LAINE

substantif féminin

[T-L : laine ; GD : laine ; GDC : laine ; AND : laine ; DECT : laine ; FEW (V, 147a) : lana ; TLF (X, 914b) : laine]

A. -DRAPERIE

1.Poils de la toison du mouton utilisés comme textile.

[Le géant Polyphème] J'ai grant cosme que tout le vis Aveuc les espaules me coeuvre. Qui bien m'avient. Car c'est laide euvre De cheval sans come et sans crins ; Les oisellés et les poucins Doit couvrir la plume sans faille : Let sont puis que plume leur faille ; Bien avient aus brebis leur laine ; Si est laide chose et villaine Homme sans barbe (Mach., Voir, 1364, 638)

Mais l'en pourroit dire encontre : car, selon verité, quant eaue est faite de aer par vraie generacion, la matiere est faite plus pesante par compression et condempsacion ; item, une quantité de laine ou une fuylle de or est plus pesante comprimee que espartie. (Oresme, C.M., c.1377, 634)

Or a solers a la poulaine Et bons chauçons, tissus de laine, Faiz a l'aguille (Desch., M.M., c.1385-1403, 118)

...il est voix et commune renommée oudit païs que icellui prisonnier avoit emblé ledit cheval et leine qui dessus icellui estoit, et souspeçonné d'avoir occiz et murdri icellui homme à qui ledit cheval estoit (Reg. crim. Chât., I, 1389-1392, 286)

Item, ou chastel dudit lieu de Chaumont, deux ans a ou environ, avoir prins de jour environ quatre toisons de laine, par li vendus, en icelle ville, XIJ s. (Reg. crim. Chât., II, 1389-1392, 115)

L'art trouva [Pallas] toute de la laine Filler (Chr. Piz., M.F., II, 1400-1403, 282)

...elle fut si eslevee en son couraige que elle estriva et disputa de son mestier contre Pallas, trouveresse du mestier de lin et de laine. Mais comme Aragnes ne peust endurer paciement soy estre vaincue de Pallas, Aragnes se pendi a un laqs. (Premierfait, Cas nobles hommes G., 1409, 212)

Il souffit de prendre de sa berbis la laynne (La Sale, J.S., 1456, 254)

Que son bergier avoit vendu La laine -- je l'ay entendu -- Dont fut fait le drap de ma robe, Comme s'il dist qu'il le desrobe Et qu'il luy a emblé les laines De ses brebis. (Path. D., c.1456-1469, 160)

...jaçoit ce que ad ce composer riens du mien, n'y ay peu, ne puis emploïer, comme il soit que je ne use que de matiere et chose empruntée et qui texissue ne soit que d'aulcun fil ou layne, car, comme dit le sage : 'Nemo dat quod non habet' (Simon De Phares, Astrol., c.1494-1498, f° 1 v°)

...fut inventeur aux Egipciens de plusieurs choses utilles et, entre les aucunes, comme dit Pline, trouva la maniere de tiltre la laine pour fere vestemens. (Simon De Phares, Astrol., c.1494-1498, f° 17 r°)

Laine doree. Toison d'or.

'...Or es tu retourné sain et haictié en tes citez gregeoyses et as emporté la layne doree aux dieux de ton pays...' (Hist. prem. destruct. Troie R., c.1470-1480, 136)

Au pluriel.

...la marceandise de la draperie fu toute refroidie et perdue en Flandres un grant temps, et ne trouvoient les bonnes gens a quoi gaegnier, car nulles lainnes ne lor venoit d'Engleterre. (Froiss., Chron. D., p.1400, 271)

...li Englois marceant (...) avoient sus le Qai a Londres et ailleurs pluisseurs nombres de sas de lainnes (Froiss., Chron. D., p.1400, 280)

...ces dis esqumeurs (...) fusterent toute la ville de ce que il i trouverent de lainnes et de draps. (Froiss., Chron. D., p.1400, 307)

Et fu tous li pais pilliés, courus et robés, selonc la marine, et avoient cargiet lor navie de si grant avoir de draps, de pennes, de lainnes (...) que mervelles estoit a penser. (Froiss., Chron. D., p.1400, 680)

Ceste Aragnes fut une femme ignoble du pais de Asie, et fut fille de Idmonius un tenturier de laines selon aulcunes hystoires. (Premierfait, Cas nobles hommes G., 1409, 212)

Ilz entrerent dedens toutes deulx si trouverent la damme de l'ostel qui cousoit laines en fardeaulx. (Cleriadus Z., c.1440-1444, 308)

Que son bergier avoit vendu La laine -- je l'ay entendu -- Dont fut fait le drap de ma robe, Comme s'il dist qu'il le desrobe Et qu'il luy a emblé les laines De ses brebis. (Path. D., c.1456-1469, 162)

Ilz ont menty les chiens matins, Tousjours carmes auront freppieres, Et usuriers seront marris Se les laines ne sont fort chieres. (Rapp., c.1480, 63)

[Dans une compar.]

