SURVENIR

verbe

[T-L : sorvenir ; GD : sourvenir1, sourevenir, survenir ; GDC : sourvenir ; DECT : sorvenir ; FEW (XIV, 245a) : venire ; TLF (XV, 1198b) : survenir]

I. -Emploi intransitif.

A. -Venir, arriver sur.

1.Survenir à qqn

[D'une pers.] Venir sur qqn, venir tout près de qqn.

GABRÏEL. Le Sainct Esperit pur et munde, En tout cecy, te surviendra, Car telle grace en luy redonde Que sur toutes te obumbrera, Par quoy, ce qui de toy naistra De ton sainct ventre precïeux Sans mesprandre, se nommera Le vray filz de Dieu vertueux [P. réf. à Luc 1, 35 : Spiritus sanctus superveniet in te (L'Esprit-Saint viendra sur toi)] (Myst. Pass. Troyes B., a.1482, 156)

Il [Jésus] n'a gaires fait demouree Depuis qu'il nous est survenu : A portes closes est venu Et a portes closes party. (Myst. Pass. Troyes B., a.1482, 950)

[D'une chose, d'un fait] Atteindre, affecter qqn.

...souventes fois, ès compaignies où il aloit, il sentoit et enduroit moult d'angoisses, de maladies et espointures qui lui survenoient. (Reg. crim. Chât., II, 1389-1392, 330)

Ce jour, n'a peu pronuncer les arrests messire J. de Poupaincourt, premier president, pour ce que ceste nuit lui est survenue maladie telle que n'a peu venir à la Court. (Baye, I, 1400-1410, 48)

...pour les grans charges et affaires qui estoient survenues au Roy, on avoit cessé par aucun temps de paier de leurs gaiges les presidens et conseilliers de Parlement (Fauq., I, 1417-1420, 356)

...pour aucuns affaires qui sourvindrent a monseigneur, il monta a cheval et print de madame congé (C.n.n., c.1456-1467, 43)

Nous fussions plus toust revenuz, Mais nous avons eu a faire D'aucuns faiz qui sont survenuz A nostre roy plain de bonn'aire. (Myst. siège Orléans H., c.1480-1500, 114)

2.Survenir sur qqn.

[D'un ennemi] Attaquer soudainement.

Mes ilz sont sur nous survenuz Qu'ilz estoient bien vingt contre ung (Myst. siège Orléans H., c.1480-1500, 328)

3.infinitif substantivé. Rencontre, choc.

...celle se tire Vers lui, quant elle voit venir, Et si grant coup au seurvenir Se donnent que lances peçoient (Chr. Piz., M.F., III, 1400-1403, 146)

B. -Venir, arriver comme de surcroît ; venir, arriver brusquement ; venir, arriver inopinément.

Remarque : Très souvent ces nuances sont à peu près indiscernables. On a donc préféré regrouper les exemples sous une seule rubrique.

1.[D'une pers.]

...et, yceulz ainsi assemblez en la presence de mondit seigneur le Dauphin, seurvindrent les recteur et deputés de l'Université de Paris pour faire certaines requestes (Fauq., I, 1417-1420, 60)

...mais furent reculez par les gens d'armes du duc de Bourgongne et dez gens armés de la ville de Paris, qui survindrent en grant nombre et lez firent retrayre dedens ladicte Bastide (Fauq., I, 1417-1420, 131)

Or vous en allez, dit elle, tant qu'il ayt achevé ce qu'il avoit encommencé quand vous sourvenistes (C.n.n., c.1456-1467, 291)

L'EMPEREUR. En ce faisant n'aquerrez deshonneur, Ains soyez seur qu'aurez adés honneur ; Vous et voz gens, soyez le bien venu. LE PERE. Par devers vous suis present survenu Pour l'ordonnance qu'avez fait publier Qui, en substance, narre le contenu Qu'il me convient les armes oublier. (La Vigne, S.M., 1496, 171)

Survenir qq. part

L'EMPEREUR. (...) Et se tu voiz qu'il y surviengne Nul qui pour crestien se tiengne, Met tout a fin. (Mir. st Val., c.1367, 164)

...il le abatirent à terre de plusieurs cops de bastons qu'il lui donnerent, sanz autre chose lui faire, pour la multitude des gens qui illec survindrent (Reg. crim. Chât., I, 1389-1392, 101)

...assez tost après, survint oudit hostel Perrin Des Guerres, sergent à verge du Chastellet, auquel elle se complaigny de ce que dit est (Reg. crim. Chât., II, 1389-1392, 498)

Et ceulx leur comptent toute l'adventure, et comment le roy Guion d'Armenie et le maistre de Rodes estoient desconfiz, si ne feust un chevalier tous forcenez qui y survint a tout un pou de gent et crie : Lusignen ! et n'est nul qui a lui se puist tenir. (Arras, c.1392-1393, 220)

...ainsi qu'il eut beu a sa mere, la chambriere, qui servoit, survint a la table. (C.n.n., c.1456-1467, 370)

Et, après qu'ilz furent tous ainsi tuez et murdris, y survint et se y trouva ledit de Bourgongne, qui, tout à cheval, entra dedens ladicte eglise, en laquelle y avoit bien demy plié de hault du sang espandu des povres creatures ilec estans, qui à ceste heure estoient tout nuz gisans ilec mors. (Roye, Chron. scand., I, 1460-1483, 270)

Survenir + inf.

