SECULIER

adjectif

[T-L : seculer ; GDC : seculer ; FEW (XI, 45a) : saeculum ; TLF (XV, 250b) : séculier]

A. -[Correspond à siecle au sens de 'période de cent ans']

Par tous les siecles et ages seculiers. Dans les siècles des siècles, éternellement.

Comme dist l'Apostle : 'Au roy des siecles immortel, invisible, seul et sans aultre Dieu, honneur soit et glore par tous les siecles et eages seculeres et transitores.' (Somme abr., c.1477-1481, 131)

Jeux seculiers. Voir jeu

B. -[Correspond à siecle au sens de 'monde laïque']

1.Ecclésiastique, mais pas monastique.

a)[D'un ecclésiastique ; p. oppos. à regulier (ou religieux au sens de regulier)] Qui n'a pas fait de voeux monastiques et vit dans le siècle.

Pour son Dieu servir et congnoistre Pourra prandre l'estat du cloistre, Estre chanoine reguler Ou cathedral et seculer (Desch., M.M., c.1385-1403, 350)

...les povres escoliers, estudians, qui estoient par lui soustenus, tant de freres mendians comme d'autres, religieux et seculiers (Chr. Piz., Paix W., 1412-1413, 155)

Ce jour, ledit chancelier (...) commist maistre Phelippe de Rully, tresorier de la Sainte-Chappelle (...) à recevoir les seremens pareilz que dit est des gens d'eglise de Paris, seculiers et reguliers. (Fauq., II, 1421-1430, 320)

...et tous aultres gens d'église, tant séculiers que religieux ou réguliers (Chart. J., Chron. Ch. VII, V., t.2, c.1437-1464, 168)

Après yras faire moleste Aux presbtres seculiers aussi (Myst. st Adr. P., c.1450-1485, 4)

Se un prestre seculier ou autre religieux congnoist charnelement femme mariee, il n'aura jamais du pechié pardon, se premierement ne lui est pardonné du mari d'elle. (Ev. Quen. I, c.1466-1474, 101)

...nostre Saint Père a exortez lesdiz religieux supplians, par certain brief, qu'ils voulsissent estre contens, pour le bien et decoracion de leur eglise, qui a esté par cy devant de l'ordre de Saint Benoist, qu'elle feust commuée en eglise seculière, pour en icelle estre doresenavant establiz et ordonnez chanoines, clercs et autres ministres seculiers pour le service de ladicte eglise (Doc. Poitou G., t.11, 1468, 119)

[P. oppos. à de cloistre]

Les autres savoient congnoistre, Fust seculers ou fust de cloistre, Li quels pensoit a fausseté, Et li quels voloit loyauté (Mach., D. Lyon, 1342, 215)

Emploi substantival.

Car Envie si n'est pas seule, Eins vomist souvent par sa gueule Contrueves, baras, jengleries, Meffais, traïsons, tricheries, Murtres, detractions, haïnes, Ou tant a de maises racines Qu'onques nul n'en dit bon exemple, N'en siecle n'a ordre ne temple Ne seculer qu'elle ne triche. Partout se met ; partout se fiche ; Partout vuet estre ; partout rampe ; Elle n'a pas eu pié la crampe, Eins est viguereuse et aperte, Nom pas a pourfit, mais a perte. (Mach., D. Lyon, 1342, 225)

S'empereour, roy ou soudant, Prince, duch, conte ou aultre gent, Soient gentil homme ou marchant, Seculer ou gens de couvent, Avoient cascuns plainnement Otant qu'a ou monde de biens, Se vous ai je bien en convent : Qui n'a se plaisance, il n'a riens. (Froiss., Ball. B., c.1362-1377, 8)

Remarque : DUPIN, Mélanc. L., c.1324-1340, v.393.

b)Benefice seculier. Bénéfice appartenant à une personne vivant dans le siècle.

...et [le roi] ordonnera dès maintenant que aux eglises et benefices electifz, seculiers ou reguliers d'iceulz, soit pourveu par elections ou postulacions canoniquement faictes (Fauq., I, 1417-1420, 109)

Dignité seculiere. Dignité ecclésiastique appartenant à une personne vivant dans le siècle.

Et pour ce que nous pallons de benefices, considerons conment le Pape, par sez reservacions, si destruit le service divin. Car il a reservé a sa provision et ordenance toutes dignités auquelles aucun si est pris par election, soient eveschiés, ou aultres dignités secullieres, ou abbaïes, ou priorés, et deboutés ceulx qui sont de la province ou de la dyocese et du colliege, lezquelx cognoisent plus plainement lez meurs, la science et lez vertus de ceulx qui devent estre esleüs. (Songe verg. S., t.1, 1378, 97)

[P. oppos. à l'église monastique] Eglise seculiere

...nostre Saint Père a exortez lesdiz religieux supplians, par certain brief, qu'ils voulsissent estre contens, pour le bien et decoracion de leur eglise, qui a esté par cy devant de l'ordre de Saint Benoist, qu'elle feust commuée en eglise seculière (Doc. Poitou G., t.11, 1465-1474, 119)

