ; pas ne m'acorde À vostre dit, eins m'en descorde Dou tout en tout, tant comme au vivre : N'est pas belle chose d'estre yvre. (Mach., P. Alex., p.1369, 104)

Veritablement sa verge et son baston par l'actrempance de justice ramaine touz contraz et marchiéz et erreurs a voie de verité et d'equité, et tant que l'esperit s'accorde et consent par rayson a la puissance du prince souverain et avec ce elle preigne sa joie en disant avec le prophete : 'Ta verge et ton baston si m'ont consolé et conforté' (Foul., Policrat., IV, 1372, 52)

...vous estes batus des verges et des assaus de jalousie (Froiss., Pris. am. F., 1372-1373, 152)

... se li rice et li noble en la ville de Gaind estoient batu de tels verghes, on ne les en devoit ou doit point plaindre (Froiss., Chron. R., X, c.1375-1400, 80)

Lire n'escripre ne sçay mye, Dez verges de Soussy batu, Es derreniers jours de ma vie. (CH. D'ORLÉANS, Ball. C., c.1415-1457, 179)

Ainsi voulut plus honnourer le tiltre divin que craindre le tyrant inhumain, et en monstrant sa cité preste a la correction divine deservit il misericorde et grace d'en eschaper, ainsi que l'enfant qui se vient rendre soubz la verge du pere. (Chart., L. Esp., c.1429-1430, 146)

Ainsi doncques est vray que Dieu est presque forcé ou semons de monstrer plusieurs signes et de nous battre de plusieurs verges, par nostre bestialité et par nostre mauvaistié, que je croy myeulx. (Comm., II, 1489-1491, 213)

Cueillir la verge pour se faire battre. Tendre le bâton pour se faire battre, fournir les armes contre soi.

C'est ce pour quoy mon vis mueil, Com vrais sougis Qui n'ai meffait ne mespris Contre son vueil ; Et pour ce en l'amoureus brueil, Ce m'est vis, la verge cueil Pour moy batre et me despueil, Comme aprentis Qui n'a d'avoir joie apris Lettre ne fueil. (Mach., Les lays, 1377, 436)

Gouverner qqn en verge de fer

Tu les gouverneras en verge De fer (Chr. Piz., M.F., II, 1400-1403, 27)

2.[Comme symbole de l'autorité, comme symbole d'une fonction]

a)Sceptre du souverain (et autorité qu'il représente).

[Traié du sacre] ...l'arcevesque li met la verge en la main senestre (Jean Golein, Rational B.D., c.1370-1372, 696)

La préexcellence et haultesse royale à laquelle le très puissant et souverain le roy des roys nostre créateur Jhésucrist par sa grace divine et doulce clémence nous a esleu et appellé en nous laissant et baillant le régime de ce renommé et noble royaume à quoy nous sommes obligez par le ceptre de la verge royale, il appartient diligemment à la paix entendre de nostredit royaume (Doc. 1416. In : MONSTRELET, Chron. D.-A., t.3, c.1425-1440, 152-153)

Verge de justice

...appartient à lui [le duc de Bourgoingne] la paix du païs à garder et gouverner le pueple par la verge de justice et lui affiner tous les comptes par loyaulté (Cout. bourg. glosé P.M., c.1380-1400, 84)

b)Crosse d'un évêque.

...a Pierres Ansoult, orfévre, tant pour argent mis en la verge de Monseigneur l'Official que pour la réparation de la dicte verge (Comptes Archev. Rouen J., 1433-1434, 126)

c)[Comme symbole de la fonction du connétable]

A cellui jour de Noël servit le conestable de France le roi à table, la verge en la main et le chaperon hors de la teste (CABARET D'ORV., Chron. Loys de Bourb. C., 1429, 31)

d)Baguette portée par les sergents (symbole de leur fonction).

LE .II. SERGENT. Tu parles tres bien, Aussi es tu homme de bien ; Pas ne vueil dire le contraire. LE .I. SERGENT. Se n'est pas mal faict de complaire Qui peult. LE SECOND SERGENT. Franc comme lorïer, Qui vous vouldroit injurïer, Sainct Jacques, il auroit [bien] tort. LE .I. SERGENT. Pour bien adjourner d'ung accord Et faire accorder les parties, N'est que moy. LE .II. SERGENT. Mais aux departies, Tes adjournemens faiz sans verge. (Mir. st Nic. juif, c.1480-1500, 99)

Sergent à verge. Voir sergentSergent à pied de la prévôté de Paris chargé d'assurer la police dans la ville et sa banlieue.

