TRAITEUR

substantif masculin

[T-L : traitor ; GD : traiteor, traitieor ; FEW (XIII-2, 141b) : tractare]

A. -[Dans le domaine pol.] Négociateur.

...lez procureurs et traiteurs de nostre neveu le prince de Galez, filz ainsné du dit roy d'Angleterre, nostre frere, aiant povoir et auctorité de son dit pere en ceste partie (Doc. Poitou G., t.3, 1361, 312)

...ce est assavoir que les causes qui sunt entre les subjects des princes toutes prennent fin en leur souveraines cours, et que les causes seulement viennent devant le souverain monarche qui sunt entre les princes et qui ne pevent estre terminees par traicteurs. (Oresme, Pol. Arist. M., c.1372-1374, 291)

Et envoya le Pape messages par devers les diz roys sur une autre voie de traictié que celle qui avoit esté pourparlée autre foiz entre les diz tracteurs. (Chron. Jean II Ch. V, D., t.1, c.1375, 49)

Si s'avisa le duc de Berry que de rechief il y envoieroit son cousin, le conte d'Estampes, lequel il tenoit à doulz homme et grant et saige traitteur. (Froiss., Chron. M., XIV, c.1375-1400, 232)

...et apriés il entrerent en leur traitement. Toutte celle premiere journee, chil traitieur traitierent sus pluiseurs viues d'accort (Froiss., Chron. [Amiens] D., t.2, c.1375-1400, 92)

Et est le intention des traiteurs que li soubzmanant non bourgois doivent estre entendu (Hist. dr. munic. E., t.3, 1385, 459)

Et ot li dus en convenant au roi d'Engleterre, pour tant que il estoit grans tretiieres et bien enlangagiés, que de euls remonstrer et attraire il feroit son plain pooir. (Froiss., Chron. D., p.1400, 338)

...il parlementerent tant et alerent de l'un a l'autre que, sus certains articles et trettiés d'acord et de paix, ils procurerent que uns respis fu pris entre ces deus rois et lors gens la estans au siege et sus les camps, a durer tant seullement trois jours. Et furent ordonné [par] euls, .VIII. nobles signeurs, quatre de par le roi de France, et quatre de par le roi d'Engleterre .... Et li doi cardinal estoient traitieur et moiien et alant de l'un a l'autre. (Froiss., Chron. D., p.1400, 832)

Et mandèrent, les deux trectours, De par le roy, à noz seignours Qu'ilz vensissent faire ligences Homages et oboïssances à nostre duc comme ilz devoint. (Saint-andré, Livre Jean de Bret. C., c.1400, 478)

...le prothonotaire vous a dit que je traitois partout ; par ma foi, je n'ai ambassadeurs que vous, et par les paroles que monseigneur de Bourgongne vous a dictes vous lui pourez bien soudre sa question, car il ne vous a dit offre qu'il vous ait dicte avant [la main], quant les choses seroient appoinctées ; et me semble qu'ilz ne sont pas sans traiteurs, puisqu'ilz ont l'abbé de Begars et maistre Ythier Marchant. (Lettres Louis XI, V., t.4, 1469-1472, 288)

Remarque : FROISS. (ms., traictierres) ; FROISS., Chron. L., I, c.1375-1400, 479 (tretiieres) ; II, 81 (trettieur) ; V, 30 (trettieres) et FROISS., Chron. R., VIII, c.1375-1400, 27 (trettieurs), ds GD VIII, 7b.

Traiteur legal

Si vint li dus d'Ango à Saint Omer en grant arroy et cil doy legal trettieur avoecques lui (Froiss., Chron. R., VIII, c.1375-1400, 190)

Traiteur de qqc. (de la paix, d'un accord...)

Il avoit de bons chevaliers Et de notables escuiers, Riches gens et de grant arroy En la compaingnie dou roy, Qui moult humblement li prierent Par pluseurs fois et supplierent Qu'avecques les embassadeurs, Qui de la pais furent traiteurs, Peüssent aler pour veoir Le Quaire et le païs ; qu'espoir Par le sepulchre revenroient, Car grant devotion avoient De tous les sains lieus visiter. (Mach., P. Alex., p.1369, 177)

La teneur d'une des lettres donnée par le regent, de l'adveu des tracteurs de la paix, de la partie du roy de France et de luy. (Chron. Jean II Ch. V, D., t.1, c.1375, 13)

Il jura... sur certainnes compositions qui furent là ordonnées, desquèles li princes de Galles fu moiiens, trettières et devisères (Froiss., Chron. L., VI, c.1375-1400, 209)

Nul article n'i avoient li trettieur de le pais pour le roi de France reservé (Froiss., Chron. L., VII, c.1375-1400, 84)

Traiteur de + inf.

...il avoit esté trettières de apaisanter, se il peuist, l'une partie et l'autre (Froiss., Chron. L., V, c.1375-1400, 30)

B. -Celui qui traite de qqc., qui est expert en qqc..

J'aroie tous lé volumes ou livres des traiteurs, afin que, par la diligence de erudition, je peusse oster la tardiveté de mon engin (Daudin, De la erudition H., c.1360-1380, 114)

...appert dont que, combien que les traiteurs ou expositeurs des divines Escriptures ont preeminense sur les souverains evesques, toutefois, pour che que ilz n'ont pas acquis tel haultesse de dignité es expositions des saintes Escriptures, a eulx sont devant mis, mais en causes traitier et ordonner ilz ont le second lieu aprés eulx (Daudin, De la erudition H., c.1360-1380, 119)

Et la cognoiscence parfaicte De ceste discipline [la rhétorique] est faicte Par le bien parfaict orateur, Qui, selon cest art, est traicteur (Chr. Piz., M.F., II, 1400-1403, 132)