...comme ilz buvoient en une taverne en la ville d'Estrechy, tous à un escot, en l'ostel du prevost d'icelle ville, survindrent asseoir près d'iceulx, pour boire, deux compaignons à pié, marchans (Reg. crim. Chât., I, 1389-1392, 320)

2.[D'une chose]

Et delectacion parfait operacion non pas comme un habit parfait son subject en quoy il est, mais comme une fin seürevenante en la maniere que beauté est perfeccion de joenesce. (Oresme, E.A., c.1370, 508)

Une autre maniere est que telz corps fussent en un corps supercelestiel ou ciel aussi comme nous sommes maintenant en le aer, et que ce ciel cedast aus corps glorifiéz sourvenans aussi comme le aer nous cede, fors que ce seroit sanz quelcunque alteracion, excepté, par aventure, rarefacion et condempsacion tres petite et tres subtille. (Oresme, C.M., c.1377, 724)

Depuis laquelle fin [du parlement] jusques au commencement les presidens ont acoustumé de pourveoir et entendre aux cas qui surviennent (Fauq., II, 1421-1430, 366)

Alors ledit seigneur, soy voyant requis par la passion de Jhesucrist et la pitié du ladre, pour la nuit froide qui sourvenoit, de tresbon cuer le fist. (La Sale, Salade, c.1442-1444, 167)

Vous festes bien voustre devoir, Et vraymant j'ey bom vouloir Que noustre loy soit maintenue ; Et celle loy qu'est survenue De ces crestïens, Qui sont gens qui ne vallent riens, Que l'on leur fasse renÿer Ces cruxifit que adorer Vullient (Myst. st Sébast. M., c.1450-1500, 73)

Et a tant laisseray cy a parler de ces honneurs et des amours de Madame et de Saintré et des choses qui entre deux y survindrent entour l'espace de quinze mois (La Sale, J.S., 1456, 180)

Ilz (...) luy dirent qu'il se feist prest au premier bon vent qui survendroit. (C.n.n., c.1456-1467, 560)

...en lui offrant des choses survenues tout à son bon plaisir. (La Sale, Reconf. De Fresne H., 1457, 8)

LA MERE SAINCT MARTIN. (...) J'en ay au cueur des douleurs plus de vingt ; Je ne sçay pas commant il m'en prandra, Car oncques joye depuis ne me survint ; Conseillez moy que faire me fauldra. (La Vigne, S.M., 1496, 178)

Et ainsi qu'ilz entrerent en laditte ville, survint une neige si espesse qu'on ne congnoissoit pas l'un l'autre. (Le Clerc, Interp. Roye, c.1502, 170)

Mons. le grant maistre, faictes moy tousjours savoir des nouvellez qui seurviendront. (Le Clerc, Interp. Roye, c.1502, 211)

Arriver, en venir à se trouver qq. part.

...puis après est l'empire survenue entre les mains des Françoys, lesquelz ont jouy longuement de ladicte empire. (La Sale, Salade, c.1442-1444, 225)

[D'un fait] Arriver, se produire.

...Estoile clere qui ravoie Les cuers desvoiez a droit port, Contredoleur, santé, deport, Retour de mort et medecine, Fleur, estoc et droite racine, Dont joie et toute douceur vient Ou vo ramembrance seurvient, Se tuit cil que Dieus a fait estre Et cil qui sont encor a nestre Estoient chascun plus soutil, Nom pas une fois, mais cent mil, (...) S'abaieroient il leur ombre. (Mach., R. Fort., c.1341, 84)

Meillieur chose est quant seurvient la fievre en spasme que quant le spasme seurvient en la fievre. (Saint-gille, A.Y., 1362-1365, 61)

En ptisique, dyarre seurvenant est cause de mort. (Saint-gille, A.Y., 1362-1365, 81)

Et ainsi vit, se il ne fait aucune fois autrement pour aucune autre chose qui peut seürvenir. (Oresme, E.A., c.1370, 267)

...car la vie de luy est delitable de soy et ne a mestier de delectacion seürvenant. (Oresme, E.A., c.1370, 485)

Pour ce que debas estoit souvant survenu en la Court sur la maniere de clorre les procès par escript ou bailliage de Tournay (Baye, I, 1400-1410, 252)

...pour aucuns menus differens qui survindrent du costé desdiz Flamens (Roye, Chron. scand., II, 1460-1483, 124)

Emploi impersonnel.

