TEMPOREL

adjectif et substantif masculin

[T-L : temporel ; GDC : temporel ; FEW (XIII-1, 181) : temporalis ; TLF (XVI, 40b) : temporel]

I. -Adjectif.

A. -Qui concerne le temps, la durée.

1.Qui se situe dans le temps.

Et donques se en duracion successive temporele nature puet commencier une chose qui touzjours mais sera, nul ne devroit doubter que en duracion permanente, qui est eternité, Dieu ne puisse commencier et creer une chose qui touzjours durera. (Oresme, C.M., c.1377, 244)

Qui est de son temps, qui vient en son temps.

Temporeus (...) : temporeux, de tamps (ad tempus pertinens vel in tempore veniens) (Le Ver, Dict. M.E., c.1420-1440, 495)

GRAMMAIRE Qui marque le temps.

Adverbe temporel

Unquam : aucune foiz, adverbez temporel (Aalma R., c.1380, 448)

Proposition temporelle

Aprés aucunes proposicions ypothetiques sont appellees temporelles, les quelles contiennent en soy pluseurs proposicions cathegoriques conjointes par ceste diction quant ou par semblable et de ceste maniere est ceste proposicion cy : il fait bon bien faire quant on est fort et jeune. (Legrand, Archil. Sophie B., c.1400, 71)

2.Qui passe avec le temps, temporaire.

a)[D'une chose]

J'ain miex a souffrir orendroit Un po de peine temporelle Qu'attendre la perpetuelle Qu'en enfer sentent li dampnez (Mir. mère pape, c.1355, 404)

Ceste painture [que s'appliquent les femmes] est vicieuse, non pas honnorable, couleur de fraude et non pas de simplesse. Elle est temporele car, pour ung peu de pluie ou de sueur, elle est passee. (Daudin, De la erudition H., c.1360-1380, 376)

Or vient lors de cire le miel, Quant femme, en doulz parlant, son fiel Boute en l'omme et blandissement, Qui est cause de son tourment Temporel et perpetuel Par le vice et fait actuel Du delit de la char mal saine, Qui a dampnacion le maine. (Desch., M.M., c.1385-1403, 187)

...mais avec ce perdre tout leur heritage pour eulz et leurs enfans, tant le temporel paradis terrestre comme l'espirituel, justice originele, a cause de crime de lese majesté. (Gers., Concept., 1401, 398)

Fault démonstrer par autre voie Et déclarer, Dieu nous doint joie, La meschante production Et trop grant imperfection De nostre vie corporèle Et progression temporèle. (La Haye, P. peste, 1426, 66)

Ilz sont pluseurs especes comme naturele impuissance, comme frigidité en l'homme, artacion et indisposition en la femme, deffaulte de eage en l'enfant. L'aultre est accidentele comme malefice qui est fait comme sors et factures. Impuissance item, l'une est naturele et temporele, l'aultre est perpetuele. La naturelle impuissance temporele, qui est en l'enfant, empesche tant qu'elle dure et ne puet contraire mariage. (Sacr. mar., c.1477-1481, 76)

Mais les choses qui ont commencement et ne ont fin, teles sont proprement apellees perpetueles comme les angeles et les hommes. Celles qui ont commencement et fin sont dittes temporeles, comme sont les choses corruptibles, qui se corrompent, comme arbres, plantes, qui croissent, et les bestes et les choses sensibles, et ainsi des aultres pareilles. (Somme abr., c.1477-1481, 142)

Emploi substantival.

Le temporel va a declin Par mort, ou par aultre ordonnance, Ou par fortunele puissance (Desch., M.M., c.1385-1403, 240)

b)[D'une pers.] Mortel.

Mais par aventure, diroient il que 'bien' et 'par soy bien' ne sont pas d'une espece, ne 'homme' et 'par soy homme' pour ce que 'homme' est temporel et par soy 'homme' ou celle ydee est perpetuel ? (Oresme, E.A., c.1370, 114)

Dieu est fait homme, et homme est Dieu, mortel immortel, eternel temporel. (Gers., Annonc., a.1400, 230)

Sy fut mortel qui donne vie, Sy fut contenu qui contient, Et soustenu qui tout soustient, Et qui sans temps est temporel. (Cycle myst. prem. mart. R., c.1430-1440, 74)

B. -Qui concerne le monde d'ici-bas, le siècle.

1.[P. oppos.à spirituel]

a)[D'une chose] Qui appartient au monde d'ici bas, terrestre, matériel, temporel, profane.

