TOISON

substantif féminin

[T-L : toison ; GDC : toison ; FEW (XIII-2, 30b) : tonsio ; TLF (XVI, 287b) : toison]

A. -Pelage laineux du mouton, toison.

...dudit hostel, sur leurs chevaulx qu'ilz avoient illec menez pour en rapporter la larrecin qu'ilz feroient, prindrent environ cinquante toisons de laine qu'ilz apporterent à Paris (Reg. crim. Chât., I, 1389-1392, 515)

...ne mucent pas les bonnes berbis ne les meilleurs moutons chieux les voisins pour paier le maistre, quant vient au partage, des pires, ne facent acroire que mortes soient par lui monstrer les peaulx d'autres bestes, ne le paient des pires toisons des laines (Chr. Piz., Trois vertus W.H., c.1405, 220)

On a veu, comme l'en dit, la royne avoir des brebis a Saint Oyin prez Paris, de la toison desquelles elle faisoit faire des robes a ses femmes (Juv. Urs., Nescio, 1445, 525)

LES BREBIS. De petit nous nous appaisons Comme petites brebietes Et sommes, ou temps des fleurettes, Prestes de rendre noz toisons (Baude, Dictz moraulx S., p.1450, 117)

La toison, Dont il solloit estre foison, Me cousta, a la Magdalaine, Huit blans, par mon serment, de laine Que je souloye avoir pour quattre. (Path. D., c.1456-1469, 70)

[Réf. biblique (Juges 6, 36-40)]

Je vous dix, Dieu viendra au monde Comment fist sur la toison l'onde De Gedeon quil sans rosee Fut decourant et arosee. (Pass. Semur D.M., c.1420 [1488], 45)

Proverbe.

... une toison d'une annee est plus prouffitable que celle qui est tondue trois foiz. (Arras, c.1392-1393, 86)

Par métaphore.

[À propos de Marie]

...moult fu desirans De son saint fil u saint ventre former De la vierge Marie que nommer Puis toison de purté plaine, Et de ceci fu figure certaine Par le saint adrousement De la toison Gedeon, qui comprent Que le fil Dieu, doulx aignel, descendi Par saint Espir et la toison vesti (Mir. st J. Paulu, c.1372, 147)

[Avec un jeu de mots]

Vous lairés chappon et oyson Pour menger de la venaison Qu'elle [ma lice] prent, c'est une nourrice. Je suis fourray de sa toyson Et maint aultre, a mon achoison, Chascun se fourre de malice [Jeu de mot sur ma lice et malice] . (Sots mal., c.1480, 78)

B. -Toison doree/Toison (d'or)

1.[À propos de Jason]

Aussi diray je de Jason Qui conquist par l'art de Medée En Colcos la toison dorée, Et sormonta, li bourderiaus, L'ardant soufflement des toriaus, S'endormi le serpent veillable, Seur toute beste espouentable (Mach., J. R. Nav., 1349, 232)

Bien puis ma vie a la Medee Parellement appropriier, Qui fist ja la toison doree A Jason en Colcos gagnier (Froiss., Ball. B., c.1362-1377, 40)

L'isle est apellée Colcos, Et c'est li lieus, bien dire l'os, Où enciennement Jason Conquist la dorée toison. (Mach., P. Alex., p.1369, 137)

Je yray conquerre en Sirye Ou ailleurs terre et hault renon, Ainsi com fist pieça Jason Qui conquist la toison doree (Gris., 1395, 46)

.I. jour roy Pelleüs sonna Jason et bel l'araisonna Devant ses barons, et moult fort Le loua d'estre preux et fort Sur tous les chevaliers en vie, Et dit que 'proece assouvie Seroit en lui, se la toison D'or peust conquerrë...' (Chr. Piz., M.F., III, 1400-1403, 30)

Et ainsi s'en tourna Jason Moult joyeux, atout la toison, Qui vault de tresor moult grant masse (Chr. Piz., M.F., III, 1400-1403, 44)

...il bailla ellection à ung prince de Grece, nommé Jazon, pour aller en l'isle de Colcos conquerir la Toison d'or. (Simon De Phares, Astrol., c.1494-1498, f° 31 r°)

[P. allusion à la Toison d'or des Argonautes]

Ma dame entens par la toison doree, Mais quant le voi, je ne l'ose assallir, Car la belle est d'art et de sens armee Et de refus que je doi moult cremir. (Froiss., Ball. B., c.1362-1377, 45)

Vëoir ne quier la dorée toison Ne les Yndes ne de Rouge Mer onde, N'aus infernaus penre guerre ou tençon Pour eslongier le regart de la blonde Dont me vient joye et baudour Et doulz penser ; si tieng pour le millour Qu'à tout conter et bien peser à drame, Je voy assez, puis que je voy ma dame. (Mach., Bal., 1377, 562)

Par analogie. Butin, dépouille.