Hugues de Crusi, garde de la prevosté de Paris, a Vaast d'Angicourt, Guillaume de la Jonchere, Jehan de Breteul, Colin l'Afilé, le Begue de Saint Just et a touz autres serganz a cheval et a verge du Chastellet de Paris, salut. (Chartes Abb. St-Magl. T.F., t.3, 1330, 13)

Hugues de Crusy, garde de la prevosté de Paris, a Vaast d'Angicourt, Jehan Paris, Jehan Triquot, Pierre de Laingny, Guillaume de la Jonchière, sergans a cheval, Jehan de Breteul, Jehan de Mante, Adenot Blondel, Aubelet de la Tour, sergans a verge, et a touz autres sergens, tant de cheval comme a verge dou Chastelet de Paris, salut. (Chartes Abb. St-Magl. T.F., t.3, 1330, 14)

Nicolas l'Afillé et Guillaume de Neelle, sergens a verge du roy nosire ou Chastellet de Paris... (Chartes Abb. St-Magl. T.F., t.3, 1338, 77)

Jehan Selvet, sergent à verge ou Chastellet de Paris... (Reg. crim. Chât., I, 1389-1392, 34)

Defense fu faicte (...) à messire Bertran d'Enfernet, chevalier du guet à Paris, qu'il ne mefface (...) à Colin de la Chapelle, sergent à verge et collecteur du guet des mestiers de Paris (Baye, II, 1411-1417, 193)

...appoinctié a esté que ledit Michiel sera eslargi et mis à son hostel, ouquel le gardera Jehan Nielle, sergent à verge ou Chastellet de Paris (Fauq., II, 1421-1430, 10)

...en celle année fut faicte une ordonnance de par le prevost de Paris et de par les signeurs de Parlement, que nul sergent à cheval, ne nul sergent à verge, s'il n'estoit marié ou s'il ne se marioit, n'officeroit plus (Journal bourgeois Paris T., 1427, 213)

Et lors y ot beau hurtebillis de canons, vulglaires, serpentines, coulevrines et autre traict qui leur fut envoié de ladicte ville, dont il en ot aucuns tuez et navrez. Et, durant ladicte escarmouche, y ot ung paillart sergent à verge du Chastellet de Paris, nommé Casin Cholet, qui, en courant fort eschaufé par plusieurs des rues de Paris, crioit à haulte voix telz motz : 'Boutez vous tous en voz maisons et fermez voz huis, car les Bourguignons sont entrez dedens Paris.' (Roye, Chron. scand., I, 1460-1483, 59)

Et, en icellui temps, advint à Paris que trois sergens à verge du Chastellet, qui estoient bien mal renommez, furent de nuit prendre ung prestre de l'eglise monseigneur Saint-Pol à Paris, lequel estoit paisiblement couché en sa chambre, en laquelle par force et violence entrerent dedens, et ilec le batirent (Roye, Chron. scand., I, 1460-1483, 168)

Grande verge/grosse verge. Attritut d'une certaine catégorie de sergents.

Ce jour fu seellée une lettre pour maistre Pierre Payen par laquelle Madame li donne l'office de sergenterie de grousse verge appellé l'office de Brye et d'Artay que tenoit Gilot Conteur par avant. (Le Fèvre, Journ. M., c.1380-1390, 121)

Item une lettre pour maistre P. Payen par laquelle Madame li donne l'office de serganterie de grand verge d'Anjou vacant par fourfaiture de Jehan de la Foucheraie. (Le Fèvre, Journ. M., c.1380-1390, 353)

Et est enjoinct à tous les sergens, tant de la grant verge que de la prévosté, d'eulx prandre garde des choses dessusdites, sur lesdites paines. (Roi René vie L., 1464, 302)

Par métonymie. Territoire d'un sergent forestier.

...lequel disner ou soupper est appellé ledit pastz, et doit estre fait par chascun an entre la Toussains et Caresme prenant, et doit estre fait a sept personnes dont les noms s'ensuivent, c'est assavoir a mondit maistre le gruyer, son clerc, le maistre vanneur, les deux sergens de la garde d'icelles Coustumes en la verge de Montfort, le varlet des chiens, et aussi aux deux varletz qui gouvernent les chiens de la meulte de monseigneur (Chartes Abb. St-Magl. T.F., t.3, 1397, 714)

Et le sergent fieffé a sur chacun coustumier de sa berge [l. verge] deux gerbes de blé par chacun an. (Hector De Chartres, Cout. R., 1398-1408, 321)

3.Au figuré. [À partir du symbole de la baguette qui sert à châtier ou de la baguette du sergent à verge]

a)Châtiment.