Que cils clers fust de grant vaillance, Gentils homs, et de grant puissance, Renommez de haute noblesse, Et de temporelle richesse Trés habondanment assasez, Espris d'amours et embrasez, Amis de cuer, amez d'amie (Mach., J. R. Nav., 1349, 217)

...car l'Escripture n'enseigne autre cause de celle vengence temporel (Oresme, Divin. C., c.1366, 74)

Et la cause est car les gens seulent plus prisier les choses temporeles avant que ilz les aient que ilz ne font quant ilz les ont. (Oresme, E.A.C., c.1370, 455)

...ceulx qui telx sont sont dignes de double honneur, c'est assavoir de temporelle et espirituelle puissance (Mir. Pierre Changeur, c.1378, 227)

Auquel espoux et espousée, C'est Jhesucrist le piteable Et aussi toute ame feable, Tu, chiers filz, te vueilles commettre Et vueilles de ton cuer desmettre Le mariage temporel, Et pense a l'espirituel, En exuent de toy la cure De ceste seculiere ordure (Desch., M.M., c.1385-1403, 255)

Il aprant a vivre a raison, Il vit du labour temporel En ouvrant du corps corporel Selon ce que Dieux le commande (Desch., M.M., c.1385-1403, 331)

...[saint Pol] qui labouroit de ses propres mains pour soy nourrir et les siens sans user de l'auctorité de prendre son vivre temporel de ceulz ausquelz il semoit bien espirituel ? (Gers., P. Paul, a.1394, 509)

Car tu ne sceiz quel gaing espirituel redonde de ce temporel dommage, ne quel pechié passé et couvert se tappist soubz celle justice reposte. (Chart., L. Esp., c.1429-1430, 51)

Dieu et nature vous ont il donné telle puissance que de prendre et mectre en voz las cuers de papes (...) et de gens de tous autres estas et religions espirituelles et temporelles... ? (La Sale, J.S., 1456, 301)

Nous usons des choses utiles, transitores et temporeles, mais proprement nous fruissons et joyssons des choses eterneles et espiritueles ou celestes. (Somme abr., c.1477-1481, 118)

[Sentence] Qui n'a la paix temporelle à peine a l'espirituelle

Car vray est comme auctorité Que qui n'a la paix temporelle, A paine a l'espirituelle (Desch., M.M., c.1385-1403, 173)

En particulier. Les biens temporels

LE BOURGOIZ. (...) nous avons de biaus menages, Et si avons grans heritages Et foison de biens temporiex, Si que s'a Dieu pleüst c'un fiex Ou une fille nous donnast, Qui aprés nous les possessast (Mir. enf. ress., 1353, 1)

...par la lune qu'elle [la Vierge] avoit soubz ses piez j'entens les biens temporieux et le monde dont elle avoit ses desirs et ses affeccions hors mis et jettez (Mir. femme, 1368, 181)

Et se aucun disoit que les choses delitables et les biens temporels nous font violente [l. violence] pour ce que ce sont choses dehors nous et ainsi elles nous contraingnent as operacions que nous faisons, ce n'est pas bien dit (Oresme, E.A., c.1370, 178)

Donques le Pape est souverain en la temporalité, car lez royaumes sont biens temporieux. (Songe verg. S., t.1, 1378, 173)

Et je ay maintes foiz lobé Pour les biens temporelz avoir (Jour Jug. R., c.1380-1400, 248)

...et dit Aristote que 'se le peuple obeist et honnoure à son prince et ses lois garde, trois proffis acquiert, c'est assavoir : le merite de bonnes oeuvres, la paix et transquillité du royaume, et la planté des biens temporeux'. (Chr. Piz., Faits meurs Ch. V, S., II, 1404, 31)

...mieulx nous vauldroit, et plus cher l'aymerions, de perdre la plus part de noz biens temporelz que le prouffit espirituel que vostre presence nous donne. (C.n.n., c.1456-1467, 141)