LE GRANT SOUBDAN DES INDES LA MAJOUR. A tort, a droit ou a grant desraison, J'ay esperance d'apporter la toison Qui a jamais me sera proffitable. (La Vigne, S.M., 1496, 228)

2.Toison (d'or). Ordre de chevalerie institué par Philippe Le Bon, duc de Bourgogne en 1429.

...ceste honte esceue en ung si hault et noble personnaige, leur frere de serment dans l'ordre de la Toison d'or, leur estoit une dure passion en ceur (Chastell., Chron. IV, D., c.1461-1472, 122)

...ung autre drageoir d'argent doré, ouquel a ou milieu du plat trois fusilz où sont ou milieu de la pierre les armes de MS ; et à l'entour du plat ung colier fait à manière de l'ordre de la Thoison (Comptes Lille L., t.2, 1467, 55)

...son souverain seigneur le duc Philippe de Bourgongne, luy bailla pour estre son juge et tenant son lieu, le noble roy d'armes de la Toison, que chascun nommoit Toison-d'Or (Faits Lalaing K., c.1470, 200)

Comment le duc de Bourgongne fit sa feste de la Toison à Mons en Hainaut (La Marche, Mém., II, c.1470, 204)

...habilliez chascun d'une cotte d'armes, armoyez des armes dudit feu MS et au dessus ung colier de la Thoison tout vermeil doré (Comptes Lille L., t.1, 1477, 508)

Le quint, pour offrir à mondit seigneur vostre frere le mariage de madamoiselle de Bourgoigne, ou cas que à present il vouldroit prandre la Toison, ouquel cas ilz avoient puissance de conclure ledit mariage et l'en asseurer. (Le Clerc, Interp. Roye, c.1502, 220)

Remarque : Rapport avec la toison d'or de Jason

Item, en cest an [1429] , le duc Phelippe de Bourgongne mist sus en l'onneur de Dieu et de monseigneur saint-Andrieu, duquel en armes il portoit l'ensaigne, une ordre et fraternité de vingt quatre chevaliers sans reproche, gentilz hommes de quatre costés. Auxquelz il donna à chascun d'eulx ung colier d'or moult gentement ouvré de sa devise, est assavoir du fusil. Auxquelz coliers, pendoit à chascun sur le devant, à manière que portent les dames et damoiselles, ymages, frémailles et aultres joyaux, une toison d'or en samblance et remembrance de la toison que jadis conquist anciennement Jazon en l'isle de Colcos, comme on le treuve par escript en l'Istoire de Troyes. De laquelle n'est point trouvé en nulle hystoire, quonques nul prince chrestien, on luy, eust revelée ne mise sus. Si fut la dessusdicte ordre, à l'ymaginacion de celle que dit est, nommée par ledit duc, l'Ordre de la Thoison d'Or. (Monstrelet, Chron. D.-A., t.4, c.1444-1453, 373)

Bijou représentant un mouton, insigne de cet ordre.

Et ja soit ce que le roy lui eust fait cest honneur, neantmoins de prime face il la refusa et ne la voulut prendre ne accepter ; et disoit on que c'estoit pour ce que auparavant ledit duc de Bretaigne avoit prinse la Toison d'or, en soy declairant amy, frere et alié du duc de Bourgongne ; pour quoy le roy se tint pour mal content et non sans cause. (Roye, Chron. scand., I, 1460-1483, 234)

...une petite chaynecte d'or et deux toisons y attachées. (Comptes Lille L., t.2, a.1467, 115)

Et avec ce avoient charge d'en parler, partout où ilz passeroient, à la descharge de mondit seigneur de Bourgoigne. Le quart point, si estoit de offrir à mondit seigneur vostre frere la Toison, laquelle Jaques Mons. de Saint-Pol avoit apportée, pour luy bailler si luy plaisoit la prendre. (Le Clerc, Interp. Roye, c.1502, 220)

Au quart point, touchant la Toison qu'ilz ont offerte à mondit seigneur, la responce est que de nouvel vous, qui estes son roy et son chef, avés fait une ordre pour vous et voz successeurs bel et notable, fondée en l'onneur de Mons. saint Michel, prince de chevalerie de Paradis, la representation duquel vous et tous vos predessesseurs roys (Le Clerc, Interp. Roye, c.1502, 222)

C. -Par analogie.

1.Peau.

Laisser la toison. Laisser la peau.

SECOND SERGENT. A, paillars ! TIERS SERGENT. Plain de malleffice ! QUART SERGENT. Maintenant lairrez la toison. PREMIER SERGENT. Besoing n'ont d'aller en prison ; Despescher maintenant les fault. (La Vigne, S.M., 1496, 312)

2.Poils pubiens.

Heurter la noire toison (d'une femme)

Remarque : DESCH., Oeuvres R., t.8, c.1370-1407, 140.

3.Chevelure.

Remarque : DESCH., Oeuvres Q., t.4, c.1370-1407, 288.