Mais, se leurs filz laissent ma loy et ne cheminent en mes jugemens et par despit degettent et villainent mes justices et pas ne gardent mes tesmoinages, je visiterai leurs mauvestiéz et leur iniquité en forte verge et transporterai leur royaume de gent en autre gent et deffaceray les hoirs de leur semence selon la char, et la succession sera transportee a ceus qui seront trouvéz hoirs de foy et de justice (Foul., Policrat., IV, 1372, 77)

Châtiment divin.

Si fu ceste cose commencie par grant humilité, et pour priier à Nostre Signeur qu'il vosist refraindre son ire et cesser ses verges ; car en ce temps, par tout le monde generalment, une maladie, que on claime epydimie, couroit. (Froiss., Chron. L., IV, c.1375-1400, 100)

Tout ce qu'il a à souffrir maintenant, ce sont verghes de Dieu, envoiies sur lui pour lui castiier et pour donner as autres rois crestiiens et princes de terres exemple que il ne facent mies ensi (Froiss., Chron. L., VI, c.1375-1400, 202)

Quant pape Clement oït les nouvelles, il pensa ung petit et puis dist que celle desconfiture avoit esté une verge de Dieu pour exemplier le conte (Froiss., Chron. R., X, c.1375-1400, 238)

De sa verge Dieu les pugnist et bat Et t'a rendu Guyenne et Normandie. (CH. D'ORLÉANS, Ball. C., c.1415-1457, 158)

...je voy la verge et punicion de Dieu, qui veille a punir France par guerres, faminnes et mortalités. (Juv. Urs., Aud. celi, 1435, 235)

Verge de correction

...[de] tel embrasement d'amour doit partir la verge de correction (Daudin, De la erudition H., c.1360-1380, 190)

Je m'encline soubz la vergue de ta correction : fier mon doz et mon col afin que je cline a ta volenté ma tortuosité (Internele consol. P., 1447, 224)

Verge de discipline

Folie est assamblee ou cuer de l'enfant et la verge de discipline l'en chacera (Daudin, De la erudition H., c.1360-1380, 183)

Verge de penitence

Dieu, notre juge, nous baille yci election : ou que nous soyons yci batuz de la verge de penitence, ou que nous aurons jugement rigoreux aprés la mort. (Gers., Déf., 1400, 242)

Verge de punition

Si est a doubter que la verge de punicion divine soit sur nous pour noz pechiez (Chart., Q. inv., 1422, 6)

b)Autorité, pouvoir.

Car, se felonnie et mauvaistié se departent de la face, c'est a dire de la volenté, les euvres de tout le royaume sont adresciees et gouvernees par la verge d'equité et vertu de justice. (Foul., Policrat., IV, 1372, 77)

...et ay curieusement encerchié par les discours des Sainctes Escriptures les faultes et les punicions de noz peres et des primerains et en grant craincte debatu en ma pensee se ceste douloureuse affliction en est en verge de pere pour nostre chastiement ou en rigueur de juge pour nostre exterminacion (Chart., Q. inv., 1422, 5)

...encontre la verge des dieux ou nul n'a puissance tant qu'il leur plaira (Percef. I, R., t.1, c.1450 [c.1340], 89)

Verge directive. Règle de conduite.

Encores se peut dire que la Vierge Marie non pas tant seulement sera a nostre Chevalier refuge, mere et advocate, estoille et lumiere, mais aussi elle sera a noz combatans une verge directive et en tous cas deffensive. (Mézières, Sustance H., 1396, 73)

Verge somniale. Assauts du sommeil.

En celle nuyt je ne me monstray pas Estre frappé de verge sompnïale (Saint-gelais, Séj. honn. D., c.1490-1495, 167)

Sous la verge de qqn

Et comment, sire, ne estes vous pas assez saige pour scavoir ce qui est a faire ? (...) Voulez vous estre gouverné comme ung enfant ou pucelle soubz la verge des autres ? Voulez vous que voz serviteurs meurent de fain decoste vous honteusement ? (Gers., Noël, p.1404, 307)

Mettre qqn dessous sa verge. Mettre qqn sous son autorité, réduire, soumettre qqn.

[Le chancelier de Bourgogne] N'accontoit a nul, tant feust grant, et cescun contendit a mettre desoubz sa verge. Et la ou d'aventure quelq'un luy faisoit repugne, sur ly dressa il sa vindication et la mist a effect, non par espee, mais par auctorité de court. (Chastell., Chron. IV, D., c.1461-1472, 110)

Tenir qqn sous verge

Par Dieu, vous n'en chevirés ja, Se vous ne le tenez soubz verge. (Pouvre peuple H., c.1450-1492, 189)

Tenir qqc. sous verge de droit. Maintenir qqc. sous l'autorité du droit, de la justice.