...comme vous savez, nous ne portons point d'argent ; et si n'en querons point, car il ne nous est rien des biens temporelz et transitoires de ce monde. [Profession de foi de moines] (C.n.n., c.1456-1467, 216)

...fut en fleur et en son temps reputé le meilleur astrologien que l'on sceust, et tant vacqua à l'excercice d'icelle science, qu'il y acquist moult de biens temporelz, et Dieu lui donna deux graces singulieres, l'une la science des estoilles et l'autre belle et grande generacion (Simon De Phares, Astrol., c.1494-1498, f° 26 r°)

Martin or vestez ce bel habitz Que Iesuchrist vous face acquit Et ceste croce si prenez Pour garder et multiplier La loy de dieu : et la deffendre Et les bien temporez despendre Sagement et les gouuerner Et de tous vous faictes aymer (Myst. st Martin K., a.1500, 272)

La mort temporelle. La mort physique.

...[les] glorieux martirs qui pour le reboutement des infideles et l'exaltacion de [la] saincte foy catholicque se sont voluntairement offers et habandonnez a la mort temporelle. (C.n.n., c.1456-1467, 423)

Puissance(s) temporelle(s)

...et qui voulroit bien penser et conjecturer la voulenté parfaicte de Dieu, du quel le royaulme se tient, se ne fut oncques sa voulenté que femme eust domination royale en ce monde, et nous le veons, car a sa propre mere ne bailla il oncques puissance temporelle, mais la laissa ou gouvernement d'aultruy, c'est asçavoir de saint Jehan l'Evangeliste, et au gouvernement commist saint Pierre et ses appostrez. (Juv. Urs., T. crest., c.1446, 24)

... [son père] eut tresgrande volunté de la donner a ung chevalier son voysin, tresriche, non toutesfoiz noble de parentage comme de richesses et puissances temporelles (C.n.n., c.1456-1467, 545)

Royaume temporel

Le royaume donques temporel estoit donné par lonc temps as peres en la succession de leurs enfans qui encore ne queroient point pardurable royaume. (Foul., Policrat., IV, 1372, 77)

Seigneurie temporelle

Jesus m'envoyera secourir Après la peine corporelle. L'ame ne feras point perir Par ta seigneurie temporelle. (Myst. st Laur. S.W., 1499, 239)

b)[D'une pers.] Séculier.

Plus seroit serf a ses loys que prince temporel aux siennes, et plus seroit serve son espouse et l'emperresse du ciel que les roynes terriennes qui sont privilegees contre tous civilz servages (Gers., Concept., 1401, 402)

Semblablement des princes temporelz, comme messrs, les duc d'Alencon, contes de Harcourt, d'Aumarle, Tancarville et autres, avec plusieurs barons, chevaliers et escuiers et gens de tous estas, lesquielx auront grans prouffis par le moyen de ladicte cedule, dont ilz n'ont de present aucune chose. (Juv. Urs., Loquar, 1440, 423)

Et avant que oncques eut roy en France les evesques, qui tunc vocabantur druides, estoient seigneurs temporelz et espirituelz (Juv. Urs., Nescio, 1445, 492)

Et a aucuns prelats dont les seignouries sont fondees et estoient seigneurs temporelz et spirituelx avant que oncques Jhesu Crist souffrist mort et passion, et se appelloient Druides ou Archiflamines (Juv. Urs., Verba, 1452, 343)

Et non pourtant le tres crestien roy, pour garder ses previleiges roiaulz, ne s'en voult point detenir et voult user des loys des princes temporelz (La Sale, J.S., 1456, 31)

Et doivent lesdis bourgeoys, marchans et laboureurs estre obéissans à leurs seigneurs, tant spirituelz que temporelz. (Bueil, II, 1461-1466, 78)

Car tous les princes d'Allemaigne, tant temporelz que spirituelz, et les evesques y eurent gens, et toutes les communaultéz, et en grant nombre. (Comm., II, 1489-1491, 13)

2.[P. oppos. à ecclesiastique]

a)[Domaine de la justice, de la gestion matérielle] Séculier, relatif aux choses de la vie matérielle.