Et tout einsi com je cuidoie Laissier le penser ou j'estoie, Il me sourvint une pensée Plus diverse, plus effreée, Plus enuieuse la moitie, Et de plus grant merencolie. (Mach., J. R. Nav., 1349, 142)

Quant aucun assourdit en fievre, quant il sourvient flux de sang des narines ou du ventre, la maladie est garie. (Saint-gille, A.Y., 1362-1365, 77)

Mais se il survient riens de nouvel... (Ch. VI, D., t.1, 1405, 271)

...tantdiz que madame achevoit ses heures avec son amy, monseigneur son mary, ne sçay de quoy il lui sourvint, prya Jehannette, qui luy faisoit compaignie, d'amours a bon escient. (C.n.n., c.1456-1467, 271)

...Poupes, rodaiges, bauprez et escoustiles, Voilles de sobre pour courre aux advantaiges Des tripotaiges, s'il survient nulz partaiges D'aucuns ostages d'entreprises gentilles, Proyes fertilles d'invencions subtilles, Drogues utiles pour fournir aux castilles D'orbes bastilles quant la mer est carmee Et qu'on y fait main a main quelque armee. (La Vigne, V.N., p.1495, 134)

Faire en sorte que qqc. arrive.

Le bon et sage seigneur (...) print congé de la bonne damoiselle, et doulcement l'amonnesta qu'il luy sourvint desoremais de chastier sa nature par abstinence (C.n.n., c.1456-1467, 579)

C. -Survenir à qqn. / à qqc.

1.[D'une pers.] Survenir à qqn. Venir en aide à qqn.

Mais pansés es choses celestes, De bon cueur, ou il n'a moleste, Et sy prenez em pascience Les grief tourmens et les meschances Qu'endurer il vous conviendra ; Et Jhesucrist vous surviendra, Se vous l'amés de cueur parfond. (Myst. st Adr. P., c.1450-1485, 108)

Ou temps de Adrien furent famine, pestilences et tremblemens de terre, toutes lesquelles choses il releva en tant qu'il peust. Il survint et ayda a moult de citez pour ces trois choses (...). Cestui empereur Adrien fut moult aymé de ses chevaliers, car il il fut en eulx tresliberal : ceulx qu'il vit estre povres et innocens enrichit de sa propre voulenté. (Mamerot, Romuleon D., 1466, 370)

...que à ce grant besoing et nécessité ne voulsissent faillir, ains aider et secourir aud. s^r (...), et lequel en feroit faire toute restitucion sans nulle faute, comme dit est, dedans le terme dessus dit, et le recognoistroit au temps advenir, tant envers lad. ville comme envers ceulx qui, à ce grant besoing, lui surviendroient. (Doc. 1473. In : J. Vaesen, Bibl. Éc. Chartes 43, 1882, 462)

Remarque : FEW XIV, 245a (1493).

Participe passé.

...jamais ne cuydoye Que dames feissent tellement, Pour sy pou de mal que j'avoye, M'abandonner totallement ; C'est sourvenu petitement ['c'est me venir bien peu en aide'] Et montré son courage fade, Non pas aymé loyaument : On m'ayme mieulx sain que malade. (Au grey d'amours F.-H., c.1400-1500, 280)

Survenir à l'aide de qqn

...ilz ne trouveroient homme nul oudit pays qui les combatist, s'il ne survenoit à l'ayde d'icellui pays, par le roy d'Engleterre ou le duc de Lenclastre, secours et ayde d'autres gens. (Reg. crim. Chât., II, 1389-1392, 197)

2.Survenir à qqc. Intervenir au sujet de qqc..

...ilz se vouloient entretuer, si les sergens n'y fussent survenuz, qui les menerent tous deux refroider en belle prison. (C.n.n., c.1456-1467, 524)

II. -Participe présent en emploi substantival. Celui qui survient.

...et pour ce que icelle femme n'osoit yssir hors de sa chambre, elle dist à iceulx survenans qui estoient à l'uis par dehors : Rompez l'uis hardiment. (Reg. crim. Chât., I, 1389-1392, 502)

Immigrant.

Mais nous ne diron pas que pour ceste raison il s'ensuie aucun inconvenient car les sers ne les franchis de nouvel ne sunt pas des devant diz, ce est assavoir des sourvenus ne des peregreins ou trespassans. (Oresme, Pol. Arist. M., c.1372-1374, 124)

III. -Participe passé en emploi substantival. Le survenu. Celui qui est survenu.

Tant actendit, tant regarda sa dame avecques le survenu, que bon mary vint a l'ostel [Le premier amant a été caché par la dame quand est arrivé le second] (C.n.n., c.1456-1467, 243)

Mes je me doubte, helas, qu'a celle heure (...), il [le duc de Bourgogne] esperoit (...) mieulx se pooir chevir de la personne du daulphin que ne fit ; par quoy luy, qui ala a bonne intention au commencement et ne la pooit mener a chief comme il eust volu certes, quand le survenu a volu tenir les termes de son viel ploy et non soy amender, ly, le receuillant, en a receu les males graces et les menasces de beaucop de dangiers (Chastell., Chron. IV, D., c.1461-1472, 93)