2.Laïque.

a)[D'une pers. ; p. oppos. à religieux ou ecclesiastique]

...pardevant touz juges quiex qu'il soient, tant ecclesiastres comme seculiers (Chartes Abb. St-Magl. T.F., t.3, 1348, 156)

Avec les choses dessus dittes convient obeïr aux princes et aux juges tant ecclesiastiques comme seculiers (Daudin, De la erudition H., c.1360-1380, 234)

Or est certain que le prince seculier ne puet seul avoir celle seignorie, car il n'est pas prenable de la seignorie espirituelle (Songe verg. S., t.1, 1378, 71)

...il est expedient de presenter a nos crestiens aujourduy, et especialment a seculers et laie gent, aucun doulz electuaire nouvel et delicatif par maniere de medicine (Mézières, Sustance H., 1396, 52)

...aumosnes charitables, piteables et neccesseres à toutes manieres de pouvres gens, religieux et seculiers (Comptes Etat bourg. M.F., t.2, 1420, 814)

Hellas, on le peut bien dire de voz princes, tant ecclesiasticques que seculiers (Juv. Urs., Aud. celi, 1435, 252)

Et pour les choses dessusdictes et chascun d'ycelles tenir, entretenir et accomplir, nous submettons à la cohercion, conclusion et constrainte, de nostredit saint père, dudit saint concille, et des dessusdiz cardinaulx, légalz et aultres ambassadeurs du concille, et à tous cours, tant d'église comme séculiers. (Doc. 1435. In : MONSTRELET, Chron. D.-A., t.5, c.1444-1453, 182)

...les trois aultres [princes] sont seculiers, c'est assavoir le marquis de Brandebourg, le duc de Saxoyne et le conte Palentin. (La Sale, Salade, c.1442-1444, 226)

...et pluiseurs autres seigneurs de divers nacions, tant ecclésiastiques comme séculiers. (Monstrelet, Chron. D.-A., t.5, c.1444-1453, 83)

En la premiere mettray aucuns des hommes clers, grans et excellans personnages, tant en Viel que Nouvel Testament, ecclesiastiques et seculiers, la pluspart desquelx ont pratiqué, usé et experimenté la science de astrologie (Simon De Phares, Astrol., c.1494-1498, f° 8 v°)

Assemblee seculiere. Assemblée constituée de laïcs.

DOYEN. En bruyt et en magnifficence Vous tiengne la Vierge Marie ! OFFICIAL. Bien venu soit la seigneurie Et l'assemblee seculiere ! (La Vigne, S.M., 1496, 399)

Emploi substantival. [P. oppos. à clerc, religieux ou ecclesiastique]

Touteffoiz pour certaines causes pevent ilz les clers estre prins et lier par les seculiers, comme s'ilz estoient scismatiques en faisant tourbes et sedicions contre toute l'Eglese (Cout. instit. Anjou Maine B.-B., t.4, 1426, 44)

...ouquel [conseil] estoient aucunes personnes de chascun estat et college de ceste bonne ville de Paris, tant gens d'eglise comme seculiers, officiers du Roy et autres (Fauq., III, 1431-1435, 142)

Et les huissiers estoient devant, qui faisoient faire place ausdis presidens et conseilliers, pour la multitude de gens, tant d'eglise comme seculiers, qui acompaignoient le corps de ladicte royne, atout competent luminaire. (Fauq., III, 1431-1435, 167)

Remarque : Forme seculeur

Encores est assavoir que quant aus noms des maladies et des passions, des medicines et lectuaires, et de pluseurs noms obscurs et figurés en cestui livre souventefois recitees, les dames et seculeurs qui ne sont pas fondés en clergie de prime face ne les entenderont pas bien par aventure (Mézières, Vertu sacr. mar. W., c.1384-1389, 48)

b)[D'une chose] Qui concerne le siècle (et non la vie religieuse et spirituelle).

Toute foiz par grant diligence Au regne Dieu premierement Entendi et segondement A ses besoignes seculieres (Tomb. Chartr. Trois contes S., c.1337-1339, 103)

Encor je qui pleur et larmoie, N'a pas long tamps que je dormoie Dedens ma cambre tout a pes, Car je cuidoie avoir le fes Ecclesiaste et seculer Mis en bonnes mains, pour rieuler Mes signouries et ma terre (Froiss., Pris. am. F., 1372-1373, 118)

Nul homme qui est ordené au service de Dieu ne se doit impliquer es negoces seculieres (Oresme, Pol. Arist. M., c.1372-1374, 196)

Et, mon tres redoubté Seigneur, en la presance de Vostre Majesté, ceste doubte a esté aultre foiz disputee, par maniere d'esbatement et de collacion, c'est assavoir se la puissance espirituele et la puissance seculiere sont divisees et toutes separees en divers suppos, ou se lez deux puissances sont sanz estre divisees ne aucunement separees, et en un maime suppot en la persone du Saint Pere de Ronme. (Songe verg. S., t.1, 1378, 4)

Car ja prodoms, bons clers ne sains N'ara qui vaille .II. messains En l'eglise de benefices, Ne aussi seculers offices (Desch., M.M., c.1385-1403, 163)

Et certes c'est chose tresclere Que ja la cure seculere Et le courraige esperitel Ne tendront ensemble un hostel (Desch., M.M., c.1385-1403, 233)

...ilz parloient bon françois, et estoient vestuz en habit seculier. (Reg. crim. Chât., I, 1389-1392, 432)

Le monde seculier. Le siècle.