«...Elle a le char plus blanche que laine ne coton...» (Flor. Rome W., c.1330-1400, 139)

... les cheveulx de Jhesus-Christ estoient blancs comme layne et resplendissans comme noif, qui nous donne à entendre la pureté et innocence, laquelle doit estre en toutes gens d'eglise. (Bueil, II, 1461-1466, 67)

Ferez sur lui comme sur laine. (Myst. Pass. Amb. R., c.1474-1500, 48)

Beste à laine. Mouton.

...leur fu donné à avoir en la forest de Lions, en la garde de Beauvoir, usage pour XXIIII chiefz de beufz, de vaches ou tors ou veaulx, pour C pors ou truiez, tant petiz que grans, et pour IIIc bestes à laine, tant petitez que grandez (Hector De Chartres, Cout. R., 1398-1408, 6)

...item, pevent aller leurs bestes à laine en ladicte forest si avant que l'en puisse veoir le cler des champs, hors deffens (Hector De Chartres, Cout. R., 1398-1408, 122)

Ha ! sire, le ferez vous pendre Pour six ou sept bestes a laine ? (Path. D., c.1456-1469, 178)

Drap (et autres objets) de laine

...li uns est vestus de pers Qui en cuide estre plus apers ; L'autre est entortillié de vert ; Li autres a son corps couvert De camelin ou de fusteinne, De toile ou d'autre drap de leinne (Mach., C. ami, 1357, 131)

Et comme il ha, en tout ouvrage De chanve, de lin et de lainne, Deliés filz c'om file a grant painne (Mach., Voir, 1364, 774)

Item, avoir prins oudit hostel un lit, un coussin et une couverture de laine, par lui vendus à un nommé Quiquet, demourant en la rue du Signe, duquel il ot et receupt IIJ frans et demi. (Reg. crim. Chât., II, 1389-1392, 260)

...et leans nous fist il apporter des propres litz de son hostel ; c'est assavoir des materas de laine pour gesir sus et des tappiz pour mettre entour nos chambres. (Voy. Jérus., c.1395, 85)

En ce païs font moult de bons draps de laine et y a moult de grans barons, chevaulx et congnins. (Le Bouvier, Descript. pays H., p.1451, 107)

...et par ce moyen se vuide une grant partie de l'or et argent de ce royaume, car tous les habillemens exceptez draps de leine viennent hors du royaume. (Juv. Urs., Verba, 1452, 278)

Et puis s'en ala mettre à deux genolz dessus ung petit carreau de layne aux armes de ladicte ville, qu'il mist à point et remua de l'ung de ses piez, où il fut ilec diligemment bandé par les yeux par ledit Petit Jehan, tousjours parlant à Dieu et à sesdiz confesseurs et souvent baisant ladicte croix. (Roye, Chron. scand., I, 1460-1483, 360)

Le deuxiesme estoit couvert d'ung rouge drap de laine, broudé très richement de la devise dudit de Challant. (La Marche, Mém., I, c.1470, 320)

L'estaple des laines. Entrepôt, comptoir où les laines sont règlementairement entreposées.

...[les oncles du roi Richard souhaitent qu'on demande des comptes à divers personnages, notamment] au maistre des estapples des lainnes (Froiss., Chron. M., XIV, c.1375-1400, 24)

Il i a certainnes ordenances et pactions assisses sus le staple des lainnes, et de ce est li rois aidiés au desus de ses rentes et revenues (Froiss., Chron. D., p.1400, 43)

Et seroit a Calais li estaples des lainnes d'Engleterre, dou plonc et de l'estain (Froiss., Chron. D., p.1400, 854)

Laine à eau. Laine déposée dans un endroit humide pour qu'elle gonfle et pèse plus lourd.

Et ne puet nuls ne nulle aporter, vendre ne akater devens le banliuwe de Valenchiennes, pelos, ne agnelins tondus de mortes biestes, brohon, gratuise, lainne a euwe ne pelis au kevalet, sour a pierdre a le halle tout chou que on trouveroit (Drap. Valenc. E., 1344, 274)

Laine de deux forces/laine viaurice. Laine provenant d'une seconde tonte, donc particulièrement courte/laine de toison.