Et pour ce, droit legal est positif et est cest example de droit temporel et l'autre est de droit esperituel, de sacrifices. (Oresme, E.A.C., c.1370, 303)

Et pourront noz prelas, noz barons, noz autres feaulx justiciers user contre eulx de leur juridicion temporele et espirituele sanz fraude (Cout. bourg. glosé P.M., c.1380-1400, 80)

...disant que, afin d'eschever la hastive justice temporelle, qu'il estoit bon et neccessité qu'il eussent chascun une tonsure, afin que s'il estoient prins par la justice laye, que, comme clers, il feussent rendus à l'official. (Reg. crim. Chât., I, 1389-1392, 95)

...afin d'eschever la juridicion temporelle, se parti hastivement et print congié de sondit maistre, s'en ala seul sur un barbier demourant devant l'Ostel-Dieu de Paris, par lequel barbier il qui parle, lors et premierement, fist faire de nouvel sa tonsure (Reg. crim. Chât., I, 1389-1392, 295)

Ce jour, après disner, furent assemblez en la Tournelle (...) pour pourveoir au gouvernement temporel de mesdames les religieuses de Nostre Dame de Troyes (Baye, I, 1400-1410, 47)

...la congnoissance de laquelle appellacion ilz s'efforçoient de mettre et attribuer à la jurisdiction et court espirituelle, et de mettre la jurisdiction et temporele puissance et auctorité du Roy ou ressort de la jurisdiction ecclesiastique et espirituele. (Fauq., I, 1417-1420, 64)

...pour avoir advis et deliberacion sur le contenu en certaines bulles et lettres apostoliques touchans les jurisdictions ecclesiastique et temporele. (Fauq., II, 1421-1430, 284)

Pour lequel cas ladicte mere d'icellui Capelet (...) leva clamour de harou, et a esté par ce ladicte suppliante accusée par justice et mise es prisons temporeles de nostre amé et feal l'evesque dudit Lisieux (Chancell. Henri VI, L., t.1, 1425, 286)

L'evesque de Paris dit que maistre Geffroy a esté trouvé mort en sa haulte justice, et que il a esté mis es champs en terre prophane, en ung tonneau plain de chaux, et touche ceste matiere l'evesque, tant à cause de sa juridiction espirituele comme de la temporele (Fauq., III, 1431-1435, 6)

...les empereurs et roys ou temps passé, meuz de devocion, ont baillié et donné à l'Eglise pluseurs beaux privileges et drois temporelz, lesquelx ne doivent estre ostez ou adnichillez par leurs successeurs (Fauq., III, 1431-1435, 102)

La IIIJe consideracion de ce point principal est touchant que vous et ceulx qui sont commis a vostre justice excercer et gouverner doivent avoir en honneur et reverence l'esglise et les ministres d'icelle, et leur garder leurs drois et seignouries, tant en justice temporelle et spirituelle que en leurs demaines anciens. (Juv. Urs., Verba, 1452, 343)

Et n'est doubte que la jurisdiction spirituelle et temporelle peuent cheoir en une personne, comme fut monstré evidanment devant le roy Philippe de Valois. (Juv. Urs., Verba, 1452, 364)

Par les bras et mains, qui ont le plus noble office aprez le chief et sont ou millieu du corps pour deffendre et proteger le chief et les autres membres, nous est donné à entendre l'estat de chevalerie, lequel est ordonné en cestui corps mistique pour deffendre et conserver en paix et union encontre les ennemiz l'estat de l'Eglise, qui est ordonné à l'administracion spirituelle, et les aultres membres inferiores qui sont ordonnez pour l'administracion temporelle, comme sont bourgeois, marchans et laboureurs. (Bueil, II, 1461-1466, 68)

Espee temporelle. Juridiction du roi.

...nous avons dilacte nostre puissance aussi sus toutes personnes seculieres, ouvrans souvent rigoreusement de l'espee temporelle, voire sus forme apparant debonnayre de nostre espee espirituelle. (Mézières, Songe vieil pèl. C., t.2, c.1386-1389, 301)

b)Seigneur temporel. Seigneur responsable des biens et revenus d'une collectivité ecclésiastique.

...le dit Jehan de Lavau fut prins prisonnier et mené ès prisons de Chastellerault, de par le dit evesque de Poictiers, comme seigneur temporel et hault justicier du dit lieu de Thuré. (Doc. Poitou G., t.8, 1446, 238)

II. -Substantif masculin. [Au sing. à valeur coll.] Les biens matériels (d'une communauté religieuse), les revenus d'un bénéfice ecclésiastique.