Laquel chose advient po souvent, Car, tout aussi comme le vent Demaine la nave en la mer Par fortune et la fait tumer, Fendre ou ferir a une roche, Ou qu'elle a une isle s'acroche, Ou se trebuche par les flos, Pour ce que les ais sont desclos Tant que l'eaue a dedanz entrée Et qu'elle ne puet estre ancrée, Que li mas est frains et fendus Et li voiles qui fut tendus Est desroups, ne ly marinier N'ont salut fors que de noier, Et couvient que la nef affonde, Aussi li homme de ce monde Seculer, qui en telz flos sont Et en tel mer, plus de maulx ont, Et sont en peril plus doubtable Que ceuls qui ont moustier et table, C'est a dire la vie active Et aussi la contemplative : L'active pran par le mangier, La contemplant par le moustier. (Desch., M.M., c.1385-1403, 247)

[D'une institution] Laïque.

...ès dictes derrenieres assises, d'office et du consentement du dit procureur, fu commis et mandé à mestre André Belea, sage en droit, et à Jehan des Forges, advocat en cour seculiere, et à chascun d'eulx pour le tout, que il se informassent savoir si les diz freres murtrirent ou occirent le dit Alaudon (Doc. Poitou G., t.6, 1392, 104)

Le tiers point et doubte et le plus dangereux est le doubte d'envye, qui jamais ne fut bannye de la court des princes, tant ecclésiastiques que terriens et seculliers (Bueil, I, 1461-1466, 48)

Juridiction/justice seculiere. Juridiction, justice laïque, exercée par le roi, par les seigneurs ou par les communes.

...aucuns Papes de Ronme, (...) ont establi que l'autorité et la seignorie de tout le monde, (...) soient Roys ou Impereurs, leur appartient de Droit devin, en tant que nul seigneur temporel ne puet, contre leur volantés ou sanz leur congié, exercer aucune juridiction seculliere (Songe verg. S., t.1, 1378, 95)

...en quelque juridiccion que ce soit, soit d'esglise ou séculière. (Ch. VI, D., t.1, 1382, 31)

...entre la juridicion seculiere et la juridicion de l'eglise (Mézières, Songe vieil pèl. C., t.2, c.1386-1389, 298)

...que la justice séculière donne aux malfaicteurs espace de pénitence (Monstrelet, Chron. D.-A., t.1, c.1425-1440, 307)

Je sauroye voulentiers ou se fonde ceste maniere en bonne raison et justice, que la jurisdiction seculiere puisse ainsi restraindre la jurisdiction ecclesiastique (Juv. Urs., Nescio, 1445, 500)

Et en ce mesmes temps fut pris par justice a Lille et mené a Tournay ung herese (...). Toutevoies (...), il fut jugié au feu et delivré a la justice seculiere. Fut ramené a Lille et droit la brulé en cendres et en poudre (Chastell., Chron. IV, D., c.1461-1472, 227)

Remarque : Cf. F. Lot, R. Fawtier, Hist. des instit. fr. au Moy. Âge, t.3, 1962, 257.

Loi seculiere

...a l'aide des lois seculieres (Foul., Policrat. B., VIII, 1372, 93)

Prison seculiere. Prison laïque.

...pour aumosner et distribuer en la maniere qui s'ensuit : c'est assavoir, à l'Ostel Dieu de Paris, le pain de demy muy, aux prisonniers de Paris, tant des prisons ecclesiastiques que seculieres, le pain d'autre demy muy (Fauq., I, 1417-1420, 378)

Bras seculier. Voir bras

SAINCT MARTIN. De plus porter je ne me vente Jamais habit de chevalier ; Je renonce au bras seculier Pour garder l'ecclesïastique (La Vigne, S.M., 1496, 262)

Remarque : MOLINET, Faictz Dictz D., 1467-1506, 552.

3.[D'une chose ; p. oppos. à spirituel] Relatif au monde terrestre, au monde d'ici-bas.

Et vueilles de ton cuer desmettre Le mariage temporel, Et pense a l'espirituel, En exuent de toy la cure De ceste seculiere ordure (Desch., M.M., c.1385-1403, 255)

Prince de toute matiere Sceculiere, Parfonde benignité, Souleil qui le monde esclere, Clarté clere, Ayes des crestïens pitié. (Myst. st Sébast. M., c.1450-1500, 92)

Espee seculiere. Voir espee