...que nuls laniers ne laniere, ne autre vendeur de lainne pinées et a piner, ne mellent ne pinent lainne de 2 forces avoec lainne viauricce (Drap. Valenc. E., 1344, 272)

...draps mellés pigniés, liquel drap se poront faire de mere laine, de pelis de laine et de laine de deux forches ensemble. (Doc. 1377. In : M. Höfler, Z. rom. Philol. 114, 1998, 502)

Laine plate/laine ronde. Laine de qualité inférieure.

...drap en lé en laine plate ne se puet... faire doresenavant en moins de XVI cens et VII quartiers et demi en ros (Industr. Paris F., 1371, 339)

...aucun ne puet... faire aucun drap (...) en moins de XV cens en laine ronde (Industr. Paris F., 1371, 339)

LE SECOND. J'avoue Dieu, ilz ont sur le nez [il s'agit d'ivrognes] Ung aulne de rouge esquarlate. LE TIERS. Que migraine ['étoffe écarlate'] de laine plate Ne reluise de telle maniere. (Rapp., c.1480, 62)

Laine prime. Laine la plus fine (prise dessus le dos).

...lesdits Marchands (...) sont tenus de payer (...) pour chacune charge de Laine prime pesant vingt-cinq preries [l. pierres (d'apr. Éd.) qui désignerait un poids] ou quatre quintaux du Pays de Languedoc, soixante sols tournois, forte Monoye (Ordonn. rois Fr. S., t.3, 1358, 254)

Laine succide. Laine non dégraissée, avec suint.

Et puis prenez laine succide et soit baignee dedens et exprimee et mise sur le lieu. (Gordon, Prat., c.1450-1500, I, 17)

...es feulles de aulcuns petis arbres y croist laine succide et humide (...) et est nommee telle laine succide pour ce que elle procede du sucz et du juz d'icelluy arbre. (Mer des hist., t.1, 1488, f° 199c [BnF/Gallica])

Miere laine. Laine pure.

...draps mellés pigniés, liquel drap se poront faire de mere laine, de pelis de laine et de laine de deux forches ensemble. (Doc. 1377. In : M. Höfler, Z. rom. Philol. 114, 1998, 502)

...et pourront faire chapeaulx de deux laines, c'est assavoir, l'aignelins dessoubz et la mère laine dessus. (Doc. 1387. In : M. Höfler, Z. rom. Philol. 114, 1998, 502)

Teint en laine. Teint avant d'être tissé.

Cestuy ['ce drap'] cy est il taint en laine ? (Path. D., c.1456-1469, 64)

Carder/charpir/filer/peigner la laine

Laquelle prisonniere (...) cogneut et confessa estre née de la ville de Rouen, en laquele elle a demoré tout le temps de sa vie, ouvré de carder et filer laine et lin, sans aucune autre chose quelconques, juques environ Noël derrenierement passé que elle vint demourer en la ville de Paris (Reg. crim. Chât., I, 1389-1392, 306)

Item, en l'ostel dudit Thomas, avoir prins de la laine filée vendue X d. (Reg. crim. Chât., II, 1389-1392, 438)

Item, en l'ostel d'icellui Thomas Chevalier, uns pignes de fer à pigner laine vendus audit Quatre-en-Vault IIIJ s. (Reg. crim. Chât., II, 1389-1392, 438)

...Amours si le lia Et si fort humilia Qu'il ne lui desplaisoit mie Charpir laine avec s'amie (Chr. Piz., Dit pastoure, R., 1403, 268)

Et tant de celle s'afolla Qu'elle d'Erculés son fol a, Car pour sentir sa doulce alaine, Cherpissoit o elle la laine Et les fusëes desvidoit Quant sa dame lui commandoit. (RENÉ D'ANJOU, Cuer am. espris W., 1457, 166)

Ouvrer de laine au touret. Filer de la laine.

Requise combien ilz ont demouré ensemble et de quel mestier elle ouvroit, dit qu'ilz ont demouré ensemble environ XV jours, et, durant les XV jours, elle l'a veu ouvrer de layne au touret bien et soigneusement (Reg. crim. Chât., II, 1389-1392, 526)

2.Par métonymie. Étoffe ou couverture de laine.