...gens tant rebarbatis, si rebelles, et tant mal accoustumez, et usagez de riens ne craindre [ne] tenir soubz verge de droit (Bouciquaut L., 1409, 421)

C. -Par analogie.

1.Branche.

Si nous convint (...) coupper (...) verges pour faire maisonnettes pour nous musser (Le Bel, Chron. V.D., t.1, 1352-1356, 59)

Et leur convenoit coper plançons de bois a lors espees ou baselaires, tous ploians, pour lors chevaus loiier, et verges pour faire hutelettes pour euls muchier. (Froiss., Chron. D., p.1400, 133)

Et a grant meschief, li garçon recouvroient de pels ne de verghes pour loiier lors chevaus, ne fourage ne litiere pour euls aisier (Froiss., Chron. D., p.1400, 144)

2.Tige ; manche.

a)Tige (d'une plante).

Ne porta fruit, fueille et flour Une verge sans humour, Toute seche et sans verdour, Qu'Aaron tenoit : Ce contre nature estoit. (Mach., Les lays, 1377, 402)

Verge d'Aaron

Ches trois choses sont designees ou demoustrees en la verge de Aaron qui florist et eut feules et fruit, comme on list ou livre des Nombres ou .XVIIe. chapitre (Daudin, De la erudition H., c.1360-1380, 209)

Aucune fois [les miracles] se font en plantes ou arbres, qui ont vertu de croistre ou de fructefier, comme la verge de Aaron, qui flourit. (Somme abr., c.1477-1481, 163)

[Cont. métaph.]

Croissement flourir leur ennorte Et contraint que de la terre isse Verges et palmes de justice, Les cepiaulx es vignes acroist Et les raisins et le vin croist (Desch., M.M., c.1385-1403, 202)

Jérémies dist à sen tans proprement, Que che seroit la vergue de raverdissement Qui porteroit le fruit de nostre sauvement (Geste ducs Bourg. K., c.1410-1419, 513)

Par métonymie. Oseraie.

Audit estene et Jehan froidure manouvriers pour avoir ouvre (...) a haudraguier ale buise de le porte saint souplis, y fait IIII cloies de le vergue de la ville pour y ouvrer (Comptes Doullens W., 1470, 22)

b)Tige d'un objet, tige de métal.

...long comme la verge d'un jaugeur. (Ménagier Paris B.F., c.1392-1394, 192)

Item, un chiennet à crosse et IIJ verges de fer (Fauq., III, Pièces diverses, 1438, LXXXII)

Verge d'un boujon. Tige de la flèche appelée boujon.

Remarque : HENRI FERR., Modus et Ratio, Livre deduis T., c.1354-1377, gloss.

Verge de chape

Remarque : Doc.1359 ds GAY II, 453a.

HORLOGERIE Verge de fer

...et devant aura ung axil a deux piliers du cousté de l'oreloige parmy quoy passera une verge de fer qui viendra dessus les chevilles, ainsi les chevilles le sourdront et leveront le martel o ung fil de fer qui sera attaché au bout derriere. (Traité d'horlogerie Z., c.1380, 278)

ORFÈVRERIE Tige reliant le pied à la coupe d'un calice.

...un autre calice d'or, et ou pié icellui, un Cruxefis (...) et la verge entaillée de fenestrages (Ch. VI, D., t.2, 1420, 379)

Entre ces deulx piecez, droit emprés sur l'autel, estoit ung excellent calice moult riche, hault de deux piez, tout d'or, la moitié de la couppe, la verge et la pate, tout cela couvert de pierres (Barbatre, Voy. T.-C. P., 1480, 100)

c)Tige de métal maintenant un panneau de vitrail.

Remarque : Doc.1340 ds TLF.

d)Manche.

Verge de fleau

...ledit Paynnot suppliant print en sa main une verge de fleau (Doc. Poitou G., t.10, 1458, 50)

e)Partie de l'arc de catapulte.

Verge d'arbalete

Remarque : Doc.1394 ds GD X, 845b.

Engin à verge

Et laissèrent lesdits Angloiz deux grosses bombardes et plussieurs canons avec deux engins à verges, grant confort de vins et autres vivres. (Chart. J., Chron. Ch. VII, V., t.1, c.1437-1464, 141)

3.CHARPENTERIE Latte, chevron.