...et eussent promis chascun de eulz pour tant comme il li touchoit, c'est assavoir ledit escuier seur l'obligacion de tous ses biens meubles et nommeubles, et ledit curé sus l'obligacion de tout son temporel, les quieux il sousmettoient quant a ce a la jurisdicion de nostre dit predecesseur et de ses successeurs prevoz de Paris, a tenir fermement le dit acort sanz jamais venir encontre. (Chartes Abb. St-Magl. T.F., t.3, 1330, 26)

...les trieves qui piechà ont esté prises et prolongiés entre l'archevesque de Reins et moy, (...) je veuille proroguer jusques au jour de Noel prochain venant, consideré que le temporel dudit archevesque vous tenés en vostre main (Trés. Reth. S.L., t.2, 1373, 200)

Et lors le dit bailli mist le temporel du dit abbé, comme de rebelle, en nostre main. (Doc. Poitou G., t.4, 1376, 394)

...un de nos sergens à Orléans s'est (...) transportez en ladicte abbaie et a mis tout le temporel desdiz religieux en nostre main (Ch. VI, D., t.2, 1388, 15)

Il sera dit que le college jouira de son temporel par maniere de recreance. (Baye, I, 1400-1410, 80)

Ce jour, a esté levée la main du Roy du temporel du prioré de Foissy lez Troies au profit de frere Giles Lembert (Baye, II, 1411-1417, 175)

...par lesquelles [lettres] on disoit le Roy avoir voulu delivrer audit cardinal le temporel de l'eveschié de Chartres (Fauq., I, 1417-1420, 271)

Il sera dit que la Court a mis et met le temporel de ladicte eglise appartenant au gouvernement dudit abbé en la main du Roy (Fauq., II, 1421-1430, 112)

Et à l'occasion de ce fist prendre et mettre en sa main tout le temporel de l'eglise de Rouan (Cagny, Chron. M., 1436, 8)

Aucuns veulent dire que le temporel est venu des roys et l'ont donné aux esglises, et quant ilz font aucune chose contre le plaisir du roy que le roy le peut remettre en sa main, comme par une maniere de ingratitude. (Juv. Urs., Nescio, 1445, 492)

Ilz prennent le temporel des gens d'esglise se ilz ne payent, voire les meubles. (Juv. Urs., Nescio, 1445, 504)

...et que, pour ce faire, lesdiz trois estas promisdrent de secourir et aider au roy, c'est assavoir les gens d'eglise de prieres et oroisons et biens de leur temporel, et les nobles et populaire de corps et de biens, et jusques à la mort inclusivement. (Roye, Chron. scand., I, 1460-1483, 200)

...chescun voloit aller devant pour y establir [dans l'évêché de Tournay] prelat a sa guise, le roy pour ce que la ville estoit a ly et de son royamme et lui en appertient la nomination, et le duc pour ce que tout le temporel dudit evesque gist desoubz ly et en ses pays. (Chastell., Chron. IV, D., c.1461-1472, 215)

Au procureur de Dinosio, pour son veaige à Sillans, mettre le temporel du prieur en la main du roy, par sentence du juge des crims, et pareillement de la commanderie de Poumesson (Comptes roi René A., t.2, 1477, 461)

...Philippe de Cossoit, procureur ou Chastellet de Paris, et commis par la Court de Parlement au gouvernement du temporel de ladicte eglise (Comptes Paris M., t.2, 1488-1489, 465)

Et à ceste cause nous vous mandons et commandons que luy bailliez la delivrance du temporel dudict evesché, ainsi que de tout temps a esté fait à tous ceux qui par nous et nos predecesseurs ont esté receus audict serment (Lettres Ch. VIII, P., t.3, 1492, 320)

Au pluriel.

...en les contraignant à ce et touz autres qui pour ce seront à contraindre par la prise et exploitation de leurs temporelz, des dites citations, monitions et autres lettres de Court d'Eglise et par toutes autres voies et manieres deues et raisonnables (Hist. dr. munic. E., t.1, 1440, 101)