Et qant il avoient assamblé des draps, des lainnes et des biaus jeuiauls a grant fuisson, il apactissoient les honmes dou pais qui se boutoient ens es fors. (Froiss., Chron. D., p.1400, 698)

Trois jours junoit de la sepmainne. Jamais sur plume ne su lainne Ne dormoit. (Myst. st Bern. Menth. L., c.1450, 176)

AFFRICQUEE. Saincte Marie ! En quel point vous le mettez [mon chaperon] ! JOUHAN. Qu'i a il ? AFFRICQUEE. Vous le nettoyez, La laine contre mon cornart. (P. Jouh. D.R., a.1488, 20)

Item, y avoit toutes autres toilles tainctes comme bougrans, futaines de toutes sortes, sarges et sayettes de toutes couleurs ung nombre infiny ; aussi force laines fines et moyennes, cotons, chanvres et fil de toutes sortes, grant nombre de tapisserie fort riche et de diverses manieres (La Vigne, V.N., p.1495, 262)

B. -Au figuré.

1.[P. allus. à la douceur de la laine]

Par ironie. Parole douce.

AFFRICQUEE. (...) Le mal de monsieur saint Fiacre Vous puisse estraindre la bedaine, Et malle mort ! LE SOT. Happe ceste laine, Et prens une souppe en ce plat, On t'y fait beau brouet. (P. Jouh. D.R., a.1488, 35)

[Dans un contexte métaph.]

Dou mantel vous vueil aviser Comme il est biaus a deviser, Et mieudres que biaus qui s'en cuevre Par dit, par maintien et par ouevre. Lainne de bons Appensemens Avecques courtois Parlemens, Scienteuse Introduction Et amiable Entention Furent ensamble compilées, De Bonté proprement drapées (Mach., J. R. Nav., 1349, 279)

Paroles douces, douceur (?).

En Amours a moult dur chemin : Mains en sont mors de mort villaine Qui sont escrips en parchemin Car de Vergy la chastelaine Fut d'Amours prinse par la laine Dont ne pot de mort eschapper. (Taillev., Bien allée D., p.1440, 261)

2.[Les sujets soumis à des impôts exagérés sont comme des moutons soumis à la tonte et à d'autres prélèvements]

Et de present on ne taille point vos subgés, et ne les fait on pas tondre simplement mais on les escorche, et ne leur oste l'en pas simplement la layne mais la peau, et les eschorche l'en en leur ostant la peau, la char et le sang jusques aux os. (Juv. Urs., Verba, 1452, 270)

D'une part vous et vos officiers les non mye seulement tondez mais escorchez, en leur ostant layne, peau, char et sanc jusques aux os, et ce petit qui demeure pour ronger, les pasteurs ecclesiastiques le suschent et emportent la mouelle (Juv. Urs., Verba, 1452, 393)

3.Locution.

Estriver que la chevre porte laine. Soutenir avec force n'importe quelle idée.

De che dist aussi ung nommé Sidoine en son Epistolier ou .Ve. livre : «C'est le fait des ydyotes et non scachans ainssi que legierement ilz sont vaincus, aussi a grant difficulté sont ilz apaisiés». Dont comme dist Cathon : «Contre les habondans en language ne veulles estriver de paroles. Car parole est a tous donnee, mais sagesse de corage est en peu de gens trouvee». Et comme dist Orace ou livre de ses Epistres : «L'autre estrive souvent que la chievre porte laine». (Daudin, De la erudition H., c.1360-1380, 147)

Ne pouvoir draper par defaute de laine. Ne pas pouvoir faire qqc. par défaut d'argent.

Car je scay bien je n'ay denier ne maille, Et par ainsi par faulte de cliquaille Mes estraines par ce point cesseront, Pour ceste fois ainsi se passeront. Drapper ne puis par deffaulte de laine ; De prieres mes estrenes seront : Dieu doint a ceulx qui me conforteront Bon jour, bon an et la tresbonne estraine. (Régn., F.A., 1432-c.1465, 122)

Y laisser la laine. Y perdre ses plumes.

Proverbe. En tout temps croist la laine dont on drape. Toujours vient ce dont on a besoin.

Cognois se t'es subjecte [la ville de Tournay] au sang de France ; Tu t'assers fort ou tu doibs estre france ; Modere donc ton coeur impetuel, Le temps qui curt n'est point perpetuel, Pense a ton faict, garde qu'ion ne t'atrappe : En tout temps croist la layne dont on drappe. (Molinet, Faictz Dictz D., 1467-1506, 184)

PASIPHEE. Puisque ad ce vous determinés, Quant tous vos biens seront minés, J'ay grand peur que Malheur vous happe. PERUSINE.Damoyselle, vous devinés Le mau temps, ne vous chagrinés. Tosjours vient laine dont on drappe (Michel, Myst. Pass. J., 1486, 115)