Livrée de neuf chesnez pour maisons et granchez neufvez, et deux quartéez de boiz, et pour le feste brisié demi livrée, et une chartée de bois pour pel et vergue, prins au rez dez taillez aux coustumiers, avec autrez menuez drois acoustumés. (Hector De Chartres, Cout. R., 1398-1408, 207)

Chacune des deux longues perches qui se croisent et qui soutiennent les volants d'un moulin.

Audit Jehan, pour (...), estoffer le trau de l'espoye de perches et d'aix, refaire le long pont de la Lijs, les grans fers du molin à vent mettre hors et ens, le spinewiel aussi mectre hors et ens et icellui tourner, pour 5 alpen mettre au waterwiel, et ledit molin à eaue aidier à mettre à cours, et pour peser la verge du molin à vent (Comptes Etat bourg. M.F., t.3, 1418-1420, 632)

Audit Bauduin, pour 14 jours que ledit molin ne molt que à une verge et deux volans (Comptes Etat bourg. M.F., t.3, 1418-1420, 651)

4.PÊCHE Gaule pour la pêche.

Phelippe d'Artevelle... n'estoit mies bien soutils de guerres ne de faire sièges, car de jonèche il n'i avoit point esté nouris ne introduis, mais de pesquier à le verghe as pissons en le rivière dou Lis et de l'Escaut (Froiss., Chron. R., X, c.1375-1400, 259)

Oye la complainte des pouvres pescheurs de poisson a verge de la ville de Paris (Mét. corp. Paris L., t.1, 1380, 467)

...de vendre leursdis poissons peschez à la verge (Mét. corp. Paris L., t.1, 1380, 468)

De la pescherie de la petite arche estant joingnant de la grant arche dudit pont Nostre Dame, du costé de Saint Denis de la Chartre, qui baillée avoit esté par Mesdits Seigneurs à Jehan Sabat, pescheur à la verge (Comptes Paris M., t.2, 1488-1489, 426)

Remarque : Doc.1475 ds GAY II, 453b.

5.Règle ou barre servant à mesurer.

A Caisin, le serrurier, pour avoir fait (...), clichets, bastons de fer, verges de fer pour vergier (Trés. Reth. S.L., t.2, 1409-1410, 635)

Par métonymie. MESURES

Unité de mesure agraire (quart d'un arpent).

...une piece de terre seant en Grantchamp, contenant XL verges (Trés. Reth. S.L., t.2, 1344, 47)

...vinte et une verges de terre gisante alle voie de Termoin. (Hemricourt, Pièces div. B.P., 1364, 73)

...le surplus montant à deux lines XLVIII verges en la parroisse de Heille, icelle terre advenue à monseigneur à cause de bastardie, par la mort de feue Bettekin, fille bastarde de Jehan Vrancx (Comptes Etat bourg. M.F., t.3, 1416-1418, 115)

...quarante vergues de terre gisant en Passchendale, entre la dreve de Gautier Ternijnx d'une part, et de France Van den Cruuse d'autre (Comptes Etat bourg. M.F., t.3, 1416-1420, 412)

Unité de mesure pour les étoffes.

Pour VI verges de drap rouge, II fr. pour verge, et pour VI verges de blanchet, XVI s. pour verge, duquel drap et blanchet les pages de Monseigneur furent vestus (Compte Navarre I.P., 1367-1371, 396)

Je vuil que vous en irez à mon draper, et vous achaterez de lui dousze verges de fin escarlet, sis verges de rouge, huit verges de pearce, noef verges de sanguin et atant de violet et bronnet, et quinsze verges de blanket (Man. lang. G., 1396, 47)

D. -Pénis, verge.

S'aucun a pustulles en la verge, quant elles sont converties en sanie, et que la sanie est expellee, la doleur est garie. (Saint-gille, A.Y., 1362-1365, 102)

...le prepuce, c'est a dire la pel de dessus la verge de l'omme (Foul., Policrat. B., VII, 1372, 484)

...la teste de la verge (Panis, Guidon, 1478, tr.I, doct.1, chap.2)

Ceulx [les vesseaux spermatiques] qui boutent hors sont ceulx qui montent jouxte le coul de la vescie et boutent hors l'esperme au pertuis de la verge et avec ce est le nerf suspensore et sensitif qui descent aux genetifz. (Panis, Guidon, 1478, tr.I, doct.2, chap.7)

La verge est ainsi comme cultiveur de champ de nature humaine et est voye de l'urine (Panis, Guidon, 1478, tr.I, doct.2, chap.7)

Verge virile

Remarque : Hist. prem. destruct. Troie R., c.1470-1480, gloss.

CHASSE Membre du cerf.

Remarque : HENRI FERR., Modus et Ratio, Livre deduis T., c.1354-1377, gloss.